بسم الله الرحمن الرحيم
السلام علـــــــيكم ورحمة الله وبركــــــاته
............................................................ ......................
ملاحظه قبل البدء البارت عباره عن بارت ونص اتمنى ينال اعجابكم ويرضي عتبكم
البـــــــ ـ25ــــــــــــــارت
سمعوا الاثنين طرق على الباب والتفتوا له واقف وبعيونه كلام
حدد نظرته على جواهر المتربعه وتوزع اغراضها المبعثره
وتجاهل نظرة منيره المحتقره الي تمد رجولها وتناظر له بطرف عينها
قرب من جواهر وجلس قدامها نصف جلسه
..خير عبدالرحمن تبي شي !
دنا منها كأنه مايبي احد يسمع حديثهم
.. تعرفين رقم العنود او تعرفين مكان بيتها؟
عقدت نظرتها بأندهاش من طلبه الغريب والمفاجئ
..لا "ليش ؟
تنهد وشد جسمه والقى نظره على منيره الي تبعث له نظرة سخريه
.. من طلعت بعد الي سواه فيها ابوي ماندري عنها ومانقدر نسأل منيره اذا كانت تشوفها بالجامعه ولا لا
هزت راسها بضيقه وبقلة حيله
..وش تبينا نسوي مابيدينا حيله
.. بس انا لازام اروح لها واشوفها
تحكمت بصوتها بصعوبه وهي تهمس له بتحذير
..لا ياعبد الرحمن انتبه لاتروح لها والله لو يدري ابوي يسوي لنا مصيبه وماتدري ووش يسوي فيها "على الاقل لاتخرب عليها حياتها
..وش عندكم تتساسرون وش السر الي ماتبوني اسمعه !
كانت تعدل جلستها وترفع شعرها بطريقه استفزازيه
طبت جواهر كف عبد الرحمن حتى تهديه
..ماعندنا شي "بس كان يبيني اشرح له درس مافهمه
وقفت وتخصرت وبلغة تكذيب
..اي "بس اشرحي له زين لايجيب لنا درجات تفشل
كان راح يوقف لو ماسحبت يده جواهر قبل يوقف
..عبدالرحمن اطلع انت الحين وانا جايتك
نفض يدها وقام بسرعه
..انا طالع من البيت كله وماني راجع الا اذا ريحت بالي
نادته جواهر وحاولت تلحقه لكن كان ثاير ومايسمع لنداءها
.......................................
بمنتصف الطريق وقفت السياره وسفطها على جنب حاول فيها وحاول لكن لافائده لف حولها يفكر الوقت متأخر وحتى ورش السيارات مسكره
اول شخص خطر على باله كان سعود اتصل فيه ومن بعد اول رنه انفتح الخط
..هلا ابو نسب
ابتسم بخجل منه كيف يكلفه بمشوار
.. هلا فيك " سعود اذا كنت فاضي بغيتك بخدمه
نهض شوي مستغرب وكان توقعه اكثر من الواقع
.. انا فاضي "امرني
..مايأمر عليك عدو "السياره وقفت على وماعرفت اشغلها والورش الحين مقفله ابيك تجي تشوفها " بما ان عندك خبره بالسيارات
بدون تردد انتخى واخذ الوصف منه
..ابشر انا قريب منك دقايق وانا عندك
من سكر الجوال سفط على جنب ووقف
..دانه انزلي وصيري ورا
كان مضمون المكالمه معروف والمتصل معروف "نزلت وهي تبلع ريقها وضاقت قبل حتى يركب معهم
جاورت نجد في المرتبه الخلفيه وهمست
..ياويلي شكله ناوي يركبه معنا
كانت نجد مبسوطه بخوفها منه وانتفاضها الواضح
..اكيد يركبه معنا هذا صار نسيبه "احمدي ربك انه مانزلنا وركبنا تاكسي ولا رجعنا مشي وخلى السياره له
ضربت خدها من ورا النقاب بهلع حقيقي في الوقت الي كنت نجد تمزح معها
..ياليته يركبنا بتاكسي بس مااركب انا وياه بسياره وحده
..اوووف لهاالدرجه تكرهينه
سحبت طرف طرحتها حتى غطت عيونها
.. وخاف منه انا اذا شفته تصيبني ام الركب
ضحكت نجد الي ماكان تدري عن موقفهم بصوت مسموع دعى سعود انه يلتفت
..وش عندك تضحكين ؟
.. لا بس دانه قالت نكته ضحكتني
توعدهم بلهجه حازمه وصارمه
..زين لايعجبك الوضع وتقعدين تنكتين وتطلعين ضحكتك الساحره يمكن الرجال يركب معنا
غرزت بيدها عضدها وخلتها تتحرك بتملل
..قال يمكن "يارب يصرفه ويفكنا منه
.............................
.. لمتى وانتي زعلانه ؟
بملل حقيقي وعدم رغبه لااي نقاش
..انا ماني زعلانه لان انت مايفيد معك أي شي
ثنى رجله وحطها على الكنب الي تجلس عليه وراخا رجله الثانيه على الارض ووجها حيث تعطيه جنبها
..انا قلت لك كنت معصب وانتي استفزيتني
ابتسمت على جنب بسخريه وهي تنظر له ولفت
.. خلاص سكر الموضوع مالي خلق اتكلم
قرب اكثر منها وهو مبتسم
..يعني خلاص طاح الحطب
سكتت عنه وتشاغلت بالتلفزيون اعاد عليها الكلام
.. ردي علي
حطت الريموت وطالعته بعيون حيرانه
..وش اقولك "والله تعبت من الزعل الي بدون سبب ومليت من كثر مارضا من اتفه سبب "سعد حياتنا ماتسمى حياه اغلب وقتنا مشاكل
كان يعرف انها محقه لكن طبعه يغلبه يحاول يتفادى اخطاءه لكن الطبغ يغلب التطبع
.. ياحبيبتي هذي الحياه ملحها المشاكل البسيطه
سالت دمعتها على خدها بسرعه وهي تعطيه وجهها
.. كنت اقول لنفسي هالكلام "لين المشاكل تعدت حدها وضيعت طعم أي شي حلو انت تخلق المشاكل من لاشي "ومطلوب مني ارضا وانت ماانت مستعد تغير من طبعك
بطرف اصبعه مسح دمعتها وابتسم لها
..خلاص نغير الموضوع ونغير جو البيت يمكن ترتاح نفسيتك
كتفت يديها وهزت راسها
..عمر تغيير المكان مايضيع الضيقه الضيقه علاجها من داخل والمرتاح المكان مايقيده
اقتنع بكلامها لكن حتى يكسر حدة الزعل ويبداء يدخل لها من هذا المدخل
.. غلطانه انتي لانك زعلانه مني ماتبين وكارهه الطلعه معي
شبكت مقدمة شعرها باصابعها وانفضته لورا بعزم انها تنهي النقاش
.. مانقدر نطلع البنت نايمه
بااسلوبه الي تعودت عليه والي ملته
..عادي ناخذها ونزلها عند امي او امك
برفض قاطع هزت راسها
.. لا " سعد اذا صدق تبي راحتي اتركني على الاقل الحين
................................
08-04-12, 02:02 PM
جديد مواضيع قسم الارشيف
العرض العادي
