لا والله للاسف نفوسه مانزل شئ للان

اي والله للان مانزل البارت
اول ماينزل راح اجيبه هنا

.. وشلون تخليني اروح معك وانتي ناويه تخطبين لولدي وماتقولين لي !


ام طلال فهمت موضوعه مااقدرت تنكر الفرحه تسللت لها " اكثر سالفه ناسيتها زواج طلال لكن ان جدته تفكر شي اسعدها "تركت الحوار لهم وقررت تسمع وتنتظر نتيجة النقاش



.. وانت تزعل اذا تزوج ولدك



فتح اعلى ازاريره وارخا شماغه



..ماهو ولدي "ماهو ولدي "حتى بوظيفته مافرحني ولو ماتكلم سعود مادريت للحين


فرحه ثانيه ضربت قلب ام طلال ماكانت دقيقه مثل زوجها ويكفيهاا ان يفكر بمصلحته ولان وضع ابو طلال مايسمح استمرت صامته


.. عارفك "ويدري انك ماتفرح له انتم كلكم بهالبيت متقصدينه


هز راسه بتوجع هي امه وطلال ولده والامر صعب صعب جدا


..انا ماافرح له يمه "انا اتمنى انه احسن الناس بس الهدايه ماهي بيدينا "الــله ....



ام طلال الي كانت تجاوره وقريبه له لفت بجسمها وقربت يدها من فمه وعيونها تلمع


.. تكفى ياصالح تكفى لاتدعي عليه " قل الله يهديه



استغفر بهمس استدرت عطفه بنظرتها المكسوره وهي تعود لوضع الصمت وكأنها مانطقت من لحظات



..الله يهديه ويصلحه




.................................



لقاها قبل تدخل البيت سحب البنت من يدها وسبقها للداخل
يهرول وهو شايلها ويحركها بقوه ويكلمها كأنها تفهم الي يقوله
شافته نجد ومن ثلاث درجات نطت وهي تصفق بيدها


..اهلين سوسو


وصارت تلف تحاول تمسكها وسعود يلف يهرب فيها عنها


..روحي مناك خليها لي شوي


استمرت تلاحقه وهو يبعد حتى وقفتهم منال الي دخلت من لحظات


..بس انت واياه ترا انا اختكم اذا كنتوا ناسين



وقفت نجد شوي واشاحت بيدها بمعنى الاستخفاف فيها



..سعود الله يخليك عطنياياها



نزلت دانه وقبل تنزل عرفت مضمون الازعاج والدربكه والي مسببها سعود ونجد والكل يبي يسبق على سديم
هزت راسها بسخريه


..الحمدلله والشكر الله يثبت علينا العقل والدين "انا نزلت قلت اذا كان بندر الي مزعجنا بااقطع اذنه "مادريت ان الشيخ سعود والانسه نجد قالبين البيت



كانت تقول كلامها وتمشي لمنال الواقفه تنتظر المعركه تنفض وتسلم عليها



.. لو انك جايبه تؤام كان حليتي الخلاف وريحتينا


ضحكت على كلمة دانه وتطنيش سعود ونجد الي مازالوا يركضون مثل الاطفال


.. هيــــــــــــي ذبحتوا بنتي


اخيرا جلس سعود وضامها بين يديه وحب خدها بقوه ورفعها لنجد الي تلهث



..خلاص خلصت خذيها


تراجعت وهي ترفع يديها بمحاذاة اكتافها


..لا والله عفتها وتبيني اخذها لا حبيبي مالي شغل فيها


بكت البنت من ضجتهم واصواتهم ورد سعود لنجد الامر بصوت اعلى


.. نجد شيلي البنت شوفيها خافت



ضحكت دانه ومنال على هبالهم تقدمت دانه ورفعت البنت وطبت على ظهرها



.. ماعرفنا لكم " نجد انتي ماكنتي تطاردينه عشان تشيلينها !!



تخصرت ورفعت قدم رجلها للامام


.. صحيح " بس هونت انا ماتعودت على الفضله


كانت منال قريبه منها وضربت كتفها وصكت اسنانها بعصبيه مفتعله


..الحين بنتي صارت فضله !



على نفس وضعها استمرت تكلمها


.. اشوفك زعلتي علشان بنتك وانا اختك حتى سلام ماسلمتي علي "صدق حريم


انفجروا يضحكون بنفس واحد عليها "تدراكت منال على ردها



..لاه صرتي اختي وقبل شوي كنت واقفه وماعبرتيني وتبيني اسلم عليك يوم صارت بنتي فضله



مطت شفتها ورفعت كفها بارتخاء بوجه منال




..مالت عليك انتي وبنتتك "اصلا الحسنه الوحيده الي فيها اني خالتها



قصرت دانه الحديث وهي تشيل سديم وتمسك يد منال



..ماعليك منها تعالي نتقهوي امي وابوي بالمجلس الثاني



مشوا الكل للداخل واجلسوا كلهم مع ام سعود وابو سعود




...............................







يوم يشبه الي يسبقه رجعت وبدت تجهز غداها ووصل وتغدا ودخل ينام "مافاتحته بموضوعها امس "تتمنى انه ينسى وماتروح اليوم لهم لكن وهي تتجهز لصلاة المغرب
قام من نومه ومباشره القاها عليها الكلام


..بسرعه تجهزي عشان اوصلك لاهلك " عندي مشوار


انقبضت احشائها نقمت على نفسها ناس مايحبونها وليش تزورهم "تعود وتوبخ نفسها لانهم اهلها والقطيعه شي لاتحبه العنود " تشوف نفسها ضعيفه قدام احتقارها لنفسها على اصرارها على مواصلهم وضعيفه قدام كلمه جارحه منهم


.. ان شاء الله "بس لاتطول علي


شافت الملاحظه بعيونه حس بتغييرها لكن بسرعه صرفت


.. بكره عندي دوام


هز راسه بااقتناع ظاهر ورفض خفي "وفعلا جهزوا بسرعه وانطلقوا




............................





كان يتمنى يتوارى عن نظره ويصرخ "ليــش" لكن محترم علاقته فيه مايشوف انه يقول انا بعد ماابي وخلاه يظن انه هو من طلب منها ولايجرح بكلمه ممكن تؤذيه


..اعذرني ياطلال بس دانه رفضت


ابتسم على جنب وهو يبتلع المراره


..عادي يااخوي عادي " الله يوفقها مع الي تختاره


التمس الضيق الي يداريه طلال والمراوغه بحديثه " يدري ان الرفض شي ممكن يوجع لكن مع الوقت يتبخر مفعوله



.. المشكله ان جدتي معنده الا تزوجكم



هز راسه علامه على الفهم والايجاب


.. لامشكله ولاشي جدتي انا اكلمها


حرك سكان سيارته المطفيه وسافطها بمكان هادي وهو وطلال يجلسون فيها


.. ماابيك تزعل " و الله بيعوضك بالي احسن منها


ماكان يهم طلال الرفض بقدر مايهمه هي كيف تشوفه مايلومها لو تعتبره استغلال لها "طلع من الموضوع وهو يقرر عدم العود


.. ان شاء الله " المهم مشكور على المعروف الي سويته معي


بفرح ضغط ظهر كفه المقبوض



..العفو ماسويت شي حنا اخوان



رفع طلال نظره ببأبتسامه


.. والاهم انا نسايب



ضحك سعود عليه وابعد بيده كاس الماء


..وعساك مرتاح بمكانك ترا الرجال قال اذا مااعجبه مكانه ندور له فرع ثاني


رفع كفه برفض "لانه مايبي من يثقل على سعود ويكفي انه سعى له حتى حصل على وظيفه



.. لااا ماقصرت مرتاح الحمدلله


مضى حديثهم بعد ماتعدا رفض دانه لطلال




.........................



طرقت عليه باب غرفته وسمعت اذنه بالدخول تدور عنده شي يريحها لكن هو مفتقد الراحه مثلها
لاحظت وضعه قبل يلتفت لها " يثني رجل ويمد الثانيه ويسند جسمه على اعلى السرير ابعد ذراعه عن جبهته وابتسم ابتسامه باهته وهي تقبل عليك


.. فاقتدك ومشتاقه لك وقلت اصير احسن منه واسير عليه



ضحك ضحكه ثقيله بسبب ثقل الحمل بقلبه ردت عليها خلود


..تدري صرت اشك انك تعرف تضحك


لم نفسه وتربع وهي جلست قريب منه وهو يمد يده لها ويساعدها تجلس


.. لاتخافين الضحك مااحد ينساه مثل البكا بوقته نتقنه


نظرها ابتعد عنه خشية انها تبكي وهي تدري ان دموعها توجعه" ضربت كفه


.. ياشطرك بالكلام " ماقلت لي وش صار على زواجك



رفع حاجبه بعدم مبالاه



.. كل شي ماشي ننتظر التحليل


بحثت بعيونه عن شي يعبر عن شخص بحالته


.. بس ماكأنك بتتزوج "ماانت فرحان


.. ماينقصني شي يخليني اخاف اني مااتزوج


مطت شفتها بتعجب "لهجته غريبه ومااستخدم هالاسلوب من قبل


..الي بيدخل حياة جديده اكيد يكون لها تأثير عليه


لف لها وهو متربع على منتصف السرير


.. خليك من هالسالفه "وقولي لي ليش جايتني


غمضت عيونها مطولا مثل من غاب لمكان ثاني وكانت في لحظه الحاضر فيها جسدها


.. طفشت وقلت اجي اتسلى معك " مع اني توقعت اني ازعجك بس مريت امجاد ولقيتها نامت



وقف وسحب يدها وحتى وقفت ببطئ


.. خلاص نطلع الحين وتشترين الي تحتاجينه


عرض كان بوقته وبما انه مستعد ماسمحت له يفلت من يدها


..لحظه مشعل !


ثبت ويده بيدها وعيونه تراقب التردد بحديثها


.. وش رايك ناخذ هند معنا



سحب يده منها وتنهد وتكتف مقابلها



.. خلود لاتجيبين سيرتها لانها تضايقني


بلغة وملامح الاستعطاف


.. علشان خاطري صدقني هند ندمانه "كاسره خاطري وهي جالسه لحالها ماكان البيت فيه احد غيرها



ابتسم على جنب بسخريه حقيقيه



.. والله انك مسكينه وعلى نياتك "هند لايمكن تعاتب نفسها "وبعدين ليه ماكسرتي انتي خاطرها وهي تشوفك متضايقه وتجرحك ولا كنك اختها



سكتت تعرف مدى صحة الي قاله مشعل لكن تحاول تقرب بينهم هم اخوانها ولايمكن يهونون عليها شاف ماعندها رد قرب منها ومسك اكتافها



..خلود لاتخربين طلعتنا "وهند لوكانت ندمانه صدق كانت عرفت تعتذر اتركيها تحس بغلطها


هزت راسها مقتنعه ومشت تجهز وتطلع مع اخوها يغيرون جو