كاتب الموضوع :
نوف بنت نايف
المنتدى :
الارشيف
طلعت من المطبخ وعهدها بالصاله فاضيه اشرفت على السفره وعزمت تطلع فوق العاده الي تزاولها كل يوم تقوم يزيد وماجد "حطت يدها على طرف الدربزين لكن استوقفها وشد انتباهها واثار استغرابها
لابسه واغراضها جنبها ونايمه وهي جالسه اسرعت لها وهمست بااسمها
.. نجـــود وش مجلسك لحالك
وضعت على وجهها ابتسامه فيها صدق فرحتها انها شافتها بمكان تشعر انها من اهل البيت وفيها من الخداع ماتزيف فيه لنجود عدم استغرابها
فتحت عيونها وفركت وجهها
..جـالسه لين اروح لشغلي
لاحظت شفايفها البيضا وبشرتها الصفرا وعيونها الذابله
كل هذا والجزء الي تجلس فيه اضاءته ضعيفه
..انتي تعبانه ياامك
لعلها انتظرت تقول انا تعبانه لكن نجود خيبت ظنها
..لا "نمت البارح بدري ومن زمان قمت
لايدل وجهها على الراحه ابدا ليس حالها حال المستريح وجهها كان يعبر عن الاعتلال
.. اذا كنتي تحسين بتعب لاتداومين
شدت جفنها الثقيل ورفعت نظرها
..مافيني شي وبداوم
حتى عنادها مقتول او وسيله تنفي فيها مخاوف موضي
..طيب افطري قبل تطلعين
مالت للورا وغمضت عيونها
..مالي نفس
تركتها وكملت مشوارها لغرفة عيالها وبنفسها الف تساؤل
عادت بعجل تخاف انها تتلاشى من مكانها وتعزل نفسها وتمنعها حتى من لذة استجوابها والخوف عليها
وحتى لاتنفر وتفضل تبتعد عنها صارت تراقبها من بعيد وبحذر
اجتمعوا العيال وبعدهم راكان الي نزل ويعتقد انها يلقاها بوجهه مثل اليومين الماضيه لكن غايبه مايدري الى وين
دور عليها بعيونه حتى لاحظت موضي بحثه لكن كسرت الحرج براءة يزيد
..وين نجود ماراح تداوم اليوم
كان يوجه سؤاله لراكان الي شكره بنفسه على عدم تفكير قبل طرح أي سؤال
.. مدري قمت لقيتها نازله
اشارت موضي براسها لجهتها تعلم وهي محتاره فيها قبل يفكرون ويستفسرون اكثر التفت يزيد وراه للجهه الصامته الي اشاارت لها امه دفع الكرسي ووقف وهو يصر اكتافه وضعيه تعبر عن من يدور شي
ماطول مباشره شافها على الجلسه الي يسسار الدرج والي مالقوا حتى عليها نظره
خطى بااتساع لها وجلس حتى اوقظها من غفوتها اواسترخائها
..نجود فيك شي ؟
ارتعش جسمها وهو يرفع يدها ويفرك بيديه الاثنين ماانتبه لنفسه لكن هي انتبهت سحبت يدها وعدلت جسمها
..لا "ليش ؟
عيونه تايهه بملامح وجهها
..وجهك متغير "متأكده مايوجعك شي
اثناء حوارهم كان الكل يلتف حولهم "حست بشي عمرها ماحسته شدت عيونها الذبلانه
.. مايوجعني شي بس يالله تاخرنا
اقترب اكثر يوم شافها تفرد عباتها واشار بيده علامه للتريث
..لحظه وين رايحه
مالها قدره ولارغبه في نقاشه لكن لازم يكون لتسلطه حده
..وين يعني لشغلي ؟
بلهجة الآمر وبلا تبرير لها
..لاتروحين اليوم موضروري
سوت وكأنها ماتسمعه واستمرت في لبس عبايتها
..الا ضروري ولاتحاول تمنعني لاني رايحه رايحه
شاف فيها تعب يمنعه من ملاسنها واحتراما لامها تنازل
وعطى لماجد امره
..خلاص ماجد انت وصلها
بدت تفقد سيطرتها على نفسها وبدت تزفر وترتجف
..وليش يوصلني " انا بروح مثل كل يوم مع السواق
تقدمت موضي ومسكت اكتافها الاثنين وثبتت جنبها
..نجود يمه المهم انك تروحين ومع اخوك احسن لك
..اتركيها يمه اذا كانت ماتبي تروح مع ماجد تجلس هنا احسن بعد
مشت بعد نقاش ماطال وركبت مع ماجد لحالها مجبره لانه حتى يزيد خلى السواق يوصله وكأنه يتعمد يغيضها حسته وقف على بعد مسافه ماكانت طويله وماحاولت حتى تشوف ليش نزل "رجع بعد لحظات ومعه كيس وكوب كوفي استجابات رغما عنها لريحته وناظرت له
مدهم لها استحت تحط نظرها عليها
.. لمن هذا ؟
هو يشبها بنظراته لكن مظطر يجاوبها
..لك انتي مااكلتي شي
ومن متى كانت تمد يدها وتاكل قدامك ياماجد حتى جلساتها القليله كانت تكتف يديها ولاتشارك حتى بالكلام
.. مااشتهي الحين واذا اشتهيت بلقى اكل
كأنها تنحيه وتمنعه من تصديق اخوته لها لكن ماجد تعلم انه مايرغمها
.. انتي خذيه وارميه اذا ماتبينه
اخذتهم وحطت الكوفي بينها وبينه والكيس الي ماتدري وش فيه بحضنها حتى وصلت واستحت حتى تتركهم له وتم
................................
مثل قدامه بعد مابلغ ابوه انه يرغب بمقابلته ورغم اعتراضه على طريقته مازال يكن له الكثير من الاحترام بقدر ماتعلم منه وبقدر ماكسر من الحواجز الطبقيه بينهم
..عارف يامشعل وش تفكر فيه ووش تسأل نفسك بس صدقني انا لاني احب بنتي عرضت عليك الموضوع ولك الحريه انك ترفض او توافق
جالس بلا حراكـ ومحرج من الاعتراض
..وانا اشكرك انك وثقت فيني واخترتني واتشرف اني اناسبك بس الفكره غريبه شوي
اعجب فيه اكثر كونه صريح ولايدراري الي داخله ولكن بأطار الاحترام
.. لاني عرفتك مستحيل تجي من نفسك وتسويها وتخطب بنتي مني بس انا لاني اعتبرتك ولدي خطبتك لها
اصابه الحرج وتغير لون وجهه من اطراء ابو ندى ومن كلامه الصريح وتلعثم عن الرد
.. انا شفت فيك شي اعجبني وشهو مدري "يمكن لانك تنحب واذا حب الله عبد نزل محبته في قلوب الخلق
لقى نفسه وينحي له بأحترام
..مشكور ياابو ندى انت عطيتني اكبر من قدري
..استرح يامشعل وقل الي بخاطرك كله وحتى لو ماتبي خلاص انسا الموضوع وصدقني معزتك ماتتغير
كان ينوي على حديث كثير تبخر من وقار ابو ندى وشتت أي اعتراض حتى وان كان مازال يتحفظ نوعا ما على الطريقه من اجل نفسه ومن اجل بنت عمه ومن اجل ندى
..العفو طال عمرك انا يشرفني اني احط يدي بيدك واناسبك
................................
ضغطت بسبابتها على مرفقها وتحسست مكان الابره مالشعورها وصف" تايهه حتى عن احساس الي تنتمي له وينتمي لها تمنت هاللحظه تعرف بس هي فرحانه ولا لا
مدت يدها لكاس العصير الي مدته لها ام طلال بوجود مزنه
..اشربي يابنيتي عشان تعوضين دمك
اخذت الكاس ونزلته قدامها وهي تتلقى قذائف جدتها
.. انا لواني بمكانك ماتوجعت وعطيتهم دمي كله يصير لك سعود وتشتكين
طبت امها على كتفها ورفعت لها العصير مره ثانيه
.. سعود والنعم فيه بس بنتي ماعليها قصور بعد هي دانه والف من يتمناها
مطت شفتها وضحكت تغايض ام طلال المعتزه
.. وينهم الالف نبي واحد بس لو ماسعود كان الحين هي نايمه على قلبك
عجزت تمسك نفسها اكثر وعجزت تبتلع غيض الايام الي راحت كلها
..والله ياجده انا بعد لولا خاطر ابوي ماقبلت فيه الي كلمه توديه وكلمه تجيبه " وقلت مدام مافيه امل اتزوج اخذه هو واقوده على كيفي
رفعت عصاها بوجهها وامها تغمز لها بعينها وتوبخها على تمادديها
..تهبين ياقليلة الحياء ماهو سعود الي تودينه وتجيبينه والله يذبحك ويشرب من دمك
مااصغت لهمس امها
..عيب يامشاعل لاتغلطين على ولد عمك وتزعلين جدتك
كملت مشاعل ولولا الحياء كانت وقفت بوجهها
.. بشوف وش يقدر يسوي ولا تكبرينه ياجده لو فيه خير ماعافه الطير
..مــــــشاعل
كانت بمكانها وانكمشت واسعد مزنه الي صار بدون قصدها
..صحيح ماعاد تستحين هذا كلام ينقال
تدري ان ابوها يعرف جدتها ومالها مبرر كانت تقدر تسكت لكن سبق السيف العذل بس حضور ام طلال هون شوي عليها
..هي ماتقصد ياابو طلال سعود ولد عمها وماتلقى احسن منه
فرصه لن تعاد لمزنه وصالح يسمع بأذنه
..ليه بزر " انا قلت لكم ماتعرفون تربون ولو انها بنتي كان قصيت لسانها
حرك اصبعه بتهديد ونهر لها
.. ان سمعت هالكلام مره ثانيه بااقص لسانك صحيح "قومي بسرعه عن وجهي
قفزت بعد ماكانت تبكي بمراره واطراف اصابعها على شفايفها وتختبي ورا ام طلال
يالسوء الحظ اعتقدت انها بعد مارجعت معه من المستشفى وخلصت التحليل انه راح لكن خاب ظنها وزعلت ابوها الي مابيوم زعلها او زعلته منها
...................
..ريحة القهوه جابتني من مكتبي
تعقد نظرها وتلف عباتها وابتسام تفتش بالكيس الي جابته نجود معه
..اكيد ركوني جايبه !
جلست وسحبت الكرسي تقدمه من الطاوله وطنشت ابتسام الي انتبهت لها
..يالله يانجود صرت اعرفك من وجهك "عاد تدرين خاب طني توقعتك حامل على شين نفسكـ "مع ان نفسك خايسه على كل الاحوال
هزت راسها بأستياء تخبي حمرة وجهها
.. ابتسام ماني طايقه نفسي اليوم رجاء بلا مزحك البايخ
فتحت ابتسام الكيس واخذت وحده من الكروسان الي اشتراه ماجد
..وش فيك معصبه ماودك بولد ولابنوته حلوه مثل الي عندي "الله حلو الكروسان كل يوم قولي لراكان يجيب لنا مثله
اخذت القلم وطلعت ورق من اسفل الدرج رصته على الطاوله
.. ياختي خذيه بالعافيه عليك بس روحي عن وجهي
فيها ثوره مختلفه شوي عن طبعها مهما كانت معصبه لكن ابتسام تخصص ثقالة دم
.. اكيد زعلانه لانك ماانتي حامل "ماعليه خيرها بغيرها
نفخت بغيض منها ورمت القلم على الطاوله
.. ابتسام الله يخليك اتركيني عندي شغل بأخلصه قبل يفتح البنك
استجابت ابتسام وتركتها بصعوبه حاولت تشتغل لكن ماقدرت " اخذت كوب الكوفي الحار وشربت منه حست بلين بجسمها كله وهي تشرب منه حتى انهته دفى جسمها وحطت راسها على الطاوله تريح شوي قبل يبدا الشغل
|
22-12-11, 02:22 PM
جديد مواضيع قسم الارشيف
العرض العادي
