دخل البيت بوقت متأخر تحاشيا للقاء مع احد من اهله كره نفسه وكره اهله
قبل يتعدا الصاله المظلمه جزائيا ناوي يطلع لغرفته استوقفه نداء ابوه الجالس قريب من الدرج
..مشعـل
نزل من العتبه الي طلعها مستغرب من ابوه الي بستحيل يسهر الا لاامر ضروري
.. يبــه "خير صاير شي
وقف متجه للجلسه الي بجهه ثانيه من الصاله
..خير "عندي موضوع بكلمك فيه
جسمه تعبان وعقله لايستوعب لفكره زياده يكفيه الي يشيل همه ويشغل تفكيره كله" خالجه الشك ان الموضوع يخص هند ماكان عنده خبر ان ابوه مايدري عن الي دار بينهم
.. ياليت يبه تأجل الكلام لبعدين انا تعبان
ابو مشعل لايأجل الحديث موضوع ينوي الحديث فيه وكيف بموضوع صار على احسن مماتوقع
.. انا ماانتظرك لين تشرف عشان آآجل السالفه "بعدين السالفه ماتتآجل
حط يديه بجيوبه وثنا احد رجليه
..خير آمرني
حط كوب العصير الي شاله معه من مكانه الاول على الطاوله
.. تبيني اتكلم وانت واقف على راسي اجلس عشان اعرف اكلمك
عرف من جلسته الي اتخذها ان الامر مهم "كان ابوه يجلس وجسمه متقدم للامام ويقبض كفوفه ببعض
جلس مشعل وعيونه على ابوه "مباشره تقدم ابو مشعل بالكلام
.. اظن جاء الوقت الي نتكلم بموضوعك
شخص نظره يفكر عن أي موضوع يتكلم ابوه خانته الذاكره لان الموضوع ليس ذو اهميه
..اي موضوع ذكرني يبه
شبك اصابعه وضغط يديه ببعض ومال براسه على جنب جهة مشعل
..زواجك "ولانسيت انا اتفقنا نتكلم فيه بعد زواج سلطان
حرك راسه تعبير انه فهم "لكن نظرة عدم الرضاء وضحت على وجهه وضوح الصبح
.. خلاص يبه سو الي يعجبك
حدق فيه النظر يحاول انه يستشف من ملامحه عن موقع الاعتراض لكن ماكان ماهر بقراءة لغة العيون مثل مشعل
.. انا ياولدي فكرت انك ماانت مرتاح لهالزواج وكنت متردد واليوم بالذات حسيت ان لك نصيب احسن من بنت عمك
رواغت عيونه يحاول ان يفهم الموضوع والدائره الي يلف ابوه حولها
..وليش اليوم وش الي جد
تفرقت شفايفه مده قبل الكلام
..اااا انت تعرف ابو ندى ؟
زادت دهشته وش وصل الكلام لاابو ندى يحس انه طلع من صلب الحديث
..اعرفه بس وش دخل ابو ندى بالموضوع
حرك يده علامه للتريث وعدم الاستعجال
.. خلني اشرح لك ولاتستعجل الكلام
سكت وكتف يديه ورجع ظهره وراء كأذن له بأستئنأف كلامه
.. انت تعرف ان ابو ندى مارزقه الله الابهالبنت وهو رجال مريض ووده يزوج بنته ويتطمن عليه
بدا يتقدم للامام حتى صار على حفة الكنب والصوره تقترب منه شئ فشيا
..ايـــــه وبعدين
مد يده ورفع كفه يطلب منه للمره الثانيه التفهم
..مشعل لاتستعجل واذا خلصت كلامي قول الي عندك
وكمل ومشعل فاتح فمه ينتظره يفرغ من كلامه
..وابو ندى كان كل هالمده يدرس اخلاقك وانت اعجبته ووده انك تاخذ بنته
حاول يستفهم لان اخر ماقال ابوه غير اعتقاده ان ابوه هو من خطب له ندى
..يعني انت الي قلت له ولاهو الي قال لك
رفع راسه وابتسم بفخر وانتصار
..هو الي طلب مني اكلمك " وهذي لصالحك وانا ابوك
نفض نفسه برفض ووقف
.. أي مصلحه يبه وشلون تبيني اخذ وحده انا مااعرفها " وابوها من قل معارفه ومالقى غيري يزوجه اياها
رفع راسه له وعيونه على مشعل الي كان ينتفض من قهره
.. لا مالقى الي لقاه فيك انا قلت لك من قبل ابو ندى رجال يفهم وماينلعب عليه وهو اختارك من دون كل الناس وامنك على بنته الي ماعنده اغلى منها
كان يولج يديه بجيب بنطلونه ويدور حول نفسه
..الي تقول له يبه مايدخل العقل لو مافيها عيب مايعرضها وهي الف من يتمناها
نهره بثبات وهو يكضم غيضه علي انفعاله الغير مبرر
.. مشعل لاتحط البنت بذمتك
انطوا قلبه اوجعته السيره وقلبت عليه الشي الي يحاول ينساه هدا شوي وثبت بمكان واحد
..استغفر الله " بس انت تفكر فيها وناسي عمي وبنته الي معلقينها باسمي سنين ضغطت علي ووافقت واانا ماني مقتنع ويوم بديت اتقبل الفكره تجي انت وابو ندى تغيرون مصيري بكلمه منكم
.. عمك لاتشيل همه انا من مده وانا امهد للموضوع والمح له من زمان وانا حاس ان الرجال حاط عينه عليك والحين هو عارف ان بنته ماعاد تلزمنا
وش هالقسوه والجبروت والتلاعب بمشاعر الناس وش ذنب البنت تكسرونها" حديث نفسه يعبر فيه عن رائيه في تزمت ابوه
.. بس انا مااعرفها ومااقدراوفر لها الحياه الي تعودت عليها
خف عبئ الكلام عليه بما ان مشعل توصل لفكرة الحياه معها
..انت حتى بنت عمك ماتعرفها " والرجال يعرف ظروفك وهو كل الي عنده لها لاتضيع الفرصه من يدك يامشعل
..يعني الهدف مو البنت الهدف فلوس ابوها
مال فمه وهز راسه بضجر
.. انت ماعليك الا من نفسك لاتهتم لتفكير غيرك
تأفف رغم اختلاقه الاعذاركان ابوه امهر منه بأختلاق الحجج انحدر نظره للارض
..هاه وش قلت
كان صغير امام نفسه وامام ضغط ابوه "لو اصر مابيغصبه ابوه لكن ضعيف وتعود انه يخفض حناحه لاابوه بما ان ماعنده وسيله ثانيه
.........................
مع خروج طلاب المدارس"وقفت على الباب وجلالها مازال على راسها بعد ماخلصت من صلاة الظهر ومتلثمه بطرفه وتتكلم مع الشخص الي يُدخل وجهه ونص جسمه من الفتحه الي تحدها بجسمها وتتكلم معه
..فهمت وش قلت لك ؟
هز راسه بأابتسامه ردتها لها قبل يلف للخارج اندفع الباب ودخل عليها ويده بيد الشخص الي كانت تكلمه
ماوجه السؤال له لكن سألها مباشره وعيونها متلعقه والخوف بدا يثبتتها بمكان واحد وبوضع واحد ارتد سؤاله
..ليش واقفين هنا ؟
وكأنه يهجم عليها بطريقته ويحرجها ناظرت للطرف الثالث الواقف مبهوت من الشخص الداخل عليهم اخيرا
..عزوز حبيبي روح جيب الي قلت لك عليه
ارتبك لانه مايعرفه وقليل مايشوفه نوى يمشي " ويتركهم يتسألون بالعيون "لكن مسك فيصل اكتافه ونزل من مستواه
..وش اسمك ياحلو؟
بحرج وعيونه تحمل لمعة الرهبه
..عزوز
ابتسم على براءته وهز بخفه
..قصدك عبد العزيز
هز الطفل راسه وفيصل وقف وحط يده على مؤخرة راسه
..طيب انتظرني عند السياره دقايق وجايك
طلع وفيصل يتبعه بعيونه وغاليه جامده مثل ماهي ماترد كيفية تأثير الرساله عليه
..مارديتي "ليش واقفه هنا ؟
وسعت نظرتها له ونست انها تغطي منتصف وجهها
.. محتاجه اغراض وارسلت الولد يجيبها لي
مكان يلاحظ وسع عيونها ورموشها الكثيفه "هل اللثام يجمل اوهي جميله رغم ان بشرتها حنطيه
..وماتقدرين تطلبين اونتي داخل البيت
كنوع من الاعتراض والتحدي ماانتبهت انها حطت يدها على خصرها
.. وانت شايفني واقفه في الشارع انا داخل البيت !
كان بكل لقاء يحس انها بدت تتمرد اكثر وتبرز نفسها اكثر هل لانه كان متباعد ومااحتك فيها ووفاة ابوه قربته منها اكثر
تعمد انها يحرجها
..طيب عن من متلثمه ؟
جملته كانت كبيره عليها ماقدرت الا على الهروب والانسحاب من قدامه
وهو رجع قبل حتى يسلم على ام غاليه ولحق الولد الي ارسلته غاليه يجيب الاغراض الي كانت تدونهم بورقه
بعدها وصله لبيته
..............................
22-12-11, 02:11 PM
جديد مواضيع قسم الارشيف
العرض العادي
