كاتب الموضوع :
نوف بنت نايف
المنتدى :
الارشيف
الغيض يملا قلبها ويحرق كبدها من شافت سلطان يدخل وياخذها وقلبها يتقد لكن مابيدها حيله سلطان يعتبر من ممتلكاتها وهي ماتعودت تتنازل عن حقها "حقدت على نفسها وحقدت على منيره تحملت ثقل دمها وتحملت طبعها الغريب وبالاخير ماطعلت معها بنتيجه
تركت غرفتها وكانها مااتسعت لضيقها كل ماتذكرت سلطان يمسك يدها بحرص
كانت امجاد وخلود وامهم يجلسون جلسه حلوه ويتوسطهم الشاي والمكسرات دليل على سعة الصدر
امجاد تلم نفسها على الكنب وتاخذ زاويه منه وخلود تشبه جلستها الاانها ترجع ظهرها بسبب بروز بطنها
والام مقابلتهم" وصول هند كان على تعليق امجاد
..ماشاء الله ماتوقعت يجي كل هالحضورمدري من يجاملون وامه متوفيه وماعنده خوات
فضت قبضتها من المكسرات ونفضتها
.. ليش ماتوقعتي ام ماجد معارفها كثير وهي تعتبره مثل ولدها
السيره ذكرت امها بموقف
.. صدق من البنت الي قالت لك موضي تسلمين عليها
تبسمت خلود من سيرة نجود
.. هذي بنتها زوجتها ولد اخوها وجابتها عندها
غمزت بعينها بعدم رضا لكن فهمته خلود
.. أي زوجتهم عشان تكسب بنتها بعد مارمتها وعشان ولد اخوها يصير طول عمره تحت يدها وماتطلع فلوسه برا
كذا الحظوظ ولا بلاش
ناظرو لبعضهم وضحكوا بصوت منخفض
..تصدقين يمه لو ماكانت متزوجه كنت قلت لك تخطبينها لمشعل
سكتت تفكر شوي وتناظر بخلود
.. مشعل ابوك موقف نصيبه الا يتزوج بنت عمك "مدري الظاهر يبيها تورثه فقر ابوها
اعترضت خلود لآن الحال المايل مايعجبها ومن وجهة نظرها البنت لاينقصها شي
.. الناس بأخلاقها يمه والبنت ماشاء الله عليها "وبعدين ولدك هو الرجال لازام اذا كان مايبيها يقول حرام يظلمها
شوفي سلطان رفض وتزوج بكيفه
نبرتها احتدت وحث الحديث هند على الاقتراب بعد ماكانت تستمع من بعيد
..لا ياحبيبتي تزوج بكيف موضي زوجته من معارفها عشان تضمنه مثل ماضمنت ولد اخوها جمعت حبايبها حولها
.. بس مادهورته زوجته بنت حلوه ومتعلمه
انطلقت مثل القذيفه من حرارة مافيها وقالت كلام بدون وعي
..حلوه طل بعينها "الا ضاع اخذ وحده بنت فقر وحتى اهلها مايحبونها
الكل انبهت متى دخلت وكيف سمعت وليش كل هالانفعال
..هند قصري صوتك "وعيب الكلام الي قلتيه وش عرفك للبنت !
قربت اكثر وجلست بينهم بعد ماسيطر الصمت على ام مشعل وامجاد
.. انتي الي وش عرفك عنها الي قلته اقل من الي تستاهله
ام مشعل هي الوحيده الي تدور على مايشفي غلها سألتها مباشره
.. وش تعرفين عنها
صدت بوجهها لاامها لانها الوحيده الي سمحت لها بالكلام
.. يمه سلطان طاح طيحة عمره العنود هذي وحده قليلة حيا
من ورأها وهي مشتده بجسمها وحديثها وصلتها الصرخه
..هــــــــــــند
استدارت للصوت وخفق قلبها بقوه بدأ يمشي لها بخطوات عجوله ومتقاربه ومسك عضدها
.. لاعاد اسمعك تعيدين الي قلتيه
ماعادت تقدر تمسك نفسها وخصوصا مع مشعل الي كان اقرب شخص لسلطان ذكرها انها كل مامسكت خيط يقربها له ينقطع من بين يديها
..ماقلت الا الحقيقه قل لسلطان زوجتك تعرف غيرك
هزها اكثر يوعيها ان ماقالته قذف
..استحي على وجههك "لاتلوثين سمعة البنت
مازالت بيده لكن تواجهه بنظرها بمقدار ماتثق بكلامها
.. هاتوا لي المصحف واحلف لكم عليه انها طلعت من الجامعه وركبت مع رجال غريب
انصدم من نبرت الصدق رغم عيوب هند لايعتقد انها تحلف بالباطل "اماخلود فذهلها الي سمعته وخافت على هند من ظلمها
.. خافي ربك "يمكن ابوها او اخوها
تخلصت من مشعل ومشت لخلود وهي تحاول انهم يصدقونها
.. اخوانها صغار وابوها ماعنده الاسيارة اجره ومالها قرايب غيرهم "وحتى كانت صديقتها تشجعها "وبعدين انا اعرف اختها واعرف كثير عن حياتها
تركها مشعل ودخل لغرفته تسكنه حيره "يكذب هند ولا و في لهجتها صدق يرعبه "هل يبلغ سلطان ؟ منعه خوفه من ان هند تكذب وهو يعرف ان سلطان هدفها او يسكت وتكون صادقه ويبتلي بأنسانه لاتؤمن على بيته وعرضه
ودخلت هي تركض لغرفتها بعد مانفثت سمها وارتاحت
.....................
كانت بدلت فستانها بقميص نوم طويل باللون السكري
تقبض اطراف روبه حتى مايظهر من جسمها شي
وبنفسها
"الله يسامحك ياندى "
تقدم وجلس وحط الاكل على الطاوله ماقدر يمنع نفسه من النظر في وجهها
تمتلك ملامح ناعمه وشعر اسود طويل يوصل لاسفل ظهرها
نحيفه وهذا الي لاحظه بلقائه الاول معها
دعاها للاكل مدت يدها لانها تخجل انها ترفض هي بالفعل لاتحس بالجوع انمااكثر شعور يسيطر عليها الخجل
ونفضه من داخلها تمنعها حتى من تثبيت نفسها
قبض كفها فجئه ورفعت راسها وحطت عينها عليه تترقب وش يتبع هذا
.. ليش ترجفين خايفه مني
عجزت حتى تخفض راسها وتتوارى عن عيونه المتفحصه
ابتلعت ريقها وعضت شفتها واخيرا بهدوء هبط جفنها واخفضت راسها بعد ماهزته بلا
.. طيب تكلمي ودي اسمع صوتك
ماتدري وش تقول له "ماعندي كلام "اخاف "استحي"
رفع ذقنها وبقى رافعه وسألها
..انتي للحين زعلانه مني
شيئين حاولت تثبت واحد وتنفي الثاني الابتسامه والدمعه
امالت شفتها تحاول تبتسم لكن الي تشعر فيه رفض الابتسامه
ودمعه حاره ظهرت لمعتها وسط اتساع عينها حاولت تخفيها لكن ابت الا تندرج من منتصف عينها الى منتصف خدها
اوجعه انه يكون انسان ظالم ولا يحس انه جرحها وأذاى مشاعرها
ابعد يده عن ذقنها حتى تستطيع ان ترتاح وهي تبتلع حموضة الدمعه
وبدا يفرك يديه ببعض ويحاول يستجمع الجمل
.. انا ماقصدت الي قلته "انتي حساسه زياده
فعلا العنود حساسه وشعورها بانفلال الاحباب من حولها من كانت تحبه ويحبها تركتهم واوجاعها الوداع
وماكانت تحبهم ولايحبونها تمنت تحس بوجع وداع ولا وجع جفاهم
شي زاد على مافيها مايدري ان الي يعتذر عنه ليس السبب الوحيد " صوتها منخفض جدا وعينها على الطاوله الي تفصل بينها وبينه
.. خلاص "ماني زعلانه
لان العنود تعودت انها ماتجادل ومهما كان بقلبها تتناسى
تحرك جسمه وتعدل وابتسم وبدا يستدرجها لتضييع الخجل عنه وعنها كانت محاولاته مبدائيا ناجحه
|
29-11-11, 06:14 PM
جديد مواضيع قسم الارشيف
العرض العادي
