كاتب الموضوع :
نوف بنت نايف
المنتدى :
الارشيف
بســــــــــــم الله الرحمن الرحيـــــــــــم
السلام عليكم ورحمة الله وبركاته
البــــــــــ 18 ــــــــــــــــارت
ماحست ان المكان خلاالامن العاملات امها كانت من لحظات موجوده وهي رجعت بس تجيب عباتها وتروح معها شي لايحتاج لتفكير " هناك من يخطط لها اسرعت بين الغرف تدورها مالقتها اتجهت للامانات واخذت جوالها اتصلت لكن جوال امها مقفل "بخيبه جلست على الكراسي القريبه من المخرج
رقم ماجد لاتحتفظ فيه
بدون تفكير خطر في بالها رقمه حفظه من مده بجوالها
اتصلت فيه مارد من اول وثاني مره
ولكن اكتفى بتعذيبها ورد مع اتصالها الثالث بصوت كسول
..هــــــلا
مباشرة كان الحديث يشبه طبع نجود المستقيم
.. ام ماجد راحت وخلتني وماجد مااعرف رقمه من الي بياخذني
ابتسم بأانتصار وأشار لماجد من سيارته ورفع له الجوال اشاره انه يحرك
.. والحين وش تبين مني "انا رجعت للبيت من زمان وتوقعتك ترجعين مع امك
ارتجف صوتها من الخوف وهي تشوف الاضاءه بدت تخف والمكان الي يملاه الازعاج خالي وموحش
..اتصل على ماجد خله يرجع لي
عطاها درس يقصد من وراه شي واذا عندها عقل تستوعبه
..تبيني ارجع الرجال عشان حضرت "خلاص الحين اتصل عليه ويبغالك نص ساعه تنتظرينه
سكتت لان مافيه مايقال ومالها الاتنتظر ماجد
سمعته بعد فتره يكلمها
..مجنونه انتي احد عنده زوجه حلوه مثلك ويخليها اطلعي انا انتظرك عند الباب
خطفت عباتها ولبستها وهي تركض وحتى ماركزت بالسياره
وركبت بسرعه وسكرت الباب كأنها تخاف انه يهرب منها
كانت يديه الي تمسك السكان وتتحرك اصابعه عليها
..هذا خوف ولاشوق
حاولت تتدارك نفسها وتصلح الموقف لكن لافائده ماهي غبيه وتعرف انه انتبه للهفتها
..لاهذا ولاهذا انا تعبانه ماني متعوده على السهر
قرب راسه لها مايفصله عنها الا مليمترات بسيطه لدرجة
..تعودي ياحلوه
دفعت وجهه بيدها لاشعوريا واشاحت وجهها للجهه الثانيه
.. ماراح يمديني اتعود عليك وتتعود علي
ابتسم ابتسامه اظهرت اغلب اسنانها وبطريقه واضحه
..ليه ناويه ترجعين لعمامك الي قالو لك بيوتنا تتعذرك" لاتخوفيني لانهم حتى لو استقبلوك ماانتي فقيده مااحد يبكيك الا ام ماجد على قولتك
قاسيه حروفه وحاده اوجعتها واصابتها في الصميم
جاهدت شعور الصدمه واخمدت نارها
.. منين جبت هالكلام
انطلق بطريقه ولايظهر عليه ادنى تأثر "يعرف الي أي حد اصابها الالم الجرح قبل المداوه طب جربه راكان على نجود
.. عرفته وبس "ولاتظنين انك جالسه عندي بطيبك انتي جالسه لان مالك غير بيتي مكان
مالها وسيله للدفاع ولالها حيله للتراجع
..ماهو بيتك لحالك
فهم مقصدها من الكلام ضحك ضحكه ظاهره تستفزها اكثر واكثر
.. بس انتي انكرتي امك "اذا ماكنت غلطان تقصدين ان امك شريكتي بالبيت
ضيئل احساس الحقد مقارنة بما ينتابها يتعمد ايذائها وتقليلها بنظر نفسها
.. يكفي الي انحرمت منه وانت تمتعت فيه ابسط حقوق ان يكون لي بهالبيت مكان
حرك السكان ولف بعد ماعطاها نظره جليديه
..والله يابنت عمتي اعتبي على الي حرموك من امك ولاتحملينا ذنبهم
كان صوتها يرتجف ويختنق لحظه ويظهر لحظه
.. ليش تتكلم عنها وتربط نفسك معها
ناظر للامام وركز بطريقه لكن سمعه وذهنه معها
..اولا " لانا شي واحد واعتبرها مكمله لي والعكس ثانيا انتي الي بكل كلامك تربطينا ببعض "على العموم ترى اتشرف
قال اخر جمله وهو ينظر لها ويبتسم وهي تتأكل من الغبن
|
14-11-11, 03:26 PM
جديد مواضيع قسم الارشيف
العرض العادي
