السلام عليكم ورحمــــــــــــة الله وبــــــــــركاته
السلام عليكم ورحمة الله وبركاته
اولا وقبل البداء
احر التعازي اقدمها في فقيد الامه العربيه والاسلاميه
الامير سلطان ابن عبد العزيز ال سعود رحمه الله واسكنه فسيح جناته
وتقبله قبولا حسن
ثانيا كلمة شكر اقدمها للاخت الي تلقيت منها تقييم وهي تعرف نفسها الف شكر لها كلامها بجد كلامه اسعدني
ثالثا اتمنى ان يكون البارت بقدر انتظاركم
اتركم مع البارت
قراءه ممتعه
بسم الله نبداء
البــــــــــــ 17ـــــــــــــارت
خلصت من محل العطور وشالت الاغراض حطت فتحة الكيس بمعصمها الى ان تحط البوك داخل الشنطه كل هذا وندى تحمل اكياس ثانيه وتتبعها "عند الباب وهي طالعه ضربت ضربه عنيفه بشي صلب رفعت راسها بسرعه وكانت عينها بعين شخص اول مره تشوفه
اما هو فكان يكلم مشعل ويتحاورون ومستعجلين لدخول المحل قبل الاذان
مع دخوله من الباب حسها ضربت بصدره وتراجعت ورا وصارت ورا البنت الي هبت بسرعه
..اعمى انت وياه ماتشوفون
سلطان بحرج بالغ يمكن بعمره ماصار معه مثل هالموقف وخصوصا من شافها دست نفسها
كان الاسف لها وليس لصاحبة اللسان السليط
..آســــف
مسك عضد العنود ومشت
..مره ثانيه البسو نظارات
مرت من جنبهم وتكلم مشعل اعتراضا على هجومها
..الرجال تأسف ماله داعي هالكلام
لفت له بغيض وماحبت تمشي بدون ماتعطيه حقه
..لاتعتذرون بس فتحو" عيون على الفاضي
ابتعدت وعنود مثل البلها تمشي وراها وجسمها يقشعر " وهم يتفرجون
الى ان لفت من الممر القريب وضاعت وسط الناس
تنبهو لاانفسهم " ناظر سلطان لعتبتة المحل قبل يدخله شاف بوك مرمي على الارض نزل واخذه
..الظاهر بوكها
قلبه بيده ومشعل يراقب
..الحين لو بنلحقها عشان نرجعه بترد علينا ام لسان طويل
مارد سلطان واتجه للمكان الي طلعوا منه
..يعني نخليه يمكن فيه اوراق مهمه
دور ودور لكن اختفوا وحتى لو مااختفوا وش الي يعرفه انهم هم من يبحث عنهم
..الحين وشلون بنلاقيهم
اقترح مشعل اقتراح كان سلطان يفكر فيه قبله
.. افتحه يمكن فيه رقم جوال او شي يعرفك عليها
فتحه وبدا يفتش كان يحتوي على مبلغ وبطاقة صرافه وبطاقه كانت بجهة الخلف قلبها وكانت بطاقتها الجامعيه
قرا الاسم في الوقت الي اقترب مشعل يدور معه
تلخبط ورجعها بسرعه وطبق البوك ولمه بيده
نهاية البارت
وهذا الي اثار مشعل لان حركته واضحه انه مايبيه يشوف الي شافه
..خلاص مشعل انا بوصله بطريقتي
عقد حواجبه ومط شفته بتعجب على تغيير سلطان المفاجئ
وهو يقبض البوك كانت حركته تدل على التملك
وهذا الي زاد تعجب مشعل
..انت تعرف صاحبته
تلعثم في البدايه لكن تدراك نفسها لانه لاحظ استغراب مشعل
..اي " وانا بوصله امش يالله خلنا نطلع
مشعل كان مثل المسطول وش هالتغيير الطارئ
.. ماراح تدخل المحل!!
حاول يمثل الطبيعيه لكن سلطان لايجيد التمثيل
.. لا مايمدي ندخل قبل الصلاة "وانا بروح البيت استنا العمال يجون يحطون الأثاث
.....................
اليوم طويل وكئيب وقاتل وهي تختنق من الوحده
هو يعتزل المكان وهي تبتعد عنه وتدرسه وربما يكون هو يدرسها
جوالها على وضع الصامت
تود لو انها تتصل بمشاعل لكن هي في قلبها عليها عتب ولانها اذا اتصلت يمكن تشكي والشكوى ماتفيد
وقفت ودارت في الغرفه
طوت يديها على صدرها ووقفت خلف الشباك الطويل وتأملت السيارات والمحلات والناس الرايحه والجايه
الى ان سمعته من وراها
.. تعالي نطلع نتعشى برا
لفت ببطئ له وهي مازالت تطوي يديها لاحظت انه اكثر اهتمامه انها تاكل وهذا الي ازعجها من نفسها الحياه فيها اشياء اكثر اهميه شافت انه بأاسلوبه يهينها تكلمت وهي تميل راسها
..مالي نفس اطلع انت لحالك
كانت مسالمه وهاديه وقادره على ضبط نفسها وهذا الي اجبره يتعامل معها بنفس الطريقه وبينه وبين نفسه كان ممتن لها
.. يعني مابتطلعين ؟
تجاوزت سؤاله وواجهته بالي ترغب فيه
.. ودي ارجع للبيت
ماكان يدري أي بيت تقصد لكن كان يدري ان ورا هالهدوء بركان
..اي بيت
فكت يديها وارختها وتنفست بعمق "ماتقدر تقول بيت عمها بعد مصارحة عمها بعدم القبول
.. بيتكم "بس اطلع من هنا
حس انها بالفعل ماله ومقتول فيها شي ما ولانه هو بعد ماحب الجلسه الي ماتعود عليها شكرها بنفسه على مبادرتها
.. الليله بنام هنا مع ان الحجز اربع ايام وبكره ان شاء الله نطلع
مشت وتعدته" خلاص طلبت وهو وافق النقاش انتهى لكن استوقفها سؤاله
.. ماانتي طالعه
عفويا عطته نظره بارده ومالاحظت انها عنت لها شي هو مايدري وشهو
..لا
وكملت طريقها طالعه للصاله لانها اعتقدت انه بيطلع فتركت له الغرفه عشان يلبس
لكن وهي تقضم اظافرها حست الكنب الي تجلس عليه ارتفع فيها
اقشعر جسمها من قربه وان كانت تفصله مسافه لابأس بها لكن هي تخجل حتى لو مابينت
ماسألته على انه انتظر سؤالها
شافها ساكته فقرر يسكت
.....................
البيت يتسع عليها "امس طلع راكان وسلطان مشغول وماجد متغير حتى وان كان يقاوم
ونجود ماترد على مكالمتها
قلبها يتأكل تبي تعرف الوضع بينهم وبذات الوقت ماتحب انها تسأل
اسهل طريقه واصعب طريقه هي الانتظار
استعانت بربها على الوضع الي تعيشه وقامت تدور أي شي تنشغل فيه
واول ماخطر ببالها فاطمه هي الانسانه الوحيده الي تقدر تفتح معها دردشه خاصه مثل هذي
....................
وهم بالسياره فتشت شنطتها الحين بس افتقدته الربكه اشغلتها عن كل شي لدرجة انها ماكملت تسوقها لانها تحس بنفضه عنيفه في جسمها
..ندوي بوكي مدري وينه
ندى من جهتها كانت تحس بالندم على تهورها وسلاطة لسانها
اخذت وضعية السكون والتزمت الصمت
لكن ردت على العنود الي فضت شنطتها تدور على بوكها
..دوري زين اكيد بتلاقينه وين بيروح
تأففت وانقهرت وتحسرت معقوله كل شي راح
.. مالقيته "ياربي وش اسوي الحين
بطريقة البرود ردت ندى ممكن لانها مااستوعبت الي موجود فيه
..خلاص وش فيه يعني بداله الف غيره
هذا الي قهرالعنود عدم مبالاتها وتبسيطها للموضوع
..حماره انتي ! فيه كل فواتير الحجوزات كل الي كنا نشتغل عليه "وكرت البنك وبطاقتي الجامعيه
اخير استفاقت من حالة الكسل الي تخيم عليها
.. زين دوري يمكن طايح منا ولا منا
بدت تعبث بيأس بين اغراضها
.. صار لي ساعه وانا ادور مالقيته
وقفت عن الكلام فجئه وهي تستعيد الموقف بذهنا
..اكيد طاح مني يوم ضرب فيني الرجال لانه كان بيدي
بسرعه خطر لندى خاطر وسحبت واحد من اكياس المحل المكتوب عليها الرقم
..اذا كان طاح منك عند المحل يمكن احد لقاه من العمال خلينا نتصل يمكن يكون عندهم
اتصلت ندى واستفسرت لكن للاسف البوك الحين بين يدين سلطان
21-10-11, 01:33 PM
جديد مواضيع قسم الارشيف
العرض العادي
