كاتب الموضوع :
نوف بنت نايف
المنتدى :
الارشيف
شافتها جامده بعيون ثابته "كانت نجود تنقصها كانت جزء صعب فصله عنها
وشافت دهشتها من وجودها " وشكت انها ماصدقت عيونها "قربت منها ببطئ ومسكت كتفها وقربت وجهها من وجه نجود
..مبروك يانجود
ارمشت بسرعه بسبب حرارة جفونها
..انتي ليش جايه؟؟
موضي كانت تراقب حتى تكتشف " اكيد مشاعل ماجت بهالوقت وصارت بهالحال الا ان بينهم علاقه قويه "وقفت تحاول تتعرف على جزء من حياة نجود وشخص من الي تعاملوا معها "الواضح ان مشاعل كانت تعرفها ومااستغربت برودها ولا توقفت عند جفافها
اما مشاعل فكان وجهها غارق بدموعها
ضغطت يدها
.. جيت لبنت عمي الي اعتبرها اختي واشاركها فرحتها
تهاوت نجود وجلست ماكان ماكانت وحضنت كفوفها
.. وشلون سمحت لك جدتي وعمي تجين
جاورتها مشاعل المكان وهمست وهي تنظر للامام لجهة موضي المتفرجه بااهتمام بعد ماارسلت العاملات لمكان ثاني الى ان تقتنع نجود انها عروس والمفروض تتجمل لزوجها ولنفسها قبل أي احد
.. ابوي ماعارض ابدا وجدتي ببيت عمي ولاتدري
اساسا انك هنا
اما نجود من عز المها همست بصوت منخفض
..ليش جيتي يامشاعل ؟؟
ابتسمت بمراره "مشاعل اليوم هي الظالم والمظلوم بنظر نفسها
لكن لاتملك حيله او سيله "يديها مكتفه "تمنت ولو ليوم واحد تكون بقوة نجود وتخدم نجود مثل ماكانت نجود تعتقد انها خدمتها او ضحت علشانها
.. يعني ارجع !
مالسؤالها اجابه عند نجود "مشاعل كانت كلمتها على سبيل المزح لكن نجود تثاقلت الجد رغم انه سهل عليها "ان قالت "لا " يخنقها الشعور بالوحده "وان قالت "نعم " سمحت لمشاعل تشوف الخوف الي طول عمرها تحاربه وتكافحه
بعد طول صمت نجود" عقبت مشاعل
..انا اختك يانجود وحتى لو ماقلتي ادري انك محتاجتني
سهدت عيونها طويلا وبصوتها الخافت
..انا ماني محتاجه احد "لان مافي شي بيتغير
التفت عليها مشاعل وطوقت من اكتافها
.. انتي محتاجه "وراح يتغيركل شي بحياتك
رفعت عيونها لموضي المترقبه بصمت
.. لو سمحتي ياام ماجد نادي الشله الي برا
بسرعه رفعت يدها مشيره لاامها
..لا لاتنادين احد "انا ماني متحركه من مكاني
وقت حست موضي ان وجودها غلط فقررت طول ماهي كل هالاسبوع تقرر
..انا بخليكم لحالكم " وبخليك انتي تنادينهم بنفسك اذا خلصتوا كلام
كانت تقصد ان مشاعل تقنعها بطريقتها وعلى انفراد
هزت مشاعل راسها بينما طلعت موضي
.. ليش ماتبين تتزينين !!
لفت بصدود عنها وبطريقه حازمه
..لان مافيه مناسبه تستاهل الواحد يتزين لها
ناظرت لنجود المقفيه ومسحت اعلى ظهرها
..وزواجك مايستاهل انك تصيرين احلى وحده!!
الاجابه كانت بعيده عنها لكن الصمت كان اقرب واسهل وابلغ
لكن مشاعل حضورها حتى تتكلم ونجود تسمع
.. انتي غريبه يانجود زواج انتي اخترتيه وسعيتي له ويوم صار ترفضين الاشياء الشكليه الي لاتقدم ولاتأخر " راكان الحين زوجك وكان ممكن انه مايسوي زواج وهو اخذك من البيت ومااحد حاول يرجعك "اكسبيه يمكن هو الي ينفعك
كلامها قاسي على نجود احتقاره لها وامتهانها يقلقها منه ورفضها لقرب الانسانه الي طول عمرها كانت بعيده هو السبب الي يقسيها ويمنعها من التساهل
.. وعلشان من اتزين علشان ام ماجد ولا علشان ولد اخوها
فركت بيدها كتف نجود بقوه وضحكت
.. ام ماجد امك وولد اخوها زوجك "وحقها وحقه انهم يفرحون وحنا بعد بنفرح لك "واذا كل هالناس ماهمتك نفسك لها حق عليك
ماتدري ليش ترفض هل لانها تجرعت من مزنه الخوف من انتصار موضي عليها
..ماني مسويه أي شي ومدام هالاشياء مثل ماقلتي شكليه فاانا الشكليات ماتهمني
كانت تكذب على نفسها لكن مشاعل ماصدقت كذبتها "شابه ماتتمنى تتجمل يوم زواجها "مستحيل
اشهرت مشاعل اخر اسلحتها وقررت تلعب بالكرت الاخير
هزتها بعنف وبعيون قادحه قالت اخر كلماتها
..براحتك "انا بأاتصل على ابوي يجي ياخذني "بس والله يانجود والله لااقوله انتي ليش وافقتي على راكان وخليه يعرف كل شي خلاص السكوت ماعاد ينفع ولاعاد يهمني شي
ونفضتها من يدها ومشت متجهه للسرير ترفع عباتها وبينما هي تلبسها التفت بغضب لها
.. عطيني جوالك
كانت مشاعل فعلا تنوي تتصل على ابوها قبل يبتعد يرجع وياخذها
لكن جواب نجود كان ضعيف بحجم ماكانت قويه يوم اتصلت على امها وطلبت مساعدتها
..خلاص لاتتصلين
....................
من قامت من نومها لمحت دانه ونجد دقائق ويوضح عليهم الانشغال وجلوسهم كان مجامله اما ام سعود فغايبه عن انظارها اليوم كله
"يعني عرس قريب امهم ابدا مني "اشوفهم غاطسين بحجرهم ولاكني بعينهم "
جلست تتحلطم وتتململ االى ان نفذ صبرها واضافه الى الوحده تحس بقلق "سعود ايضا ماظهر اليوم واقصى خوفها ان طلال صار له شي
كانت عاجزه عن تحمل الفكره
..دانـــه " دوينـــــــه "دانـــــــــــه
وصلتها تهرول ونصف شعرها ملفوف حطت يدها على صدرها حتى تتوقف عن اللهث
.. ســ مي ســمي ياجده امريني
خزتها بعين غاضبه من فوق لتحت
..وش فيك يادافع البلا نافشه كشتك
ضحكت ولفت رقبتها تبعد وجهها عن جدتها لان الضحك ليس كل الاحيان يعجبها
.. اليوم زواج واحد من قرايب امي بزين شعري
صدت بوجهها وبينها وبين نفسها
..ياكثر قرايب امك ويااكثر زواجاتهم
سمعت دانه الي قالته جدتها وحطت يديها ورا ظهرها وانحت قريب من سمعها وهي تبسم
..قلتي شي ياجده
فزت واشتد جسمها بعد ماكانت تلم نفسها
..اقول اخوك وينه ؟؟
بكل عفويه رت على سؤالها بسؤال
..بندر !!
تنفرزت من غباء دانه الي تظنه وعفست وجهها
.. بندر اسم عليه كان عندي من شوي طلع احسن منكم ومن ابوكم "اخوك سعود وينه ؟
مطت شفتها وهزت كتفها
.. والله مدري بس قال لنا بعد المغرب اجي اوصلكم للزواج
كانت تعبر بملامحها عن عدم رضاها وبكلامها الساخر عن مللها
..زين دقي عليه
حكت شعرها وهي تلتفت للجهتين وتدور جوالها بجيب قميصها الي كانت تلبسه
..جوالي داخل لحظه اروح اجيبه واجي
نطت من مكانها الى الدرج وبلحظات كانت واقفه قدام مزنه من جديد والجوال على اذنها
زمت شفتها وبتعابير ضيقه
..جواله مقفل
خوفها كان يتضاعف من ايام وكل ماصار مجال كانت تسمع كلمه تزيد خوفها ولو ما كانت تنوي عقاب صالح كانت رجعت من ايام
تغيرت ملامحها من القسوه الى الانزعاج التام
وبدت تبحث عن شي تحت طرف الفراش الارضي الي تحتها
ودانه تراقب وهي تخفض جسمها بدون ماتحس
..تدورين على شي ياجده
ماااكتمل كلام دانه الا مزنه تسحب ورقه تلفها بحرص وتفتحها
..خوذي ودقي على هالرقم
تناولت دانه الورقه وتحاول تتعرف على الرقم
.. رقم من هذا
بتذمر وضيق وقلة صبر هي قلبها يغلي ودانه عندها الوقت للاسئله
..دقي الرقم وانتي ساكته "دق الله عظامك
ماتعجبت من كلامها لكن الي لاحظته ضيق جدتها
..ادق من جوالي على رقم مااعرفه !!
بتصميم يرفض التحاور
.. دانه "لاتكثرين الحكي واتصلي بسرعه
اجبرت انها توافق على طلب جدتها لعدة اسباب اهمها خوفها انها تخرب حضور زواج نجود والسبب الثاني انها خافت من الضيق الي بان على جدتها
بدت تنقل الرقم لجوالها وتضغط اخيرا "اتصال"
ومن ثاني رنه وصل صوته المختنق من الصمت
.. الــــو
"
"
"
|
20-10-11, 04:05 PM
جديد مواضيع قسم الارشيف
العرض العادي
