كاتب الموضوع :
نوف بنت نايف
المنتدى :
الارشيف
بسم الله الرحمن الرحيم
السلام عليكم ورحمة الله وبركاته
البــــــــــــــ ـ16ـــــارت
رغما عنها قلبها ينبض بسرعه واحشائها انطوت " شعور مرعب رغم انها رفضت ان تقوم بدورها رفضت أي شي يشعرها باحساس العروس الي تهاب يوم زواجها مثل ماتنتظره
يعتريها الوجل "ويسكنها الترقب
سكوت امها عنها غريب
لكن اكبر صدمه تلقاتها دخول امها ووراها طاقم كامل عرفت مباشره هم لااي شئ جايين
وقفت وتراجعت وأشارت بيدها
.. طلعيهم عني والا اطلع انا"انا قلت لك مابي زواج
خلني كذا
خنقها وجودهم وهم الى الان مااكتملوا لكن اخر وحده لمحتها بينهم شدت نظرها وسكتت فجئه بعد مكانت تنوه باعتراضها
وجه تعرفه وتحفظ تفاصيله اعادت النظر في الوجوه بدايه من اول الصف "موضي " ويتوسطه مجموعه من العاملات "وينتهي فيها
ثبتت يدها في الهواء مده وبعد ماكانت تستعد للهجوم
لقت نفسها بلا صوت " عرفت انها كانت مشتاقه وان لذاك المكان وحشه
اخيرا فتحت شفايفها وبجمود
..مشــــــاعل
......................
قبل هذا بساعتين
كانت ترتقب الليله وش يكون فيها كيف شكلها "راحت بدون مانعرف موقفها راضيه ام غير راضيه
ماحست انها قبضت بيدها اللعبه من عظم انقباض قلبها
هي علشان ماتجرحني سوت الي سوته لكن انا وش بسوي علشانها
لقت نفسها تحذف اللعبه بعيد وتطلع تركض وتدور على شخص بعينه
فتحت غرفة امها لقتها فاضيه وام طلال بالمطبخ ومنى تجلس بالصاله
اما الي تدور عليه لمحته يقبض الباب بيده ويعزم الخروج لصلاة الجمعه "اوقفته بندائها
..يبـــه
استدار لكن بقى بمكانه ينتظرها تقول الي عندها
ابطئت الخطوات له
..ابيك توديني لنجود
ارخا يده عن مقبض الباب وخلى الباب وراه بدون مايسكره
.. الحين ؟؟
بخجل من وقوفها تربت على انها تحترمه بقدر حبها له "وتعودت انها تنحجب حريتها حتى كبنت تحب ابوها "وهذي مهمة مزنه
..اي يبه الحين
استنكر طلبها لكن بنته ويدري ان عندها سبب ويمكن اذا سمعه يقنعه
..بس حنا قبل الظهر "وش تبينهم يقولون عنا
بين ضلوعها رجفه تحرك قلبها من مكانه "كان طلبها غير مسبوق منها
..يبه نجود اليوم محتاجتنا ولازام اروح لها "لازام تحس انا حولها
تفهم الموضوع وراقت له الفكره وهوابخص الناس باابعاد الموضوع "خصوصا بعد مكالمتها له وبعد طلبها ورفضه لكن لازال يحتاج منها مبرر اكبر
..بس يابنيتي البنت عند امها "روحي بالليل مع امك واختك وبنات عمك
.. امها انت تعرف وشلون كانت تفكر فيها ونجود مستحيل تكون بهالسرعه تعودت عليها "اروح الحين اكون معها وهم يجون براحتهم
تم الاقتناع عنده" نجود بحاجه لااحد مقرب منها يقدر يعرف مداخلها واكفاء من يقوم بهالمهمه مشاعل
..خلاص وانا ابوك تجهزي وانا بعد الصلاة اوصلك
.......................
اخذ لنفسه مكان يجلس فيه بعيد عن نظرات موضي وماجد
احيانا يكون الهروب دليل على الشجاعه
وراكان اجبر على الابتعاد لان مابيده غيره
صار مثل الي بالع السكين
هو مغبون منها الى اقصى درجات الغبن
تمدد على ظهره وارخا ذراعه على يدري انه ماراح ينام "لكن لحظات وكان صوت يزيد يجلجل بعلو
..راكـــــــان "راكــــان
من تحت ذراعه وبنفس وضعه
..وش تبي ياقلق ؟؟
اقترب منه بسرعه وجلس بجنبه
.. ماشفت ماجد وسلطان من الصبح طالعين والحين خلصت صلاة الجمعه " ماتدري وين راحو
رفع جسمه وتحسس جيبه بطريقه بارده
.. اذكر انهم كانوا بجيبي بس يمكن طاحوا دورهم من ولا منا يمكن تلاقيهم
عفس وجهه باستخفاف اصدر صوته يعبر عن ضحكه كاذبه
.. ههه ماتضحك دمك ثقيل
اومأ بيده له بملل وبحركه سريعه
.. زين "توكل على الله وحل عني "ماني رايق لك
لبى لراكان طلبه بعد ماكان يرجو انه يلقى عنده التنفيس عن الملل "الكل اليوم مشغول عنه حتى امه دائما متواجده وحاضره لكن اليوم هي لاهيه عنه وعن غير ومفرغه نفسها تماما لنجود " ولكن ماحب يطلع صامت بدون تعليق
.. سبحان الله الي جمعكم "عليكم نفوس" خايسه ياكافي
ارتجف من داخله شي" الكلمه كانت اقوى مماتخيل "مايدري يخافها او يخاف نفسه والحالتين قاسمهم المشترك "مـــوضي " هل يجاملها على حساب مبادئه او يؤلمها ليرضي مبادئه " صعبه الاجابه وصعب الاختيار والاصعب كيف يتعامل معها اذا جمعتهم حلقة الزوجيه برباطها
سؤال يزيد أثار بداخله اسئله يتجاهلها من لحظة لقاءه الاول والاخير معها
ممكن يكون فيها ميزه "او شي مشترك بينهم " او تناقضه بكل شي "و" و"و" اسئله غير منتهيه تبادرت لذهنه
واجبرته يترك المكان بعد يزيد الي تركه من دقائق
...................
|
29-09-11, 08:16 AM
جديد مواضيع قسم الارشيف
العرض العادي
