كاتب الموضوع :
نوف بنت نايف
المنتدى :
الارشيف
وصل سعود طلال ومشاعل لبيتهم بعد مانزل جدته في بيت ابوه ومشى على طول يحس بأرهاق وصداع من السهر والضغط الجسدي والنفسي "ومن كثر ماكان تعبان ماقدر حتى يوصل طلال لسيارته الي تركها عند الاستراحه
اما طلال فدخل ومشاعل تتبعه وماانتبهوا لا طلال ولا سعود للسياره الي كانت توقف قريب من البيت
لكن حس بأضاءة المجلس مشتعله واتجه له ومشاعل اتجهت للداخل " طل بحذر ومن شاف الرجال الي كان واقف يعزم الخروج دخل بسرعة البرق عليه وبدون حتى مايراعي وجود ابوه " وكانت انفاسه مثل اللهب وعيونه شرار يقدح على راكان الواقف ينتظر منه القادم
..انت وشلون تسمح لنفسك تجي بعد الي سويته
قال كلمته وقرب يحاول يمسك جيب راكان لولا اعتراض ابوه بيده وحجزه وارجاعه لوراونهره بصوت عالي
..طــــــلال "الرجال ببيتنا
سكت لانه ماتعود يرد لاابوه الكلام لكن يتردد بذهنه كلام جدته ومصطلاحاتها المستفزه "لكن راكان اجابه ببرود
..سمح لي راعي البيت "ومو انا الي ادخل البيوت بدون اذن اهلها
كان تعريف وكشف عن زوايه مايعرفها طلال براكان
لكن طلال أشار بااصبعه على المكان وبصوت حاد
..هالبيت لاعمرك تدخله "والي اخذته بالغدر ترد غصبا عنك
اقترب راكان خطوات منه لكن يد ابو طلال كانت تحول بينهم
..انا مااخذت شي ماهو من حقي " وابيك توريني وشلون تغصبني ارجعه
اندفع طلال بجسمه للامام لكن دفعه ابوه لورى الى ان اقترب من باب المجلس
..صدق مابوجهك حيا "اطلع برا
مشى ابو طلال بغضب ومسك ياقة لبسه
..تطرد الرجال وانا واقف "ليه ماني مالي عينك
اخفض طلال راسه كساه شي من الحرج لانه تجاوز ابوه لكن لانه مايسمح لراكان يكون صاحب الغلبه رد على ابوه
..انا مدري وشلون ترضا يبه انه يدخل بيتك"وطيحة جدتي بسبته
بدا نفس ابو طلال يضيق "عمر طلال ماتقبل من ابوه عتاب ولااخذ منه راي واليوم جاي يفرض رائيه عليه
.. الرجال جاي يتعذر
من بعده ومن مكانه المتطرف صرخ طلال
..عذرك ماهو مقبول "اطلع برى
تجاوز ابو طلال مكانه بثواني ورفع يده وكان ينوي يهوي بكفه على على خد طلال المتجمد بمكانه يفكربموقفه بعد اهانة ابوه له "لكن ثبتت يد ابو طلال وبقت لحظات مرتفعه بسبب شد راكان على يده ومنعه من نيته "التفت وراه وشاف راكان ينزل يده برفق ويتوسط بأأسلوب لبق ولان يد ابو طلال اذا امتدت على ولده وبحضور شخص يعتبره عدو فهذا راح يسبب شرخ بين الابن وابوه
وتدخل راكان كان بحكمه وإيمان ان هالتصرف اذا ماضر ماراح ينفع
.. مايصير ياابو طلال "مافي شي يستاهل " انا طالع حتى لو ماقال لها لي
ارتخت يده وبدت ترتجف وهو يقبضها بشده "من شدة ندمه "طلال ولده وبعمره مايسمح للضرب او التجريح "طول عمره يخطئ وابوه يرد على اخطائه بالدعاء له " لكن تهجمه على ضيفه اشغل غضبه وافقده اعصابه
لكن منع راكان لاابوه مافرق كثير بالنسبه لطلال يكفي انه نوا عليها حتى لو مانفذها وكره فكرة انه حمله جميل وهذا مرفوض
كانت عيون طلال تتراواغ بفزع وحقد وحرج
..انا الي بطلع" مثل ماجدتي تركت لك البيت
قال آخر كلامته وطلع يهرول وتناسى ان حتى سيارته ماكانت موجوده
اما راكان كان يخالجه شي من الحرج رغم انه يدرك انه ماغلط "اقترب من ابو طلال يعتذر للمره الثانيه
..سامحني "انا ماكنت ابي السالفه توصل لهالمواصيل
رتب كتفه تمنى ان المشهد ينعاد ويمتنع عن الي سواه طلعة ولده ماكان راضي عنها لكن الي صار صار
ومن جهه ثانيه فعلا اطمن على نجود مع راكان مثل ماراح يطمئن على مشاعل مع سعود
..مسموح "انت مالك ذنب يمكن من الاول الغلطه غلطتي
تلملم وعزم يطلع لكن بعد الموقف طلب من ابو طلال طلب "اعتذر بمافيه الكفايه وحان وقت التفرغ للحياه الجديده
..اذا ماعليك امر ياابو طلال ابي تجهزون لي اغراض نجود بااخذها معي
بلااعتراض هز ابو طلال راسه ودخل ينفذ الي قاله راكان "خلاص وصل الموضوع لدرجه صعب التراجع واذا رجعت نجود وشلون راح تكون حياتها بعد كل الي صار؟؟ هو ممكن غلط ومجبر يتحمل خطاه
تبعت طلال بعد مادخلت وحست انها ماكان يمشي وراها الى ان شافته يستمع وبعدها يدخل المجلس مسرع وبعدها الاصوات ألي طلعت بدون ماتفهم بالضبط الموضوع "واخيرا ركضت للداخل وهي تشوف طلال من بعيد يطلع من الباب غير راضي ولااول مره يكون عصبي لهذا الحد رغم ضيق اخلاقه
ركضت للداخل ولقت نفسها داخل غرفة نجود وعلى منتصف سريرها
وتتلفت بجدران الغرفه الصامته مثل صاحبتها
ومن الباب المشرع شافها ابوها تجلس سارحه
دخل ويحتوي قلبه شي عظيم يصعب تفسيره
تنحنح وانتبهت له ووقفت بأحترام له
وبصوت مخنوق
..هلا يبه
مسك طرف الباب ووقف بمكانه
..وشلون جدتك ؟؟
ابعدت نظرها عنه وش موقفه اذا عرف انها رفضت ترجع لبيته بعد ماكانت ترفض الا ان تقيم فيه
..الحمدلله تحسنت
ماكملت الي عندها لكن ابوها عرف من لحظات كان عازم يزورها فـالمستشفى لكن غير رائيه بعد ماعرف انها طلعت
..وينها الحين ؟؟
بنفس صدها بنظرها جاوبته مشاعل
..طلبت من سعود يوصلها لبيت عمي
قالت مشاعل كلامها واسترقت النظر لاابوها الي تنهد بانهزام "ماكان حمل مثل تصرف امه لكن هو يكرر بنفسه" قراري ولازام اتحمل عواقبه سواء كانت زينه ولا العكس " ماعلق واختصر على نفسه الوقفه الي ماتجدي وعلى راكان الانتظار
.. زين جهزي كل اغراض نجود زوجها برا ينتظر
التفت فيها الارض " وغابت الى عالم الافكار عالم الافتقاد "حتى بقية اغراضها ماتبيني اتونس فيهم لين اتعود على غايبها"
رجعت جلست على السرير بثقل
بينما تكلم ابوها
.. بسرعه يابنتي الرجال ينتظر !!
طلع ابوها وهي وقفت تترنح وسحبت شنطه صغيره في اعلى دولابها
شالت جوالها الي مازال على طاولاتها كمبيوترها اورقها وحطتها في مكان بارز في الشنطه
بدت تسحب ملابسها وترميها في الشنطه كل قطعه كانت تشوف نجود فيها" بعد ماخلصت لمهم
جلست ورا السرير الي جمعت اغراضها عليه
وثار شي عجز عن الصمت داخلها وبدت تبعثرهم من جديد وتصرخ
..ليش يانجود "ليش "لي خليتيني ورحتي
ليه خسرتي نفسك ...
وكلام كثير يملاه العتب والوجع ويمتاز بمرارة الفراق"
مده قضتها تهذي وتلوم نجود وتلوم نفسها
ومده اقصر قضتها تعيد الملابس للشنطه بعد ماهدت وترسلها لاابوها ومعها ترسل شي مكسور يجرح القلب والروح
|
13-09-11, 06:06 PM
جديد مواضيع قسم الارشيف
العرض العادي
