"
"
"
في مكان ثاني من البيت
له ساعات من دخل الغرفه ومازالت النار تستعر بضلوعه احرقته بتصرفها
كان يتخيل لو كان في المجلس رجال غيره هو ماجد وشافوا دخلتها وسمعوا كلامها"حاول يلتمس الاعذار ليس لانه يلتمسها لكن لانه يريد تبريد اثر الكوي الي وسم قلبه وقلب ماجد في وقت واحد
معقول مافكرت "استقعد مع دخول ماجد للمكان
وجلوسه وهو مانطق ولا حرف "حاول يكون اقوى او يبين انه اقوى
..وش فيك "ليش مانمت ؟؟
نظره لمسافات على الارض ووجهه للامام
.. متضايق "مخنوق
بهمس وبنبره فيها شي من التهكم
..ليش ؟؟
.. الي سوته نجود فجعني والي انت سويته ضايقني والي انا سويته خلاني احتقر نفسي
كان يعبر بااسهاب وراكان مقدره وحاس فيه لان ماجد انسان حساس فتح له المجال يعبر ويتكلم يمكن في الكلام راحه للاثنين
..فهمت الاولى والثانيه بس اشرح لي الثالثه
لف له وركز نظره عليه
.. لو عندك اخت ترضا ان احد يجبرها على شي ماتبيه ويسحبها في الشارع مثل الخروف
ابتسم على جنب وشعر بشعوره
.. هي الي حدتني "كنا ناسينها وعايشين" انا كنت اعتبرها اسطوره او قصه من الخيال بس مدام صارت واقع لازام اتعامل معها معاملة الواقع "وبعدين لاتنسى انها ترفض اخوتك
فرك كفوفه ببعض نسبة الضيق تعالت داخله ولايعرف كيف يوصف
..حتى لو رفضت ولو انا بعد رفضت هي اختي وواحد غيري لايمكن يسكت على الي صار بس اذا حطيت نفسي بمكانك مااقدر الومك
<<ارتخا صوته شوي .. بس ضايقني حيل الي سوته "لدرجة اني حتى سلطان وهو اخوي واحبه اكثر منها استحيت اقوله عن كل شي وقلت الي ينقال بس
سأله بصوته الواثق
..سلطان يدري انها هنا
هز راسه مرات متعدده تعبر عن توتره
..قلت له عشان ينتبه لانه كان ناوي يدخل عند امي
استدار شوي تفكير راكان لجانب ثاني
.. احسن شي سواه سلطان انه عجل زواجه " مو عشانها هي لانه واضح انها مايهمها لكن عشان سلطان .
تعاظم ضيق ماجد وماعاد قادر يجلس اكثر تمنى لو ماكانت عند امها عشان يروح لها يمكن وهو يحط راسه على رجلها يرتاح
"كل عمرك ياماجد ومن وعيت وفتحت عيونك وانت تدري ان عندك اخت كبرت وانت تحلم انك تشوفها تخيلتها رقيقه شفافه لكن للاسف كل الي تخيلته تحلل وماصدق خيالك الابشي واحد وهو جمال الخارج لكن الداخل خلقه مشوهه "واليوم تمنيت انها استمرت امنيه وتعيش على الامل الجميل ولاتعيش هالواقع البشع "
طال الظلام وسهر الانام
وقلوب ساهره ارهقها السهر وعيون دامعه جافها النوم
ماجد " مشاعل "راكان "موضي "
............................
بزاوية الغرفه الي تجتمع فيها العائله اخذت ابعد مكان فيها
حرصت يكون المكان مظلم يشبه قلبها ضيق يشبه عقلها موحش يشبه روحها
بصوت خافـــــــت مايسمعه اقرب شخص لها
.. لا الا الطلعه معك مستحيل
..ليش طيب "انتي ماتثقين فيني
..المسأله مالها دخل بالثقه بس انا اخاف من اهلي
اعتمد معها على السياسه والصبر
..خلاص براحتك "حبيبتي انتي ماقلتي لي زواج اختك قريب
استغربت من سؤاله توقعت ان له علاقه بالخروج معه
..زواجها بعد اقل من شهر ليش
.. ان شاء الله ماتفهميني غلط "بس اذا كنتي محتاجه شي انا حاضر
طارت في مكان خرج محيطها اعتقد انها فعلا طاحت على كنز وليس مصيبه
.. مشكور مشكور بــ بــس
..بس ايش
..ماابي اثقل عليك
بضحكه متقنه ساحره
..لا تقلي "انا بكره احط مبلغ بحسابك بس انتي ارسلي لي رقم حسابك
خلصت المكالمه الي بدت مستهلكه فكرة وحوار لكن مان ليس له قلب لايتعض
..مع السلامه حبيبتي
وحط جواله بجيبه
..زين مابغت تحل عنك
.. مسكينه شكلها عمرها ماكلمت من قبل
.. والله انت المسكين " خالد ماودك نطلع نمشي شوي ودي اطلع جو الاستراحه خنقني
..مدري وش صاير فيك ماانت طلال الاول "يالله قم ساعات تكسر خاطري واحن عليك
............................
الهدؤ هو سيد الموقف
المكان كان مقفر من الاصوات والانوار وحتى الانفاس
بقدر ماحبست نجود نفسها وظلت لساعات على جهه وحده
وكتمت موضي تنهيداتها ومل جنبها منها وهي ماريحته من لحظة دخولها فراشها
الفجر وبعد الاذان بلحظات قامت موضي وهي تمتم بالاستغفار
واستعدت للصلاه وبعدها بلحظات قامت نجود صامته وتوضت واخذت الجلال بعد مانزلته امها وصلت فيه
وخلال فترة صلاتها كانت تشم فيه ريحه مألوفه قريبه لقلبها ريحه اخترقت ضلوعها وسكنت رئتها
كانت تشبه المهدئ
وبعده مدت جسمها وامها تراقبها
استغرقت وقت ولاح نور الصبح يعلن انتصاره على فلول الليل المستسلمه "ماحست ان عينها غافلت قلبها ونامت
لــــكن قبل تضيع بغياهب النوم جلست مثل المقروصه وانتبهت انها لمت اللحاف قريب من صدرها تحتمي فيها من الي كان يضرب الباب بااقصى قوه
نفضت موضي اللحاف وقامت مسرعه متجهه لباب على صوت الطارق
..يمه يمه "افتحي الباب بسرعه
,,,,,,,,,,,,,,,,,,,,,,,,,,
نهــاية البارت
اتمنى يعجبكم واعتذر منكم لقصره
قبل اترككم اهديكم من قلبي دعوه
بان يتقبل منا ومنكم صيامنا وقيامنا وصالح اعمالنا "ويجعلنا فيه من المرحومين المغفور لهم والعتقاء من النار
ويبارك لكم فيه ويعيده علينا اعوامنا عديده وازمنه مديده والامه الاسلاميه بااحسن حال وترفل بثوب من العز والسياده
اللهم آمين
واخيرا
لااقول لكم وداعا ولكن اقول الى اللقاء بعد عيد الفطر ان شاء الله
كل عــــــام وانتم ومن تحبون بخير
انتظر تعقيباتكم
تحياتي
[/ E]
30-07-11, 06:30 PM
جديد مواضيع قسم الارشيف
العرض العادي
