السلام عليكم
جيتكم بحكايتي عن جدتي تحكيها لنا دائما عن جدي

تقول جدتي وانا صغيره تزوجت جدكم وعمري 12ووقتها تعتبر قربت تعنس تقول كانت امي ماكله هم اني بلغت وللحين ما تزوجت تقول ولا اعرف وش هو الزواج اصلا احسبه احط حنا على راسي ويديني اسويها مثل القبضه واظفر شعري ظفيرتين وادهن شفايفي بالديرم اذا تعرفونه
تقول يوم حنتها كانت تلعب هي وعيال الحاره بالشارع ههههههههوانظربت بسبه نحشتها ولعبها بالشارع
المهم تقول بدايه زواجها تعبت كثير لانها طفله اول شئ وثانيا شغل البت دائما يكون على حريم العيال هي وسلايفها تقول كل يوموحده عليها الطبخ ويكون بكميااات كبيرة حتى تكفي الرجال والحريم والاطفال والذبيحه هي بتسلخها وكل ها الكرف وهي حامل تشيل وتحط
تقول صارت بينها وبين حماتها مشكله لانها تاخرت شهر عن الحمل شئ مضحك صراحه شهر صار تاخير الله يرحمنا برحمته


اكملكم انه بعد كل ها التعب ما تنامين لين تطمنين انه اهل البت ما يحتاجون اي شئ سواء اكل وشرب او حتى مويه
بعدين تروحين تنتظرين رجالك لين يرجع من دوامه او سهرته مع اهله اللي حدها للساعه تسع مساء حليلهم اجدادنا ولازم تكونين بابهى صوره وما تنامين قبل تغفى عينه وتصحين مع صلاه الصبح تشرفين على اكله وشربه وملابسه حتى يروح لشغله وتقول موب مثلكم رجالكم يكرفون ويرجعون ما يلقون الوجه البشوش ولا كلام سنع ولا ريحه زينه ولا استقبال ينسيه تعب اليوم ما غير مكشرات وتهاوشون لاتفه الاسباب والمصيبه انه يرجع يدور غداه وانتو نايمين هههه وقامت تهاوش ولا كملت حكايتها لي للحين هههههههههههههه
انتظروني بحكايه ثانيه منها
اعذروني نقلتها لكم مثل ما تتكلم فبتلقون بعض الحوسه بالحكي

الله لايخلينا منهم يارب
استمتعت كثير بحكاويكم وحياتهم ايام الشقاء والتعب الله يجزاهم الجنه
بسدح لكم حتوته للجدتي الله يحفظها دائما ترددها

البنت عيب تصلع قدام رجلها يعني تقعد بدون ملفع وبرقع اذا ناقشنها
تقول يوووووووه مات جدكم وهو ماشاف وجهي هههههههههههههههههههههههه نرد عليها نقول اكيد من القهر مات ياجده


لا تقول استحن من الملائكه الا على كتوفكم مصلعات بدون ملافع
والكم النص عندها عيب وحرام على الفطره
اجل لوتشوف العالم الا تلبس قصير ايش بتسوي


ولاتهاوش على الشعرتقول يامخلفات السنه الفرقه وين نفرق الشعرمن النص

ياحبي لها جدتي

توي اشوف الموضوع حلو اما قصص امهاتنا وجداتنا ففيها العجب


حنين قصة خالك مرعبه بس ليش يدخل عليه دعوة الوالدين مستجابه


وهتونه اما جدتك انا اتعجب من الي يغطون وجيهمم اما الملائكه هذي فكرة الصوفيه اذكر كانت عندنا اداريه كانت تغطي شعره دايم بحجت الملائكه حرام تشوفه

فيه اشياء كان يسونه مخالفه للعقيده جهل منهم