السلام عليكم
ازيك يا اوان ان شاء الله تكوني بخير
طبعا اول حاجة كل سنة و انت طيبة و ينعاد عليكي بالصحة و السلامة و كل الاعضاء
بالنسبة للرواية الحمد لله الروابط و كل الصفحات ظهرت و قريت كل البارتات اللي نزلت
في الاول نتكلم عن جورجي و كول
جورجي : مش عارفة حسيت انها بتحاول بس انها توقع كول في حبها عشان فكرة تحدي غرزتها في دماغها و خصوصا لما فكرت انها عاوزة تهدم كل حواجز قلبه و ده بصراحة ما عجبنيش اوي في شخصيتها بس من ناحية تانية هي كويسة عشان تلين قلب كول تاني على اساس ان حبه لماريا كان حب مراهقة يعني مجرد اعجاب بس هي بردو شكلها هتتعب جدا في الموضوع ده بالرغم من انها شكلها رقيقة جدا بس بردو شكلها ليها ماضي و مش هين و مليان اسرار
نيجي بقى لكول بالرغم من انه مدير عمل و زي ما بنقول البوس الكبير
الا ان ليه شخصية مرهفة و سريعة التاثر من وجهة نظري لكنه بيخبي كده حتى عن اقرب الناس ليه و هو اخوه جوزيف
حبه لماريا كان مجرد اعجاب و ليس حبا و اللي بيحس بيه دلوقتي ناحيتها تأنيب للضمير عشان اتسبب في موتها و انا حاسة ان الموضوع فيه ان يعني ماريا كانت بتحب كارلو و الحاجات الغريبة اللي بتظهر بعدين هو بس محتاج حد يفوقه عشان يشوف حياته و يبطل سجاير لحسن انا اتخنقت من ريحتها يا اوان وصلالي لحد هنا
هو بردو في الحب معطاء جدا بدليل تعامله مع امه و مع كده حازم و ذو شخصيه جبارة تجبر الجميع على احترامه
نيجي بقى على جوز القطط التاني سول و جوزيف
دول بقى هنفضل نضحك عليهم طول الروايه و ما استبعدش نعيط كتير كمان عشان جوزيف صعبان عليا بالرغم من اني مش معجبة بالشقر اوي الا انه دخل قلبي و هو شغال دونجوان
جوزيف روحه خفيفة جدا و بيحاول بأي شكل انه يطلع بدور المتفائل بالرغم من احساسه العميق بالالم تجاه ماضيه بس هو بيشوف انه لازم يعمل كده بدافع الواجب عشان ما يقهرش امه عليه زي كول و عشا ما يزيدش من احساس كول بتأنيب الضمير و اظن حكايه الدنجوان دي نابعة من الالم اللي بيشعر بيه يعني بيحاول يفرغ و ينسى همومه الى جانب طبيعته المرحة و جريه ورا النساء وده الطبيعي مع وسامته و طبيعة شغله
ظهور سول في حياته هيخليه ينسى الماضي و مجرد التزامه و تمسكه بمرأه واحده ده هيكون دليل على خروجه من القوقعة اللي حابس نفسه فيها و بيحاول بأي شكل ما يظهرهاش قدام الناس
شخصية مرحة و لطيفة و لكن احذروه عند الغضب ممكن يعمل اي مصيبة
سول بقى بالرغم من انها بتحاول تقنع نفسها انها متحجرة القلب الا انها مش كده و بدليل انها فضلت تشاور نفسها على موضوع ثيو المسكين و زيارتها لدييغو كل خميس
بس هي شقيه و عفريته و ممكن كمان تكون ما عاشتش طفولتها صح عشان كده بتطلعه في جو المسكين
و يا ويلها يا سوادليله على خربشتها للعربية بتاعة جو البت دي كان نفسي اموتها تخرب فيراري و سودا كمان ده طيرتلي برج نافوخي اللي فاضل
بس جو هيتعب معاها جدا و مش بعيد ترفضه و يدفن نفسه في دوامة شرب
توقعاتي للفصل الجاي
جو سيقبل سول بالقوة كعقاب لها على تخريب السيارة و بالقوة سيأخذها للمستشفى
سول ستشعر بمشاعر جديدة بعد القبلة الاولى و ستظل تفكر فيها و تنهر نفسها كلما جاء في تفكيرها بالرغم من طبيعتها الشرسة التي لا تتوانى عن رد الضربة بالضربة
جورجي ستجد من رئيسها كول جفاء بعد الحفلة بسبب تصرفاتها و الاكشنات هتبدأ و هتتبسط اوي انها اثرت على كول
كول هيعكنن بعد الحفلة بسبب تصرفات جورجي بس هيحصل منه حاجة كبيرة حاسة بيها بس مش عارفة هي ايه
ام جورجي و كول انت نعم الام و احييك على تفهمك
و مستنيه الفصل الجاي على نار و سوري يا اوان لو خليتك تملي و انت بتقري الكومنت

وينك دودو حبيبتي
مختفية عن الانظار
ان شاء الله ماكو شئ
مووووووووووة