مساء كل جميل گ جمال ما تخطه يديك

سلسلة اعترافات جديده بدأت تطل علينا نحن في انتظارها بشوق

هديل /
ياقلبي انت *حيرتك اللي انت فيها وخوفك كله ماله داعي ومسألة اخو لذياب انت في قرارة نفسك موافقه والا ليش طلبتي من هادي يرجع لك بعد سنه
بس ذكرى الحادثه هي اللي مخليتك تخافين من التجربه مره ثانيه
لو فكرتي شوي كان يقول لك انك ملك يمينه صح انه ما عاد فيه جواري
لكن انت كنت حلاله والولد جبتيه بالحلال صحيح كان بالغصب بس في نظره حلال حتى لو ما كنت زوجته اختلاف المسمى ما غير شئ
ملك يمينه او زوجته كلها حلال


رشا وراجح/
الله يعوضك خير ويمكن تكون خيره لك ما تدرين

مسفر وخلود/

يعني رجعت لشخصية الجد بتفيد يعني والا لا البنت مره شرسه الله يعينك على ترويضها
في السفر راح تستغل وجودها لوحدها وتكشف عن شخصيتك الحقيقيه
بس انك الحفيد لاغير موب الزوج لين ترتاح لك وتتمناك زوجها
راح يكون عذرك تعب جدك او شئ من هذا القبيل وانك لازم تمشيها بداله لانها عروس
وبكذا بتكسب ثقتها


سر سجنك وانكشف بس ابد ما توقعت جاسوس عسكري * والله في غيرك جاسوس*
وجالسه تسمع شئ ماكان لازم تعرفه
لقافتك وش بتجر عليك من آلم زياده


غازي/
ليش اعترفت بشئ انت ماسويته أكيد دافعك
لـ الاعتراف كان قوي*
ياترى وش راح تكون ردة فعل هديل على سمعته بتوقف معك والا بتكون حجه لها عشان تتركك
ما أتوقع تركها لك البنت تحبك وتكابر وهذه فرصتها عشان تبين حبها وانت عاد موب مقصر معها في الحب

ياترى هذه نهاية الاعترافات والا لسه وارك حقائق اخرى

صدود في انتظارك بشوق

صباح الورد ......صباح التميز والابداع الغير منقطع .......الف مبروك ياقلبي التميز تستاهلينه وتستاهلين اكثر منه ياقلبي ...... انتي زرعتي وتعبتي لحد ماكبرت شجرة ابداعك والحين صار وقت تحصدين ثمارها ......صدودة ربي يحفظك ويحميك ياقلبي مبدعة من اول حرف ومتأكدة وواثقة انو الين اخر حرف ........صدقيني ياقلبي مهما كانت النهاية سواء قدرتي تاخذ حق هدولة او ماقدرتي تلاقي لها النهاية الي تستحقها يكفيني انك وصلتي شخصيتها ومظلوميتها ومعاناتها في قلوبنا وتعايشنا معاها ...........انا اول مرة اقرء رواية مااقدر اسامح فيه البطل او القى له عذر على كثر الروايات الي قريتها وفي منهم الي كرهت البطلة اكثر من البطل حتى مو لشي بس احس مبرراتها في تصرفاتها مع البطل مالها اي داعي


مثل شخصية الوحش الي فعلا ماشفت بقسوته وجبروته على كل المواجع والالام الي شافها ماانهد ولا ركد ........والمصيبة انا كنت متأكدة انو ماضيه مايخص هديل ولا بشي ........

انسجن ظلم تعذب انجبر من كثر التعذيب النفسي والجسدي انو ينسب لحاله تهم باطلة ..........انطعن بالظهر من صديق الندامة ........بس ربي كان معاه لانو مظلوم في النهاية ربي نصره وطلع مهاما كانت الصعوبات الي عانى منها الحين هو الرجال الي ربي اعطاه القوة في كل شي بالعقل بالجسد حتى التفكير غير .........انسان مثقف اجتماعي يعرف من الدنيا امور غير عن بنت حدها بيت اهلها وصديقاتها ومجتمعها المحصور

تزوج وبنى اسرة وصار له شي ماربي كتب انو يكمل مع زوجته لااول من يطلق ولا اخر واحد والرجال يقدر يتزوج الي يبي ووقت الي يبي ماعليه ملامة والطلاق ماضره مثل الحرمة الي لو تطلق بوقت الملكة حتى لو موهي الي عايفة زوجها تصير منبوذة من المجتمع وكأنها مسوية جريمة

فقد بنته بموته بشعة ...مثل اغلب حبايبنا وغوالينا الي فقدناهم ياحوادث ياالخبيث الي صار منتشر بشكل مرعب الله يكفينا اياكم الشر ياامراض وراثية وخصوصا الاطفال كم طفل عزيز راح مننا وكم عريس وعروس فقدنا منهم الي بليلة زواجهم وفي منهم الي بشهر العسل وبعيد عننا وغيرهم .......... الحمد لله رب العالمين كل واحد مايموت الا بيومه وساعته مهما اختلفت الاسباب ...

وحتى موت اخوه كان مكتوب له يموت بهاليوم ..........بدل ماتكون المصايب الي تعايشها وصابته تخليه انسان صابر محتسب شاكر لربه ...........ويطلب العوض في الاخرة ايش كان تصرفه التجبر والظلم والانتقام وياليت من الي دمروه وحطمو حياته وشخصيته اختار ناس اضعف منه ولا لهم دخل بالي صار ليه بس هواية يطلع عقده المخزونة فيه ويمارس عليهم نفس معناته بس بطريقته هو

الي صار له مضى عليه سنين طويلة ومع ذلك مانسى بتقولون لانو الي شافه قاسي عليه بقول معاكم حق قاسي بس الي صار مكتوب له من ربه او لا .............بتقولون هو انسان والانسان مو معصوم ولا هو كامل بقول لكم بعد صح بس واحد قضى اغلب عمره في مصايب ومواجع انظلم وذاق البعد شاف حرقة قلب امه مرة عليه ومرة على اخوه

عرف معنى فقد الضنى وتوجع اذا فعلا كان يحس ساعتها وماكان حجر بسبب الي صابه من خداع ومؤامرة من صديقه ..........عاش معنى الحرمان من الاخوة والعضيد ...يعني مرت عليه كل هالامور وحس فيها


كيف جاء له قلب يعيش انسانة ضعيفة صغيرة نفس الي عاشه هو انحرم من اهله ووطنه مغصوب وهوحرمها من اهلها وبلدها ودمر مستقبلها كله ..........هو لما انسجن ورجع يمكن بالبداية حس بالنبذ من الناس بسبب التهمة الي توجهت له بس على الاقل اهله وجماعته عارفين سالفته وفيهم الي وقف معاه للنهاية فيهم الي سعى وتعب علشان يقدر ينقده .............لكن هديل مين لها مين يعرف مكانها حتى ابوها مايدري وين ارضها من سماها هو انعرف عند الناس وجماعته مسجون لكن هي ميتة ومدفونة ............بتقولون الذنب ذنب ابوها انا مابريته في هالشي ولا شلت عنه هالتهمة قلت ابوها وعمها وغويزي ذبحوها ودفنوها وهي حية وقلت الي يزوج بنته لانسان همجي مثله يعتبر نفسه دفن بنته صحيح لانو شهالزواجة الي حتى الابو ينجبر عليها شهالزواجة الي حتى الابو يزوج بته ببيت الزوج وبدون علم حتى اخوانها شهالزواجة الي تكون بالتهديد شهالزواجة الي الزوج يطلب من ابو زوجته يشيع جنازتها ويحط عزاها كل كلامي موجود بالبارتات ماجبت شي من عندي

يعني لو هالمتوحش ماعاش الابوة ماكان عنده بنت كان يتمنى يزفها عروس لزوجها مو لقبرها هل كان بيرضاها لبنته هل كان بيقبل على بنته هالظلم والعذاب

مثل ماهو تأثر بماضيه وتغير تحول لوحش لاسباب ماتخص هديل ولا لها دخل فيها حتى هديل انسانة تحس وبطبيعة البنت العاطفة الزايدة بين يوم وليلة جاي يبيها تنسى ورابطته مقهورة منها لانها موراضية تصير مداس له ....الانسان مهما كان الشي القاسي ماينساه الين يموت يمكن يتناسى بس ينسى صعب وربي ............

هو كان ماخذها اداة للانتقام من اخوها طيب كان من باب اولى انتقم من هادي نفسه الي طلع لاقاتل ولا له دخل بموت اخوه ....لو انقص هادي وانعرفت الحقيقة مافي شي بعيد عن رب العالمين ايش موقفه ساعتها صدقوني ماراح يندم ولا يتأثر لانو حتى بعد ماعرف هالشي ماغير معاملته لاهل هديل معتبرهم اعدائه لليوم بتقولون لانهم يبون ياخذون بنتهم .........بقول هو السبب لانو الي سواه مايسويه انسان محترم فاهم متعلم الطريقة الهمجية الي ابتداها معاهم ماتنسى ولا تروح من البال واذا حاولو ينسوون الناس تذكرهم لانو الناس تحب تعيد وتزيد يهالسوالف وتحط بهارات من عندها .............شوفو مين الي ظلم هديل وخرب سمعتها عند الناس مو زوجها الي الناس ماجابت سيرته بالباطل وهو الجاني الاول لانو الفكة فكرته وابوها وعمها هل احد لامهم او طعنهم او نفر منهم نفس هديل

عمرها ضاع كله في التضحيات سيرتها صارت على لسان الكل وهي متزوجة بالحلال ومع ذلك عفت عن الي ظلمها ومارحمها مارس معاها ابشع الطرق كان يستمتع بانهيارها وهو يجيب طاري اهلها وهي مو قادرة توصل حتى لسماع صوتهم يجيب لها اخبارهم وهي محترقة من الشوق عليهم .........اهو مستمتع بوجود اهله وعارف ومتأكد من الي في خاطرها مارحمها ولا اهله رحموها ............
لافي نومها ارتاحت ولا في صحيانها ارتاحت ........يعني ابي شي واحد يقنعني شدخل ماضيه وسجنه بأخفائه واصراره انو هديل ماتدري انها زوجته ...........شالفايدة الي مرتجيها منها ويوم ربي عاقبه على ابشع ذنوبه مو اطهرها اذا الي سواه بهديل اطهر ذنوبه اجل شباقي من مصايب خافيها عننا

الكل يقول الي صار صار خلاص هو يحبها ......صدقوني انتو تقولون هالشي لانو مامريتو بمعناتها او ماحد عزيز عليكم عاش الي عاشته هديل .........شي تعمق بعقلها صار حتى بنومها يجيها اذا حاولت تنسى ماراح تقدر لانو الدلائل الي حولها تذكرها اذا الي عانى من سنين لليوم يتذكر الي صار له بالتفصيل اعني غازيكم لو بيحكي الي صار له من سنين بيحكيه كأنو صاير له الحين وماراح يفوت اي ثغرة ..........بس هل قدر ينسى هل طلع اليي صار من دمه طبعا لا ولاخر يوم ............وللاسف بدل ماكان مظلوم صار ظالم نفس خويه صار مجرم نفس خويه مذنب بس كل واحد بطريقته هو ......... هو كان يقدر يكون عقابه اخف بكثير من الي سواه بهديل كان اخذها زوجة بدون مهر ولازواج ولاجهاز بس على الاقل اعان هالزواج لو اكتفى بأبعادها عن اهلها مثل ماسوى اكتفى بالبرود والجفا معاها كان الامور هينة ........

هموس قالت انو هديل استفزته طيب متى استفزته قبل ماتعرف انها زوجته بقولك لما يجيك واحد غريب عنك وانتي متربية على انو الغريب ماتكشفين عليه ولا تحتكين فيه ولا تختلين فيه ايش بيكون تصرفك لما يشيل غطاك يمسك ايدك يمد ايده عليك يغير ملابسك الي عليك يعني يكشف مو بس وجهك الا كل جسمك وهو يقد يخلي خادمة تغير لها
يضربها ويكسرها لانو يبي ينسبها له من تغيير اسمها الي اسم ابوها وعايلتها الي هي من حقها تحتفظ فيهم وهالشي فخر للمرأة المسلمة الي ربي ميزها فيه .............كيف تبيها ترضى وتقبل هالشي على نفسها وهو يذكرها انها جاريته هل الامر سهل لهالدرجة وعادي

بتقولون ملك اليمين حلال له طيب اذا هي مو مقتنعة الا بالزواج ورضت بالامور السهلة من كشف الوجه الي جلوسها معاه في مكان مغلق بحجابها ....خواته الي هم خواته طعنوها وقذفوها بشرفها واكدو لها انو الي سوته حرام مو حلال وهم يدرون انها ملك يمين ...............وين ذنب هديل هل لو كنتي مكانها بتكون ردة فعلك الرضا والاطمئنان

لما تلاقيه غصب معاك بغرفة نومك طول الليل يشوفك بشكل ماتقبلي يشوفك فيه رجل غريب ..........المصيبة حتى يوم ضعف وبدى يرغب بقربها قام يبوسها ويمتع نفسه وهو يدري بتفكيرها .............لانو عرف كل صغيرة وكبيرة عنها لانو حتى الي تهوجس فيه بنومها يسمعه ...............وين الرحمة والانسانية الي بقلبه

واذا بتقولين بعد رجوعها له بقولك ماتنلام وحدة فقدت ثقتها بكل الي حولها زوج تلاعب فيها وبمشاعرها واستهان فيها تمتع فيها وسوى كل الي بخاطره وماكلف على عمره يبررر ويعترف ويطمنها لو على الاقل بعد اغتصابه لها اعترف هل كانت بتهرب هل كانت بتنبذ حالها .............

المصيبة انكم عاطين الظالم مبررات لقسوته ضد هديل بينما هي يوم قست مو بس عليه حتى على تؤئمها الي ماراح يكون لها عوض لو فقدته دعت عليه بالموت ابوها رفعت صوتها عليه مابررت له ولا لامت بس غازيكم ............هالشي ابسط حقوقها ............مطالبتكم لها انها تنسى وتسلم قلبها مو بس جسدها اجحاف واستخفاف بحجم المعناة الي عاشتها ...........وربي لو ماهديل قوية من زمان فقدت عقلها او ماتت مقهورة وياما امثالها كثير لليوم حتى بعد اربعين سنة زواج يعانون والحين يقضون باقي عمرهم يتعالجون بمستشفى الامل وحدة كبيرة بعمر امي جدة وعندها احفاد عشرين سنة تعاني من مرض نفسي بسبب قسوة زوجها وخوفها من نبذ المجتمع لها لو تطلقت والحين عمرها وشبابها قضته بين ابر المهدئات والحبوب وماتنام الا بمنوم لانها تجلس تذكر ماضيها كأنو اليوم صاير ....

وربي اكثر من مرة شفتها تبكي وتشكي حالها وعورت قلبي مهما كان الحرمة ضعيفة وحساسة وهي بسبب فقدها لثقتها في اقرب الناس مو قادرة تثق حتى بعيالها الي يعانون معاها ويحاولون يطلعوها من الي هي فيه حابسة نفسها عن الناس لانهم في نظرها سبب في اجبارها لنفسها تكمل مع هالزوج القاسي لانو بيحطون لومهم عليها مو عليه مثل حال اي وحدة ........للاسف نظرة المجتمع دايم مايلة تحط اعذار للرجل مهما كانت عيوبه ومساوئه بس البنت تنظلم ومطالبه دائما بالسكوت والرضوخ والاستسلام مثل حال هديل الي الكل ضدها كأنها هي الي اجرمت بحق الكل

ناسيين ومتناسيين انو هي ضحية لزوج ماخاف ربه فيها ولا حط بأعتباره كلام ربه ..(وَلَا تَزِرُ وَازِرَةٌ وِزْرَ أُخْرَى)
يعني مومن حق اي انسان يحط لوم شخص او يظلم شخص لذنب شخص ثاني حتى لو كان اخوه وهذا الي سواه للاسف بطلكم الي تقولون تاب ...........وين الي تاب وهو لليوم يدور مصلحته هو وسعادته هو ........يوم اكتشف انو ماله حق عند الجاسم هل تواضع معاهم وعدل من علاقته لليوم ولبكرة بيعتبرهم اعداء له ............تعامله مع ام هديل وابوها الي ظلمهم وعذبهم وحرق قلبهم بدون وجه حق لليوم قاسي وجاف ومثل وجهه وهو الي له حاجة عندهم مو هم ..........
اخوانها الي هم خوال ولده كيف تعامل خايس وقمة السخافة .........لايقول هم الي مو معطينه فرصة هو الي غلط بحقهم وقسى واجرم بحقهم وحق بنتهم ............ولو هو مكانهم ووحدة من خواته صابها ربع الي صاب هديل كان بيكون مثلهم ...........هو الي جاب هالي لنفسه ماحد ظلمه ولا اجبره ............تاب الله يتقبل توبته بس لايطالب الناس ترضخ له مثل مايبي ولا يستهين بالي سواه مثل ماهو عقدته الي من سنين شبابه مأثرة عليه ولا كلف على عمره يروح يتعالج ..........من حق هديل انها ترض تكمل معاه ومن حقها تنفر منه مافي شي سواه ينذكر له بخير الفلوس والهداية عمرها ماتشتري الخواطر وراحة البال

ماقدر ينتقم من الي دمره انتقم من وحدة مالها دخل بالي صار له ......وانا اشوف ذنبه اكبر من قبل لانو عرف معنى الظلم وعرف معنى الحرمان من الاهل وعرف معنى السجن والحرمان من الحرية عرف معنى الالم الجسدي والنفسي ومع ذلك وبكل وحشية وتجبر مارسه على غيره وبنفس البشاعة والقوة وهو ماقدر يتخلص من ماضيه يبيها بسهولة تنسى الي صار لها وهي بنت لاحول لها ولا قوة ....

هو مانسى غريمه بس ماحرق قلبه مثل ماحرق قلب اهل هديل ماقدر يتمرجل الا على الحريم والظاهر الي خانه ماعنده خوات ينتقم منهم بالي سواه اخوهم اخذ هديل فرصة يفرغ فيها الاولي والتالي خلي هديل تسمع وتعرف انو الي سواه فيها مو من حرقة قلبه على اخوه مثل ماقال مو يبي يبرد قلبه علشانه بسبب اخوها لا هو انتقم لنفسه واخذ حقه من الي اجرم فيه منها .............ماقدر على خويه استقوى عليها ..........والحين بكل وقاحة ووساعة وجه يبيها عبدة لرغباته وتسلمه قلبها قبل جسدها علشان يضمن سعادته وراحته بعد ماطلع الي بنفسه من خويه فيها

خوش امان وسعادة وعدالة ...............هديل بس مخلوقة للتضحية من اجل غيرها اما انها تعيش لنفسها وتحقق رغباتها نفس ماالجلمود يحقق رغباته وبكل ثقة مو من حقها ..............شتبغي فلوس بيعطيها بيت بيبني لها عشر ملابس مجوهرات بيعطيها هذا العوض وسعر وقيمة الي سواه فيها خلاص ترضى ترضخ عادي على ايش تطالب بكرامة وحقوق ومراعاة مشاعر وهي ملك لهالرجل الي له كل شي وهي مالها اي شي هو له حقوق ومطالب تلبيها بدون حرف واحد وهي بالطقاق بحريقة ..............هو له ماضي معذور عليه حتى لو مايخص هديل ولا له دخل وهي مو من حقها تعاقبه على ذنبه هو على جرمه هو مو جرم غيره

مو كافي جسدها عنده مو كافي تلاعبه فيها ومخلي ولده عذر يكذب ويألف عليها وهو عنده حلول ثانية ماكفاه خطط واكاذيب ببداية زواجهم رجع لنفس الاسلوب بس بطريق ثانية .........قال انو ماراح يستخذم ذياب اداة للي يبغي لكن الي صار هو استغلال ولده علشان تظل معاه وين وعده لها الي للمرة المليون يخلف فيه بس هالمرة علشان يسوي فيها الحقاني قال انتي مخيرة وانا اشوف انو مافي خيارات وين البدائل لغير الاخو المزعوم لو هديل ماحملت في المدة المزعومة ..........ليه مايخيرها بينهم كلهم ........لانو عارف انو الاهم عنده نفسه بالدرجة الاولى اول يضمن الي يبي هو بعدين يفكر بغيره هذا هو من اول ماعرفناه ماتغير ولا شي ولا تعلم من جرايمه وتبوني احن عليه ......اسفة مااقدر قلتو حقودة قلتو متخلفة مريضة نفسيا معقدة وعايشة نفس التجربة وغيرها من ديباجتكم الي كل مرة تتحفوني فيها ..............ارجع اقول ولا وحدة من رابطة غازي تقراء ردي لانو ماراح تلاقي كلمة مدح او رضا عن عديم الاحساس والانسانية والضمير .........ماراح تلقون الا كلمة الحق وبس الظالم مهما على صيته لابد بيوم ينكسح وينزل اسمه ويطير والمظلوم هو الي يظل ذكره شايع وانا مع هديل للنهاية

مااطلب الا العدل لها ومن ابسط حقوقها انو قلبها ماتسلمه لانسان مايستاهله انسان بيوم مااهتم لقلبها ولا لمشاعرها واحد حتى الامان ماوفره لها ليه علشان ماضي هو توجع منه وعيش فيه زوجته بأبشع الطرق ...اخذ جسدها اخذ عمرها وضيعه دمشير شخصيتها ودفن مشاعرها خلاص كافي عليه وهالي فوق الي يستحقه ....مو كل الي ه يحصل عليه مثله مثل هديل حرمها من اشياء ماعاد تقدر تعوضها ولا ترجعها ........
هو مو احسن منها طلتو ترجع له طلبتو تعيش عنده بس كافي عليه لهنا وبس يكتفي في هالشي ظلم وظلم وظلم بعد كل الي سواه فيها هو واهله وحتى اهلها اشركهم معاه بخطته بسبب قلبه الاسود وخسرتهم لانو الي ينكسر مايتصلح خلاص ماله حق بالقلب ولا الحب ........صدود مانطالب الا بشي بسيط يضمن عيشة هديل الباقي من عمرها مرفوعة الراس وانو في عندها شي تملكه مايقجر المجرم يحصل عليه ولا بكنوز الدنيا لانو هو الي رفضه من البداية خلاص كافي انك حبستيها باقي عمرها بسجنه الين ربي ياخذه وترتاح منه ..........بس السعادة الي حرم هديل منها كزوجة سواء له او لغيره ينحرم منها باقي عمره لازم يجني ثمن ظلمه ....وكافي عليه الي حصله علشان يكون عبرة له ولامثاله


اما رشا يمكن بسبب تفكيرها بالحمل صار هاجس عندها ........بس دامها ماتشكي من اي مشاكل تصبر وربي بيعطيها العجلة ماراح تنفعها والنفسية اذا تأثرت راح تضرها ماتنفعها ........ويمكن هي حامل عادي كثير يجيهم نزيف يومين وينقطع ويطلعون حوامل لي صديقة وعمة اعراض حملها تبتدي كذا ويطلعون حوامل ........من وحدة لوحدة تختلف مو بالضرورة يكون حملها مثل شينة الحلايا شوكوه الي على ذنوبها الي لليوم تأثيرها باقي حملت مرتين ........هي تبعد عن ابو الذنوب واخته وبتصير بخير ............


خلود ومسفر

ارجع اقول الي صار شي مايرضي احد واستهانة بحياة ومستقبل انسانة والي يبدى بخدعة ماراح يكون الراحة والثقة عنصر اساسي بحياتهم ............خلود صارت حياتها قريبة من هديل بس الطريقة مختلفة هديل تزوجت بمؤامرة خبيثة من المجرم واخته وبمساعدة ابوها يوم زوجها له ........وخلود بخطة حقيرة من المتخلفة مراموه وبمساعدة وموافقة من امها .........الفرق انو هديل صاحب الخطة هو غويزي بس خلود مسفر ماخطط من البداية مع انو بداخله راضي فيها والدليل انو طاري هديل ماجاء بباله الا يوم المتخلفة مرامو جابته وموافقته وتطبيقه لخطتهم دليل على رغبته فيها بس هو ماحسبها صح ...........مهما كان غرضهم مالهم حق يلفون ويدورون مافي احسن من الصراحة كبداية لاي حياة زوجية ...........لانو الي يبتدي بطرق ملتوية اقل عنصر خارجي يجيهم من برة بيلقى النجاج بخطته لهدم حياتهم ......... لانو الثقة مهزوزة سواء بحياة هديل او خلود الثنتين انطعنو من اقرب ناس لهم ..........الثنتين حتى صديقاتهم المقربات الي عارفين اسرارهم ومعناتهم اشتركو ضدهم صوفي الي كنت اعتبرها قمة لانها هي الي وقفت مع هديل في اصعب مراحل حياتها بمجرد رجوعها لماكس عبد غازي صارت مثله وسلمت اسرار هديل الي امانة بعنقها ليوم الدين لواحد ماله حق ياخذهم بدون اذن صاحبة الامانة ..........يعني هديل ماظل لها احد تثق فيه ابد ...وخلود وثقت في مرام كل شي تخبرها عنه ومع ذلك هي الي اخترعت هالخطة ونفذتها علشان ترضي نفسها

صدود تكفين بردي خاطري فيها هي وصوفي خليهم نفس شوكه ورشا بالنسبة لهديل ........خليهم يعرفو كيف بستهتارهم بمعناة غيرهم فقدو اسمى العلاقات وهي الصداقة الحقيقية الي فعلا نادرة بوقتنا وصار الصديق هو الي يطعن صديقه ويسبب له المواجع ........انا شخصيا انقرصت قرصة كبيرة من هالنوع من الصديقات وغيرت في شخصيتي الكثير وصرت اتحسس من ابسط الامور لانو الي شفته شي قاسي جدا جدا عمري ماراح انساه الله لايذوقه لاي وحدة فيكم

صدودة في انتظارك بشغف وانتظار كل ماتخطه اناملك ننتظر البارت مثل دايم بكل حماس
واشتياق وننتظر مافي جعبتك من احداث

السلام عليكم
سر معرفة غازي لهديل قبل يتزوجها اتوقع له علاقه بالسالفه