كاتب الموضوع :
صدووود
المنتدى :
القصص المكتمله من وحي قلم الاعضاء
مساء الورود
مساء الفرح
مساء السعادة[/COLOR]
( وعـــدت إلــيـك يــا صـحـراء.. ألــقــي جــعـبـة الـتـسـيـار.. أغـازل لـيلك الـمنسوج مـن أسـرار)
واخيرا ياغازي بترجع معك هدولتك
( أستلطفت حالها الغريب..تشكي له ويزعل عليها..تمنت لو تطلب منه ينتقم لها منه..)
وعرفت يقينا وقطعت الشك باليقين ان مالها مفر من غازي الا بغازي نفسه ..
هربت لاهلها ومالقت عندهم الي تمنته او رجته .. تنتقم من غازي وتطلع كل بلاويها فيه اهون
من عيشتها بكل هالهم والغم والصمت المبرح والالم القاسي على نفسها من ناس رجت منهم
الراحه والسعادة والامان الي انحرمت منه سنين
( إلا نساينها مستحيل يسمح لها تبتعد عنه وتغيب.. )
لسان حال غازي يقول :
انساك .. دا كلام .. اهوو دا الي مش ممكن ابدا .. دا مستحيييل
( قفلت الجوال ماتبي تسمع كلامه..ولا تحس بكذبه الصادق..ماتبيه بحياتها..هي خسرت كل شيء.. )
مقاومه لاخر لحظه مع تاكدها بان غازي هو ملجاها الاخير والي ماراح يصدها ولا يكسر
بخاطرها ولا يحسسها بالذنب مثلهم
( بس صدهـ لها جرحهـــــــــا..صدمها بقوووة..حست إنه يتمها..)
هادي كان القشه الي قصمت ظهر البعير .. هديل تحملت الكثير من الصد والجور والاهانه
والصمت المميت لانها كانت تلتمس لهم العذر وهم مالهم عذر بس اخر شي تؤمها تؤم روحها
الي فدته بروحها بحياتها بمستقبلها يصد ويجفى ويتجاهل هالشي الي ابدا ماقدرت تتقبله
ولا تتعايش معه
هروب هديل لبيت اهلها القديم محاوله منها لاعادة الزمن لوراء
وكانها تمحي الخمس السنين بكل مافيها .. تبي ترجع هديل بدون هم بدون الم
بدون ذياب بدون غازي بدون تضحيه لناس ماتسوى بدون ضياع حياة وحلم
( ما بأرجع له..لو يرجووني كل الناس..لو ينبذني العالم وسكانه..لو أندفن بتراب ورماد..
ما ارجــــع له..)
رجعنا للهياط ياهديل ... اعقلي وخلك من الهذره الفاضيه الي مالها سنع .. اليوم بس بترجعين
له وبتركين اهلك وانت ناقمه عليهم
( حجر.. إيـــه أنت حجر.. بس وفي أكثر من البشر..)
كلمات قاسيه وفي الصميم .. فعلا بعض الاماكن تكون شاهدة لاحلى اللحظات بالحياة وتبقى
لها معزة خاصه بالنفس وبعضها كئيبه وحزينه وكل مادخلتها تذكرك باسوء الايام الي مرت عليك
( حطت يدها على الجدار وبدت تبكي وتناجيه.. )
ياربي من هالجدار بكل مكان الاقيه .. تبكي تحط يدها عليه .. مطربه تغني تتمسح بالجدار
وكانها تتبارك فيه .. بيغمى عليها ترجع لوراء وتتكي على الجدار وبعدها تتسند عليه ..
يهاجمها البطل تتراجع وتلصق في الجدار .. غرووري ماتقولين لي وش سر هالجدار ^ ^
>> فيس الدوووعابه ههههههههههههه
( علي\قال نزلها في شارع ومشى.. رحت هناك ماعرفت بأي مكان راحت..)
والله من الدلاخه وقل التفكير ... يعني ماعرفت ان هالمنطقه قريبه من بيتكم الاولي
( من ردت فعل علي تاكد إن الموضوع يخص هديل..وماحب يوضح له إنه مايدري عنها شيء)
يالبى الذكي الي يستدرج ويعرف شلون يقنصها
( علي بغضب كسير\هي طلعت من البيت برغبتها..شكلها نست سلومنا وعوايدنا..
قل لها دامها جاتك برجلها ماعاد ترجع لنا..ولو ظلت بموتها كان احسن من تنكيس روسنا بين العرب..)
عسى لك العله ياعليان .. فكوني عليه .. الحين حتى لو رجعت لزوجها تكون نكست برووسكم
عسى لرووسكم تنتكس وماتنرفع ابد
( غازي بغضب أكبر\ضيعتوها..؟؟متى طلعت من البيت؟؟وين راحت؟؟ومن متى مختفية ..؟؟)
وه وه الله يديمك فوق راسها .. بس عرفت انها ضايعه من اهلها حجزت على اول طيارة
ولا ليش تحجز وانت عندك طيارتك الخاصه ... هذا الزوووز ولا بلااااش *_*
( لو بسسولف لك..تصصيح وتطلب سككآتي ,,,)
وهذا الي صار لكلا الطرفين .. هادي تكلم وتمنى لو ماتكلم وهديل انفجرت وطلعت
الاولي والتالي وبكذا فرغت كل الي بقلبها ونزلت حمل ثقيل ثقل الجبال على ظهرها
بس مع كذا ماراح ترتاح بتظل تانب نفسها لانها مقررة من الاول انها لو بتشكي او تلوم
فهي بتلوم غازي وبتشكي له منه هو
( واليوم واثق إن ردت فعل غازي بسبب هديل..وتمنى نفس أمنية غازي..عشان هديل..)
حلو حلو حلو يعني عرفت وتاكدت ان غازي يحبها ويفداها بنفسه وانها الحين بتكون
بخير وهي برعايته وماعليها خوف معه
( لمت أغراضها اللي كانت تتصفحها..ورمتها بإهمال في سلة بزاوية الغرفة..)
مع رميها لاغراضها الي لها قيمه خاصه بنفسها تكون تمسح وجود هديل الاوليه
ترمي طيبة هديل معها وتبدلها بهديل ثانيه هديل بشخصيه ثانيه غير معروفه للجميع
هديل قاسيه وماهمها الا نفسها وبس
( غازي\قال أخوك إنها معك..هي معك أو تكذبون علي..؟؟وين وديتوها..؟؟)
المسكين قلقان وخايف عليها والعلل مو راضيين يبردون قلبه .. غزووي لبى قلبك
لو ماردو عليك اسألني وانا بجاوبك ولاتذل نفسك بسؤالهم
ترى شوف هي بقيت ببيتهم القديم يومين وبعدها رجعت .. يالله سنع عمرك وتعال
واخذها على جواد ابيض وطير فيها لايطاليا -_-
غادة وراكان : الاحتمال الارجح انها حامل وتتوحم فيه وكارهته والاحتمال الثاني
هو انهم مطقوقين عين وهو احتمال ضعيف لانه مو وقته والي مرو فيه قبل يكفيهم
( سكتت بعد ماضربها علي بقوة على وجها يبيها تسكت..)
وقص يقص ايدك ليه تضربها ... هذا حق حصري بغازي وبس خخخخخخخخخ
( ليه يوم هذااااا عرف إن هادي بريء من دم سعود..لييييه ماجاء يرجعنيييي لييييييييييييه..؟؟)
هنا ماقالت ابوي مو عقوق بقدر مو هو عتب وقهر لانه يدري بانها متغربه ومتعذبه
وساكت ولاتحرك حتى ينقذها .. كيف رجت سنين انه يجيها ويهربها وبعد كذا تعرف انه يدري
ببراءة اخوها وبالتالي فك العقد الي عقدوه ومع كذا تركها ولا تصرف بشي عشانها
بكذا اثبت لها بالبرهان القاطع انها ماتسوى ولا تهم عندهم ولو كانت تشك شوي بالمبادله
الي صارت فهي ايقنت فعلا الان بمدى تفاهة قيمتها عندهم وانتفاءها اصلا
( بين شهقاتها المتلاحقة شمت ريحة ذياب..ريحة مبغوووضة من كل قلبها..ريحته هو..
يعني ولدي كان معه)
الي مافهموا هالنقطه .. فعلي وهادي لما اخذو ذياب منها كان غازي تحت واخذهم منه
وطبعا حضنه ولصقت ريحة عطره فيه وهي لما اخذت ابنها من الشغاله شمت ريحته
وعرفت ان ولدها كان معه يعني هو متواجد الحين تحت
اهنيك غرووري من كل قلبي .. مشهد انهيار هديل ولا اروع عشت الحدث
وكاني اشوفه امامي مصور بكل مافيه من الم وعتب وقهر وجفاء وحقد وضغينه
بكل خيبه وحزن وانهيار وظلم
( تتجمد الدموع في عيونها ويضيق صدرها.. ماتقدر تتنفس ولا تقدر تبكي..)
غازي هو اقرب واحد لها رضت او ابت .. هو الي يفهمها ويفهم جميع الحالات الي
تمر فيها وكيف تحس وتعاني ولانه يدري فيها قالها ابكي حتى تفرغ بدموعها
كل قهرها وكبتها وخيبتها
( واليوم عجزانة تبكي على حالها..هديل بمرارة\أكــــرهـ سعود ..أكرهه..
طاحت في حضنه وهي ترتجف..وبعد ثواني فقدت وعيها..)
يالبى هالغازي .. لانه يدري انها ماتقدر ترتاح ولا تبكي ولاتشكي
ريحها بنفسه وسوى حركته السابقه وافقدها الوعي ... لانها مابترضى تاخذ
ابرة تهديها او تروح مستشفى يعالجوها من انهيارها وبنفس الوقت بيستفيد من
هالحركه بانه يثبت لهم انها هديت معه وبين ذراعينه وبكذا يبقى معها بغرفتها
غصبا عنهم كلهم ههههههههههههههههه
سلمان وياسمين : توضيح بسيط من سلمان كان كفيل بتطبيب جرح ياسمين ...
صحيح هو كان محتاج لهالدرس حتى مايتجرا مرة ثانيه ويسويه خصوصا انها
بحاجته ببعدها عن اخوها واعتقد ان هالموقف بيكون درس لاثنينهم بالمستقبل
موقف ام علي وعسوله يدل على حرص شديد على سمعتها وعلى عدم اذاها
طبعا هو اهانه بنظر هديل لانها اساسا ماغيرت شي من عاداتها اما هم فلان سمعتها
تاثرت برجوعها بعد موتها المفترض ويمكن بسبب الشي الي غيرهم فهم حريصين
يوصلو لها المعلومه بطريقه بسيطه غير مباشرة
رشا وراجح : الله يعينكم على بلواكم .. اجل تعدين نص شعر عارضه .. اهم شي تكوني
حطيتي اشارة لاتنسي بعد وين وقفتي هههههههههههههه
بارت ولا اروع وبكل بارت اعيد هالكلمه لانك دائما متفوقه على نفسك
الله يرزقك سعادة الدارين يااروع غرووور
|
13-02-12, 02:30 AM
العرض العادي
