وين بآرت الهديه؟؟ >>فيس زعلآن ويتشره..

الصرآحه متحمسه لرده فعل غآزي ع كلآم هديل
وأحس إنه بيقولها ان امه وعمه محآربينه حبتين عشآن لآتحسس بآلنقص~

وتكفين لآ تخلين مسفر يقرب من هديل أإككككككككككرهه قليل آلأدب >>حاقده عليه من المطآر

وبانتظ’آر رجوع صوفي للبارتات اشتقن’’ـآ لهآ

السلام عليكم ورحمة الله وبركاته ...

مســــــــــــاء الخيـــــــــــر يا وجيــــــــه الخيييير ..


جاية بعد ماشاكستني البطة طيف الأحباب ..

لبى قلبك يا ام الوليد كيف قلبتي الدنيا فيهم..
وغيرتي الجو بردوود عجيبة..
شفتها وقلت يالهوووي أنا متى نزلت هذا البارت ..
ودخلت جووو غرييب ماهو جوووي ..

بس عتباااانة عليــــــــك مررررة.. ة_ة

القفلة ماحبيتها منـــــــــــــك <<فيس توهـ يحس بشعور البنات بعد القفلات ..

أدلي بدلوووك يا أم عوووق المزايين وزياااد الدلوع <<<فيس الكاتبات اللي مدري وش يبوووون ^_^


حااااسة عندك المزييييييييد من المشاكسااااات ...


كوووني والجميـــع بخير ...

مساء الورد وألوانه
گ العاده صدود ابدعتي

المره هذه كانت الغلبه لهديل وعرفت وشلون تسكت غازي وانها
عارفه بأدق تفاصيل مرض ولدها وليش ما تكون كذا وهي اللي عانت في غربتها
من الحمل والآم الولاده المبكره
وكان من نتيجتها مضاعفات على ولدها
بس بالطريقة هذه أكيد اهلها بيعرفون انك ماكنت معها لا في حمل ولا ولاده
والا وش بيفسرون عدم معرفتك بمرض ولدك
بعدين خلهم يدرون عشان يوقفون معها ضدك يكفي انها ضحت بعمرها وراحتها عشانهم
وتشوف منهم الصد هذا كله
اجل اذا عرفت مين اللي كان معها وعايش كل لحظات ولادتها وتبرع لها بدمه
انه مسفر عدوك اللدود
راح تقولك صوفي عن كل شئ والصور والفديو بيعرفك على أشياء راح تنجن لما تشوفها
وهي ترضع وهي تلعب معه وهي تحتفل بعيد ميلاده


وانت زي ماانت ياغازي ماتتغير اجل تبي تأخذ الولد وتقهرها ولا بعد تعذبها
ليش عشانها حرمتك من ولدك وخبت عنك مرضه
اجل انت اللي سويته فيها وش نسميه
حرمان وتعذيب واهانه

علاقة هادي مع هديل يمكن يكون عرف بالحقيقه ولا عاد له وجه يقابلها فيه


ظهور خلود في الوقت هذا معقوله تكون من نصيب مسفر وتقدر
تنسيه هديل

سلمان وياسمين
زين اللي تسويه فيك ياسمين بتبقى مجروحه منك وجرحها كايد


معقوله يجئ غازي ويأخذ هديل معه بما انها أشتكت من تعامل اهلها
وصدهم عنها
عاد ما لقيت الا تقولين الا غازي عاد هو يبيها من الله عشان يجيك طاير
بحجة علاج ولده وهو في الواقع علاج لقلبه اللي شاب نار عليك

بحجم السماء شكرًا لك غاليتي صدود

اصبرن دقايق خلني اتولم لأبن جالي زين واستجمع قواي


والله يافيني غلن عليه

مساء الورد على صدود ومتابعاتها

,
,
,

هديل بسخريه \رجعت لطبعك ما تصبر ما انتي ابن جالي اذا ما اصدرت او امر

غازي يحاول يمسك اعصابه\آسف حبيبتي ماهو قصدي بس تعرفين طبعي الغيور..,

هديل بسخط وتسد اذانها بيديها\ لاتقولي حبيبتي لا تقووووووولها اذا سمعتها منك احس اني ابي استفرغ ..

عدى الموكب ونزل غازي من السياره وفتح لهديل الباب..,

غازي بخضوع مصطنع\ تفضلي حبيبتي آسف قصدي ام عيالي..

هديل تنزل من السياره بتذمر\ الصبر يا ربي عليه الصبر..,

ومسك غازي يد هديل وهي تحاول تتخلص منها

هديل با اشمئزاز \فك يدي شايفني بزر خايف اضيع ..,

غازي وهو يكتم غيضه ويبتسم\بطلي ها الحركات فضحتينا شي طبيعي امسك يدك عروسه..,

هديل بقهر ومازالت تحاول تفك يدها\يا علك لأبو العريص الي ما يلقى مكان ينط عليه ويقرمه الا خشمك

الي انت رافعه وما تشوف الناس شي..,

غازي يضحك وهو ماسك يدها\والله محد خسران غيرك يعايرونك الناس حرمة ابو خشم مقروم قصدي طليقة ابوخشم مقروم..,

اردف وهو يحاول يمسك ضحكته \اسمعي لا اشوفك تدعين علي مره ثانية يمكن تستجاب دعوتك وابو العريص يقرم خشمي

والا فاره تاكل اذني والله ما اطلقتس ياهديل الا بعد ما تخلفين لي عشر عيال ماهم بنات بعد عياااااال

عوق بنفاذ صبر وخوف\انت من جدك واتفاقنا..,

غازي بسخريه \انا ما قلت شي على اتفاقنا بس انتي الله يهديك تدعين علي..

الحين من يقبل فيني وانا وجهي مشوه وماعندي خشم..,

ماسمعتي المثل الي يقول عزوبي دهر ولا ارمل شهر..

وانا رجال ابي لي عزوه والا على بالتس بقعد على ذياب بس..

واخوه ان شاء الله الي بيجي الي اسمه محمد مدري ايوب..

اردف غازي وهو يرفع يديه ويدعي ويناظر هديل بنص عين \يارب تؤم..,

دخلوا غازي وهديل الجناح

غازي بابتسامه\هلا ومسهلا بهدوله الحين الواحد يحس انه متزوج ومدامته معه ..,

هديل واقفه وتميل فمها با استحقار

غازي يبتسم \وش فيك ما عجبك كلامي استحمليني يا بنت الحلال كلها فتره وتعدي وكلن يروح بحال سبيله..,

غازي يحاول ينزل عباة هديل\نزلي عباتك ياحلوتي مافي احد تستحين منه مافي الا زوجك بشوف كشختك..,

هديل تبعد يده بقوه\بعد يدك مصدق نفسك زوجي والله من القراده..

ابن جالي يضحك بشده ويكح من شدة الضحك\اكيد زوجتي ومن يقول غير ها الكلام ..,

اردف غازي وهو يرفع حاجب وينزل حاجب\والدليل سحبتك قصدي اخذتك قدام الكل محد فتح فمه اولهم ابوك الي باعك لي

قصدي زوجك لي با العكس مستانسين العالم وابوك يوصيني عليك..

هديل بتهكم واشمئزاز\والله يا حبيــ ياحبيب ام رسل علشان ذياب والا تحلم ارجع معاك..,

غازي استشاط غضب ومسك هديل مع رقبتها وبصوت عالي وهو يصك على اسنانه\اسمعي ام رسل حرمه راحت بحال سبيلها..,

وانا نسيت حتى كان ربي خلقها من يوم طلقتها واعرست لا اسمعك تقولين ها الكلمه مره ثانيه على لسانك ..

ماهو ذنبنا انا ما صار بينا تفاهم وانقطع النصيب عيب يا بنت الا صول عييييييييييييب..,

هديل تضرب غازي على ايديه وهي تحاول تخلص رقبتها \ابعد عني انت تستحي والا تعرف العيب ..,

غازي يضحك ويقبل خشم هديل ويفكها \يا حليلها قطوتي تخربش بعد..,

هديل وهي تمسح خشمهابقوه من اثر قبلة غازي

غازي يبتسم بسخريه\شوي شوي لا تقطعين خشمك تراه عاجبني..,

ما اتخيلك بغير ها الخشم الحلو ولا ناويه تسويهن مثل خشوم ها الممثلات ..,

الي مرات يتهيئ لي اشوف خشوم كلاب توها مولوده من كثر ماشوهو خشومهم با التجميل..,

غازي يتلمس خشمه ويغمز \اما انا اذا ابو العريص قرمه بخليه كذا علشان تحبيني اكثر واكثر

وان شاء الله بتحبيني وانا على شكلي هذا..,

هديل بتحدي\والله ما احبك يا بن جالي لو حطيت رجل با الارض ورجل با السماء

غازي بهمس \ماهو مهم تحبيني الحين

مرات الحب يجي مع العشره لكن تكفين نزلي عباتك

ماعاد فيني صبر ابي اشوفك بدون عبايه..,

هديل تبتسم با استهزاء\تبيني تشوفيني بدون عباه لك الي تبي يا غازي

غازي وقف ومسكها مع يدها ودخل لغرفة النوم \نزلي عباتك هنا احسن

دخلت هديل معاه وهي ساكته واتجهت للمراية ونزلت طرحتها

وعدلت تسريحتها الي كانت مرفوعه رفعت بعض الخصل الي طاحت

ونزلت عباتها وعدلت الفستان الي كان كاشف جسم هديل واثار ضرب غازي واضحه بشكل بشع

غازي كان يناظر رسايل بجواله و فاطس ضحك ما انتبه لهديل الا لما مشت ووقفت قدامه

رفع عيونه بتقييم من تحت لفوق وهو جالس بمكانه وطارت عيونه

غازي با اعجاب \حرام عليكي حارمتني من اليوم من ها الجمال ملتفه بها العباءه والطرحه

بس ليش فستان اسود يعني علشانه ملك الالوان

اردف وهو يبتسم بهمس ويغمز بعينه\بس فعلن طالعه ملكه..!

هديل تناظره بسخريه

غازي با استغراب \غريبه ساكته حلوتي وماتخربش

هديل تناظر ومستمره بصمتها

وقف غازي بيضم هديل وناظركتفها ولف جسمها وشاف ظهرها

غازي طارت عيونه بذعر \وش هذا انتي طايحه ومتدربحه من فوق جبال الهملايا وش الي مشوه جسمك

هديل با استهزاء وقهر\وش الي مشوه جسمي..!!!!!!!!!!!!

الي شوه صوطك يوم هجت وانجنيت تضرب بدون شعوراهم شي تبرد قلبك من الجاريه الي الحين تشوفها ملكه

ماهو مهم تحيا تموت تتشوه عااااادي عندك..,

والحين تبي تقنعني انك تحبني وكل الي قاعد تسويه علشانك متمسك فيني..,

انت الي في قلبك لي ماهو حب بقدر ماهوحب تملك مثل حب الاطفال لألعابهم..!!

شفت لك لعبه حلوه وللحين ماشبعت لعب منها بس يطيب خاطرك ترميها..,

والدليل تكفيخك لي كأني جماد مثل ما الطفل يزعل على لعبته ويحذفها يمين ويسار

ويرجع يلعب فيها..

هذا انت طفل تعلق بلعبه بس الفرق ان لعبتك من دم ولحم

غازي مازال مصدوم من شكل التشوه الي بجسم هديل\حرام عليكي لا تظلميني وانا حبي لك يدفعني اتصرف كذا

ما توقعت بيوصل لها الشكل ..

هديل بتذمر\يوصل ما يوصل خلاص جسمي ماراح يرجع مثل قبل وانا بديت اتناسى جراحك..,

كل ما ابعدت عنك اكثراتعافى اكثر..

هديل تاخذ عباتها وطرحتها وتتجه لباب الغرفه بتطلع وغازي مازال مصدوم

هديل بتقزز\اسمع وجودي معاك شر لابد منه وانا طالعه بنام دايخ راسي من دوشة الحفل..,

واذا طلعنا للألمانيا ما ادري ايطاليا

المهم المكان الي بنعيش فيه انا وانت ها الفتره لين يتم الحمل وولادة الطفل

ابي شقه ظلمه مافيها ولا لمبه ولا مصدر لنور اشوفك منه..,

بعيش معاك بمكان مظلم حتى ننتهي من ها المهزله ما ابي اشوف وجهك نهائي ..,

بعيش معك بظلام مثل الظلام الي خليته يخيم على حياتي من يوم عرفتك

وهي فتره وان شاء الله تعدي واطلع انا وعيالي لنور من غيرك

ولاتنسى المسلمين على شروطهم

احلام سعيده يا عريس مع ها الجو الرومانسي والورود المنثوره

اردفت هديل قبل تسكر الباب \وش بلاك تضحك عساك تضحك بلا سنون ..,

وطلعت هديل تطبخ قهر وتسمع صوت غازي فاطس ضحك
,
,
,


وتقبلي مروري وتطفلي بممازحه من اختكم


طيف الأحباب