السلام عليكم
الصدة عساج عالقوة ومشكورة عالبارت العجيب الرهيب
عجبتني هديييل واهي تقهر الجلمود وعجبني غازي واهو يكلم المسكينة الحزينة ويوصف حاله وحال ايطاليا بغيابها وشدني شلون تشتكيله من اهلها وتطلبه يرجعها يعني ياااااااحلوج ساكتة تشتكين له ها ....اقول هذا الرد اذا انشات بحرم اعلق هذا انا لاذميت جلمدكم ولا هبلتكم بس ابي اقول شي يقرقع بقلبي
يعني الصدة لو تكرمتي متى تعتقينا من هالقفلات يا صدمة والاترقب والا حزن يرفع السكر ويخسف بالضغط
بس مانقول الا حسبي الله على الادمان ادمنا وخلاص ما لادمانا علاج غير جرعتين بالاسبوع
وختاما عسى تصدج النار من لهبها..........نمورة ناطرة تنشات

مساء الورد على صدود وكل متابعاتها

ردي ها المره ماهو طلب من احد لا انا رجعت من نفسي

بمشاكسه لوحده تعرف نفسها...؟!!!!!!
,
,
,

ما ابي اقول غازي نايم ويحلم لأن الكذب بالاحلام حرام

بقول غازي جالس بسيارته بعد ما وصلته تقارير كامله عن وضع ذياب <<صدود انتي وها الاسامي ذياب عاد

واخذ اراء استشاريين كبار متخصصين بها الامراض ..

غازي بحيره\انا الحين كيف بقول لهديل عن التقرير الي وصل واراء الاطباء هذي يمكن, يمكن ينفصخ عقلها مره وحده

طيب ليش يا غازي انت متشائم كذا جرب يمكن توافق

او يمكن اهلها ماراح يصدقون وبيقولون انها كذبه مني علشان ارجعها

انا مالي الا اضرب الحديد وهو حامي بقولها عن الحل وهي مخيره ذنب ولدها برقبتها انا ما خليت ولا بقيت باب مادقيته

علشان القى لذياب علاج مافيه الا ها الحل..,

غازي في بيت ابوهديل وطلب يقابل ابوها وامها

غازي منحرج\انا رجعت البارحه من المانيا وعرضت تقاريرذياب على اكبر الاطباء

وقبلها هنا استشرت لجنه طبيه متكامله من اطباء واستشاريين متخصصين بها الامراض واتفقوا على نفس الحل..؟

ابوهديل بزعل \وش كان الحل يا ابو الحلول..؟

غازي \الحل ما اقدر اقوله الا قدام هديل ابيها تسمعه معاكم..!

ام هديل\حقك الولد ولدكم ومصيبته عليكم اثنينكم بناديها لك ,,

طلعت ام هديل تناديها..

ام هديل \زوجك با المجلس يبيك معاه اوراق تخص ولدكم

هديل\الله يكفينا شره يا يمه الي من عرفته ماعمره جاب العلم الي يفرح بقوم اشوفه علشان ذياب وبس

دخلت هديل وهي مشمئزه من شوفت غازي

هديل بحده\بسرعه عطنا الخبرالاقشر الي عندك..

ام هديل\تعوذي من الشيطان يا بنتي ان شاء الله خير

هديل\ليه هو انا من شفت وجهه شفت الخير هذا من عرفته وانا من بلوى لبلوى والحين بتسمعين الصاعقه الي بيقولها

غازي بنفسه\وهذي الي مخليني مجنون فيك جموحك وذكائك ..؟!

هديل بتذمر وتكتف ايديه بتهكم\هييييييه انت وين رحت خلصنا جاي تسرح والا تعلمنا وش توصلت له من سفرك..,

غازي يتنهد ب الم\اسمعي هديل كلامي لك لاتفكرين انه من باب الضغط عليك واذا ما انتي مصدقتني شوفي التقارير با الملف

اعرضيها على الي تبين وعلى حسابي الخاص علشان تصدقين اني ماكذبت عليك

هديل بخوف وتوجس\ليه وش فيها التقارير شي ما اعرفه..,

غازي\ماهو مسألة ما تعرفينه المسأله ان في علاج غير الي انتي قلتيه

هديل بشك\وكيف علاج غير الي اعرفه وقلته..!

غازي يبلع ريقه ومهيئ نفسه لأنفجار هديل\ علاج ذياب بيكون عن طريق ..

هديل بخوف\وش طريقه تكلم اهم شي فيه امل لعلاجه ودامك قلت طريق اكيد في حل

غازي بسرعه\عن طريق اخ شقيق لذياب انتي امه وانا ابوه ماينفع غيركذا..,

هديل بغضب\اييييييشششششش انا ماصدقت افارق وجهك تبي تبلاني بطفل ثاني وتربطني ربطه ابديه..!

غازي يتمسكن\والله لو ينفع ان المتبرع يكون اخ غير شقيق كان من بكرا تزوجت وانقذت ذياب

او ينفع اني اطلقك وتنجبين من شخص ثاني ماعندي مانع

غازي بنفسه\والله تبطين عظم اطلقك مصدقه انتي وافقي ترجعين بس..,

هديل بقلة حيله \والحل ..

غازي بغموض \الحل بيدك ولك الي تبينه نرجع فتره لبعض لحد ما يتم الحمل بطفل جديد سليم

ويكون العلاج عن طريق مشيمة المولود الجديد

وبعدها انتي حره اطلقك واطفالك معاك ماراح اعترض لك ابدآ

لك علي اوفر لكم حياه كريمه واختفي من حياتكم يكفيك الي جاك مني وترى الوقت ماهو في صالحنا

هديل با استهزاء\وانت تبيها من الله جاتك بارده مبرده كل شي مستفيد منه قاتل والا مقتول وحتى المريض ما سلم منك

غازي يدعي الضعف \هذا أخر الحلول انا ما كان ودي بس وش اسوي

علشان بعدين ما تلو ميني وتقولين اني السبب في الشي الخطير الي راح توصله حالة ولدك ذياب

هديل بضعف\خلاص علشان ذياب كل شي يهون لكن الي اوله شرط آخره نور

غازي بتوجس \وش الشرط

هديل \الشرط انك تتعهد قدام شيخ قبيلتنا انك تطلقني وان رجعتي لك ماكانت الا علشان علاج ذياب

ام هديل\يا بنت وش ها الكلام عيب الزواج بنية الطلاق حرام يا بنتي

ابوها\انتي تبين تفضحينا بشرطك

هديل با استهزاء\افضحكم ليه والي سويتوه فيني ماهو فضيحه ونظرة الناس لي..

خلوني ارجع شوي من كرامتي الي هدرتوها..

على الاقل الناس تقول رجعت علشان ولدها مانفعني تضحيتي لخوي يمكن تنفع بولدي..

وماشاء الله الحين الزواج بنية الطلاق حرام ويوم انه مستعبدني ويدوسني هو اهله دوس مافكر با الحرام حضرة غازي ..,

ابوهديل بعصبيه\مادرينا ان الوضع بيوصل لكذا..

غازي بتأثر مصطنع وهو بيطير من الفرحه\خلاص يا ابوهديل لها الي تبغاه ولو تبي اصلح لها حفل زواج ما صار با المملكه ماعندي مانع

هديل بسخريه\وش بيسوي لي حفلك الي مارحمتني من سوطك وانا وحيده ماهو نافعني حفلك..,

الله ياخذك انت وحفلك..,

هديل بنفسها\بس بعد ما يطيب ذياب..,

غازي\لازم نسافر على طول لأالمانيا بيكون العلاج هناك..,

هديل بقهر تصفق ايديها وترفع راسها\ خلص الاجراءات الله لايسامحك ولا يبيحك يا غازي كانك سبب شقاي

يعني يوم رجعت بواصل مشوار حياتي الي قطعته واكمل دراستي

رجعتي لي مثل الجني تناقز بها التقارير الي متأكده مليون با الميه انها صحيحة

جزاك على الله اهم شي ذياب يقوم با السلامه

غازي يخفي فرحته\ابشري ماراح يأخرنا الا تنفيذ شرطك بعد المغرب العشا هنا في بيت ابوك

ويلتفت غازي لأبوهديل بقلة حيله مصطنعه\ من بعد اذنك وش نسوي شرط ام ذياب آمر ويتنفذ غصب عنا..

غازي طلع من بيت ابوهديل وهو يطير ما يمشي من الفرحه..

رجع لبيت اهله وخبرهم بكل الي صار..,

في الليل بعد العشاالكبير الي صلحه غازي لهديل واعتذر للكل عن الي سواه وتعهد بتنفيذ شروطها

لكن ماقال بطلقها

قال بعد علاج ذياب القرار لها تبينا نستمر مع بعض ونربي اطفالنا مع بعض او ننفصل عنها ولها الكرامه والحشيمه

ولا راح القى زوجه مثلها ترفع راسي وافتخر انها ام عيالي..,

بعدها اتصل غازي على هديل اكثر من الف مره ولا ردت..,

ارسل عليها ابوها وقال ردي غازي يبي يكلمك ..!

اضطرت تردعليه,

غازي با استهبال\وينك شكل جوالك ضايع من اليوم ادق ما تردين..!

هديل بتذمر\لاضايع ولا شي هذا هو قدامي فرغت البطاريه من كثراتصالاتك..,

غازي بتوجس \اطلعي انا عند الباب استناك حجزت جـــــ

هديل بمقاطعه\خير خير مصدق عمرك انت اقول بس روح يا بابا بشر امك انك انتصرت علي بمرض ذياب..,

غازي يحاول يسيطر على اعصابه ويتمسكن\طيب والناس الي عارفه انك بترجعين معاي اليوم..,

هديل بسخريه\اخر واحد يهتم با الناس انت لا تكذب واتحجج با الناس ..,

غازي بضعف مصطنع \لك الي تبينه بس لازم نسافر بسرعه علشان علاج الولد

هديل بقلة حيله\خلاص تعال متى ماخلصت الاوراق والحجز ومن بيت ابوي على الطايره لا اشوف وجهك قبلها..,

ترى كل ما شفت وجهك حسيت بمصيبه بتنزل على راسي...

خل اذا في مصيبه يمكن الطايره تطيح واهم شي تكون انت اول الضحايا

..............

انتهى ردي للغاليه الي عارفه نفسها..

وتقبلي مروري وتطفلي بممازحه من اخت كبرى لك

وانتظريني بمشاكسه ثانيه الي هي عن ....


طيف الأحباب

صدووووود يابعد كبدي ..
أبيك في كلمة رأس>>تموون البنت..

تعالي اقولك بعيد عشان ماحدا يسمعنا>>خايفه البنت

بس ها لايدروووووون رابطة غويزي الشايب بلّي راح اقترحه عليه>>

المهم ..

أبيك تموتين ذيآآآآآآآآآب ويكون غازي هو السبب >>حاقده وبقوه
عشان هديل تستقوى عليه من جد وماحدا يقدر يقوف بوجهها وقتها
ويقولون لها إرجعيلهـ>>فيس ينحاش من الضرب

آآآآه قبل لاأنسى
ياريت تخلينها تحقد على هادى توأم العلّهـ حتى يعرف غلطه
واهم شئ يجي يترجها عشان تسامحهـ وهي وقتها
تتغلى عليه شويات>>فيس يتنذل هع

شرايك بالاكشن هع ...


...........

صباح الورد على صدود ومتابعاتها

رجعت بناء على طلب بعض الناس والا عندي من المشاغل ما الله به عليم

الظاهر اني بترك عوق وزياد

وامسك هديل وابن جالي

ما اقدر اقول غازي لأني بصكه بكم دعوه تبرد كبدي منه

وغازي ولد اختي بسم الله عليه توه عمره سنه واخاف اختي تقرا خرابيطي ثم تزعل

,
,
,
اعذروني اذا حست الاسامي

غاده \ وينك هديل ندورك من اليوم وانتي هنا..,

هديل\ بتذمر وش عندكم تدروني هذا انامنطقه هنا..!

غاده با اعجاب \يا ان غازي بينهبل على شكلك..,

هديل\ليه وش دخل غازي..

غاده با استفهام \ليش والمكياج والتسريحه الي انتي مصلحتها لمين..

هديل بسخريه \انا اعلمك لمين غازي بينجن على شان يشوف شكلي

وانا سويت كذا ابغى امه و خواته ينقلون له الصوره..!

غاده بصدمه\كيف ينقلون الصوره والاساس بيروح معه..,

هديل تضحك با استهزاء\اروح معه لو يحب كوعه ما مشيت معه خله يسمع وينقهر..؟!

عاد كني اشوف شوق والا رشا يمدحن وامه تعزز لهن وتأكد المزح وتعرفين مبالغات الحريم..,

خليني ابرد خاطري منه حط بقلبي ستين عله ابي راسه يحترق من القهر

عاد انتي ما تعرفينه اذا بغى شي وماحصله يكسر الدنيا ..,

غاده تضحك بقوه وتمسك بطنها\آه يا بطني والله محد بيبرد خاطره غير غازي

ولا احد بيتفجر في راسه بركان غيرك انتي ..

هديل بسخريه\ وليه ان شاء الله ..,

غاده بتهكم\يا حبيبتي زوجك حاسبه صح والظاهر عارف انك بتسوين كذا تدرين وش سوى

هديل بخوف\وش سوى لا يكون بيبلط بمجلسنا ولا هو منقلع..؟

غاده تبتسم وترفع حواجبه \لا ماهو مبلط انتي الي بتروحين تبلطين معه..

اردفت غاده\ غازي يا قلبي طلب من جماعتنا كلهم يزفونه بسيارتهم لحد الفندق الي حاجز فيه جناح

والعالم تحت كلها تنتظرك تطلعين ..؟

السيارات صكت الشارع من اوله الي آخره واقفه ما تسمعين اصوات البواري برا..!

هديل بعدم تصديق\تكفين يا غاده قولي انك تمزحين ..,

غاده بجد\وش امزح هذي فيها مزح يا الله البسي لا تفضحين ابوي المسكين لو تشوفين كيف شايل همك..؟

هديل بذعر \لو يموت غويزي اليوم ما نفذت له الي براسه..!

غاده بمناصحه\اسمعيني يا هديل هذي فرصتك تقطعين لسان كل من امتد عليك اطلعي مع زوجك وبعدين سوي الي تبينه..

الرجال ماخلى ولا بقى احد ماعزمه..,

اخواني انهبلوا من الناس الي جات والا السيارات الي وقفت قدام بيتنا..

لا وحضرته قايل كل الشباب الي من اقاربنا وزواجهم خلال ها الاسبوع واسامي حريمهم هديل تذاكر سفر شهر العسل

واقامه اسبوعين على حساب ابو ذياب الخاص..,

ولو شفتي سيارته الي بيزفك فيه ما يباخ تطير العقل..؟

حتى اخواني يقولون لو شافتها هديل بتركض تركبها بدون عباه ويمكن حافيه بدون نعال ..!

عساها تلقى بطريقها زنوبة جدتي عسوله وتلبسها..,

لا وموقفها لك توقيفه صح على الباب من تفتحين باب البيت تشوفين نفسك داخل السياره..!!

يهايط عند المعازيم يقول شريتها مخصوص علشان ام ذياب..,

هديل منصدمه\ يعله لذيابه الي تعاوى عندراسه اول ما تروعه ها الشايب العايب وعقب تمعطه ما تخلي منه عظم..,

على باله حشرني هو وجهه والله لوريه النذل..!؟

غاده\وش بتسوين هديل الرجال هذا جبار ما تقدرين عليه ارضي با الامر الواقع..,

وامشي معه اسمعي اصوات البواري فقعت اذانا ارحمي البزارين الي يفززون ماناموا من صوت البواري ..,

هديل بغضب وقلة حيله \اكيد بمشي وش اسوي تبيني انفضح زود الفضيحه الاوله..,

اوريكي فيه روحي انزلي جيب لي من ثياب جدتي الروز ودوري لي لون اسود كئيب وتكفين بعداقدم واحد..,

غاده بضحك\ثوب جدتي واسودوعلى ها لكشخه بجد انك هبله..؟

هديل بتفكير\والا اقولك لا جتني فكره جيبي لي الفستان الاسود الي جاني هديه من صديقتي...!

غاده\وش غير رايك ما قلتي ما يناسبني عاري..,

هديل تتنهد بقهر \جيبيه بسرعه ولا تناقشين بعدين اعلمك..!؟

غاده طلعت تجيب الفستان والكل يستعجلها تنادي هديل ...

وطلعت با الفستان الاسود الي كان طويل وماسك مع الصدر واكتاف هديل وظهرها باينه..!

ونزلت فستانه الليموني الي كان مغطي اثرضرب سوط غازي ..,

غاده شهقت برعب\هديل وش الي بظهرك لو داعسك قطار ما طلع ها الاثر..,

هديل بوجع\هذا اثر ثور صابه جنون البقر جهزي شنطة ولدي با اخذه معي..,

غاده ما زالت متأثره وفاتحه فمها من الاثار الي بكتف هديل وظهرهاوبشرود\ولدك اخذوه اهل غازي ومشوا..,

هديل تصرخ وتحط ايديها على راسها \الله لايسامحك يا ابن جالي كانك ما خليت لي حيله..,

عطيني تكفين كوب مويه نشف حلقي الله ينشف ريقه وريق كل ظالم واولهم بشار الاسدوزمرته الباغيه ..

هديل تشرب المويه دفعه وحده وتصرخ \ آآآآه يا قلبي جيبي عباتي بسرعه خليني اطلع له جيبها ..!

هو وها البواري كنه بزر ركب سياره ولقى من عطاه وجه..,

طلعت هديل وركبت سيارة غازي المايباخ وهو مرتز وعيونه عيون المنتصريتلفت يمين ويسار..,

ويعظ شفايفه ماسك ضحكة الانتصار..,

اخوان هديل واقاربها ينتظرون غازي يمشي..

وابوها وقف من جهة الباب الي ركبت منه هديل..,

ابوهديل با انكسار\يا بنتي ان شاء الله انك بتتراجعين عن شرطك وتعيشين وتكملين حياتك مع ابو ذياب..,

غازي بتأثر مصطنع \هي بكيفها يا عمي وانا موافق على شرطها تكفى انا طالبك

لا تحاول تأثر عليها انا بشور ام ذياب الي تبيه يصير..,

هديل بنفسها\يعل يصرك وجع يا محتال يا كذاب اتمسكن عند ابوي..

غازي يبتسم\عن اذنك يا عمي بنمشي والا تبين نوقف زياده ماعندي مشكله..,

ابوهديل بحزن\لا والله موفقين يا ولدي لكن لا اوصيك على ام ذياب..,

غازي بملامه\افا توصيني على ام عيالي ماهقيتها منك ياعمي..

هديل بنفسها\ام عيالك يا مال العله..

مرض ذياب كسرني والا والله لا ابيعك بثمن صوطك الي قطع ظهري..,

مشى غازي وموكب الزفه المهيب وراه

حط يده على يد هديل\ياحي الله ام الذياب..,

هديل ابعدت يدها بقرف\ ابعد يدك الله لا يحيك استح على وجهك يلقطك احد وانت ماسك يدي

غازي يبتسم ابتسامة المنتصروهو مشبك اصابعه با اصابع هديل\اول شي يا حلوتي السياره تغييمه ما يشوفونك الي برا

ثاني شي انتي حلالي امسك يدك امسك راسك عادي..,

هديل وهي تحاول تفك اصابعه من يده\عساك ما تحلي يا بن جالي كانك قلبت حياتي مرار ..,

وبعدين احنا بينا اتفاق بينتنفذ وينتهي كل شي وكل واحد يروح بحال سبيله

انا بيني وبينك شرط و الرسول يقول اللهم صلي وسلم عليه ((المؤمنين عند شروطهم))

غازي يتنهد\اللهم صلي وسلم على محمد

اردف غازي با ابتسامة المنتصر وهو يناظر هديل بنص عين ويمسح لحيته\الله يكتب الي فيه الخير

وان شاء الله ان الله يكتب لنا ولدصالح ومتعافي ونسميه محمد

تيمن بأسم الرسول عليه الصلاة والسلام..,

هديل بدهشه واستنكار وغضب وبصوت عالي\الله لايعطيك العافيه كل شي له تفسير عندك الله يكفيني شرك يا ابن جالي ..,

غازي بهدوءحذر ويتمسكن\آسف يا ام ذياب آسف نسيت بس اخذتني العاطفه تعرفين عاطفة الأبوه..,

هديل بعصبيه\اخذتك العاطفه هو انت تعرف شي اسمه رحمه علشان تعطف

هديل تتنهد بقهر\الله يلهمني الصبر عليك ..,

غازي \طيب وش رايك على طاري الصبر اذا كانوا تؤم نسمي مع محمد وايوب على نبي الله الصابر ايوب..,

هديل تصرخ\خلاااااااااص يرحم امك اسكت انت حتى نبرة صوتك تفقد الواحد عقله..,

وقفت السياره عند الفندق

غازي ب حده وبأمر\انتظري لا تنزلين خلي لين الموكب يتعدانا..,


انتهت المشاكسه اليوم اكمل او لا

اذا اعجبتكم كملت ودخلنا الفندق معاهم

على حسب طلبكم


تقبلو مروري


طيف الأحباب