هلا وغلا تسلم يمينك الى سطرت هالبارت الرائع


بصراحه مافيه كلمات اقدر اوصف فيها البارت متكامل بكل المشاعر ووصف الاحداث حسيت انى جالسه معهم


بمجلس الرجال ومجلس الحريم والانتقال بينهم


واجتماع هديل وغازى وكيف جمعتيهم بوقت مافكرت ابد يجتمعون فيه


بنتظار روائعك وابداعك

اهليييييييييييييييييييييييييين صدود
تسلم يديك على هالبارت

بكون صريحة معك بالبارتين السابقه مليت من التكلف بوصف المشاعر
يعني فيه كلام يكون بليغ و لا يحتاج هالوصف كله


لكن هالبارت روعه روعه روعه
من اوله لاخره كان قمه

ضحكت على موقف عبدالله و غيرته من ذياب
يجنن هالولد


اتوقع بعد ما تهدأ الامور تبدأ هديل تحن لغازي خاصه بعد ما تشوف اهلها و كلن يسلى بحياته تبدأتفكر بنفسها و بولدها
الي اكيد غازي ما راح يتركهم



ننتظر بشووووووووووووووووووووووووق

تسلم يدينك على هالابداع ويارب يفرحك بما يسرك ويبعد عنك وعن المسلمين مايضر ويحزن ولا تهتمين من النقد الجارح اللى ماله سنع مايرمى الا الشجرة المثمرة اما ياسمين مسكينة صارت في موقف محرج بس هديل ماراح تخليها واحتمال انها حامل ومع تكفيخ سلمان لها تسقط ودمتى بخير

السلام عليكم ورحمه الله وبركاته

صدوووووودي قلب خالتك والله اشتقت لك كثيررررررر
الله يشفي مريضكم ويخفف عنه ويمتعه بالصحه والعافيه
وييح عن الهم والكدر

ياصدووودي تاكدي ان البعض يحي ينتقد لمجرد النقد او نه يحب يسوي شويه
اكشنات وانا اشوف الروايه مافيهااااا اي شيء يستخف بالعقووول او غير طبيعي
بالعكس كل شيء فيها يخلينا نحس كان هالاحداث عايشه بينا ومعنا
وتاكدي انه لاتقذف الا الشجره المثمره واستمري وتاكدي انا معك الا اخر حرف تكتبينه
ومؤمنين بقلمك وابداعك الله لايخليني منك

نجي للبارت الي يعجز الواحد يعبر عنه او يوفيه حقه من كثره الابداع والتالق الي فيه
الله يجزاك خير على هالبارت


صدق ياهديل انك بنت اصل ومتربيه على كل الي سواه فيها غويزوي الاانها ما فضحته ولا علمت
ابوها على سواد وجهه والا كيف عذبها واهانها وذلها لشيئ هي مالها ذنب فيه وليته كان صحيح
مو خوف من غازي او عليه كثر موهو خوف على ابوها انها تحسسه بالذنب اكثر وتليه يخجل من
الي سواه وخوف على اخوانها لايتناشبون مع قليل المروه

ياقلبي ياهديل لهالدرجه هي مو مصقه انها ارجعت لاهلها ورجعت للحظن الدافي والله عورني
قلبي عليها يوم تقوم مفجوعه وتبي تتاكد ان الي صار ذا كله حقيقه
حسبي الله ونعم الوكيل على الي كان السبب وسبب لها كل ذا

روعه رووووعه صدودي تصويرك لجلسة هديل مع اهلها والروحه الطيبه والسعاده الي مظلله عليهم
جدابدعتي في صياغه المشهد وكيف عبودي بروحه الحلوه والمرحه قدر انه ينثر البسمه والضحكه ال شفاهم
بشقاوته وعيارته ال تهبل
وانا قايله من قبل ام ذياب راح يتربى على يد عبودي وبيصير مثله لبى قلبه
سبحانه هديل واهلها كانواااا بحاجه لمثل هالقعده والسعاده الي ترفرف على روحهم عقب الحزن ولوعه الفراق و
الغربه والتعب الي عاشوه لدمه خمس سنين

فيما كان غيرهم عايش حياته ومستنانس ويدوس على غير ه ولا همه احد ولاهمه المعاناه الي يعانيه
الي جالس يمارس ظلمه وطغيانه عليهم

ياسمين يالله شكلك حامل يابنت وانتي ماتدرين بس اصدقين ما يستاهل سليمانوه الحقير انك تغطين
عليه وعلى فعايله الشينه ليتك معلمه اخته عنه عشان تقول لابوه وهو يقدر يوقفه عند حده
سبحان الله بديت احطه من ضمن فريق غازي الظالم

اما سوير هالبنت فله عاجتني بموقفها مع ياسمين واهتمامها بها وانها محسستها انها مو بغربه وانها
مثل اختها وتقدر تلجا لها باي وقت
وكله كوووم وحركاتها مع الجده كوووووم ثاني

صدوووودي سمعت عن نااس يقتلون القتيل ويمشون بجنازته وشفت ناس تظلم وتمادي بظلمهاااا ولا همها
وناس تدوووس على الكل عشان مصلحتها بس زي غويزي ماشافت عيني ولا رات مثل
وقاحته وقلة مرووته اجل حاط اللوم كلله على ابوعلي واخوه انهم هم الي نشروا خبر موتها
وهو ماله دخل اجل مين اخذها غصب عن ابوه واجبره ولوا يده عشان يملك له مت الي حرمها من اهلها
خمس سنين ومين الي ذلها وعذبهاااا ومارس عليها كل حقده ووطغيانه عليها لايكوووووووون ولد الجيران
وحنا ماندري ماقول غير يازينك وانت ساااكت بس كل ماتكلمت ماتقول غير الكذب والمصايب

وبعدين باي حق تقول المره تكون مع زوجها هذا لما يكون زوجها انسان طبيعي يحمل في صدر قلب
حاله حالنا يحترمها يكن معززها مكرمها وصار بينهم خلاف بسيط وهو يروح يراضيها الي مثلك\المفروض انه ينطم
ولا يقول حررف

شوكه ياجعل مافي جسمك محل الا والشوك غارزه وش قواة العين الي تبين تروحين تشوفين فيها
البنت تعلمي الحيا لو مررره بحياتك الا وانتي مع وجهك تقولين اهل زوجها ليتها ماعرفتكم ولا عاشرتكم
ومستانسه انكم اهل زوجها مالت عليكم من اهل وزوج

وراااجح ولا يهمك من غازي انت ما سويت الا الشيء الصحيح والي يرضي رب العالمين البنت
استفزعت بك وانت لبيت فزعتهاااا احسن من الي خان الامانه ولا قدر يحافظ عليهااااا

والخاين يعرف نفسه مو انت الخاين الخاين هو الي خان ابوعلي ولاحافظ على هديل وعذبها
وهو الي خان عهوده مع هديل انه ماياذيها ولا يهينها وهو تماددى باذلالها واهانتهااااا

هدوووله لييييه البكا والخوف على اهلك وعزوتك هم مالبسو وتحزموا الا فرحانين برجعتك
ومتفاخرين بك الله يهديك بس
اما يووووم يطلب منها ابو علي انها تلبسه العاقل الي حلف مايلبسه بغيابها موقف والله حل جسمي
يقشعررررر

وانا اقول انها يوم طلبت من هادي انه ينزل محزمه لانها خايفه انه يتناشب مع غازي ويثور ويدخل
الشيطان بينهم ويصير الي خايفه منه بذي انا معها مع اني ودي هادي يفرغ الرشاش براس غويزي
بس ما يستاهل انه يضيع عمررره عشانه

في اجتماع العائله ويوم خبرهم بو علي بالي صار لبنته كل واحد صدق الي يبي وعلى حسبه
نفسه الي نفسه سويه وفيها خيرررر صدق
اما الي فيه شررر ويحب القيل والقاااال ماصدق الا مازينه الشيطان بعقله بس يسلم مسفر
الي وقفهم عند حدهم وعلمهم كيف يرمون المحصنات الغافلات مو غويزي الي خذها من اهلها\
ولا فكر بنتيجه الي سواه على البنت ولا على اهلهااا

ياقلبي يابو نايف واخيرا عرفت سالفه هديل والتقيت فيها عشان تطمنئن عليها وهي تشكرك
على مواقفك الابويه معها

غويزي باي حق تطلب من ابو نايف انك تدخل معه ياخي البنت عايفتك وقارفه من شوفة
وجهك ترز فيسك ليه >> ترى رزة الفيس من طبايع التيس
بس صدق انت كذا دائما ماتبي هدوله تستمتع بحياته وتفرح لازم تكدر عليها لحظات الفرح الله ياخذك
وياليت هدوله صدق مشربتك سم عشان نفتك منك

صدوووودي الله يسعدك ويوفقك لما يحب الله ويرضاه
ويفرج لك ويسر امرك ويرحم والدينك