هلا وغلا رائعه بكل حرف وكلمه كتبت


احس وانا اقراها كان الاحداث اشوفها قدامى يعجبنى الوصف البسيط بكل شى



الحين غازى هو الى متصل على علي عشان يجي ويشوف هديل طيب ليش ما اتصل على هادى اتوقع ان علي

شك بكلام عبدالله ولده وكلم غازى وعلمه بكل شى


اهم شى ترجع لهلها وبرجوعها بيكون صعب على غازى انه يشوفها او يرجع لها


لكن بيريح ضميره من الى سواه بس بيصير موقف قوى يمكن يهز هديل ويرجعها له


بنتظار الابداع بكل شوق

بارت رائع كا العاده .,.
لكن عندي سؤال محيرينى وارجوك اذا شفتى ردي جاوبينى كم عمر غازي لمن تزوج.,.
وكم عمر هديل لمن تزوجت.,.
وكم الفرق بينهم اصلا انا ميح في الحساب.,,

واتوقع هديل لمن تعرف انه حرم نفسه من اهله خمس سنين وانه زوج اخته من غير فرح ولا فستان وراحت بيت زوجها شبه مطرودة زيها وعلشانها وبسبها بتطخ وتعقل وتعرف انه يحبها ويموت عليها

صبـــاح الشُكر
صباح القثطة ..
صباح العثل ..

>> فيس سرق لسان الاميرة جوجو


بارت مليء بالاحداث والالغاز والمشاعر


يالبى هالغازي انا مادري لمتى وانتو مهاجمينه لما كان قاسي هاجمتوه ولما صار طيب وعاطفي قلتو مايلوق عليه ولما جاب اخوها عشان يفرح قلبها قلتو داهيه ويبي يلعب على عقلها
بحركته وينسيها قسوة السنين .. لاحول ولا قوة الا بالله صدق حريم وارضاء الناس غاية لاتدرك .. تدرون
عاد اهم شي هدولته ملكة قلبه ترضى عليه والباقي اذا شافوها فرحانه ومبسوطه معه بيرضون ^ ^


السؤال الاهم بهالبارت وش سبب سجنه لسنين ومو اي سجن لاااااااااا سجن فيه تعذيب وضرب
وجروح حتى التعفن يعني اتهم زورا يااما بتهريب السلاح او انه اتهم بتهمة سياسيه والثنتين سجنهم
مافيه رحمة او مثل الحين يترصدون الطلبه المبتعثين ويورطونهم باي شي فيمكن بايام دراسته الطب
خارج السعوديه انسجن وتعذب
ويمكن قوة علاقتهم بالسفارة هي الي ساعدته بالخروج من السجن بعد سنين العذاب ...
انا قلت من اول ان غازي هذي مو طبيعته وان تصرفاته تطبع واكيد فيه سبب قوي هو الي قلب كيانه
وحوله لهالشخص القاسي لانه واضح انه كان يتالم وقت مايالمها ويهينها



( هذا ولا شيء من كل شيء.. إستمري بالعتاب.. إصرخي وإبكي .. إحزني...)
ياعمري عليك متعذب وشقيان طول عمرك وبالع موس وساكت روووح والقلب داعي لك
ربي يفرج همك ويسعد قلبك ويرجع لك هدولتك



( مابترضى بالحرمان من أهلها.. ولا بأرضى أنا بزعلها.. )
اعتقد بل متاكدة ان غازي الي متصل على علي حتى تهدا هدول وتعرف يقينا بان غازي تاب
ويحبها ويبديها على روحه بس بشرط ماتتركه لان روحه معلقه فيها
واعتقد برضه ان غازي كلم علي بالذات لانه اقل اخوانها تعلقا هي فيه ولانه غيور مستحيل
يسمح لها حاليا تقابل هادي فعلي اهون الامور
وبما ان ابو علي وراكان سافرو وسبب سفرهم مجهول فاكيد لشي خاص يخص هدول ويمكن
تكون خطه من غازي حتى يخليها تقابل اهلها عنده وتحت عينه وبكذا يكون اثبت لها بالبرهان
الواضح الصريح انه ماعاد يحرمها منهم وانه قول وفعل



( رجع يحضنها وهمس لها بكلمة طعنتها وعذبتها...)
الكلمات الي تتساءلون عنها هي موجودة بداخل البارت وهذي هي :
( تقول إنطر علىَ بابك ترىَ '' الغالي // علىَ جيّه ..)


هادي : ( تقول إفتح ترا جيتك.. )
وهذا هو هادي يقولكم ان غازي بيرجعها لاهلها



هديل : ( ناظرت بإصبعها والخاتم فيه..كانت بتشيله من يدها وترميه..)
لا والله ومحتفظه فيه سنين ليه ان شاء الله دامك تبين ترمينه
اعترفي ولو بينك وبين نفسك ان غازي قدر يحتل جزء بنفسك وقلبك ولو ضيئل ..
ان له مكان ماحد قدر ياخذه من قبل .. ان له لحظات معك كانت قمة الصفاء والنقاء بينكم



( حلم الرجوووع لاهلها ..رغم إستحالة رجوعها لهم..)
مع غازي لا للمستحيل ومع غرووري نعم للمفاجئات


( انا ما أخترت..بس انت أخترت...يارب عفوك..)
صح هو الي اختار انه يعذبك وانت اخترتي انك تعذبين نفسك وقلبك قبله .. ومين الي بيرحم الثاني
فيكم الله اعلم ... مع اني اعتقد انه غازي لان هدول بكل المرات هو يقول انها هزمته فلازم تجيه اللحظه
الي يهزم نفسه ونفسها فيها ووقتها تعرف انه فعلا تغير وترجع له



( سحبت الجوال من يده ورمته على الأرض بقوووة وهي تبكي..)
اقل ردة فعل ممكن تسويها تجاه شوق ولسى ما شافت شوق شي منها .. ولو تصرفت هديل اي
تصرف ثاني ماراح يكون واقعي ابدا حتى لو سامحتهم بس الي بالقلب يظل بالقلب



( لولا الله ثم مسفر ........................................)
اما لو كنتي انضربتي على مخك وقلتي له انه هو الي حملك ووداك للمستشفى تولدين
كان طلع روحك من مكانها ومالحقتي تشوفي اخوك ابدددداً


راجح : يامال الماحي مبلغ عن ابن اخوك ونعم العم والله
بس تستاهل غازي بايطاليا وهناك الامور تمشي بقوانين بلدهم مو بقوانين السعوديه ولو تنازلت
هدول عن حقها تنتهي القضيه ويطيح برستيجك بازقة ايطاليا ووقتها روح لملمها بشويش
غير انك ماتدري عن افكار غازي وخططه وهالشي بيصدمك قبل مايصدم الجميع



الي يثبت كلامي هو ان هدول لها رجعه للمزرعه ولسى احداث باقي فيها ماانذكرت ...
صح غرووري ؟؟؟!!


اممم فيه شخص ثاني كلمه راجح وواضح من المكالمه انه طالبه يجي عنده بايطاليا لانه قال
انه يبي له يومين يعني على مااستخرج الفيزا وحجز والي رجعوا من ايطاليا حديثا وعندهم فيزا لها
هم هادي وسلمان واعتقد ان راجح بيختار سلمان لان هادي اثبت بالفترة الماضيه انه مرجوج
وتصرفاته غير محسوبه فيمكن يتصرف تصرف متهور ويوهق راجح فيه فسلمان هو الخيار الافضل
غير انه اكبر واعقل وبرضه لان الطرف الثاني بالمكالمه واضح انه مايقدر يجي
( والله ماهو بودي بس لازم انك تجي.... )
بس للضرورة بيجي واكيد انه سلمان لان راكان ماهو موجود فمايبي يترك الاهل بدون احد عليهم
لو جدت امور .... واظن انه طلبه حتى يكون شاهد ضد غازي في القضيه المرفوعه



اممم مادري جاتني فكرة مادري شتبي بس حبيت اني اسدحها يمكن فيها جزء من الصحه ..
يمكن ياسمين لما تعرف ان سلمان مسافر لايطاليا تحاول تروح معه ولو رفض تكلم صوفي
وتعرف منها ان هديل رجعت لغازي فترتبك وتخاف وماتلاقي نفسها الا مبلغه غادة بحياة هديل
وبكذا جزء سافر لها وجزء عرف بالسعوديه ويبدا يمهد للباقيين بالحقيقه



صوفي : (صوفي\السلام عليكم.. مسفر يناظرها برضا\وعليكم السلام... )
شوفي انا اول واحده قالت انها اسلمت ومن زماااااان ولو مااخذت نجومي المتكومه عند جوجو برفع
عليها قضيه عند سوسو وانت الوحيدة الي بتضيعين ^ ^




( خبرته باللي صار...ووعدها يكون الفجر بكره بايطاليا..) &
( غبيتان..كلاكما غبيتان..رمت بنفسها بالنار..كان يجب أن تتصل بي وتخبرني ..)
مسفر : نعمممم ؟خير ؟ وش تبي ؟ صدق حشري وملقوف .. الا يدور عليها ويفرقها عن زوجها يااخي
خلاص المرة عايشه مع زوجها وش دخلك .. سابقا طلبت فزعتك الحين مالك سبب تتدخل
وين الي يطنبون بالغيرة وكيف غازي ماقال لسالم شي لما تحكى عنها
والحين مسفر يجي خصيصا عشانها من السعوديه باي صفه الاخو جاي ... تكون انت بعد تبي ترفع
قضيه ضد غازي بس انت اكيد قضيه طلاق حتى تتزوجها وراجح تكفير ذنوب ومنو بعد يبي يرفع قضيه
ضده تعالو نفكر .. اممم يمكن فيكتور لانه زعل على هدول باخر ايامها بالمزرعه .. وووشوق لانه ماسمح
لها تكلمها قبل وفاتها المزعومه .. مسكين ياغازي الكل يبي يذبحك ويشرب من دمك الشربات



( راجح بعصبية\وأنت من تكون...وش دخلك فيها..؟؟ قفل الخط بسرعة)
تماااااااام جبتها مزبوط وياليتك ضميت نفسك معه ... واحلى شي انكم تفرقتو بهالوقت
حتى تضبط امور غازي وتجو انتو بعد ماتتفرق الحفله ^ ^



ماكس : يالبى الاصدقاء الاوفياء القليلين بهالزمن ... هو متاكد من رجعة غازي السابق للحياة
وانه خلاص بيكفر عن ذنوبه وبيصلح حياته مع هدول وعشان كذا فضل انه يعطيهم فرصه للبدء
من جديد بدون عوازل وعواذل وناس مفرقه للجماعات


كعادتك غرووري مبدعه وكلمة مبدعة لاتفيك حقك
بارك الله فيك واسعد قلبك مثلما تسعدي قلوبنا بجمال حرفك

السلام عليكم
انا قريتها بحوالي اسبوعين وحاولت اكون من وراء الكواليس لكن ماقدرت يدي تحكي

اشكرك على تميزك في هذة القصة واشكرك على الافكار الجديدة واشكرك تفرغك للكتاب والنزول في مواعيدها
ولاني لي فترة انشغلت فيها عن القصص ولاني ماني من متابعين اللي يكتبون الى هالحين قصة لاني انصدمت من كثير من الكتاب يكتبون ويعلقون قلوبنا ثم يرحون

اولا اجي لغازي
تراك قاهرني ثم قاهرني ثم قاهرني ياخي وش عندك تسوي بالبنية تسذا مغربها وموريها الويل طق وجلد جعل يدك اللي سلطتها على بنية لاحول لها ولاقوة جعلها احد يتسلط عليك وش ذا الحب اللي بالطق والله الناس يعافونة اجل كل يوم بتطقك بالسوط ولا تربطك بالحصان وتجررك فية علشان بس تبين لها حبك انت بترضاها اختك ماترضى احد يطقها والله ان هالشنب موب على رجال لا وتقول انها اطهر ذنوبك معلوم انها اطهر الا يديك النجسة والله اني سامعة دكتور يقول الحرمة ان انطقت تشتكي والقاضي يسجنة ويطقة ياختي في نار علية اخاف اكتب صفحات وكلة من قهري في الطفس غويزي

نجي هديل
ياقلبي بس عليس من حقس انس تكرهينة يومنة صرقس من امس وابوس ومن حقس انس تجلدينة ادري ادري ياقلبي مايمديس على رجال طول وعرض لاكن خذي حقس بالكلام اللي يجرح ترى مايجون الرجاجيل الا بالعيون الحمراء وانا اختس لاتبينين انس ضعيفة وكلمي اهل ماعليس منة وخل يفتح فمة حطي لة شطرطون واشوي ياقلبي ان جاء اخوس انشبي برقبتة وخل يفرح قليب امس وابوس واخوس تؤامس واما الهيس الاربد ماعليس منة جعلة الماحي ماخل فيس شي جعلة الجدري اللي يطرحة ووليدس لاتنسينة وربس يحلها اللي جاب علي بيجيب ابوس واهلس عاد يومنة هالحين يحبس استغلية استغلال علميني فيهم بس

نجي لصوفي
هالمرة اجودية والله بس الله يهديها لو تسلم كان تطلع ياسلام عليها انا عارفة ام لسانين ماينوخذ حقها بس الله يهديها من عرفت من العربي الا وجع هههههههههههههه ابد انا متاكدة انها بتلقى هديل وبتاخذ حقها وزيادة من غويزي

مسفر
والله ماقصرت ورايتك بيضاء بس مدري لية احس انك تميل لهديل وش سر مساعدتك لها لاتقول تسذا الا فيها ان

راجح
والله اني احبك كذا لله في لله بس لايسمعني رجلي بس ههههههههههههههههه والله انك حقاني وراعي وقفات وتخاف الله بس لاتعلم ابونا اني مادحتك

بس هاذ اللي في جعبتي

والسلام ختام