صباح الورد على الجميع





رشا وراجح : رشا الهدوء والمسالمه لحد السلبيه هي سبب تدهور حالتها
كل المشاكل والتراكمات والمصايب الي مرت فيها دفعتها تتبع اسلوب الهروب
المناسب لشخصيتها تهرب من الجميع لانها ماتقدر تواجهم وتدافع عن نفسها
تهرب للنوم حتى ماتنصدم اكثر من ماهي منصدمه او تتلقى صدمه اكبر من راجح
لسى مااستعدت لها ولا تبي تستعد لها عشان كذا قررت ان النوم افضل وسيله لمشاكلها



اعجبني جدا تطرقك لموضوع تاخير الصلاة .. البعض يعتمد انه اذا صلى خلاص ادى واجبه حتى
لو متاخرة او طلع وقتها مايدري او يتجاهل ان الي ياخرها له عقاب مختلف غير الي مايصليها اصلا


راجح : ( راجح باهتمام\أختي انتي معي تسمعيني؟؟ )
هنا وضح فعلا انه شك اذا ماكان متاكد من صوت المتصل
بعض الناس سبحان الله لو مرة سمع الصوت يعرفه لو بعد سنين


( راجح بحنية\قومي يا أم ذياب.. وصلتي وعهدن علي ترجعين لهلك بالرضا ولا الغصيبة..)
هذا لو هي بقت على طلبها وكلامها ماغيرته



عبود : هههههههه اعجبتني نصايحه بالحيل يالبى قلبه الغيور
بصراحه بهالزمن كل الي قاله المفروض يطبق وينفذ بالحرف
غرووري اعتمديني معك بمدرسة عبدالله لاجيال المستقبل *_^



صوفي : انا متاكدة وموقنه انها اسلمت ومن زمان بعد يعني نعطيها كم شهر مثل ماقال
اللوح ماكس لها : لك كم شهر ماتشربي ولا تسهري ولا تلبسي لبس فاضح زي زمان
وهي اخفت هالشي لسببين : انتقام من ماكس لانه اخفى عنها اسلامه فترة طويله
رغم عيشتهم مع بعض والحين هي اخفت اسلامها عنه رغم انفصلاهم .. اما السبب
الثاني فهو لانها ماتبيه يرجع لها لانها اسلمت بس , لاااا هي تبيه يرجع لها لنفسها قبل
اي سبب ثاني


( صوفي بحسرة\ألم تتاخر كثيراً بإتخاذ هذا القرار..؟؟ شكراً ماكس لست بحاجة إليك..إتركني بسلام...)
هنا هي تعاني من القهر والغيض منه لانه حرمها من شيء هي تشعر بلذته وجماله
تحس بانه ماحبها بشكل صحيح والا كان دعاها للهدايه والاسلام مثل مادعتها هديل له واستجابت لها



( ولكن كوني متأكدة إن لم تأتي الى دبي بغضون إسبوع واحد ..ساعود الى إيطاليا وأخذك معي بالقوة..)
كان غيرك اشطر .. وقتها هدول بتكون ببيت غازي وجربي تقربي منها بيقطع رجولك من الركب



( بس تجاهله لها وصده عنها حيرها..ولما عرفت السبب حقدت عليه..لسبب معروف..
وسبب ثاني تخفيه حتى عن نفسها..)
اعتقد ان كلامي السابق يفسر كلام صوفي هنا



شوق وطالب مبروك ماجاكم والله يتمم لكم على خير


( دعاء لها بقلب صادق تتشافى وترتاح من مرضها..)
بارك الله فيك ليه متعب نفسك .. و نعم الاخو ياليت بعد ماتدعي لها ..
اذا ماعندك خبر ياطويلب انت وراجح ففيه مستشفيات خاصه تعالج هالحالات النفسيه
قبل ماتتفاقم ويصير علاجها صعب



( كانت واثقة انه بيوافق على صفقة صوفي..
وطبعاً بمساعدة مسفر لهم للمرة الرابعة او الخامسة او العاشرة..)
ياسلااام تهاوشون سالم المسكين لانه رجع لرئيسه ومعزبه مرته المدعيه الموت
تقولون لقافه وش حشرك ومالك داعي ...طيب ومسفر وصوفي وش حشرهم وش
دخلهم يفرقون الرجال عن مرته وابنه ؟؟؟ ليه يخلون هالابن يطلع على وجه الدنيا
باعتقاد انه يتيم ومحروم من حنان احسن واحلى ابو بالوجود : )



( ومسفر حكى له عن تفاصيل دقيقة لاحظها فيها ودرسها باهتمام..
لمعة عيونها وكيف تفضحها لكل شخص يهمه أمرها.. وكيف تضم يدينها حوالين نفسها بأوقات ضعفها..)
يا عيني عالتفرقه هنا مسفر يفصل بحركات هدول وبلمعة عيونها عادي عندكم
ولما سالم قال انه شك بان البنت الي شافها بالسفارة هي هديل انواع السب والتقريع
بغازي شلون يرضاها وفين غيرته وانه اخس الرجال بس هادي لانه مو غازي عادي عندكم
ومافيها شي ليه وش سوى مسفر بس طالعها ودرس حركاتها بسسس



( هذي البنت اللي مع راجح يعرفها زين..شافها بالمطار مع غازي..ومتأكد إنها ماهي أخته..
واللي أثار شكوكه ليش كذب عليه أيوب...)
يالبى الموظفين الاذكياء وطبعا مايوظف الذكي الا الاذكى منه خخخخخخخخخ



هادي : ( لما حس بابوه يشم ريحته ويحضنه بشوووق..ولا واحد فيهم نطق بحرف او همس بكلمة..
ظلوا حاضنين بعض وكانهم يعزون هديل للمرة الأولى..)
اما آآآآن لهذا الليل ان ينجلي وتسطع نور شمس الصباح فيه من جديد


هدول الصغيرونه : هي نوارة البنت الجديدة هي الشعله الي بتنور ظلام استمر خمس سنين
وبتعوضهم ألمهم وحسرتهم وقهرهم حتى ترجع هديل الاساسيه وتحتل مكانها الطبيعي فيه


سلمان وياسمين : تصرف سلمان جدا طبيعي مافيه رجل غيور على مرته وعلى مصلحتها
مايحب يعرف كل شي يخصها حتى لو مصالحها الماديه مايعني هالشي انه يسيطر او
يستولي على اموالها لكن حرص وحمايه لحقوقها من النصب والنهب غير حب المعرفه لاي
شي خاص فيها لانه مسئول منها ولو صارت اي مشكله فالطبيعي انها تلجا فليه تهمش دوره
بحياتها وتلغيه الا اذا كان بنظرها مايستاهل هالمكانه وهذا هو سبب زعل سلمان منها وغضبه منها
.
ومثل ماقلت ياويلها لو عرف انها تدري بان هديل عايشه وساكته بيكون عقابها وخيم منه




واخيرا غازي وهديل مع بعض :
( أأعجب حينما تنسين وجهي؟ .. نسيتُ أنا ملامحه الخوالي!)
ياعمري عالرومانسي من يوم مااختفت من حياته حرم يناظر المرايه عشانه
مايشوف نفسه الا وهدولته معه بكل مكان فكيف يقدر يناظر نفسه بدونها : (



( وقف وخرج من المكتب مثل الاعصااار المدمر معمي عيونه عن كل شيء ..يبي يصدق ..وبنفس الوقت
مو مصدق لساتها حية معقوولة هي عاايشة ..ويلك من الله ياسالم لا تعلقني با الأطياااف ..)
لا حول ولا قوة الا بالله كل هالصدمه ويقولو ماشفناه انصدم من شوفتها من معرفته بانها حيه
يعني شتبونه يسوي يشق هدومه ويلطم خدوده مثل النسوان بالجاهليه حتى ترتاحو


( كووني حقيقة علشاااني ,, وكوني طييف علشاان نفسك ,,)
لانه عارف نفسه انه من صدمته ومن رعبه وعدم تصديقه لضياع كل هالسنين بوهم موتها
انه ممكن يفقد اعصابه ويسوي شي مايتخيله فمن حبه لها وعشقه يبيها تكون حيه
ومن خوفه عليها ومن غضبه و عدم قدرته على تمالك اعصابه يبيها تكون ميته
قمة الحب والعشق والحنين يتمالكونه بهالوقت وتصرفه يوم لاقاها يوصف هالشي


( واللي كانت معي هي هديل ماهي شوق..لا ماهي شوق أكيد هديل..إيـــه ياربي هديل..خلها تكون هديل...)
ابفهم شي واحد انتو لازم تغلطونه باي شي او شالسالفه
الرجال مرته الي يموت فيها ميته لها خمس سنين ولما يجيه شخص ويقوله انه شافها حيه
فالتصرف الطبيعي انه يموت من فرحته وافكاره تضرب يمين وشمال هل هي حقيقه او خيال
هالسالم شافها فعلا او تخيل له ... بعقلكم تبونه يقول انت كيف عرفتها او شلون لسى فاكرها ؟؟!!!!
وبعدين هي كانت ملثمه او شايله اللثمه فتكفون يعني مابيعرفها اي رجال لو شافها
اشوى ان الرجال الحين من نظرة واحده يجيبون خبر الواحده من اولها لتاليها



( طلع من السفارة عيونه متحجرة..وقلبه يخفق بقوووة..قفل جواله بعد ما أعطى الأمر ..)
الشي الاكيد ان الامر الي وجهه ان التحريين الي حاطهم على صوفي يعطونه العنوان الي تتردد
عليه اكثر شي وحتى قبل ماتبلغه بان اسهم هادي تحولت لهم وطبعا حيكون مقر سكن هدول لانه
طبيعي يربط صوفي فيها وهي خصمه اللدود طول الفترة الماضيه والي يحاربه بكل وقت في شركته


( تلقى الإتصال اللي ينتظرهـ.. وأعط أمر ثاني بإلهاء راجح بأي مصيبة..)
هنا اخذ العنوان وتوجه له على طول وبعد ماتاكد بان عقبة راجح راح تنزاح من طريقه
يعني تاكدو من الحين بان هدول طارت من ايدين راجح لايدين غازي والي بيرغمها
على اي شي هو ولدها ذيابووو



( طول الطريق وعيونه ترسم خيالها قدامه..ماعرف ليه عجزت عيونه تتصورها لما قرب وقت لقاها..
وطول زمانه كانت عيونه تشوفها بالصحوة وبالنوم..)
احيانا من الفرحه نعجز عن التعبير عن مشاعرنا ينعقد لساننا عن الحكي وهنا غازي من شدة
فرحته مو قادر يتخيل الشكل ولا الموقف ككل عجز عن هالشي لشدة فرحته وسروره


( أبعد يده عن الباب وأنسحب بهدوء...)
هنا دخل بهدوء وبدون خلع الباب مثل ماتفضلو رابطة هدول دخل بهدوء
لانه معه المفتاح لانه اخذه من حارس العمارة بطريقته الخاصه ^ ^


( وهي تحس بهواء بارد يدخل غرفتها..)
والي قالو انه تصرف معها بهمجيه ومسكها على طول تبوس واحضان ودون اعتبار بانها عمياء
مالاحظو انها حست بعد ماخرجت من الحمام بهواء بارد يدخل غرفتها ... يعني هو دخل غرفتها
وشافها كيف تتصرف طبيعي وان نظرها رجع لها وهي حيه ترزق وبعدها خرجت للمطبخ وهو
لحقها وبعدها تصرف معها مثل ماكان طول وقته يتمنى
.
.
( غازي بوعيد\ماتبيني..؟؟كل هذا هجر ..كل هذا حرمان وقهر...؟؟)
&
( شهق غازي بصدمة وهو يشوف خيال طفل واقف مستند على باب الغرفة..)
انصحكم من الحين يارابطة هدول تجهزو لكم جالون مو كاسه من عصير الليمون بالنعناع حتى
تهدا اعصابكم لان تصرفه اكيد ماراح يعجبكم نهائيا
غازي الحين متعرض لعدة صدمات اولها انها على قيد الحياة ثانيها انه بغفله منه فقدها لسنين
وهالشي ماراح يسامح نفسه عليه قبل مايسامحها على استغفالها له ثالثها انها قابلته بصدود
وجفاء وهو الي جايها طاير من الحب والفرحه برجوعها ورابعها ان له ولد وسبق وضمه بين ايدينه
وحس فيه انه قطعه منها وحس بوجودها حوالينه يعني كانت شاهدة على كل مواقفه وساكته
يعني فقد احلى سنين ومراحل نمو ولده وغيرها عيشتها بعيد عنه واعتمادها على ناس ثانيين
غيره هالشي بيرفع معدل الغضب عنده خصوصا لما يفتكر مسفر وتصرفاته معه ونظراته الغاضبه
منه بيربطه بهدول وبيحس ان فيه شي مخفي عنه
ومثل مافقد اعصابه لما حاولت تهرب هدول سابقا ولانه وقتها ماقدر يتمالك نفسه هو اليوم
نفس الشي راح يسويه ووقتها عليكم باقرب كاسة عصير خخخخخخخخخخخخ



( ذيبوو يا قلب أمك ترى بأربطك ماتحبي وتبعد عني..)
لو ربطتيه فعلا ماكان شافه غازي وخلاه وسيلة تهديد يستخدمها ضدك
ومع ذلك ظهور ذياب بيمد هدول بقوة تواجه فيها غازي وتخليها تحاربه بشكل
ماراح يتوقعه غازي ويفاجئه بقوة


واخيرا كل الشكر لك غرووري لانك سمحتي لبدايات ضوء بنفق هديل المظلم
وكل الشكر لك ايضا على روعة ماتخطه يدك وتمتعينا به بكل اسبوع
اللهم اسعدها واكرمها ماترتضي يارحمن يارحيم

متحمسه للبارت حيلل .. اخيرا رجع غازيي يالبى قلبه والله روايه الحين حماس برجعتهم لبعض

اتوقع ان غازي راح ينتقم من لكل واولهم هديل ... وذياب راح يكون قووه لغازي يضغط فيها على هديل



واتوقع انه الحين راح يهررب فيها لبعد مكااان

مساء النور والسرور

دائما هكذا هي الاقلام المبدعه تحبس الانفاس وتوقف نبضات القلب وقد تسبب جلطات :)
وقفه هي ليست نكبه بل قنبله فجرتها صدووود في قلوبنا قبل رؤوسنا ...

خمس سنوات فراق وعذاب وشوق لمحبوب تحت التراب ثم لقاء به فوق الارض مع طفل من الصلب ...
حقا ياغازي من أين لك عقل وقلب حتى تتحمل كل هذا ..

هديل وعوده الى احضان من كان لها آسرا وساجنا ومعذبا وضاربا ذات يوم ...
حقا لا أعلم كيف سينجو قلبها من الخوف وماذا سوف تفعل من أجل ذياب ...

رشا واستسلام لحياة لاطعم فيها ولا لون ...
حزيته حكايتها والمحزن أكثر هو استسلام من حولها لهذا المرض..

شوق وطالب وطفل في علم الغيب وحياه جديده ..
تأخير الصلاة للأسف مشكلة كثير من فتياتنا وشبابنا أسأل الله الهدايه والغفران لي ولهم ولجميع المسلمين

رراجح ووعود وعهود ومواثيق لهديل لا أظن انه سوف ينفذها فقد سقطت بين يدي غازي وهذا من يسقط بين يديه لا مفر منه الا الموت كما ماتت هديل عندما هربت ...

صدووود...
اسأل الله أن يجعل دربك كله نورا وسعاده ورحمه من رب العالمين
واسأل الله أن يمتعك في دنياك وآخرتك كما أمتعتينا بقلمك ...
بالتوفيق ياراقيه ...

السلام عليكم ورحمة الله وبركاته ...


صبـــــــــاح \\ مســـــاء
المحبة والرضا من رب العالمين...

كيــفكم ..؟؟
ان شاء الله بخيـــــر ..

دقايق وينزل البارت يالغاليات...

كونــــــوا بخيــــــــــــــر..