كاتب الموضوع :
صدووود
المنتدى :
القصص المكتمله من وحي قلم الاعضاء
سلام على اليلاسات وعلى اشرس الاحزاب عندنا*
حزب هديل. * * * * * * * *حزب غازي
اول شي اقول انا من الحزب المحايد
وثاني شي اقولكم انه انا متفهمه مشاعر غازي لما تمنى موت هديل *هو ما تمناه لانه يبغاه صدق هو تمناه لانه كا غضبه عليه فوق الخيال*
ابقولكم قصه صارت لي زمان*
*
لما كنت في الابتدائي قومتني امي فيوم زي دايم بس زي دايم ردي قومي (فلانه)<<<اللي تكون اختي التوأم*
وقالتلي امي فلانه مارح تداوم لانه تعبانه عاااد هنا انا انهبلت*
لييييييش هي وانا لا
قالتلي امي ان صحتي زينه ولازم اداوم*
وحاولت فيهم بس مارضوا عاد انا هنا حقدت*
وقلت لهم والله ما ارجعلكم مره ثانيه لانكم تحبون فلانه اكثر مني*
ورحت لمدرستي وقلت لصديقاتي اللي شجعوني انه لازم انتقم منهم
وانا كنت حاطه في بالي اروح لبيت عمي القريب واقعد عندهم عقاب لاهلي*
وكان بيتهم قريب مره من المدرسه
توكلت على الله ولبست عبايتي ورحت مشي لبيتهم*
وطقيت الباب ودخلتني الشغاله وطبعا عمي وزوجته كانوا موضفين بالتوجيه وما يرجعون الا العصر*
فانا قعدت العب مع عيال وبنات عمي وماادري وش صار فأهلي
لما راح ابوي ينادي علي عند البواب ما طلعت وكان البواب يقوله اني طلعت وحتى مسؤولة المناوبه نفس الشي وكان ابوي رافض يروح لين اطلع *وهددهم لو ما يطلعوني انه بيسجنهم*
*وانا ولا ادري عن الدنيا قاعده العب طرزان بستاير بيت عمي
المهم ابوي مافضت المدرسه دخل وفتشها وراح لبيت الحارس وفتشه وهدد المناوبه
ولما يأس رجع لامي وعلمها*
ويقول ابوي انه امي كانت اقوى منه وانها حكمت عقلها وتماسكت ويقول انها هي اللي كانت ساندتني وماسكه دركسون السياره معاي علشان ندور بالشوارع وندورك
وانا قاعده العب ببلونات المويه ولا عننننندي خبر
وماادري كيف غاب عنهم بيت عمي*
المهم لما رجع عمي وزوجته استغربوا اني عندهم ولا ولحالي ماجبت الكبي بيست ( نسختي) معي ولما سألوني قلتلهم انه السياره خربانه وراح بابا يصلحها واختي ماداومت اليوم لانها مريضه
هم صدقوا بس حتى قاموا يكلمون على تلفون البيت (بذاك الوقت مافيه جوال)
ومافيه احد يرد بس لما رجع عمي من صلاة المغرب قال لزوجته ان الشرطه عند المدرسه وماسكين الحارس وعياله وزوجته يصيحون عنده وانهم متهمينه بخطف طالبه*
فاخذوني للمركز ولما شافتني امي انهارت وصات تبوسني من كتف وتضربني بالثاني وبعدين اذا جات تضربني مره ثانيه اقولها لا يمه اضربي الكتف الثاني فترد علي وين هنا يمي اقول ايه فتعطيني وحده تخليني التوي بالارض*
اللي حبيت اوضحه انه غازي كان يتملكه الغضب عليها وكيف انها سببت لهم هذا الالم الوهمي وخلتهم يعانون من فراق وموت وحزن طلع كله بالاخير وهمممم وخاصه انه حظر موقف كل شخص حزن عليها من امه وشوق ورشا وراجح وصوفي وماكس وابوها وعمها واخوها هادي والكل تقريبا وهذا زاده هم على همومه
لاتقولون انه جزاه هو لما منعها من اهلها كانت تعرف انهم بالدنيا موجودين غير لما أوهمتهم بموتها وانه ماعاد بيده اي شي لا يعوضها ولا يسعدها زي ماخطط
الموضوع غير وانا ماأأيد غازي ابد بالعكس لازم يتعاقب
و يمكن هذا عقابه بس لكل فعل ردة فعل *
يعني لما امي لقتني كان قصدها انها تضربني لانها تكرهني لااااا
ضربتني لاني تجرأت وخوفتها علي وانا اعرف مكانتي عندها*
وضربتني لاني سببت مشاكل لناس مالهم دخل*
وضربتني لانها حست انها اذا ماعاقبتني الحين بتصير سالفة الفراق عندي عادي وباي وقت اقدر افارقهم وواعذبهم من جديد
فلازم اتأدب وابشركم تأدبت*
بس السؤال *
هل هديل بتتأدب وكيف بيكون عقابه*
اتوقع باحد ثلاث اشياء مروا على جلدي لين علموه
1- العقال
2- علاقة الملابس (وترى الحديد تحرق الجلد والخشب وجعها بالعظم)>>>>مجربه كل الانواع
3-او الخيار الاكثر اهانه شبشب الحمام*
واتمنى اني وصلت فكرتي*
وانه ماحد يحقد علي*
واعتذر اني تطفلت على روايتك بلمحه من حياتي بس حبيت اوضح وجهة نظر بظرب الامثال
اما بالنسبه انه كيف عرف البيت هو لما ركب السياره قال السفاره اكيد اخذ المعلومه من السفاره وباعتبار انها زوجته يقدر يدخل ملفاتها*
وكيف دخل الشقه اتوقع انه نوع القفل كان من النوع اللي ينفتح بشوية حربشه بكم اداة لانه لما دخل كانت في الحمام وصدودي قالت انه سكر الباب بهدوء مو فتحه بهدوؤ<<<<وجهة نظر
وانا مع البنات ياليت هديه حلوه كذا وبارت رهيب من عندك
متواصله معك من خلف الكواليس على الدوام
|
02-01-12, 01:31 AM
العرض العادي
