صباح الخيرات ...... كيفك صدودة وكيف ايدك طمنينا عنك ياعسل .... تسلمين ياقلبي مع انو البارت مااقدر اقول نكبة بس قفلته حيرتني وراح اوضح لك .... بس شدعوة يدعون عليك ياكافي الشر لايكون على احداث الرواية .... اصلا مافي وحدة طبييعية بتدعي على كاتبة او متابعة علشان سطور واحداث لرواية خيالية الهدف منها التسلية واظهار موهبة للكاتبة ... بالعكس ياصدودة المفروض ندعي لك ومن الاعماق لانك مابخلتي علينا بأبداعك ولاحرمتينا من الاستمتاع فيه ... غير كذا احترامك لقرائك والتزامك بمواعيدك واسلوبك الجميل جدا لقرائك ورحابة صدرك ...واذا كان في من يدعي عليك بشر بصراحة مااقدر اقول الا صغر عقل منهم .. هذي رواية واحداثها وابطالها تتحكم فيها الكاتبة على حسب نظرتها هي مولازم ترضيني بكل حدث وتمشي على نمط معين من طلبات القراء

في كل رواية اختلاف في اذواق كل قارئ ...يعني اذا انا كرهت شخصية وماقدرت اغير نظرتي عنها بينما هناك غيري يعشق هذي الشخصية موشرط نفرض على الكاتبة تسيره على حسب رغبتنا ... كل كاتبة عارفة هي الي اي مسار بتسير احداثها وابطالها وحتى لو النهاية ماارضتنا من حق الكاتبة علينا شكرها على وقتها ومجهودها الي غمرتنا فيه


صدودة من كل قلبي الله يحميك ويوفقك وييسر امرك ويبارك لك بصحتك وعافيتك ويسعدك دنيا واخرى مامنك قصور يالغلا



نجي للبارت والقفلة بالتحديد راح ابتدي فيها ....... مع انو انا ماادري كيف مرت الخمس سنوات ماادري كيف ماطلعت عندي بس اكيد ماركزت زين بالعد المهم انا مومصدقة انو الغول شاف هديل بهالبساطة والسهولة ....يعني مومقتنعة مع اني مومنصدمة من اللقاء لانو هالشي لابد منه علشان حياة هديل تاخذ منحى ثاني

بس الي حيرني وخلاني اقراء البارت او بعض المقاطع اكثر من مرة هو القفلة ووصول غازي لهديل بهذي السهولة وراح اوضح اكثر


أخذ السيارة من السائق وتوجه على العنوان اللي وصله من رجل التحري اللي كان يراقب صوفي..

هنا بينتي لنا انو راقب صوفي وعرف المكان بينما صوفي شكت فيه من يوم يزورها مع ماكس وهي توقفت عن زيارة هديل لهذا السبب وبينهم مكالمات بس للاحتياط


فكرت تزورها الحين وتقول لها عن اللي صار..
بس شكها في غازي وماكس منعها من هالشيء..
ما تستبعد عنهم يراقبونها ويتحرون عن صديقها المجهول..
ولذلك قررت تقطع زياراتها لهديل لحتى تضمن سلامتها..


زارت هديل صوفي في دار الأزياء وهي متنكرة وذياب بعربيته..
وهنا هديل هي الي زارت صوفي ومتنكرة بعد ...هو ذكر انو راقب صوفي مو حتى الي يزورونها وفي هذا اللقاء توادعو على ان يلتقو بدبي وصوفي لما ودعت ذياب قالت بتجيب له لعب من هناك ...اجل كيف عرف مسكن هديل وتأكد انو هديل هي الي ساكنة في هالمكان مواحد من معارف صوفي.. لو كان اللقاء بحديقة وهديل مثل ماهي بدون تنكر بنقول هنا تأكد انها تعرف مكان هديل .... هل صوفي غلطت وزارت هديل بيوم سفرها مثلا علشان تعلقها بذياب وانتي ماذكرتيه في البارت الحالي وبتطرقي له المرة الجاية ؟؟؟

غيركذا موصفي سافرت وغويزي مسافر لانو اللقاء الي بين هديل وصوفي كان بعد روحتها السفارة والخسيس الملقوف سويلم شافها وهذاك مسافر ليت الطيارة الي شالته طاحت وريح هدول من خشته الودرة

لو ذكر انو راقب تحركات راجح بعد مابلغه النجس سويلم وهو تأكد من السفارة كان ماتحيرت كيف عرف مكان هديل .... لانو اكيد بيزورها يتطمن عليها


الشي بعد الي زاد فضولي وماادري خلاني مااصدق انو شافها بهالسهولة ..... كيف دخل عليها شقتها والباب مقفول ... بالمزرعة قلنا من البلكونة او عنده مفتاح سبير بس بشقة اول مرة بيجيها من وين دخل مااعتقد هديل تاركة الباب مفتوح ولا حتى بلكونة لانها عايشة برعب وخوف وغير كذا ماراح تسويها وهي ماعندها احد يحميها هي وولدها


ولو فرضنا انو المجرم فتح الباب بطريقته مثل امثاله من المجرمين بكل خفة وسهولة كيف ضمن مااحد يشوفه وهو واقف يحاول يفتح الباب ... او مايكون غلطان بالعنوان وهالبيت موفيه هديل لناس من معارف صوفي على اي اساس يدخل بهالطريقة المشينة بدون استأذان من صاحب البيت ...طلع لناس مايعرفهم بأيش يبرر او انو صوفي مسكنة هديل ببيت عايلة كيف يسمح لحاله يقتحم خلوة بيوت الناس وخصوصيتها

يعني لو راقب صوفي بيشوف تحركاتها هي التحري من وين يعرف هديل علشان يأكد له انو صوفي تجي عندها ...واذا كان غرضه من المراقبة معرفة الشريك السري زيارة صوفي لهالمكان مايعني انو هديل فيه


لقاء غويزي لهديل وطريقة شوفته لها ماكانت مثل ماتوقعتها توقعت لما يشوفها راح يتجمد مكانه من الصدمة وماراح يقدر ينطق بسهولة لانو ياما شاف طيفها وماكان حقيقي بنظره كيف بسهولة بيشوفها وبيحضنها وبيطلب منها تناظره وهي فارقته عمية يعني حتى شوفتها بكامل صحتها ونظرها راجع لها بيصدمه ... واذا فرضنا انو شافها تتحرك بسهولة عرف انها تشوف طيب وين راحت صدمة اللقاء صحيح غويزي احساسه ميت وماهو مثل باقي الاوادم والدليل انو ماصابه ولاشي بعد فراق هديل بس قلنا نساير الببشر الي يقولون تعذب ويبالغون انو تألم ومااذكر ولا موقف لها الشي وقلنا بينصدم بيتفاجئ بيتجمد موعلى طول يحضنها ويخنقها ويبوسها


لذلك اشك انو المشهد حقيقي انا حاسة انو كابوس شايفته هديل لانها غفت شوي مع ولدها وبنتفاجئ فيه البارت الجاي وهنا النكبة ......مو لقاء الغول بهديل هو النكبة ماادري احس هالتحليل اقنعني اكثر



انا مااستبعد عليه مراقبة صوفي وتحركاتها ولا سهولة حصوله على معلومات من السفارة مع انو هالشي مسؤلية الموظفين انهم مايفشون اسرار اي احد مهما كان الا بأذن صاحب الموضوع الا اذا كان ميت والمعلومات لصالح الورثة لانو اي تسريب للمعلومات هذي خيانة يتحول المسؤل عنها للتحقيق ....... بس الي يزور اوراق بنفوذه مانستغرب عليه شراء ضمائر الناس


والخسيس سويلم على اي اساس يروح يسأل عن سبب وجود راجح ومين الي معاه مااعتقد هذي وظيفته التجسس على الخلايق جعل ربي مايترك له ستر مغطى ويفضح بالدنيا قبل الاخرة شهالناس وخير لو هو من عيلة معزبة الي مستعد يبيع له نفسه علشان وسخ دنيا مايعطيه اي حق يتلصص على الناس بس هو وايوب مايستحقون الاماكن الي يشتغلون فيها ايوب من باب اولى سكت وقاله هالشي مومن حقك تعرفه مو يشرح له ... وبعدين هو شاف هديل بباريس ليه الاخ مشغل عيونه كشافات عليها وحفظ ملامحها الي مغطيتها بلثمة لانو هديل ماكانت تترك لثمتها بعد خمس سنين ودقق فيها وعرفها وهي مارة ياسبحان الله مو عين بني ادم زرقاء اليمامة الي خلته يميز شوكة ورشا من هديل صدق ماجا غض البصر من فراغ


وغويزي عادي عنده يقوله شفتها معاك وعرفتها يعني يارخمة حافظ زول زوجتك بالملي بس شنقول ياخسارة الشوارب الي بوجهك والله بعد مو كل الي بوجهه شوارب صار رجال الي يرمي زوجة وسط عمال اجانب شنتوقع منه بيغار مثلا بس يوم قالت انها بتعتمد على طالب وبتهرب منه بالسوط جلدها وببرودة دم



راجح هالمرة موجود وماراح يترك هديل ويخذلها للمرة الثانية هالمرة قول وفعل والسلطات بتشوف شغلها معاه لانو اذا استفردفيها قبل هالمرة في مين بينقدها وبيوقفه عند حده واعتقد لما يسألوها السلطات بتخبرهم انو اخذها بالقوة وبدون رضاها واعتقد في مين يشهد ضده على تعذيبه لها خليه يعرف معني ينحرم من عايلته وهم على وجه الدنيا خليه يذوق شوي من حسرة هديل الي بقلبها لانو الي شافه ولا شي لانو ذكريات هديل معاه وتسليه عكسها الي زاد كرهها وحقدها عليه



هذا اذا كان اللقاء حقيقي .........انا من اول قلت انو جبان يخاف مواجهة الرجاجيل لانو مو منهم والدليل طلبه انهم يشغلون راجح بمصيبة جعل مصايب تاخذه قريب لانو مو قد راجح ولا بيقدر يواجهه ناسي انو رب العباد اذا امر بشي يصير بيصير وهو مابيقدر يمنع ارادة الله واذا ربي بينقذ هديل من ايده هالمرة بعد بيصير وهو ماراح يمنع مشيئة الله ... وصوفي تقدر تبلغ عليه اقتحامه لمكان تملكه او مستأجرته بأسمها بدون اذن والسلطات الايطالية مابتقصر فيه شكوى من مواطنيها على واحد عربي بيخيس بقية عمره ولا فلوسه ولا نفوذه بيسوون له شي والله نهاية يستحقها وقدره بعد



الحين هو مقهور على اسهم .......بالذمة هذا كيف يفكر اسهم لوحدة ميته هي شبتستفيد من وسخ الدنيا هذي بدل المسجد الي بأسمها والله كيف خبري الميت يسوون له صدقة جارية مو اسهم وشركات

وهادي من البداية مايبي سعر اخته اذا هو عادي يبيع اهله بأسهم وفلوس ويرضى فيها الناس مو مثله ... وحتى وهي عايشة شبتسوي فيهم هل بيعوضوها الخمس سنسن الي راحت من عمرها هل بيرجع صحة ابوها المشلول الي ماتغير حاله واكثر واحد تأثر بموت بنته .... هل بينسي هديل الم الضرب والاغتصاب الي جاها منه

لو الفلوس تنسي وتعوض خليه يعوض حاله هو يوم فارقته هديل كان اشترى السعادة لنفسه ... او كان قبل هو ثمن موت اخوه اسهم او اي شي مادي واحد مفكر كل شي ينشرى بالفلوس بس عنده هو لا يشتري ويبيع في الخلق على كيفه


احلى عقاب له بعد لقاء هديل هو وجود ذياب الي بيوم كان بحضنه ولا عرف مين يكون وغريزته مادلته مجرد احساس وتعلق بالولد بسبب ريحة هديل فيه بس مع انو كان يدري انها حامل قبلها هي بس مافكر او يمكن كبر سنه نساه انها كانت حامل وعمية ... ابي اشوف رده على هديل هالمرة هل بيخبرها انو زوجها لانو مايدري انو هديل كشفت خسته ونذلته والله خمنها من انو راجح خبرها خوب هو مو قد مواجهات والدليل جايب ابوها من السعودية علشان يخبروها انو زوجها ويلمعون صورته عندها

طيب واذا زوجها من حقها تختار تكمل معاه او تنفصل عنه وهذا المفروض الي هو بنفسه يبادر ويسألها اياه لانو قبل قال انو لو تجع حية مستعد يتركها بس ماتكون ماتت بنشوف هل هو قد كلمته ...اكيد لا


هديل تفكيرها صاير غير حكيم اخوها قريب منها ليه ماخبرته حقيقتها عاجبها حالها مشردة من مكان لمكان عاجبها وضعها حرمة بدون حامي اذا لقاها غازي لاتلوم لاراجح ولا غيره لانو كان عندها الي بيوقف الخسيس عند حده كان الحين هي بحضن امها لانو بسهولة اخوها بيثبت انها اخته والشبه اكبر دليل بس تفكيرها دايم مو بصالحها بنشوف كيف عقلها بيخلصها من ايدين المجرم وولدها معاها ...ولاصوفي ولا مسفر هالمرة عندها


انصدمت لما لقيتهم يحملون نفس اسمك ونفس اسم العائلة ..

الحين هديل تبي تثبت اسمها الحقيقي والله اسم رسل ... راجح شي طبيعي يحمل نفس اسم العايلة بس هديل كيف وكيف بتضيف ولدها لجوازها الي اكيد بشهادة ميلاده اسم الام هديل الجاسم نفس الي بعقد الزواج ...هنا ماقدرت اجزم بشي



تكفيين كوني ميته ..كووني ميته ..
ياجعل الموت الي ياخذك انت ليه ان شاءالله تموت هي تموت انت الي مالك هدف ولا معنى من الحياة امك ماتدري عن هوى دارها ولا تزورها تبيها هي الحرمة الكبيرة تزورك اذا لها خاطر ماخفت تموت وهي شايلة بقلبها عليك ... خواتك رميتهم على ازواجهم وكل وحدة بعلتها ولا فكرت تصير حسوب عليهم اخو وتشوف احوالهم ولد اخوك الي انت ولي امره والي سويت حالك مقهور عليه وبتاخذ ثاره مايعرف شلك ...هم فلوسك ومشاريعك ومين يشارك معاك ماادري هل هالاعمال بتغنيك في الاخرة وتكفر ذنوبك او لا
ياويلك مني ياوييييييييييييييلك ..بتتمني لو كنتي ميته وخااالصة ..
بتتمني لو كنتي طيييييييييييف مو نفس ..

وبعد تهدد وتتوعد ماشاء الله صدق هديل ماعرفت قدرك يوم تكبرت ونفشت ريشها عليك بعدك ماتأكدت وشفتها هي او لا قمت تتوعد مالت عليك اذا هالشي في نظرك حب وعشق ماعليك شره شايب من عصر الدينصورات ماتعرف غير الهمجية والقوة

كووني حقيقة علشاااني ,, وكوني طييف علشاان نفسك ,,
كوني حقيقة علشاني مشتاق لدموعك وضربك وحرقة قلبك ...وكوني طيف لاني مابرحمك

ارجعيلي بس اهربي لابعد حد تقدرييينه ,,
كووني عااايشة واحمي نفسك مني احمي نفسك ,,

ارجعيلي ولعقدي وتخلفي وكوني عايشة لانو ايدي ماضربت ادمي بعد ك ولا شدت شعر ولا سمعت رجاوي وبكى وانكسار وذل من احد بعدك ..........صدق قمة الرومانسية يابختك ياهديل على هالدرر الي تطلع وانا اقول العالم ليه تقول يحبها ويموت فيها اتاريه من هالاشعار والقصايد المؤثرة الي تسرسح على القلب ....

غازي بوعيد\ماتبيني..؟؟
كل هذا هجر ..كل هذا حرمان وقهر...؟؟


تؤ تؤ تؤ من قال عاد تخسي ناكرة النعمة تقول ماتبيك ياشين الرجال ...وحدة يحصل لها واحد يتمها وغير اسمها وشغلها بأسطبل حيوانات ومن غزله اها يقولها انتي جاريتي ملكي وخادمتي ... والله على الدلع ضرب بالوجه الين يتورم ... كسر لليد ... جلد بسوط ... اغتصاب اكثر من مرة حتى بعد ماانعمت ... قذف في شرفها ...تحرشات من عماله لها ... وغيره من الهنا وانت تقول قهر وحرمان مالك حق بس تراها ضلع اعوج على قولت امثالك بنت مالها قدر ولا شان ...انخلقت للذل والاهانة والضرب واي كلمة واعتراض مالها الا العقاب الين تندفن تحت التراب ...



خلينا من السفيه الي مرفوع عنه القلم ونجي للنايمة والي مرفوع عنها القلم ............. رشا بكيفها مستسلمة للمرض وعاجبها بس مو بكيفها تتلاعب بأحكام الدين لو مرضها ماله علاج عذرها مثل ماقال الشيخ لو تتعالج ولسى ربي ماكتب لها الشفى كلامها سليم وماعليها اي ذنب ...... بس كونها ماتبي تتعالج علشان امراض نفسية واسباب دنوية هالشي مو عذر تقابل فيه ربها

ولازم احد ينبهها لاتتعالج علشان احد بس علشان عبادتها تتخيل حالها الباقي من عمرها بس كم شهر تقضيه كذا لاصلاة وعبادة ولا قراية قرأن بس اكل وشرب ونوم استغفر الله ربي شهالاستهانة الي فيها وبكل قواية عين ربي بيعذرني لاني مريضة واقصر بصلاتي وانتي ماتتعالجين ؟؟؟؟

تعالجي وانتظمي على علاجك ان تغير الحال نعمة من الله وان ماجاء الفرج ماعليك عتب قضاء الله وقدره وماعليك ذنب بس مابي اتعالج لاني بالنوم ماافكر لافيك ياراجح ولا في سعود ولا غازي ولا اهل الكويت هذا الي حارق قلبها اهل الكويت بس العتب واللوم على زوجك واخوك الي ساكتين عليك ومايسحبوك بالغصب تتعالجي وانتي مقصرة بأمور دينك ...........اعتقد لازم احد بينتبه لهالنقطة وبيعرف انها مو مخيرة بالعلاج لانها مثل الي ترمي نفسها للتهلكة والي ينهي حياته بتعمد وبيجبروها تتعالج كم صار لها شهور وهي مرتاحة بتقصير ها بصلاتها ... والله انا لو اتأخر شوي بصلاتي اكره نفسي وهو بعذر ياما اذن وانا بمستشفى والمغذي بيدي فأنتظر نص ساعة الين يخلص ويشيلوه علشان اقدر اتوضأ واصلي .. وهي تتكلم بأريحية



وشوكة الثانية الين بعد الزواج وهي اكبر من هديل وهي تتهاون بصلاتها استغفر الله ونعم الوكيل ياربي على هالعيلة ابي اعرف غويزي من قبل لايخطف هديل ويهج شكانت مهنته في الحياة وينه عنها بس ليه هو خليه يعرف ربه والحلال والحرام بعدين نلومة والام شكلها هايتة بالزيارات والعروس استغفر الله ربي من هالناس وعقولها الله لايبلانا

للاسف

امثال شوكة كثيرين من البنات والشباب استهتار وتهاون بالصلاة وفي ناس مايعرفونها الا برمضان بس الله يهديهم يارب


صوفي اتوقع راح تسلم ويمكن التقائها بعربيات غير هديل وياسمين او يصير لها موقف بدبي يدفعها للاسلام وتعلم الكثير منه بس لسى وقت الهداية ماجاء بس قرب ... وساعتها بترجع لماكس الي مافكر الابنفسه ومافكر يعطيها شوية نصايح ويحببها في الاسلام ويمهد لها طريق دخوله بس ماراح ترجع له الا وهي مسلمة ان شاء الله وتكون ند له وماتحس حالها نها اقل منه لانو اكيد الي بنفسها انو هو احسن منها يوم سبقها لشي تتمناه بس تكابر وماتبي تعترف بهالشي وحشمتها وتغير بعض تصرفاتها هي البداية



سلمان شدخله بالاسهم وليه حارق دمه لايكون غويزي اقرب له من زوجته مثل ماهو تركها وخبى عنها اشياء هي من حقها يكون لها اسرارها خلاص الاسهم ماعادت بأسمها باعتها لصوفي باعتها لهولاكو ماله دخل .........واذا بيزعلها كل مرة علشان غويزي واسهمه الخايسة مايستاهل ياسمين ولا يسحقها لانو يوقف مع الغريب ضد زوجته غويزي ينحرق بأسهمه

وياسمين ماعليها لوم اذا ماخبرت احد عن هديل لانو هالشي امانة ووعد ولاتصير مثل المنافق غويزي الي يوعد ويخلف ...وياكثرها الوعود الي اخلفها


علي مبروك هدولة الصغيرة تتربى بعزك ودلالك وبعدها عن الخبل ولدك لاتصير نسخة مؤنثة منه خخخخخخخخخخ اجل جابو له اخت وخف عن امه وحط سلطته بهالبزر الله يعينها عليه خخخخخخ

بس تعلق ابو علي فيها يعور القلب وشوفته لهادي واستقباله موجع حسبي الله عليك ياغازي جعلك تصير مثله واعظم اجرمت بحق عايلة كاملة وجنيت عليها بدون وجه حق جعلك تشوفها قريب وخصوصا بعد ماعرفت انو هديل موجودة وعايشة جعلك تشوفها مزفوفة لغيرك وانت عيونك مبققة وجالس على كرسي متحرك مثل حال ابو على واعظم


عبو د على رجته بس حساس حيل وهو فعلا صادق انهيار ابوه وبكاه على هديل وماراح يقوم الا يوم يلتقي فيها وان شاء الله قريب


صدودة تكفين طالبتك طلبة لاتخلين اللقاء بالاخير نبي نعيش مع هديل حياتها الجاية قريب من اهلها ويكون لها مواقف مع عبود وبين عبود وذياب ولدها قبل مايكبر ويعقل خخخخخخخخخخ نبي باقي الاحداث بالسعودية فديتها وفديت ترابها واهلها ماعدا غازي الي متبريين منه الله ياخذ امثاله ويحمي بناتنا من اشكاله وامثاله خليه مع الاجانب لانهم نفسه ماعندهم غيرية ولا حمية على حريمهم ....

الا غادة شخارها مافي نونو بالطريق صار لها سنتين تقريبا متزوجة من قبل هرب هديل ومرض ابوها ....



في انتظارك ياعسل وانتظار الحاضر وماينتظر هدولة من مفاجعات هل مازال الالم والخوف مكمل لحاضرها او هناك نافدة ضوء تخرجها من الظلام الذي تعاني منه بسبب قاتلها

الســلآم عليكم ورحمـه اللـه وبركـاتـه ..

مـرحـبـا بالجمـيـلـه المـتـألـقـه ..الحمد للـه ع ســلآمـتـك وخـطـاك الشـر يالغـاليـه ..


وربي أنـي مـانسيتـك من دعـواتـي لك بظـهـر الغـيب ..ودومـا أدعـو لـك ان يحـفظ لـك بنـاتـك ..

بجـداره سكنـتــي أعـمـاق قلـوبنـا اللـه يحـفـظـك آآآمـــــيــن ..


اول أهـنـئـك لأنـتـقـائـاتـك لمـقـدمـه القـصـائــد ...

من قـرأت مـقـدمـتـك والحـيـره بين البنـات في كم مضى من السنـوات



وقرأت شطـرهـذا البيت عـرفت المـدهـ <<ماحد غششهها ..

وااااااااااااااااااااو تهبببببببببل
لما انتهى البارتت انقهههههههرت
قلت مالقى ينتهي الا عند حايبي
/

الشششيخه عهوود مو كأنكك غلطانه
السيد غازي هو البادي
محد قاله اعشششق وعذبب
ياحبيبي اعشششق وريححح
تخلييي ياعهوود لو يجي أحد ويظربككك بالسسسوط
والله كان يتكسر ظهههرك
لا وازيدكك من الشعععر يتتت بغيت أنتحر واروووح في النار بسببه
وكمان انعميييت سسسسبت الاخوووو غازي
اشششش تكووون رت فعلكك
واللله انا مالوووم المسكييييينه هدووول
اللله يصبرها عليييه

/

طبعا غزوووي لا تزعللل لاني كمان احبببه
مسكككككيييين مايعرف يعبر عن هبه الا كذا
مسكككككييييين تعذب بغيييبتها