كاتب الموضوع :
صدووود
المنتدى :
القصص المكتمله من وحي قلم الاعضاء
صباح الخير على الجميع ......... تسلم ايدك صدودة على البارت المتميز والجميل ........ الله يحرسك من كل عين ياقلبي دائما تبهرينا بأحداث غير متوقعة .... في هالبارت كل مشهد تختلف ردة فعلنا فيه يعني وانا اقرأ البارت تعابير وجهي تتغير حسب تغير الحدث بدون مااحس والي فضحني ابو الشباب صاير برج مراقبة ومسكها مسخرة علي خخخخخخخخخخخ
نجي للبارت ومايحمله من احداث xxxxxة ابتدي بمين وبأي نقطة لانها كلها يبي لها وقفة طويلة ...اممم اصعب موقف كان لما هديل نست حالها وكانت بتدمر كل الي سوته وبتطلع قدام الكل لولا الشهم النشمي مسفر الله يحميه لشبابه الي جاء في اللحظة الحاسمة ربي عوض هديل بناس يخافون عليها ويهتمون فيها من غير اهلها
هدولة عورت قلبي حسيت فيها كأنها قدام عيني وهي تناظر بتوئمها قدام عينها تتنفس من نفس هواه وقلبها حسيت حالي اسمع دقاته موقف صعب جدا جدا مادري كيف قدرت تمسك صوتها بسهولةوماصاحت بعالي الصوت بأسمه لولا وجود هالشايب النذل هادم اللذات كان طلعت لاخوها وارتمت بحضنه
مسفر كل مرة يثبت لي انو رجال حقيقي وبصراحة المفروض هو يكون البطل مو شبيه الرجال بس ياما بنات من اطيب ماخلق الله يطيحون بأزواج مايخافون الله وهديل صبرت كثير وتمرمرت كثير بس مالها الا ربها ماراح يضيع صبرها وبينصرها في النهاية وبيخذل الظالم على كل الي سواه في عايلة كاملة موبس هديل
غويزي جاي زواج ناس ماتطيقك ماادي شتبي راز هالوجه المنحوس لك عين بعد كل الي عرفته ترفع عينك وتحطها بعين هادي الي مثلك يمشي وراسه منزل بالارض ذابح بنتهم وظالمها بدون وجه حق وجاي تبي هادي يحترمك او يتمنى شوفتك اذا اهلك حاقدين عليك وهم ماعرفو حقيقة مقتل سعود وانو القاتل طلعت الذيابة اجل لو عرفو شبتكون نظرتهم له مااعتقد بيتجرء ويخبرهم الحقيقة
صدودة ريحتي قلبي وطمنتيني على هدولة لما رجعت مثل قبل تنادي ابوها وتحن له الحمد لله ربي يجمعها فيه قريب ومايموت احد من اهلها قبل ماتلتقي فيهم ساعتها غويزي شبيسوي هل بيعوضها بفلوس والله بشركته الي فرحان فيها
المنمشة والله تحفة رازة وجهها عند ياسمين وطلعت لها قرون خبلة حمد لله والشكر مشغلة عيونها رادار على ياسمين وسلمان والغريب انو سلمان ماطردها وخلاها تبقق عينها فيهم الي يشوفها يقول جالسة بسينما اتخيلها تيجي عرس بالسعودية وتكون الطقاقة فالتها والرقص قايم ماادري ام سيقان شبيكون تصرفها ههههههههههههه
عجبتني قوتها وردودها على الملقوف شعنده جاي ماسك حرمة مايجوز له يلمسها اعتقد لو ماكس شافه ماسكت له مفكر الناس كلها مثله ماعندها غيرية على حريمها صحيح صوفي مش مسلمة بس المفروض هو مسلم ومايجوز له يمسكها بهالطريقة ومسفر المنقذ فكها وريحها من المغرور المتكبر وسكر عليه باب الاسئلة وبعدين بيخطف الولد ويهرب ليه ان شاء الله ناوي يعيد مسلسل هديل ماتاب ولا اتعظ ولا تغير ويقولن رجعو هدولة للخايس ويكسر الخاطر بالذمة انتو شفتو عليه تغير او اي ضعف بعد بعد هديل او بعد ماعرف الحقيقة
مرام واخيرا تنازلت وحست على دمها واختارت الي يبيه قلبها رمت غرورها وكبريائها ورى ظهرها لانها مثل ماعاشت ايام سودة مع تركي عاشت اسعد ايامها ولها ذكريات حلوة وراح تنعاد هالايام بعد هالجفا والعذاب الي عاشوه وتركي راح يعوضها ويرجع لها بسمتها وبيعيش معاها ابوته مع البيبي الي بالطريق
رشا والمرض الغريب الي انصابت فيه جد يخوف يعني على كل الي عاشته ماتأثرت ومرضت هالمرض الا يوم يوم ربي جمعها براجح اتمنى من كل قلبي ربي يشفيها علشان راجح وقلبه الي يتعذب وهو يتخيل انها ممكن تروح من ايده بسبب لحظة نوم بس فترة العلاج طويلة وسنين العمر تركض كنت اتمنى ربي يرزقها بولد يخفف من حزنها اذا غازي صار عند اهله بيكون في عندها الي يشغلها شوي عنه الين يرجع لها وغير كذا بيغير من تفكيرها الاسود بنفسها وتقليلها من قدرها الله يشفيها لراجح ويفرح قلبه ويسعده لانه يستاهل كل خير
هادي ياقلبي عليه والله برد قلبي في المجرم وزين عرفه قدر نفسه خليه يعرف حرقة القلب الي تحرقه يوم عرف انو هالخسيس كان بيوم ماخذها ثمن لجريمة وهمية ولو عرف المعاملة الاجرامية وغير الرحيمة والخالية من الانسانية الي تعاملت فيها هدولة مابيرده الا ذبح غويزي لذلك من الافضل مايعرفها طول ماهدولة بعيد عن عينه مانبيه ينجس نفسه بدم واحد ماينتمي للاوادم
حالته صعبة لما حس بقرب هديل هذا وهو الرجال القوي كيف اجل يوم هديل تجيها فس الحالة الله يعينه واحساسه صادق هدولة موجودة وتتعذب من فراقهم بس ارجع اقولها للمرة المليون حسبي الله على الي كان السبب الله لايسعده ولايريح باله الين يموت ويفكنا من خشته الي تجيب المرض صدق عقدة
سلمانوه مبسوط ومرتاح لولا غبائه وجبانته كان ماصار الي صار هو وابوه نفس الطينة همهم نفسهم والي دفع الثمن بيت عمه لو ترك هادي كان ماصار الي صار وكان مادخل المجرم بحياة هديل يمكن كان الحين ربي كتب لها مستقبل مفرح يابمشروع ووظيفة تتمناها يازوج يحبها وتحبه
الحين هو مرتاح ومتهني مع ياسمين وهادي وهديل وعمه محروقة قلوبهم ....صحيح ماحد استفاد من بيعة هديل غيره .... واحسن شي سوته هديل الكلام الي وصلته لياسمين
مرت الشهور سريعة ومرت سنة من عمر ذياب وسنين من تشرد هديل وغربتها ....باقي سنتين والله العالم بعد هالسنتين كيف بيرجع الجحيم لحياتها وهالمرة عندها ولد ربي يقويها وينصرها ولا ترجع مع المجرم وتشتكي عليه في السفارة لو تعرض لها لانو هو سبب كل الي مرت فيه خلي السلطات تاخذ مجراها وتحميها مع ولدها وترجع لبلدها واهلها وهو يخيس بالسجون
هديل ماراح تنحل مشكلتها وماراح تقدر تسافر مكان لانو لو انحلت السالفة كان ماتكررت بع سنتين ........ اعتقد الي اتصلت عليه واحد يعرفها وتعرفه لانها قالت ممكن يخاف من صوتها بس اعتقد انو ماراح يعرف صوتها ولا بيصدقها لانو لو بيجي احد يساعدها كان انحلت مشاكلها وماظلت متغربة سنتين تحاول تثبت هويتها
اعتقد هديل ماراح تقدر تثبت انها هديل فبتطر تستخدم الاسم المزور والاوراق المزورة بس بعد رسل بنت غازي متوفية ولها شهادة وفاة ماادري كيف غويزي زور الاوراق وطلع لها اثببات بأسم رسل والله لحد الحين ماتأكدنا هديل سافرت بأي اسم واذا قدرت تطلع جواز بأسم رسل صعبة تطلعه بأسم ذياب الي بيكون حامل نفس اسم الاب واكيد يبون ولي امره وامرها المهم بتظل تعاني من هالمشكلة طول السنتين الجاية
صدودة تسلمين ياقلبي في انتظار مفاجأتك الجاية
|
30-12-11, 02:32 AM
العرض العادي
