كاتب الموضوع :
صدووود
المنتدى :
القصص المكتمله من وحي قلم الاعضاء
صباح الخيرات صدودة .......شهالبارت وهالقفلات ناوية علينا انتي ياربي كنت متحمسة للبارت ابي اعرف سبب مقتل سعيويد واخرتها تكتمي الصوت وتخليه على الصامت ماغير اشوف شفايف هادي تتحرك وايدينه مسويين حفلة مرة يمين ومرة شمال وغويزي الشايب عيونه صارت كبر صحن الشاهي خخخخخخخخخ والعرق يصب والوجه اشارة مرور مرة احمر ومرة ازرق قلت بيطب ساكت واخرتها مافهمنا شي ابي اعرف حالا سريعا ياصدصد شيقولون الي قدامي بنات سمعتو الحكي والله مثلي اوف والله قهر
لا والاخ مقهور من هادي وميت يبي يذبحه لولاه مانال هديل ولا عاش سنة يجدد شبابه فيها وهذا ربي جازه على قد افعاله ونيته وطلع مالهم حق حتى بأخذ الثار والانتقام من هادي فمابال بهديل
مقهور انها فدت اخوها يابابا مفكرين كل العالم مثل عيلتكم كل واحد وراه اسرار وبلاوي ماحد يعرفها هديل واخوانها مترابطين متحابين ومستحيل الواحد منهم يشوف الثاني بيروح منهم وهم قادرين يضحون بأنفسهم علشانه ويكتفون ايديهم التضحية على شي يسوى شي سامي موالكل يعرف قيمتها الاخ اذا راح ماراح يرجع والاب والام فكيف اذا انطلب من احد يفدي اخوه او اخته يقصر دامه مايغضب ربه بالي يسويه
الكل لام ابو علي ولام هديل على التضحية بالعكس اي احد مكان هديل بتسوي مثلها واكثر اجل بيدي اخلص اخوي سندي من الموت وامتنع الا بساعده وبضحي بعمري موعيب ولا اهانة بس الاهانة من الرجال الي بعمر المفروض يكونو حكيمين وعقال وللاسف متعلمين ويحملون اعلى الشهادات ولمهنة انسانية بحته وتطلع منهم كل هالتصرفات
غلطة ابو علي هي اعلان موت بنته المفروض الكل يعرف بمجريات الي صار كان هادي من اول مارجع راح للغول وخلص اخته منها بس ماعاد ينفع التمني والي صار صار وهذا درس من رب العباد لغازي وامثاله علشان لايحكمون بأحكامهم المنافية للدين يتزوجون بنات خلق الله علشان انتقام وثارات
عذاب غازي الحين بيبتدي وعلى اصوله الحين بيحس بذنبه وجرمه بس الي يقهر انو ندمه مؤقت بمجرد ماعرف بأحتمال رجوعها الا طلع وجه الحقيقي
ويوم انو حبها على قولته قبل مايرجعها لابوها واهلها ليه ماعاملها بأحترام ليه ماخبرها صفته الشرعية لها ليه كل شي عنده بالعنف والقوة الا لانو مايتحمل مايشوف صراخها وانينها وبكاها الي يتلذذ فيه ويسعده يبيها مكسورة ذليلة يبي يخضعها بأبشع الطرق على الاقل يوم حبها مثل مايدعي كان عاملها معاملة المحب او على الاقل غير اسلوبه اعلن زواجه عاش معاها عيشة طبيعيه يمكن ساعتها هديل بتضحي بعمرها وتجلس عند واحد غير متكافئ معها بأي شي لابالعمر ولا بالتفكير ولا بالتربية ولابالاسلوب هو وين وهي وين قمة الظلم والجبروت علشان يمتع نفسه ويرضي غروره انو متزوج وحدة اصغر منه بضعف عمره
على العموم لو بنعيد ونزيد ماراح نخلص من ذنوب غويزي وهذا ربي يعاقبه ويجازيه وباقي العقاب الاكبر لما يقابل هدولة الجديدة
عالية ماادري شسمها هذي عقلها عقل بزران ومفكرة غازي لعبة تتسلى فيها بس الي مستغربة منه ليه مخليينه كل هالمدة عند هالوحوش حشى عض وصريخ موشايفين خير بحياتهم والمتخلفة عالية والله احلى شي قالته انها بتغير اسمه من حلاة الاسم في ذي صادقة وع وع غازي يلوع الكبد
رشا خطوتها ممتازة لازم تشوف حالها وتعدل عيشتها هي عايشة بدون هدف في الوقت الحالي بس لما تعيش عيشة طبيعية راح يكون لها هدف ولها اهمية بحياة الي حوالينها وخصوصا راجح الزوج والمحب الاثنين محتاجين لتعديل وضعهم خلاص كم صار لهم متزوجين وعايشين عيشة الاغراب يمكن ربي يعوضها بطفل ملكها وبتعيش معاه مراحل ماعاشتها مع غازي وبعد هالشي مايمنع من انها ماتغير معاملتها لغازي الي دوم يردد اسمها والايام الجاية كفيلة بمسح كل اوهامها الي عايشتها
شوكة اللهم لاشماته خخخخخخخخخخخخخخ ماحد قايل لك طيعي اخوك المجرم كان خليتيه يسوي الي يسويه ماراح يعجز عن تنفيذ الي يبيه بدونك خليك عايشة بحرقة القلب والاحزان وتأنيب الضمير سوت فيكم خير هدولة وصحتكم من طغيانكم وخلتكم تعرفون ربكم وعقابه الي كنتو معميين البصيرة وتفكرون تاخذون حقكم بطريقتكم وهذاك عايشة ومبسوطة مع الخبل الي ماخذته وبغيتي تذبحين هدولة علشانه مالت عليكم بس من زينه ابو عيون
نجي عاد للمجرم الثاني تريك خير دكتور اجرام يعني صدق ذابح ولده ابي افهم هذول مين قايل لهم يدرسون طب لوثو الطب بأشكالهم كيف يوثقون الناس فيهم وبسلمون ارواحهم ... وبعدين ليه يسأل مرام اذا تبي الولد خير لايكون مصدق حاله بينفذ لها رغبتها علشان يرضيها
ومراموه المجنونة حاسدة البنت على حملها صدق ام وجهين وليه ان شاء الله المفروض ماتحمل معترضة على عطايا ربها تروح تحمل من ماسكها ودامها ماتبي قرب تريك على قولتها كيف تبي تصير ام بالاسلكي والله طفل الانابيب ..... صدق مجنونة وتخوف تقفل الباب على البنت لو جاها شي شبيفيدها الي سوته ببنت الناس
الي المفروض تنحبس هي واشكالها مو هدولة لايكون مصدقة انو هديل بتعطيها ولدها والله بيقدرون ياخذونه ومسفر دامه شاك بهالشي كيف رجع السعودية وترك هديل مع المجنونة خالته
هي واحد من الاثنين يايطلقونها من تركي ويعالجوها مثل الناس الين يرجع عقلها او يبعدونها عن هديل البنت بتولد قبل شهرها بسبب افعالها وربي تخوف ..........
مسفر والله انو رجال الي كشف لهدولة انها متزوجة وصك الزواج موجود واكيد هديل بتطلب تشوفه وبتكحل عينها في وبتضمن حق ولدها وبتخبر مسفر بسرها وهو الي بيطلع من حالتها النفسية الي بلاها فيها غويزي حسبي الله عليه لاهي معه مرتاحة ولابعيدة عنه مرتاحة اشوى انو ربي حط مسفر بطريقها يحميها من المجانين الي معها
اما هدولة بيزيد حقدها وكرهها لغازي لانو خدعها وعيشة بذل وهي زوجته حلاله وبتذكر كلمته انها ملك يمينه وجاريته بينما الحقيقة غير لذلك بتفسر هالتصرف على قد الي شافته من غازي لذلك ماراح ترجع له وبتظل مختفية عنه الين تقرر مصيرها وتستعيد قوتها الين وقت المواجهة الي بتكون اكبر ضربة لغازي
غادة مبروك مشروعها سبحان الله فرق بين راكان وغويزي شوفو كيف لما جاء يبرهن لحبيته عن حبه شوفو الفرق هذاك غلط واجرم وهذا غلط واجرم بس هذا اعتذر قدم تنازلات حاول ينقد زواجه ويتقرب من زوجته بكل الطرق الي تحبها وهذا هو يشوف فرحتها الي عنده بالدنيا
مو ذاك الي يقول انو يحب ومسمي حاله عاشق مافكر بيوم يريح بالها ويعيش معها بدون خديعة ولا طرق ملتوية الين هربت منه او ماتت بنظر قاتلها ........ الي يبي يملك شي يملكه بعقل وحكمة وغازي لو بس فيه ذرة عقل كان ماصار حال هديل يبكي الحجر بس شنقول
صدودة سوعال يقرقع بقلبي وابي رد شافي متأكدة انو غويزي دارس طب بشري والا عنده عقدة من الصغر ويبي يصير شي قام اشترى له عدة اسعافات اوليه وصدق انو دكتور اشك بصراحة على هالتخلف والهمجية يكون درس واجتهد وحاور الين حصل على شهادة طب
لايكون دكتور معيز وانتي ضاحكة على رابطة غويزي انو دكتور ترقعين له .... هموس تقول عنده ثلاث شهادات من اكبر جامعات بالعالم بس انا مصدقتها لانو شهادة بالخداع وشهادة بفنون التعذيب الجسدي والضرب والتعذيب النفسي وشهادة بالتبلد وانعدام الاحساس والانانية مع مرتبة الشرف ....
صدود عاد موكل بارت توقفين على شي يحبس الانفاس اكيد هالمرة بتبردين قلبي وبتخلي هدولة تتأكد من عقد الزواج وانها طاهرة وشريفة وتقدر تعيش مرفوعة الراس ...يوه ذكرت صدودة الحين مسفر مايعرف غويزي لانو هو ماراح الجنازة المزعومة وواضح انو معرفتهم فيه من بعيد والا كان مسفر صار على راسه طيور تدور فوق راسه كيف وليش ومتى ............
في انتظارك ياعسل على احر من بركان
|
19-11-11, 03:00 AM
العرض العادي
