صدود اتوقع بتصدمينه بمفاجأت في هذا ابارات بداية من غازي ونهاية بشوق
سبب قتل هادي لسعود سبب كايد ولايقدر يصرح به
في انتظارك

صباح الخيرات والسكرات
للكل ........
اختي صدود اقولك للامام
اول شئ ...
هديل >>>>>بامكانها تخفف سلبيتها اشوي حتى تشوف حقيقتها وشهي
اما السيد راجح.....
يعني فوق الموقف الغبي مع هديل ....طلبه من زوجته الاغبي
كونه رجل شرقي
وماعرف حقيقه غازي الصغير واصله
بهذا السبب والي قبله يتهيالي انه شخصيته مو لذاك الزود
كونه شرقي ( راي شخصي )

اخوآآآآآآآآآني ......
اكيد مشجعات راجح بيقومون علي حرب داحس والغبرا
لكن اقول ...
اختلاف الاراء لايفسد للود قضيه
اعتزازي لكم

صباح الخيرات صدودة ..........كيفك ياقلبي ........ صار لي فترة احاول انزل ردي بس النت مسوي هوايل ويفصل على كيفه ووقت المعمعة واليوم جهازي مخبص ماادري شفيه الشاشة ترقص الظاهر فيها طرب واذا طلعت كلمة غير مفهومة عديها الشاشة سببت لي حول مؤقت هههههههه


نجي عاد للتعليق بصراحة موقادرة اكتب ولاشي من الاحباط والحالة النفسية الي عايشتها هديل اكثر وحدة عانت ومازالت تعاني وباقي البطلات معاناتهم تافهة جدا عند هديل ..........هديل صارت جسد بلا روح خلاص بعد مانحرها المجرم ماعاد لها اي هدف بحياتها خلاص حتى الهدف الي كانت مستقوية فيه مات خلاص والبركة في عديم الاحساس


كنت متوقعة ردة فعلها وانها خلاص ماعاد تبغي الرجوع لاهلها بعد مافقدت اغلى شي كيف بتواجه ابوها او اخوانها بعد هالغيبة ترجع لهم بسواد وجه وتنزل روسهم مادرت انها ضحية للمرة المليون


الله يلوم الي يلومها بعد الي صار ماراح يهمها ولا شي بهالحياة سواء شافت النور او شافت ظلام حياتها لاتطاق معزولة عن العالم الي عاشته طول عمرها اهلها اخوانها صديقاتها جامعتها بلدها يعني لاشي ولا شيئين

وحتى يوم تزوجت زواجها بغير علمها وبغير اختيارها للشخص من ناحية الرفض او القبول حتى هالشي انحرمت منه ولا عاد بتعيش فرحتها الاولى مثل كل بنت وماعندي اي تصور للي ممكن يصير بالسنوات الجاية الي بتعيشهم مع هالحقير بس راح تدفعه الثمن غالي وبطريقته اذا عرفت انو زوجها وعذبها كل هالعذاب


اما غويزي جعله الشلل الي ياخذه ارتاح الحين لما يعيش مع تمثال ماله هدف بالحياة فرحان بتملكه لها بكل حقارة ونجاسة يوم انه قرر يتمم زواجه بشكل طبيعي ليه ماطلع الورق الي عنده قبل يرتكب جريمته بس ماعليه شره واحد الاحساس عنده ميت والحب الي يدعي انو يحمله لهديل مو حب رجل لامرأة هو حب للنفس اكثر شاف شبابها وجمالها وانحرق قلبه ليه مايمتع حاله هو ويبسط حاله هو بحريقة الانسانة الي بيذبحها

كم وعد وكم حلف لها بالامان والراحة بس كله حكي يطير عند مصلحته وانانيته ........هذا هو ملكها وضمنت له انها ماتبغي تهرب خلاص بس هل هو بيتحمل يعيش مع انسانة ميته روحيا اعتقد عادي لانها صارت تناسبه اكثر هو احساسه معدوم وهديل صارت مثله وانتصاره فاشل مثله هو لانه انتصار وهمي


انا من يوم هديل تسمع صوت امها بالتلفون وهي تناديها بأحلا الكلام وهو نسبه لنفسه لانو هو الي يسمعه وانا غاسلة ايدي من عقله عندي احساس انو فيه مشكلة بمخه والا شي ماله دخل فيه غصب ينسبه لنفسه

والحين مفكر هديل حبته ومتمسكه فيه مسكين الله يشفيه من الي ربي بلاه فيه مااقول الا ربي يحب زوجته الاولى يوم تخلصت من عيشتها معاه لانه انسان لايطاق ابدا



لكن لايتأمل كثير لما هديل تعرف باقي اجرامه راح ترد له الصاع صاعين وهو غافل بأنتصاره الوهمي ....خليه يعيش مع بقايا انثى حطمها هو وعيشها هموم الي هو عمره اكبر من عمرها دبل ماعاشها


هو انتقم فعلا من هديل بس مو لموت اخوه لا انتقم لانها ماعبرته ولاشافته ولا بيوم حبته ولا بيجي يوم بتحبه الحين هو مبسوط انو اهلها اعلنو موتها وهي حية طيب احنا ماعرفنا الحوار الي دار بينه وبين ابوها لما جابها له اكيد كان في تهديد قوي من قبله هو والا ليه ابوها اعلن موتها بدل زواجها الشرعي يعني بعد هو السبب وبيتراكم عليه الاجرام اكثر واكثر


وغير كذا سبب مقتل سعود الي اتوقع لو انعرف غازي نفسه كان هو الي قتله غير مأسوف عليه بس زين خلي شي يجيه يصدمه ويصحيه من غفلته وتتراكم عليه المصايب



تجي عاد لشوكة الي اشوف حياتها تحسنت عكس هديل الي ساهمت هي واخوها بتدمير حياتها هي من اشياء تافهة كرهت زوجها اجل شتقول هديل الي ذاقت منها ومن اخوها المر

يعني لهدرجة غبية مصدقة انو هديل جارية لاخوها بس لانها حقودة وحبت تذل هديل عجبتها الفكرة واخوها كان عارف انو هالطريقة هي الي بترضيها عساها ماتشوف السعادة طول ماهديل عايشة بهالظلم والعذاب



اما رشا هي الي جابت هالشي لنفسها وهذا راجح بيسوي نفس سوايا ولد اخوه بس على الاقل رشا عارفة وضعها معاه وحتى قبل مايشك فيها هي حارمته من حقوقه وهي السبب كان بأمكانها تتكلم واعتقد عادي لو عرفو اهل غازي حقيقة ولدهم يعني هي ضامنة مايطلع لها اهل زوجة سعود يطلبون حفيدهم بس ماعليها شرهة تفكيرها محدود انا من شفت سكوتها على وضعها مع سعودوه وعرفت انها سلبية وغبية

بنشوف الحين كيف بتطلع الدرر موبس فالحة تسوي روحها الزوجة المقهورة على زوجها وتطعن في هديل مع شوكوه تستاهل لانها بيوم ظلمت انسانة وجرحتها وهي دعت عليها من قلبها


اما راجح الي مستغربة منه انو لهذي الدرجة اعمى مايشوف الشبه الي بغازي الصغير هذا الوصف الي فهمناه انو يشبه عمه الشايب لو كان مختلف عنهم كان بيبان هالشي من خلال تعليقهم عليه

راجح لايضعف ولا احد يلومه على شكه لانها اكدت الشك لما قالت ماتعرف ابو الولد في وحدة عاقلة تثبت على نفسها او على الولد الي تحبه انو ولد حرام


ام غازي شهالكذب من متى هديل عرفت انها زوجة ولدها او انها متزوجة اصلا بس ماعليها شرهة مصدقة ولدها اكبر الكذابين وهي شايفة بعينها كيف معذب البنت


اما غادة والموال القديم الي براسها الي بديت اشك انو هو السبب في قهرها من راكان اكثر من طعنه لها بشرفها لحد الحين مقهورة ومحروق قلبهاانو راكان كان يحب هديل ..........مااعتقد انها بتكمل غبائها وتنتقم لانو بيصير شي يغير رايها اما شهد غبية اذا بتدخل نفسها بمشكلة يمكن تفرق عايلتين الافضل لها تنسحب بهدوء لانها ماتدري الي وين ممكن تكبر السالفة لو صارت




صدودة في انتظارك يالغلا

صباحكم ورد وفل وبنفسج


سوري غرووري تاخرت اليوم بس والله تعبانه ويالله لحقت اكتبه الحين


غادة وراكان : راكان بقمة سعادته بتحقيق حلمه وبنيله فتاة احلامه
ومع معرفته بعدم رضاها عليه وبانها تخطط لانتقام الا انه يتجاهل هالشي
ويحاول يكسب قلبها باي بتصرفات تنم عن حبه وحنانه وعشقه لها ونسي
ان سارة زرعت بذرة شك بقلبها وهو سقاها وغذاها بتاكيده لهالشي


( الفرحة باينة في عيونه.. حاولت تصدق فرحته فيها.. )
ثلاثة ارباع غضب غادة منه هو حبه لهديل والربع الباقي هو اتهامه لها بشرفها وشكه فيها
ومع كذا الغبي نسي انه قال لها انه ماخذها بدال اختها وان حبه الاولي لهديل


( ولازم تكون الصور تعبر عن ليلة فرحهم وجمعتهم..)
لانه مصر ان هالصور تكون مع الزمن ذكرى سعيده ولو كانت بوقتها غير كذا


( بيجي يوم ونتفاهم... )
مشكلتكم كلكم بيجي يوم ونتفاهم ومادري متى هاليوم يجي
اساس العلاقه اذا انبنى غلط اكيد بتكون العلاقه بعد غلط فليه ماتجلس معها جلسه
صراحه وتفهمها كل شي ماتبي بيوم زواجكم اوكي ثاني يوم مو تمر الايام والاسابيع
ولا كلمتها ولافهمتها اي شي .... طبيعي هي راح تتاثر بحسن تعامله بس راح تقوي قلبها
ان الانتقام اولا واخيرا لانه مايستاهل قلبها ولا حبها ولا مشاعرها الي اعطتها لواحد مايستاهلها


( ظلت تحسب في بالها كم بقى على وقت انتقامها منه..)
هل يعتمد قصدها على تاريخ ميلاد هديل او اي شي يخصها وتبي تجرحه فيه على
اساس انه توجها بدل عنها


( لاتدخلها بينا ولا تحاول تجرحني باختي..لانك مارراح تقدر فاهم ماراح تقدر..)
عاد هنا انت لوح وغبي لو مافهمت كلامها وجرحها منك


( حاولت تتصل بشهد لكن جوالها غرق بالمويه ومو راضي يشتغل..)
اممم يمكن هنا الخطه تخرب بغرق الجوال يعني تكون معتمده على وقت وتاريخ معين حتى
تبدا شهد بالخطه ... وممكن ان خلال وقت سفرهم خصوصا ان غادة ماتقدر تطلع شريحه بديله
لجوالها بدبي يكون قدر راكان يوصل لقلبها لو شوي واثناء كذا تبدا شهد بتنفيذ الخطه وتخرب عليهم


شوق وطالب :طبعا شوق لازم تعطي طالب درس انه يبطل حركاته السابقه معها
وياويله يرجع لهذاك الاسلوب ومايعني انهم حاليا انبسطو شوي انها خلاص سامحته
مستحيل يصير هالكلام .......... اكثر شي كان مؤثر بالنسبه لشوق رجعتها لبيت اهلها وخوفها
وترددها من طرد امها لها او تنطيشها لوجودها فعلا اهنيك غرووري ابدعتي بتصوير مشاعرها هنا


( لان هذاك ماهو بيتنا..أنا دخلته كدخيلة غير مرغوب فيها.. فلاتلومني اذا ما اعتبرته بيتي..)
شوق بدون ماتدري اعطته الحل وكيف يقدر يوصلها


( واذا غيرت نظرتك من دخيلة لحبيبة توافقين ترجعين..؟؟)
وهو على طول لقطها وبدا في محاولة استردادها من بيت اهلها لبيتهم من جديد


( وأدركت إن هذي أول مرة يشوفها طالب بهالشكل..)
حلو كل شوي واحد فيهم يكتشف خطأه فين ويعرف انه غلطان بحق الثاني وبعدها يصلح خطأه


( ترى يعرف يقول شوق بس مدري ليه مصمم على سوكه..)
فديت الغازيين لانه وفي لهديل ويحبها مثل عمه فاعجبته طريقة ندائها لها واستمر عليها خخخخخ


( رشا\ياجعلكم فدوة لغازي الكبير ولسميه الصغنون..
مالت يا البومة والبوم..فالكم شين ووجيهكم شينة..
أم غازي\ههههههههههههههههه تستاهلون كله ولا غازي..)
احلى شي بهالبارت ... كلمة حق وانقالت

( بس هو عيونه ماعدت تشوف غيرها.. )
مااسرع مارجعتي ياشوق لبثارتك وغباءك لا والبنات رحموك اصلا بو طبيع مايجوز عن طبعه
ليت طالبك ماتشوف عيونه غيرك زي غازي ووقتها تحمدين ربي عالنعمه الي انت فيها وتبطلين غيرة


( رشا\طيب ليه قلتوا انها تشتغل عنده وهو ماخذها له جارية..؟؟)
هنا مربط الفرس واصل الحكايه لييييييييييييه ؟؟؟؟؟؟؟


( مستحيل هديل كانت تدري انها زوجة غازي.. )
الحمدلله طلع عندك عقل يالله ياحلوة دبريها من عندك وخلينا نشوف وش بتسويين
مااتوقع لقافتك بتكون لها حدوود والا ماتسعين حتى توصلين لها هل بتطلبين من طالب
بعد صلحكم انكم تسافرون بذيك الانحاء وبعدها تزوريها وتبلغيها بحقيقة وضعها كتكفير
لذنوبك معها اعتقد هذا اقرب شي ممكن يكون يخطر ببالها


اممم مادري احس ان بالاخير بيسوون حفلة زواج لطالب وشوق مع غازي وهديل
مع ان الارجح ان شوق ماتطول معه بالتغلي فراح تكون الحفله لغازي وهديل بس ^ ^



راجح ورشا : راجح يااما انه راح يسوي مثل غازي ويندم مثله واكثر لانه ظلمها
ومااعطاها مجال تدافع عن نفسها ولانه انسان مايحب الضرب ولا استعمال العنف
فراح تكون وجيعته وجيعتين او انها بتوقفه وتحاول توضح له الحقيقه دفاعا عن نفسها
و انقاذا لكرامتها ويمكن وقتها بثورتها توضح له صدمتها فيه بتركه لها وان زواجها من سعود
لاهماله وتطنيشه لها واظن ان هالشي الي بيصير لان الحل الاول معتاد عليه


( طلع من المستشفى وصورة هديل عالقة بين عيونه وجفونه...
ماقدر ينسى شكلها وهي مستسلمة ومنكسرة..)
ويارب تعتبر وماتكون صورة رشا بعد لازقه بجنب صورة هديل


( راجح بقهر\أبي حقوقي مثل غيري ... )
كلمة شديدة القسوة راح تدفعك ثمنها رشا

غازي وهديل :
( الشيء الوحيد اللي تشوفه ولأول مرة بحياتها تقدر وجودهـ..الفراغ..)
الحين لانك بالمستشفى تقدرينه وتحسين بجماله وبس تطلعي راح تفرق معك كثير
كيف تمشي بدون اي مساعدة وكيف تتحركي وكيف تاكلي وتشربي وكيف تغيري ملابسك واصلا
كيف تعرفي ان هذا يناسب هذا ولالا ؟؟وكيف تطلعي تتمشي وتشوفي شروق الشمس وغروبها
و كيف تروحي لعسوله وتتكلمي معها وتفضفضي عن نفسك معها وكيف وكيف وكيف ؟؟؟ اشياء كثير
ماجت ولاخطرت ببالك واكيد راح تصير لك مواقف بسببها مع غازي وغيره


( مرت أيام مازارها..ولا تكلم معها... )
الى الان ماعرفت لغازي ولا لطبعه وانه مستحيل يمر يوم مايشوفها و يطمن باله عليها ويمتع عينه فيها


( تغرق بنوبة بكاء حاد...وبلحظات تكون النيرس عندها وتحقنها بمهدىء..)
ياحرام مسكينه والله حتى هو يجلس معها ويشوف معاناتها ولا يقدر يقرب منها او يهديها ينادي
لها النيرس تساعدها بدل ماهو هو الي يهديها ويريحها ^ ^


( بس النيرس كانت صابرة عليها مثل كل وجبة..)
بعدي والله هذا الزوج المثالي الي يوقف مع زوجته بازماتها


( مستحيل تكون يد أنثى.. عرفت يد من تكون هاليد...)
هذي اليد الي داوتها لما مرضت
هذي اليد الي ضربت شوق كف دفاعا عنها
هذي اليد الي حمتها لما سكرت
هذي اليد الي لمتها بوقت ضعفها واحساسها بنكران اهلها لها
هذي اليد الي قتلت الفرس لما بغت تقتلها


( راجح\هو يكمل دراسته في لندن.. هديل\قصدك يدور علي في لندن؟؟)
لاخر لحظه تغالط هدول نفسها وتحاول توجد العذر لتاخر اهلها بنقاذها وكل كلامها بعد كذا
عتاب و حزن لخيبة املها فيهم و سبب لانقلاب مستقبلي لحالها واطباعها لاي احد يسالها عن السبب


طبعا حاليا هديل مو بوقت انتقام ورد دين لكل الي ضروها من اهلها لغازي لاهله بس بعد كذا
راح تكون زي الغول الي خرج من القمقم وماحد يقدر يرجعه او يوقف بطريقه


( مكاني معه خسرت كل شيء... )
هنا انت ذكيه وغبيه ... ذكيه لانك اخيرا عرفتي مكانك فين
وغبيه لانك تقولين انك خسرتي كل شي وانت اصلا كسبت قلب الغازي
قلبه الي محاوطه بجدار عازل واسلاك شائكه قدرتي توصلي له وتتملكيه بقوة


( مابقى لك الا الذبول أما الزهر ماتت أيامه..
..عظم الله أجرك ..تهنى في بقاياها..)
ومنو قال انها ماتت ومابقى منها الا البقايا لاااااا لو ماتت تطيح اوراقها وغصنها ييبس
وجذرها يجف وتطيح الزهرة كلها لكن هنا صابها شوية جفاف وبشوية رعايه واعتناء
ومع تقصيص الاطراف وتغليف الذكريات بايام حلوة تعمها الضحكات البريئه بيقدر ينعش
هالزهرة وبيقدر يحييها بعد الله باهتمامه فيها وبرعايتها وباروائها بالحب و الحنان


( بكرهـ يتعدل الوضع وماتندمين.. )
يااااااااه ياغازي بكرة تبعك يبغى لها سنين على ماتتحقق يالله اصبر ان الله مع الصابرين



( خليك على ظنك.. )
فديت الحنين .. طبعا هو كان بيبلغها بزواجهم وبس عرف انها ماتبي ترجع لهم عشان كذا
بطل يقولها ليهههههه ؟؟
( قلتي مالك وجه تقابلينهم...ياروحي أنتي مالك وجود عندهم...)
شفتو كيف ظلمتوه وقلتو عنه اناني .. هو مو اناني بالعكس هو مايبغاها ترجع تفكر بالهرب
وبعدها تنصدم بعزاها الي اقامه ابوها اول خروجها من بيتهم وتنصدم بواقع اهلها وانهم ماصدقو
وافتكو منها ونسوها على طول ... ويلوموني فيك ايها الفارس المغوار


( وأنت ستكون لي دليلاً حتى مماتك.. )
عقابه ببالك ياهديل وراح تتفنني فيه بكل الطرق وتستعملي عماك حجه لتعذيبه وتانيب ضميره


( هديل\لا تقتربي مني أبداً..حتى وإن رأيتيني أموت إياك ان تقتربي..)
ماريا اول انسانه تنتقم منها حتى لو ماسوت لها شي خلاص هي ترى انهم كلهم زي بعض
وغدرو فيها حتى صوفي راح تنتقم منها لو حصل وجات لانها وعدتها ترجع تساعدها وماوفت بوعدها
الكل بلااستثناء موجودة بقائمه طويله بخارطة مخها ينتظرون الانتقام منها


( هديل بهمس\أكـــــــــــــــــرهك..غازي بمحبة\أدري.. )
ياللــــــــــــــه مااكبر قلبك واعظم حبك ايها الغازي تقول لك اكرهك وترد بادري بكل حب وهيام
>>>فيس انحااااااااااش هههههههههههه


( همست قبل تنام\ربي مابيسامحــــني.. )
هدول حالك يقطع القلب بس بعيد عن شتايمكم لغازيي ... يعني بمجرد حلمها او بالاصح كابوسها
حست بالظلام وحست بعذابه وانه شي قاسي ومايزول بضغطة زر وبعدها تنام بحضنه وتدعي ربي
يسامحها على وجوده معها وعلى نومها بحضنه وعلى الي صار وعلى استسلامها وبقاءها معه
وعلى وعلى ........ انواع تانيب الضمير تعاني منها هالوقت وخصوصا انها ماتشوف شي وعقلها يدور
بهالقوقعه طول الوقت



تسلم الايادي الي تخط لنا هذا الابداع
وتلك الخواطر الرائعه