يسلمو على الرواية الجميلة بصراحة شذني لها كثر الكلام عنها وعن تميزها فعلا رواية مميزة من جوانب كثيرة من حيث الفكرة والاسلوب الجميل والمحبب ............. بس فيها اسرار وغموض يبغي له تفكير حتى ينكشف او يتضح


هادي وسبب قتله لاخو غازي كيف ووين ............ يمكن يكون قتل بالغلط بس هادي مابرر هالشي ولا انكر انو هو قاتل

اكيد بيجي الوقت الي بينكشف فيه المستور



غازي فكرته انو ياخذ هديل ويحرق قلب اهلها عليها فكرة ظالمة جدا ومالها اي مبرر مهما قال من اسباب انا اشوف هالفكرة غبية وماراح تضر هادي القاتل الضرر صار على هديل البريئة وهي الي دفعت ثمن جرم مالها دخل فيه ........... وضر ابوها الي انحرق قلبه على بنته وباقي اخوانها الي صدقو موتها ...............


هادي تحرر من الجرم وهذا هو عايش طليق وحر وبيكمل دراسته وهديل هي الي عايشة عيشة مهينة وغازي يتلذذ بتعذيبها والله العالم من غرضه الحقيقي ........... حتى لو هي جاريته ماتوصل معاه يعريها ويغير ملابسها بدون رابط شرعي وهو الي يدعي معرفته لربه ويصلي ويعبد ربه ماله حق يستعبد بنت حرة بنت احرار ومسلمين خايفين ربهم شهالعقلية والقهر انو مثقف ومتعلم بس شكل معاشرته للحيوانات تصرفاته صارت مثلهم ونفس عقليتهم ياليت هديل ماتسامحه طول عمرها لو ايش مايسوي ويبدي من ندم لانو عيشته مع الكفار وسكنهم معاه واكله من ايدهم اثر عليه


بصراحة ابد مااستسغت الي جالس يسويه بهديل ولا اعطيه عذر واذا كان زوجها بعد هالشي يزيد حقارته لانو كيف يرضاها على نفسه زوجته عرضه تختلط بناس ماتعرف ربها سواء حريم او رجال وين غيرته على محارمه او وين نخوته على بنت بلاده الحين هذي هي الصورة الحلوة الي يبينها المسلم عن معاملته للمرأة المسلمة ...........ز

الاسلام الي كرم المرأة واعطاها الحرية اذا اعلنت اسلامها وهذا يدلها ويهينها ويضربها ويشغلها شغلات وصخة ماينلامون العمال اذا تحرشو فيها او اعطوها المسكرات اذا المسلم رئيسهم ماحفظها ولا صانها


والحين اهله الي جايبهم اكيد مايقلون عنه وعن حقارته دام نفس الدم يجري فيهم واكيد هالجمانة وحدة من اهله ومن نفس طينته بس الدنيا دواره ويوم لك ويوم عليك ودعوة المظلوم مستجابة وهديل مالها الا ربها تطلبه وتدعي انو يخلصها من هالظالم واهله ويرد كل افعالهم عليهم اضعاف مضاعفة ويحرق قلبهم اكثر من ماهو محروق



اما ماكس وصوفي ماكس ماعليه عتب في بعض تصرفاته واحد عايش دنيته بلا هدف وزوجته هالي شايفة حالها تعرض حالها وجسدها قدام الخلايق على الاقل ملابس هديل ساترتها وساترة جسمها مو مثلها جسمها معروض للقاصي والداني وتتفاخر بنفسها مالت عليها ام النمش وياليت هديل ماتسكت لها وتعلمها الفرق الي بينهم مع انو غازي ماخلى لها مجال تتفاخر بدينها وحجابها لانو اعطى لهم صورة سيئة شوهت نظرة الاسلام للمرأة المسلمة


مااقدر اخمن الاحداث الي ممكن تصير لهديل بالايام الجاية بس شكلها دمار وعذاب اكثر من الايام الجاية


في انتظار البارت الجاي ياعسل