شوربة المشروم اللذيذة (( شوربة عالميه ))
نظرا للطلب المنقطع النظير على شوربة المشرووووم ,, وخاصة من الغاليه ام رنا وام احمد ,, نزلت اليوم لكم الطريقة وان شاء الله تعجبكم ,, تفضلوا ,,,
المقادير :
بصله مفرومة + علبة مشروم طازج مقطع + ( فص ثوم وشريحة زنجبيل مهروس ) + رشة فلفل أبيض + ملح + 2 م ط زبدة +2م ط كورن فلوري مذاب في نص كوب حليب + ( نص كوب كريمة خفق ممكن تستغنين عنه ) + 5 إلى 6 أكواب مرقه دجاج أو ما حار مذاب فيه مكعب ماجي ,,,,
الطريقة :
نسخن الزبدة ويحمر البصل جيدا لين يصير لونه ذهبي ,,
نضيف الثوم والزنجبيل ثم المشروم ,, ونتركه شوي لين يطلع ماي المشروم ,, نضيف الفلفل والملح ,, وبعدين نضيف 3 أكواب من مرقة الدجاج ,, ونترك الشوربة تغلي ثم نخفف على النار ,, ونتركها تطبخ مدة عشر دقايق ,,
نبرد الشوربه شوي ونخلطها في الخلاط شوي ,, اذا تبين الشوربه ناعمه اخلطيها أكثر ,, أنا أحبها مو كثير ناعمه ,, وانتي ورغبتج ,,
نرجع الشوربه على النار ,, ونضيف لها الباقي من مرقة الدجاج ,, ونصب الحليب اللي ذوبنا فيه النشا ,, بس نخلطه بالملعقه أول ,, لأن النشا بيكون ترسب أسفل الكوب ,, شفتوا شلون أشرح بضمير ,, ههههههه كله عشااااان عيونكم ,,
ونحرك الشوربه الى أن تغلظ شوي ,,
آخر خطوة نضيف الكريمه ,, ونحركها ,, وبعدين صبيها وزينيها بالطريقه اللي تحبينها واستمتعي بأحلى طعم شوربه في حياتج ,, ولا شوربة المطاعم ,,, ههههههه
وهذي الشوربه بعد ماجهزت ,, بالإضاءه الرومانسيه ,, خخخخخخخخ
وهذي صوره ثانيه ,,,
ان شاء الله انها تعجبكم وتبيض الوجه عندكم ,, والله الله بالردود السنعه المشجعه ,,
تحياتي لكم ,,,
25-04-11, 05:37 PM
شوربة المشروم اللذيذة روعه لا تفوتكم
جديد مواضيع قسم المقبلات والسلطات
العرض العادي
