السلام عليك ورحمه الله
يااااهلااااوااه ومليون غلاااااا بام احمد تو مانور المنتدى تسلم لي والله هالطله الحلوه
والله اشتقنا لك كثيررر ولاببطالك الحلوين

بااااارت كله مشااعر وانفعالات رهييييبه منها المفرح والمبكي بكيت وفرحت لبعضهم

علي واخيرا عقلت وهديت وعرفت ان مايصلح لمنار غير زياد بس الحمد لله لحقت عليهم قبل لا
يفترقون وحركتك يوم عطيتا لسماعه لمنارعجبتني كثير كثر منها
بس موقفك مع سنا مااحبيته ومالك حق تسوي هالتصرف الغبي مادام انك مو واثق فيها ليه
اقدمت وتبي تاخذها وهي معها حق بكل الي سوته وانها رفضت لان اساس العلاقه بينكم لازم
يكون على الثقه المتبادله مواولها شك واختبارا ت

مناااااااار واخيرا التم شملك انتي وزياد ماطرى طلعت روحنا وحنا ننتظركم ترجعون لبعض
سبحانه لما تكون النفسيه تمام ومرتاحه ينعكس ذالك على تصرفات الواحد وشخصيته مثل منار
يوم قامت تتزين وتلبي ملابس حلوه والوانها ربيعيه لانها لقت حل لمشكلتها

منى وهماااااام والله عورني قلبي عليهااااا الكبت الي كانت كابتته لسنين انفجر اللحين
مثل القشه الي قصكت ظهر البعير هي اللحين تلاقيها من حملها والازعلها مع همام
تجي هالعجوز الحقود وتشعل النااااار
وهمام زاد الطين بله بضربه لمنى وقدااااام اخوها اللحين حتى لو فكرت ترجع له
راح تلغي الفكره وتزيد الفجوه بينهم
تسلم يدينك يالغلا جعلني مانحرم من طلتك الحلوه

السلام عليكم و رحمة الله و بركاته

صباح الخير و الرضا من الرحمن

مرة ثانية أبلتي هاتي رأسج ابوسه على هـ الإبداع

------------------------------------
(( منى و همام ))

هـ الأثنين كل واحد منهم شخصية و هذا اللي وصلوهم لـ طريق مسدود

منى شخصية سلبية بـ شكل و انهزامية ما تعرف شلون تسعى وراء حقها

كل فهمها أنها إذا سكتت و رضت بالقسمة راح تحصل على السعادة التامة

لا هذا الشيء مرفوض و خصوصا و هي عايشة مع إنسان ما يعرف يستلم

و اللي بـ رأسه يسويه و متهور ما يفكر بالنتايج أبد , منى و بكل تأكد غلطانة

في تمشية حياتها من بداية حياتها مع سلام لما رضت على وضع كانت فيه

بـ موقع المتهمة و انها سبب تاخر الحمل يمكن اللي شافته مع سلام و السلام

النفسي و البدني اللي كانت عايشته هو السبب و لان سلام عرف يشغلها عن

الموضوع في تطوير شخصية منى العلمية و ترك منى الإنسانة مهزوزة و كلمتها

لما رضت بـ الوضع الأولي مع همام زوجة مرة ثانية و بس قدام الناس أما بالخفا

أخت و صديقة و كل شيء إلا زوجة و السبب الكرامة و عزة النفس يمكن لو أنا

مكانها سويت نفس الشيء لان المرأة بطبعها حساسة و كرانتها فوق كل اعتبار

بس و الله هـ الكرامة ما وكلتنا عيش دايما سبب مشاكل بـ الحياة و على كل

النواحي << بس الواحد وش يسوي مجبور

و بعد اللي زاد الطين بله زواجات همام بالطالعة و النازلة و كن اللي متزوجها جماد

ما تحس و يمكن هي حسسته بـ هالشيء , بس بعد تحس الأوضاع و لما صارت

هي الزوجة قبل كل شيء ثارت المرأة فيها بس مازالت تقع بأخطاء كبيرة وحدة

مثلها عارفة مكانتها عند همام و عند عيالها ليش تركت البيت , البيت بيتها و إذا

همام حتى لو أعلن زواجه في اختراع اسمه بيت غير بيتي بس كـ العادة أختارت

أسلم الخيارات و تركت الجمل بما حمل , انتفضت و طلعت اللي بـ قلبها بس مدري

وش الفايدة و هي على رأيها مدري متى تفكر عدل << بـ انتظارهم


----------------------------------------------
(( مناف و صفا ))

كنت كارهته بالأول بس إنسان نفسه مناضل و متحدي لـ نفسه و واثق يحتاج

رفع القبعة له , و لكن المحمل عليه هو كره و قعدتة من الحريم مدري شسوله

نماذج اللي مرت بـ حياته ما هي مسلمات رياضية و فيزيائية ما تتغير < بس

شيفهمه , تعجبني شخصيته غموضه حنانه على خواته روحه المناضلة , الخطأ

اللي كان فيه ما كان إلا بــ سبب غياب الرقيب و التوجيه السليم من الاهل أو

أحد كبير و اللي زاد وجود شلة فاسدة عززت حبه للمسكر و طبعا اللوم ما يتجاوزه

لأن وقتها هو إنسان واعي و عارف نتيجة اللي كان يسويه , كره أو نفوره لـ صفا

مدري الأحساس يقول << ما في حب إلا من بعد عدواة << و ياليت

صفا لو جينا للشخصيات راح تكون متقاربة لو شوي حبيتها هـ الإنسانة

عرفت تفكر صح بـ حياتها ممكن الكل يقول أنانية منها أنها تخلت عن زوجها

بس للأسف هي ما لقت الراحة و اللي يحتويها عشان تستلم و ترضا بالوضع

نفس ما رضت منى مع سلام و هني الأختلاف بشخصيات الرواية رغم تشابه

المواقف إلى حد ما و حبها للأمومة و لـ ضنى يكون لها سند بـ عجزها إذا ما

تنلام على اللي سوته و خصوصا ان زوجها أناني و خبيث << ما حبيته مالت عليه

أتمنى أن مناف توصله شخصية صفا بـ كل مميزاتها و ينسى هـ العلامة اللي هو

معتبرها سودة بـ ملفها .

------------------------------------------
(( علي و سنا ))

علي شخصيته مو بعيدة عن شخصيته خالته من حيث الاستسلام و الأنهزامية

بس زين أنه فكر بـ عمره أخيرا و ترك الوقوف على أطلال زينه لاناه شافت حياتها

خلاص و ما عاد لها رجعة , و أنا أقرأ و لما كل ما يحاول يسوي شيء ربي

يعسرها عليه كنت أقول يا عليان سهلها على زياد و اختج ربي يسهلها و يفتحها

بوجهج , بس وش سوى المسكين بـ عمره لما أمه رضت و الأوضاع تحسنت << خربها

غلطان يا علي بــ اللي سويته المرأة أكره ما عليها إنسان يشك فيها او يحاول

يمسك عليها ممسك << و إذا دخل الشك من باب طلعت الراحة و السعادة

من باب ثاني , عندي إحساس أن سنا مستحيل تعدي الوضع بـ الساهل و

خصوصا انها عارفة تبعات السالفة و هي اللي عاشت كل حياتها بوضع أسري

مزري ما تبي تعيد الكره بـ حياتها الخاصة مع زوجها , بس علي بعد مستحيل

يستلم و أكيد راح يحاول بشتى الطرق يحاول يصلح الوضع اللي هو دمره .

------------------------------------------------------
(( زياد و منار ))

يا حبي لهم هـ الاثنين و اخيرا ربي فتحها و سهلها بـ وجهم الله يوفقهم مع

بعض و منار ما تعند و تركب رأسها على سالفة اللبس و خصوصا في بداية

الحياة ان كل واحد من الطرفين يبي يفرض شخصيته على الثاني و يكون بـ

مركز القوة , بس زياد بـ أسلوبه الراقي سهل الوضع و لين السالفة .

---------------------------------------------------
(( سماهر ))

مظلومة من البداية و اظلمت نفسها لما رضت تكون الثانية بـ حياة شخص

مثل همام أولا مزواج و ثانيا يحب زوجته , مدري اتوقع أنها راح تطلب الطلاق

كله عشان همام و منى و عشان نفسها لأنها ما لقت اللي يرضيها و

يحسسها بذاتها في بيته بس اكسبت احترام الناس اللي كانت ما تسوى

بنظرهم و خصوصا بعد التصافي مع أخوها , و اتوقع أنها راح تتزوج أخو أم

ياسين بعد ما طلق السعلوه , و أكيد ام ياسين هي اللي راح تسعى هــ

الزواج .

-------------------------------------------------
الباقي الله يستر عليهم

واااي هذرت واجد << صدعت رأسج أبلتي صح

بــ انتظار الإبداع القادم
..
..
..

ألف ألف مليوووووووووووووون مبروووووووووووووووووك أبلتي التميز و التثبيت



رواية رائعة بــ كل المقاييس و أسلوب راقي من إنسانة رائعة مميزة



تستاهلين كل خير أبلتي



........


عندي توقع نسيت لا أحطه فوق أن منى حامل بــ توأم



<< عشان ما أحذف ردي بــ حملة التنظيف



مبروووووووووووووووووك

..
..
..