سبحان الله والحمد لله ولا اله الا الله والله آكبر

يلتفون حول مائدة صغيرة بحجمها كبير بمعناه
يتوسط محتويات المائدة إبريق شاي هو علامة الجودة لمائدة الفطور العرقية وطبق كبير من القشطة المسماة باللهجةالدارجة (الكيمر) وصحن كبير وضعت فيه فطائر تؤكل مع الكيمر بعد ان تغمر بالقطر (الشيرة) تسمى الكاهي باللهجة العراقية

وجبة فطور (ريوق )اعتادوا تناولها صبيحة كل يوم جمعة وفي كل يوم يجدون فيه وقت يحضروا فيه هذه الوجبة العراقية المميزة القيمر مع الكاهي

يجلس برفقة والدته بصمت ناولته استكان الشاي واخذه بكل هددوء
والام تترقب ملامح ابنها البكر وتريد الكلام ولا تريده
نظرة نحوها ليقطع الصمت بقوله :تردون شي على غده (غداء) لو اجيب بكيفي
ارتأيت ان أطيل الكلام معه لعلي أصل الى غايتي
اجبت :يمه اذا عندك وكت جيبلنة بامية وجيب وياهة كليوين لحم غنم
اجاب بهدوء :ان شاء الله تردون شي بعد
اجبت :لا يمة سلامتك هي لو الكهرباء زينة مثل قبل جان(كان) ما انشلع كلبك (قلبك)
انخلي بهاي المجمدات وناكل
اجاب بهدوء :يمة والله احسن هشكل على الاقل الاكل تحسيه تازة(طازج) مو مضموم بالمجمدة وشابع ضم
اجبت بروح ام تريد تغير مزاج ابنها :يمة اني على مودك الا اكل التازة (طازج)محد يعوفه
ليؤكد قولها بأيمائة من رأسه
ارقبه واتوجس من فتح الموضوع معه وتوكلت على الله بسري وقلت :يمة اخبار كاع(ارض) عمتك
ليجيب بضجر حاول السيطر عليه :يمة اشبيهة كاع عمتي ماكليهة ماخذيه زارعيه شو صايرين نواطير(حراس) عليه بلاش

اجبت بهدوء :يمة الحجي اخذ عطا وعمتك هذا حقهة لاتصير عصبي يمة والحق مينزعل(لايزعل) منه
عندها كانت الشرار التي اشعلت الفتيل المنغمس بالزيت
اجاب وهو يهز الطاولة لشدة غضبه :يمه هاي انتي تكلين (تقولين)هشكل حقهة محفوظ يجي ابنه يستلمه ويخلصنه بس ذاك اخو اذا اجه اكص(اقص) رجليه واعلكهن بركبته (رقبته )
وخل اشوفه واني اعرف اشلون اتفاهم وياه
ليعلن مغادرته المائدة ويعلن قلبي عن المه لهذا المشهد الذي اصبح تكراره امر شبه شهري
لا ادري متى يحين اوان ضماد الجراح
ولا متى تسكن الضمائر
*******************************

اراقبه وهو يمشط شعره بتروي شديد منذ صغره وفي اول يوم تزوجت به والده عرفت ولعه بهذا الشعر تغيرت اهتماماته وكبر واصبح اهتمامه بشعره شيء اشبه بالتصرفات الفطرية بالنسة له
اقترب مني وجلس بقربي
واخذ كف يدي وقبلها قائلا :اشلونج اليوم
اجابته بثقة :من الله زينة ولله الحمد
اجاب برجولة صافية تشبه رجولة ذلك الذي رحل ولم يرحل :الحمد لله ونعم بالله
وجدت مزاجه معتدل فقررت ان افتح موضوع لابد من فتحه
:يمة زياد الكطع موحلو واني يمة عمري ما بقة بيه شي واخواني راحوا واحد ورة الثاني واني اروح خطار بعزاهم
ثم قلت بتأثر صادق من اعماق قلبي
:يمة بقى اخو واحد
يمة تعبت اروح بس بالعزا يمة اريد اروح بالفرح اريد اروح من اشتاق
في كل كلمة اقولها
اراقب ملامح وجهه التي تصلبت ولم تنطق شفاه
اجاب باقتضاب :يمة واني مانعج لو واكف بطريقج يمة اني رجال غريب شعليه بيكم
اجبته بحذر :يمة شنو هذا الحجي انته ابني يمه وذولة خوالك شلون انت غريب عليهم
نهض بشموخ وقال :يمة اني غريب وما اريد ازعلج هم موخوالي خوال أخواني وهم يشفوني واحد مسويه ناقصة وياهم >>ناقصة =امور غير جيدة
ويردوني غصبن عليه اسوي شغلة ما خاشة عقلي (لا تدخل عقلي)
يمة اني ما محتاج احد واهلج على عيني وراسي والله يخليج عوفيني خارج قوس

خارج قوس هو لا يعرف ان حياتي كلها كانت خارج قوس ومللت هذا القوس وقررت كسره ولن اسمح ان يضم احبتي قوس او يكون احدهم خارجه

*******************

انظر بعشق لهذه القطعة الجميلة واتنفس بمعمق هذه الرائحة العبقة
فمن لايعشق رائحة امتزاج الماء بالتراب رائحة الأصل والأصالة
قطع السكون صوت محرك سيارة هو يتوقف على مسافة قريبة مني

ليترجل همام من السيارة ملوحا ً بيده
تقدمت نحوه وكعادة همام استقبلني بالاحضان وهو يقول :اشلونة رجل بتي
سحبت نفسي من احضانه وانا اقول :رجل خالتي وبلعناك
ومن ثم قلت بتهكم

علي :لا وتريد اتصير ابو مرتي عاد هاي متصير
وياريت البنية بت خالتي
لجيب بنظرة مؤنبة على جزء الاخير من كلامي
ودفعني هو يقول :انت صدكت(صدقت) انا انطيك بتي هسة لو تحفة رجليلك ما انطيتكياها (بمعنى لو تأتني حافي القدمين )
بس شسوي ارفع معنوياتك الهابطة
ليقول هو ينظر اتجاه ارض العمة :مو اعرف مزاجك قافل من ورة كاع عمتك وجيته وتواصلهة
ما دكلي (قلي)شذكرهة مو جانت(كانت) كافية خيريه شرها
اجبت بتوتر :هي لو على عمتك تهون الا هذا العلة ابن رجله
اجاب همام بغضب :بس عوفة عليه والله اشرب من دمه هذا النذل ابن ال ****
اجبته بتأنيب :على بختك ابو خالد ابوه خوش رجال الله يرحمه
اجاب بندم :الله يرحمة
ليقول بعدها :اكلك يكولون(يقولون) صاير مهندس معامري وشغلة احوال شنو اشتغل حرامي
اجبته :لا ابو خالد شنو قصتك الرجل صح مختلفين وياه بس ترة خوش رجال وشغله كله حلال الله يوفقه شعلينه بيه
بعدين اني انتظر عمتي حتى اتفاهم وياها ليوين (الى متى )يظل الموضوع هشكل هو ميهمة احنه يهمنة

اجاب همام :غصبن ما عليه يصير الي احنه انريده
لم استرسل بالموضوع لانه موضوع النقاش فيه يقلب صفحات الماضي ويعكر مزاج الحاضر و يقطع امل المستقبل
غيرت الموضوع بأتجاه هذه الارض المعطاء التي تطل على هذا النهر العظيم
*************************************
دخلت ادارة المدرسات بخطى واثقة التدريس بالنسبة لي ليست مهنة هي هواية
وعمل احصل منه على اجر في دناياي وآخرتي

سمعت ضحكاتهن الممزوجة بكلماتهن
وكانت ضحكتها مميزة
القيت السلام
منى :السلام عليكم
الكل :عليكم السلام
لتقول تلك المدرسة التي تتميز بلسان لايترك حتى الكرسي الذي تجلس عليه وشأنه
هيام :ست منى بما انو انتي اسعد زوجة بينة وزواجج بلا مشاكل من عرفناج
ست كلوللينة سر الطبخة

ضحكت في سري اعرفها جيد هي لا تعني ما تقول ابدا فصولات همام التي بالحلال ليست سرا لا يعلمه احد
هي فقط تريد ان تقول كيف تستطيعين الحفاظ على هدوء اعصابك وسط كل تلك الضوضاء
ولكنها لاتملك الجرئة لطرح السؤال
اجبتها بهدوء اكتسبتها بخبرة ال 35 سنة :الموضوع ببساطة احترام انتي كلما احترمتي رجلج كلما كان الناتج حلووو حتى الاطفال ميشكلون رابط قوي اذا فقد الزواج الاحترام

لتجيب بتهكم :ست منى واذا الرجال يخون زوجته
اجبتها بمكر :الرجال قبل لا يخون زوجته هو يخون ربه ويخون انسانيته وخيانة الزوجة اخر فقرة
ثم قلت بلباقة :اني وي ان يتزوج الرجل اكثر من مرة على ان يخون زوجته
لتطلق ضحكة تشتهر بها
لا ادري اتطلقها من اجل ان تغطي جراحها ام من اجل ان تجرح الاخرين

هذه لقطة مما أتعرض له وهو يجهله
ولكن مع هذا انا سعيدة لاني اريد ان اكون سعيدة





أستغفر الله وأتوب أليه

الـسلآم علـيكمـ...,
.
.
.
يآ اهلاً ب آميرتنا الـعراقـيه=)
.
.
آهـ
يا
مدينة السومرين والاشورين..
بضعاً من وجع آنتي..وبضعاً من تفتت عظمـ آنتي...وبضعاً من مشرط جراحٍ آقسم على شطر القلوب المحبه لها آنتي..,
.
.
.
رائحة العراق تعبق من هذا الحرف..
متشوقين لمعرفة اللهجه المصفاهـ النابعه من تربة دجله...
متشوقين ل التقاليد البسيطه قبل المعقدهـ في كل امور الحياه ب الفـرات...,
.
.
نريد آرادة الحياة التي هناك ...وجعها..حزنها ..شظايا مفرقه هناكـ...فرحهمـ ...آبتسامتهمـ...وآقتسامهمـ الرغيف الجاف تحت ضوء بسيط في اجواء آبتلاع ابسط الحقوق...تيار كهرباء...!
.
.
.
آبلا..
آفيـضي علينا من منابع الـعراق...
مشتاقه وربـي لمعانقة اعيني لـحرف يخص بلداً عاشقه لـ اخباره الـصغيره قبل الكبيرهـ..
.
.
اروينا ب العراق...
تفاصيل العراق...ملآمح شعبه..عادتهمـ ب اكلهم وشربهم زواجاتهمـ..تقاليدهمـ القديمه..
.
.
.
[آبي اشم ريحة الحرف العراقي العتيق...]..
.
.
.
متآبعه..و...بشوق...,
.
.
.
و
سبقت ام الوليد وبسوي لها انا ها المره الدعوه =)
.
.
.

هلا وغلا

لا اريد مجامله انا حضرت الي المتصفح

بعد ان اخبرتني الغاليه ضمضم بنزول الروايه


لي عوده بأذن بعد القراءه

واللهجه العراقيه با العكس سهله الفهم

انا اتمنى ان تنزل روايات من جميع الدول العربيه بلهجاتهم يعيطي مساحه اوسع

وتقارب بفهم لهجات بين العرب

والدليل ان اللهجه المصريه والسوريه معروف للأغلبيه بسبب الاعلام



رائعه بدون مجامله