رواية [اصبعي وهو اصبعي ان غدرني اقطعه ]
منقوله
للكـــــــاتبه ـ سهم المملكـه
( الجزء الأول )
مع كل الآمنيات بقرأه ممتعه
.
لااله الاالله
أنا و قلبي صرخنا الآه شربنا الهم و ضـــــاق البــــــال
بقت لي بسمةٍ ميْته و ليل(ن) موحش(ن) حالك
بقى لي في السما نجم(ن) عشق حلّي مع الترحال
قساوة قصتي تجْبره يمـــــوت و يحترق هـــــالك
بدات نهارها كأي يوم بل ليس كل يوم بل بصراخ جدتها عليها
ام سالم- نوف يانوف نووووووووووف ووجع
نوف بعجله- لبيه لبيه ياجده امريني
ام سالم- وينس فيه يامال اللي منيب قايله
نوف- كنت في المطبخ اشوف وش ناقصنا من اغراض عشان نجيبها معنا
ام سالم – عجلي علينا بنروح للدختور
نوف تبتسم من كلام جدتها بس خبت لاتكشفها ثم تمرمطها بعصاتها
=وهم بالسياره راجعين من المستشفى =
ام سالم-وقف ون امك عند الدكان
نوف- وش دكانه ياجده نبي سوبرماركت
ام سالم-وشهوله السبركات
نوف وخان يضحكون منها0
نوف-لاسوبر ماركت ياجده عشان نبي اغراض للمطبخ وكلها تكون هناك ناخذها مرة وحده
ام سالم بشك –وانتي وش عرفس ابه
نوف –سلمك الله الهنوف تعلمني وانا دارسته بعد
ام سالم –ياخان رح للي مدري وش اسمه
خان-طيب ماما
في حاره غير هالحاره في حي راقي جميع سكانه مايتعاملون الابلغة كم معك وكم تملك
الخدم وهي تمشي –صباح الخير مدام
بدريه-صباح الخير=وتجلس على طاولة الطعام =
سالم -وينهم عيالك يابدريه
بدريه-ابد طلال طلع قبلك يقول فهد يبيه في شغل في شركتهم وراشد انت عارف انه مسافرهو وريم للندن ومشعل دوبه راد من عند اصحابه من السهره
سالم- وولدك متى بيتعدل ان شالله من سافر وهو صايع وضايع
بدريه –اللي يسمعك يقول مشعل مسافر للدراسه وبعدين خف عليه شوي ارحمه وي حاط دائم دوبك من دوبهه هلكته ياسالم
سالم – هذا اللي بتخربينه بدلعك ماشفنا من ورى هالدلع شي عدل وبنصكت ونشوف وش النهايه معك قامت بدريه من السفره زعلانه
في الطريق قابلة دنيا بدريه –هاي مام وش فيك مين مزعل الحلو
بدريه تضحك –يشطاتنك روحي عني هناك ال اتعالي لحظه وين رايحه هاه
دنيا بدلع- مام بطلع انا وساره نفطربرى عاااااااااااد
بدريه تقلدها-لاعااااااااااااااااااااد-وتبتسم-خلاص لاتاخرون فاهمه
دنيا –مفهوم يااغلى مام بالدنيا كلها
عند البوابه
ساره وهالطرحه اللي مليانه كريستال وهالعطورات اللي ماليه المكان في السياره وتنتظر دنيا تطلع لها
واخيرا دنيا طلعت
دنيا تركب-معليش ساره اعذريني مابغيت افتك من اسئلة امي وبابي ليش مانزلتي تسلمين على بابي ومامي
ساره-مره ثانيه مشعل نائم صح
دنيا-ايه-وتبتسم –من قدك يامشعل ساره بنت عمتك دلال وبنت الوزيرابوفهد تحبك
ساره تضحك- فديت ذكره اقول حرك ياعصام
عصام –تحت امرك ياعمتي
عند بيت ام سالم
ام سعود وام صالح وصلن ويتقهون مع ام سالم قهوة الضحى
في المطبخ نوف تعابل في الجريش ولمرقوق
ام سعود- وش قالوا الدخاتره فيس ياام سالم هو ثبت مرضتس صح
ام سالم –ايه ثبت فيني يام سعود مير والله مادري وش بيصير بالضعيفه من عقبي
ام صالح –ورى ماعلمتي عيالك ياام سالم
ام سالم -مابي اعلمهم يام صالح كود انهم بيسفروني لبلاد اليهود ثم اموت هناك
ام سعود-اجل هم يزورونها عشان تخبرهم
ام سالم –والله مغير دلال اما سويلم طماع مروح مابي اشوفه لين اموت هو وحرمته تخيلي يام صالح ماشفت عياله ابد والله لو يمروني مادريت عنهم
ام صالح –هونيها وتهون ياوخيتي الله يصلح ماعطى
ام سالم –والنعم بالله
في بيت الوزير
دلال هي وولدها عبدالله اللي ينتظر نتيجته تجيه علىالجوال
دلال- وين حاب تدرس
عبدالله- طبعا امريكا ياطويلة العمر
الرساله تعلن وصول الخبر
عبدالله بلهفه يفتح الرساله ويناظرويضحك- يمه باركيلي 98
دلال- واااااااااي مبروك ياحلى دكتور
في برج المملكه
تصكرالجوال –وي عاد مبسوط هو وجهه
دنيا-مين المبسوط
ساره-عبدالله داق يكسحني بهاالنسبه اللي زي وجهه
دنيا- ليه كم نسبته
ساره- يقول 98
دنيا- واو مشاالله مبروك
في بيت ام سالم
نوف تدخل عندهم في الصاله- جده احط الغداء هالحين
ام سالم – ايه وش تحترين يامال الضعفه
نوف بخجل- طيب هالحين احطه=وراحت
ام سعود- خفي عليها ياام سالم ضعيفه
ام سالم – يام سعود كل اللي اسويه فيها من ورى قلبي مابيها تعلق فيني لامني مت
ام صالح – يحول فالك ماقبلناه
في وقت العصر
دلال- عبدالله انت وخالد ابيكم تروحون معي لبيت جدتكم
خالد- انا مقدر اروح مواعد صديقي
عبدالله –انا ابي اعرف يايمه ليه متاخذين هاذي معنا
ساره – هيه انت يابزر ترى لي اسم فاهم
خالد يضحك منهم وطلع وخلاهم
عبدالله – هيه يااماتسكتين ولاتشوفين شي ماعمرك شفتيه فاهمه
دلال- بس خلاص عورتوا راسي
في ذهن دلال ماتبي تاخذ ساره عشان على قولتها ما تختلط مع العفنه نوف
في بيت سالم
نوره وطلال وبدريه وسالم جالسين مع بعض قهوة العصر
سالم – كيف شغلك ياطلال
طلال- الحمدالله يبه اليوم بذات بغينا نعلن افلاسنا بس الله ستر وربحنا صفقه كل الشركات تحلم فيها
بدريه- الحمدالله اجل يايمه
سالم – الله سترولطف وانتبهوا مره ثانيه
نوره – وي اسم الله عليك انت واخوي
الباب يطق
ام سالم – نوف شوفي من عند الباب
نوف- طيب
تفتح الباب وتشوف عمتها دلال
دلال-روحي يابنت حطي شي على راسك ولدي بيدخل بسرعه انقلعي
نوف بسرعه تركض وماتدري ليه عمتها ماتدانيها
دلال – ادخل يمه
عبدالله يدخل ويتفاجاا بيت جدته انه كبير بس شعبي بحت ويسال نفسه ليه امهم ماتخليهم يزورون جدتهم
دلال وولدها يقربون من المجلس اللي فيه امها تسمع الراديو
دلال – ادخل ياحبيبي السلام عليكم يمه وتسلم على راسها
ام سالم –هلا دلال منهو هذا
دلال- يمه هذا ولدي عبدالله
ويسلم عليها عبدالله
ام سالم – واخيرا شفنا ولدك يادلال
دلال منحرجه-يمه وش اسوي دائم مشغولين
عبدالله في نفسه والله من الكذب يايمه
دلال-ماباركتي لعبدالله يمه
ام سالم- ليه علامه
دلال – نجح من الثانويه وجاب نسبة طيبه
ام سالم- يوه ذكرتيني نوف الضعيفه تبي تطلع نسبتها ولانعرف كيف
دلال منقهره من اهتمام امها بنوف
ام سالم- يانوف نوووووف
نوف متغطيه- سمي ياجده
ام سالم – عبدالله طلع نسبة نوف ونا جدتك
عبدالله ويطلع جواله – وش اسمك الكامل
نوف – اسمي نوف بنت صالح بن سعدال000000
عبدالله انذهل هالبنت للي يحسبها شغاله عند جدته تطلع بنت خاله لدرجة انه جلس
من الصدمه يناظر بامه ولا كمل
ام سالم تناظره – علامك
عبدالله- هاه ولاشي هاه كملي يانوف رقم جلوسك
نوف –22576
ام سالم – هالحين روحي صلحي القهوه لين ماتجي نسبتك
نوف- طيب وراحت
دلال وع والله ماشرب من اقهوتها لو بكنوز الارض
الرساله وصلت لعبدالله
عبدالله –وهذي النسبه وصلت
ام سالم – نووووووووووف نوف
نوف بسرعه تدخل- هاه النسبه وصلت
دلال- شوي شوي اركدي فضحتينا يامال الفضيحه مثل امك مطيوره
نوف- اجل شفتي امي ياعمتي عشان تعرفين حركاتها
دلال- هذي اللي بذبحها هيه هيه من انتي عشان تردديني هااااااااه
ام سالم صاكته وعاجبتها نوف صحيح ماتحب امها بس عجبها رد نوف وهالحين بس اطمنت عليها لو ماتت
عبدالله – نووووووووف مبرووك يابنت الخال جبتي 97
نوف-من جدك –وهي تضحك ومبسوطه-
عبدالله يشاركها فرحها- لامن عمي هههههههههه
دلال تناظرهم ولوضع مو عاجبها خافت لنوف تحط عينها على ولدها مثل امها هذا تفكيرها000
دلال – عبدالله يالله مشينا
عبدالله- تو الناس يمه
دلال تناظره ومقهوره
ام سالم – تو لناس يادلال
دلال- لايمه محمد بيرد من المؤتمر وبيزعل لوحنا مو فيه
وطلعوا من المجلس
نوف تذكرت ولحقتهم- عبدالله شكرن
عبدالله بحالميه-العفو بنت الخال
دلال – هيه استحي على وجهك يمال الفضيحه
اليوم الثاني
العصر بيت سالم بدريه تكلم دلال
بدريه- الله يحيكم البيت بيتك يادلال
دلال- الله يسلم حالك ماقلتيلي وين بتصيفون فيه هالسنه
بدريه- والله ماظنتي سالم وطلال بيسافرون يمكن اطلع انا ودنيا على اسبانيا مادري على حسب شغلي
دلال – وعلي على بنتي نوره اجل انا باخذها معي انا وساره وعبدالله لامريكا خبرك عبدالله بيدرس هناك
في الليل بيت سالم
الكل مجتمع
ساره- وينه مشعل يا دنيا
دنيا- انتي ماتعرفينه هذا مانام يومين وهالحين نايم يومين
ساره- افففففف روحي صحيه
دنيا- خليه ماني فاضيه له
في مجلس الرجال
خالد- وينه مشعل مصارت
عبدالله – ليه ماملينا عينك
خالد- انطم انت
في مجلس الحريم
بدريه – دنيا يمه روحي صحي اخوك
دنيا- يممممممه خليه ل وصحيناه قال ازعجتوني
بدريه – روحي صحيه ليكون صاير فيه شي
ساره – وي قومي شوفيه
دنيا- شرايك تروحين انتي
ساره – ااااااااه يااااااااااااااااااليت
دنيا قامت وهي تضحك وتفكر فعلااخوها مشعل جميل جدا جماله يفوق أي وصف واي خيال عنده عيون نعس ورموش كثيفه لدرجة الكل يحسب ان رموشه تركيبه وطول فارع وغمازه تتذكر مره جاء ياخذها بالثانوي يوم سواقها كان تعبان كيف البنات صديقاتها طلعوا معها وشافوه والكل انجن فيه وتتذكرانهم لحد الحين يسالون عنه وانه لو تزوج ولا شي وابتسمت كيف ساره انقهرت منهم وناويه لو تكلموا مره ثانيه بتذبحهم
فتحت باب الجناح
وانذهلت هي داخله ثلاجه لو الله فريز الغرفه ثلج صقيع تناظر تلقى مكيفات الغرفه الاربع
كلها مشغله توقف عند راسه تتامله فعلا هو اجملهم كلهم فعلا
ابتسمت عليه كيف نايم وسريره حوسه على ان سريره كبير بس معبي المساحه مو لانه سمين لابس يدينه كيف اخذه المساحه غير ثيابه وبدلاته مرميه فوق سريره
دنيا- مشعل مشعل مشيييييييييييعل وصمخ قووووووووووم قوم
ابد لحياة لمن تنادي
دنيا- مشعل الله يخليك قوووووووم قوم مشعل
وكأنه ميت فكرت في اخر حل ممكن تلجأ له خذت كوب الماء اللي عند راسه وابتسمت صبت كل الكوب فوق راسه ووجهه
شهق ونفض راسه وفز جالس يناظر يشوف دنيا ضحك منه
مشعل بغضب وعصبيه – انتي شو همجيه ياهمجيه انقلعي برررررررررررى برررررررررررررررررررررررررررى
دنيا خافت لانه اذا مقام وضربها وهي تستبعد هالشي لان تربيته واتيكيته غيرعن كل اخوانه فراح يلجأ للحل الثاني وهي تخاف من الحل الثاني
دنيا- خلاص والله العظيم خلاص بس عمتي دلال هنا وخالد مكلم عمتي يقول صحوا مشعل
تشوفه ملامحه بدات ترتخي ويهدا- كم الساعه هالحين
دنيا- قل كم يوم نمت
مشعل بخوف- كم يوم
دنيا- يومين
مشعل- اشوى بس يومين
دنيا- يابلادتك ياخوي الاقولي صليت!
مشعل- لاالله يغفرلي بس اطلعي انابتروش هالحين ثم بصلي وانزل
دنيا – اوكيه
طلعت وخلته وهو قام يفتش على جواله
مشعل – وين وين ياربي وين حطيته قام يقلب الغرفه فوق تحت يدور\والغرفه مبهدله\
واخيرا لقاه تحت السرير راميه وهو نائم يناظر مرتاع 33مكالمه و8رسائل
يناظرالمكالمات 4من حمود 9من خالد 10من الحبيبه رقم 5 والباقي من المهبوله ضحك ونزل الجوال وخلى الرسايل تحمم وصلى ولبس وتروش بالعطر هذي عادته عطوراته تهتم فيهم حبيبته اللي هي امه عطوراته دائم هي ووياه توصي فيها طلبات من باريس وسويسرا لا تستغربون هذا دلوعها لولا المخافه من الله كان اكتبت كل املاكها اله
لانها وريثة محمد الراشدي اكبر ثري في الفنادق ومعروف اسمه بالسعوديه اصلا هي سر ثراء زوجها سالم
واخيرا نزل مشعل وقف على نص الدرج وابتسم خجل مايدري مين فيه
ساره بقلبها- واااااااااااو ياجعلني فداء هالبسمه يالبى خافقي والله
بدريه- تعال يمه هذي بس عمتك دلال وساره
مشعل يمسح على شعره-السلام عليكم عمتي \قرب وسلم عليها\
دلال- تدري مشعل الوحيد اللي احسه ينافسني علىطولي هو انت احس عمري قزمه جنبك \وتضحك\
مشعل – ولوعمتي انتي الاصل انا ولاشي \ويضحك\
دلال-وينك ماتنشاف ولاتسال على عمتك
مشعل يبتسم- الله يعين \ويناظرامه\يمه ممكن ابيك شوي
دنيابدفاشه-وساره
مشعل يناظر دنيا-وش فيها
دنيا- ماكانها موجوده
ساره-كيفك مشعل
مشعل-هلاهلابخير يمه يالله تعالي
ساره انكسحت وبدريه ودنيا متفشلين من اسلوب مشعل
قامت معه وطلعت
مشعل- يمه ابي فلوس
بدريه- مشعل يمه ترى قبل ثلاثه ايام ماخذ مني بعرف وين تودي الفلوس
مشعل – يعني شو يمه انبسط فيها ترضين شعولي حبيبك يمشي ويشحذ\ويقلد\من مال الله يامحسنين والناس يتطنزون علي شوفوا شوفوا ولد بدريه يشحذ ويضحكوووووووون مني
بدريه- وي ان شالله عدوك يمه هو من يشحذ خلاص روح لجناحي وشوف ماستركارد حقت بنك الراجحي خذها وخذ بس خمسه هالمره فاهم ولااشوف وجهك الابعد اسبوع فاهم
مشعل يبتسم- نشوف \ويسلم على يدها\
بدريه- الله يرضى عليك قول امين
مشعل- امين
في بيت ام سالم
ام سالم-نوف انا بروح شوي وجايه مع ام سعود قفلي عليك الباب ولا تفتحين لحد فاهمه
نوف- ان شالله بس وين بتروحين
ام سالم-وانتي وش دخلك تدخلين عمرك في شي مايخصك
نوف – خلاص خلاص اسفه لاتزعلين انتي فيك الضغط
\مسكينه نوف تحسب في جدتها الضغط وهي فيها سرطان بالدم\
ام سالم – خلاص اخلصي اهم شي الباب لاتفتحينه فاهمه
نوف – ابشري
في بيت سالم في مجلس الرجال
مشعل يدخل- السلام عليكم
الكل – وعليكم السلام
خالد – واخيررررررررررا \ويفزا له عبدالعزيز وخالد وعبدالله يسلمون عليه\
مشعل- كيفكم
الكل – بخير وانته
مشعل- بخير
عبدالله- هالحين لازم نلقى لك حل بنومك هذا
سالم- وانت صادق ما ادري كيف يكون ليله من نهاره دلوع امه
الكل ضحك ومشعل تنرفز بس ماقصر رد
مشعل – اكيد مو هي امي الله يخليها لي ولك يبه \مثل النغزه\
سالم تلعثم – آه..........0اى وين القهوه
القهوجي- سم طال عمرك
في بيت ام سالم
رجعت من مشوارها وتنادي على نوف
نوف- سمي ياجده
ام سالم- احد دق الباب
نوف- لا ابد
ام سالم – حطي العشاء لين اصلي وبجيك
نوف-ابشري هالحين احطه
بعد فتره
نوف تطق باب الغرفه ماحد يرد تفتح الباب تلقى جدتها منسدحه وعليها شرشف صلاتها
نوف- جده يالله حطيت العشاء \غريبه ماترد عليها مو بعادتها نومها خفيف\
نوف تهزها- جده جده قومي \لا حياة لمن تنادي\
نوف شكت وخافت- جده جده الله يخليك قومي جده ياجدتي جده\وتجلس تبكي\تذكرت ام سعود مافيه غيرها بسرعه تدق عليها
في بيت سالم في الصاله
دلال وعيالها راحوا مابقى غير بدريه وسالم وطلال التلفون يدق
بدريه- الو
المتصل- السلام عليكم هذا بيت سالم
بدريه- ايه لحظه
تمد التلفون على سالم ومشعل نازل مع الدرج هالحين عاد ابتدت السهره
سالم – هلا نعم اخوي
المتصل- اخوي معك ادارة مستشفى الجامعي ويؤسفني ابلغك ان والدتك نوره بنت مبارك توفت [ ان لله وان اليه راجعون ]
سالم بذهول-اييييييييييييييييييييييش ماتت \الكل انصدم\
بدريه- مين اللي مات
سالم – خلاص خلاص الحين جاي وصكرالسماعه
بدريه- مين مات
سالم بحزن – امي ماتت امي طلال مشعل امشوا معي
مشعل طلال – حاضر
( تآبع الجزء الآول )
في المستشفى
نوف وام سعود يبكون وخلود زوجة سعود تهديهم
سعود- خلاص يمه هذا اللي مقدر ومكتوب
سالم وصل هو وطلال ومشعل
سعود يمد يده – احسن الله عزاك بو طلال
ام سعود- راحت راحت الغاليه مين بقالي انا وهالمسكينه
سعود- يالله يمه مشينا\ورحوا\
ام سعود – ونوف من تقعد عنده
سعود – هذا عمها يمه يالله مشينا من نكون نحن لها(كل هذا دار بعيد عن مسامعهم )
سالم- لاحوووول ولاقوة الابالله
يناظر نوف وعرف انها بنت اخوه اللي عند امه
سالم – طلال ود بنت عمك للبيت
طلال ومشعل منذهلين عندهم بنت عم
نوف- لالا ابي بيتنا وابي جدتي ردوها لي
مشعل- يبه ليه وين امها
سالم – اصكت لاتفضحنا امها ميته
مشعل- يحوووول مسكينه
لاتلومونهم مايعرفون عن بنت عمهم وجدتهم شي هذي تربية بدريه
سالم – خلاص ودها بيت جدتها
اليوم الثاني وصلوا رشد وريم من اجازاتهم عشان ام سالم
الناس والصحف تعزي بموت والدة اكبر تاجرعقاري سالم وبنتها زوجة الوزير بوعبدالعزيز
ونسوا امرالمسكينه نوف
بعد اليوم الثالث اخيرا تذكرها سالم
في الصاله بدريه وعيالهم ودلال\
سالم – حنا نسينا امر بنت صالح وين بتجي
بدريه- والمطلوب اكيد بتجيبها عندي
سالم- ايه وين بتروح تراها بنت يعني
بدريه- انا عارفه عشان تبيع بيت امك
سالم –اكيد هذا ورثي انا ودلال
دلال صكتت
سالم –ماعلقتي دلال
دلال- شو اقول
سالم –وش رايك لازم تجي صح
دلال- هذا بيتكم وانا مالي دخل
سالم – بدريه وين تروح يعني
بدريه- افففففففففففف وعيالي ما ياخذون راحتهم يعني
سالم – ابد ليه طلال وراشد مو ساكنين بحريمهم هاه
طلال- يمه تراها مسكينه من لها
بدريه- وش رايك مشعل انت ودنيا وراشد
راشد- الله يحيها
مشعل- كيفكم
دنيا- اهم شي ماتقرب من غرفتي واغراضي
دلال اعتذرت وراحت
سالم- مشعل رح انت واختك جيبوها
مشعل- افففففففف منها وانا وشد خلني طلول يدل البيت
سالم – وانا ظني قلت اسمك
بدريه- لا تروح يمه اذا مو بخاطرك
مشعل ابتسم لامه اللي انقذته
سالم – وانتي الى متى بتدلعين هالدلوع *وعصب*والله مايجيبها غيرك فاهم ومن بكره
اشوفك قدامي على الدرج ولا والله لاتشوف شي ماشفته سااااااااااااااااامع
مشعل قمز- زين سامع سامع
سالم- يالله خذ الوصف من اخوك وروح جيبها انت واختك
دنيا- لازم اروح يعني
سالم –ايه ولاتجون الا هي معكم فاهميييييييييييييييين
دنيا- طيب بس لا تعصب
راح وخلاهم ومشعل خذى الوصف من طلال
في بيت ام سالم
نوف في غرفتها تبكي وتتذكر جدتها هي اكثر وحده حزينه بفراقها
فجاه تسمع الجرس يطق وخافت مين اللي يطق في هالوقت وفي هالليل
عند الباب مشعل واقف عند الباب ودنيا في السياره خايفه
مشعل واقف ويناظر في اخته وهو خايف عليها من هالحاره اللي تخوف
نوف-ميييين
مشعل-افتحي انا
نوف- مين انت
مشعل- اففففففف \ويطنزعليها\خايفه البرنسيسه من زين صوتها يلوع الكبد
نوف سمعته وانقهرت منه- وشتبي
مشعل-اففففففف ابوي يقولك لازم تطلعين وتجين عندنا
نوف- مين هو ابوك
مشعل تخفف دمها الاخت بتسوي نفسه امهمه-ابوي سالم ولو سمحتي استعجلي حنا مستعجلين \وهو يكذب بس هالحاره تخوفهم\
نوف تفتح الباب وتشوفه معطيها ظهره ومتسند على الجدار ولاف رجله على بعض
\دليل على الطفش\
لف وجهه عليها وبعصبيه- لوسمحتي لمي اغراضك وامشي انا مشغول
نوف – معك
مشعل يطنز- لامع ابوي –وبصراخ-استعجلي بسررررررررررررعه
نوف قمزت وبعناد- مابي اروح معك
مشعل- من زينك عاد\وهو مقهور منها\لاتلومونه تربية بدريه مايحترمون من هم اقل منهم
نوف انذهلت من اسلوبه ومطت عيونها
مشعل يلف وجهه وياشر لاخته تنزل ونزلت دنيا اقتربت منهم
مشعل- يالله هذي اختي روحي وخلصينا واطمني هالحين اختي معك \محاوله للاعتذار\
نوف- بس انا مابي اروح معكم انا ابي اجلس هنا
\نوف خافت منهم اذا هذا اسلوب ولدهم وهو شاب فكيف الباقين\
مشعل – دنيا بلغي ابوي بكلامها
دنيا- طيب \وتدق على ابوها\
سالم – نعم يبه
دنيا- يبه البرنسيسه ماتبي تروح عزمنا ومارضت ماباقي غيرك اعزمها يمكن ترضى
نوف انذهلت من اسلوبهم من أي عالم جايين
سالم- عطينيها اشوف سالفتها
دنيا- خذي ابوي يبيكي
تاخذ التلفون وهي خايفه بس تبي تسوي عندهم قويه
نوف –الو\وهي خجوله\
سالم – ليه حضرتك ماتبين تجين معهم
نوف وبتصنع القوه- ابي اجلس ابيتنا عمي
سالم- اسمعي علم يوصلك ويتعداك والله ان ماجيتي هالحين معهم لاجي واجرك من شعرك
نوف تسمع وبدون شعور دموعها تصب عطت الجوال دنيا وراحت تركض
مساء الخير ..
هلآ فيكم وربي نورتوني يابنآت .. لبى قلوبكم يآرب على
الردود المشجعه .. اتوقف معكم بذكركم في نقآط مهمه مره
انا لحد الحين مذكرت كل العآئلات وبعض الاشخآص وآخر
عآئله بذكرهم تقريبا في البآرت السادس مدري السآبع
.
لاني قاعده ادرجهم لكم ماابي اي حد يتخربط
كل هدفي من هالروايه اني ابي مربط الفرس اللي هي نوف
لان ( نوف تعيش في داخل كل وحده فينا ) والمقصود انا مانتشابه
لا . بس نوف جمعت [ الطيبه . الغبآء . القوه . الكرآمه . الحنآن ]
شخصيه معقده جدآ واتعبني التعآمل معها خفت ان اي حد يفسرها
مثل مايبي
.
وآبي اذكركم في كل شخصيه بتمر فيها نوف
.
نمر لشخصية مشعل واللي للاسف محد فيكم حللها بما انه بطل
الجزء اللي نزل وآتمنى اني الآقي تفآعل غير
ارد لآهم نقطه واللي ذكرتكم فيها من البدآيه وهي سآلفة الردود
لاتخلوني آندم وشوفوا ويش قلت ببداية كلآمي
( تآبع الجزء الآول )
في هاللحظه عرفت معنى اليتم صح قبل يمكن جدتها ماحسستها باليتم على انها تعاملها مو زين معها
بس هالحين في كلامهم وروها اليتم صح
\نوف حساسه ورقيقه وفي نفس الوقت ذكيه مره ورثت جمالها من امها الاماراتيه اللي كانت امها باكستانيه يعني تصير جدة نوف
وجميله واجد خذت نوف من جدتها لون عيونها العسليه والعيون واسعه والفم الصغير والوجه الدائري والرموش السوداء الكثيفه هي وبكل صراحه جميله وجمالها صدمه لكل من يراه وفي نفس الوقت موجع بس مع كل هذا استايلها بدوي جدا حتى ماتميز الماركه من الغير ماركه ولاعارفه شي عن هالامور ابد
مو مثل بنات جيلها اول اهتمامهم يحفظون اسم الموضه
مشعل- مصدقه عمرها هذي
دنيا- اففففففففففففففففففففف وربي اففففففففف ماقدر اتحمل شو هالزباله اللي عايشين فيها مشعل انا خايفه
مشعل- هالحين روحي استعجليها وانا بنتظركم بالسياره
دنيا- طييييييييييب افففف ودخلت لها وهي تمشي مكشره من هالمكان ومنقرفه
وسمعت صوت بكاها في الغرفه دخلت عليها وانذهلت من جمالها ابد مو جمال هذا مو باي بشر انصدمت وما قدرت تقول شي .. جمـالها موجع الى حد الثمآله
رفعت راسها .. وشافت دنيا تناظرها نوف - انتم وش تبغون فيني .. خلاص بدق على خالي ويجيني
دنيا اللي غارت ليش هي مو بحلاها - مدري واللي ادري عنه لمي ملابسك وخلصينا .. احنا مستعجلين وايه على فكره .. خذي اغراضك كلها.. لان ابوي بيبيع البيت \وراحت\
نوف ازدادت بكاء وبدات تلم ملابسها
بعد فتره طويله شوي طلعت ومشعل ودنيا معصبين عليها
نوف تشيل شنطتين كبار.. وتنتظراحد يساعدها.. بس ماحد حولها
تسحبهم من ثقلهم وحطتها جنب السياره .. ومشعل فتح الشنطه ونزل يشيلهم
مشعل- وش هذي الشناط
نوف بحزن- اغراضي انا وجدتي
مشعل- وش دخلنا في ملابس جدتك
نوف بعناد- ابيك توديهم الجمعيه صدقه عنها
مشعل بغرور – انا مشعل بن سالم اوديهم
نوف جات بتتكلم .. بس حست مو من اخلاقها ترد ..
نوف صكتت وركب الشناط ( بعصبيه ) .. وراحت تركب
في بيت سالم
سالم – بدريه شفتولها مكان تجلس فيه
بدريه- ايه جنب جناح دنيا الله يعينها بنتي افففففففففف
بعد فتره وصلوا
مشعل ودنيا ونوف وراهم
مشعل- يمه خلي الشغلات ينزلون الشناط بروح اتحمم وبطلع تاخرت
بدريه - اوكيه يمه
نوف انذهلت من هالقصر.. صحيح شافت زيهم في بيت خالها .. لكن هذا فيه شي غير
بدريه شافتها بعابية الراس وبالغطاء – روحي فوق والشغلات بيجيبون شناطك
نوف بخفه وبسرعه تسلم على راسها هي وسالم وتبتسم
نوف- اعذروني انتم بشروني عنكم ان شالله مو تعبانين
سالم – بخير روحي هالحين روحي نامي وبكره يصير خير
بدريه انقرفت منها وطلعت وخلتهم
صعدت مع الشغاله فوق .. وفي الدرج قابلت مشعل .. وهو بقصد سحب برجله عبايتها ونوف تعثرت
نوف تلف وجهها عليه - عمي شكلك
مشعل يضحك- مو اعمى منك ياقرويه انتي وهالخيمه بس ما تنلامين تربية عجوز
نوف فولت منه وقربت منه ..... وفجأه شي حار بخده
مشعل مصدوم ومقهور.. ومد اصبعه وعرق رقبته ينبض - وربي لو مو انتي بنت لاتشوفين اللي قبلي ما احد سواه انقلععععععععععععي ياااااااااااااااااااااااااااالله \وهورافع صوته\
الكل نزل على صوته
بدريه - وشفيه
مشعل ( بعصبيه ) نزل وخلاهم
تحت سالم – وش هالصوت ...... ومشعل مارد عليه
سالم – بكره اشوفك واقف مكانك الساعه سبع فاهم
مشعل - يصير خير \صفق الباب وطلع\
عند نوف انهارت =تكلم نفسها=\شو اللي سويته ... عمري ماكنت كذا .. والله لو تدري جدتي وخالي ليقصبوني .. ياربي ليه مديت يدي ليه .. جعلها كان انكسرت قبل لا تنمد على الرجال ..يافضيحتك يانوف .. يافضيحتك .. يابنت صالح .. لا ابد لا ماقدر اجلس دقيقه .. كيف احط عيني بعيونهم =وتصعد الدرج ومطنشه اللي يسألونها عن اللي صار= يافضيحتي من الله وعبيده .. يافضيحتك يانوف هاللي سويته .. حرام قبل العيب .. امد يدي على رجال غريب .. ولا على خده ياعييييييييييييييييبي يافضييييييييييييييييييحتي ..
عند مشعل في السياره .. قبل ل اينزل الاستراحه عند ربعه
يناظر المرايه .. ويتحسس خده - جعل يدك للكسر ياحقيره ااااااااااااااه عليها سطار.. تهبى مو بيد والله الله يعجر يدها وتلتوي .. وتصعب على الاطباء علاجها .. ويتوقف عندها الدم بيدها.. وتموت هالحين بيسألوني .. وعندي الملقوف ام هلال هذا مو رجال انزل وامري لله \ونزل\
مشعل يدخل في المجلس-السلام عليكم \ومخبي خده مايحاول يوريهم\
حمود - علامك لاوي رقبتك
مشعل- نايم بالغلط عليها وتعورني
محمد- سلامتك بو مشاعل
مشعل- الله يسلمك \يصرف\وينهم نواف وسعيد وخويلد
حمود - الله يسلمك سعيد ونواف راحوا يجيبون العشاء وخالد مجاء لسه
مشعل- ليه وين الطباخ
حمود - ليه ماخبرك هو يقول مستأذن من بابا مشعل انا اروح مال نفر ابوالشباب مسويله عزيمه\ويضحك\
مشعل - ايه صح خبرني \الاستراحه لمشعل\= فجأه لف وجهه وشافه حمود
حمود - مشعل خدك علامه احمر
مشعل في صدره مابتفوت عليك يام هلال-لابس نايم عليها وحمر المهم بدق على خالد اشوف وينه ليه مجاء
في بيت الوزير بوعبدالعزيز
دلال تكلم بنتها خلود - وانتي ان شالله متى بتجين
خلود - يمه مدري على حسب شغل تركي الله واعلم
دلال - وعمتك ما قالت شي ما تكلمت
خلود - لاهدت الحمدالله هالحين مشغوله بزواج بنتها
دلال - يمه روحي المستشفى شوفي
خلود - يمه والله رحت وقالوا مافيك شي وحتى قالوا كيف جبتي زياد ويزيد يعني سليمه يمه
دلال - الله يعينك
في جده في مكتبه ويفكر
تركي - ياربي شو اقول لامي ولخلود كيف بحل اللي صار فيني يارب صبر عبدك يارب
الباب يطق
تركي – تفضل
الشرطي يدق تحيه - طال عمرك العناصر اللي امرت فيهم جاهزين
تركي جهز سلاحه ودخله في جيبه- يالله اجل تحركنا
نوف في الغرفه الفجر والساعه 6 وهي صاحيه .. وما تدري شا تسوي ..هي متعوده تصحى هالوقت تسوي فطور جدتها وتعطيها العلاج ياربي مليييييييييييييت
انزل تحت لالالالا فضيحه .. عندهم عيال .. وغير كذا كيف احط وجهي منهم ..وقفت على البلكونه وتشوف الهواء اللي تحبه .. وفجأه .. تدخل سيارة مشعل
نوف- اعتذر منه لالالالالالا يمكن يكفخني انطق احسن \ ليش تأخر منزل هالبرنسيس وتذكرت كلامه فيها
وضحكت\
مشعل يدور على جواله - ياربي وين حطيته وييييييييين ايه صح بالدرج – فتح الدرج ولقاه - وضحك فجأه تذكر حمود يوم حطه بالدرج
نوف - مجنون هذا ليش يضحك
مشعل جلس بالكرسي اللي بالحديقه وتذكر حمود يوم يقول
حمود - مشعل دخيلك انا عندي اخت وراها حرمة ذيبه ربي سترك\يقصد حرمة ابوه\والله مو مستغني عن عمري عشانها خل الجوال عندك ولاحق على خوياتك
مشعل في صدره- مساكين يحسبوني بحب مثل ذولي يخسون ماخذ وحده تعرف حد قبلي ابي وحده
ناعمه كلها انوثه مو مثل\وتذكر رفع راسه وشاف نوف تناظره وبسرعه تخبت وصكت بلكونتها\
الله يعجر يدك جعلهاا لكسرااااااااااااااااااااااه تذكر كل ربعه يوم يضحكون من خده ويطنزون
وهو طول الليل يدعي عليها\الله يعينك يانوف\
تذكر وراه ابوه والدوام تأفف ودخل يتحمم ويبدل
الساعه سبع
مشعل وقف بالصاله مشاف احد
نادى على الشغاله تسويله قهوه على بال ما ابوه ينزل
بعد فتره
سالم وبدريه نازلين وشاف مشعل ينتظره سالم - شفت وش ذربك الحين ايه كذا افتخر فيكم عند الرياجيل
مشعل يبوس راس ابوه وامه - صباح الخير
بدريه وسالم- صباح النور
بدريه- اصلاولدي من يوم يومه ذرب بس مشكلتك ماتقدر تفهمه غير امه \وتناظر مشعل\هذا غير عيالي كلهم
سالم – ان شالله يطلع نفس كلامك
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,
( الجزء الثاني )
على طاولة الطعام
سالم – كيف البنت معكم
بدريه – ماشفت منها غيرالمشاكل وهذي دوبها واصله امس شكلها متهاوشه مع مشعل \وتناظرمشعل\ .. صح مشعل
مشعل اللي ياكل لمعت في باله فكره خبيثه وابتسم اابتسامه شريره - يمه تراها تحاول تتحرش فيني
بدريه\ وش هووووووووووووووووو
مشعل – هذا اللي سمعتيه
بدريه - كيف صكت لها كان عطيتها كف على قلة تربيتها
مشعل في باله\ماتدرين يمه هي اللي صكتني كف\ - يمه مو كذا ربيتيني بس انتبهوا منها
بدريه- سااااااااااااااااااااااالم
سالم – عارف عارف قريب بس افكك منها بدور لها موظف عندي يسترعليها
عند نوف رجعت نامت وهي ما تدري وش صار الها ووش بيصير
في بيت دلال وساره نازله
ساره- يمه هالحين خالي وش يبي في اللي جايبها عندهم مسكين مشعل دنيا تخبرني انها متحرشه فيه هي سمعت هالخبر من امها اول ماصحت يمه هالبنت وقبل ماشوفها وانا ماني مرتاحه لها
دلال- ولا انابعد هذي عقرب رمل مثل امها حيه من تحت تبن نعنبوا ابليسها دوبها وصلت لهم وترسم على مشعل
ساره-الا مشعل مستحيل يكون لها
دلال- تطمني يمه مشعل طال الزمن ول اقصرلك لك ماغيرك احد بياخذه
في غرفه ثانيه بهالقصر
يلعب رياضه عنيفه وقويه .. اللي هي حمل الاثقال وكأنه بهاللي قاعد يسويه
يطلع الغضب اللي انحفر بقلبه من سنين .. مايدري انه قاعد يزيد همه هموم
وعذابه اضعاف واضعاف .... وقف عن اللي قاعد يسويه .. جلس على الارض
لملم رجلينه وكأنه انسان تائهه مسكين يشفق عليه .. اللي يشوفه مايقول هذا
( عبدالعزيز بن محمد ولد وزير في الدوله ) واللي هيبته تطغي على أي مكان
يكون فيه وصاحب اعظم حصه في اعظم شركه في الولايات المتحده هو لما يشوفونه في امريكا الشركه بكبرها تتخربط والموظفين اللي فيها يرتجفون من
الخوف .. الله رسم له هيبه مايملكها الا نادرآ من البشر ..
عبدالعزيز بضعف : أمل سامحيني يا أمل سامحيني ( وجلس يبكي ويشاهق مثل طفل صغير يبي له لعبه ولا انضرب )
في مكتب المحامي
سالم- وش هووووووووووووووو00 وش تقول انت انت صاحي او مجنون
المحامي - طال عمرك هاذي الاوراق وتقدر تتأكد منها ما جبت شي من عندي
مشعل- يبه اهدى لا يرتفع الظغط عندك
سالم –انت سمعت وش يقول بيت امي ومحلاتها كاتبتهم لبنت حبيبها لصويلح الكلب
مشعل مط عيونه وانصدم باللي سمعه - يبه وش تقول انت هذا اخوك
سالم بطمع - اصكت انت لازم اشوف حل لازم
في السياره
سالم – بموت من قهري اااااااااه بموت كيف العجوز تكتب كل شي باسم هالكلبه كيييييييف
مشعل منصدم من ابوه اول مره يسمعه يتكلم كذا بس التزم السكوت لانه بداخله
يشوف ان ماله دخل
سالم \وبطمع\- والله ماخليك تتهنين فيهم والله
يتذكر حب ابوه وامه لصالح اخوه
( قبل 36 سنه )
صالح كان طول صغره مع ابوه قبل مايموت وكان سالم يموت قهر منه
لان الكل يثني على صالح وصلاته وحب عمال ابوه له
وكان سالم شرير وغيور .. ففكر في خطه جهنميه.. تبعد صالح عن ابوه .. وتقربه هو لا بوه .. في ذاك الوقت.. اخذ المفتاح حق الخزنه من ابوه
طلع ميتين ريال .. وفي ذاك الوقت هالميتين تسوى الفين
وحطهم تحت راس اخوه اللي نايم .. ورد المفتاح لابوه وراح ينام
صحى على صراخ ابوه- سويلم وين الفلوس وينهي
سالم – يبه أي فلوس
ابوسالم- الفلوس اللي بخزنتي يمال الضعفه والله ياسويلم عارف ماحد بياخذها غيرك امس سلمت الرواتب وعارف اللي بالخزنه افتحها ومالقى ميتين
ام سالم – صالح مو باخذها غيرك خابرتك تسورق انت حتى ورعان الحاره ماسلموا منك ام سعد تشتكي منك
سالم حقد اكثر- والله ماخذت شي وفتشوني وفتشوا فراشي
صالح يتفرج فيهم وزعلان لحال اخوه
ابوسالم يفتشه ويشوف سريره مالقى شي- وين راحت اجل
سالم – وصويلح ليه ماتشوفونه ولابس ماغير انا
ابوسالم-لاصالح مايسرق خابره ماغيرك انت
سالم – لا فتشوفوه.. وشوفوا سريره بعد مثلي ولاما غير انا
ام سالم – تعال ياصويلح \وتفتشه ومالقت معه شي\ عارفه صويلح مايسرق
سالم – طيب شوفوا سريره
ابوسالم ويفتش سريره.. وفجااااااااااااااااااااااااااااااه
يلقى الميتين تحت سريره.. وام سالم تشهق .. وابوسالم تفاجاء وسالم ضحك
صالح بخوف - والله ما سرقتهم .. والله العظيم والله
ابوسالم – واللي تحت سريرك وش هااااااااااااااااااااااه
ويقرب منه وتدخل عليهم دلال اللي دوبها قامت
دلال- وش فيكم
سالم بفرح- صويلح سارق ابوي
وابوسالم يمحط صالح بالعقال .. وصالح يبكي ويحلف ماخذهم
دلال - لالالالالالالالالا يبه اللي سارقهم سالم وحاطها تحت فراش صويلح
سالم بدفاع - كذااااااااااااااااااااااااااااااااااااابه
دلال وكانت هي اكبرهم - والله العظيم يايبه اني شفته البارح .. ولا يتسحب مثل الحراميه شكيت بالوضع ولحقته وشفته طلع ميتين تخبيت عنه وشفته يوم حطهم تحت فراش صلوح
ابوسالم بعصبيه ويقرب من سالم وضرب وضرب لين مقال التوبه ماعودها
ومن ذاك اليوم كره صالح اكثر واكثر
مشعل رده للواقع - يبه وصلنا الشركه
سالم نزل وهو كاره اللي صار فيه
عند نوف الباب يدق وهو اللي صحاها
نوف- نعم
الخدامه – فطور مدام بدريه تقول خذي هذا فطور حق انتي ول اتنزلين
نوف بحسن نيه – فديتها اكيد عارفه اني مستحيه من العيال وميته جوع \وفتحت الباب وخذت الفطور\ قولي حق عمتي شكرن
بعد الدوام في السياره سالم ومشعل
سالم - بس لقيتها \وهو طول وقته بالمكتب يفكر كيف يسترد اللي ضاع منه مع انه مو بحاجتها بس طمع وخصوصا ان اللي راح لبنت صالح هذا غير انه بعد حلال ابوه لانه قبل لايموت كتب الحلال بااسم ام سالم عشان عيالها يكونون حولها\
مشعل وهو يسوق – وش اللي لقيتها
سالم- الحل لكسر راس بنت صويلح واخذ اللي راح لها
مشعل - وش هو الحل
سالم يلتفت على ولده ويبتسم- انت
مشعل- انا وانا وش دخلني
سالم – انت اللي بتجيب لي اللي راح
مشعل – كيف مافهمت
سالم وبصدمه - تتزوجها
مشعل- وش هووووووووووووووووووو\ويضرب فرامل\=والسيارات اللي وراه تضرب بواري=
سالم وبعصبيه - وشفيك مجنون انت تبي تذبحنا امش \ومشعل يتحرك\
مشعل - والله ماخذها لو يكون اخر يوم بعمري
سالم- لا بتاخذها ورجلك فوق راسك يا ولد بدريه
مشعل- والله ماخذ وحده قرويه وتربية عجوز مابقى الا هذي
سالم وبهدوء - مشعل يبه انا ماقلت اقعد معها طول عمرك خذها وخذ اللي نبي بعدين طلقها
مشعل - وانا وش ذنبي اخذها
سالم - مشعل لا تحدني على الشين خذها وبعدين طلقها
مشعل - لا ومليون الف لا وهي شذنبها مسكينه
سالم – لا بنت صويلح مو مسكينه وبتاخذها يا مشعيلوه يعني بتاخذها
في جده غير
تركي رد من الدوام بعد يوم من غيابه عنهم بحكم عمله
\بجناحه\
تركي - السلام عليكم
خلود- تركي واخيرررررررررررا \وتجلس تبكي\
تركي - افا ليش هالدموع بس
خلود - خايفه عليك خايفه \وتزيد بكاء\
تركي - خلود حبيبتي هذا شغلي وانتي عارفه
خلود- والمهربين متى بنفتك منهم متى متى
تركي يمسح دموعها بحنان - عشان خاطر تركي لاتبكين
خلود ابتسمت بدلع - بس عشان خاطر تركي وعيونه اللي تذبحني ماراح ابكي
تركي ابتسم على طفولتها اللي مهما كبرت تكبر هالطفوله معها
تركي – فديت من حبت تركي وعيونه وخذت قلبه وعقله واسرقت النوم منه
تدرين عاد من زمااااااااااااااااااان مانمت وتعبااااااااااااااااان
خلود – عاد يوم تنام ما بيريحونا بيدقون ويجيبون مصيبه معهم
تركي – عشان عيونك اللي اشتقت الهم بقفله وهاه\يطلع جواله ويقفله\زين كذا
خلود بابتسامه تذوب وبحياء - ايه زين كذا
في الرياض وتحديدا بقصر سالم
مشعل- مابخذها يعني مابخذها
بدريه - وولدي صادق وحده تحرشت فيه ماندري عن غيره
ومشعل حمد ربه على اللي قاله اليوم الصبح
سالم- هذي تربية امي نوره وما بتشوفين منها غلط
بدريه- يا سلام يعني ولدي اللي يغلط
سالم – مدري عنكم
بدريه- سالم ولدي ماراح يا خذها يعني ماراح ياخذها
سالم - وكلمتي تكسرينها يابدريه هااااااااااااااااااااااه \بعصبيه\يعني عادي يابنت سرور الضاحي تنكسر
بدريه صكتت لانها تعرف سالم بهالحاله
سالم – اسمع يامشيعل بتاخذها يعني بتاخذها ومو سالم اللي تهزون كلمته وتكسرونها
وبعصبيه \فااااااااااااااااااااااااااااااااااهمين\ وراح وخلاهم
مشعل عصب وطلع00 لانه عرف امه00 يوم يذكرها ابوه بابوها تصكت وتتذكرالوصيه اللي00
كتبها ابوها لها بعد زواجها من سالم00 واللي شافه من سالم يوم انقذ شركاته من الافلاس 00
ساعتها عرف ان الله جاب له الولد00اللي يحلم فيه اللي هوسالم00 ومن ساعتها حط الخيط بالمخيط وسلم كل شي لسالم00 اللي ماقصر وكبر ممتلكاته وممتلكات بنته00 وقبل لايموت00
كتب الوصيه لبنته \انها تسلم الشركات لسالم وفي عمرها ابد ماتعصيه لانه هو بعد ولده\
في القهوه
الشباب يضحكون على سوالف خالد .. ومشعل صاكت ومو بعالمهم لاحظ عليه حمود
حمود بمساسره - مشعل وش فيك
مشعل- مافيني شي
حمود- مشعل مو على حمود انا اعرفك اكثرمن عمرك ياخوي
مشعل-انا تعباااااااااااااااااان ياحمود تعبان
حمود يناظر للي حوله – مشعل امش معي خلنا نطلع عنهم وفضفض لي
مشعل اللي محتاج يتكلم مع احد خصوصا حمود اللي عنده اقرب له من اخونه -ياالله
استاذنوا من شلتهم وطلعوا
عند السياره حمود - هات عنك انا بسوق
عند المكان اللي يحبه مشعل الحديقه هالوقت فاضيه الا من بعض الاجانب واطفالهم
حمود- هات وش عندك
مشعل - ابوي
حمود – وشفيه ابوك
مشعل – اصبر خل اكملك ابوي بيزوجني بنت عمي
حمود- وطيب وين المشكله
مشعل- ما ابيها ياحمود ما ابيها
حمود- مشعل اصبر خلني افهم كيف ماتبيها
مشعل-اول شي مو من مستواي\هنا حمود اخذ بخاطره وصكت\ومشعل انتبه له
مشعل – حمود ندري حساس بس فكرك لا يروح بعيد اقصد بالفكر بالفكر يا ابوفكر يا حساس
\حمود هو الوحيد بينهم اللي احواله الماديه قليله وهم يعرفون ودائم ياخذون هالشي بعين الاعتبارعندهم\
حمود بضحكه- مشعل لا تدقق اجرب غلاتي
مشعل ضحك منه وهذا اللي يبي يوصله حمود انه يطلعه من موده
مشعل – زوجتي على غفله تبي تجرب غلاتك
حمود- لا زوجتك ما توصل لي انا الغلا الاول والاخير
مشعل بقرف - اصكت لوعت كبدي ذكرتني بسوسو الله يلوع كبدك
\سوسو هذا ولد بس من الجنس الثالث يعني مسوي نفسه بنت ومعهم بالنادي ويحب مشعل كم مره تهاوشو اهو و هالسوسو \
حمود طااااااح على بطنه ضحك لان بذات مشعل يكرهه هالحركات بسبب اللي يصير له
مشعل - المهم اسمعني انا وش اسوي بالمصيبه اللي طاحت براسي
حمود - مشعل وليه ماتبي تاخذها
مشعل- هنا مربط الفرس
في بيت سالم
نوف بالغرفه وميته طفش حابسه عمرها بين الاطوف قربت من دفترها الخواطر وكتبت :
كم غريب ان تعيش في قصر فاره جميع ماتريده حولك ولكن ينقصه الاهم
دخلت الى هذا القصر وهذا العالم وانا وجلة منه ولكن ابهرني جماله
جميع من فيه غريبين الاطوار
جميعهم يعيش فقط بعالمه
لالا شي الا لنفسه
ابتعد عنهم التلاحم الاسري
ارى نفسي بينهم غريبه غريبة كمن نام وفي الحلم راى نفسه في مكان مجهول
تماما هكذا انا
هكذا ارى نفسي كمن غلب على امره وطلب منه تنفيذ توجيهات معقده
كيف حصل كل هذا برمشة عين كيف
ارى عمري مكبلة بينهم لا استطيع الخروج الاااااااااااااااااااااااااا
.
.
اذى اتى من يمسك بيدي ومن هذا العالم ينقذني
متى ستاتي اخبررررررررررني متى متى من هذا القصر تنقذني في بداية امري
انبهرت بما يسكنون ويلبسون وياكلون
ولكن بعد ذلك عرفت انها بهرجة لا اكثر ولا اقل
وضعت قلمها وقامت تصلي العصر
مشعل- وبعد اللي سمعته00 قولي بمصيبتي وش بسوي
حمود- مشعل اخاف اقولك00 خذها هي بتخسر اكثر00انت الرجال وتقدر تسوي اللي تبي00 هي بنت ومسكينه00 يعني انت حتى لوما اعجبتك بتتركها00 وبيكون سهل لك وصعب عليها00لان البنت عندنا هي اللي تغلط00 حتى لو الرجال اخطى فهمتني
مشعل- زين00 انا بريحها00وانابقول ما ابيها00 بس ابوي وش بقول له00 تدري حمود00ماعمري بحياتي كلها00شفت ابوي زي هاليوم00 معصب على امي000 زي هالمره00
حمود- مشعل اعقلها وتوكل00 استخير00وخذها مهما كان00 هي يتيمه ومالها غير خالها00اللي بالامارات00 زي ما تقول00 وابوك الله وكيلك مابي اتكلم عنه00 لاني ماكل من خيره\حمود متوظف في الشركه عندهم\بس خذها انت00 احسن ما ياخذها حد غيرك00 ويطمع بهاليتيمه00 انا بتكلم بالمنطق00 انت شايف خير يعني00 بكل الحالات00 لو ما تبيها انت تقول00 ما باخذ حلالها00مهما يكن يعني بتطلقها00وهي معها عزوه00 بس لو بياخذها غيرك00 بياخذ
هالعزوه اللي تملكها 00يعني في هالحالتين00 بتخسر معه00 اكثر من لو تكون معك
مشعل- وليه مابتكون سعيده مع اللي بتاخذه00 ليه تفرض احتماليات خاطئه عنها
ليه تبني هالصوره00 من الاساس00 ياخوي عندك ابوي00 هالخير كل اللي عند ابوي من امي 00وعايشين مبسوطين00
حمود- حبيبي تحسب الناس مثل امك وابوك00 وبعدين تحسب ابوك بيخليها تاخذ غيرك 00افهم حبيبي ابوك سالم 00اصحى علامك00
مشعل- انا قلت مستحيل اخذها00مستحيل
حمود- مشعل00 انت عارف انك مردك اخذها اخذها00احسن الك اخذها برضاك00 احسن من انه00يخليك تاخذها غصب عنك
في الليل الساعه خمس الفجر\بجناحها\
وهي نايمه >>>>>>>>
تشوف نفسها00مربوطه على شجره00 وهي تصرخ وتصرخ00 فكووووووني فكووووووني00
تشوف جدتها00وابوها00وامها00يناظرونها ويبكون
وتشوف الناس00 اللي حولها يضحكون00 ويضحكون00 ويضحكون00 وهي تستنجد بجدتها00وامها00وابوها00ومايسون شي بس يبكون00 تلف وجهها00بتشوف مين مربطها00
بس طاحت من السرير00من كثر ما هزت عمرها00عشان تفك نفسها00بالحلم من الشجره00
تقوم وهي تون00 وتتذكر الحلم00 وخافت00 رجعت وانسدحت00 لفت على الجهه اليسرى00 وانفثت00 ولفت على الجهه اليمين00 وتعوذت من ابليس00 ومن هالحلم \هذا المفروض نعمله لما نشوف حلم ارعبنا رسولنا الكريم علمنا لكلما فيه هو مصلحتنا\
ناظرت الساعه خمس00 استغفرت00 وراحت تتوضا00وتصلي وتقرأ الاذكار
نوف بعد ماخلصت00 طفشت00 من هالغرفه ومقابلها00اتحمست للفكره00 اللي لمعت بخيالها00
وراحت تلبس00 وتتجهز.. نزلت تحت للمطبخ00
نوف - اليوم بذات بريح عمتي بدريه من الطبخ00 وبسوي الفطور عنها00كود انها ترضى عني00 وتحبني 00والله اني احبها00الله يحبها00وحده عرفت00 اني مستحيه من عيالها00وارسلت لي فطوري00 وغداي وعشاي00 والله انها حبيبه00
بدات تجهزالفطور00وابدعت00 اول شي سوت العصيده0هي 0 حريفه بالطبخ00 كانت تتمنى 00يكون عندها مقاديرللاغراض00 للي تبي تطبخها00بس جدتها لها بالمرصاد00ماتحب الفسق00 ورمي النعمه00 تقول ماغيرحنا ثنتين 00وش هوله هالدنيا00وماتشتري لها المقاضي\
عند مشعل دخل البيت0000000000
سمع00 فيه اصوات من جهة قسم المطبخ00 ناظرساعته00 هو متاكد اليوم جاي بدري00 مايمدي الطباخه تسوي الفطور00
اتجهه على المطبخ00 وشاف وحده غريبه 00رافعه شعرها00 الاسود المفحم فوق
مشعل عرف منهي - وش تسوين \التفتت نوف عليه\وبداخله انذهل00 بس مابين
نوف بسرعه تغطت00 وقلبها طبول00 بغى ياخذ عقلها هالمجنون
نوف اصكتت ولاردت
مشعل- انااسالك00 وش تسوين
نوف\وماعطته وجهه وكملت شغلها\
مشعل دخل - ظني سألتك00 وش تسوين
نوف بداخلها اففففففففف- زي ماتشوف الفطور
مشعل- ومن قالك سويه اصلا
نوف تناظره مستغربه من اسلوبه - انا
مشعل- لمي اللي سويتيه00 امي ماتحب احد يسوي شي الا
نوف تقاطعه - انا ابي اريحها00مسكينه تتعب00 وبعدين انا سمعت من الشغاله00 تقول نوره وريم ماينزلون الاا لظهر00وهي تتعب00 وانا اليوم00 بريحها
مشعل - ومن قالك امي تطبخ اصلا00الطباخه هي اللي تسوي كل شي
نوف انصدمت0000
مشعل- تدرين شلون هاتيه00 انا جوعان00 ويجلس على الكرسي
نوف انقهرت00 كل اللي سوته ياكله هو لا
نوف- ماعليه انا بقولها00اني اللي سويته
مشعل- عشان تقلعلك من هالبيت00 اقولك هي محرصه على الجميع
ماتحب الا الطباخه هي اللي تسويه
نوف- وليش الشغاله
مشعل - لان امي تسوي ريجيم00 والطباخه هي اللي تعرف لا اكلها
نوف تحطمت00 وهااللي مسويته كله00 وين يروح
مشعل- هاتي فطورك00 خلينا نذوقه
نوف – اففففففف \وصكتت\
مشعل يناظرها - وش فيه00 عشان تتاففين
نوف بدون صوت00 نزلت جميع اللي جهزته قدامه
ومشعل مط عيونه00 وش هالاكل هذي ولو بوفيه فطور00على غفله
مشعل- ليه مسويه كل هذا
نوف - عشان عمتي وعمي وبس
مشعل – وليه هالبس00 الباقين مو مالين عينك
نوف اصكتت00 عرفت انها غلطت
مشعل يناظرالعصيده - وش هذي
نوف - عصيده00 ولاماتعرف بعد
مشعل - وش دخل العصيده بالفطور
نوف- مسويتها عشان عمي وعمتي
مشعل- وكيف تعرفين00 هالعصيده
نوف مقهوره منه لهدرجه مو ماليه عينه - كنت اسويها لجدتي ولام سعود وام صالح وللحريم الكبار00
مشعل - وعشان كنتي تسوينها00لعجز الحاره00 تقومين تسوينها لابوي وامي00 وش شايفتهم00
نوف استغربت وقاحته - انت انسان وقح00 وماعندك اسلوب
مشعل عصب منها وثار- اقول يالقرويه00 مابقى غيرك يعلمني الاسلوب00 وبعدين انتي شوهاه00 على شنو شايفه عمرك00 من زينك عاد
نوف دمعت00 ولفت وجهها عنه بتطلع
مشعل- وقفي ماخلصت كلامي \نوف وقفت وخلت وجهها للباب\
مشعل يكمل - اسمعي00 مره ثانيه00 اذا تكلمت00 ماتعطيني ظهرك00 فاهمه
نوف - اعترف ولد العم00 اني غلطت عليك00 ومكان المفروض اتمادى معك\هنا صوتها تغير من البكي\00 مشعل هزته كلمت ولد العم0000000
نوف وتمسح دموعها وتكمل- انا اسفه00 وطلبتك خلني بحالي
مشعل – كيف بخليك بحالك00 ومصيرنا بينربط ابعض
نوف انصدمت00 الا 00انذهلت 00وش جالس يقول00
مشعل يكمل - خلال هاليومين00 ابوي بيفاتحك بامر زواجي منك00 ابي منك ترفضين يكون احسن فاهمه \ وطلع وخلاها\00
نوف لحد الحين ماستوعبت00 شو جالس يقول بسرعه لحقته00
في الدرج >>>>>>>>
نوف- وقفففففففففف
مشعل وقف - وش تبين
نوف – من لعب عليك00 وقال ابيك00 انت اكرهه انسان وجاهته00 ومستحيل اخذك00 مستحيييييييييييييييييييييييييييل \وهي تبكي\ طلعت الدرج بسرعه00
مشعل- ومن قال الك اني ابيك بعد من قال00
وصدى هالكلمه ترج باذنها
00
الجزء الثآلث
نوف مصدومه00 ومو متقبله اللي سمعته ابد00حبست عمرها بالغرفه 00ولاطلعت
وهي تحس بالقهر والظلم واللي كانت متخيله انها عايشه عند جدتها في ظلم
طلع طعم الظلم ولونه غير غير غير
مشعل لحد الحين 00في مواجهاته مع ابوه
امه صكتت ولادخلت باي شي 00ومشعل مقهور منها
بعد مرور اسبوع من اللي صار
في مجلس بوطلال \سالم\
عبدالعزيز- وش رايك ياخالي
سالم في باله اللي كنت خايف منه وصار صار يا مشيعل وهذي دلال ارسلت ولدها بعد ماعرفت باللي صار
عبدالعزيز - مارديت علي ياخالي
سالم - والله ياولدي البنت مالها الا ولد عمها ومشعل طلبها مني وزواجهم بتسمع عنه قريب
عبدالعزيز- الله يوفقهم ياخالي انا والله كنت بسترعليها ومدامها بتروح لمشعل والنعم ووالله يوفقهم
طلع من عند خاله وركب سيارته
جلس يدمع – سامحيني ياأمل سامحيني بس هذي وصيتك وخلآص اللي امرتي
فيه وسويته عقب هذا مابينجبر قلبي على جنس حوآء غيرك نفذت الوصيه اللي
طلبتيها والحمدالله الرد وسمعته .. يعني مافي رقبتي شي لك عقب ماراح
اقابلك .. مسح دموعه ( وتوجهه على شركته ) عقب ما الكل وقف قلبه
من بس مرور هالآنسان بجانبهم هيبته تخوفهم الا يجزمون ماقابلوا مثل هالانسان
وهيبته ابد ..
في غرفة نوف .. ماحد بيمها ابد .. كانت تبكي وتقطع قلب اللي يشوفها .. وهالوقت بذات احتاجت والديها( ليه يايمه ليه يايبه تركتوني من لي بعدكم كلهم مايحبوني محد يحبني الوحيده اللي عقبكم كنت متأكده تحبني جدتي وراحت وراكم )
( قبل13 سنه )
نوره : صالح وينك انا ونوف بنركب السياره
صالح – ثواني يانوره بقفل الباب الثاني واجيكم
في السياره
نوف – امايه يعني انا بشوف السعوديه واشوف مكه وجده وعمو
نوره – هيه فديتج بتشوفين كل اللي قلتي عليهم
نوف – انتي يااميه شفتي السعوديه
نوره – هيه حبيبتي يوم كنت بعمرج رحت ويا امايه وخالج وابويه واستانست وايد وياابويه واميه الله يرحمهم
نوف – يعني شنو الله يرحمهم اميه
نوره – يعني خلاص هم راحوا عند ربي ياحبيبتي ( ومسحت دمعه سقطت غصب
عنها)
ونفس هالدمعه سقطت من نوف ومسحتها – الله يرحمك يايمه انتي وابوي
الله يرحمكم يارب
بدريه عرفت ان نوف سوت الفطور .. وعرفت انها قالت عشان اريح عمتي بدريه كبرت هالبنت في عينها كثير
عمر لانوره ولاريم ولاحتى بنتها .. حبوا يسون شي لخاطرها .. بس في يوم شافت فيه بدريه من نوف .. اللي مشافته من اي احد ثاني
عند سالم تمسك بقرار زواجهم اكثر واكثر خصوصا بعد خطبة عبدالعزيز
اتجهه على جناح نوف
يطق الباب ونوف تمسح دموعها – من
سالم – انا عمك افتحي الباب
نوف عرفت انه بيكلمها عن مشعل افتحت الباب
نوف ابتسمت – حياك عمي
سالم يدخل ويناظر بنت اخوه اللي فتنه تمشي بالارض
سالم يجلس - تعالي اجلسي يابنتي \بكذب يكلمها مسوي نفسه طيب\نوف اجلست
سالم - اسمعي يابنتي كل بنت لازم تعيش حياه جديده وتتغير حياتها الطفوليه بااختصار يابنتي جاك معرس وطلب يدك مني
نوف صكتت
سالم يكمل -ماراح يابنتي القالك عريس مثله هاه وش قلتي
نوف-عمي انا توني صغيره
سالم يضحك -هههههههههه كل بنت صغيره تكبروانا بسترعليك انا ماخترت لك الا اللي يلوق لك\كله تمثيل\
نوف تناظرعمها
سالم- ماتبين تعرفينه
نوف اصكتت
سالم - مشعل ولدي يبيك يابنتي وش قلتي
نوف - بس اللي اعرفه ياعمي ان مشعل مايبيني ولا انا ابيه
سالم عصب ووقف - ومين اللي قالك هالحكي
نوف خافت
سالم - مشعل هاه
نوف صاكته
سالم - تكلمي هو مشعل
نوف بخوف - ايه
سالم - يكون بعلمك انتي وياه انتي لمشعل ومشعل لك فاااااااااااااااااااااااااااااااهمه\هنا بين وجهه\وطلع وخلاها تواجه اللي سمعته منه
( قبل 25 سنه )
ام سالم – يايمه ياصالح خلاص وانت وش همك منه اخوك مسافر ومعرس وعنده ثلاثه عيال بعد
صالح – يايمه انا مخنوق مخنوق مخنوق ( يبوس يد أمه ) يايمه حتى وهو هناك
مو مخليني في حالي مكلم الضابط عني يقول افصله فنشه ومدبريلي مكيده خلت
المسؤول اللي يمدحني يتذمر مني
ام سالم بعاطفة الام – لا هذا اخوك مايسويه انت تكذب ياصويلح
صالح بيأس – يايمه انا ماكذبت وعشانه اخوي انا مو جالس بهالديره ابد ماابي يصير بيني وبينه مقاتل ومذابح
ام سالم – تهبى وين تبي تقب انت ووجهك
صالح – بروح يم جارنا بوسعود في الأمارات اخر مره قابلني يقول لاتجلس
بهالديره هناك الخير كاثر ويعطون جنسيات للكفأه ومثلك بيأخذ الجنسيه بسرعه
بيكلم واحد من الشيوخ يعطيني الجنسيه
ام سالم – يويل قلبتس ياام صويلح اوبك انت بعقلك
صالح – هذا اخر حل يايمه بروح يوم كل شي قفله اخوي في وجهي من يوم
اخذ بنت سرور الضاحي وهو نافش ريشه ومسيطر على كل اللي اتعامل معهم
ام سالم – والله ياولد بطني ان رحت مارضى عليك ابد
صالح ( يخم يد أمه = يعني يمسك ) ويبكي – لا لا لا يايمه تكفين يايمه تكفين خليني
اروح ماقدر اجلس انا واحدن عايف عايف عايف الدنيا هنيا مااقدر اجلس ابد
ام سالم وهي ( تخمه ) وتبكي – قم قم جعلني مااذوق حرك في كبدي مااقدر اسد طريقك بس اعرف اني مااني راضيتن على هالروحه ابد
عند مشعل بالاستراحه
صكرالجوال وهو معصب
حمود- مين
مشعل-ابوي يقول تعال يبيني اجيه بمكتبه في البيت هه انا هارب من البيت بيردني له
حمود- مشعل استهدئ بالله صارلك اسبوع مارحت بيتكم .. ولاكلمت عمتي ولو مو انا اللي طمنتها عنك .. كان الله يعلم بمصيرها .. هالحين روح ولا تطول .. انا بنتظرك
مشعل( بعصبيه ) ماسك بلوزته ويبي يشقها- تعبت والله تعبت انا مو بنت يغصبوني اخذها لا والمشكله امي
صكتت ماتبي تكلم ابوي هي تقدرتمنع ابوي انه مايخليني اخذها
حمود- تدري الله يصبرك بس يمكن كل اللي يصيرلك خيره
مشعل- ولاعاد عليها لسان وش طوله
حمود يضحك - صدق مايقدر عليك غيرها ههههههههههههههههههه
مشعل – تتطنز ويا وجهك
حمود يضحك – العفو بومشاعل
عند بيت الوزير
عبدالعزيز – وهذا اللي صار يمه
دلال- شنهو خاطب بنت الساحره اللي سحرت خالك وجرجرته الها وبعدته عن امه واخوانه وديرته وتوك تجي تخابرني
عبدالعزيز - اطمنك يمه لاتعورين راسك وتعوريني البنت طلعت مخطوبه لمشعل
دلال بصدمه - وش هووووووووووووووووو
عبدالعزيز - هذا اللي سمعتيه
دلال - يويل حالي من صدقك تتكلم
ساره اللي بالصدفه سمعتهم\اغمي عليها وطاحت عندالباب\
في بيت سالم
مشعل يصك باب الصاله باقوى ماعنده .. خلا البيت يرتج
بدريه بخوف - مشعل وشفييييييييك يمه
مشعل مطنشها ومتوجه لمكتب ابوه
بدريه بعصبيه وقفته - مشععععععععععععععععععععل
مشعل ابرود يوقف ويلتفت عليها\ويلف راسه\- يعني وش تبين -
بدريه - ليش معصب وصاك الباب كذا
مشعل - هه-وبسخريه - خربت مودك مدام بدريه سوري ام فري سوري (وكأنه يكلم نفسه ) هي جت على الباب بس
بدريه وترفع حاجب - طيب ياولد سالم روح شوف ابوك وعدل مودك
لف وجهه بيمشي
بدريه ( وبقوه ) - يكون بعلمك هالحين بذات مصممه اكثر عشان تاخذها وحتى
لو رفض ابوك ..
مشعل شد بقبضة ايده ومشى متوجهه للمكتب وهو عارف اساليب
امه
يفتح باب المكتب بقوه على ابوه
سالم على الابتوب .. ناظر ولده ونزل نظارته – تعال ادخل
مشعل يقرب ويجلس على الكرسي ( ويحط رجل على رجل ) وهو صاكت
سالم وهو وبدريه ..عارفين مضبوط التعامل مع مشعل ..انه مايمشي الا بالامر
سالم- اسمع ملكتك اليوم .. والعرس بعد شهر.. ومختصر
مشعل بسرعه لف وجهه على ابوه- وش هوووووووو\وبسرعه وقف\
سالم ويحط رجل برجل - اللي سمعته
مشعل وبرجا- يبه دخيلك تكفى دخيلك .. ماابيها .. لاتغصبون النفس فوق طاقتها ماتنجبر روح على روح
سالم وبعصبيه - عيب ثمن الكلمه .. انت بنت ياللي ماتستحي على وجهك وبعدين ناظر كم عمرك دخلت الثمانيه والعشرين ... كيف تقول لا تغصبون النفس .. تراها بنت عمك يالكلب
مشعل- انا مابيها .. قلت لكم ماابي وحده قرويه متخلفه .. انا بختار بنفسي
سالم بعصبيه - وانا قلت لاتختار.. خذ اللي تبي .. بس بعد ماتأخذ نوف
مشعل- نوف نوف نوف\وبعصبيه\غثيتوني بها النوف
سالم-اسمع يامشعل هي كلمه ومابثنيها اليوم ملكتك .. والعرس بعد شهر ولا والله
واللي وضع هالرقبه على هالكتف \وياشرعلى كتفه\ماتطول ريال ولاحتى من امك
مشعل دز الكرسي وطاح ...... وسالم يناظر فيه مذهول
مشعل- تامر امر بوطلال ابشر.. ماطلبت شي .. اخذها ليه ماخذها .. بس يكون بعلمك
\وبهدؤ يفوق الناراللي يحس ابها\ذنبها برقبتك - طلع وخلا ابوه مصدوم من اللي سمعه وسواه
طلع معصب من البيت وبدريه تناظر فيه وتشرب الكوفي حقها بهدؤ
ريم- خالتي وش فيه مشعل طالع معصب كذا
بدريه- خليه يتدلع شوي
عند نوف
وينك يالموووووووووت وينك خذني مع اللي مني خذيتهم صار عمري تسع طعش سنه وهم بعيد عني بعيد ماشفتوني فيها كيف كبرت وكيف صرت وكيف هالحين انهان انهان ( ثلاث طعش سنه ) رحتوا فيها عني وياليتك يالموت محيتني معهم ياليت ياليت
- وتمسح دمعتها-الله يسامحكم يايبه انت وامي ياليتكم
ابد ماجبتوني ياليت بس عهد علي طال الزمن ولا قصر لعيش مثل الحي الميت اللي يقتل الحياه في داخله وانا من هالحين ( انا ميته ... انا ميته ... ) \وهي ماتدري شنو مخبي لهالقدر\
( قبل 13 سنه )
في السياره
صالح – هاه يانوف مبسوطه بتشوفين جدتك وعمتك دلال وعمك سالم وعيال عمك
وهم سمعت ان عندك بنت عم حلوه مثلك
نوف – شو اسمها
صالح – دنيا
نوف – ابويه يستوي تصير ربيعتي
صالح – ايه حبيبتي يستوي تصير ربيعتج
نوره – ويستوي تحبن بعض وتصيرن رباعه وتسيرين لها متى مابغيتي
في المستشفى
الدكتور يطلع لهم دلال وعبدالعزيز – بشر يادكتور ان شاءالله خير
الدكتور- ابد انهيار عصبي هي سامعه شي يغثها
دلال تبكي على بنتها وحظ بنتها وهي عارفه ليه طاحت
عبدالعزيز - ماندري يادكتور
الدكتور- خلوها عندنا يومين وبعدين اشوف اذا تحسنت كتبت لها خروج
في الليل
يكتبون الكتاب
الشيخ- وينهي البنت بنسمع رايها
سالم - ياشيخ البنت موافقه اكتب وخلصنا\وهو لحد الحين مو مصدق ان مشعل قدامه وهادئ\
مشعل هدؤه لا يضاهيه هدوء .. الكل مستغرب هالهدؤ .. يناظراخوانه الشهود على زواجه (ويبتسم بسخريه ) ابوهم قادرعلى كل عياله .. محد يرفضله طلب .. وحتى امه مو خوف .. لا على قدر فرض شخصيه ..يمكن يكون هو الوحيد بين اخوانه اللي يقدر يوقف في وجهه ابوه .. وحتى انه يفرض اللي يبي .. وهذا اللي سبب نفور ابوه منه .. ويعصب عليه بس تمرده خلفه امه اللي تهاب من النسمه عليه
تذكر انه راح يطلب طلال وراشد يقنعون ابوهم معه وهم رافضين كل الرفض
الشيخ - زين على بركة الله مين الشهود - واخوانه يقدمون بطقاتهم- والعريس
ومشعل وقف - وسبب صدمه للكل بوقوفه
عند المستشفى
والله ماخليهم يتهنون والله .. ولي خلق هالروح .. يخلون بنتي وهي في زهرة
شبابها جميله.. والكل ينتظر منها اشاره .. حتى يكسبون رضاها .. يكفي بس انها
بنت وزير \وهي تناظرحال بنتها ساره\
في غرفتها تبكي وتبكي 00وفي اخر دمعه 00خلاص الدموع اعلنت رحيلها
=وقفت 00اتوجهت على حمامي 00اللي يقبع بغرفتي 00اتوجهت على مرايتي
ناظرت بوجهي 00بقايا وجهه 00شفت عيوني 00فيها طيف شبح انثى 00تذكرت متى اخر مره من قلب ضحكت 00نسيت والله نسيت 00وفاة اعز ناسي 00ثم بعدي عن خالي00 ثم عن الوطن اللي احتواني 00وغربتي بديرتي00 ابيت جدتي بالعيشه المهينه 00شفت الشفقه 00بعيون اللي حولي 00بموتها00بغربتي 00عند عمي ومين هالعم00 ماعرفه 00غريب والله \ياقدر\مرمرتني 00صفقت فيني بكل باب شفت الموت00 شفت الالم 00شفت العذاب00 شفت الغربه 00شفت الشفقه 00وشفت اخيرا التعالي والغرور00وش باقي ياقدر00وش باقي يازمن 00امشي احس عمري بلا روح 00مالي أي هدف00 مسيره مو مخيره 00مين انت يامشعل ميييييييييين 00ابي افهمك مييييييييين
وليه انا بذات اكون الك 00ليه 00ليه 00لييييييييييييييييييييييييييه 00احسك حاجه مزيفه 00
>>>>>>> قريب بتعرفين يانوف مين مشعل 0000
في المجلس
مشعل – انا ابي اكلم البنت قبل
الشيخ – حقه خلوه يكلمها
سالم يناظر فيه بعصبيه – تعال برى ابيك
طلعوا برى
سالم مسكه مع يده .. واتوجهوا على المجلس الثاني
سالم – وش تبي فيها
مشعل- البنت مادرت ولا اخذت رايها
سالم – هه تطمن موافقه
مشعل بذهول – وش هووووووووو \صدمه اخر امل معلقه وذاب مثل الجليد\
سالم راح وخلاه
مشعل جمع قبضة يده بقوه عجيبه طيب يابنت صالح بتعرفين مشعل زين وساعتها بتندمين على انك بس فكرتي فيني
.
.
(الجزء الرابع )
بعد مرور يومين
ساره طلعت من المستشفى وهي بقايا ساره دائما سرحانه
دلال عجزت فيها وفي حبها لمشعل ولما شافت تمسك بنتها
بمشعل وعدتها طال الزمن ولاقصر مصير مشعل يلف يدور
ويرد الها
في القصر
دلال – ماعليك منهم يمه ولاتزعلين وتتعبين نفسك مرده لك يايمه
ساره – المشكله اني عيشت عمري في وهم قلت هو لي هو لي
دلال - وهو لك ياساره يايمه
ساره وقفت وبقوه – يمه انا ابيه لو آخر يوم بعمره حبي له ماحد يتصوره
وانتي عودتيني اللي ابيه تجيبينه لي شوفي كيف بتجيبين لي ولد اخوك
لاني بالطيب بالقوه ماراح اخذ غيره
( طلعت وخلت امها بدوآمه والقهر والغل يسيطرون عليها ماتوقعت ان
مشعل يأخذ حد غير ساره ابد )
مشعل خبر كل اللي حوله بأمر ملكته
الكل حوله يبارك وهو مغصوب بينهم بطيف ابتسامه
محمد- مشعل هونها وتهون يمكن تحبها
مشعل ويسخر من الكلمه - احبها
حمود - ايه تحبها سمعت بقصة ابوي وابوك جدي وجدك وش معنى انت بس اللي معارض
مشعل وقف وبعصبيه – لان ابوي وابوك وجدي وجدك ماانغصبوا ولاشافوا اللي شفته
خالد ويمسك يده ويجلسه - ليه وش شفت
مشعل تلعثم - هاه ايه لالا ماشفت شي بس انا ماابيها ولااحبها فهمتوا شو ابعاد هالكلمه ابي وحده تلوق الي والوق لها استاهلها وتستاهلني مو هذي
سعيد - صدق ماعندك سالفه الله مير باللي ترضى بنا
نواف يضحك - تكفى ياقيس المعذب مالوم بنت خالتك من زين وجهك
سعيد - ازين من وجهك يالفأر الاجرب
الكل طاح على بطنه ومعهم مشعل اللي بحركه صغيره منهم ضحك
في جده
خلود – والله ياحليلك يامشعل وآخيرا بتتزوج مابغى الدور والباقي على اخواني
خالد وعبدالعزيز
دلال – آآآآآآه اخذته بنت الساحره الله لايوفقها ام التطبب والسحور مثل آمها
شوفي شوفي مالها اسبوع الا ورسمت على الولد
خلود – يمه حرآم عليك صحيح مااعرفها ولاشفتها عند جدتي الله يرحمه
الا مرتين بس باين من شكلها انها مسكينه
دلال – المسكين انا وانتي هاذي مثل امها عقرب رمل
خلود – يمه حرآم عليك كيف عقرب رمل وانتي ماتعرفينها ولاقد شفتيها ابد
دلال تلعثمت – كفايه انها خذت صالح منا
خلود – حرآم عليك يايمه يكفي انك راسمه صوره شينه عنها عند جدتي وحطيتي
هالشي في راسها وزينتيه في عقلها الله يرحمها ماتت وهي مفتكره ان زوجة خالي
صالح مبعدته عنا قصد
دلال – ليه ياام العريف هي مابعدته عنا
خلود – حرآم عليك يايمه انتم ليه ماتتذكرون انه مات هو وياها ووهم جايين للسعوديه على الطريق
دلال وبعصبيه – لا تعالي اضربيني احسن مابقى غير انتي يابنت الآمس تعلميني
الصح من الغلط هآآآآآآآآآآآآآآآآآآآآه
قبل الزواج بيومين
نوف ومعها بدريه وريم بغرفتها ويورونها اغراضها نوف ابد مو معهم سرحانه
بدريه - نوف وين رحتي
نوف – هاه معكم عمتي بس ليش كلفتي على عمرك ماابي شي
بدريه- يشهد الله انك حسبة دنيا عندي وعيب هالكلام وبعدين هذا من مهرك والباقي بالبنك بحسابك
ريم – من قدك يانوف هذي خالتي بدريه مو اي كلام –وطلعت وخلتهم -
نوف في نفسها\فعلا مو اي كلام هي ليش تسوي معي كذا اهي ماحبتني يوم جيتهم
صحيح ما انكر ماقصرت معي بس ولو كيف صارت كذا طيبه قبل حتى ماطلت بوجههي لان خدامتهم صدمتني يوم تقول ان مدام تقول ماتبي تشوف وجهه انتي تحت \
بدريه تبتسم - اكيد تتسالين شنو سبب هالطيبه بس انا جمعني فيك شي مشترك غيرعن الكل انا وانتي نحمل اليتم نفسه بفقد الوالدين\وحطت يدها بيد نوف وابتسمت\
صحيح الي خوات من امي مو من ابوي وريم وحده من بنات خواتي يعني اكيد اني احسن منك على الاقل عندي خوات
نوف – صحيح انا سمعت من جدتي انك وحيدة ابوك
بدريه- ابوي ماحسسني بفقد امي لما طلقها سافرت انا وهو لاسبانيا واستقرينا هناك
8سنين بعدها رجعنا وعرف ابوي ان امي تزوجت وعندها بنات وهو اللي ظن انه رادع شان يردها له ماطولنا بالسعوديه ثلاث سنين وسافرنا واستقرابوي بامريكا
وهناك عاد تعرفت بعمك وتزوجنا ورديت معه انا وابوي للسعوديه جلس بعدها ابوي
عايش خمس سنين وتوفى الله يرحمه
نوف - الله يرحمه ويرحم ابوي وامي وجدتي
بدريه – امين \ومسكتهامع يدها\امشي عشان نجهز اغراضك
في الشركه
يناظر صورتها ويبتسم : والله العظيم وحشتيني وحشتيني وبالحيل ياأمل
يمسح على الصوره من خوف ان يدخلها غبار او حتى شي يحس انه حآجز
او عايق عن طمس ملآمحها المرسومه في عقله وخياله وقلبه قبل تنحط عينه
بهالصوره ...
طار بعقله قبل 7 سنوات
امل : هههههههههههههههههههه ههههههههههههه آآآه يابطني حرآم عليك
عزوز
عبدالعزيز: ههههههههههههههه تستاهلين ليه ماتخليني اخذ الصوره بالطريقه
اللي تعجبني
امل : بس عيب شوف كيف الناس تناظر
عبدالعزيز : واذا ناظروا يابابا حنا في آمريكا امريكا تدرين شن يعني آمريكا
امل : ولو انا استحي
عبدالعزيز – وانا زوجك من شنو تستحين
امل – العالم تناظرنا ياحبيبي
عبدالعزيز – آآآآآآآآآآآآآه من العالم طيب يا امول تحسبين هالشي بيردني عن اللي ابالي بااصورك بالطريقه اللي تعجبني ولاتتكلمين فآهمه
امل سوت عمرها خايفه – آآآآآآ ..... خ .... لاص استاذ عزوز
عبدالعزيز يضحك – كيف خايفه وعزوز ماتصيررررررررررر
امل تضحك – اخذك على قد عقلك شاسوي هههههههههههههههههههههه
طق الباب .. وطلعه من خيآلته .. وصورة امل اللي محفوره في عقله .. رفع رآسه وبسرعه خبى الصوره
بس اللي فتح الباب لاحظ آرتباكه ... وخوفه .. ومحآولة تخبيته للصوره
طلال – ماادري ليه معيش عمرك في عذاب وآلم
صك الدرج .. ونزل رآسه ... واكتساه الآلم والحزن – لانك ماعرفت امل
طلال – وخير ياطير.. الا وحده سعوديه ..عرفتها في امريكا .. صادفتها في شركتك اللي هناك ...عرفت آحوالها.. وان آهلها متبرين منها .. لان امها آمريكيه ...وابوها مات هناك ..
ساعدتها.. وتزوجتها .. من ورى آهلك ... وماخبرت حد منا.. لولا الصدفه ماعرفت
بزواجك .. وبعد كل هذا ومساعدتك لها شايل في قلبك .. ومعيش عمرك في حزن
وعايش حياه مدري كيف
عبدالعزيز وبحزن يعصر قلبه – لاني انا اللي قتلتها قتلتها قتلتها (وانهار وهو يبكي )
تحسـب اني بجي عنـدك حبيبي وانحـني لرضاكـ..!!
ورب الـكـون ذا بعدكـ ولايمكـن اسـويهـا...
أنا طبعي"عزيزالنفس" مهما دارت الأفلاكـ...
بمشـي نفسي بكيـفي أبد ما أحـد يمشيها
محبـه...ما ابي منـكـ محبـه لو تجـيبـ رضـاكـ...
ابلعنها وابلعن كل شخـص لي يطريها..
ليلة الزواج
نوف مثل الورقه .. كل من يسحبها .. يقول سوي كذا.. وسوي كذا .. وبدريه ماخلتها
معها معها
سالم كان معارض .. على انهم يسوون عرس بقصر.. وسووه في البيت عشان امه اللي توفت قريب ..
عند مشعل كان بالاستراحه ومعه حمود جالس
حمود- مشعل كافي والله العظيم كافي ناظر الساعه خمس العصر للي يشوفك وانت جالس كذا يقول هذا مو عرسه اليوم
مشعل- حمود خلني بحالي ارجوك اللي فيني كافيني
حمود - اول شي ناظر وجهي انا وانت لنا شهر بهالاستراحه ولا حلقنا بالله شوي ويحسبوني مهرب من ذا لعوارض اللي عششت فينا
مشعل ضحك
حمود - ايه اضحك وانا اخوك طنش تعش تكن دوما مفترش
مشعل رحم حمود – تدري حمود من دونك مااعرف اسوي شي شف ابناء الذين ماعليهم مني ويضحكون وماخذيني مطنزه
حمود – ااااااااااه ياحليلك ياحمود اجودي تصدق مخلي ام ضروس مع اخته المسكينه ومقابل خشتك
مشعل طاح على بطنه ضحك
حمود يوقف وبخبث - بس عاد نوف بتاخذ حقي منك \وحط رجله\
مشعل كشر- تخسى هذا اللي باقي
عند ساره تكلم اميره صاحبتها
اميره – اليوم بتحضرين العرس
ساره - شي اكيد بحضر وبطل على وجهه قبل لا يخش لوجه القرد عشان يتفل على وجهها ويجيني
اميره وساره – ههههه هههههههههههه ههههههههههههههههههههه
اميره وبحذر لانه تعرف مزاج ساره – ليه هي مو حلوه
ساره – قلعتها اكيد مو حلوه منين يجيها الحلآ وهي قرويه وتربية عجوز حتى
ابسط انواع الرفآهيه ماتعرف مثل الجوآل والتلفزيون
اميره – معقوله فيه حد بهالزمان مايعرف الجوآل والتلفزيون
ساره ( اللي تخرط من رآسها ) – ايه هالقرويه المعفنه
اميره – انتي شفتيها
ساره – ل اولاني متشرفه بشوفتها بس اليوم بروح عناد اجكرها وبخلي مشعل
يندم ويعض آصابعه انه فرط فيني
اميره بخوف وحذر – يمكن تكون حلوه لان مشاءالله البدويات او القرويات على
قمة بسآطتهم الا انهم حلوين وحلوين بالحيل بعد
ساره بقهر وغليآن – تخسي وتخسي أي حد تطلع آحلى مني بعد
اميره بخوف – صح صح تخسى تهبى آصلا ماقابلت عيني آحلى منك
ساره وبغرور وتعآلي – ولابتقآبلين آصلا احلى مني
خلصت منها الكوافيره بعد سلسلة تشرطات اصلا ماحد يحب تعاملها وغرورها مع الكل
دنيا-افففففففففففففففف ياشين شغلها توبه ان امسكت شعري
تدخل عليها نوره- دندون خلصتي \تناظرها\واااااااااااااااااااااااااااو فري نايس
دنيا - عيونك الواو حتى انتي تهبلين ياليتيني سمعت كلامك انتي وريم ورحت معكم هذي الغبيه رفعت ظغطي
نوره - شفتي قلت لك
دنيا- نوره كيف ساره ( – وبحذر- ) - كيف حالتها
ساره- هه ماعليك هذي سويره لاتخافين عليها لابغت الشي بطقة اصبع تجيبه
دنيا- قلتي لها انه مو بيدينا
نوره- ايه واحس بيني وبينك هالبنت داخله على طمع وامها ساحره دائم امي تعلمنا
وساره هي اللي بتوقفها عند حدها اللي مستغربه منه امك وريم معها وحتى خالي ويعاملونها يادهينه لاتنكتين
دنيا- هه زي ماقلتي ساحرتهم بس ساره هي اللي بتفوقهم على حقيقتها
الساعه عشر اعلنوا نزول ملكة الحفل اللي اهي العروس
وساره متقطعه تبي تشوفها
بدريه كانت مع نوف وتساعدها وماسكه ايدها
اما عند مشعل يحس الكل يباركله بجنازته مو جوازته اكثر شخص فرحان كان ابوه
وهو سرحان فيه – وقف ابوه ومشى الى عنده ووققفه
سالم يساسره – يالله بيزفونك ياعريس ولاتنسى اللي وصيتك عليه
مشعل تضايق اكثر واكثر
وصلوا عند الزفه
بدريه تهلي فيهم وترحب سلم سالم على نوف وطلع
اما عند مشعل مكشر ولا حتى ناظر بنوف لو لمحه بدريه بهمس - مشعل لا تفضحنا
مشعل مطنش ولا كأنه يسمعها
اما بدريه لما سمعت الهمس وقفتهم عشان يطلعون فوق
مشعل مشى وبدريه ماسكته وماسكه نوف تحاول تخلي بينهم توازن
دخلوا الصاله وخلتهم يجلسون ونادت المصوره
المصوره مبهوره بنوف كثيرررررررررر مره طالعه نايس وجميله جدآ جدآ جدآ بما ان عيونها بحر يغرق الشخص لما يناظرها ورموش من الله كثيفه الكوافيره ماعمقت مكياج العيون يكفي الجمال اللي من الله بس حطت لها الروج وردي فاقع والبلاشر وردي خفيف
شعرها حطته بف كبير وخصل خفيفه ولافتهم والشعر الباقي منزله خصل كثيره والباقي لمته على خفيف ونافختهم
المصوره- بسم الهي مشالله حارسك وصاينك
مشعل بعصبيه – وهذي وش تبي بعد
بدريه- مشيعل اصكت
مشعل –اففففففففف –وصكت- وبدت تلتقط لهم صور اقرب من الخيال وكل واحد فيهم ماد البوز شيرين
المصوره خلاص عصبت منهم- اسمع انت وهي ابتسموا افردوا وجهكوا خلوا الصوره تطلع احلا
مشعل عصب ولف وجهه ونوف كذلك
المصوره- ايه فيه ايه يابني مالك دي مراتك مش من الشارع جوزكوا
مشعل ومايسمعه الا نوف - بنت الشارع احسن منها
نوف انصدمت ودمعتها بطرف محجرها
مشعل - خلاص انا وراي سفر مو فاضيلك
المصوره عصبت – حرام عليك دانت ايه حيطه مابتحسش كل الكمال دا وما بتحسش فيك ايه وربنا خساره فيك البنت اللي زي القمر دي دنت تستاهل عفريته
مشعل مط عيونه من لسان هالمصريه
نوف \احسن تستاهل ينصر دينك وربنا اخذتلي حقي منك احب حسني مبارك وشعب مصر كلهم الجدعانين اللي انتي منهم
مشعل- العفريت انتي ياام عفريت صدق مصريه
ادددددددددود وو وادووووووودوا عليك لسان يبيله قص
المصوره عصبت راحت وخلتهم تنادي على بدريه
اااه ايدي لفيت ايدي لقيته ساحبني على فوق
بدريه بسرعه - وين وين مشعل
مشعل - انا وراي طياره بعد ساعتين وهالمصريه ارجع واعرف كيف احاسبها واربيها
بدريه – بس \اختفوا وخلوها\
دزني داخل الغرفه وصك الباب وقفله
خفت ورب البيت خفت ليش يطالعني كذا\يطالع نوف ونوف تطالعه\
رفع يده وسطرني ذاك الكف مابقولكم كيف مابيكم ولااتمنى تذوقون زيه
مشعل بعنجمهيه - هذابسبب طول ايدك \وسطرني كف ثاني اقوى عن اللي قبل لدرجة ان رقبتي لفت\ وهذا عن طول لسانك
رفع رقبتي ودز جسمي لين لصقني بالجدار حسيت ان اصابعه في بلعومي
مشعل وشاد على شفته - مو مشعل اللي انخلقت من تمد ايدها عليه
بنكسار نزلت عيني ايه بانكسار
عند بدريه معصبه على مشعل والحركات الهمجيه اللي سواها عند الحريم مابتنساه له
ريم تهمس - خالتي مشعل فضحنا
بدريه- انا مالي وجهه انا طالعه اتفاهم معه شوفي بس وش بينكتب عنا ناظري الصحفيات وش كثرهن انا بدريه بنت سرور الضآحي يعرضني لموقف مثل كذا
عند الرجآل بمجلسهم
راشد يهمس لطلآل – اخوك فضحنا
طلآل – اقسم بالله عيوني منزلهم بسبب حركآته العوجآ والمآيله مصدق عمره
مشيعل ليه مو حرآم عليه ليه مايبيه تراها بنت عمه
رآشد – مسكينه بنت العم ماحطها نصيبها غير في المغرور واللي العآلم عنده مايسوون ريال
طلآل – مدري ليه ابوي مصمم على عرسه منها بهالطريقه كان خلاها تشوف
نصيبها مع حد ثآني يحترمها
رآشد – المشكله ما احد عطانا علم بين ابوي مصمم وامي ساكته واحس ورآهم
شي بس عيا ليعلمني مشيعل سده قوي اخوك
طلآل – مدري واللي مقهور منه ياليت عبدالعزيز اخذها احسن من اخوك لان
عبدالعزيز مو بضآيمها ورجال فيه خير بس اخوك هه الله يعين بس
اخيرا فك ايده يهبى من خير انت وعنجهيتك جلست اكح شفته توجهه على غرفته وصك الباب باقوى ماعنده اااااااااه خدي يالمني وربي احسه \وهي تلمسه\صار زي البلونه ..ابي ابكي .. ابكي بس لا مراح ابكي .. ماابيه يحس بضعفي انا قلت بعيش مثل الآموات ........ مثل الآموات
اتسندت على الجدار وجلست لعنت حظي والساعه اللي جمعتني فيه سمعت الباب يطق
لحظه يعني بيطلع ومسكت خدي
غمضت عيني من فتحته لباب غرفته ناظر فيني وانا مااقدر ارفع عيني وقفت على حيلي لما عرفت معنى نظرته
توجهه على الباب وفتحه طلعت امه
بدريه بعصبيه - شو الحركه الغبيه اللي سويتها تحت
مشعل- يمه تراي تعباااااااان ودايخ بعدين اتفاهم معك
بدريه - اسمعني مشيعل هالحين بصكت بسبب الضيوف اللي عندنا تحت بس بعدين اعرف كيف اتفاهم معك\راحت وخلتهم معصبه\
صك الباب بقوه مسكين هالباب يصبره
ناظر فيني يووووووووه وش يبي يسوي .. بعد من لخوف قمت ازحف على الجدار قرب مني ومسكني مع رقبتي .. وحط اصبعه بين عيوني .. وانا من الخوف صرت كني ارقص ..
مشعل بعصبيه – لو بس اسمع اسمع سمعتي انك مخبره أي احد باللي صار ابن امه يعرف طريقك وين فاااااااااااااااااااااااهمه
انا من الرجفه ... قمت ارفع رقبتي وانزلها.. اسوي تمارين رياضيه ... واعرف انكت ياحليلي في ظروفي الورديه اااقصد الرديه .... فكني .. ودزني .. لين طحت على ركبي ... ياجعلني اشوفك تركع في جهنم الحمراء ...حسبي الله على ذا لوجهه اللي مايبشر ابد بخير ... طلع وخلاني ... فكه جعلني معاد اشوف وجههك اللي كنه قوطي ( وضحكت بخفاء )
تلفت .. يمين .. ويسار.. اشوف ليكون هنا وانا مدري .. مسكت فمي وانحشت للغرفه وقفلتها ليرجعلي مرة اخرى
تحت المعازيم بدوا ينصرفون واحد ورى الثاني وبدريه من القهر تغلي من الموقف البايخ اللي صار لها
ساره تهمس في اذن امها- شوفي وجهه بدريه هههههههه
دلال- احسن يستاهلون الفيلم اللي سواه فيهم
ساره وبأعتراف صريح – بس بنت الكلبه حلوه يمه
دلآل وبقهر – بس انتي آحلى منها
ساره بغرور وتكذب روحها – اكيد انا احلى اللي ماعندهم نظر
رجع للغرفه وصك الباب بقوه
بسرعه لبست هالبلوزه .. يجعلها للدمار... اكيد بيجي ..اكيد دورت هالعباة ..علهاللنفاد.. وينهي .. وينهي .. تذكرت ان عمتي مخبرتني عن محلها.. اييييييييه بس طلعت بها اركض ... لتصير اصابات ثانيه
فتحت الباب .. مير ليتيني مافتحته .. يوم شافني ... وقف وجاء يمي ..اااااااااااه يويلي ... ويلاه ... ياستار استر ... دزني برى ... ودخل الغرفه ... وصكر الباب بقوه
انا تراني نقزت .. انا اليوم المفروض يعطوني جوائز اسوي تمارين رياضيه على حركات بهلوانيه ... على اللي ماايعطي يتفرج
مير احسن اللي انقلع خلني اصكر سحاب هالبنطلون ...اللي من الخرعه مصكيته
جلست تضبط بعمرها شوي
الا ينفتح الباب .. مير اشوى هالمره رحمه ... مطخ هالمسكين ...\طرخ بالباب بقوه وناظرها\وهي ماهي بيمه تفكر بالباب \
اااااااه ياضعفي انا وياك ياهالباب ... ياقونا مير قواه كيف صارت هاذي كيف جت مدري
ااااااااه يايدي .. رفعت راسي ... وماسكني لالالالالالالالالالالا يا توبتي التوبه مير التوبه
مشعل- اسمعي زي مافهمتك فاهمه
انا مير بهمس – ايه
جرني جروا يده للصلاخ .. وطلعني من الجناح الملكي ... مير امحق ملكي .. الا بيزنطي .. وطلعت مني ضحكه متمرده وسمعها
مشعل - الاخت مبسوطه عشاني ماسكهها يا ماما تبيني اشيلك بعد هه مصدقه عمره ما الومك اخذه مشعل على سن ورمح ليه م اتنبسطين وترقصين بعد
فشلني الله يفشله .... مغرور وشايف عمره ... ومسكت هالفم اللي من الارتجاج اللي فيه قايم يخرط الاولي والتالي
يوم وصلنا تحت صوت على الخدم ينزلون الشناط
يامير الله حي هالطله يوم جت عمتي بدريه ورحمتني من شكله وهي زعلانه من مشعل
جتني وضمتني وانا ابدن مصدقت قمت ابكي وبكيتها معي
بدريه - انتبهي لنفسك يانوف
نوف تمسح دموعها - ان شالله عمتي
مشعل يقرب منها- يمه زعلانه علي
بدريه لفت وجهها وهو مسك يدها وباسها - والله ماروح من هنا الا وانتي راضية علي
ياحليله والله اثرن عنده مشاعر ورحوم
مير جتني مصيبة ثانيه والله ليحيها من مصيبه
دلال- مشعل بتروح يمه \وهي حاطتني اعبروا الاشاره\
مشعل- ايه ويسلم عليها
دخلت دنيا وسلمت على مشعل وطنشة نوف
بدريه شافت الموقف- دنياااااا ونوف
قربت من نوف وبغصب سلمت عليها
ساره اللي برى لازم تستغل هالموقف طلت عليهم وماسوت نفسها انها درت الالما مشعل طالع فيها-اللي بسرعه لف وجهه-
ساره طلعت وهي مسويه نفسها ميته خجل
دلال تهمس لمشعل وهي رافعه صوتها - لو منتظر بس شوي زوجتك اللي احلا منها-تقصد نوف- ونوف لفت وجهها عنهم بعد ماسمتها
دلال بصراحه- مااحد مستاهل ساره غيرك\لاهالشي ماينصكت عنه ابد مو حبن في وجهه بس وين كرامتي بس ردتلي كرامتي عمتي بدريه اول مره اشوف وحده تعرض بنتها لرجل بها لصوره
بدريه- ليه يادلال نوف وش فيها الجمال اليوسفي فيها وبعدين تراك اخرتيهم عن طيارتهم
تدرون دمعت مو لشي بس حسيت ان امي قدامي
مشعل قرب من امه وباس يدها- يمه راضيه علي
بدريه ومدمعه عيونها- راضية عنك دنيا واخره وتوصلون بالسلامه
في المطارالملك خالد
اففففففففف طفشت لاطعني هنا كني حمار مربطها لي ساعه ونص هالحين وانا انتظره
فوق هالكرسي اللي اوجعني وفوق هذا بموت من الخوف ومن النوم والجوع افففففففف
ابتسمت لما ذكرت الهنوف يوم تقول نوف والله اني لو اجلس بس ربع ساعه في ذا لكرسي حق الصف كنهم قاصبيني ومسويني لحم تصدير للفلبين
ضحكت منها وليه الفلبين قالت مااااش يحسبوني ذبيحة نجديه هههههههههههههه
خس لله بليسك يالهنوف وش عرف الفلبين بالذبيحه النجديه
وقف عند وجههي وقمت ارجف من هذا الي وقف بس صحاني صوته من الخوف
مشعل- تحركي يالله نادوا على الطياره
وليه يقولها وكنه مهبووووول مالت على وجهك
لحظه اناب ركب معه انا مانكر اني ركبت طياره يوم ازور خالي بالامارات بس انفرد معه ... يويل راسك يانوف ... جاك الموت ... اكيد بيضرب فيني لين اعض التراب اااااااااااااااااه .... يادمار عمارك يانوف يابنت صالح ونوره
.
( الجزء الخامس )
عند قصر الوزير
عبدالله يطق الباب على عبدالعزيز- ممكن ادخل
عبدالعزيز - حيآك عبدالله
عبدالله يفتح الباب ويدخل - لايكون مشغول
عبدالعزيز اللي بمكتبه على الآبتوب نزل نظارته وناظره - لاتعال بس اراسل الشركه اللي في امريكا
وادزلهم بعض الآوراق المهمه
عبدالله يجلس على الكرسي - انا قدمت اوراقي وابشرك دزولي خطاب بقبولي
عبدالعزيز يبتسم - ماينخاف عليك شاطراكيد بيقبلونك بس ليه بالذات مصمم تدرس في امريكا مع ان لندن افضل للدرآسه
عبدالله يبتسم - ابي اروح اشوف الديره اللي سآحرتك وقضيت فيها اجمل سنين عمرك على قولتك
عبدالعزيز بألم وهو يخفي بصدره هم وجرح يتمنى يزيحه - انا مدري ليه معلقين انها ساحرتني وانا بس رايح
اقضي شغلي وابا شراسهمي في شركتي بس لا اكثر ولآ اقل
عبدالله - امممم آحاول اصدقك
عبدالعزيز يغصب نفسه بابتسامه - لازم تصدقني واذا مصدقتني مشكلتك
عبدالله - ممكن سؤال اذا مايضايقك ( عبدالله يحترم عبدالعزيز بشده بسبب هيبته مع ان عبدالعزيز يفرض عليهم الحوار لانه يبي يكون قريب من الكل )
عبدلعزيز - مع اني مو مرتاح للهجة سؤالك بس اتفضل
عبدالله - ليش خطبت نوف بنت خالي صالح مع ان امي تحآول تقنعك بالعرس اكثر من مره وانت رافض هالشي
عبدالعزيز - يمكن عشانها يتيمه وتعرفني في هالسالفه انت وانت اكثر حد قريب لي من اخواني حتى اقرب لي من اخوي خالد
عبدالله - بس كذا
عبدالعزيز - ايه بس كذا
عبدالله بعدم اقتناع - اوكيه انا بروح انام تأمرني شي
عبدالعزيز - ايه انت متى سفرك
عبدالله - الاسبوع الجآي ليش تسأل
عبدالعزيز وبصدمه لنفسه قبل عبدالله - لاني بسأفر معك
واااااااااااااااااااااااه وركبت هالطياره اللي هالحين بس خفت وارتجفت كيف اكون معه لوحدي ياربي صبرني
اكيد ماحسيت قبل شوي لاني غطيت على نفسي من خوفي بس هالحين احس اني كني هبله جارني معه غصب
بس لحظه ليش مشعل مااخذ ساره؟
00000 ليه بذات انا يعني عمي مو معقوله عنده مقولة البنت لولد عمها000
لانه دارس بامريكا ومتطور
رجعني للواقع - بعصبيه- طسي اجلسي هناك \يقصد عند الدريشه وجلست\
وجلس جنبي ... وهو منطقر مني ... احسن تحسب بموت عشانك ... هه بالعدال لاتطيح براطمك
من كثر ماتلفهم من الطنقره مني \وسرقت نظره بالغصب\
تدرون ماقدرت يوم شفته0000 لاف براطمه ههههههههه ههههههههه ااااااااه يابطني ااااااااااااه يامعدتي هههههههههههههه\ وانفلتت\ ابو يلعنها من ضحكه هههههههههه 000
مشعل بعصبيه- وش منه تضحكيييييييييين هاااااااااه - وعيونه حمراء-
قمت اطقطق باسناني من الخرعه - هاه لالالالالالالا ولاشي
مير مااااااااااش مابتاركني لين اعلمه -بتتكلمين ولاشلوووووووون
انابخوووووووف -اضحك من سالفة وحده من صديقاتي
هو بشك -ماادري مو خاشه مزاجي
احسن عساااااااااها ماتخشه من زين مخك المعشش
وقف على حيله 000000000000000000000000000000000000
اخيررررررررررابتنفس براحه ... بس وقف عند وجههي ... واناشاااااااااااااااده على شفايفي ,,,,,,,
تدرون ماقدر اناظر تحت 000 مابي اشوف وش اللي غرز برجليني 00 وقطع لحمها
غصب نزلت راسي000 من الآلم 000 وانا عرفت وش هو000 ووش منه هالدم
شفت طيف ابتسامه 00ولف وجهه وراح 000وخلاني في قمة اوجاااااااااااااااااعي
قمة اهانة النفس ... اللي يبي يشوفها .. بصورتها الصحيحه 00يجي يناظرني بذيك اللحظه وجزمته \تكرمون\السبورت المدببه فوق رجلي .. ااااااااااااااه عزت علي نفسي شفت المناديل .. وبسرعه قمت امسحهم0000
ااااااااااااااااه وبديت ابكي 00والقوه اللي صبرت نفسي فيها00تلاشت
جتني المضيفه 00وكن ربي ارسلها علي 00طلبت منها شاش وقطن ولصق جروح
المضيفه وشافت دموعي - من شو هيدا مدام
انا بضعف - ماادري \وطاحت معها سيل الدموع اللي افضحتني\ وكأن عدم المبالآه والضحك والطنآزه اللي اتخذتهم قناع .. طلعه من ورى خشمي وغصب عني
بسرعه جابتهم 00شكرتها بلطف وراحت 00طهرتهم وحطيت الشاش برجلي ولفيت عليهم وحطيت عليها الصق
بس الووووووووجع قطعني احس اني بمووووووووووت ياجعلك تمووووووووت قداااااااااااامي مية قطعه وقطعه
وايييييه اللي خبيته نزل000 دمووعي نزلت من الالم
حسيت فيه جلس جنبي00 ومسكت نفسي لان ممكن اخر انسان ابيه يحس بضعفي هاالهمجي اللي قدامي
في مكااااااااااان ثاني بالرياض تحديدا
دنيا-يمه مابتنامين
بدريه-الا هالحين طالعه بس بطمن على مشعل ونوف وبصعد انام
دنيا رجعت وجلست- يمه وش هالحب لهالقرويه
بدريه تناظرها بنص عين-دنياااااااا عيب تراها هالحين مرت اخوك يعني اعتدلي معها ومو عشان ساره تنسين نفسك فااااااهمه
دنيا- ليه وش دخل ساره هالحين
بدريه- ليه بتفهميني ان ساره ماتحب مشعل وان انتي واقفه مع ساره ضد نوف
ترى مايتخبى علي شي
دنيا-يمه تراكم بتندمون على هالنوف اللي زوجتوها مشعل وقولي دنيا قالت
\قامت وطلعت وخلت امها\
بدريه في بالها – ( هه ماتدرين مين اكثر حد متضرر من هالزواجه غير نوف المسكينه بس لا ياسالم انا اللي بوقف في وجهك وهالمسكينه مستحيل تخضعلك انت وولدك مو كفايه فلوس ابوي اخذتهم بس يكفي هذا مال يتيم وماابي لعنة هالمال يكون ولدي المتسبب فيها )
بدريه بقوه وهي توقف – لا يامشعل والف لا
جلس جنبي .. وانا ودي اصيح من الالم لالالا والله ماقدر\ووقفت على حيلها\
مشعل-وين
ماابي ارد عليه وكملت طريقي سحب يدي بقوه وطحت عليه – قمة الاحراج –
وخرعني معصب وانا وقفت معصبه الكل يناظرنا وانا انحرجت بالحيل وهو باين عليه الاحراج اكثر مني
مسك يدي بقوه – قلت لك وين
طفشت منه –ابي الحمام ممكن
بعصبيه-وليه ماتكلمتي يوم اسألك
نوف-هذاني تكلمت \فك يده\
دخلت الحمام ... غسلت وجهي من هالدموع ... وعدلت نفسي ... والالم كل شوي يزيد علي .....
الله لا يوفقه دنيا واخره ... وتذكرت شي .... وبسرعه طلعت .. على الله يخف الالم
صادفت المضيفه ... وطلبت منها بندول ومويه
المضيفه -حاضر مدام ...ارتاحي وانا اجيبها لعندك
مير ماااااااش ..وينها هالراحه ياهل الراحه ... تعبت والله تعبت ...وصلت لعند الوحش الكاسح .... هذا لقبه الجديد ... ويستاهل اخس عن كذا
جلست وما مداني اعتدل الاسمعته معصب
مشعل –ليه تااااااااااخرتي سنه بالحمام
حسبي الله عليك بس ثواني تقول سنه هذا ناوي يجلطني00 وصكت مارديت عليه خله ينطق
المضيفه –تفضلي مدام =وتمد الحبوب وكوب الماء=شكرتها وراحت
تحسبونه اهتم اوقال سلامات لا الاخ مصنطر يناظر هالجريده 00جعلك ماتهنى باللي
تشوفه
وربي سمع دعوتي 00لانهم اعلنوا عن مطبات هوائيه وربط الاحزمه لان الدقايق القادمه كلها كذالك
اناااااا من الريعه قمت ارتجف واتنافض00 شوفوا بس شوفوا ربط حزامه ولا حتى عبرني اوناظرني0 كني الكرسي جنبه
لف وجهه علي وناظرني بنص عين – ليه ماربطتي حزامك
اناصكت ماابي رحمته00 خذيت الحزام ووضعته علي بدون ماكلمه00 خله والله ليعرف منهي نوف
,,,,,,,
لالالالالالالا الطياره قامت تقلب بقوه00 وقمت استغفر عن الدعوه اللي دعيتها00 بدون شعور ضميت ايده احتمي انا وخوفي00 شفته صاكت ماتكلم00 اناظر وجهه بدون علامات00 والناس قاموا يصيحون من اللي يصيرلنا وزاد الرعب اكثر واكثر00لين انبيرالخوف وصل الف عندي00 وقمت ابكي وارتجف00 ويييين اللي تدعي عليه واللي ماتبي رحمته والله اني حطيت راسي فوق يده وغمضت عيوني00 والطياره زاد التقلب عندها قمت استغفر واتشهد انا ميته ميته لا محاله
وتذكرت يوم ادعي بصلاتي00 ان الله ياخذ روحي والحق اللي ماتوا وخلوني 00وكأن الله اجاب دعوتي00 عندها عرفت اني ماابي اموت واني اخاف منه
قبل ( 13 سنه )
نوف – اوفففف اميه متى نوصل
نوره – ان شاءالله بعد ساعه حبيبتي بنوصل
صالح – ليه مستعجله
نوف – ابي اشوف السعوديه
طاح الجوآل ونزل صالح رآسه
نوره – صالح انتبه صاااااااااااااااااااااااااااااااااالح
صالح رفع رآسه بس الموت كأن اسرع واقرب لكل جسد منهم
نوف – لاااااااااااااااااااااااااااااااااااااااا يبــــــــــــــــــــه يمــــــــــــــــه
رفعت راسي بخوف00 لما حسيت بهدؤ الطياره والناس00 وسحب الوحش ايده مني بقوه وكأنه تذكر ايدي وانقرف منها
عند طلآل ونوره
نوره – طلآل حرام عليك انا تعبانه ونفسيتي زفت وامك وبنت خآلتك كل شوي يتكلمون ومحد موقف في وجيههم وانت خبر خير ولاداري عن شي
طلآل بعصبيه – نورررررررره انا كم مره بستحمل هالغباء وهالحمق وهالعوابه
قلت لك هذي امي يعني امي تعرفين من تكون وربي لوتبيني امي احط رقبتي في الآرض وتدوس برجلها عليها مو مقصر واني لأحطها
نوره وبقهر – هه هذا وهي مسلمتك للخدم يومك صغير يربونك وبتسوي كذا لو مربيتك هي شابتسوي
طلال يمسكها بيدها بقوه – اسمعي يابنت محمد والله ثم والله لو فتحتي هالسيره
مره ثآنيه لاتستلمين ورقة طلآقك ( دزها على السرير وطلع )
في حي فقير من احياء الرياض
كانت تمسح درايش المجلس لان ابوها عازم رجال على الغداء
صباح : منال منالوه ووجع
منال : نعم نعم ياعمتي
صباح (زوجة ابوها) : وين اخوتس الحرامي
منال : اخوي مو حرامي ياعمتي
صباح : لا وتردديني بعد حمودوه الخايس وينه
منال : اصبحنا واصبح الملك لله ياعمتي حمود مو هن اطالع يجيب الذبيحه
وبيوديها للمطعم
صباح : هي وحده من الثنتين ياابوتس ياخوتس (وتناظرها من فوق لتحت)
لا انتي خابرتس مابااخذتها لانتس تعرفين وش عقابتس هذاك حمودوه اللي
متعبني
منال : عمتي حمود لا تظلمينه اما انتي وابوي مابينكم حساب
صباح :(وتمسكها مع شوشتها) يعني خابرة ابوتس اللي سارقني وماعلمتيني
منال وتصيح بين يديها: دخيلتس ياعمه فكيني واللي يعافيتس شوشتي قطعتيها
صباح : تستاهلين وراتس ماعلمتيني
منال: وش اسوي بابوي انا تبيني اهاوشه وانتي رايحة لاام سعد اخذهم مابيدي حيله
يصكر الباب يسمع الاصوات وبسرعه يركض ناحيتهم ويدز صباح
حمود : ابعدي عن اختي يمال الضعفه من عجوز
صباح: يمال الضعفه انت يالهايت
منال تبكي : حمود متهمتك بسرقة فلوسها ويوم دافعت عنك انت وابوي ضربتني
صباح : والله لاتدفع الثمن ياحمودوه (وراحت غرفتها تحلطم)
طول عمرها صباح تخاف من حمود بعكس غازي ابو حمود هو اللي يخاف منها
يطق باب الغرفه
بسرعه تمسح دموعها ماتبيه يتعذب وهو يشوفها بهالصوره ابد
منال – ادخل حمود
حمود يفتح الباب – مشغوله
منال تبتسم – لا تعال ادخل
حمود وهو شاك انها تبكي 00بس مايبي يكلمها 00ويزيد عليها00لان اخته حسآسه بالحيل 00 ومع أي سآلفه تقلبها دمعه وتبكي – شرايك اطلع انا وياك بعد غداء ابوي
منال – وصباح بتزعل وتقلب الدنيا علي
حمود – قلعه تقلعها وش علينا منها
منال – حمود انت بتمشيني بتوقف في وجهها يوم ولايومين و ترد لعادتك السهر
وتقوم صباح تكرفني
حمود – لاتخافين مشعل مسافر اللي يمرمطني بالسهر معه ولا تزوج بعد
منال تبتسم وهي حآسه بشوي جرح ماتنكر انها كانت تبي مشعل لانها لمحته كذا
مره جاي لهم في البيت وكان انسان محترم وغير انه جنتل وهآي وسيم بعد
منال – ومن اخذ
حمود – بنت عمه
منال – بنت عمه ليه عنده بنت عم ,,, وبعدين ليه تزوج بهالسرعه !
حمود اللي يخبر كل شي عنه ويسولف عند اخته لانها تطفش ودائم لوحدها
حمود – ايه عنده بنت عم كانت عايشه عند جدتهم اللي ودتيك انتي وصباح
تعزون عمتي بدريه في وفاتها
منال – ايه بس اول مره اسمع بسيرتهم ,, بس ليه تزوجوا بهالسرعه !
حمود واللي يحاول يضيع السآلفه مايبي مين ما كان يعرف بسآلفة مشعل
لان حمود مستحيل يعلم باآسرار مشعل – علشان عمي سالم مايبي البنت تجلس
عندهم وغير انها بنت عمه وهو آولى فيها وهي آولى فيه
منال بسعآده حقيقيه وغبطه للبنت اللي فازت بقلب مشعل الجنتل مان – الله يوفقهم
حمود – آمين يارب
بعد فتره عرفت اني بارض النمسا وتحديدا بـ فينا
وقفت انا وهو عند باب المطار يوم شاف صديقه يأشر يناديه
توجه اله وانا حمار القايله اسحب عمري وراه واللي قاهرني ومقطعني آلم وقهر انه حتى ولا التفت يشوفني وين يمكن انخطفت ولاصابني شي ... امحق ولد عم .. آآآآآآآخ تفو عليك ... سلم عليه00 بس عرفت من كلامهم انه الحارس حق فلتهم بالنمسا\ياسلام فله بالنمسا\
مازن- ازيك يامدام
نوف- بخير
مازن- عيشه بتنتظركم بالبيت
هو مقاطع- ليش مجت معك
مازن- تحضرلكم الفطور
شنهو الفطور واااااااااااااااااااااااااه بموت جووووووع00 وكأنه نبهني لجوعي
ركبنا وانا اناظر بهالطبيعه الخلابه وفي طريق البيت
عرفت ان الله عطاهم جنة الدنيا وياااااااارب نكون نحن من جنة هل الاخره
وصلنا هالفله اللي ارتجفت يوم شفتها انا بعيش مع الوحش هنا وبروحي كانت كبيره تقريبا وتركن بمنطقه تقريبا خاليه من البيوت وه ياحسرتي00 طلعت لنا اللي اسمها عيشه تهلي وترحب وكأن شي بنفسي اطمن لما شفتها تقريبا با اول الثلاثينات
يعني بتكون تفكيرها قريب لتفكيري
سلمت علي ومابخفي اطمنيت لها00 دخلت الفله وانبهرت وواجد عجبتني00
كل مافيها يعطيك شعور بالراحه
صآله اللي يمشي فيها يحس بفخآمه مناسبه جدآ مع الجو والحيآه في هالدوله
الجميله ( يالله من يصدق اني بعيش هنا على الآقل فتره )
ياربي ماابي احسد عمري ,,,, لفيت رآسي
شفت الاكل قدامي ومصدقت على الله ابي اهجم عليه 00بس وين وهالوحش قال بصوته الجهوري-0مانبي فطور شيليه فطرنا بالطياره ( هالحين مادريت عني من الصبح مادريت غير يوم جاء الآكل انا عارفه يبيني أموت
تكلم بروحك يالدقله انامااااااااكلت شكلي باابكي 00وهالملعونة الخيرماصدقت بس هين والله لانزل صبركم علي هو متفيزر مالي بطنه بالطياره00 وانااعابل برجلي اللي دعستها يالخايس شل شنطته وطلع فوق وقفت اناظره لما غاب عن عيني نقزت يوم سمعت عيشه – مدام وين شنطتك راح اطلعها فوق \خذتها اصلا وطلعت قبل لابدي رائي\ طلعت انا وياها فوق ودخلت الشنطه الغرفه
( من متى ياسلآم صرت مدآم ومن زين هاللي اخذته .... استغفرالله استغفرالله الحق ينقال هو زين .. بس حمآر ... والله لو يسمعني ليربطني برقبتي على شجرتهم
خرب علي جوي ومودي وونآستي ... سمعته يزاعق ويخانق ومعصب
مشعل- لاتدخلين هالشنطه وصاحبتها هنا خليها تطس لغرفه ثانيه طلعيهااااااااااااا برررررررى
مت غيض وقهر وخلاص مدام دعست على كرامتي انا بعد وتشوف لا ومصدق عمره اني بموت عليه .... كششششششششش مالت عليك بس اصبر مااني تربية جدتي ان صكت ...
دخلت عليه الغرفه00 بوسط ذهول منه ومن عايشه \وبصوت حاد\-اسمع انت يكون بعلمك حتى انا مااااااااااااابيك واكرهك وخذتك غصب عني \وابتسمت سخريه\وقلبي طبوووووول داعس ميتين00 وميته خوف منه - ومن الله جت منك لاني مستحيل اكون بغرفه مع وحش مثلك – جريت الشنطه منها وطلعت- واول غرفه صادفتني دخلت فيها وقفلت علي الباب00 ورحت للسرير ابكي وانا ميته قهر حتى اني نسيت الجوع واني انزل تحت عشان اكل ماصدقت ونمت
عند الشباب
سعيد يجلس – ماكلمكم مشعل
نواف – هيه ياشيخ انسآه هذا اخذ الحرمه ونساك ونسآني مصدق بيكلم وجهك
وش يبي فيك
سعيد – وهو اللي ادوخنا ماابي اتزوج ماابي اتزوج
خالد – مشعل غير عنا وانتم عارفين يمكن اكون انا ولد وزير بس قريب من اليتيم
والمسكين والضعيف بس مشعل يخاف من هالفئه مايحب اللي على قولته يكونون
ناقصين في الحيآه
حمود – حرآم عليكم ظلمتم مشعل انا كل اللي قلته ياخالد يتوفر فيني غير صفة الضعف والمسكنه مااحبه بس انا يتيم واحوالنا على قدنا بس الحمدالله مستورين
وفيه غيرنا يتمنى عيشتي وانا اكثر شخص فيكم قريب لمشعل
خالد – بس لاتنسى اول ماعرفك شاسوى
حمود يبتسم – مسكين حرآم عليكم طالع من الروضه ويبكي يبي صديقته الجوري
ههههههههههههههههههههه وانا لزقت فيه لزقه هههههههههههههههههه
محمد – هههههههههههههههههههه شكلها حلوه هالجوري
كلهم يضحكون
نوآف – عاد ذيك الآيام سنونك تروع الشكولآته لاعبه في حسبتك ومشعل مرتاع منك
في الليل
صحيت وناظرت00 مادري الساعه كم00 وتذكرت اني بالنمسا ما ابالغ لو قلت الجوع قطع مصاريني00 بسرعه تحممت0 ولبست بجامتي0 حتى ماشفت شكلها لاني مستعجله بنزل تحت00 ومع الدرج اعدي00 بلحق على نفسي لايغمى علي 00مااني بمستحيه 00 البدويه والقرويه على قولته ماينخضع رآسها لو بمآل قارون 00 خله يولي باأكل باأكل لو يوم آخر يوم بعمري
دخلت المطبخ00 وانصدمت من اللي قدامي00 وهو بعد انصدم00 وجالس يطالعني ويتأمل وجههي00 انا استحيت ونزلت راسي00 وليتني مانزلته00 اكتشفت ان بلوزة بجامتي مقلوبه00 سمعت ضحكه00 ناظرته ولقيته ماسك فمه مدري وش اسوي انشقي يالارض وابلعيني
بمووووت من الاحراااج00 بسرعه انحشت00 بس تفاجات يوم جاء ومسكني الا قولوا مصدقت – تعالي اكلي ترى هذي عمايل الجوع
هب ياوجهه 000لالالالالالالالا مصدق هالتخمه اللي قدامي 00طالع حنووووون شو السالفه 000 فيه شي صاير في الدنيا
وكأنه سمعني – تراني خايف من ذنبك لاتموتين علي عارف انك مااكلتي ( ليتك سكت مع وجهك – صدق المثل اللي يقول سكت دهرآ ونطق كفرآ )
استحيت00 كيف باكل قداااااااامه00 يووووووه شفت العشاء على الطاوله تصدقون لو بقولكم00 نسيت ابو الخجل00 ودي انط واكل
جلس على الكرسي وكمل- خايف يقولون مشعل ذبحها تعالي اكلي00 مقاومت بالعكس جيت وجلست مقابله له 000هالحين بس استحيت00 يوم رفعت راسي وشفته يناظرني يحتريني اكل00 تصدق ودي احذفك برى وووووووه يا فشيلتي
بس هومد الصحن علي والملعقه
انا مع وجههي 000 يعنني بفتح حوآر
سالته محرجه – وينهي عيشه
مشعل- راحت لبيتها
عدت كلامه - راحت بيتها؟؟!
مشعل –ايه ترى بيتهم مو هنا بس هم بالملاحق اللي برى
صكت وجلست اكل ومع الوقت نسيت الحياء
شفته قام وخلاني طلع للصاله عاااااااااااد مصدقت ماخليت بالصحون شي حسيت اني اكلت اكل يكفيني سنه لقدام وووووووه يابطني يعورررررررني من كثر الاكل000يووووه تذكرت يافضيحتي من ربي 00نسيت الصلوات00 ياربي الجوع كافر00طرت على فوق بسرعه00وه ياربي اغفرلي
في السعوديه \وتحديدا\عروس نجد الرياض
بدريه وهي تكلم مشعل وتتطمن عليهم – اجل وينهي زوجتك
مشعل اللي بغرفته كان نائم و امه هي اللي صحته من نومته يصرف امه –يمه ظني الا انها تحت تراك مصحيتني من احلا نومه
بدريه - خلاص يمه اسفه ازعجتك
مشعل – لايمه ابد خذي راحتك
بدريه بخبث –لالالا خلاص مره ثانيه مابنكد عليك نومك بخليك تتهنى باحلا نومه
مشعل انتبهه لنبرة امه وهو ذكي ويفهمها- هههههههههههه حلالك يمه\والله لوتدرين يايمه اني حاذفهها برى هه
مشعل جلس يفكر ( هالحين خلاص انكتب غصب عني اخذها ليه مسوي نفسي حزين وعنيد وهي انكتبت بااسمي وانربطت هي فيني 000وارتبطت انا فيها.. ليه معيش عمري في مأساه مدام ابوي فرضها علي تحمل هي عيشتي .. عجبتني كان بها.. مااعجبتني سحبت البيت غصب عنها وطلقتها وخذيت اللي تلوق فيني )
في مكان ثاني دنيا تكلم ساره
ساره – ماكلمكم مشعل
دنيا- الاقبل شوي امي تقول مكلمته
ساره- وش يقول عنها
دنيا- مين القرويه
ساره- ايه جعلها ماتهنى ابه
دنيا- والله العظيم قهر مشعل اخوي الجنتل الهاي اللي قضى نص حياته برى
واللي لو يمرعلى بنت تدوخ شهر وتحلم بس فيه ياخذ هالقرويه
ساره - مسكين الله يصبره \=وهم في قرارة انفسهم عارفين ان نوف جمالها طاغي ويذبح لانها فتنه موضوعه بالارض=\
دنيا بتهور- هه انا عارفه مصيره يطفش منها ويرميها مثل غيرها
ساره – شنهوووو
دنيا تلعثمت – هاه لالا
ساره بدهاء وذكاء – دنيا ترى ادري امك خبرت امي عن علاقاته
دنيا باسترسل واريحيه – تصدقين ياساره انصدمنا فيه لمارحنا النمساء عنده اكتشفنا انه متزوج وتخيلي ثلاث هه لاويصرف عليهم ولما يدقون يطلبون منه فلوس يرسل عليهم تخيلي
ساره – ومنهم زوجاته
دنيا- مادري كلهم غربيات بس الاولى اللي عرفت انا وامي انها المانيه والثانيه شكلها فرنسيه
ساره وبقهر وغيض – والثالثه
دنيا- مادري عنها
ساره – وكيف عرفتوا
دنيا- امي دخلت غرفته وشافت قمصان نوم عنده
تهاوشت امي معه وقالت كيف تعيش بالحرام ومن هذا المهم ضيقت عليه لين اعترف انه تزوجهم عرفي وورى امي الوثايق عشان تتأكد
نوره بغرفتها هي وطلال
نوره تبكي – انا عارفه ان امك ماتحبني وتفضل علي ريوموه عشانها بنت اختها
طلال اللي جالس على جهازه ومو معبرها ابد(مايحب دائما يكبر الامور وهذا اللي يخلي الامور تصغر وغير انه ماسك نفسه الشي الجميل بعيال سالم مايحبون احد ابد يتكلم عن امهم )
نوره – ليش مطنشني ليش دائم كلامي ماله اعتبارعندك انا والطوفه واحد
طلال – خلصتي كلامك ماباقي شي بقلبك على امي كله طلع
نوره اللي استحت من اسلوبه – ايه خلاص
طلال – خلاص حبيبتي روحي اتحممي بمويه بارده ترى شكل عيونك كذا مو حلو
نوره واللي عرف طلال بذكائه الخارق يمتص غضبها – طيب ان شالله
(اللي مايعرفه احد عن طلال انه يكتم بقلبه كثير يعني صعب الانسان يعرف وشفيه دارس بكندا ادارة اعمال واخذ الدكتوراه ببريطانيا مايبي يبني زعل على شي مايستاهل هو يعرف امه مستحيل تغلط على احد وانها اكيد شايفه شي على نوره بس بطريقته هاذي امتص غضب نوره)
في مكان ثاني بجده (ام الرخا والشده عروس البحر الاحمر)الساعه 2 الظهر
في بيت تركي
ام تركي – تركي يمه خالتك تبيك تزورها عندها لك سالفة تبي تقولها
خلود اللي كحت من عرفت مغزاهم
تركي يعطيها كوب الماء – سلامتك سلامتك حبيبتي
سمر- سلامتك خلود ماتشوفين شر
خلود اللي عيونها حمرا وتدمع – الله يسلمكم
زياد يبكي من منظر امه هو ويزيد- ماااااااااما وش فيكي
خلود – مافيني شي حبيبي
نزل تحت من بعد ماطيرت امه النوم من رآسه
وييييييييييه هذا وش نزله عزالله ماشفت الفيلم 00 صحآني من تفكيري
مشعل – هيييه انتي قومي هاتيلي عصير
نعم وش هو هيه انته مصدق مع وجههك اللي كنه خيشه بصل مسكت الضحكه ليكفخني
انا لحد الحين اشكي سطار العرس
قمت على حيلي وربي الضعافه اللي تسوي هالشكل يقهرني لمشكله اني في كل مكان احس عمري غريبه 00 هنيا وهناك 00 وفي الآمارات عند خالي
توجههت له عقب ماصبيت العصير
نوف – تفضل وفي داخلي ( سم هاري تشربه ولاتبلعه )
مشعل بعد ماشرب كح 00000 ( ياربي استغفرالله الرجال بيموت ثم شاسوي )
مشعل بقرف – هيييييييييييه وش هالعصير اللي جايبته
نوف بخوف – ماادري لقيته في الثلآجه وجبته
مشعل – وشفتي تاريخه ولا قابه على وجهك تركضين فيه عشان تجلسين معي
نوف بقهر وضعف وبتموت من آسلوبه – انت مصدق عمرك
مشعل يوقف ويقترب منها – ايه مصدق عمري لاني مشعل على سن ورمح
( لالالالالالالالالالالالالالا آمانه حسوا في اللي احسه عقب ما
قرب مني وكب العصير علي ... - هذا عن تطآولك على سيآدة مشعل حفيد سرورالضآحي 000 ياحفيدة البآكستانيه
وخلآني عقب ماابتسم بسخريه وضحكه اقتلتني من الوريد للوريد
بالسعوديه تحديدا بجده
تركي واقف قدام التسريحه ويتعطر
وخلود حست سكاكين تقطعها ماتدري ليه خايفه
((خلود طيبه والكل يحبها وحتى مع تنغيزات عمتها الاانها تحبها ولاتشيل في قلبها
وهي اطيب بنات دلال))
خلود – بتروح لخالتك
تركي يضبط شماغه ويلف عليها- ايه ياقلبي تبين شي
خلود – لاسلامتك بس لاتطول
تركي اللي بيطلع – تأمرين امر ياقلبي (وصكر الباب وراه )
وخلود من بعدها انخرطت في بكاء الله يعلم فيه
في الرياض
بدريه اللي دوبها راجعه من مؤوستتها الخيريه
بدريه – سالي سالي
سالي – يس مدام
بدريه – حضريلي الحمام وقوليلهم يجهزون لي عصير فرش ليمون
سالي – اوكيه مدام
بالجناح عند دنيا
دنيا - ههههههههه ااهههههه الله يقطع ابليسك حمودي
محمد – ولا عاااد جلده كنه ضب من خشنه
دنيا – هههههههههههه ااا ههههههههههههه بس الله يخليك بطني عورني
محمد – سلامتك بعروق قلبي ولافيك
دنيا – يوووووه لالالا تكفى حمودي لاتقول هالكلام
محمد – ليه انتي ماتدرين بدونك مااعيش ولااحس بحياتي مستريح
دنيا تضحك – ماكانك تقول شعر
محمد – عشان عيونك النجلا اللي من شفتها دخت اقول شعر
دنيا بخجل مع حمره بخدودها – ههههههههه
(وهكذا تعيش حياتها مع الذياب المفترسه لاتعلم كيف ستكون خاتمتها مشكلتها انها تعيش واومرها مجابه فهي البنت الوحيده والدلوعه واخر العنقود )
{في جده} بالسعوديه في سيارته
تركي وهو راد للبيت وهو مهموم من كلام خالته معه
هند – تركي انا بدخل بالموضوع وابي اطلبك
تركي – ابشري ياخاله رقبتي سداده
هند – تركي انت عاجبتك حالت امك
تركي فهم السالفه وصكت ينتظرها تكمل
هند – اسمعني ياتركي هالمره انا اللي بخطب لك ومشاعل مو اعز منك
تركي بخوف – ومشاعل من
هند – مشاعل بنتي وربي انّ الخطاب كثار عليها بس انا نفسي تكون لك
تركي – بس ياخاله
ماخلت له مجال يتكلم - لابس ولاشي فكر بالموضوع يانظر خالتك
تركي مصدوم من خالته
ضرب بيده على الدركسون بقوه وبصراخ
لييييييييييييييه مو راضين يفهموني ليه ليه 00 ماابيها ماابي بنتك كانت قدامي 24 سنه ومابغيتها تحرجني وتحرج نفسها لييه ليييييييه انا اللي رحت للرياض برجلي
هاذي وابوها وزير بيسون فيها كذا اجل لو ابوها فراش وش بيسون
افففففففففففففف لازم القى حل لازم
.
(الجزء السادس )
الح......... الك...... ال .......... ال........... الله ياخذه الله ياخذه مصدق عمره هالتيس
وربي مااني بنوف ان خليته يتهنى .. طيب يامشعل الزفت طيب ... كلي ريحة عصير ... تحسب بصكت تشوف شو بسوي تشوف
طلعت من غرفتي بعد قهر وشيل وحط وحبسه في الغرفه خمس ساعات ومتروشه ثلاث مرات .. غصب عني نزلني الجوع .. ولا وربي مايشوف وجههي ؛؛ ياحلوي مصدقه عمري كنه درى عني .. بس لا ماابي اصير ضعيفه وهالحمار يستقوي عليه ...( ليه مو مستقوي عليك ) امممم الحق ينقال
الغربه مره
نزلت تحت وشفته داعس رآسه في المخده ... شكله يوجعه هه احسن جعله ينفجر عليك بعد .. توجهت للمطبخ ولا عطيته بوطآف خله يولي
سمعت صوته يتمتم بس مدري شايقول رفع صوته
مشعل – هيه انتي
نوف انا بنتحر ماعنده غير هيه ليه عبدة ابوه وانا مدري والله العظيم ولاعطيته وجهه دخلت المطبخ خله يولي مصدق عمره هذا
توجهت على الثلآجه اشوف وش فيها لقيت خبز وجبن يالله نعمه الحمدالله شفت
العصير نفسه اللي صبيته له اليوم ونفسي اذوقه ليه مو مستسيغ الطعم اليوم .. جبت كوب وقريت التاريخ اللي باقي له خمس ايام وينتهي
بس ماتهنيت يوم دخل علي وعيونه حمرا وتروع
مشعل – انتي تسمعين ولالا
نوف وبقوه – نعععم ( ومشدده على الكلمه )
مشعل – شوفيلي وين حبوب البندول بسرعه
نوف بقوه غريبه عليها – روح دورها بنفسك انا مو عبده عندك
مشعل يقترب منها – نعــــــــــــــــم عيدي ماسمعــــــــــــت
نوف – كلام الشيوخ ماينعا............
ما امداني اكمل الكلمه مسكني مع شعري آآآآآآآآآآآآآآآآآآآآآآآه الله ياخذك
مشعل – انتي قد اللي قلتيه
انا وبقوه اول مره احس ابه بس يمكن الظلم والقهر بدلني لنوف ثانيه – ايييييييييه
مشعل – وبعد تصرخين بوجههي ( يزيد في قبضة شعري )
نوف – آآآآآآآآآآآآآآآآآآآآآي فكني
مشعل – لااااااااااااااااااااا لما تعرفين من ولد الشيوخ ياحفيدة الباكساتنيه
نوف بصراخ – فكننننننننننننننننننني آآآآآآآآآآآآآآه فكني
مشعل مسكها بفمها وهو مرتاع من صياحها ويده الثانيه على خصرها– انتي مجنونه هآآآآآآآآآآآآآآآه انهبلتي
نوف بقهر وآلم وهي حاسه اصابعه وصلت ضلوعها – اممم امممممممممم ممممممم مممممممممممم
مشعل يفكها ويدزها
نوف وبآلم وتحس ان خصرها بيتقطهع من الوجع – يااااااااااااااااااااكلب ياوقح
مشعل ماط عيونه مرتاع – انا كلب ووقح
نوف بقوه عجيبه – اييييييييييييييييييه وجت بتهرب بس مسكها
بدريه وحولها ريم ونوره وراشد
بدريه – اااااه يامشيعل البيت من غيره مايسوى
راشد – وينك يادنيا انتي اللي تقدرين على امي
نوره – ههههههه هي وساره بالفيصليه
راشد – ووش لهم بالفيصليه
بدريه – تبي ملابس للجامعه
راشد – يمه انتبهي عليها لاتخلونها الحبل على الغارب
ريم - تراها ماسوت شي رشود علامك
راشد – انا ماقلت شي بس خايف عليها اعداء ابوي كثير الله يستر
بدريه – ماعليها يمه هي هالاجازه مسافرت بسبب وفاة جدتك خلها تنبسط
راشد – بكيفكم يمه ؛؛؛؛؛ وقام وخلاهم
جده >>>>>>>>>>> السعوديه
تركي يدخل عند خلود بالغرفه
شافها تبكي ومخبيه وجهها ولادرت عن دخول تركي الغرفه
تركي ووجهه ملفوع واسود : مساء الخير حبيتي
خلود تمسح دموعها وتوقف : هلا مساء النور حبيبي
تركي يقرب منها: خلود وش فيك ياقلبي
خلود وتحاول توخر البحه اللي بصوتها: احم احم لا مافيه شي
تركي يقرب منها ويمسح دمعه تائهه في خدها
ويروح ويخليها لما شاف في عيونها عذاب هو نفسه مو قادر يشوفه
لما راح طاحت على السرير وطاحت في دومة بكاء
آآآآآه آآآآآآآآآآآآآآآآآآآه الله لايوفقك الله لايوفقك حسبي الله عليك بكيت بصوت عالي
حاولت اوقف وطحت عقب ماضربني ضرب يوم بسنه .. طيب طيب بسكت لك يعني
اهئ اهئ وطحت في دوآمة بكا بعد ما تذكر ان مالي حد .. وخال مو دري عن هواء داري .. ولاام ولااب من لي حتى جدتي رااااااااااااااااااااحت وبكيت بكا حطيت راسي على الرخام في آرضية المطبخ .. آآآآآآآآه طعم دم اذوق طعم دم ... وقفت على حيلي وبغيت اطيح بس شجعت عمري .. جلست امشي بونين وآلم وبغيت اطيح عند الدرج .. بس استجمعت قوتي
وآخيرا وصلت غرفتي ناظرت المرآيه وشهقـــــــــــــت – هذا وجههي ( وجلست ابكي ) ماابالغ ان قلت كله علبة الوآن .... الله لايوفقه الله لايوفقه
غسلت وجههي وانا ناويه اليوم مايصير على خير .. انا صح قلت بعيش مثل الآموات بس موضعيفه موضعيفه واغسل وابكي اغسل وابكي لين قدرت على نفسي وجمعت شجاعتي .. مدام مالي سند انا اعرفك سندي يالحمار
توجههت على غرفته طقيت الباب .. وفيني نار وحد يقول اقتحمي الغرفه بس مسكت عمري
فتح الباب وماعليه غير الشورت وشعره خرسان ماي ... هه الاخ متسبح تسبحت
بدم يارب وعلل ماتخلص منها
صحاني من تفكيري بصرخه – نعععععععععععم
تفو على وجهك استحيت من شكله بس مابينت – ليش تمد يدك عليه
ضحك بسخريه – بو الشباب مو فاضيلك هالحين تعبان برقد
نعم يتمسخر عليه – اقولك ليش تطقني ووش تبي مني وش تببببببببببببي
مشعل فتح الباب على مصراعيه ودزها داخل – حياك بو الشباب يبيلك تكريم ثاني اظاهر كرامتك قبل شوي ماسدتك تبيني ازيدك بعد
بكيت ايه والله بكيت وناظرته باآلم – ليش تضربني انا شسويت فيك والله ماسويتلك شي
احسه سكت وتألم بس مابين – اطلعي برررررررى اطلعي
انا والله مو معديته على خير اقولكم – انا ماااااسمحلك تمد يدك علي
مشعل – انتي شكلك تبين ترقدين عندي اليوم صحححححححح
طفئ النور وظلمت الغرفه توجهه على سريره ومعطيني طاف
انا – وربي لتندم انك مديت يدك علي ومره ثانيه مابسكت لك
طلعت وانا صافقه الباب وراي بقوه
في جــــده
خلود عند اطفالها بغرفتهم وتركي في الصاله وسرحان
شافته خلود بعد ماطلعت
خلود : تركي
تركي ارتاع وقمز: هاه
خلود : سلامتك
تركي مسك يدها: خلود تحبيني
خلود (اكيد بيخبرني انه بيتزوج علي )وحبست الدموع بعينها: تركي ليش تقول هالكلام
تركي : الله يخليك خلود
خلود : حرام عليك تركي اكيد احبك ليه انت شاك بحبي لك
تركي بعد مااطمن قام وخلاها بدون كلمه اوحرف
في الرياض ( تحديدا في القصر الوزير )
دلال : وبعدين معك ياعبدالعزيز عطني ريق حلو نشفت دمي
عبدالعزيز : يمه الى متى ماتفهمين قلت زواج ماابي خلاص صكيها سيره
دلال : لا حنا نبي اناسب الوزير ابو مساعد عندهم بنيه حلوه وابوها مقرب من الحكومه كثير يعني مصلحه في مصلحه
عبدالعزيز يوقف : اولا انا ماابي اتزوج ثانيا وهو الاهم انا مومتزوج مصلحه ياام عبدالعزيز
( وراح وخلاها تنجن وتتحرطم )
صباح والحريم اللي جايينها العصر : هاه ياوخيتي مااعجبتك
ام سعد : لاوالله يااوخيتي نبي شي جديد هذي الجلاليب خاست عندك وانتي كل شوي تعرضينها علينا
صباح تقمز واقفه: خير ان شاءالله وفي وجههي تقولينها لايامال الضعفه
ماعرفتي الجلابيات الا مني وكبر راسك
ام زايد : استهدن بالله علامتسن تعوذن من ابليس
صباح : مااسمعتيها وش تقول ياام زايد بس يالله توكلي على الله ياام سعد
بضاعه معاد ابيتس تشترين
ام سعد : وابرك وعيد والله كل شوي راسلة علي رجلتس الكمخه ( وتقلده )
صباح تبيك
صباح : اااااااااخ مقيوله طبخ طبختيه يارفلى اكليه علمتكم السنع والتليبس
وصرتوا تهينوني اذلفي اذلفي لابارك الله في الساعه اللي جاورتوني فيها
ااااااااااااخ تفو عليكم
ام زايد : امشي امشي ياام سعد قبل لاتقول كلام اكثر
سمعت صوته وهو نازل مع الدرج
جعلك تطيح يارب وتنكسر ... بس استغفرالله احس لساني صاير متعود على الدعآوي .. استغفرالله استغفرالله
مشعل – عيشه عيشــــــــــــه
عيشه – نعم نعم ياسعادة البيه
مشعل – وين الفطور
عيشه – حاضر دلوئتي جاي
عيشه – يامدام ايه رايك اودي الفطار برى ماهو احسن عرسان وغيروا جو دا المطر بيصب
نوف – انا كلت ماابي وديه له ( وفي سرها ) سم هاري
ودتله الفطور وحطته قدامه على الطاوله
مشعل – وينهي
عيشه - دي منهي اللي وينهي
مشعل – المدعوسه عندك جوه
عيشه – يالهوي بتئصد مدام نوف
مشعل ويناظرها وبعدين نزل راسه ياكل – ايه وينهي ناديها قولي مشعل يبيك
عيشه توجههت الها وخبرتها
نوف وهي خايفه – يبيني ..... ( يويلي يمكن بيضربني بعد )
نوف توجههت له بخوف
نوف – نعم
مشعل يناظرها وهو ياكل – وين اوراق البيت
نوف بصدمه – اي بيت
مشعل – واي بيت بعد بيت جدتي يالحراميه
نوف – ايييييييييييييش ؟؟؟؟؟؟؟
خالد في سيارته ينتظرحمود
حمود طلع من البيت – سلام ياابو الشباب
خالد – عليكم السلام انت وينك فيه بغيت ماتطلع
حمود ويتمسخر وبضحك – الصبوحه اشغلتنا هناك مسويه مناحه ههههههههههههههههههه هههههههههههههههههه
خالد فطس ضحك – ههههههههههه هههههههههههههههههههههه
ههههههههههههههههه الله يقطع شرها علامها
حمود – الحريم زفوها هي وبضاعتها اللي من سنة جدي قال ايش
ويقلدها (ودوني باريس ابشتري بضاعه ) هههههههههههه هههههههههههههه
وانا واختي فطسنا ضحك منها وابوي يؤاسيها ههههههههههههههههههه
خالد – حرمة ابوك شي اركب اركب خلنا نروح بس
في الرياض جاليري
يمشون واللثمه تكشف اكثر مما تستر والكحل والعدسات والعطر يخلي
اللي عنده عقل يجن ويختبل
ساره – اففففففففففففف طفشت كل الاسواق اللي بالرياض لفيتها
دنيا – ايو الله صادقه ملل فضيع
سميره – بنات ناظروا ذاك المزيون يناظرنا
ساره – يرحم امك مسوي ثقيل يبينا نجيه اتركيه بس ا تركيه
سميره – ايه ياعمري مالي عينك بوشعيل ماتبين تطالعين غيره
ساره – آآآآآآآآآآآآآآآه هو وينه بس (وحمقت) مع الكلبه جعلها ما تهنى فيه
دنيا – هه ابشرك متهنيه شوفي كم لهم بالنمسا
ساره – اصكتي اصكتي حرام عليك لاتعذبيني مصيره يردلي طال الزمن ولاقصر
مشعل لي وانا لوحدي بسسسسسسس
سميره – ان شاءالله هالقرويه ماتغيره
ساره – هذا اللي قاهرني مشعل اللي مايملى عينه شي يتزوج هذي
دنيا – هه حكم القوي على الضعيف حكم ابوي
ساره – بلاه والله حكم قرقوش
دنيا – ساره عيييييييييييييييييييييب عليك تتكلمين عن خالك كذا (وراحت وخلتهم)
ساره – دنيا آسفــــــــــــــــــه والله آسفـــــــــــه والله من قهري قلت كذا
( لحقتها) وراضتها مالهم مفر عن بعض
مشعل – امممم يعني بتقنعيني انك ماتعرفين شي
نوف وهي شوي وتبكي – بييييييييت جدتي وانا وش يخصني فيه
مشعل – تدرين شلون انقلعي ارد للسعوديه واعرف اطلعها منك
نوف بخوف - شنهي
مشعل ويتصنع الهدؤ وابوه اللي داق اليوم يقول خلها تطلع ورق البيت لان اول مايوصلون يبيه يرحون للمحكمه تتنازل عن البيت – اقول انقلعي
نوف تناظره بااستحقار وعينها في عينه من دون صوت وشفايفها تنطق – حقير
مشعل اللي فهم هي وش قالت طلع وخلاها وهو يغلي
طلعت فوق وهي شوي وتبكي وش سالفة البيت اللي يقوله واي بيت لجدتي
وليه الحقير يتكلم بالالغاز شافت باب غرفته مفتوحه وتسللت الها عقب ماعرفت انه طلع ولا مااسترجت تدخل الها عقب الطرده الشينه
جلست تناظرها وهي تشم ريحة عطره – همممممممممممممم آآآآآآه تجنن ريحة عطره الخايس
اقتربت من سريره وهي تشوف آثار عفسته من بعد مقام اتلمسته وهي تعض شفايفها خجل وكنها تتلمسه هو انسدحت عليه وهي تستنشق ريحة عطره
اللي دخلت خلايا دماغها تمت تتقلب وهي تحس شي تحت المخده ارفعت راسها
وشافت الشي اللي شهقت منه
صباح – منالوه منالوه وينننننننننننننننك
منال – هاه نعم وش تبين
صباح – لا طالت وشمخت اشوف لسانك طايل اليوم
منال – صباح انا مو فاضيتلك عندي شغل
صباح – عشتوا وش عندك وزارة الشعب ولا مجلس الوزراء
منال بعبره – الله يسامحك
صباح – بلا مسخره وروحي هاتيلي القهوه راسي يعورني من صدعة عجز ابليس اللي جني اليوم
منال وهي تشمت وتبتعد عنها وتركض – احسن هههههههههههههههههه
صباح – لايابنت الكلبه اوريتس يالخايسه اوريتس وين بتروحين عني يعني
عند نوف
تطالع وهي مش مستوعبه للي شافته ومنقهره
مشعل ومعه وحده وضامها بقوه وصور حميميه وخاصه جدا .. وش هالوقح
بس قطع عليها أي مسبه صوته وهو مع الدرج يكلم
التفت وين تروح وعينها ماشفت الاباب الدولاب تتخبى فيه بسرعه دخلت فيه وهي ترتجف من فكرة انه يشوفها اويعرفها
دخل الغرفه وهو يضحك – هممممممم جينا خلاص ههههههههههههههههه بطني عورني
جينا واللي تتكلم العربيه الفصحى وهي تضحك – هههههههههههههههههه يستاهل ماحصل له
مشعل – ههههههههههههههههههههه موبهينه خلاص انا بصك هالحين بروح اتحمم
جينا – حسنا نلتقي عند التاسعه
مشعل – طيب باي ياقلبي
نوف الي بدولاب وترتجف ومفوله من اللي يقولها قلبي مو حب فيه ولا في وجهه بس يحترم انه متزوج
مشعل وهو يغني وبيتوجه للدولاب الا ان الجوال دق
مشعل يتوجه عنده – هلا يبه
سالم – وحطبه متى بترد
مشعل وهو معصب – وانته شاتبي فيني مو تزوجت واخذت المحروسه شاتبون فيني بعد
سالم وهو عارفله – اسمع يامشيعل انا لقيت مشتري للبيت وابي ابيعه وبيجيبلي ثمن طيب بسرعه عجل في نقل اوراق البيت
مشعل – وانا شايخصني في القرويه مالي خص فيها تصرف انت وياها مابقى غير القرويه تدبسني في مشاكلك ومشاكلها تصطفل ان شاءالله
سالم – ياكلب قسم بالله لو ماسمعت كلامي اني لااحرمك اشياء انت عارف شنهي الاحسن لك وللي معك تعجلون وبعدين مصدق عمرك انت وياها اخذها للنمسا ردها ردت عليها حطبه تدعسك و تدعسها ان شاءالله بسرعه باابيع البيت
مشعل وهو معصب وتلفانه اعصابه - اسمع انا مو براد غير بكيفي متى ماضرب في راسي ارد رديت بس انك تردني وتمشيني على راسك مثل ماتبي هذا لا والف لا
وهالكلبه اللي عندي تعال تفاهم معها مالي خص فيكم عساك تقتلها بعد وتشبها في حريقه
نوف اللي تسمع وماتحملت اللي تسمعه ... وهي تحس انها بالعه موس حاد من الاهانه اللي تشعر فيها 00 وبدون سابق انذار افتحت الدالوب 00 وطلعت منه
مشعل اللي شافها ومط عينه 00 وهي تناظره بقوة عين وحاطه عينها في عينه
نوف – القرويه يالكلب تبيعك وتشتريك ( شافت كوب الماء وبسرعه توجههت ناحيته ..... خذت الكوب وكبته على وجهه )
ومشعل لحد الحين مش مستوعب اللي صار ابد بعد ما نوف طلعت مثل اعصار جونو ومخلفه حريقه بتشتعل
يفتح رسايلها ويقراهم ويبتسم وتلوحله طيف دمعه تندد بالسقوط والتمرد
يستنشقهم بوجع وآهه مكتومه في صدره وهو يحس سكاكين تقطعه
رد الذاكره لقبل
امل – لا ماابيه ابي هذا
عبدالعزيز – لا انا اشوف هذا احلى
تناظره وهي ترتجف – بس
عبدالعزيز – لابس ولاشي خذيه وخلينا نطلع
طوى الرساله اللي مرسلتها له 00 ورد لذكرى هالرساله اللي مرسلتها يوم رد للسعوديه وهي تخبره انها لبست الفستان اللي طلب منها تلبسه عنده 00 ابتسم وهو يتذكر انها عشان ترده لاامريكا بااسرع فرصه
في قصر مجاور لبيت الوزير ( بوعبدالعزيز) وقريب من قصرسالم
محمد - صباح الخير لااحلى وجهين شفتهم في حياتي ( ويحب روسهم )
منيره - ايه ايه كل بعقلي انا وابوك حلاوه
سعيد - خليه خليه يامنيره هالولد مااكل بعقولنا حلاوه ترى
محمد - افــــــــــــــــا يابومحمد ماهقيتها منك هذا وانا ولدكم الوحيد لا وكابتن طيار بعد
منيره - ياسلام ووين راحت اختك عبير ومي
محمد - يمه عبير هذي مجرد تكملة عدد لااكثر
عبير مع الدرج - اها بس كني سمعت حد يحش منكم فيني
تتوجه وتحب راس امها وابوها واخوها - احلى صباح لااحلى واغلى ثلاثه بقلب عبير
عبير بهجوم - وبعدين ياكابتن طيار اتوقع انك بس تشتغل في المطار مو كابتن
محمد - ايه شاسوي باامك وابوك خلوني اطلع من الكليه بعذر اني وحيدهم هذي مشكلة الولد الوحيد
مظلوم بخوف هله عليه
عبير - ياملغ دمك بس وانت تتدلع
محمد - شاسوي يومي دلوع وحبيب
ام محمد - اها بس عن الرباده وقومي انتي وياه كل حد على شغله
عبير - يمه طرده
ابومحمد - يالله افهموا وخلوا لنا الجو شوي
ام محمد تفشلت وعبير ومحمد طاحوا على بطونهم ضحك
مي اللي بغرفتها
وهي تدمع ... وتمسح وتدمع
عبير اللي اقتحمت عليها والثانيه اخجلت منها – ياسلام ياسلام وليه هالدموع
يابنتي كلها روايه لا وغربيه بعد انا مدري لمتى ملقيه بالك لهم
مي ببرآه وطيبه – تحزني ايزابيلا ماتت جدتها اللي ربتها وخذها الشرير
عبير – كلها ماغير روايه قومي ابيك تطلعين معي
مي – كيف وانتي توك واصله من شغلك
عبير – باخذ لمنى هديه مسكينه ولدت ولازم اروح واطمن عليها
مي – ياحليلها وش جابت
عبير اللي معروفه بشخصيتها القويه – جابت بنت وسمتها عبير
مي – لااااااااااااااا عاد مشاءالله ياحليلها مبروك وان شاءالله تصير في حلاتك بعد
عبير بثقه – ان شاءالله
جاه اتصال
سامي – شرايك
عبدالعزيز – اوكيه ان شاءالله هالحين طالع
سكر من المكآلمه ولبس ثوبه واللي مبين عضلاته القويه ولبس شماغه وتعطر واتقمص دور اللامبالي نزل تحت حصل امه
دلال – يمه عبدالعزيز تعال ابيك في موضوع
عبدالعزيز يجلس – لبيه يمه
دلال – خالد اخوك
عبدالعزيز – شفيه خالد
دلال – صارله يومين ماشفته
عبدالعزيز – دقيتي له تلفون
دلال – ايه بس مقفل وانا خايفه عليه
عبدلعزيز – وليه توك تخبريني .... طيب يمكن مع ربعه
دلال – مين انا مااعرف الا مشعل ايه صح نسيت وين راحت علي بتصل لاام محمد اكيد محمد ولدها يعرف
عبدالعزيز – اوكيه انا بروح سامي ينتظرني تريدين شي يمه
دلال – لابحفظ الله يمه
( هذي دلال اللي مع عيالها غير لويبون روحها مابتقصر عليهم تعزهم كثير وماتدري كيف تعيش من غيرهم يمكن تستخف )
سيارة عبدالعزيز اللي طلعت وهو مستعجل دعمت في سيارة سواق جيرانهم
اللي طالع على الشارع برضه بسيطه
عبدالعزيز اللي عصب هذي ثاني سياره تندعم في خلال اسبوعين من بيتهم على حساب هالسواق اللي مايعرف يسوق غير ان هذي سيارته الغاليه البنتلي قبل دعم سيارة خالد لاند روفر
عبدالعزيز وقفه غصب عنه ونزل وهو متجه ناحيته ومعصب فتح باب سيارته وهجم عليه ابكس خلى خشمه ينزف
عبير ومي اللي انصدمن وارتعبن بس لا عند عبير مابتسكت ابد
نزلت عليه بعصبيه واقتربت منه وهي معصبه – هيه انت ياحيوان شاسويت
عبدالعزيزاللي معصب ويناظرها مستوقح نزولها عليه وهجومها بهالشكل والفاظها وغير انه منصدم يحسب مافي السياره غير السواق – خير خير
ليه هالالفاظ ثمني الكلمه واحشمي اللي تكلمينه
عبير – موعلى حساب انك تضرب المسكين وش مفكر نفسك عشانك ولد وزير تستقوي على خلق الله ..... مالت عليك وعلى وجهك ومره ثانيه لوتفكر تمد يدك على هالمسكين لااطلبلك الشرطه وساعتها مايهمني ولد وزير ولاامير
عبدالعزيز اللي مط عيونه من جرأتها ووقاحتها ولاقدر يقول شي غير انه يتجه لسيارته وهو مذهول منها
جلس يفكر هذي شا مفكره نفسها ويسترجع كلامها (وش مفكر نفسك عشانك ولد وزير تستقوي على خلق الله ) غمض عيونه باآلم وهو مقهور ان العآلم يفكرون فيه بهالصوره دعس بالبنزين وشخط بالسياره بااقوى ماعنده مخلف غبره وهوشه قبل شوي صارت
سمعت اصوآت ... وضحك .. وخافت تناظر الساعه 11 الليل
غريبه هو طالع ... وعيشه راحت تنام ... ماتنكر انها خافت قوت قلبها .. وسمت بالله وطلعت .... فتحت الباب وانصدمت باللي تشوفه
.
( الجزء السابع )
في السياره
مي – وش سويتي يالمجنونه فضحتينا عند ولد الوزير
عبير – اششششششششش لمتى وهوو شايف نفسه علينا هالاخ انتي ماشفتي كيف ضرب المسكين بدون رحمه
مي – بس
عبير – لابس ولاشي يالله حرك ياسليم
تشوفه وهو باين سكران 00 ومعاه وحده هم مثله سكرانه
انصدمت وهي تشوفهم داخلين الغرفه ... قمزت لما سمعت الباب اتسكر بقوه
وحطت يدها على قلبها – حسبي الله عليك وعليها استغفرالله استغفرالله استغفرلله زنا عندي
ربي أسالك العفو والعافيه .... ربي اسألك ان لاتواخذني بذنب غيري .... ياربي شاسوي ياربي سترك ونجاتك .. مهما كان يظل ولد عمي ولازم انبهه اكيد سكران وماهب بحاس باللي حوله وهالاجنبيه بتلعب عليه ... ايه لازم انبهه وماراح اخليه ... ويقول عني اللي يقوله قرويه ماقرويه ماهمني .. اهم شي الغلط مااشوفه ومااقدر اغيره .. الرسول وصانا على تغيير المنكر
توجههت لجناح مشعل وقلبها طبول وخايفه منه يمكن يضربها اوحتى يقتلها هي سامعه في قصص اللي يشربون الخمر
دقت الباب وهي ترتجف بس لارد ... دقت ثاني هم لارد ... استغربت
دقت بقوه سمعت صوته وهو يزاعق ويصتدم الباب بشي مرمي عليه – خيييييييييييير
نوف وهي ترتجف ولاردت ... ودقت الباب ثاني
وفجأه انفتح الباب بقوه ... وشافت مشعل اللي ماهو لابس الا شورت فقط ارتجفت
من منظره اللي باين انه هالحين انسان صاحي .... حست انها تحلم وتتخيل قبل شوي
بس ردها للواقع – خيرررررررررر ياوجه البومه
نوف – ااااا ااااااااااا اا ا ا
مشعل – نعم
فجأه راحت عيونها للي على السرير وهي بقميص اقل مايقال عنه انه من القمصان وهوعاري مره
نوف انفجعت من وقاحتها وووقاحته ... وحطت عينها بقوه في عينه
مشعل اللي بينفجر وهو يصرخ – تبين شي
نوف بحزم وقوه – ايه خاف الله حرام اللي جالسين تسوونه
مشعل حط يده كلها في وجهها ولف يده بقوه – اقووووووووول اذلفي مابقا غيرك يعلمني الحرآم من الحلآل ... وطرخ بالباب بااقوى ماعنده وغمضت عيونها بقوه من الخرعه
عند بدريه اللي جالسه تجهز اوراق مهمه للرحله العمل اللي بتسافر عشانها
تذكرت مشعل ونوف وابتسمت تمنت تكلمها من زمان عنها ... تذكرت انه هالحين
الوقت بدري عندهم يمكن الساعه سبعه ويكونون نايمين ... فكرت تجرب تدق على تلفون البيت
نوف اللي في صالة تحت وهي ترتجف وتدعي وتستغفر وفي داخلها نار شابه .. سمعت صوت التليفون
ردت عليه وهي حاشرتها الدمعه من الغضب والمنكر اللي جالس يصير عندها
نوف – الو
بدريه – وهي تبتسم ومبسوطه – هلا والله بنوف يامرحبا يامرحبا
نوف – هلا عمتي بدريه كيفك وحشتيني
بدريه – بخير يمال الخير مايوحشك غالي انتي بشريني عنك ان شاءالله بخير
نوف – الحمدالله عمتي انا بخير
بدريه – وكيف مشعل
نوف اللي بالعه غصتها – بخير بعد
بدريه – وينه عندك
نوف – لا نائم
بدريه – وهذا مايشبع نوم الله يصلحه
عند صباح
تضرب في منال اللي مانظفت المجلس لها
منال – آآآآآآآآآآآآآآآآي آآآآآآآآآآآآي عمتي خلاص
صباح – عمت عينك يارب وافتك منك
منال لفت على الجهه الثانيه وحست ان يد صباح التفت .. انفلتت منها وانحاشت
حست ان المسأله بسيطه .... وان صباح معاد بهي مثل قوتها قبل وانها قادره عليها
توجهت لغرفتها وهي تبكي وتسب في الحاله اللي قاعده تعيش فيها ... فكرت اكيد ربي مو مخليها ... ان شاءالله مخبيلها شي احسن من العيشه اللي جالسه تعيشها مع زوجة ابوها وعذابها المستمر معها ... المشكله مالها لاصديقه ولاقريبه .. قطعت علاقاتها في الجميع على حساب اللي تنفر صديقاتها منها يوم يكلمونها على التلفون
... وحتى لما يزورونها .... تتفشل منهم بسبب نهرها قدامهم وليته على كذا وبس ... لا حتى صديقاتها ماقصرت فيهم ... تذكرت حبها لمشعل المخفي ... تمنت لوكانت
اتزوجت مشعل .. وعاشت في ونآسه ونعيم .... تتذكر لما تسمع حمود يحكيلها .... ان مشعل جالس يترجاه ياخذ لها هديه لما يسافر مع مشعل برى .. حبته وليه ماتحبه حتى يوم يطلعون مطعم .... يطلب طلب سفري بعد ماينتهون ياخذها لها ... كانه عارف ومتأكد ان زوجة ابوها ... احيانا تحرمها الآكل .... مع ان زوجة ابوها مع قصص تسمعها مو شريره ذاك الزود ... بس يمكن من العقده اللي في قلبها بسبب انها ماجابت اطفال ... جالسه تمارس ضغوطها عليهم ... بس مؤمنه ومتأكده ان الله بيعطيها على قد صبرها على زجة ابوها وابوها في نفس الوقت
مسحت دمعتها وتوجهت لسجادتها تصلي فرضها
في غرفة دنيا
ساره – افففففففف طفش وش صار على مشعل
دنيا – ماادري عنه اتوقع امي كلمته اليوم لانها يوميا تكلمه
ساره – ومتى بيرد هو والعله اللي معه
دنيا وهي تتمكيج وتتعدل – ماادري ماادري عنه
ساره – وش فيك معصبه اليوم
دنيا اللي مقهوره ان محمد زعل منها اليوم – مافيه شي ضايق خلقي
ساره – هه وش تقولين عني انا احس ودي اقتل الكلبه اللي مع اخوك تتسرمح في النمسا هه زمن والله اللي ماتعرف غير بيت جدتي الشعبي اللي مصدع تسافر لا ووين للنمسا اللي انا ساره بنت الوزير ماشفتها
دنيا اللي طفشت من غرورها وكل شوي تذكر اللي حولها انها بنت وزير – هذا نصيبها ولازم ترضين فيه
ساره بغرور – وهم مشعل من نصيبي وورقة طلاقها لازم ترضى فيها
دنيا اللي لفت عليها مستغربه إعلانها الصريح سكتت وخلتها
عبير اللي بغرفتها طق الباب عليها
عبير – مين
مي – انا
عبير – تعالي ادخلي
مي – امممممم دلال كلمت امي
عبير – وطيب وشاسويلها انا
مي – معقوله ماخفتي ترى هالحرمه لسانها متبري منها
عبير اللي لفت لها بعصبيه – إلى متى وانا انبه فيك متخافين غير من إلي خلقك شاعليك منها
مي – بس ولو ترى زوجها وزير
عبير وهي تبرد إظافرها – هه وزير ولاامير ماهمني راسي ماينحني غير للي خلقني
بس ماقلتيلي شاتبي في امي
مي – تسال على محمد
عبير – وش تبي فيه
مي – تسأل عن خالد ولدها
عبير – هه مدري كيف محمد يماشي ولد هالعائله اللي كلهم مغرورين وكل نافش ريشه على شنو ياربي استغفرالله العظيم
مي – انا مااعرف ليه تكرهين هالعائله
عبير وهي تحط رجل على رجل – ولاحد فيهم مهضوم وفوقهم اختهم الوقحه
مي – لسه مانسيتي الموقف
عبير – هه مسكينه كلها نصيحه عطيتها وانا ماشيه ثقلت فيها ميزان حسناتي بالعكس الحمدالله كلي فخر ولو انعاد هالموقف ورب اللي خلق عبير لإعيده
نرد لقبل ثلاث سنوات
لما تعرفت عبير ومي على ساره اللي جاوروا فيها الوزير محمد
عبير مااستظرفت هالبنت بس مشت معاهم ومي عادي عندها الوضع بعد يومين
التقوا في السوق صدفه انصدمت فيها عبير من ساره ووقاحتها اللي كانت في السوق وماسكه يد رجال غريب عليها وتبتسم إله وتضحك شاطت عبير غضب وهي اوقح ماعندها هالفئه من هالناس اللي قدام العالم وتجاهر بمعصيه
اتجهت إلهم وهي ماهي ناوية خير وقفت قدامها – لو سمحتي
ساره اللي ماعرفتها – نعم
عبير – ممكن ابيك على جنب
ساره – لحظه هاني اشوف هاللي بالخيمه اشتبي فيني
هاني – حاضر ياقلبي
عبير اللي تسمعهم ومطنشه
قربت منها ساره – نعم
عبير – همسه في إذنك قبل لايجيك ملك الموت وانتي تجاهرين بمعصيه من الكبائر
ساره اللي استوقحتها – وانتي شايخصك فيني
عبير – يخصني اني بنت جاركم وعارفه وضعك وابوك ماله فتره من تعين وزير خافي الله قبل أي حد ثاني
ساره – وإن شاءالله انتي أي فيهم عبير ولامي
عبير – انا عبير
ساره بكل وقاحه – اجل خلصتي
عبير تناظرها وهي تقول – ايه
ساره – اجل يالله انقلعي ماعندي وقت اضيعه لان وقتي انتهى معك
رجعت ساره للبيت وقلبت عاليها واطيها وخلت امها تكلم ام محمد اللي اهي ام عبير تتعوذ فيها من عبير وان مالها خص في بنتها مهما يكون
عند الاستراحه
حمود – وانت لك يومين هنا ليه مارحت
خالد – طفشان مالي نفس في البيت كرهته من الهواش اللي دائم يصير عندنا بين عبود وسويره
حمود – ههههههههههههههه والله ان تسمعك لتربطك على رقبتك في الشجره
خالد – اصكت وخلها على الله وحتى جوالي قافله مالي نفس افتحه ماابي امي تزعجني في اتصالاتها علي وإسئلتها اللي مالها معنى
حمود – على الاقل طمنها
خالد – لا ابيها تحس فيني مو بس الآحساس لعبدالعزيز وعبدالله وساره وانا وخلود لنا الهواش والنجره
حمود – مشكلتك حساس ياروح امك
خالد – عندي وعندك خير
بكل وقاحه نازله بقميص ثاني اوقح من اللي لابسته في غرفة النوم ... كانت تشتعل وتشيط وتستغفر وتسبح وهي تشوفهم نازلين مع بعض ... وهو ضامها له ويهمس لها ويضحكون
يناظرها بنص عين وريتا حاطه عينها في عين نوف – اهذه القرويه التي قلت لي عنها ( وتقترب منها )
تتلمسها وكانها تعاينها ... نوف تنزل يدها عنها بغضب وهي تتوجه على فوق
بعد ماراحت
ريتا وهي ميته قهر لانها حلللللللللللللوه وجمالها الجمال العربي الأصيل وهي عارفه هالصنف هذا في طقة اصبع تقدر تقلب عليها مشعل إذا عطاها وجه اوحتى هي عطته وجهه ... لانها دارسه مشعل راعي نسوان ويحب الحريم وخصوصا الجميلات .. يذوب معهم بالحيل
مشعل – ابيك تقهرينها ابيك تشعلينها غضب ابيها تموت غيره وهم وقهر ابيها تطفش وتطلب الطلاق اتفقنا
ريتا اللي تسعرها نار وغيره وهي تمتم – بـ حسنا حسنا
طلال اللي بمكتبه دق عليه الباب
طلال – ادخل
عبدالعزيز – مشغول
طلال – لاعادي تعال ادخل
عبدالعزيز وهو يجلس – انا راح اسافر
طلال اللي عقد حواجبه – على وين
عبدالعزيز – على آمريكا مع عبدالله اخوي
طلال اللي استغرب – ومتى الوجهه على الله
عبدالعزيز – الاسبوع الجاي
طلال – بس انت مو قلت معاد بطاب امريكا ابد وقدام الكل
عبدالعزيز – الا بس فيه شي ومن زمان لازم اسويه كنت مأجله بس هالحين جاء وقته
تطق عليها باب الغرفه تبي تستلعن فيها
نوف اللي عليها شرشف الصلاه فتحت الباب تعتقد انها عيشه شافتها وانصدمت
ريتا – اريد ان اتكلم معك
نوف باإستهزاء – ووش تبين من القرويه
ريتا الشقراء وذات العينين الزرقاوين والبيضاء كما الثلج – أهكذا تستقبليني وتريديني ان اتكلم معك الاتحسنين الضيافه هذا وانتي عربية الاصل
نوف تفتح الها الباب وتدخلها – ادخلي
ريتا اللي تعض على شفايفها من رؤية جسم نوف يوم طلعت شرشف الصلاه عنها وهي بالبنطلون – نعم
ريتا اللي تجلس على الكرسي – انا ومشعل نحب بعضينا
نوف – طيب وش تبيني اسوي ازغرت ولاارقص
ريتا اللي ابتسمت من غيرتها لانها عرفت حجم غيرتها وهي تعلم ببواطن الغيره لما لا وهي تعشق مشعل وتستشيط قهر لما تشوفه مع أي وحده من جنس حواء
ريتا – وانتي عايق بيننا
نوف اللي مطت عيونها – نععععععععععععععععم اشوفكم ماقصرتوا امس
ريتاوهي تحط رجل على رجل – ماذا افعل زوجي يطلب مني ذلك
نوف انصدمت وقاحتها بس مااستغربت ان هالاجانب يموتون في الماده وممكن يبيعون عيالهم عشان الماده فمابالك وزوجها يبيعها على مشعل
ريتا – لماذا تستغربين قلت لك زوجي واعتقد انك تعلمين انني ومشعل متزوجون
نوف اللي انصدمت صدمة عمرها – شنهــــــــــــــــووووووووو
ريتا – ويسخر منك ويقول هذه القرويه أعلت قلبي ( تناظرها وهي تستضعف تمثيل )
ريتا- لماذا تعلين بقلب حبيبي
نوف وهي تتكتف – اطلعي بــرى بـــــــــــــــــرى
ريتا وهي تضحك وتسخر – هههههههههههههههههههههه ههههههههههه لماذا انفعلتي ايتها القرويه الاتعلمين ان بوادر الغيره قد تملكتكي آه يامسكينه ومشعل لن يعيرك اهتماما يتطلب منكي مصلحه ومن ثم سايطلقك
طلعت وخلتها,,,, ونوف اللي طاحت على سريرها تبكي صدمات ورى صدمات وهي تنهان وتصكت إلى متى ! إلى متى !
ريتا طلعت لمشعل وهي تسب وتشعن في نوف وميته غيره وقهر افتكت من حريمه الثنتين ومابقى الاهي تجي منافستها هالحين اقوى واقوى من هالثنتين اللي راحوا... وهي تدرك حجم جمال نوف وجمال جسمها بل متأكده انها اجمل منها بعد
مشعل اللي منسدح على السرير – هههههههههههههههه ههههههههههههههههه
وطيب ليه زعلانه
ريتا – اكرهها اكرهها واكره ابيك الذي اجبرك على الزواج منها
مشعل اللي وقف معصب – وإن شاءالله ليه حضرتك تكرهين ابوي
ريتا – لانه زوَجك من القرويه البلهاء
مشعل يبتسم لحجم غيرتها ويقرب منها وهو يبتسم خبث – تغارين علي ريتا
ريتا وهي معصبه – ماذا ترى
مشعل – آآآآآآآآآآآآآآآآآآآه ,,, وآنين لايعلم سببه سوى الله سبحانه وتعالى
عند جده وآهل جده
تركي في مكتبه وهم يجهزون خطه للهجوم على شحنة مخدرآت راح تدخل للبلاد
نايف – عُلم طال عمرك
تركي – خلاص جهزوا العناصر نص ساعه كذا ونحرك
خلف – حاضر طال عمرك
طلعوا وخلوه ... جلس على الكرسي وحاس في ضيقه وحاس ان هالعمليه مراح تعدي على خير ابد ... كلم خلود وتطمن عليها ... ووصاها على العيال وحاول مايحسسها انه رايح لعمليه خطيره ... بل من اخطر العمليات التي ربما يواجهها في حياته ... جهز عمره وتوجه لتطهير البلد من السموم اللي تنفث في شبابنا الله يحميهم يارب
في ساعه متأخره في الليل في المطبخ .. وحاسه بضيقة صدر وكبت ... حست بخطوآت تقترب من المطبخ ... وطاحت عينها في عينه .. تم يتأملها فتره وهي نزلت عينها .... اقترب منها بدون ان يهمس بحرف ... نوف استغربت وش يبي .. التف ودار لين صار خلفها مباشره .. وضغط بيده على خصرها اللي تحسه بيتقطع ... من دون ان تصدر صوت وهي تكابر وتتحمل ... عارفه انها راح تنظرب واللي جالس يصير عقاب لها على طردتها لريتا .. ماتحملت الآلم واصدرت آهه خفيفه ... حس فيها .. وسمعها .. ابتسم آبتسامه جانبيه .. واللي يحس فيه ( طلعه ) وفكها مبتعد عنها... من دون أي حرف مثل مادخل طلع
وقف عند الباب تأملها مره ثانيه وشاف طيف دمعه في عينها... تم يتأملها لين فتره
ابتسم بسخريه وطلع
اول مااطلع جلست على الكرسي وهي تئن من الآلآم اللي تحس فيهاا رفعت بلوزة بجامتها... ناظرت جوانب خصرها .. شافت آثار اصابعه وهي مايله للزراق
طاح سيل دموعها اللي مخبيتها ... قامت تتحسب وتدعي وهي ابد ما باتت هاليله من كثر الآلم اللي تحس فيه بيقطعها
خالد اللي آخيرا فتح جواله كلمه عبدالعزيز
عبدالعزيز – وآخيرا قدرنا نحصلك
خالد – هلآ عبدالعزيز
عبدالعزيز – احلف ياشيخ وينك فيه يوم ندق عليك ليه قافل جوالك ؟
خالد – طفشان من البيت
عبدالعزيز – لا مادرينا صراحه
خالد – عبدالعزيز بلاها المسخره اللي في صوتك
عبدالعزيز – انت داري ان امي منهبله عليك جالسه في الصاله وكل من مر عندها تسأل عنك دق مادق وجوالها في يدها ياشيخ ارحمها
خالد – هي مو فاضيه لي خلها بس متفضيه لسويره ولك
عبدالعزيز اللي ابتسم من غيرة وحساسية خالد – شكلك الله العالم انهبلت وانا اخوك
خالد – ايه انهبلت تبي شي بروح انام
عبدالعزيز – متى بتجي البيت ؟
خالد – مدري واللي ادري عنه ان فيني نوم وعلم امي قولها خالد بخير سلام
وصك .... عبدالعزيز ناظر الجوال وهو معصب من تسكيرته بهالشكل
عبدالعزيز – اظاهر اني عطيتكم وجه يااخواني لين تماديتوا معي
حذف الجوال على الكنب وقام واقف واتجه للبلكونه التابعه لغرفته ... جلس فيها وهو يغرق في افكاره .. بس فجأه يصحيه البنت اللي واقفه وتكلم وستائر غرفتها مفتوحه
وهي مو منتبهه ابد ... صحاه عن أي تفكير كان بيطير بخياله له .. انذهل لا بل شهق من الحسن والجمال الذي يقبع في تلك الفتاه ذات الشعر الطويل ... العيون النجلاء الناعسه والواسعه ... والضحكه الواثقه التي ترسمها في شفايفها ... والطول المتوسط .. والاسمرار الرائع ... والغمازه التي رأها من شدة تركيزه في وجه تلك المخلوقه الواقفه التي غابت عن عينه ولم تنتبهه له ابدا ... انذهل وانصدم من حسنها الذي حلم به سنين طويله ... الملامح التي رسمها في حبيبته عند مراهقته ... لكن امل مسحت كل حسن وجمال ورسم قبع في تخيله ... بل مسحت من باطن عقله كل هذه الصور في فتآة احلامه ... لان امل تختلف اختلاف جذري عن رسمه لفتآة احلامه .. لان جميع الرجال بل نتطرق الى الفئه الشابه تحلم بمخيلات يرسمها لفتاة احلامه .. بعد ذلك يرتبط باحواء اما ان تكون قريبه من الصوره التي يتمناها ويحبها ,, ام تكون بعيده كل البعد عن الصوره التي يتمناها وايضا يحبها بل واشد الحب مثل حب عبدالعزيز وامل .. على شدة انذهاله من تلك الفتآه وحسنها المنير .. على انه قبع خياله وفكره الى ساحرة عقله وقلبه وكأن ماصار قبل قليل عاصفه طفيفه جدا مرت ولم يتأثر بها من شدة تعلقه في زوجته الميته
فتحت على اختها الغرفه
عبير – مانمتي
مي – لا انتي ليه مانمتي
عبير – اتصلت علي منى وتبيني اروح لها من بدري بكره تقول بيصير عندها عزيمه
كبيره وتباني اساعدها فيه تعرفين منو وحيدة اهلها
مي – الله يكون في عونها متى بتروحين
عبير – بروح العصر وانتي وامي اكيد بتجون الليل منو كلمت امي وعزمتها
مي – اها
عبير – ليه مانمتي انتي
مي – مدري حاسه باارق شوي راسي يعورني
عبير – بسم الله عليك يالغاليه ,,, اجل اعذريني بروح انام وراي قومه الصباح
مي – عذرك معك
في الطريق صادفت محمد
عبير – انت وين كنت
محمد – توي راد من الاستراحه تبين شي !
عبير – ايه 00 دلال كلمت تسأل عن ولدها
محمد – من خالد ؟
عبير – ايه وينه
محمد – بالاستراحه
عبير – وليه مكلم امه يطمنها
محمد يضحك – الاخ حساس شوي وزعلان منها
عبير – ماعنده سالفه يزعل الصراحه لومنه انتحر ان هالعائله اهلي ( وتتتجه لغرفتها )
ومحمد يتبعها بنظراته وهو منصدم من حجم كره اخته لهالعائله
عند تركي
بدأت الاقتحمات .. وضرب النيران
تركي – خلف خلك مبتعد لاتقرب سلامتكم اهم شي بالنسبه لي
خلف – لاياطويل العمر
نايف – ياطويل العمر هناك عناصر من جنودنا مختفيين
تركي بروعه – كم واحد
نايف – حول الخمسه
تركي – لا ماني ولد ابوي ان خليتهم عايشين اللي تجرأو على خطف جنودنا
نايف بقوته المعروفه بقلبه وشجاعته ومواقفه اللي اهلته يعتلي مناصب ويسبق جيله هو وتركي – تركي خلكم بهالمواجهه وانا بحاول اشوف والحق وراهم عل الله وعسى يمسكنياهم
تركي – لانايف خطر عليك وانت وحيد هلك لاتنسى امك وابوك خلني انا , وانت قد المجموعه
نايف – وهم انت ياطويل العمر بعد وحيد هلك خلني وعسى الله لايعوقني بشر وراك عيال وانا ماوراي احد ابي بس منك الاذن
تركي – لا انا اللي بروح
نايف – السالفه ماتحمتل عنادك ( باس راسه ودزه طايح ) اعذرني ياطويل العمر انا ابي الشهاده
تركي اللي ابتسم وهو يرفع نفسه ومشاف الاغبرة نايف صديقه الصدوق وكآتم اسراره المتهور دائم دعاله بقلبه انه يسلمه ويعافيه ويخليه لامه ولااهله
عند نايف اللي لحقهم بسيارته وشاف الجنود يحاولون الخلاص منهم عند وقوفهم لاحدى العمائر في حآره مظلمه جدا
خبر نايف العناصر بمكانهم واستعد يقتحم المكان ... تهوره بيوديه لعوآقب وخيمه
شافت ابوها السكران وهو يشيل ويضرب ويسب ويلعن في صباح اللي لو كان صآحي ماتجرأ يرفع صوته
صباح وهي تسطره – هيه صحح صحح يمال الوجع ياربي
غازي – اااا ( وكأسه بيده ) ا ا ا قلتلـ قلتلك ( وهو يترنح ) بتدخلين
و ووو رقببببببببببببببببب تك فوق را راسك
صباح وتدزه – تخسي وتعقب مابقى الاهي تبي تدخلني على خمتك الوجعانه
بتفكير شرير وخبيث وتجيها فكرتها اللي بتخلي منال ماتحط عينها في عين صباح مره ثانيه – اسمع يا غازي خذ منالوه مامنها فائده
غازي اللي مو بوعيه ابد – هههههههههههههه هههههههههههههههه اهههههههههه هههههههههههههههه ج جججبتييييها ياصباحوه
منال اللي هربت للحوش تتخبى وهي تصيح وتبكي خذت جوالها اللي بيده ودقت على حمود اخوها وهي تبكي عارفه ان نهايتها جتها وزوجة ابوها ناويتلها الشر
حمود بصراخ وريعه – وش هـــــــــــــــــــــو
منال اللي ترجف وتبكي وخايفه ومقصره صوتها – تكفى حمود الله يخليك لاتتركني
حمود – صكي صكي ( ويصكرمنها )
حمود – تكفى خالد بسرعه روح بيتنا بســـــــــــــــرعه الله يخليك بسرعه
خالد – وش فيكم
حمود – روح روح بسررررررررررررررررعه
( وهو يرتجف من مجرد التفكير ان اخته وعرضه يلمسها حد اويتهجم عليها ومعصب بالحيل وناوي مايعديها بالساهل )
عند نايف اللي دخل المقر .... وشاف ربعه وخوياه مربطين ... والعصابه بتضاحكون من فشل مخطط الشرطه ؛؛؛ لان اللي جالسين يواجهونهم هالحين مجرد كمين هم دبروه للشرطه
نايف اللي حمق منهم وهو يصوب مسدسه عليهم وهم ارتاعوا من اللي يشوفونه
في غرفتها 00وتبكي من الآلم اللي بيقطعها 00 وهي تسمع صوت ضحك وسوالف تستحي من سماعها 00لانهم جالسين بالقرب من غرفتها 00في الصآله اللي حولها
وهي تستغفر وتدعي 000 وحآلتها حآله 00وتتمنى تقوم وتذبح كل حد فيهم 00 وخصوصا مشعل 00
آآآآآآآآآآآآآآه حسبي الله عليه 00 الله لايوفقه 00 لالالا مااقدر اتحمل 00 بموت والله بموت آلم محد قادر يتخيله 00 ليه ليه يكرهوني لييييييييه 00 معقوله ابوي سوى فيهم شي قبل لايموت 000 معقوله فيه شي بينهم 00 معقوله جدتي سوتلهم شي او حد سوالهم شي من اهلي 00 مو معقوله كل هالعذاب اللي قاعده اتحمله
بعد شوي اختفت كل الآصوات واصبح المكان هدؤ ... سمعت حد يقتحم غرفتها 00خافت 00 بس انصدمت من اللي اقتحم غرفتها
.
( الفصل السابع .. الجزء الآول )
نزل من السياره قبل توقف 000 يركض
خالد – حمود لحظه حموووووووووووووود
ركض وخلاه 00المصيبه اللي بتصير لاخته فقده كل عقله وحواسه وتركيزه 00وهو يغمض عيونه لمجرد ما يلامس عقله بس ان ابوه وزوجة ابوه دخلوها على السكارى
خالد ضبط وضع السياره وركض وراه
وصل داخل مشاف حد 00 بسرعه ركض للغرف باب باب 00 تذكر ان اخته قالت انها في الحوش 00 في السرداب ركض بكل سرعته وهو يرجف وعيونه حمر
خالد شاف حمود يركض برى ركض وراه 00 دخلوا السرداب الخارجي لقوها ترجف وتبكي والسرداب مظلم مو باين أي نور 00لو لا صوتها ماعرفوا بوجودها 00
حمود – منـــــــــــال
منال تقمز بريعه وتطير تحضنه – حمود حمود بموووووت بموت خايفه خذني معك حمود 00 الله يخليك خذني 00 انا خايفه 00 يبون يدخلوني على لريجيل (وهي ترجف وتبكي ) حمود ضمها في ضلوعه 00 وهو يرجف من الغضب والغيض
تركها وركض 00 ومع رجآتها ومناداتها له وهي ترجف ماتبي ترجع لذاك المكان
خالد صار بين نارين يركض ورى حمود المتهور 00 ولايوقف ويطمن على اللي ترتجف قدامه 00 رعشت جسمها وبكاها وشهيقها خلاه غصب عنه يتكلم
خالد – خلاص الله يخليك لاتبكين حنا معك خلاص حمود ما بيترك لاتخافين
وهي ترتعش ورافضه تسمع وخوفها سد اذنها عن أي شي
منال هي ترجف وتبكي – الله يخليك لايذبحون حمود ماعندي غيره الله يخليك لايذبحونه 00
خالد اول ماسمع الله يخليك قمز وهو يركض كلمة ( ماعندي غيره ) سيلت دموعه
غصب عنه توجه للمجلس يركض
وشاف هناك حمود يتعارك مع ابوه وربعه 00
خالد – هييييييييييييييييييه ابتعدوا عنه 00 وبسرعه يدف ذا عنه وذاك 00 ويمسك حمود
حمود بصراخ – فكني ياخــالد فكنـــــــــي فكني خلني اشرب من دمهم الخمـــــــــــــــه
خالد بصراخ – مجنون انت تبي تجيب لعمرك مصيبه امش امش قدامي
حمود بصراخ – لا مو بطالع ( ويوجه كلامه للسكرانين اللي يترنحون قدامه ) اطلعـــــــــووووووووووووووووووا بــــــــــــــــــــــرى برآآآآآآآآآآآآآآآآآآآآآآآآآآآآآآ
كلهم قاموا يتنافضون واولهم ابوه اللي كنه بدأ يصحصح ويفهم لكلام ولده
غازي وهو لسه مفاق من السكره مضبوط – خ خلا ص ي ي ي اااشباب رح ح وا
كلهم بدأو ينصرفون من الخوف 00 والعاصفه اللي طيرت ابراج مخهم
حمود يتوجه لابوه 00 ويمسكه مع ياقة ثوبه 00 ويرصه على الجدار وبصراخ - قلي من أي عالم انت ... أي ابوه تمتلك انت ...وش تصير بالنسبه لنا....انت قولي ( وهو يدمع )
تبي تعرض بنتك ضناك عرضك على خمتك ... وين غيرتك ويييييييييييييييييييييييين
قولي وين ؟ ( وهو يشهق ) من يوم كنا صغار ماعرفناك ... ولابنعرفك انت إنسان غريب إلنا ... نحاول نرضيك بإي طريقه ... بإي طريقه بس مفاد فيك ... ومن هالحين من هالمكان اقولك ... جلسه بهالبيت انا ومنال مو بجالسين .... بكره بتجيني تبكي تبيني ارد والله ماارد خل زوجتك وخمتك ينفعونك ..... مشى شوي
والتفت خلفه وهو يصرخ ويبكي – انت عار علينا عار عاااااااااااااااااااااااااااار
خالد اللي مذهول من تصرف حمود لابوه ومنصدم
عند نايف اللي وجه مسدسه على العصابه
نايف – كل واحد يرمي اللي بيده ويرفع يدينه فوق بسرعه .... في هاللحظه يوصل تركي والجنود معاه ... نايف حس بالربكه من الدخول يحسب انهم من العصابه .. واستغل هالشي واحد منهم 00اللي اطلق المسدس 00 وانطلقت منها رصاصه استقرت بكتف تركي .. اللي توجه وحط نفسه درع بشري 00 يحمي فيه نايف بعد ماانتبهه لحركة المجرم 00 واللي كان بيعمله في نايف
نايف – لاااااااااااااااااااااااااا ترررررررررررررركي
تركي اللي اغمى عليه .... والجنود اللي حاصروا المجرمين وقيدوهم
نايف – بسرعه دقوا على الاسعاااااااااااااااااف بسررررررررررررررعه
بعد شوي اختفت كل الآصوات واصبح المكان هدؤ ... سمعت حد يقتحم غرفتها 00خافت 00 بس انصدمت من اللي اقتحم غرفتها
عيشه تصيح وتبكي وتولول ونوف اللي قمزت واقفه ومرتاعه
نوف – عيشه شفيك ليش تبكين
عيشه وهي تبكي – مازن مازن ياست نوف مكاش لحد دلوئتي
نوف – بسم الله عليك بسم الله عليك يمكن مشغول
عيشه – لا ياست هآنم دا دئيلي الساعه تمانيه وئلي بنت ياعيشه كهزي العشاء يابنت
وكهزت العشاء ولحد دلوئتي مكاش دنا خايفه ياستي خايفه انتي بتعرفي دحنا في غربه ومانعرفش ناس كتير ( وهي تولول وتبكي )
نوف – ياستار استر ياستار استر اللهم احفظه اللهم احفظه تعالي تعالي نخبر مشعل يتصرف
توجهوا على جناح مشعل 00ونوف تطق الباب وهي خايفه ومنقهره في نفس الوقت انها ذلت عمرها لهالانسان
هالمره اللي فتح الباب ريتا هي تعرك عيونها- نعم ماذا تريدون
نوف وهي مفوله من اللي قاعد تشوفه بقميص النوم ولا الميكاب الكامل ولا الشعر السايح – صحي مشعل بسرعه
ريتا وهي تمسك الباب بحيث مايشوفون اللي خلفه وهي واقفه عليه ومتسنده – وماذا تريدين منه
نوف بقهر- ابيه بسرعه تلحلحي وصحيه
ريتا وهي تبتسم بسخريه – هه أتريدنني ان اصحيه ليرى تفهاتك اغربي عن وجهي
( وهي ترقع بالباب )
نوف اللي فولت من حركتها
عيشه بضعف – خلاص ياست هآنم خلاص مش لازم دنا خايفه يزعل مني سي مشعل
نوف – روحي هناك بس بيقوم يعني بيقوم وتوريني هالحماره كيف ترقع الباب بوجهي ... تطق الباب باأقوى ماعندها خلت اللي ماارتج يرتج
مشعل بعصبيه وهو يفتح الباب – خيـــــــــــرررررررررررررررر
نوف اللي تلعثمت من عصبيته 000 وعيشه اللي اتخبت خلف نوف تستحمي فيها
نوف – ا اااا ا اااا
مشعل – خير انتي وياها تصحوني عشان تقولين اا ااا ااااااااا
نوف بقهر – لا مازن مارجع لسه وعيشه خايفه عليه وتبكي تقول من الساعه ثمانيه وهي تنتظره
مشعل بصدمه – شنهووووو مجاء لسه
عيشه اللي طلعت من ورى ظهر نوف وهي تبكي – يا سعات الباشا دا مكاش لدلوئتي
وانا خايفه عليه دنا مليش غيركم دا انتم اهلي وانا خايفه على مازن المسكين مكاش لحد دلوئتي
مشعل – طيب دقيتي عليه جوال
عيشه – ايوه بس مايردش
مشعل بسرعه يدخل يغير ملابسه ويطلع ونوف تلحقه
نوف – مشعل
مشعل لف وجهه لها وهويحرك وجهه ( يعني خير )
نوف – طمنا اول ماتلقاه ..... كانت ناويه تقول انتبهه لنفسك بس حست نفسها مايستاهلها على انه ولد عمها بس اللي سواه فيها مو شوي
ريتا اللي طلعت لعيشه ونوف 00 في الصاله وهي تسب وتشتم
نوف – هيه هيه هيه ياانتي اسمعي قسم بالله لو ما ذلفتي من قدام وجهي لتشوفين شي عمرك ماشفتيه
ريتا – هل تحدثيني انا .. ايتها القرويه
نوف – مصدقه عمرك يالله يالله اذلفي من قدامي بسرعه
عيشه وهي تخبط على يد نوف – هدي هدي مايصحش العصبيه ياست هانم
نوف – ماتشوفينها ياعيشه مصدقه عمرها ذي
ريتا تقترب من نوف تبي تضربها بس نوف باغتتها بالكف
ريتا وهي تمسك خدها – ساتندمين صدقيني ساتندمين على فعلتك ايتها البلهاء الغبيه
نوف – اعلى مافي خيلك اركبيه واللي ما تطولينه بذراعك واصليه برجولك واذلفي من قدامي لا اقلب عليك اليوم عاليها واطيها
ريتا طلعت من عندهم وهي معصبه 00 وناويه ماتعدي اليوم على خير
نوف اللي ظلت طول الوقت رايحه راده ... رايحه راده ... وفي قرارة نفسها متأكده انها اليوم بتنضرب بتنضرب لمحاله
في السياره
حمود وخالد ومعهم منال اللي قابعه ورى ... وهي تقرص يدينها .. ومقطعتها تقريص من الحديث اللي يصير بين اخوها وخالد ... وهي ماهي مصدقه انها طلعت من البيت اللي ذاقت فيه العنا والويل
خالد – حمود شفيك اقولك شقتي موجوده ليه تعارض وتمانع انهبلت انت
حمود – خالد افهم علي مااقدر وبعدين انت تحتاج شقتك لاتنسى اصحابك اللي يجون لك كل شهر وتضّيفهم فيها
خالد – وانا قلت لا يعني لا شقتي موجوده وبلا نقاش الله يخليك
حمود – مدام كذا اجل اصبر علي لين ادور لنا شقة طيبه تضفنا وبنخليلك الشقه
خالد اللي مصدق يرضى – الشقه وراعيها تحت امرك ومتى مابغيت هي موجوده
الساعه صارت الرابعه صباحا بتوقيت النمسا
ومشعل لحد الحين لاهو ولا مازن بينوا
عيشه – نعمل ايه ياست هانم
نوف وهي خايفه – ان شاءالله خير يارب ان شاءالله خير
بعد فتره
مشعل يدخل وهو باين من شكله تعبان بالحيل
نوف وعيشه بسرعه يتراكضون
نوف – وش صار
مشعل يناظرهم ويركز نظره على عيشه – خلاص روحي ياعيشه هو في الملحق وصل
عيشه – فين حصلته ياسعات البيه
مشعل – سيارته متعطله وجواله مسروق
نوف – الحمدالله الحمدالله لك يارب خلاص روحي لمازن ياعيشه
عيشه – فوتكو بعافيه وسمحوني على الازعاك
نوف – حصل خير ياعيشه اهم شي اطمنا عليه
مشعل طلع الدرج ونوف جلست في الصاله طار النوم من راسها
بعد فتره 00 مثل الاعصار نازل عليها مشعل 00 وعرفت السبب وخافت
مشعل معصب وعينه في عينها وهو يتوجه إلها – ليش ضربتي ريتا
نوف – تستاهل
مشعل – احلفي ياشيخه
نوف – قاعده تسبني اسكتلها تخسي
مشعل يقترب منها ويلف يدها بقوه ويحط ضهرها خلف صدره ومقرب منها وهو يهمس ...
مشعل - ليش مديتي يدك عليها
نوف – أي عورتني فكني
مشعل – قبل لاتقولين ليش ضربتيها مااني فاكك
نوف وهي تتألم – قلتلك تسبني وتقولي قرويه
مشعل وهو يعض على شفته من العصبيه – ليه موانتي قرويه
نوف عشان تقهره – شرف لي اني اكون قرويه عسل على قلبي بس هم احسن مني بكثير
مشعل وهو مقرب من اذنها – امممممم اجل عسل على قلبك
نوف وهي معصبه – ايه .. ورجاء فكني يدي تعورني
مشعل فجأها ابوسته القويه على شفايفهااللي ألجمتها ,, بعدين دزهاعلى الارض ومسح شفايفه بتقزز
مشعل – وووووع ( وراح وخلاها )
يناظر الشباك اللي في غرفتها بس مشافها
مايدري ليه مايبي يروح من هالمكان وحاسس فيه بالآمآن 00 جلس وهو يتذكر أمل اللي ماغابت عنه دقيقه وحده 00 ضحكها 00 سوالفها معاه 00همسها 00 ريحة عطرها 00 يتذكر كل شي وكأن هاللي صار بس البارح مكان صار عليه وقت وفتره وسنين رفضت تدمل هالجرح اللي ينزف منه
عبدالعزيز – لازم اسوي اللي نسيت اسويه عشانك ياأمل لازم
جلس على الكرسي وهويحس بالحنين 00 معقوله ياامل حبك كبر فيني مثل الوليد الصغير اللي يكبر في كنف امه 00 مقرك في قلبي ياأمل مقرك في قلبي ولحد يستحل
هالمكان 00 مخصص بس لك مخصص بس لك .. وموتك مايبعدك عني ... اذا رحتي عن الحيآه تراك استقريتي بقلبي
عند الطوارئ
نايف ولبسه العسكري كله غرقان دم وهو منلجم ولايرمش ولاينطق بحرف
عيونه متوجهه بس لباب العمليات لهالباب اللي دخلوا فيه تركي
خلف – ياطويل العمر موزين اللي تسويه في نفسك إن شاءالله بيصير بخير لاتنسى انه كم مره انصاب
نايف وفي قلبه ودموعه على خده ( الخوف كل الخوف تصير فيه عاهه مثل الآصابات اللي قلت عنها ياخلف ,, الخوف كل الخوف تصير فيه عاهه مثل الآصابات اللي قلت عنها ياخلف آآآآآآآآآآآآه ياتركي انا سبب اللي انت فيه انا سبب اللي انت فيه
خلف – ياطويل العمر لازم نبلغ آهله
نايف واللي كنه صعق – آهله
خلف – ايه اهله لازم يدرون عنه
نايف – اصبر شوي ياخلف ماابي اروعهم ومثلك عارف مافيه رجال عندهم كيف باانصاص الليالي نسحب حريم للمستشفى
خلف – ليه ووالد تركي وينه
نايف وهو يسرح بتفكيره – والد تركي يطلبك البيحه ميت له سنه
خلف – إن لله وإن إليه راجعون سامحني ياطويل العمر 00 مثلك عارف مالي فتره من تعينت 00 ومااعرف شي الله يرحمه يارب رحمة واسعه
نايف – آيييييييه عزالله من خّلف ممات ياخلف .. عزالله من خّلف ممات ... العم علي كان من اكبر المحاربين لااهل المخدرات ... رباني انا وتركي وزرع فينا محبة الوطن ... والدفاع عنها ... ومن أول ماتخرجنا خذانا بايدينا وسجلنا في الكليه العسكريه .. تصدق ياخلف لوأقولك عمرهم ماحسسوني باليتم ... كان العم علي ابوي .. وتركي الله يحفظه أخوي .. هه راح وياخوفي تركي يلحقه
( وهو يشهق من الذنب والنار اللي تسعر في صدره )
لحد الان مصعوقه لا والصدمه صدمتين
لا ماابي ابكي انا عمري ماكنت سلبيه بهالشكل لا انا مو مو مو ( وانخرطت في دوآمة بكا كل ماتذكرت اللي سواه فيها وكلمة الوووووع اللي موقادره تنساها والآهانه تحرق قلبها وروحها قبل تذبحها ,,,
طلع الصبح وصار الظهر ... وهي ميته بكا ... وتحس نار الآهانه بتذبحها
رفعت راسي وانا مقرره مااكون ضعيفه ابد .. هه كم مره قلت هالكلمه ... كم مره قلت ماابي اكون ضعيفه واضعف ... ليه اضعف لييييييييييييه ,, والله مااجلسلك دقيقه وحده يامشعل والله مااجلس دقيقه وحده ,, عشان ماعندي آهل ( واقوم اشهق ) مافيه حد يوصل حجم آحساسي .. انا انهنت .. انهنت .. باابشع صوره 00 انا انقتل جواي احساس انثى 00 انا ناقصه ناقصه 00 وياليت نقصي في أي شي الا نقص الكرآمه 00 شي يذبح شي يذبح
دخلت الحمام 00 وجلست في المروش بملابسي 00 وفكيته علي 00وكل ماتذكرت اللي سواه فيني 00 مسحت شفايفي لين صار الدم يخرج منها00 وحسيت اني قطعت الجلد 00 ولحد الان امسح واشهق 00 انا انطعنت 00 انطعنت 00 باابشع صوره
سمعت الباب يدق .. ماابي ارد على احد وحسيت حد دخل الغرفه واللي عرف اني بالحمام وطق علي
ماابي ارد على احد ماااابي
عيشه – ياست هآنم ياست هآنم
حاولت اضبط صوتي – نعم نعم ياعيشه ( وامسح دموعي اللي مثل المطر)
عيشه – سعات الباشا هو والمزغوته اللي متتسماش بينتزروك عل الغداء
نوف بصراخ – ماابي قوليلهم ماابي ماابي شي ماابي شي
عيشه بخوف – حازر حازر بس ماتزعليش يامدام
طلعت عيشه وهي تدعي على المزغوته على قولتها اللي خربت شهر العسل على المسكينه نوف
نزلت تحت وخبرتهم
مشعل – وليش ماتبي حضرتها
عيشه – مااعرفش يابيه اظاهر وربنا يعلم انها تعبانه
مشعل – مايهمني وروحي قوليلها مشعل يقول لازم تنزلين ماابي تموت وابتلش فيها
ورانا من وراها مصلحه
عيشه بلقافه – مصلحة ايه ياسعات البيه
مشعل بصراخ – وانتي شايخصك اذلفي وقوليلها اللي قلتلك عليه
عيشه بخوف وهي تركض – حاضر حاضر ماتزعلش يابيه
خبرت نوف بكل اللي حصل 00 اللي كانت طالعه وتمشط شعرها00 وعيونها متورمه من البكاء
عيشه – لوماخزه يامدام انتي مالك كنتي بتعيطي
نوف – لا عيوني تعورني روحي ياعيشه وخبريه ماراح انزل واعلى مابخيله يركبه
يبي يضرب راسه بالجدار بااي شي يصطفل هذا اللي ناقص انزله
عيشه وتضرب صدرها – يالهوي ليه الكلام دا ياست هانم
نوف وهي تحط روج جلدي يخفي آثار التشققات اللي تسببت فيها شفايفها وتحط كحل يخفي آثار التورم .... هنا عيشه فتحت فمها.. ومطت عيونها.. وسبهت في نوف ,, اول مره من عرفت نوف تحط مكياج ... ويتغير شكلها 360 درجه على مقياس رختر وهي منصدمه أي جمال موجع تملك 00 إذا سببت فتنه لها كيف مشعل ماانفتن بهالحوريه اللي طالعه من عالم ثاني .. معقوله مو رجل
نوف وتلف رقبتها ... بتشوف شكلها على جنب .. ناظرت اللي متنحه فيها – وش فيك عيشه
عيشه لحد الآن متنحه ومش مستوعبه اللي ينقال لها
نوف وتأشر بيدها قدام عيشه – هيه هيه عيشه وش فيك
عيشه آخيرا انتبهت – هاه نع نعم ياستي
نوف وهي تدهن يدها وساقها وعيشه طارت معها – روحي قوليله اللي قلتلك عليه خليه يزرط جعله سم يارب
عيشه متنحه
نوف – عيشــــــــــــه
عيشه – هاه آيه آيه هاائوله هاائوله ياست هانم امال الجمال دا ائدامه وئاعد بيبص في المزوعه ( وتتكلم وهي تنزل مع الدرج )
عيشه خبرت مشعل وعصب ووقف – اظاهر يبيلها سطارين يصحصحونها عشان تعرف تعاند مشعل مره ثانيه
طلع الدرج بااقوى ماعنده .. وهو معصب ويسب .. والدرج يصعده ثلاث درجات .. من القهر .. وقف عند الباب وتنح .. لا بل انصدم
طلع الدكتور من غرفة العمليات ووجهه ماله لون .. وخلف رفع رأسه وشافه
بسرعه ركض للمسجد ينادي نايف .. نايف اللي كان طالع من المسجد ويمشي في الممر
خلف – الحق الحق ياطويل العمر الدكتور طلع
نايف وخلف يركضون بكل قوتهم لين وقفوا عند الدكتور
نايف – تكفى بشرني عنه يادكتور
.
20-04-11, 03:34 AM
صبعي و هو إصبعي إذا غدرني أقطعه
جديد مواضيع قسم الارشيف
العرض العادي
