يعطييييييييييييييييييييييييييييييييييييييييييييييييييييييييي يييس اميــــــــــــــــــــــــــــــــة عافيه انشـــــــــــــاء الله فى انتظارس لااااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااا ااااتأخرين واللي يعافيس .............................

البااارت ** .19 **
ج





جواااد : أعرف كيف أأدبها
فتحت غرفة المكتب شفتها نايمه ..

*ع الكرسي .. وماده رجولها ع الطاوله ..
.. مشيت بشويش وفصلت اللاب توب .. وجيت بطلع بس

ههه باخذ جوالها ..
*وبنشوف كيف تسولفين مع فتتك مدري تبولتك .. وتلطعيني بالساعات جالس لحالي ..
وقفلت عليه بدولابي .. ل

ا ..*
وسن : آآآه ياظهري ..
.. حسبي عليك يافتوو لطعتني ع *..
المسن
نزلت رجولي منمله من قلت الدم.. *بدلكها شوي..*
آآآه حسبي عليك يافتوو حسابن عسير ..*
.
*..*وقفت وتمغطت وسيده لفراشي ماشوف من النوم ..*


لقيت السيد جواد بالصاله طربان ويغني :
آهوااااك وأتمنى لو بنساااك وقطع كلامه :


جواد بروقان : وسونتي تعااالي إسهري معي ..*

وسن :ا لحمد لله مابغيناك في السراء وأنا مروقه نجيك في الضراء وانا معصبه وسكرانه نووم*...


جواد : ياحلو هالسكر اللي تقطينه*
من فمك .. *درر درر جعل مايشوفك حاسد .. بس ..


وسن : طنشته ومشيت ..
.. هذا فاضي وش وراه ماوراه بكره امتحان تعبيرر ..






عساف : شفتها جالسه ع الاب توب قربت وسكرته بعنف ..
..!وهو يشتغل وفصلت افياشه بوحشيه :


أنتي ماتستحين ..
.. عيني عينك *ن ..




*..
وداد بذهول : وش فيك ..*


عساف : مهمله بيتك ورجلك وبنتك**وجالسه تسولفين مع فلان وعلان * ..
عطيتها ظهري وطلعت للاستراحه ..


وداد : رميت نفسي عا لسرير بقهر ..
.. هذي ماهي حاله وشفيه استجن علي ..*


دخل الاستراحه وحالته حاله ..*
.. ولما شاف خويه واجهه .**.
**يفرك صدره من الحررره والقهر

بشار : تكفى ياخوك تكفى ياأبو*
فهد أبيها أبيها بالحلال بالحرام أبيها *..!.


أبوفهد : من هي اللي تبيها وأنا عند وجهك ..

بشار : بنت خالتي مررت وافي ..
.
أبوفهد : أعوذ بالله مرت خوينا ماغيره!*

وافي التركي!

هو مهوب رجعها؟
بشار : رجعها رجعها وأنا شي*قطع قلبي ..*
.. *تكفى يابو فهد شور وش*
السوات ؟
أبوفهد : وهو يسحبه بيده يارجال*
تعوذ من الشيطا ..*
،
وخل الرجال وحرمته بحالهم.
وعندي لك الحل ..
.. كان تبي وتسمع شوري ؟
بشار:الحقني به ولك اللي تبي ..
*..*
.
أبوفهد : ياخوك هذا الشيطان حلاها بعيونك ..
.. تعوذ منه وأكثر من الصوم والصلاه*
وخذ لك عمره تريح نفسك وتهدي .. بالك وادعي عند الكعبه إن الله يغسل حبها من قلبك
وإنه يريك محاسن زوجتك ويحببك فيها .. ويجعلها أجمل النساء في عينك ..
.. وأنا بخاويك للعمره وهالحين لو تبي!


بشار : كنت جاي وحزن الدنيا كله*
بقلبي ..
.. حبيبتي ماقدرت أوصل لها وزوجتي ماملت عيني ..
.. وكل يوم وأحنا بخناق لأني ماأحبها وأدور عليها الزله ..
وطلعت من بيتي وأنا ناوي نيه شينه .. *مره يقولي الشيطان أذبح وافي وريح نفسك ..
.. ومر يقول سو له سحرصرف ولها سحر عط ..
.
ومر يقول لي شوه سمعتها عشان يطلقها ..
،
ومر يقول أبرد كبدك منها لو بالحرام بالحيله ..
.
والشيطان مافيه أشطر منه بالحلول والبدائل تلقاه عند وجهك .
لكن كلام أبوفهد دخل قلبي وكنه صحاني من نومي وغفلتي ريحنني ..*
،
تعوذت من الشيطان وتوضيت وصليت ركعتين .. *واستغفرت *
*ربي وقلت لأبو فهد*
:
كان ماعليك كلافه وماعندك ارتباط ابيك تخاويني للعمره .. أحسن من خوت الشيطان.
أبوفهد برحابه صدر : ولو لو مافضينا لك نفضي نفسنا.
خوتك تنشرا ..
.. بس بمر الأهل اعطيهم خبر وأشوف احتياجاتهم وأجيك ..








عناد : كنت راجع من الدوام ومشتاق لجوجو ..
.. وجودي بس حاجه شاغله بالي ولازم أناقش جواهر فيها لازم أسوي اللي أنا ناوي عليه ..


.
عناد عند المدخل وناسي زعله منها البارحه :
جووووجو .. جوهرررتي .. الجوهرررره
*..*


.
جوزا وهي تلفت : شخبار ياولد خالتي *..*

.
عنادبنفسه > ياليل ماطولك <:
.. الحمد لله.
جوزا بتردد : عناااد ااانا أبيك وشاريتك ..
..*
*وماتطلقت من رجلي إلا عشانك ..


.
عناد : استغفر الله العظيم سبق وقلت لك :
..*مايملا عيني غير أم الجود
*.. عيب يابنت تبيعين نفسك على رجال مايبيك *..

.
جورا ودموعها تنزل :

بس أنا مابي إلا أنت .. وما آخذ غيرك ..
.. ولو تاخذني مع جواهر ماعندي مانع طال الزمان أوقصر وذنبي برقبتك..



عناد بعصبيه : لو كنت أبيك قبل ..
.. فأنا هونت بعد كلامك ذا .. وأنا مايفرقني عن أم الجود إلا الموت..



**..*
جواهر بعد ماسمعت كل شي:
طنشت جوزا وكلامها ..*
.. ويمكن قهرها كان له دور بجرأتها
قربت من عناد وحضنته وبست راسه
هلا عناااادي أشتقت لك..


عناد متشقق : وأنا أكثر.


جوزا : انسحبت من بينهم .. وبنفسها


>لملم دموعك وانسحب مالك نصيب باللي تحب <







وسن : ياربي أنا متأكده نايمه والاب ع المكتب وين راح؟
غريبه حتى جوالي قلبت الشقه مالقيته.



*.. أنا أقول هالشقه مسكونه ماهيب خاليه بسم الله منهم..


لااااا يكون الجني هو جوادوه ..
..*أكيد هو مافيه غيره
وسن : جواااااد قوم بسرررعه.


جواد : وجع اهجعي خليني أنام..*

وسن : هات جوالي وكمبيوتري ..
.. وإلا بنكد عليك لين تقوم.



جواد : أذا قمت وسمعت لك وأنتي صامه التوحيد صم بالأدله عطيتك إياه ساعه كامله..



وسن : أقووول لايكثر بس ..
.. والله لو إنك أبوي.


جواد بعد ماطار عنه النوم :
سوي لي فطور .. وياويلك إن دعيتي علي.



وسن : الله ياخذه عرف نقطة ضعفي ..
.. لازم اسايره ماسكني باليد اللي توجعني
حطيت ع الطاوله جبن ومربى وعصير.



جواد : خير أطرك أنا ..
.. هذا فطورك بس حتى حاطته بعلبه ماهان عليك تحطينه بصحون..


وسن : طالعته وأنا أقول بنفسي جعلك الحله والوجع والعله..


.جواد : لاتدعين علي..

وسن : بسم الله وش دراك..


جواد : دراني عيونك اللي كنها عييون بقره ..


وسن : تف تف بسم الله على عويناتي من شر حاسدن إذا حسد ..






تركي : قلبي ياكلني على جواهر ..
.. مع إني مطمن أمي وأبوي عليها.

.
.جواهر مو مثل خواتي هي حساسه وتكتم بقلبها ماتحب تشكي وتضغط على نفسها ..
. وعناد غامض..

عشان كذا طلعت لجده انا وعزيز ومحمد ووليد ..*
كنت أبيه يحس إن لها عزوه وسند ..
.. ودقيت عليه أخبره.


عناد : ماقلت لجوجو إن أخوانها بيجون ..
.. أبي اسويها مفاجأه لها
رحت للمطعم وعطيتهم الذبيحه وجبت معه حلويات ومعجنات وقلت لها جهزي القهوه فيه ضيوف غالين علي بيجون وأنا أغليهم من غلاهاا



جواهر: احترت من اللي بيجي عناد ..
.. شكلهم غالين عنده حيل لايكون خالته جوزا..
*جهزت القهوه وأنا أغلي من الغيض..




.. كنت أمشي على أطراف أصابعي من الفرحه وامشي بخفه كني وسن بشقاوتها..



تركي : كسرت خاطري جوجو وهي فرحانه ..
.. وأعجبني عناد إنه ماقال لها حسيت إنه يبي يفرحها ..*

وأثناء سوالفنا تطرقنا للشعر والشعراء وشاعر المليو ..

والتفت لجواهر وقلت إلا ماتدرين أن رجلك شاعر..


جواهر باندفاع : تصدق مادريت إلا أمس ..
.. *وتذكرت قصييدته أمس ونزلت راسها ووجهها دايما يفضحها لاانقلب أحمر..


عزيز : ياااهوووه فيها وجهه أحمر ..

..*أجل سمعنا وش قلت أمس
رفعت جواهر وجهها وهي توعد عناد بعيونها ..
.. عشان
*مايحرجها قدام أخوانها..


عناد : طالعت وجهها ..
.. ياحلووه لااستحت
وقلت لعزيز :
وش لك بالبايت خذ الطازج
‏ ..*
.. قلتها لماشفتها تقبل وتقفي تضيف أخوانها ..
.. شربت رشفتين مويه وعيني عليها.:



من يقول الزين مايكمل حلاه**كل شي)ن(في حبيبي اكتمل.

الله اللي كمله والله عطاه**مابقى للزين في خلي محل
العيوون أحلى من عيون المهاه**شافهاقلبي وصفق*وأحتفل
نظرته من فتنته شعلة حياه**والجفون من الحيا فيها كسل
ساهمن رمشه على الخد وسناه**كن لمعة وجنته ورد)ن(وطل
الشفايا كنها جمر الغضا**تحرس الريق المحلى بالعسل
والشعر ليل)ن(تقل حمرة مساه**اجعدن حول خصره همل
مايح)ن(فوق متنه ماطوله**لون شلالن مع المغرب نزل
وانطلق جيده يماري في بهاه**فوق مياسن تعزل واعتدل
بالرشاقه فيه من ظبي الفلاه**لي مشى كنه على الروح انتقل
ريحته من كل زهرتن منتقاه**والزياده للخزاما والنفل
صافيه مثل المطرفوق الصفاه**باسم مثل البشاير بالامل
جامعن من كل زين منتهاه**مستحيل الوصف في حلا سهل
كايدن ماهو يلين لمن بغاه**يرتفع عن كل سقطات الزلل
‏)للمبدع خالد الفيصل(






تركي : ابتسمت براحه بعد هالقصيده ..
.. *أحس إني ارتحت .. وبعد ماودعناهم مسكت يد جواهر وضغطت عليها .. وهمست باذنها لماشفت الكل منشغل بالتوديع:


عناد كنز حافضي عليه .. *وإذا شد ارخي وفوتي عشان تمشي الحياة ولاتاقين له ع الحبه وأحشميه .. وراعيه ولا بدون لاتذلين نفسك.


جواهر: ان شاء الله.

عناد : استغليت روقانها وحطيت يدي على كتوفها وأنا امشيها للحديقه:


.. جوجو أنا ودي بأخو لجودي .. يلعب معها ويوسع صدورنا ويكون سند لي ولك ولجودي.


جواهر: عنااادي جودي لسا صغيره ..
.. وأنا مابي جسمي يخرب بالولادات ورا بعض.



عناد : تكفين جوجو لاتردينها بخاطري ودي افرح وأفرح هالشيبان معي.


جواهر : طيب وجسمي بكره إذا خرب قلت فيك وفيك ياالدبا ياكرش ورحت تزوجت علي.


عناد : ههههه جيبي الولد وان شاءالله تجين كبر الفيل مانيب ماخذ غيرك
وبعياره:

وش أسوي بدفن عمري مع الكرش

جواهر تضربه بكتفه ..

.. ياسلاااام أنا كرش من الحين*
*تعايرني.


عناد : تسلم الكرشه وراعيتها أتفقنا جوهرتي!

جواهر:هزت راسها بخجل.


عناد : ههه اجل خير البر عاجله
** *







وسن : متى بتطلع لي أغراضي
جواد : قلتلك بس ماتاخذين العلم.

وسن : طيب أنا حفظته*
جواد : بس موصم الأدله
اللي أشرت لك عليها ماحفظتيها ..
.. والله والله إن رسبتي بماده لو بربع درجه ماتشوفين أغراضك إلا بالسعوديه


وسن : جواااد عاااد ياالله خلص المزح ..
.. عطني لو اللاب توب.


جواد : غني غني ياليل ماطولك

*
وافي : أحلى اسبوعين مرت بحياتي ..
.. بعيد عن ضغط العمل ومع أغلى ناسك كان ودي أمدد اسبوعين بعد بس
تجري الرياح بما لاتشتهي السفن.

البااارت العشرون






وسن : آه الحمد لله آخر اختبار فكه ..
.. صحاني جوادوه الساعه اربعه عشان يراجع لي وفكري مشوش وش بسوي أذا رجعت :


بكلم أمي وخواتي
بكلم فتووو
باخذ التوب حقي
وإلا بس أنااااام..


جواد : مانمت البارحه قاعد أخطط وين بودي وسون إذا عطلت المسيكينه ماكنها عروسه ..
.. ولاعاشت فرحة العروس
بس تستاهل أحد قالها ترسب ؟


ضيعت الصيفيه عليها صار لنا حوالي الشهر من تزوجنا وطلعاتها من الشقه تعد عالأصابع.


وسن : دخلت قاعة الامتحان ماكان فيها إلا أنا وبنت بس..*

جلست بمكاني وزعوو الورق وسميت بالله وحليت بربع ساعه ..


جواد : ليش طلعتي قبل مايخلص الوقت*

.. أنا مانبهتك؟
وسن:أوف اهم شي إني بنجح*
*..
وبس
*..*


*.. تونا بنطلع بس قالنا المدرس المصري تبع الماده انتضرو شوي يبيكم المدير ..
.. جلس جوادوه يراجع معي درجاتي ويشوف اجاباتي بس انا عيوني طاااايره
يي يي يي هالطخمه المدير*
ياحليله طولي نتفه..



جواد : كنت اسألها عن السؤال الرابع كم حلت فيه من فقره .. بس .. *لامجيب .. رفعت راسي شفتها مثبته عيونها وطالعت جهتها شفت الرجال يقزها ونزل عينه لماشافن ..

،
وقفت اسلم عليه ووقفت وراي .. *ولماشفته عطاني قفاه يبينني اتبعه قرصت وسون بيدها بقوه ..



وسن:آآآي وش فيك .. خير!

جواد: لاوالله تمقلين بالرجال وتقولين وش فيك!

وسن : أوه مو النظره الاولى لي ..

جواد : والثانيه للشيطان وانتي ماقصرتي جبتي حتى العاشررره..







وافي : سكنا بيتنا الجديد مع إنه لسا ماكمل تأثيثه بس ماعليش بنروح انا وياها..


حنين : كنت بقمت سعادتي وانا ابني عشي الصغير واخترنا الأثاث كاااملا لانه اكيد بيجيني زوار أول ماأسكنه..


وافي : أخذت جسار وشقلبته بالهوا ودور له ودور لتوتو كانو يضحكون بهسترره ممزوجه وناسه مع خوف..



حنين : عطني اشورهم بيجون خالاتك وعمتي وبعدوحده من جيرانا*.



وافي : لااااا تطلعينهم عند أحد ..







حنين : لاتوسوس بي موجايهم إلا العافيه ..
.. انا بعوذ عليهم بعدين خير*
موكل شي يصير قلتوو عين ..


عساف : خوذي بنتك واطلعي برا*
*.. نامي بغرفتها
وداد : ليش، وش فيك هاليومين مو*
علآ بعضك قول لاتسكت مو في صالحنا إنك تسكت واجهني وش*
سويت؟
عساف : يابنت الحلال ابعدي عن وجهي لايصير شي تحسفين عليه..


وداد : لاااا ماراح اتحرك شبررر واحد لين تواجهني..


عساف بعصبيه : أنتي أدرا لاصارت المره رجالها ماملا عينها فأحسن له يتركها تاخذ اللي تبي بالحلال قبل لا تاصله بالحرام وتفضح أهلها وأنا منيب واقفن في طريقك دام إني ماقدرت املا عينك يابنت الرجال،.


وداد بقهر: بااااااااااس ،مابي اسمع شي ..
.. وبتحدي بنت رجال غصبن عليك *..
وكانك ولد أبوك طلقنننننننننني.

عساف بقهر وعصبيه : إني داري إن هذا اللي سعيتي له ،
روحي يابنت عمي إنتي طاااااااااااالق..


واحب جنود الشيطان إليه هو من يفرق بين المرء وزوجه فيقربه منه ويدنيه..






صحى من النوووم بكسل وهو يتمدد بعد مازنت عليه عشان يقوم..


جواهر: عناد ليش مارحت الدوام اليوم .. تعبان؟


عناد بعد ماغسل وجهه :
.. آبد سلامتك .. حبينا نصبح بوجه أم الجود وناكل من يديها *.
الحلوووه..

جواهر:ههههه أعرفك فيك شي *..
تبي تقوله،
عناد: مشكلتي إنك فاهمتني.
عناااد بعد تردد :
.. جووجو في أمور غلطتنا ماتفاهمنا عليها من قبل ويمكن هذا اللي بعدنا عن بعض،يعني .. *لاقلت لك :لا زعلتي .. وماعاد حاكيتيني ..
*.. بدون لاتناقشيني *

وعقابك لي تجاهليني وتطنشين .. ،وهذا شي ماأحبه فأزعل من زعلك..



جواهر وعيونها غرقت بالدموع هي حيل حساسه :
.. بس إنت ماتعطيني فرصه اناقشك تفرض رايك،وتمنع النقاش أوتطلع من البيت وماتعطيني فرصه ادافع عن نفسي..


عناد: هنا مربط الفرس *..*

وسبب بعدنا عن بعض عشان كذا فكرت بحل وأتمنى نستفيد منه :

وهو إننا نجلس جلسة مصارحه بعيد عن جو البيت ..
.. كل مازادت مشاكلنا يعني يمكن في السنه مره أوثنتين أو أقل أو أكثر وكل واحد يطلع اللي بخاطره على الثاني بدون زعل اوتجريح
وتكون بعد تصفيه للنفوس؟


جواهر ببتسامه من ورا ودموعها: *..*حلووو
عناد وهو يحط بفمها حبة زيتون :
ياحلوووو الدلوعين والحساسين بعد،آه فديت كل الجواهر بهالبلد.
جواهر بدلع مغلف بغيره :
عنااااااااااادي


عناد:أهههههههههههه
خلاص جوهرتي بس..









جواد : ياخي هالوسن ترفع ضغطي ..
.. كل ماجيت أرحمها وأوسع صدرها شبت فيني بمصيبه جديده
لا ومن حلاتها تبيني ارجعها السعوديه ..
.. عشان تدرس هناك بعد مابدت المدارس عندهم ..
.. من رجعت وهذي نومتها حتي ماتحركت من مكانها..



وسن : فزيت من نووومي بسرعه ..
جوااد /*
بسم الله عليك .. بسم الله عليك .. حلم حلم ..
.. كان هذا جواد وهو يمسكني من كتوفي..


وسن بعد ماصحصحت وبروقان بعد ماتذكرت إنها خلصت اختباراتها:


طيب جب لي كوبايت ميه زي المسلسلات.


جواد : خبطتها براسها.جعله بهاالراس ..
.. خوفتيني وش أنتي حالمه؟


وسن:يمه يمه شفت تركي أخوي
*بالحلم زانطني برقبتي يقول:

هذي آخرتها تطقين وتشحدين بعد،.

جواد : هههههههههه
هذا حديث نفس لان
أعمالك السيئه تتمثل لك*
بما إن عقلك الباطن رافضها حتى .لو سويتيها.


وسن : طيب ياد~طارق الحبيب اعتقد مستحقاتي خاسن عندك بالدولاب افرج عنهن..


جواد بنظره خبث وضعف بنفس الوقت:

خلاص كل واحد يعطي الثاني مستحاقاته وأنا حجزت الدور أول..






نوره : صعقت لما عرفت ان عساف طلق وداد*
هذا العاقل !
.. ويقاله يموت فيها بعد؟
بس أكيد وداد هي السبب أعرفها متسرعه قلت لها تقوله ينزلها في شقة أهلي بما إنهم بالديره ولايخبر أي أحد..


ووداني حمد انا وعيالي ننام .عندهالين اشوف مشكلتها..

( يتبع )

//تابع بااارت20/







تركي : أجلت المواجهه بيني وبين عساف لحد ماأهدا مو في صالحي ولا صالحه ولاصالح ناس ثانين انا انتواجه وأحنا كذا ..

بس حق وداد مانيب مخليه والله لاوقفه عند حده ولاهمني لازعل الصغير والكبير .. يقصد عنود وعمه أبوحمد ..



وتمددت على كنب المكتب ..

عنود: تركي متى جيت!
وشفيك جالس هنا؟
تركي : عنود اطلعي برتاح هنا
عنود : طيب اشفيك..

تركي بحده : مافيني شي اطلعي ياالله.



انا ادري ان مالها ذنب بس غصب عني موطايق اطالع بوجهها عقب سوايا أخوها مع إنها غاليه وأحبها وأشهد الله علآ حبها
وهذا عيب زواج الأقارب ان فيه ناس يروحون بالرجلين بدون ذنب لاصارت مشاكل بين الطرفين..



‏*‏**




عساف : مو طايق اجلس بالديره كلها أحس إني مخنوق قدمت على إجازه شهر وطلبت انتداب لألمانيا لتبادل الخبرات بدون لا أقول لأحد..





وداد والتفكير ذابحها:
ليش عساف ظن فيني هالظن وش شاف مني عشان يشك فيني!
لو كان غطاي مثل جواهر أو وسن قلت يمكن!
لو إن طلعاتي للسوق كثير قلت يمكن! ..*
لو إني راعيت طلعات لبيوت زميلاتي قلت يمكن .. !

أجل ليش ليش على أي اساس اتهمني؟




‏*‏**




حنين : مادري هاالأيام أحس إني مو طبيعيه الله يستر*
لايكون اللي في بالي ..

،
لازم أتأكد الليله ..عشان آخذ احتياطاتي..


وافيز: جلسنا ع الفطور وأنا أحس ان حنين موطبيعيه من حركتها الزايده .. سكوتها .. تقطيبة حواجبها ..
سرحانها
وقاطعت جوها بسؤالي:
حنين تعبانه!

*..

حنين:لا
وافي : فيك شي مضايقك؟
حنين بعصبيه : مافيني شي ولاعاد تسأل أنا بلبس عبايتي وبطلع للسياره ..





‏*‏**


جواد : أخذت وسن لولاية ويلز فيها عدت مقاطعات منها الساحليه والريفيه والجبليه وأخذتها للساحليه احلاا *..

وسن : أصر جوادوه على اننا نطلع نتمشى وناخذ اسبوع عسل وانا ماودي إلا أجلس ع التوب انا *..

وخواتي أوفتو ..

،
ونمنا سيده أول ماوصلنا الفندق وكانت الساعه2ليلا
صحيت قبله وخذت شور وجففت شعري ولبست بنطلون جينز وبلوزه وردي مع اسكارف وردي وجزمه وشنطه سودا وانتظرته يخلص شوره..



جواد : وسن غيري بلوزتك وهاللي ع راسك.
وسن:ليش ان شاء الله
جواد : ملفت للنظر بسرعه غيري
وسن بنفسها .. ياليل ابوالتبن بدينا نتحكم ..

وبدلته لبلوزه اسود كني بعزا وسكارف أزرق..


جواد : لا لا ولاهذا ملفت بعد.


وسن : حطيت رجل ع رجل وقلت : نقي لي ملابس على ذوقك أشوف..


جواد :البسي سكارف ابيض ع الأقل أهون من اللي تو علآ راسك..

وغيري بلوزتك .. الاسود يسطع في بياضك..



وسن : أوف ماصار لبس ذا لي ساعه وأنا أشوره باللبس وبالمووت اقتنع وطلعنا كان الفندق مطل ع البحر نطلع من غرفتنا بالدور الأول ع الحديقه اللي موزع فيها كشكات مطاعم وكافيهات وألعاب بعدها الشاطئ برمله الأبيض..



جواد : لما قربنا من الشاطئ شهقت وسون ودفنت راسها بصدري واستغربت ردت فعلها..

وش فيك؟
وسن : يعني مو شايف هالجراد المتفصخ علآ الشاطي ..

جواد:هههههههههه هذولا يتشمسون..

تعااالي بس وش علينا منهم..


وسن : لااا جوادوه أخاف يعمنا العقااب *معهم زي تسونااامي..


جواد : هههههه وسحبتها معي وجلسنا بعيد شوي عن الناس..



وسن : طالعت بجواد وإلا الأخ مطيررر عيووونه كنه مررروع قهرني قربت منه وحطيت يديني بقهر على عيوونه هي هي لاتطالع.

جواد بخبث وهو يبعد يدينها :
هههههه خليني أملا عيوني دام زوجتي حارمتني من هالشوفات وماتلبسها لي.
وبعدين لايكوون تغارين على بلا كاشفك تغارين ..

أكيد وحده زوجها شب حليوه ومزيون مثلي أكيد زوجته بتمووت عليه غيره - هبلا ماتدري ان ماحد ملى عيني غيرها ..


وسن : واااع ثم واااع ثم واااع وش أغار عليه ياحسره يكفي إني تنازلت وخذتك ..

،
جواد : انا اللي خذتك مو أنتي اللي خذتيني واحمدي ربك والاكان زمانك عانس عند أهلك ..


وسن : طنشته وسألته أبغى انزل*

البحر عادي؟
جواد : خوذي راحتك قلبووو
وطلعت كامرتي أصورها بدون .. لاتحس أبغى اسجل براءتها .. طفولتها .. مرحها، .. طيشها *..
تهورها، .عنادها،خجلها النادر،كل شي كل شي يخصها هذا لي لي وبس !


وسن : أوووف تعبت تعبت قربت من جواد الجالس بالأرض وممدد رجوله حطيت راسي على فخذه وأنا أقول طلعت كل طاقتي اليوم بس شكل ماكينتي مخبطه بسرعه*
..فضا الشحن ..*


جواد:ههههههههه أثاري بطاريتك تقليد مو وكاله
وسن ماشيه معه ع الخط:0
عزيزي العميل:


لازلت في مرحلت التجربه بأمكانك استبدال القطعه أو استرجاع*
نقودك ..


جواد : هههههههههههه
ولكن القطعه تم استعمالها وتعمل بشكل جيد ..*
هههههههههههه..


وسن : صدق سخيف انقلع عني.
جواد : لاوالله انتي اللي راسك بحضني أنتي اللي انقلعي..



‏*‏**


جواهر : صارلي يومين من دريت بس ماصارت فرصه مناسبه أقوله


عناد : دخلت وحسيت فيه حاجه غريبه الآضاءه خافته ومفرش السرير جديد وفيه طاولت عشانا الخاص كانت غير شكل..

قعدت استرجع ذكرى زواجنا بس لا لا مهوب هي.

جوجو .. جوهرتي .. جواهري


**..جواهر:هلا دودي
عناد : لا قولي عنااادي أحلى
وش السالفه اكيد مو ذكرى زواجنا ..


جواهر بخجل : طيب سكر عيوونك استحي أقولك وأنت تطالعني،.


عناد : ههههه هذي تسكيره بسرعه قبل لا افتح..


جواهر : بسرعه سحبت يده وحطيتها ع بطني وعيووني بالأرض ..
.. أوف حيا خواتي أخذته كله أحيان يحرج الحيا..


عناد بفرحه : حاااامل احلفي .. وشلتها *بين يديني مشكوره .. مشكوره .. مشكورره جوهرتي..


جواهر : الله أكبر عليك اللي يشوف فرحتك يقول هذا صارله عشر سنين ماجاله أحد..


عناد : آه ياقلبي جعلك سالمه يام الجود ويفرح نظرتك فيهم..


جواهر بدلع وحيا : وفي أبووووهم أهم منهم كلهم..


‏*‏**






تركي : آه ياالقهر سااافر سااافر بدون لا أواجهه المشكله ما أعرف له عنوان ولا رقم حتى ..
.. أهله موصيهم يتصل علي لاكلمهم ولا أتصل
بس أهلنا درو بسالفت الطلاق لانه قالهم قبل لايسافر والحمدلله إنه ماقال السبب وإلاكان ذبحته..