[


‏)‏) البارت الخامس عشر ((




•
•





- ضيف جديد بهالبارت كنا مطنشينه -*



جوااااهر : بعد ماطلعت من زواج وسن أختي ..
.. دق علي عناد زوجي ..
.. وهو اسم على مسمى فعلاااا لكل من اسمه نصيب ،..




عناد : جواهر انا انتظرك برا طيارتنا لجده باقي لها ساعه ..
.. لاتتأخرين ..
أنتي عارفه الرياض وزحمتها ..
.. وقفل قبل لايسمع ردها ..





جواهر : رميت جوالي وانفجرت بالبكا ..
.. مع أن لي سنتين متزوجه ..
.. بس مو قادره أتأقلم مع الغربه ..
.. صح كلنا بالسعوديه بس حتى ولو .. أهلي بعيدين عني ..
.. وماشوفهم الا بالمناسبات .. حتى مايخليني أنام عندهم .. *من تنتهي المناسبه يرجعني معه ..


أهو مو حبا فيني .. بس نذاله *.. عناد .. حب سيطره ..

أبوه من أكبر تجار جده ..
.. وعنده مستشفى خاص له عدة فروع ..
.. وماسك إدارتهم عناد بما إنه دكتور تخصصه طب أطفال .. وهو بعيد كل البعد عن الحنان ..





عناد *:أوووف بدينا الموال *.. ترا إن ماسكتي عن هالبكي ماعاد أنتي بشايفه أهلك ..



جواهر تحاول تسكت :
.. طيب انت شبيضرك إذا تركتني أجلس عندهم .. .. يوم أو أثنين .. أنا من تزوجت مانمت بسريري ببيت أهلي لو ليله ..
.. حتى بالإجازات ..




عناد : لاتناقشين الموضوع هذا منتهين منه ..

جواهر : من قال أنتهينا .. ياخي حس فيني ..
.. مثل ماأنت تبي تصبح بوجه أهلك كل يوم خلني أشوف أهلي لو أسبوع بالسنه ..



عناد : شوفي جواهر .. في أشياء أنا مقررها بيني وبين نفسي ..
.. *بالنسبه لي تعتبر مسلمات ماأرضى أحد يجادلني فيها ..
.. وهذا أنا ماقصرت كل مناسبه لأهلك وأنتي حاضرتها ..
.. أترك شغلي عشانك ..
.. رضيتي وإلا اخبطي راسك بالجدار ..
.. خلاص أنتهى .. مابي أي كلمه زياده بهالموضوع ..



جواهر بينها وبين نفسها :
.. آه ياقهري فوق هذا ..
.. *بنت خالته المطلقه .. اللي حاسدتني عليه ..تحسب الدنيا فلوس وبس ..
.. ماتدري أن أهم شي راحه البال والأخلاق الحسنه ..
.. وبدون شعور نطقت وأنا ماحسيت نبفسي -*
أول مايوضع في ميزان المرء حسن خلقه -



عناد : .. خير ! .. هالكلام موجه لمن ؟

جواهر أنتبهت لنفسها :.. لااا جمله طرت ببالي وقلتها كذا بدون مناسبه ..


عناد بحده : أحسب بعد تقصدين فيها أحد !






- أم تركي -

.. ولأول مره يشوفونها عيالها ورجلها بهالشكل معصبه :




وهالعناد مايترك عناده ..
.. ليش مايخلي جواهر عندنا ..
.. من تزوجت وشوفتنا لها تعد ع الأصابع ..
.. وخنقتها العبره ماتهنيت ببناتي ...
.: وقطعت باقي كلامها لمن بكت ..



قرب أبو تركي وسحبها معه لغرفتهم ..
.. وسكر الباب ..
أبو تركي وهو ضامها لصدره :




.. أبكي أم تراك .. ابكي وطلعي كل اللي بخاطرك .:
.. أنالك والشر ماينالك ..
.. وش مضيق صدرك قولي يابعد هلي ..




كانت هذي عادة أبوتركي لاشاف زوجته متضايقه ..
.. يخليها تكلم وهو ساكت ..
.. مجرد مستمع ..



أم تركي : يابو تركي أنت شايف حال بناتي ..
.. كل وحده حالها أردى من الثانيه ..
.. ناسي نوره وش جاها من حمد ؟
وإلاجواهر وهالعناد اللي حارمها منا ..
.. وماندري وش هي عليه من حال معه ؟
وإلاوداد ماطاحت إلا بهاالمصخن مدري وش فيه ؟


وإلاحنين وعيالها ورجلها مشتتن الله شملهم وهي مثل البيت الوقف ؟

وإنفجرت تبكي :
.. وإلا وسن يابعد قلبي ..
.. بزر ومزوجينها بزر وبدار غربه وكفار ؟


أبو تركي : خلاص طلعتي اللي بخاطرك ؟
.. وببتسامه وإلا باقي شي؟*
هو يعرف لمرته .. وإنها ماتنفجر كذا إلا إذا كانت أعصابها خلاص منهاره ..
.. *وكل شي عندها واصل حده ..




أولا :ن وره الحين وضعها فوق السحاب .:
.. وبضحكه بنتك شكلها ساحرته سحر أسود ماله فكه ..

ثانيا : وداد أنا مسكت عساف وسألته عن مرضه .: وبشرني إنه ورم حميد .. وتعبه كله اللي فات نفسي أكثر مما هو جسدي *..
.. لانه يحسبه خبيث .. وله موعد بيشيله .. وحتى لاقدر الله لو كان خبيث الرجال ماله إلا الله ثم أم عياله تقوم به .. وتعينه على مصيبته صح وإلا لا ؟



أم تركي هزت راسها بخجل .. بعد ماهدت أعصابها ..

ثالثا : حنو كان مادريتي ..
.. الحين هي مع رجلها بفندق ..
.. وبعدها بيسافرون اسبوعين ثم بيرجعون لبيتهم ..



*
‏ رفعت أم تركي راسها متفاجأه ..
.. بعدها ابتسامة راحه .. لأنها كانت تحسب حنين رايحه تسهر عند عمتها ..


رابعا : أنا لو ماشفت جواد رجال .. وينشد به الظهر .. كان ماعطيته قطعت قلبي ..
.. تحسبينها رخيصه عندي ؟



.. وصغر سنه ماله دخل بمرجلته ..
.. ياما رجال بالأربعين والخمسين عمايل المراهقين أرحم من عمايلهم ..
.. بس جواد أنا أظمنه بوجهي ..
.. هو طموح .. جاد .. واثق .. شخصيته قويه ..
.. يحصل اللي يبي ومحافظ على صلاته ..
.. وإللي كذا ينشرا ..
.. * والحمد لله أنه من نصيب وسون ..



وخامسا : وهذا المهم ..
.. بالنسبه لجوهرتي أنا بمشي بعد بكره لجده ..
.. وشوف عناد وش سالفته ..
.. بس بجلس مع جواهر قبل عشان ماأدخل على الرجال بالغلط ..


وكل شي بها الدنيا له حل ..
.. بس أم تراك لاضاقت علينا ضاقت بنا الدنيا ..



أم تركي : دفنت نفسها بالصدر الحنون ومن قلب دعت *..
.. يارررب تخليك لي ..
*
واجمعنا دنيا وآخره .. على الطاعه والمحبه ..



أبوتركي : آآآمين هاننزل للعيال ..
.. أكيد ضاقو لماشافوك معصبه ..


أم تركي ببتسامه ..
.. *اللي يشوفها الحين مايقول هذي أم تركي اللي قبل شوي ..
.. وقبل لاتنزل دغدغها أبو تركي من خصرها عشان تضحك ..
.. لأنه عارف هالمنطقه حساسه عندها من يلمسها أحد معها تنفجر تضحك ..



أم تركي : ههههههه بس تكفى ههههههه ..


ودخلو العيال على ضحك امهم .. بعد ماأستأذنو ..


عزيز : ياهوووه أوعدنا يارب ..
وليد : لو دارين أن المارد بيوسع صدرك كان جبناه لك من زمان بدل حشرتك علينا ..


محمد : لاااا حنا عزابيه نغار ..



أم تركي دوروها ما تلقونها ..
.. *نها بحياها بنت أم اربع طعش سنه وهي منزله راسها ..


أبوتركي : بضحك بس أنت وياه ..
.. صدق ماتعطون وجه ..

وقرب وحط يده على كتوف مرته ..
.. وببلغكم انا وأمكم بنسافر سفره خاصه فينا ..
.. بعد يومين أو ثلاثه ..
.. فحبيت أبلغلكم عشان تنسون شي اسمه جوال امكم ..
.. لاتدقون عليها نهائي ..
.. *خل تريح منكم شوي .. طول عمرها وأنتم بوجها ..



صفر تركي اللي دخل على كلام أبوه :
صادق الوالد .. خل ياخذ ليلى طاهر - يقصدأمه عيالهااللي مسمينها على الممثله المصريه - ويروحون للأهرامات ..


العيال : هههههههه ....









وسن : آه شكله حاط لي مخدر بالعصير .. > متأثره بالمسلسلات *..
.. شربته من هنا .. وعيووني أحولت من هنا ..أبي النوم ..

.. ياربي موقادره أفتح عيوني ..
.. لان صار لي يومين مواصله عشان أودع خواتي ..
.. وبالنهار أجلس مع أمي وأبوي ..
.. أستأذنت*عشان أبدل ملابسي ..



فتحت شنطتي كانت نوره مرتبتها لي بحضوري ..
.. وقالت لي شلبس كل ليله بالنوم ..
.. ومرقمه قمصاني من جوا لحد اسبوعين ..
.. والبناطيل والشورتات كل واحد مسفط بداخله التيشيرت حقه ..
.. *ملابس الخروج .. وبعلب اكسسوارتي وسلاسل ذهب بسيطه ..


بدلت ولبست قميص رقم واحد ..
.. سكري وبين الصدر ورده مشكوكه شيفون ..
.. فوقه قطعه دانتيل مالبستها ..
.. تمددت بوسط السرير وسميت .. وطفيت الاباجورات واللمبات وخمدت نوم العوافي ..





جواد : أوف ماصار ذاكله لبس ..
.. صارلها حول ساعه من قامت من العشا ..



وابتسمت يمكن منحرجه تطلع .. وبخبث :
.. خل ترتاح أنا أجيها ..
*
دخلت وكانت صدمه عمري ..
.. نايمه بوسط السرير وضامه المخده ..
.. وفاتحه فمها وسعابيلها تقطر ع المخده من كثر استغراقها بالنوم ..



آه ياقهري ..
.. هذا وأنا متحلف فيها .. بأدبها من أول ليله*
نامي نامت عليكي حيطه ..

.. وثبرت نفسي جنبها ..
. وآخر شي أذكره إني بسألها وش عطرها ؟
.. وأقردها من ليله خمدت ؟









حنين : حسيت بنفس عند أذني أزعجني ..
.. وحكيت أذني بس ماراح ..
.. فتحت وأنا معصبه ..
.. أحسب المربيه مخليه أحد من عيالي عندي ..
.. فتحت عيوني ومامداني بتكلم إلا وجتني بوسه من بين عيوني ..


وافي : ياالله حنو .. الساعه عشر افطري معي مابي أفوت ولاوجبه إلا وانتي معي ..


حنين : ابتسمت وأنا أقول بيني وبين نفسي بالمصري :
ناس تخاف ماتختشيش *..
.. رقاااله ماتجيش ألا بالعين الحمرا ..
.. إن مامشيتك ع العجين ماتلخبطوش .. مكونش حنونه ..



وافي : دوم هالبسمه أن شاء الله.
حنين:ماقدرت أمسك نفسي من الضحك هههههه لو يدري باللي بخاطري وش بيسوي هالمره ..
.. والله ان يشوتني برا الكره الأرضيه ..




حنين : سألت عن العيال ؟
وافي بقهر : ياسلام العيال ماغبتي عنهم كم ساعه وتسألين ..
.. والعبد لله ملطوع سنه محد تكرم وسأل عليه !



حنين : لاتقارن نفسك بعيالي ..

وافي : ع العموم جوالك مع نوره أختك ..
.. ومابي تكلمين أحد ..
.. أنا باجيب لك أخبار الكل ..




حنين : لاوالله ..

وافي : إلاوالله ..

‏



وسن : آه قمت بألم كتفي..
.. *ه آه ياكتفي وش طايح علي ..
.. لفيت راسي أشوف وش فيني ..
.. وجع وووجع الأخ يحسبني مخده .. سحبت نفسي بقوه عشان يطيح راسه .. وهههههههاااااي أبررررك ....




جواد : شفيني الظاهر حلمت إني طايح من السرير ..

.. صحيت شفتها تضحك ..
.. عرفت أن الحيوااانه مسويه فيني شي ..
.. رفستها برجلي بدون لاأتكلم ..



وسن : آآآه ياخبل ..

جواد : بما إنا أول عرسان مؤدبين وشاطرين نايمين الساعه ثنتين .. غصب من ورا الخشم .. صحينا الساعه عشر شبعانين نوم ..
.. ومصحصحين طلبت فطور لين الموناليزا تلبس ..




وسن : لبست فستان أحمر قاني .. وحطيت ورده حمرا على جنب .. وصندل أحمر يربط لنص الساق ..
.. وروج أحمر .. وتعطرت وألقيت نظره أخيره على :
بسم الله علي ....
أعوذ علي بكلمات الله التامات من شر ماخلق ..
ياأرض أحفضي ماعليكِ ..
قمر أربع طعش ...
ياختي مابعد شفت أحلى ولا أملح ولا أزين مني ..
جعل مايشوفني حاسد ..




وكشرت لما سمعت صوت جوادوه يناديني ..
.. واااع وش هالصوت ..
.. جالس ينادي كنه بالبر ويا هالبحه كن أحد زانطه ههههههه ..


جواد : شرقت بالعصير كح كح كح ..*
وسن : كحه وقلت صحه ..
جواد : تعالي أفطري ..
وبطلب لك سطل عسل تاكلينه .. يمكن يحلي لسانك شوي ..



وسن :أ ها أها أها أضحكتني أضحك الله سنك ..

جواد: ترا بنروح نتغدى عند أبوي .. عازمنا أنا ووافي ..
.. الظاهر إن حنين رجعت له .. والعصر بنروح نعتمر قبل مانسافر ..



وسن : ياالخاينه ماقالت لي ..



جواد *:بعد ماأفطرنا ..

جيت وجلست جنبها ..
.. وحطيت يدي على كتفها وابتسمت لهاا ..
وسن : هي الأخ مضيع ..
.. بعد عني ..



جواد : أشدعوه .. ترا يقالي زوجك ولصقت بها أكثر ..

وسن ووجهها ألوان : أنقلع بس حررر وخر عني ...


جواد : كنت خايف من ردت فعلها إذا قربت منها ..
.. هذي محد يضمن وش ممكن تسوي ..
.. عشان كذا خذت الاحتياطات اللازمه .. بعدت الريموت لاتصكني فيه .. وطالعت جزمتها صعب *تفسخها ..



وبعدت طفاية السجاير ..*
وابتسمت .. والله ماخلي هالأحمر يمر مرور الكرام ..
واللي ماتوقعته إني كل ماقربت منها .. زادت الوان وجهها ..


يعني بقدر أسيطر ع الوضع ..
مسكت يدها ووقفتها معي ..
.. ولماجيت أضمها دفتني بكل قوتها ..

ولأن حركتها جت مفاجئه لي .. أختل توازني ..
.. وفكيتها بسرعه وتكيت ع الكنب قبل لا أطيح ..



وسن : بسرعه دخلت الغرفه وقفلتها ..
ههههههههههههه
غبي غبي غبي ...



.. سمعت طقه ع الباب بعصبيه وسفهته ..
.. خل ياكل بنفسه ههههههههااااي ..



.. ومن ورا الباب قلت له ..
.. واحد صفر .. فاز الهلال على النصر ..



جواد : هين والله ان تشوفين شي ماعمرك شفتيه ..




وسن :خ ذت شاور ..
.. ولبست وتشيكت ع الأخر .. وسكرت شنطتي ..
.. لأنا بنمشي من بيت عمي لمكه سيده ..
.. وشفت الساعه وحده الظهر .. .. فتحت باب الغرفه عشان جوادوه يلبس ..








‏ - بيت أبوحمد -





وافي : أ خذت حنين ..
.. ومريت عيالي اللي خذهم وليد لبيت عمي ..
.. ودخلت على أهلي الساعه أثنا عشر الظهر ..
.. عشان أشوفهم قبل يجون الناس ..

.. شلت جسار .. وحنين شالت تركي .. والمربيه ورانا ..
.. وأول ماشافتنا أمي فكتها مناحه ..
.. وأبوي فز يرحب بحنين كنها هي العروسه ..





أم حمد وهي تبكي :
.. والله أن دخلتك علينا بمرتك وعيالك تسوا الدنيا ومافيها .. الله لايفرقكم ..
وافي : جلست جنب أمي وانا أبوس راسها ويدها .. *آآآمين ..
والتفت لحنين وناديتها تجلس جنبي .




ولما شفت الكل مشغول بعيالي أستغليت الفرصه وهمست بأذنها:
ليله لو باقي ليله .. بعمري أبيها الليله ..




ضربتني بيدي ونزلت راسها وأحمرت خدودها ..
.. وضحكت : ههههههه ..
عنود : وش قايل للبنت وجهها طماطه ..*



وافي : هههههه وأنا أطالع بوجه حنين أسأليها ..
حنين: *بخجل مالك دخل ..






*
جواد : دخلت أخذ الشاي للرجال بعد الغدا ..
.. *ليت وسن بالمطبخ مع سلطانه أختي ..
.. وقلت لسلطانه تجيب العود من غرفة أبوي ..



سلطانه : بدينا بحركاات الزحلقه ..

جواد : هذا أنتي شاطره ماشاء الله فهمتيها ..
.. ياالله ورينا عرض كتافك ..

قربت منها بقهر ومسكت ذراعها وأنا أضغط عليه :


.. أنتي ماتستحين .. تمشين بالبيت كن مابه رجال ؟
لو حمد وإلاعساف وألا وافي اللي دخلو وشافوك وأنتي كاشفه ؟



صدق وجهك مغسول بمرق ..
أنثبري بمجلس الحريم ..
.. وبكسر رجلك لو تعديتيه بدون غطا ..


وسن : هي هي لاتسوي لي فيها رجالي ..
.. وبتحكم فيني يابابا لاطلعلك شنب تعال هاوش - شنبه خفيف - ..


جواد : قسم بالله ياوسن أن ماسمعتي كلامي لأوريك شغل الله ..
وسن : آآآي طيب فكني بذلف ..

جواد : يالله سلمي على أهلك بنمشي بعد نص ساعه ..






جواهر : طيب ليش ماخليتني أروح لعزيمة عماني ؟

عناد : أول شي مهوب من قرب المسافه عشان تنطين لهم كل شوي *..
.. على عزيمه عاديه ..
بعدين هذا عقاب لك ..
.. عشان المناحه اللي سويتيها يوم زواج أختك ..


وألحين وش صار على سالفة الحمل ؟


أنا بحجز لك موعد عند دكتوره هنا عندنا عراقيه شاطره ومراجعينها بالهبل ..



جواهر بعناد :م
.. ماني رايحه وجودي تكفيني ..

عناد : بس أنا ماتكفيني ..
.. أبي لها أخوان وبتروحين ورجلك فوق رقبتك ..


جواهر : إذا تبي لها أخوان جب من غيري ..
.. أنا ماعندي استعداد أجيب غير جود أحد منك ..


وباستهزاء خذ بنت خالتك المطلقه ..
.. أسم إنها بتموت عليك وحاسدتني عليك ..


عناد : لابغيت اجيب عيال من غيرك ماشاورتك ..
.. *وبجيب منك عشره كانك زعلانه ..






*- بعدالعصر بعد ماراحو الناس -






وداد :الحمد لله تطمنت على عساف ..
.. وأخذت ريمي وحطيتها بحضن أبوها .. اللي جالس مع خالتي أم حمد ..

عساف :يمه قد شفتي أحلى من هالقمر ..

وافي : إيه هالقمرين اللي بحضني ..

.. حمد وبحضنه بنته سوسو :
.. إلا هالعسل ..
جواد : لا ان شاء الله عيالي بيصكون عليهم كلهم ..




وسن تكلم نفسها :
.. ههه ياثقل طينك سبحان رب خلقك ..

حمد :
.. أنت توك ع البزارين أثقل لين تخرج ..

جواد : لاياشيخ ..
.. وأنت اللي جايبن تركي وأنت مستوى ثالث جامعه ..


حمد طاح وجهه ...

حمد : لايكثر بس .
.. أجل البزارين لين آخر سنه ع الأقل ..





*- حمد كان قصده لين تكبر وسن ..
.. لأنها بزر ومايعتمد عليها .. بس ماحب يفشلها -



جواد : وأنت وش حارك ..
ياالله وسن مشينا ..




وافي : وأحنا بعد نستأذن طيارتنا العشا ..





‏ - في سياره جواد ووسن -



وسن : أوف طفش ..
.. ماحب أجلس بالسياره عاقله كذا ..
.. لازم أسوي شي يقطع علي الطريق ..

.. بس الظاهر مالي إلا الحب أطلع حرتي فيه ..



.. وخذت بيدي وصرت أرمي حبه بفمي وأتف قشرها بعيد ..



جواد : هي لا تفلين قشرك وصختي سيارتي ..

وسن : ياغبي أجل وشلون استمتع بتقشير الحب ..



جواد : ياسلام يعني ماتستمتعين لين توصخين سيارتي ؟


.. وخبطها على راسها ..
بعدين عيب تقولين هالألفاظ أنا زوجك مو صديقتك ..




وسن : آآي طيب لاتطق نفهم بدون لاتمد يدك ..


جواد : أشك في ذلك ..

المهم تغطي وصلنا نقطه تفتيش ..


وسن : لازم أتغطى ..

*
جواد : لا عادي .. مولازم ..
.. خليه يتمقل فيك وان بغا صوره مافيه مشكله ..
.. وسحب غطاها على وجهها .. وحط يده فوق الغطا .. من القهر عشان يكتم نفسها .



وسن : هي كتمتني ..
.. ترا والله لاقول للشرطي إنك خاطفني ..

*
جواد : تسويها هالدبشه أ..
.. احسن لي أنطم عنها لاتسوي لي فضيحه ..






وافي : قلبي .. أنا حجزت لنا على تايلند ترانزيت حلو؟
حنين بجديه : .. طيب بعد مانرجع أنت عارف حلفي ..



وافي : من عنوني أنا غيرت البيت .. أصلا تشاءمت منه ماشفت فيه شي حلو ؟

حنين : مايجوز هالتشاؤم ..

وافي : طيب طيب ..
بس خل برتاح شوي قبل السفر ..*
حنين بدلع : وااااااااافي


وافي : عنووون وافي وقلب وافي وبعد طوايف وافي ..

حنين : ههههه أحس ماني مصدقه أخاف إني أحلم ..

وافي وهو يسحبها معه :
.. تعاااالي أأكد لك إنه موحلم ..





‏







[/SIZE][/COLOR]

*-*الباااااارت ال16 -




•
•




جواد : نزلنا السيل عشان نحرم من هناك ..
.. *كنت خايف عليها لأنها بتدخل قسم النساء لحالها ..
.. وهي لسا صغيره وعطيتها موشح من التوصيات :



‏ - تدخلين أقرب دورة مياه ولو ماكانت نظيفه ..

‏- لاتحتكين بأحد أو تكلمين أحد ..

‏- لاتاخذين من أحد شي لو منديل ..

‏ - لاتقربين صوب أي حرمه حتى لو كانت عجوز ..
.. وأن شفتي أحد قرب منك بسرعه أتركي المكان واطلعي لو ماخلصتي ..

‏ - ان شفتي المكان شبه أو فاضي لاتدخلين ..

‏ - لاتتأخرين لك عشر دقايق بس وضوء بس مو شور ..




وسن بطفش :
.. أوووف والله لو إني بروح للصين .. تراي بالسعوديه حتى أمي ماوصتني هالوصايا يالقمان الحكيم ..

جواد : أنزلي بس بلا هذره زايده ..

وسن : *لما دخلت شفت تكرونيه نايمه بالأرض عند بسطتها ..
.. ابتسمت على شكلها وهي متمدده بالأرض .. ويديها ورجولها كل وحده بجهه ..
.. كنها طايحه من عاشر دور .. ومستغرقه بالنوم ..



وبخبث وطيت يدها عمدا ..
يعجبوني التكرن لاعصبو ..



وبسرعه دخلت كن شي ماصار .

دخلت علينا داخل عند المغاسل وترطن بحكي مافهمنا منه إلا كلمه هيواااانا - حيوااانه -


كملت وضوئي كن الأمر مايعنيني .. ولما مريت بسطتها حوستها برجلي .. وفركت بسرعه ..
.. قبل لاتمسكني بعلباي على قولت جدي ..




جواد : أرتحت لماشفتها طالعه وركبت بس خير ؟
وسن ودموعها تصب من الضحك:*
ههههههههههههههههه
فاتك فاتك ههههههههه



جواد : خير وش فاتني ؟
.. بعدين وش صار يضحكك لها الدرجه ..


وسن وحكت له كل شي ..



جواد : يارب شسوي فيها هذي ..
.. خبطتها براسها أبرد حرتي شوي ..


وسن : آآي ترا إن جاني إرتاج بالمخ ترا أنت السبب ..
.. وبرفع عليك قضيه عند أخوك وافيوه ..



جواد : هذا إن كان عندك عقل بالأساس .. الله يعافينا ولايبتلينا ..

ياالله أنوي العمره وشيلى لثامك ..



وسن : وهي تردد ورا جواد - اللهم إني نويتها عمره فإن حبسني حابس فمحلي حيث حبستني -*
وشالت لثامها ..



جواد بصرخه فجرت أذن وسن وهو يربط فرامل :


وسااااااااااان ولعنننننه للشيطان غطي وجهك ياحمااااااااره ..



وسن ببراءه :
.. مو أنت قلي شيلي غطاك ..

جواد : يامتخلفه ياجاهله يعني تغطي بالغطا الكامل ..
.. مو نقاب ولالثام ..



وسن : بس أنا ماشوف بالغطا الكامل ..
.. وأنا متعوده مع أبوي أتحجب بس ..



جواد : لفيت طرحتها عليها بقوه ونزلت وشريت لها غطا كامل ..



وسن : لااااا مابي ماشوف ..



جواد : أنا بشوف لك الطريق ..

وسن : أوووف مابي مابي ..

جواد : جب ولا كلمه .. كبري بس ..



وسن : وصلنا الحرم .. وجوادوه يقودني كني صخله ..
.. ولما شفنا الكعبه .....



جواد بجديه : ياالله وسن ..
.. الدعاء مستجاب إول *مانشوف البيت الحرام ..
.. ادعي ادعي إن الله يوفقنا بحياتنا ..
.. ويرزقنا بالذريه الصالحه ..
.. ويهدينا ويصلحنا ..
.. وبديت أدعي بسري .....




وسن : دعيت بنفسي ..
.. يارب تموت وآخذ الأمير عبدالعزيز بن فهد ..
.. وإلا الامير خالد بن الوليد ..
*>> موب طمااعه خخ





جواهر : بكره بترجع وسن من العمره ..
.. وبعدها بيوم بتسافر وياعالم متى بنشوفها ..



وأتصلت بعناد وأنا عارفه إنه مشغول ..
.. وهذي فرصه إذا ضبطت سويت اللي ببالي :



عناد : هلا ..
جواهر : عناد .. وسن بتسافر ومدري متى بشوفها ..
.. أبي أروح لأهلي بكره *..



عناد بهدوء : انتي عارفه أن عندنا وفد أطباء أجانب ..
.. ومقدر أتركهم وأوديك ..


جواهر بارتباك :
.. خلاص عمي فهد بيمشي اليوم .. وسيارته فاضيه مامعه أحد بروح معه ..



عناد بفكر مشوش وتردد :
.. أكيد لحاله يعني محد من عياله معه ؟

جواهر : أتصل به تأكد ..



عناد تنهد : خلاص روحي ..



جواهر بانتصار : .. مشكور عنادي ..

عناد ببسمه :
.. من زمان ماسمعنا عنادي ....








وسن : انتهينا من الطواف ..
.. والاخ حاط يدينه حوالي مايبي أحد من الرجال يلمسني ..
.. على باله عنده غيره ..

.. وبعد ماصلينا خلف مقام ابراهيم .. ودعينا .. طلعنا للمسعى ..



*.. شفت العربات قربت منها ..
.. وجلست على وحده منها وصاحبها يرحب بي هلا هلا ياحاجه ..




جواد : يارب بتجلطني ..
.. مسكتها بيدها ووقفتها ..
.. خير .. خير !
.. امشي ياالله ..


وسن بدلع : جواااااد تعب باخذ عربه ..

جواد : لااا والله *..
.. عجوز .. وإلامعاقه .. وإلا بزر؟والظاهرأنك الأخيره ..


وسن : يااااربي حرام عليك تكفى تعب ..

جواد : لو هو سوق كان سعيتي به عشر مرات مو سبع ..

.. وتليتها بيدها معي ..




وسن : أذا وصل للعلمين الأخضرين تركني عشان يهرول ..
.. وموصيني ألصق في سياج العربات ..
.. بعدين أذا تعدا العلم وقف ينتظرني .. ومسكني بيدي أوف طفش وتعب ..




جواد : ضحكت عليها ..
.. شكلها طفشانه .. خلها تستاهل ..
.. حتى ماعطيتها فرصه ترتاح ..

انتهينا وجت بتقصر شعرها بنفسها ..



جواد : هاتي أنا بقصره لك ..

وسن : لاا .. حتى شعري بتدخل فيه ..

جواد : قلت عشان أقهرها ..

كلك على بعضك لي من شعر راسك ..
.. لحد أظافر رجولك ملكي ياماما ..






وقصرتها وطلعنا الفندق ..




‏ - في الفندق -*




.. طلبت غرفه وحده فقط ..
.. حتى بدون صاله ..
.. وحمامها فيها ..
.. وبأخر الغرفه بلكونه وجلسه صغيره .. قطعتين كنب مفرده*
وسرير فقط ..



طلبت العشا لين *تاخذ شور ..

وتمددت أنتظرها تطلع ..




وسن : طلعت لافه روبي علي وتفاجأت إنه موجود ..
.. أحسبه لسا ماجا لما طلع يجيب العشا ..



جواد : فتحت العشا ..
.. وضبطته ع الطاوله وناديتها تعشا ..

وسن : طيب توكل على الله برا ابغى البس ..


جواد : حلو البسي أحد ماسكك ..

وسن : محد مسكني .. بس هالغرفه الخايسه مافيها مكان ألبس فيه ..


جواد :أ شدعوه .. شوفي شحلوها يرمح فيها الخيل ..


وسن : هه يرمح فيها البقر والله ..



جوا د: هههه سبحان الله ..
.. كلن يتكلم عن نفسه أنا الخيل وأنتي البقره ..



وياالله بسكر عيوني وبدلي ..




وسن : لاوالله من زين الذمه الحين ؟

.. حتى الحمام مافيه مفتاح ..

.. عطيته ظهري ألبس ..
.. بعد ماحلفته وأمنته مايلتفت ..
.. ولبست بعجل .. وسرحت شعري المبلول بدون لا أجففه أو أحط ماكياج .. لأني جوعاااانه ..




وسن : قرف تاكل بدون لاتسبح بعد العمره *..

جواد : طالعتها *.. ماأحب أسبح ع الفاضي ..

وسن : طارت عوووني سخيف .. ووش يقصد ..
طنشته ودقيت بالعشا ..



وشربت بعدها كوب شاي ..
.. وأنا أطالع التلفزيون ..



جواد : ياالله وسن أبغى أنام ..

وسن وهي مندمجه بالفلم :
.. نام وش أسوي بك يعني ..



جواد : .. أنا ماعرف أنام لحالي ..
.. لازم أحد ينومني ويمسجني لين أنام ..



وسن : .. عشتو من متى هالدلع .. خبري فيك ماتنام إلا بعقال أبوك .. *- تبالغ -*




جواد : من هالليله جاني الدلع ..

وسن : كيفك دلع نفسك ..


جواد : قربت منها وشلتها ..
.. ولو عورتك رجولك وتبين لها مساج أنا بالخدمه ..



وسن تزقسه .. *نزلني نزلني ..


جواد : نو نو أنتي مطلووبه امنياا ..







جواهر : بسرعه جمعت ثيابي ..
.. وأغلبها وملابس بنتي .. وحطيتها بشنطه ..
.. وأخذت أشيائي المهمه ..
.. وطلعت مع سواقنا عشان أروح بيت عمي قبل مايتراجع عناد ..




وأرسلت له ..*
- أنا مشيت مع عمي -




وقفلت جوالي لأني عارفه إنه بيتصل ..





عناد : يارب سترك ..
..!مدري ليش قلبي قارصني ..
.. حاس جواهر بيصير لها شي .
..!أول مره أفرط فيهم ..
.. وأخليهم يروحون مع غيري ..

.. دقيت كذا مره مغلق ..



.. ودقيت على عمها فهد ..
.. وتطمنت شوي بعد ماكلمتها وعرفت أن بطاريتها فاضيه ..

انا غلطان اللي تركتها تروح ..
.. أنا مومرتاح لروحتها هذي ..
.. بس مدري كيف تركتها تروح ..
.. الشغل أربكني وشوشني ..
..!بس أول مره وآخر مره ..
.. خل توصل بالسلامه بس وأنا اللي بجيبها ..







جواد : شفتها تبكي ..
.. بس بصراحه ماندمت ...
..؟بالعكس أحس بسعاده ..
.. خلها تبكي شوي وتسكت ..
.. هي ماجت *بالطيب جبتها بالغصب ..



خذت زقاره وولعتها ..
.. وشفطتها بروقان وأنا اسمع شهقاتها ..
.. دلع بنات ..






وسن بعصبيه :
.. الله ياخذك ياحيوان ..
.. جعلك الموت .. جعلك الحادث .. جعلك المرض ..



جواد : هههههههههه ..
ياحبي لك .. أن مرضت طحت بكبدك ..
.. وأن مت انتي المتضرره ..
.. بتنثبرين بالبيت أربعة أشهر وعشرا ..



والرجال بيتشائمون ياخذونك وأنتي مموته رجلك بشهر العسل ..



نامي بس ابرك لك .. من هالدعاوي ياالعجوز ..
وراك سفر..




جواد : مانمت إلابعد مانامت ..
.. خفت أنام جنبها وهي معصبه تغتالني ..
.. مع إني ميت من التعب والنوم ..
.. ونمت بعد مانامت .. وماصحينا إلا الساعه ثلاث العصر .. صلينا بالحرم ومشينا ..






وسن : هين جوادوه والله لأدفعك الثمن غالي ..








عساف : بعد زواج جواد ..
.. سويت عمليتي والحمد لله نجحت ..
.. وودادي تزورني كل يوم ..




*
وافي : توني حسيت بالأستقرار ..
.. مع حنيني .. واستمتعنا بكل دقيقه من وقتنا ..








وسن : شفته نزل بمحطة بانزين ..
.. ولما دخل بالسوبر ماركت نزلت وراه ..
.. بدون لايدري ..
.. دخلت وأخذت سفن اب .. وشيتوس..
.. وعلك .. وشوكولا .. ام اندامز .. وجالكسي ..
.. وكندر .. وحطيتها عند المحاسب ..
.. لماشفته واقف عنده *..
.. قلت الحساب تبع بعض وعطيته نظره وطلعت ..





جواد : لماشفت الحرمه ..
.. نزلت نظري للأرض وبعدت شوي ..
.. بس لما سمعت الصوت بسرعه رفعت نضري ..
.. وطاحت عيني على إيدها البيضا واللي مزينها خاتمها الألماس ..
.. وبسرعه طالعت الهندي المحاسب وشفته بياكل يدها أكل ..
.. وطالعت الرجالين اللي بجنبنا شفت حالهم أردي من الهندي ..
..!قربت بمسكها ..
.. بس طلعت بسرعه ولحقتها بسرعه أكبر ..
.. ومسكتها بيدها .. وضغطت عليهاا بكل مااوتيت من قوه ..
.. ودفيتها لداخل السياره وقفلت الباب عليها ..

وركبت .. وشفت الهندي طالع باكياسنا لاحقنا ..
.. فتحت أشوف مصيبته ..
.. دخل الأغراض من شباكي وعيونه على وسن المتلثمه ..

نزلت ومسكته من جيبه وعطيته بوكس على عينه ..
.. عشان يحرم يطالع ..
.. *وتوطيت ببطنه .. وتفلت بوجهه ..
.. وماتركته لين تجمهرو الناس وفكونا ..






وسن : يمه يمه يمه وش أسوي ؟
ماتوقعته يعصب كذا ..
..!أكيد دوري بعد الهندي ..
.. وبسرعه رميت طرحتي فوق اللثام أخاف يجيني ماجا الهندي ..

جواد : آه ياقهري ..
.. ركبت وانا أدوس عا لبانزين ..
.. ومشيت ميتين ..
.. بس فيني حره مابردت ..
.. وقفت السياره بشكل مفاجئ ..
.. وبغينا ننقلب لولا ستر الله وضربنا في الحاجز الحديدي ..



التفت لها كنت بقولها جاك شي ؟
.. وبتطمن عليها بس هبت بوجهي ؟
.. وأنا صرت مثل الفتيله اللي قربو لها نار ..
..!انا عصبي ودمي حااااااار ..






وسن : ياغبي بغينا نموت ..
.. ان كان أهلك مايبونك انا أهلي مو مستغنين عني
..
*
جواد : مسكتها من فكها بقوه ..
.. وغضب الدنيا كله فيني .. بااااس ولاكلمه ولانفس
مابي اسمع صوتك ..




وسن بخوف : طيب طيب ...


وبينها وبين نفسها :
.. يارب أنا دعيت عليه بالموت بس لحاله ..
.. أنا مو معه ..
ماتوقعت تستجاب دعوتي بهاالسرعه ..
.. *ستغفر الله أخاف أموت معه وأنا أعمالي كنها وجهي ..
.. الظاهر سيئاتي أكثر من حسناتي ..






وسكتنا لمدة ساعه ..
.. وأنا بطني بينشق أبي أسولف .. أتكلم .. أي شي بس خايفه منه .. بسم الله كنه ثور هايج ..



جواد : أحس اعصابي هدت شوي ..
.. شفتها خايفه قلت استغل الفرصه ..
.. *افتحي لي عصير وافتحي لي كيك ..




وسن : طيب ان شاء الله ..

جواد : بنت ماتجي إلابالعين الحمرا ..

وبعد ساعه وصلنا ..
..كان الوقت بالليل ..


*
وسن : نزلني عند أهلي ..


جواد : ان شاالله عمتي أوامر ثانيه ..


.. سفهتها ودخلنا الفندق ..
.. *بعد ماتأكدت أنها غطت عيونها ويديها ..



.. أنا ماني متشدد ..
.. بس لما تكون العيون واليد مثل عيون ويد وسن أكيد مابسمح لأحد يستمتع بها غيري ..




وسن : أوف سخيف .. وش شايفني على كيفه ..
شورت ولبست .. وتمددت ع السرير بتعب ..



جواد : انا تعبااان جسديا ونفسيا من اللي صار ..
.. فصخت ثوبي وفانيلتي وتمددت جنبها ..
.. لكن أفزعتني صرختها وجلست ..





وسن : هاااااااااي ..

جواد : وجع وش فيك ..


وسن : انقلع .. لاترقد معي .. نام ع الكنب ..

جواد : خبطتها براسها ..
أنتي وهالراس ..
.. من زينك .. لو تعطيني ألف مانمت ع الكنب ..
.. وخليت مكاني ..
.. تبيين تنامين ع الكنب ماحد ماسكك ..
.. وتمددت وتعمدت أرمي رجلي فوق رجلها ..




وسن : طيب لاتلمسني ..

جواد*: من زينك .. ويقلد صوتها بدلع ..
.لاتلمسني ... صدق حركات بزارين ..



نامي بس .. يابنت وهبي ..
.. وعطيتها ظهري ورحت بسابع نومه ..

*- البااااارت17 -







•
•



وسن : رحت لأهلي ..
.. والمفاجأه إن جواهر أختي هنا ..
.. وكل خواتي وأخواني ..
.. ضميتهم بفرحه .. وشفت أمي وقطيت نفسي بحظنها ..
.. وسكرت عيوني وأنا استمتع بريحتها ..




وليد : هي شفطتي حنان أمي عنا ..

وسن : والله حلالي ..
*
عزيز : لاياشيخه حلال أبوي مو حلالك ..


جلسنا مع بعض ..
.. واستمتعنا ..
.. وسولفت لهم عن عمرتنا ..مع كثير من التشفيرات لأن محد بيناصرني ..




والساعه 2 بالليل دق جوالي
..






جواد : وسون أنا عند الباب اطلعي ..
*
وسن بثقه : لا بنام عند أهلي .. كلهم متجمعين ..

جواد : لاااا وبأمر من بتنامين عند أهلك ..

وسن : بأمري ..

جواد *:أطلعي بلاااامشاكل أحسن لك ..

وسن : لاااا .. وسكرت السماعه بوجهه ..



جواد : نزلت .. وشياطيني تنطط قدام عيوووني
..
تركي : حي الله أبوتراك .. أقلط القهوه ياولد
..

جواد *:لا جعلك سالم ..
.. أبي وسن بس ..
.. *دايخ أبي النووم وورانا سفر ..



تركي : ياالله وسن رجلك بالمجلس ..

وسن تعلق بأمها :

.. مابي مابي مابي ..
.. *مابي أروح معه ..
.. خلاص بجلس عندكم ..




أم تركي : وسن بلادلع ..
.. روحي لرجلك ..
.. *الحرمه مالها إلا بيت رجالها ..



تركي : بسرعه يابنت .. الرجال ينتظر ..


انسحبت وسن بهدوء ..
.. *ودموعها تصب .. ولبست عبايتها وطلعت ..



جواد : الله يلعن الشيطان أنا وهالعناااد ..
.. يعني كان لازم أيبس راسي وأتحداها ..
.. وأحط راسي براس بزر ..
.. بس اسلوبها يجيب الجلطه ..







وصلنا الفندق وكلن طاير بافكاره ..

جواد : شفتها تعلق عبايتها وجهها مستوي أحمر *.. وبعيونها لمعة دموع ..

جواد : وسون تبين أرجعك لأهلك .. تنامين عندهم ..

وسن هزت راسها بالنفي .. *بدون لاتكلم ..
*
جواد : ماحب أشوفها مكسوره وضعيفه ..
.. قربت وضميتها .. وأنهارت بالبكا ..
.. ولماحسيتها هدت حبيت أطلعها من جوها ..




جواد : قولي أن مسلسل هالدموع كله .. بس عشان أضمك ..
.. عادي كان قلتي أبي حضنك وأنا برسم الخدمه أجيك ..
..!بلا هالدموع اللي كنها فيضانات تسونامي ..




وسن : بعدت وجهها الطماطه ..
.. وضربته على صدره .. يادب من زين حضنك عاد ..



جواد : هي هي .. حدك ياماما .. ماعادني دب ..
.. وتعلق برقبتها ..
.. طيب شيليني عشان تختبرين وزني ..




وسن : حتى لو بعد دب وخر عني ..
جواد بخبث : طيب شرايك أختبر وزنك أنا ؟






جواهر : فتحت جوالي لقيت 23 أتصال ..
.. من عناد وثلاث مسجات - كلميني ضروري -

‏ - انا جايك اليوم -*


‏ - باقي لي ساعتين وأوصل -




رديت عليه بمسج ....


*
‏ ... انا بجلس عند أهلي هالاسبوع ..



وأنا مو ناويه أرد له ..
.. وقلت لتركي أخوي ..
.. بس بعد تعب أمي البارحه لما راحت وسن ..لأنا كلنا عاتبناها على قسوتها على وسن ..





أم تركي :ت حسبوني ماحبها ؟
تحسبوني ماأشتقت لجلستها وسوالفهاا وضحكتها ..

تحسبون قلبي حجر ..

انا قسيت عليها لمصلحتها ..
.. هي الحين في ذمت رجال ..
.. وابيها تفلح في حياتها ببيتها ومع رجالها ..


ولو هو على هواي كان ماجوزتها لين أموت ..



دخل أبوتركي معصب على عياله ..
.. وعادت أبوهم مايعصب إلا أذا أحد زعل أم تركي ..

.. اسمعو كلكم من بنت ومن ولد ..
.. هذي تاج روسكم كلكم ..



وكلمتها ماتثنونها .. ولو هي غلط ..
.. وهي عليها تامر .. وأنتم *عليكم السمع والطاعه ..
.. وياويل أحد منكم يعقب على كلامها وإلا أفعالها ..









جواهر : تراجعت ..
.. أتحمل ولا أمي تضايق ..





تركي : قلت لعناد يمرني ببيتي ..
.. قبل لايروح لجواهر ..



تركي : والله ياخوك السالفه ومافيها جواهر ماتبي ترجع معك ..

‏

عناد : ليه وش صار ؟
تركي :
اسمح لي ..
.. جواهر طلبت مني أدخل ..
.. وأنت عارف ان مستحيل اي انسان ينحرم من أهله .. خاصه أذا كان بسهوله يوصل لهم ..





عناد يقاطع : بس أنا اجيبها كل مناسبه ..
.. أترك شغلي وكل شي مهم وأوديها ..



تركي : ماتقصر ..
.. بس بعد مايكفي ..
.. ياأخي كل شهرين خلها تجي ثلاث أيام أربعه ..
.. أنت وصلها المطار وأحنا نستقبلها ..
.. وعمي فهد دايم سفريات بين جده والرياض ..
.. وبالصيفيه أتركها اسبوع ببداية الصيفيه واسبوع أو اثنين بنهايتها ..



عناد بقهر : وغيره .....

تركي : غيره ياطويل العمر أحنا شرطنا عليك عند العقد البنت تكمل دراستها وتوظف ..


عناد يقاطع : هي مو في حاجة الوظيفه ..
.. أنا مغرقها بالفلوس وتصرف بدون حساب ..
.. واللي اعطيها شهريا مستحيل تعطيها الوظيفه مثله ..

.. هذي تبغى تشتغل مترجمه بمستشفى حكومي وأنت عارف الأختلاط وغيره ..



تركي : طيب حطها عندك بالمستشفى ..
.. بالقسم النسائي ..


عناد : غيره ...


تركي : عناد أنت رجل مثقف ..
.. لكن اللي فهمته من جواهر إنك ماتفرق بين جو البيت والمستشفى ..
.. يعني تعطي أوامر لازم تتنفذ بدون نقاش ..

وهذا أكبر خطأ ..
... ياأخي ناقشها بالهداوه .. ياتقنعك ياتقنعها
..

بعدين الكلمه الحلوه مفعولها مثل السحر ..
.. أومثل حبه البندول للصداع ..
.. تهدي وتسكن ..
.. مافيها شي لو أظهرت بعض مشاعرك تجاهها ..
.. هذا مو نقص بالرجوله ..
.. بالعكس هذا قمت الذكاء من الرجل عشان تنجح حياته ..
.. وأنا ماتدخلت إلا لغلاتكم أنتم الإثنين علي ..
.. وبينكم هالبنوته .. ربوها بجو حب بدل المشاكل ..
.. أولاقدر الله تفرقون .. *والبنت تكبر بعقد وبأب وأم منفصلين ..
.. كل منكم راح يكمل حياتهم وهي ضحية الطلاق ..







عناد : كبرت بعيني يابو تراك ..
.. وزاد غلاك غلا ..
.. ومالهاا الا الرضاا ..









وسن : طلعنا من المطار ..
.. وفيه بريطاني داخل ..
.. كان شكله رسمي ببدلته السودا وشنطته السمسونايت .. وزقارته اللي حاطها بين شفايفه بدون لايولعها ..
.. يصلح لدعاية عطر رجالي ..



*
ولما قربنا من بعض ..
.. وبخفه مديت رجلي بطريقه وبسرعه سحبتها ..
.. والقيت نظره سريعه بعد ماسمعت صوت دوى في المطار .. هههه



وسن :*ههههههههههههههه
ياحليله طاااااااح ..





شفت جواله بجهه .. ونظارته بجهه ..
.. وشنطته بجهه .. وزقارته ماشفتها ..
.. شكله بلعها من الروعه هههههه





جواد : أقص يدي أن كان مالها يد باللي صار ..
.. سحبتها بسرعه ..
.. قبل لايقوم الرجال ويلحقنا ..
.. لأنه قاعد يجمع إغراضه ..
وركبنا أقرب تاكسي ..


.. جلست بجنبها .. ومن حرتي دخلت يدي تحت حجابها وضغطتها بقوه ..

وسن : كح كح كح .. وجع تبغى تغتالني عيانا بيانا ..
.. والله لابلغ حقوق الأنسان عليك وأرفع عليك قضيه ..


جواد : وقص بلسانك ..
.. والله اللي صار بالمطار ان تكرر مره ثانيه لأخليك أكل لكلاب لندن ..



وسن : الله كشخه ماكلتني كلاب لندن .. مو كلاب الديره الشهب ..



جواد : يارب صبرني ..
.. ياصبر أيوب ع المكتوب ..
.. اللهم أجرني في مصيبتي ..






وسن باستظراف : أحسن الله عزاااك ..
.. كككككك .....


*.. طلعنا شقتنا .. وسيده ع السرير ..
..!بعد ماصلينا ..



وسن : هي لاترقد معي ..
.. ياخي أنت ترجف إذا نمت ..
.. وأخاف تهد ضروسي برجلك وأنت نايم ..




جواد : ضحكت ..!تخيلت شكلها بدون ضروس ..
.. وهي تتفل إذا بغت تكلم*ههههههه



جواد : انقلعي عن مكاني ..
.. روحي بالجهه الثانيه ..
.. السرير لازينه بالزاويه لضيق الغرفه سرير نفر ونص *..



وسن : لاياشيخ ..
.. ماحب الزوايا ..
.. يقولون إن بسم الله منهم دايم سرايرهم بالزوايا .. يرقدون فيها ..
.. وأنا خبله خلقه وتبي *تهبلي زود ..



جواد : هههههه ياشيخه ..
.. والله إن ينحاشون من لسانك ماكملو يومين ..



وسن : بعدين سريرك بايخ .. كنه وجهك ..


*
جواد : أحمدي ربك ..
.. كنت بشتري لك سرير هزاز ..
..!يكفيك هالسنه .. والسنه اللي بعدها لعيالك*



وسن : أقول قم جب لي عشا ..
.. أنا جوعانه وتراي ضيفتك ..



جواد : سحبتها لي وفغصتها بجنبي ..
.. نامي نامي وتعشيك العصفوره ..
.. والله لو يقولي أكبر مطعم بلندن تعال خذ عشاك ببلاش ماجيته ..















جواهر: مرني عناد ورحنا نزور أمي ..
.. وعرفنا إنها تنتظر الدكتور يوقع خروجها بعد ماتطمنا عليها ..


عناد*: أخذت جواهر ..
.. وقالت لي أمر بيتهم عشان ناخذ جودي وأغراضها ..



قلت : خلي جودي عند أهلك ..
.. جيبي أغراضك أنتي بس ..



جواهر : تفاجأت أول مره يسويها !
.. وش قصده !
.. لايكون بس بيستفرد بي في جده بعد مادرى إني قلت لتركي ؟
.. أخذت أغراضي وأنا اسمي وأعوذ علي ..







وداد : بعد مارجعت من أمي ..
.. تفاجأت من عساف ..



عساف : وين كنتي يامدام ؟
.. ومن جابك بانصاف هالليول ؟

وداد : وش فيك .. كنت عند إمي ..
.. بعدين قصر صوتك البنت نايمه
..


عساف : قومي سوي لي عشا ..

وداد *:عشا .. !
.. هالوقت الساعه ثلاث .. بجيب لك معلبات ..



عساف : لا أبي كبسه وتبوله ..
وداد : عساف حرام عليك ..
.. أنا جايه تعبانه .. من رحت لأهلي وأنا على الرجل الطويله بهالمستشفى ..



عساف : تقومين وإلاتشوفين *شي مايسرك ؟
وداد : قايمه
.. قايمه ..
.. دخلت المطبخ وجهزت اللي طلب وأنا أبكي ..
.. والساعه أربع ونصف كان جاهز ..
.. حطيته عالطاوله ورحت اناديه ..
.. لقيته نايم .. صحيته عصب علي ..
.. وقال مابيه ...



.. مدري شفيه الله يستر لايكون الورم رجع له ؟
عساف : أنا مانمت ..
.. بس سويت نفسي نايم عشان أقهرها تستاهل ..

*

‏- البااأرت *18 -




‏>تعريف بعناد<





.. متوسط الطول اسمر ..
.. رزين قليل الهرج والضحك .. يكتفي بابتسامة مجامله .. ولمايضحك يضحك من قلب ..
.. فارس أحلام أغلب بنات أقاربه ..



كان رافض الزواج من بنات عمه أوأقاربه ..
.. ووصل 32 سنه ماتزوج ..
.. خطب له أبوه جواهر بدون علمه ..
.. بما إنها من خارج العائله على طلبه ..
.. وحطه أمام الأمر الواقع ..
.. لأن أبوه كان خايف إنه متزوج اجنبيه أثناء دراسته ..
.. أو زواج مسيار ..



.. فكان عقاب عناد لهم من وجهت نظره .. تجاهله لجواهر وإهانتها قدامهم ..

وسكن معهم بالبيت .. وبنت خالته جوزا تموت فيه ..


وكان يحب يغايظ جواهر بجوزا .. خاصه بعد ماطلقت ..
الشي اللي خلا جوزا تفهم الموضوع خطأ ..






‏- جواهر -
.. ضحكت على وصيت وسن .. لماقالت لي :
الرجال مثل الطابع أتفلي عليه يلصق .. هههههه ..



وقالت : أعصريه عصر الليمونه ..
.. وأنفضيه نفض الردا -يعني الثوب - وكان لك به حظن ماغدا ..
يعني كان الله كاتب لك نصيب معه ماراح ..



وقررت اسمع بنصيحتها ..
.. هي صح أصغر مني ..
.. بس جلستها مع العجايز خلت مخها يوزن بلد
..




عناد : كانت أمي حاسه بقلقي من روحت جواهر لأهلها ..
.. تقول أخاف إنها طفشت منك ومن حقرانك لها قدامنا ..
.. خاصه بعد ماشافت شناطها ..

.. وطمنتها إني بروح أجيبها ..
.. وبعد كلام تركي راجعت نفسي .. لقيته صادق بكل كلمه قالها ..
.. فقررت نجلس بالرياض خمسه أيام مع إني مضغوط جدا بالعمل
..






جواهر : أخذني عناد للسوق ..
.. *واول مانزلنا مسك يدي ..
.. استغربت .. طالعته وسحبتها .
.. رجع ومسكها وهو يضغط بقوه عليها ..




عناد بهمس : لامسكت فيك شي لاترديني ..
.. فاهمه مهوب كل مره بقولك هالهرجه ..

جواهر : بدون نفس طيب ..
تسوقنا وأصر على أشتري*
ملابس ..
.. مع إن مكتفيه بالملابس وطبعا ملابس النوم على ذوقه أنا مجرد متفرجه ومانيكان يقوس عليها ..



وبعدها مرينا الرميزان وأخذ لي ساعه وخاتم الماس بس على ذوقي ..
*
وشالها و بعدها طلعنا لستار بوكس ..
.. وجلسنا طلب القهوه وتشيز كيك ..




عناد : *- كنت مشتاق أشوفها *-
شيلي غطاك محد يشوفنا ..



جواهر : شلت غطاي وحطيت *طرحتي على كتوفي ..
.. ونفضت شعري ..

وفتح علبه الساعه والخاتم ..



عناد : سحبت يدها ولبستها الساعه ..
.. وبيدي الثانيه طلعت الخاتم ولبستها إياه ..
وبعد ماشفته على يدها قلت لها :
.. أحلى من الألماس لباسه ..
.. ماقدرت أقاوم يدها ...
جواهر بحيا وتحاول تسحب يدها منه:



عنااااد استح على وجهك ..
.. حنا بمكان عااام لو أحد دخل بالغلط وش بيظن !
.. ألحين ماعمرك سويتها بالبيت جاي تسويها هنا ..
.. وبلعت ريقها بعد ما استوعبت وش قالت ..
.. ونزلت راسها بخجل ..




عناد : هههههههههه*
.. برايك يعني نطلع للفندق نسويها هناك ..



جواهر ماقدرت تحط عينها بعينه من الخجل ..
.. لأنها مو متعوده هالشي بينهم إلا إذا كان لحاجه خاصه ..
.. وغيره ماتقرب منه ولاهو يقرب منها ..



.. وبدلع غير مقصود :
.. خلاااااص عنااااد لاتحرجني ..
عناد : شعووور ممتع وأنا أشوف حياها براءتها عفويتها دلعها وأهم شي*رمشت عيونها ..
سحبتها من إيديها ناحيتي وقلت:
جوجو لازم نطلع ألحين ..



جواهر : هذا شفيه لايكون سكران وإلاتعبان ..

وإلا فيه سحر وانفك الحين ..
والاعين وصاحبها مات ؟







وسن : هي هي جوادوه لاتلعب علي ..
.. وين شهر عسلي ..
.. صارلي اسبوع ماشفت شي،
جواد : من زين هالخشه ..
.. راسبه بست مواد ولك وجه تبين شهر عسل بعد ..



أختباراتك بعد اسبوعين ياالله تبدين تذاكرين ..
.. ومالك فركه من هالباب لين تنجحين ..




وسن : بفرحه يعني برجع السعوديه ..



جواد خبطها بعلبه المناديل : بختبرك بالسفاره هنا ..



وسن باحباط :
.. أصلا مابي أختبر لأني ماراح أكمل دراستي ..



بجلس بالبيت وأحط رجل على رجل ..
.. وأتابع ابرامج الدش وأنت الله لايهينك جب لي شغاله .. وسواق .. وافتح حساب باسمي .. نزل له شهريا نصف راتبك ..
.. أكيد راتبك بيكون فوق الطعش .. ورمت المناديل عليه ومسكها بخفه ..





جواد : ليه ؟
.. أصرف على عميان أنا ؟
.. بعدين مابي عيالي بكره يقال لهم أمكم جاهله ..
.. وآخر عهدها بالتعليم ست توائم ..
.. وأبوهم بيكون معه دكتوراه وبتفتخرين بي عند صديقاتك ..




وسن : وااااع بس ..
.. *اشين السرج على البقر
.. د-جواد وااااع ..
.. حدك استاذ ابتدائي وتخب عليك ..




جواد : ياشين الحسد والغيره ..






عناد : قضيت مع جواهر خمس أيام ..
.. جددت نشاطي مع إني أحسها متغيره تجاهي ..
.. وصايره تطنشني وماتعطيني وجه مثل قبل !
.. يعني يوم بغيت أقرب لها بعدت عني !




ورجعنا جده ..



جوزا يوميا تسنتر عند أم عناد ..
.. خاصه لما عرفت موعد جيته ..
.. وجهزت القهوه والحلا والعشا لأن أم عناد مالها إلا بنتين متزوجات بالطايف ومكه ..




عناد : تفاجأت يوم شفت جوزا ..
.. هذي وش جابها ماتقر في بيتها ؟




جلست جنب أمي بعد ماسلمت عليها ..
.. هي وأبوي ونوره أختي اللي توها داخله بعدنا ./
.. وجواهر طلعت بجودي لغرفتها ورجعت لنا ..
.. ونزلت وجلست بكنب مفرد مقابل لي ..





وبحركة جراءه صبت جوزا فنجال قهوه لعناد ..




عناد : أشرت بيدي علامه إني مابي ..
.. بعد ماشفت وجه جواهر اللي تغيرت ألوانه ..
.. بعد مامدت جوزا الفنجال لي ..

جواهر بنفسها بغيظ :
.. صدق ماتستحي قوية وجه ..


*
عناد : جواهر قومي سوي قهوتي ..
.. مايعرف لها إلاأنتي ..



ولأحظت ابتسامه على طرف شفايفها ..
.. ووجهها أشرق ..



جواهر : من عيووني
..

وبعد ربع ساعه طلعت جواهر بقهوتها في دله ..
.. مثل مايحبها عناد مو في ترمس ..



واللي كانت ماتعرفه جواهر عن عناد من زواجهم للحين إن عناد شاااااعر :



.. جلس عناد براحه بعد ماخذ الفنجال من جواهر ..
.. وحط يده على الفنجال وأطراف أصابعها تنهد وأشعر :



يامحلا الفنجال من كف صافية الجبين .. ساعتن والناس كلن على راسه ملاه ..

وأنتشي من ريحت الهيل من ذيك اليمين .. تسلم يمين سقتني الهوى دون الوله ..

كل ماشفت القمرقلت ياربي تعين .. جل رب صوره بالحلا ثم كمله ..

كانت الساعه تروح علينا كل حين ..
والليالي في هوانا تجي مستعجله ..


من تناسى صاحبه ماذكر شوق وحنين ..
والله مايستاهل الحب مايستاهله ..



باعني باعني وابتدا طبعه يشين ..
والزمن لاول تحول وأظنه حوله ..



‏- كان يقصد علاقته بها بالفتره الأخيره وتطنيشها له -

ضمني ضمني من شمال ومن يمين .. ضمني ضمت صغير *يحبونه هله ..

وهمس بأذن جواهر اللي جلسها جنبه *..
- وباقي القصيده بقوله فوق بغرفتنا وغمز لها -*