الكبيبه الحايليه على اصولها بكل التفاصيل والطريقه وطبعا بالصور
مسائكم /صباحكم
سعاده ورحمه من رب العالمين
من زمان طلبوا مني أم الشهد وأم البنين
طريقة الكبيبه الحايليه..وبما إني عجاااازه وماأحب ألفها..والفريزر عندي مافيه جاهز إضطريت إني أنقلها لكم بالتفاصيل..
حياكم..تفضلوا..
طريقة عمل الكبيبه الحايليه على اصولها والكبيبه (( هي ورق العنب الملفوف بس يلف مو اصابع يلف تقريبا مضلع الشكل )) اليكم الطريقه بالتفصيل يممممممممممممي
بســـــــــــــم الله الرحمن الرحيـــــــــــــم ( ماشاء الله لا حول ولا قوة الا بالله )
1- يقطع كلا من ( بطاطس2 متوسطه او 3 + بصله كبيره + 2 فلفل رومي + 2 فص ثوم + ليمونه ) يقطع حلقات ويصف اولا البطاطس ، انا هنا نسيته ، ثم البصل ثم الثوم والفلفل الرومي واخيرا الليمون ووكم قرن فلفل اخضر حار << على حسب الرغبه ثم بعد ذلك نأخذ ضلوع من الغنم وتقطع متوسط الحجم ونضعها وهذي الصوره
2- ثم نضع ملعقه وسط من كل من (( بهارات مشكله مطحونه + كركم مطحون + ملح خشن + ماجي ابيض )) شوي من الفلفل الاسود والاحمر المطحون <<<< على حسب الرغبه كمـــا في الصورة
3- نقطع 4 طماطم متوسطه الى قطع صغار ونضعها في زبديه ونصب عليها نص ماء مغلي ونغطيها ونخليها 10 دقايق ثم بعد ذلك تحركنيها بالملعقه او الشوكه الين يذوب الطماط مثل الصورة
ثم نضع الطماط المذوبه بالماء على اللحم مثل كذا
4- ناخذ علبه من الكبيبه المثلجه ( طبعا حنا بالموسم حق ورق العنب نقعد نلف كبيبه اي ورق عنب بكميات كثيره ونفرزنها في علب بلاستيك بالفريزر وتقعد لنا للسنه كلها ) وهي ورق عنب محشي ملفوفه ومحشيه وحشوتها هي (( 1كوب رز مصري مغسول ومنقوع نص ساعه + نصف كوب رز عنبر مغسول ومنقوع نص ساعه + نصف كوب رز تمن نجفي مغسول ومنقوع بعد >>>> بعدين تحطينهم في زبديه وتحطين عليه هالخلطه بالخلاط الكاس (( 3 طماطم + بصله كبيره + مكعب ماجي + كركم+ ملح على حسب الرغبه + بهارات مطحونه )) تخلطينها بالخلاط مع نقطة مويا وبعدين تحطينها على الرز وبعدين تحطين عليه بصل اخضر مقطع صغير تقريبا حزمه وتحطين ملعقتين او 3 زيت الكشنه ناخذ علبه من الكبيبه ونطلعها من الفريزر قبل الطبخ على الاقل ب3 ساعات وبعدين نصفها بالقدر فوق اللحم مثل كذا
ثم نضع فوقها صحن علشان ماتتفكك عند الطبخ
5- اللحين نبدا بالطبخ نضعها على النار ,,,وطبعا لازم عند طبخ الكبيبا النار تكون قصيره ,,, بعدين نضع عليها نص كوب ماء مغلي ونخليها تقريبا ربع ساعه << وهذا السر الي يخلي لونها فاتح اقصد الورق العنب ..
6- نبدا بتجهيز مرقة الطبخ للورق العنب ,, نذوب مكعبان ماجي تقريبا مع 6 اكواب ماء ونضع شوي ملح تتذوقينه المرقه على حسب رغبتك بدرجة الملوحه ونخليها الين تتطبخ وبعدين نطفي المرقه
7-ونبداء نشرب الكبيبه تقريبا كل ربع ساعه لمدة ساعه ونص وبعد الساعه والنص ماتشربينها تقصرين النار مره وتخلينها تتطبخ اقل شي 3 ساعات قبل ماتطفينها بربع ساعه تضيفين عليها كشنه بصل وعصير ليمونتين وملعقتين زيت زيتون ,, بعدين نطفيها ونخليها قبل الغرف ساعه الا ربع لأن افضل شي نقلبها وهي دافيه مو حاره وهذا شكلها بعد ماقلبناها وغرفناها
وبالهنـــــــاء والعافيه
</B></I>
16-04-11, 01:20 AM
لعيون أم الشهد وأم البنين.. الكبيبه الحايليه على اصولها بكل التفاصيل.
جديد مواضيع قسم الأطباق الرئيسية
العرض العادي
