المنتدى :
الشعر والشعراء
طفلة عناي !
تساؤل .. !
أسأل عيوني ليا شبْ المساء نوره
..... عن رحلة الدمع / لاشدّت بي أهدابي
متى يجف الغياب / وتنضب بْحوره
..... وأصافح [ بْيد صبري ] رجعة أحبابي !
يا حالمه ! رمّد جمر بوح الأمال
..................... وَأنتي لْـ برد الصمتْ مني سَريتي
للدمعه اللي غصنها بالبُكاء مال
..................... حتى / أنكسر جذع العيون وْبكيتي
قلبٍ تلحّف صبر حلمه / ولازال
...................... يــعتق لك أسراب الفرح لاَشقيتي
لو مانبت في تربته غير الأطلال
.................... يـكفيه من غــرس الغلا مَاجنيتي
ويكفيه لامنّه هما غيمه وسال
..................... ياخذك من حضن الظما لاَضميتي
ويكفيه من صوت المواعيد موال
..................... جَـــرّه بْــحنجرة الغياب وسليتي
لو سيل عذرك مالقى بالصدر جال
..................... أفج لك قلبٍ بْـ قاعه مشيتي
يارحلة الصبر العتيقة من البال
..................... شدّي عن فجوج العطش لاَ أرتويتي
ما عاد لك في غربة أيامه ظْلال
.................... دامك على كــف الرجا مَا نمــيتي
طفلة عناي ! الحزن باحلامنا طال
.................... وأنتي على حدْ الفرح مَا ضويتي
أبسئلك قلب الرضا منك وش نال
.................... دامك / لْـمسمع خافقي مَا شكيتي
هتّان حرفي ما سقى جرهد ْ الحال
.................. ولا رضى يهدي لْطرفي مبِيتي
باكر تضم كفوف الأيام / رجال
.................. مايوم / عن جرحه وهمّه دريتي
يا حالمه واللي ورى بوح الأمال
.................. صمتٍ حَطبته للكلام / وطفيتي !
إعتراف .. !
أنا الظلام اللي سَرق خافق الضيّ
وَأنا الكلام اللي عجزْ عنه [ بوحي ] !
|
13-04-11, 08:23 AM
جديد مواضيع قسم الشعر والشعراء
العرض العادي
