المنتدى :
الشعر والشعراء
( الـهبوب ) ، !
يطول الصمت ولاّ ما يطول الصمت ، شفني بحت
بعد ما هبّت اهبوب الفراق اللي .. تحرّكني
كذا يعني تجازيني بـ يديك المرهفه .. لوّحت
توّدعني بلا ( موعد لقا ) وأقفيت - تاركني
أقلّب ذكرياتي ، ذكرى / ذكرى لين فيها أمرحت
تصدق بان ما عاد الفراق الحين يربكني !
صدمني الوقت ، لكنّ انصدمت بصدتّك وإرتحت
عرفت الحين شاللي ذاخرّه باحساسك المكني
انا آسف لاني ما زعلت ولا بكيت .. ونحت ،
ضحكت مْن الوجع يوم الوجع هالوقت ، يضحكني !
عطيتك كل ما أملك من شعور وحنان وطحت
من عيون الليالي ياللي من عامين - مالكني
نثرت الك القصايد من يمين ، يسار ، فوق وتحت
وانا عندي خبر بانْك تنام الليل في ، ركني !
خطيت وقلت : ما أعيد الخطا ، سامحني .. وسامحت
وأنا جيوش الغلا كل يوم أعاركها ، وتعاركني
بعد هذا ! خذيت أجمل سنين العمّر مني .. ورحت
وانا اللي من بعد هالعمر ظنيّتك .. مشاركني
يا ليتك قبل لا ترحل ، لو بـ نظرة وفا ، لمّحت
عشان لعمرك اللي جاي أباركّ .. وتباركني
من اللي دار ! كم درب ايحديني للفراق ، ولحت
وش اللي صار ! فيه إيد اتركتني وإيد .. تمسكني
عرفت ان الهوا نايم على صدر الفراق البحّت
مع مرور الزمن لابد يصحى .. يوم تتركني !
مخرج
إحساسي العذّب بـ الأقدار ، زوّدني ........
قناعه بان النهايه ، لاح / بارقها
ما هو بـ كيفي لان الوقت عوّدني : ........
كل حاجه آحبّها ، لازم - أفارقها
|
02-04-11, 10:24 PM
جديد مواضيع قسم الشعر والشعراء
العرض العادي
