الفصل الثامن والعشرون
~~~( زواج .... قريب من الحقيقه..)~~~

كل شئ قد يكون
قريب من الحقيقه
حتى وجودي هنا وما اراه وما اسمعه
لايمت لحقيقه بصله .... ربما





............................................................ ..........







إنتهى ذلك اليوم الذي بدأ وكأنه لن ينتهي لكن القصه كانت لها فصول كثيره لم تنسج بعد







............................................................ ....










لازم اروحله لاني اذا ما رحتله بيسون فيني شي انا عارفتهم وفاهمه تفكيرهم هم يبون يسون شي يهددوني فيه لازم اروحله يساعدني

ادخل المكتبه ولا لا
طيب انتظره برا ماهي بمشكله
لا بدخله ما عندي وقت



بدخل



وقفت قبل الممر اللي يجلس فيه وخذت نفس ودخلت للمكان اللي دايم يجلس فيه

لقته موجود كالعاده

قربت منه ما ناظرها اسمعه مشيتي ولا اقرب منه واقوله
قربت منه


قال وهو ما زال يناظر الكتاب _ لا تسببين ازعاج اجلسي واسكتي

قالت بصوت واطي _ ابغى اقولك شي

رفعلها نظره وجلس يناظرها حست ان فيه شي متغير

باستغراب خالي من الشفقه _ انت تعبان

قفل الكتاب _ ايش تبين


هيوف استغربت حسته ما يبغى يناظرها فيها شي _ عندي مشكله

بصوت غريب قال _ كنت اظن ان المشكلات يحلها الاخ زيد

هيوف _ وش دخل زيد اللحين

سلطان سكت مده _ هيوف قولي الحقيقه انتي وش بينك وبين زيد

هيوف فتحت عينها على الاخير _ انت مجنون ما بيني وبينه شي

سلطان ناظره وكانه غضبان _ أوعديني اللحين انك تحاولين ما تكلمينه

هيوف _ لا ما راح اوعدك ليه اوعدك وش علاقتك

سلطان _ انتي تحبينه ؟

هيوف _ ومن انت عشان تسئلني

سلطان _ يعني تحبينه

هيوف بعدم اهتمام _ وش يهمك فيه هذا الشي

سلطان _ ما يهمني في شي وش مشكلتك

هيوف قررت انها بعد تقفل سالفه زيد_ البنات يبوني اطلع

سلطان _ ابركها ساعه اطلعي اليوم

هيوف _ وين اروح

سلطان _ انا بحللك المشكله راح تعيشين في مكان قريب للجامعه مع بنتين اعرفهم

هيوف بسرعه _ وش عرفك بهم

لمعت عيونه بسرعه وكأنها لمعه انتصار وفرحه _ ليه تسئلين

هيوف بصراحه _ عشان اشوف اذا سبب معرفتك بهم محترم او لا لان اذا انت تعرفهم بشكل غلط ما اقدر اجلس مع بنات من هذا النوع

وانطفت اللمعه وقال _ انتي ما تحسين ما تهتمين بللي حولك او هي بس مسأله غباء

هيوف استغربت وش هو يتكلم عنه _ وش تقصد

سلطان _ بس مو لازم اكمل البنات اعرفهم من اخوهم هم مصريات
جدا محترمات ومؤدبات وذكيات وبيساعدونك في المواد الصعبه بدال ما تطلبينها


هيوف _ متى اروح لهم وكم راح ادفع

سلطان _ اليوم لفي اغراضك والايجار ما اظن له داعي الشقه ملك لهم

هيوف _ ما ابغى كلمه اظن اكيد ولا انا حالتي الماديه مو لذاك الزود

سلطان جلس يناظرها _ طيب ليه ما تتكلمين اذا ناقصك شي

هيوف _ وليه اتكلم

سلطان _ الكلام معك ماله فايده اذا بغيتي شي تعالي لي طوالي لا تروحين لاحد ثاني

قامت _ متى راح تاخذني لهم

قالها _ راح اعطيك عنوانهم روحي لهم بنفسك راح اكون مكلمهم قبل

خذت العنوان _ مشكور

سلطان _ ليه ما رحتي لزيد عشان يحللك المشكله

هيوف ناظرته _ ما اعرف ممكن عشاني اعرف عايلتك انت ممكن عشان كذا


وراحت وتركت سلطان يناظر زولها














............................................................ .......













ما نامت عايله العابد من امس

الام دخلت المستشفى وجلست معها في وتركوا موزه في البيت عشان تعتني به

سالم مرابط جنب التلفون اللي يشوفه يقول مجنون

الاب يناظر مكان واحد من امس بلا حركه ولا أي تفاعل في وجهه


اندق جوال سالم ناظره استغرب


وش يبغى هذا وقته ...

سالم _ الو

ابو نادر _ الو سالم انت فاضي ابغاك بموضوع مهم

سالم _ نعم


ابو نادر _ اسمع شفت الجماعه اللي تسلفت انت منهم غلطت انا مع واحد منهم وشكلهم معصبين فحاول انك ما تخرج اليوم من بيتك

سالم_ وليه وش بيصير لا خرجت انت اللي غلطان ما هو بانا

ابو نادر _ ايوه بس هم معصبين لدرجه يبون ياذون أي احد اعرفه وممكن بعد يطلبون منك الفلوس قبل وقتها فانتبه لا تخرج


سالم تذكر الفلوس وغمض عينه ولا انه مو حمل شي زي كذا

سالم _ حاضر

ابو نادر _ يلله اشوفك على خير

قفل سالم الجوال ولقى ابوه يناظره عرف انه يظن ان اللي يكلمه كامل

سالم ؟_ ما هو بكامل هذا واحد اعرفه










............................................................ ...









التوت يدها اليمنى وانكسرت اصبعين من اليسرى وجاها التواء في قدمها اليسرى


غير الالم الفظيع اللي في راسها
ما شافت كارلا اليوم وينها ابغى مويه عطشانه مره

انفتح الباب ودخل جاسر ............. دانه تعلقت نظراتها فيه كيف واحد وجهه مثل الملاك يسوي كذا وعشان فلوس وهو مو ناقص ولا محتاج ولا السالفه هي كذا اللي عنده مال يصير عبدا له


قرب منها _ حاسه بالم

دانه _ ايه بقوه ليه ما عطاني مسكنات الم

جاسر بلا مبالاه استغربتها دانه لانه امس كان مهتم ولو كان قليلا _ عطاك مسكانت بس انا حاب اعاقبك عشان تنتبهين مره ثانيه


دانه بالم ناظرته مو ناقص الم يدينها ورجلها وراسها يجي الم رابع غريب ينبض بقوه بين ضلوعها


جاسر خذا نفس عميق وعض شفاته وناظرها _ اوعديني انك ما تكررين اللي سويتيه لانه غباء كنتي راح تموتين هذا الشي الوحيد اللي كنتي راح تستفيدينه

دانه _ لا تسوي نفسك مهتم


ناظرها وكأن في راسه فكره طرتله ولا هي بمعجبته _ انا مو مهتم


دانه _ عارفه هذا الشي.... انا جوعانه

جاسر _ قررتي تفكين اضرابك عن الطعام كويس الاكل جاي في الطريق

دانه تسائلت كيف بتاكل _ وين كارلا

جاسر _ طردتها جلس في كرسي جنب السرير

طيب من اللي بيساعدني فكرت دانه

جاسر قعد يناظر الملاك اللي قدامه رغم كرهه للنساء الا انه عرف ان هاذي طاهره تصرفاتها شكلها غريبه كيف تكون هي اخت كامل
بعد ثواني الملاك اللي قدامه مو عارفه وش بيصير لها لان الخطوه الثانيه من انتقامه بدت تتنفذ


دخل رجل لابس طاقيه بيضاء وثوب ابيض ناصع ذو لحيه صغيره وجهه مريح جدا

دانه ناظرته وناظرت جاسر متسائله من هذا

جاسر قام وسلم على الشيخ اللي قال _ اين العروس


جاسر ناظر دانه _ هاذي هي








.........................................................









دخلت ام طارق علي همايل اللي ما نامت من امس


وقفت قدامها _ انا قلتلك ترجيه عشان تخرجين من هذا البيت عشان تخرجين من حياه هاذي العايله بس انتي باي حق وافقتي انك تاخذينه انتي مجنونه


همايل ناظرتها وهي مفجوعه وين الانسانه اللي كانت معها وتساعدها


ام طارق _ خربتي فرحتي بولدي ولدي الكبير يتزوج وحده مثلك


همايل قامت وهي خلاص _ وش فيها وحده مثلي

ام طارق _ اتركي طارق احسن لك ولا بيصير لك شي تتمنين انك متي قبل لا تحضرينه

همايل _ ما اظن فيه شي باقي ما شفته


امل وبسمه دخلوا

امل _ همايل بنت الحمايل نجحت في لعبتها صدق انك وحده فاجره

همايل بصوت عالي _ احترمي نفسك


ام طارق _ كنت راح اساعدك ارسلت لك اخو السواق قلت تتزوجينه وممكن طارق يرضى لان زواجك من عايله مثلهم يرضيه ويبرد خاطره لكن اكتشفت اني حطيت الغاز على النار


بسمه _ كيف طاوعك قلبك تاخذين واحد مو لك

همايل _ طارق لي وما يهمني كلامكم تقبلوا واقع اني زوجته وانه يبغاني (كم تمنت ان كلامها يكون صح في يوم من الايام )

امل _ طارق ما يبغاك بس تلقينه يفكر بشي جديد عشان يهين اهلك بس

وطلعت ووراها بسمه

ام طارق_ انا مو مباركه زواجك وراح احاول اني انهيه مو انتي الزوجه اللي ابيها لولدي


وطلعت وتركت همايل اللي رجعت تجلس على سريرها تمسك العبره والدموع تمنعها انها تخرج





............................................................ ..


















دانه مفجوعه بقوه _ نعم من العروس ؟

جاسر ناظر الشيخ وخذاه لباب في الغرفه يفتح على صاله جانيبه صغيره
وقفل عليه الباب ورجع لدانه

جاسر _ توافقين ولا تسوين شوشره فهمتي


دانه وتحس نفسها عاجزه _ انت مهبول كيف اوافق كيف باي حق اخذك وليه

جاسر _ راح توافقين لان اخوك ما جا للحين

دانه _ زواجي منك بيخليه يرتاح ولا عاد راح يجي (عرفت انها غلطت ما كان مفروض تقول مثل هذا الكلام وكأنها ما تهتم الا بنفسها )

جاسر _ صدقيني زواجي منك هو عارف وش معناه وافقي


دانه _ وش بتسوي لو ما وافقت

جاسر _ راح تتزوجين غصب عنك الا إذا بغيتي تجيك اختك الثانيه وهي اللي تنفذ اوامري

دانه وهي تبكي بقوه _ انت انسان مريض نفسي مجنون

جاسر _ ممكن وافقي ولا والله اللي خلقني لانفذ كلامي

دانه خافت على في وعليها سكتت


جاسر فتح باب الصاله الجانبيه_ تفضل يا شيخ












.....................................................












خرج الشيخ من الغرفه الجانبيه التي افرغتها ادراه السجون لطارق وعبدالله وابنه حاتم


ناظره عبدالله الشهال وفي عينه انتصار

طارق فاهم كل اللي يدور في راسه

عبدالله _ متى راح تنتهي معامله خروجنا

طارق _ بكره راح تناخذون لفيلا في العليا

عبدالله _ همايل اخر مره جاتني ما طرت لي موضوع خطبه ولا زواج كل اللي طرته انه تشتغل عندك عشان نخرج من هنا

طارق بابتسامه كريهه _ وكيف كان شعورك ؟

عبدالله _ كنت عارف انها راح تجيب راسك

طارق ضحك _ انت عارف ومتاكد ان زواجي منها في مصلحتي قبل ما يكون في مصلحتك

عبدالله _ عارف ان زواجك منها يخدم اعمالك

طارق _ إذا لا تاخذك الفرحه لبعيد لاني بعدني ما انتهيت منك يا عبدالله

عبدالله _ صرت اللحين عمك

طارق _ تقدر تحلم


قام وناظر حاتم وابوه _ انتوا عارفين ليه خرجتوا

عبدالله و ولده عرفوا ان طارق بيفجر القنبله _ اكيد انكم ما تصورتوا اني ممكن اتخلى عن دين بهذا الحجم كل اللي سويته اني آجلت تسديده اجلته لسنه بعدها انشوف وش بيصير










............................................................ ...










قفلت شنطتها وطلعت للصاله

لقت جنى وفاطمه ومناير يناظرونها وهم منصدمين


هيوف وقفت قدامهم


هيوف بتردد _ انا انا ما كنت راح اقول أي شي وانا هددتكم لاني ما لقيت حل ثاني فاطمه تقدرين تتركين خطيبك هذا الحل الوحيد بس لا تاخذين صاحبه لانه خبى عنك اكبر حقيقه خبى عنك ان خطيبك متزوج تقدرين تشوفينها هي تشتغل في المقهى اللي تروحين معه له وانتي يا جنى اتمنى ما اقدر اقول من كل قلبي لان قلبي ماله وجود انك تتشافين من ادمانك انتي قويه مناير مناير زواجك من ولد عمك مو غلط الغلط انك تسمحين له انه يتزوج سحر ناظرت حولها انتوا اكيد مستغربين كيف اعرف كل هاذي الاشياء انا متعوده اني اكون فاتحه عيني على اللي حولي عشان اكون متاكده اني ما فيه حولي خطر اتمنى انكم تسامحوني راح اكون كذابه اذا قلت ان مسامحتكم لي امر يهمني لكن ما ابغى (وسكتت )


جنى قربت منها وحضنتها _ انا حبيتك وحسيت انك راح تكونين لي اخت وتدافعين عني انصدمت منك بس اللحين تاكدت انك وحده يعتمد عليها

هيوف فكت نفسها _ اذا صافي يا لبن ما ابغى اذا شفتكم في الجامعه تصدون عني نظركم كونوا طبيعين معي

مناير حضنتها بعد_ لا احنا راح نكون حولك واي شي تبينه راح نكون قربك

هيوف ضحكت _ الكل من يوم جيت يبغى يساعدني الحمدلله


فاطمه وهي تبكي _ اسفه يا هيوف انا اسفه وشكرا على كل شي


مناير _ هيوف تبغين تجلسين معنا سحر هي اللي اقنعتنا انك لازم تتطلعين لكن احنا عارفين انها غايره منك عشان زيد

هيوف _ لا شكرا سلطان رتب لي اني اروح واسكن مع بنات ثانييات

جنى _ هيوف انتي كيف تعرفين ال عاصي وش علاقتك بسلطان وزيد

هيوف بصراحه _ ما اعرف سلطان امه تعرفني واكذب عليك ان قلتلك كيف وزيد انتوا قلتوا انه يساعد الكل


خذت شنطتها _ يله مع السلامه اشوفكم على خير


طلعت من الشقه وهي مبتسمه
اللحين ارتاحت وتاكدت انهم ما راح يحاولون ينتقمون منها هذا اهم شي ولا هم في حريقه













............................................................ .

الفصل التاسع والعشرون


كلمه السر :: أنتي


أنتي بنصف ابتسامه
أنا معذب يريد كامل الابتسامه
أنتي سبب دمار العالم وانقسامه
أنا معذب يريد ان يعقد معك صفقه القلب لاقتسامه
انتي لم تكوني الا انتي فيني
انا لم اكن اعلم انك اصبحت كل ما فيني


……………………………………………………………………





سالم قفل التلفون وهو يرتجف وناظر ابوه _ تزوجها

ابو كامل _ ايش تزوجها


سالم وهو يغالب صدمته يحس انه مكتف وان فيه وحش داخله رافض يخرج _ قال اني اقول لكامل انه تزوجها والخطوه الثانيه يعرفها كامل


ابو كامل _ الله لا يوفقك يا كامل الله لا يوفقك


سالم حس انه بينهار لكن اللي انهار صدق هو ابو كامل اللي طاح على الارض مثل ورقه خريف يابسه

سالم لموزه الواقفه عند الباب _ جيبي مويه بسرعه بسرعه


ركضت للمطبخ

ابو كامل _ ما فيني شي ما فيني شي ما شربت حبوب الضغط خل موزه تجيبها









............................................................ .












خيريه _ يا عمه يقول عمي طارق انك تنقلين اغراضك للغرفه


همايل ناظرت خيريه اللي منزله عينها _ لا تقولين لي يا عمه

خيريه ناظرتها

همايل _ هو كلمك بالتلفون

خيريه _ لا هو تحت في الغرفه ينتظرك وقال انك اللحين تجيبين اغراضك

همايل قلبها دق من الخوف
ومن القهر
ومن الحزن
لان كل هذا تبيه بس مو بالشكل هذا

همايل _ ممكن تساعديني هي مو اغراض كثير بس هاذي الشنطه وهاذيك بعد

خيريه خذت وحده وهمايل وحده


نزلوا همايل كل ما قربت قلبها يدق بقوه اكثر

احتارت تدق الباب ولا لا
لكن خيريه هي اللي ابتدات وفتحت الباب

همايل وراها

لاول مره تشوفه ببيجامه شكله خارج من الشاور
قلبها دق اكثر
واكثر واكثر
وهو يقرب منها
وش بيسوي قدام خيريه


قرب منها وخذا منها الشنطه

خيريه استاذنت وطلعت حط الشنطه قرب غرفه التبديل حقتها

وناظرها همايل نزلت نظراتها بسرعه

هدوء عم المكان











............................................................













دانه بصوت باكي _ بعد عني ما ابيك تساعدني ما ابيك تلمسني

جاسر قعد يناظرها بعدين حرك شعره بقوه شكله غاضب _ لا تكونين مثل الاطفال انا مو ماكلك انا جاي اساعدك عشان تاكلين


دانه وهي تحرك بقوه تبي تبعد الصينيه اللي فيها الغدا وهو كان واقف قرب السرير

دانه _ مابي منك شي الله ياخذني طيب طيب ابعد مني ابعد (وحركت الصينيه بقوه بيدها الملفوفه بالشاش والصينيه فيها شوربه ساخنه فطاحت عليها )


دانه بقوه _ اااااااااااااااااااااااااااااااااح

وبكت اكثر
جاسر بسرعه قرب منها
بس دانه تراجعت لورا وطاحت على ورا في السرير

جاسر بعصبيه متفجره _ بلا غباء بتحترقين

دانه وهي تبكي من الالم _ بعد عني بعد ااااه توجع

جاسر ناظر حوله هو عارف انها ما راح تسمحله يفك البلوزه الي عليها
فخرج ودخلت وحده بنت صغيره اكبر من دانه بس مو بكثير وبسرعه قربت لدانه وقالت _ بليز خليني ساعدك

دانه بدون ممانعه _ بسرعه ابي ثلج








............................................................ ........









طارق بصوت خارج من عالم بعيد _ انا راح ارجع للشركه لا تخرجين من الغرفه


همايل التفتت له ليه ما تخرج

ودها تسئله بس الخجل خذا منها ماخذ

كمل كلامه _ بكره راح يخرجون هلك لا تزورينهم نهائيا

همايل ما قدرت تسكت _ ليه ما ازورهم ابغى افهم ليه تمنعني

طارق ابستم غصبا عنه بغاها تتكلم من اول ما دخلت الغرفه والمحاوله الثانيه نجح فيها _ كذا هذا امري

همايل _ وليه انفذ اوامرك

طارق _ انا زوجك

همايل حمرت خدودها بقوه


طارق _ بعدين هذا لبس تطلع به العروسه على عريسها

همايل بدون شعور ناظرت ملابسها اصلا هي بعدها بالحجاب الابيض حق الشغل

طارق قرب منها وخذا الحجاب من فوق راسها همايل رفعت يدها تمنعه فمسكت يده لكنه بعد يدها بهدوء ورجع وخذا الحجاب

قعد يناظر شعرها الاحمر

ووجها المختجل وشفايفها المرتعشه وجسمها اللي كله يرتجف
ليه يا همايل انت اللي كذا
انتي اللي تسوين فيني كذا
اذا هي انتي
اللي........... عشانها طول السنين اللي فاتت ما خلتني اشوف بنت تملى عيني


همايل تمنت انها ترتمي في حضنه وينسى كرهه لها ولنفسه ما تبيه يتالم هي عارفه انه يتالم هو يتالم اذا هو طارق اللي تعرفه اللي تحس انه في هاذي اللحظه موجود

تراجع ودخل غرفه تبديل الملابس

همايل حاولت تمنع دموعها لكن كيف تحاول ودموعها فبضان ابى الا ويخرج








......................................................









خلت الشنطه قدام العماره وقربت للشارع تاشر على تاكسي وقفت لها واحد ورجعت للشنطه بس شافت زيد جايها

زيد بصوت عالي عشان تسمعه لانه كان بعيد شوي منها _ وين رايحه

هيوف ناظرت التاكسي شكلها بتتاخر وناظرت زيد

زيد ناظر التاكسي وامره انه يروح هيوف عصبت شويه بس ما بينت

زيد رجع لها _ على وين كنتي رايحه احد ضايقك

هيوف حست لهجته تغيرت شويه فيها اهتمام واضح غير مخفي وكانه يبغى يوضحلها انه مهتم

هيوف _ لا ما احد ضايقني بس كنت ناقله لمكان ثاني دبرلي ياه سلطان

زيد عبس شوي _ وينه هالمكان

هيوف _ قريب مو بعيد

زيد_ جبتلك التلخيص جبته لنهايه التشابتر كله

هيوف خذته _ شكرا

قعد يناظرها وهي مستغربه وش فيه _ هيوف ابغاك بموضوع ممكن نتكلم شويه في مكان مريح اكثر من هنا


هيوف _ بس (سكتت شوي وكملت ) ايش رايك في البارك القريب من هنا

زيد _ اوكيه وقرب منها وخذا الشنطه الكبيره اللي معلق فيها شنطتين متوسطه الحجم

هيوف _ ماله داعي تشيلها خلها هنا وانا برجع لها













.....................................................













دخل لغرفتها صارت هاذي الغرفه من اكثر المناطق اللي يخاف منها في البيت

لانها فيها نايمه كانت ملاك
ايه ملاك
لبسها الابيض عاري الكتفين وسواد شعرها ونومتها اللي كانت غايه في البراه خلت انفاسه تنحبس

لمس خدودها برقه خايف عليها ؟ ايه خايف شكلي خايف عليها ومنها

كيف اكون صاحب قرار ينزل دموع وحده مثلها
بس ليه وش صار فيني ؟
انجنيت
لا حبيت
اكيد لا
ممكن الشفقه نزلت على قلبي........ هذا اسهل الاحتمالين


رجع يلمس بشرتها الناعمه ونزل لشفايفها ووقف وبعد يده
عرف الاجابه !!!!

طلع من الغرفه الهلاك
وقامت دانه وهي ترتجف
وكم تمنت ان قلبها يوقف ........... يا قلبي طلبتك بسك وقف









.....................................................







طلع من غير حتى يناظرني ولا يتلفت لعيوني للي نزل منها دمع كثير وهو السبه فيها
ما اقسى قلبك يا طارق
ما اقساه
وما اقسى حبي لك







..........................................................











هيوف تلفتت يمين شمال لان زيد طول وهو ساكت

زيد_ هيوف انا متاكد انك من اكثر البنات اللي التقيت بهم حشمه ومحترمه كثير

هيوف بغت تضحك على كلامه _ مشكور

زيد_ هيوف أنا اكيد انتي عارفه اني خاطب بنت عمي

هيوف بلعت ريقها لا يا زيد لا تقول أي كلمه عن هذا الموضوع _ ايه عارفه خاطب لامار

زيد_ تذكرين هذاك اليوم اللي قلتلك لو انك تاخرتي شهرين كان قدرت اتم امور زواجي من لامار تذكرين

هيوف _ ايوه اذكر بس ما فهمت (اكون غبيه الحل الوحيد)

زيد_ ما اقدر اتزوج لامار لاني ابغى وحده ثانيه

هيوف ببرأه مصطنعه _ لا يا زيد هذا الكلام ما يطلع منك انت غبي لا سويت كذا ما فيه بنت تستاهل انك تترك وحده مثل لامار عشانها

زيد_ حتى لو كانت هاذي الوحده هي انتي

هيوف ابيض وجهها _ زيد

زيد_ ايش يا هيوف ؟ هيوف انا ابغاك انا عارف اني غلطان واني غلطت مثل غلطت اخوي

هيوف _ اخوك

زيد_ ايه اخوي لكن هو خذاها عناد لكن انا احبك يا هيوف اسمحيلي اقول هاذي الكلمه

هيوف نزلت دموعها ليه يا زيد تذكرني اني مالي قرار في هذا الموضوع
عارفه انك تحبني بس انا اكره نفسي
ايه اكرهها
هيوف _ زيد انا ما احب اكون موضوع ما احب اكون ( ما قدرت تكمل)

زيد _ اسف يا هيوف ما كنت اقصد اضايقك صدقيني اني راح اسعدك وما اخلي عليك قاصر وهلي بيرضون انا متاكد

هيوف بصوت عالي _ زيد بس بس

زيد_ هيوف ارجوك ايه ارجوك لا تقولين لي انك مخطوبه او او تبين واحد ثاني.... خليك صريحه رغم ان صراحتك راح تالمني

هيوف _ انا انا ما اقدر اوافق لا تسئلني ما عندي جواب

زيد_ اذا ما جاوبتي راح اعتبرها فرصه منك اني اقنعك هيوف ابغى اقنعك انك راح تعيشين في جنه معي

هيوف لا يا زيد لا تسوي كذا لا تحط القاز على النار لا تبيني اللي فقدته وما راح يكون لي في يوم من الايام


قامت من على الكرسي وتركته قام زيد بس ما تحرك ما راح يستسلم








...........................................................