الفصل السادس عشر



لا موضوع ..ولاسالفه








غلطة الايام احنا ما غلطنا .. كنا مشتاقين يوم انا افترقنا

كلنا ملهوب واحرانه كبيره .. العيون تشوف وإيدينا قصيره

لعبة الاقدار تلعب في هوانا .. والزمن غدار ما يحفظ أمانه

هذا شي معروف من يملك مصيره .. العيون تشوف وايدينا قصيره

يا حبيبي وين كنا وانتهينا .. صار دمع العين يتحسر علينا

الزمان سيوف وجروحه كثيره .. العيون تشوف وإيدينا قصيره



.........................................................
هيوف تمشي ورا سالم ودانه



طلعوا من المستشفى ركبوا السياره



سالم كان هادي بشكل غريب خلا دانه تناظره


قعد يناظر المدخل حق المستشفى لان فيه وحد خرج منه



كان مهتم بهذا الشخص



هيوف ودانه ناظروا معه



هيوف عقدت حواجبها


حست انها تعرفه


ما تشوفه زين من هنا


لكن تحس انها تعرفه



سالم ناظر الرجال لين ناظره


مد يده بحركه السلام


الرجال رد عليه ببرود وابتعد عنهم






هيوف عرفت ان سالم يعرفه اذن هو من اصدقائه


يعني الولد بزر بعد


دانه ناظرت هيوف



هيوف نزلت نظراتها لا ما راح تخلي دانه تفكر انها تفكر في كلامها


راح تسوي نفسها ما همها


مع ان هذا اكبر همومها






وصلوا البيت




دانه نزلت من غير ما احد يساعدها عارفه ان هيوف ما كان عرضت عليها المساعده


وسالم كانه في وادي ثاني


دخلوا لقوا ام كامل مسويه مناحه

هيوف تذكرت العزا لان الجو كان كئيب وكله بكى


دانه راحت لامها وطمنتها عليها



ابو كامل كان في الصاله


غريبه


شكل ام كامل كاننت حالتها صعبه ولا ما كان الكل جالس حولها



سالم يوم شاف ابوه قدام العايله قال _ يبه هل ما زلت مصمم على قرارك انك تخلي هيوف تسافر


ابو كامل ناظر ام كامل اللي ما عندها علم بشي _\



هيوف ما ناظرت الا دانه



ابو كامل _ بنت علي تسوي اللي تبغى ويل اللي يظلمها او يكدر خاطرها



سالم _ هذا اخر كلام عندك


ابو كامل _ ومن متى كان كلامي يتغير يا سالم


سالم سكت


ناظر هيوف




تكلم بصوت يوجع _ من اليوم لا انا اعرفك ولا انتي تعرفيني امثالك ما يشرفوني



هيوف ما ناظرته عرفت انه طلع الصمت مطبق عرفت انهم بعد يناظرونها


ليه متالمه


من كلامه


لانها ممكن حست ان الناس بدوا يتخلون عنها


رغم انها تخلت عنهم من زمان



ام كامل _ هيوف وش سالفه السفر ذي


هيوف قامت وقال تبصوت عالي _ ما احد له علاقه (ناظرت عمها ) التذكره معي السفر بعد خمسه ايام فاهمين كلكم فاهمين



ام كامل ناظرت زوجها ليه يسوي معها كذا


ليه ما يدافع عنها لما تكون هيوف هي الطرف الخاطئ


كل هذا عشانها يتيمه


هيوف طلعت


ودانه قامت تبغى تلحقها



ام كامل _ وين رايحه


دانه _ ابغى الحق هيوف


............................................................ ..................




علي وقف في وجه طارق _ شفت شفت بكت وانت السبب



طارق ما زال يناظر تقدم محمد لهم


علي _ طارق ليه تسوي كذا


طارق _ علي لا تغلطني انا اللي بسويه بسويه ارجوك ابعد من راسك فكره انك تقدر تمنعني عن اللي بسويه طيب


علي _ همايل مالها علاقه


طارق _ علي الموضوع بالنسبه لي غير الموضوع بالنسبه لك ابعد عن السالفه وهمايل ما هي الوحيده في هاذيك العايله اللي انا منقم عليها فلا تخليني احس اني ماني بشايف الا هي انتهى النقاش


علي عارف ان من حق طارق يسوي اللي يسويه لان اللي جاه ما هو بهين لكن ما تخيل ان طارق بيعذب الكل بلا استثناء




محمد جا وناظر علي _ اسف


علي _ وش اسف ذي


محمد_ ما قدرت اشتري ولا أي شي فيه ثنينه كانوا ناوين يشترون الاغراض باي سعر حتى لو كان خيالي



طارق _ من هم


محمد_ راحوا بس ما قدرت اجاريهم بالاسعار رفعوها بشكل جنوني



علي عصب



طارق ناظره _ انت موصي محمد يشتري اغراضها ليه ما قلتلي


علي _ طارق مو وقته اغراضها انباعت للناس ثانين



طارق وصوته يبين ان فيه غضب مدفون _ علي قلل من حماسك الزايد وعنايتك المفرطه باحسايس همايل طيب




............................................................ ........





ناظر الساعه كانت وحده الليل بتوقيت بيروت



وقف سيارته قدام البيت اللي يعرفه زين


لانه بيته وعطاها ياها عشان تبعد منه


ابتسم بحزن هو جاي في هذا الوقت المتاخر لانه متاكد انه ما راح يلقاها الا فيه



ما خاب ظنه


هذا صوت الموسيقى واصل لعنده

حفله ثانيه تصرف عليها الكثير



قرب من الباب ودقه



بس وش يدق وهي حفله الباب اصلا مفتوح



دخل



لقاها على طول


لابسه اصفر كانت جميله جدا

جدا


من يراها لا يصدق انها في اواخر الاربعيانيات



ذات شعر اسود طويل


ذات جسد رشيق رائع


طويله رائعه



ناظرها لين ناظرته عرف انها انصدمت



وقف مكانه وهي تقرب منه



جاسر اول ما قربت منه _ ابغى مكان هادي عشان نتكلم



جوزفين _ وهيدي الجمله اللي بيقولى الولد لما بيشوف امو



جاسر _ جوزفين خلينا نعدي المظاهر الكذابه ذي بسرعه عندي كلام مهم



جوزفين ناظرت ولدها بحزن ومشت وهو وراها وقفت قدامهم شله صغيره



شارك _ جوزفين لا تقولي هيدا جاسر



جوزفين بفخر _ ايه هيدا هو



شارك _ يالله شو كبران



ماري _ بيشبهك كتير كتير



جاسر ناظر امه _ بسرعه


جوزفين سود وجها قدام الناس _ اسمحولي بدي روح جاسر بدو ياني بشي مهم



دخلته غرفه في البيت وقفلت الباب عليهم



جاسر _ جود


جوزفين جلست وناظرت ولدها بعدم فهم كان زوجها يحبها لدرجه انه سمى كل عياله بالحرف الاول من اسمها



جوزفين باهتمام _ شو بها تعبانه



جاسر تنهد_ دقت عليك او ارسلت لك شي



جوزفين بخوف _ لقى (لا) لشو شو بها جود قلي



جاسر قام _ ما عندي وقت



جوزفين _ جاسر وقف بس خلاص لا بقى تتجاهلني شو بها جود وليش انتى شكلك هيك مبهدل جود صاير لئ شي


جاسر ناظرها لفتره من الزمن _ مالك علاقه مالك أي حق تسئلين عنها طيب انا جيت وقلت يمكن انها جات عندك عشان تاكدلي انها خلاص صارت مثلك لكن ظني خاب وياما ظني خاب في جود للاسف





وطلع وهو مخلي امه تدمع بصمت



ياما قسى عليها


وبيظل قاسي


لحقته _ جاسر بليز قلي شو بها جود بليز قلي


ناظرها وناظر الحفله _ ارجعي لحفلتك ولا تسوين انك ام في الوقت هذا


ومشى بخطوات سريعه تارك غبار الالم وراءه




..........................................................







في جالسه في طراحتها تناظر موزه اللي كانت تفكر



موزه _ ليه يصير اللي قاعد يصير


في _ موزه هدي



موزه _ امي تركتني وانا بموت يا في لا يغرك سكوتي تري احس صدري ينهشني



في _ موزه تكفين لا تفتحين الموضوع


موزه _ والحين هيوف بتروح ببقى لحالي ببقى لحالي


في _ وانا وين رحت


موزه _ اذا تخاصمت معك من اللي بياخذ حقي منك من


في دمعت _ ما راح اتخاصم معك صدقيني

موزه ناظرت في _ تعبانه

في حضنتها _ الله بيساعدك لا تخافين

موزه _ بس انا خايفه


في ومن تفكيرها الخاص _ وانا بعد


موزه من خبرتها ومعرفتها بفي _ خايفه من ايش ( ما كان سؤال كانت تقول لفي انا عارفه وش انتي خايفه منه بس قوليه عشان اتاكد )


في _ موزه احبه احبه صدق مو ضحك ولا لعب بزران اشوفه احس بالفرحه وبيروح وما عاد راح يرجع وبعرف اني غبيه وبكره نفسي والوقت اللي ضيعته افكر فيه


موزه _ روحي شوفيه


في بحزن _ كل يوم اروح وهو كل يوم جالس ينتظر


موزه _ يمكن انه يحبك


في _ ويمكن انه يحب يلعب


موزه _ منتي قلتي انك واثقه منه


في _ اكثر من نفسي بس هذا يزيد من عذابي احس اني بكره نفسي صدق


موزه _ اذا كرهتيه بجلس انا احبها ولا راح اهتم


في ابتسمت _ موزه لا نتفرق مهما صار

موزه _ روحي اطلعي له


في _ لا يا موزه بجلس معك لين تنامين انا عموما اروح لما تنامين


موزه _ روحي انا بجلس لكن انتي روحي وشوفيه


في قامت وطلعت




.......................................................




هيوف جالسه في غرفتها تناظر التذكره

رحله طويله


بس تعني لها الحريه اللي تبغاها


الحريه من شوفه

ناس اجرحوها


السفره بعد خمس ايام بس ما جهزت شي


وش مفروض اسوي

ناظرت دانه


عبست


هي عارفه انها محظوظه بوجود وحده مثل دانه في حياتها

لكن ما تقدر تقدر ذي النعمه

لانها بتكره حياتها ونفسها

اكثر ماهي بكارهتها

وش بيصير لما تبعد


ما عاد فيه احد راح يصبر على معاملتي له
ما عاد فيه احد احس اني مجبوره
احطم له امنياته


........................................................




في طلعت السطح ومثل امس وقبله واللي قبله


كان موجود يقرا كتاب


في تحس ان الحياه مالها الا معنى واحد انها تناظره وتشوف ايش سر الشعور اللي تحسه


يقال ان في كل انسان عنصر كيميائي يتفاعل مع عنصر كيميائي اخر لدى انسان اخر يتفاعلان ليصلا

الى نتائج مختلفه


الكره


النفور


الموده


عدم الاهتمام عند فشل التفاعل



الانجذاب


الحب


وفي متاكده ان نتيجه تفاعلها مع عنصر عمار


هي الحب


في رجعت شوي فطاح سطل فطلع صوت



مسكت فمها من الخوف وناظرت مره ثانيه لعمار لقته قايم ويقرب من ناحيه بيتها بعدت عشان ما يشوفها بس بطريقه تكون هي شايفته




عمار ناظر السطح وتكلم بصوت ما قدر يخفي فيه نبره الغضب _ اذا انتي موجوده ممكن افهم ليه تسوين كذا ممكن افهم مالك حق بللي تسوينه فيني من انتي عشان تقدرين تسوين كذا من انتي



في ناظرته ليه يقول كذا وش سوت فيه عشان يلومها




عمار _ للحظه ظنيتك شجاعه وما تهتمين بحد لكن عرفت انك جبانه خوافه جالسه في السطح تظنين اني ما راح اعرف بوجودك

عارف انك كنتي هنا امس واللي قبله واللي قبله

ولكني بعد عارف اني ما فارقت ذا المكان من غبائي



في عقدت حواجبها من الالم اللي في روحها



عمار رجع يجلس مكانه وخذا الكتاب ما زال يبغى يجلس هنا ينتظرها

بغى يواسيها عشان الانسانه اللي ماتت اللي للحين مو عارف وش تعني لها لكن ما قدر حس بالاهانه


لانها قدرت تسوي فيه اللي تسويه


وهو عمار

شاف حجر يرتمي



لمتى راح تبقى هنا ؟ متى بترجع لحياتك وتنسانا ؟




عمار قرا الكلمات

شاف فيها عتاب


قريب اخوي رجع . ممكن بكره
من قال اني بنساك . رغم كل شي سويتيه ما راح انساك



في بكت يوم شافت جوابه بكره

بكره يا عمار بكره
ليه احساسي الغبي قالي انك لي
رغم اني ما عرفتك اول مره لكني عرفت اني بحبك
ليه احساسي
غلط
حسيت بفايز وقلت ما راح ياخذ دانه
وماخذاها

وقلت انك بتكون لي
لكن كيف بتكون لي وانت بتروح كيف



لا في ما كتبت ذا الكلام هي تمنت تكتبه لكنها اكتبت



وش سويت لك



جاتها الورقه بعد ثواني تحمل جواب

مضحك مبكي
مضحك من كبر الالم اللي يحمله
ومبكي لانه يستدعي نزول دموع الفرح


خذت الورقه وما عطته ياها ما تقدر تعطيه الورقه


كتبت في ورقه جديده


نفس اجابته



وتركت السطح وتركت عمار


الصدفه هي اللي جمعتهم

وبتخلي الصدفه نفسها تحاول تجمعهم مره ثانيه




قفلت باب السطح وتجمدت من الخوف





............................................................ ...........






رمت المرسمه وناظرت شغلها



لكنها رمتها



وبكت



بصوت مخنوق _ ابغى امي ابغى امي طارق ( قالت اسمه بصرخه ) ردلي امي




ناظرت الرسمه اللي رسمتها

حاولت ترسم امها نفس الصوره


قدرت لكنها خافت


لانها هي اللي رسمت الصوره بتعرف في قراره نفسها انها تتكلم مع صوره


لكن هاذيك لا

لا

هاذيك امي







............................................................ ......




وقفت وهي جامده من الخوف


هيوف بسخريه _ خلصتي شغلك




في _ هيوف


هيوف _ بشحمها ولحمها خلصتي


في _ هيوف انتي مو فاهمه


هيوف _ عطيني الورقه اللي في يدك


في ناظرت الورقه _ ها


هيوف خذت الورقه بقوه وقرتها ضحكت بقوه


هيوف وهي تقرا الرساله بصوت عالي _ احبك


في حمرت



هيوف +_ من هو اللي كل يوم تطلعين له هو نفسه الولد اللي في الهداد حق سالم



في استغربت معقوله هيوف عندها هذا الذكاء اللي بيخليها تتذكر الولد


هيوف _ احسن لك قولي الصدق ولا بعرف بطرقي ويكون احسن لك اني ما اعرف بها


في _ ايوه هو نفسه وهو ولد جيرانا تكفين هيوف لا تعلمين


هيوف ببساطه رمت الورقه _ ما راح اقول



ونزلت وخلت في المضطربه



.................................................






سمع دق على بابه


ناظر الساعه لقاها تسعه


غريبه


من اللي بيصحيه الحين وهم عارفين انها اجازته



فتح الباب


امل بابتسامه كبيره _ صباح الخير على احلى اخ في العالم


طارق قعد يناظرها


امل _ مفروض تقول صباح النور


طارق خرج لها وقفل الباب


امل انقهرت بغت تدخل عليه في الغرفه


طارق _ وش فيه ليه تقوميني


امل _ علي تحت يبغى ياخذ اهله لبيتهم الجديد قلت اقولك عشان تنزل


طارق عقد حواجبه ما عرف ان علي مفروض يروح اليوم



نزل ورا امل



علي اول ما شافه ابتسم



علي _ هذا الكسول اللي يشوفك في الشغل يقول هذا ما ينام


طارق ناظره بعدين ناظر بسمه وعمته اللي جالسين بعبايتهم _ وين رايحين مو بدري


علي _ لا بدري ولا شي البيت وجاهز من زمان


طارق كان لابس بيجامته المكونه من بنطلون مخطط باللون الزيتي والابيض والاخضر الفاتح والبلوزه الزيتيه الساده القطنيه


ام طارق _ تمنتيكم تجلسون اكثر


ام صفى _ من بعد البيت خمس دقايق وانا هنا كل يوم عندك حن اهل


امل _ علي لا تنسى شفلي اذا موجود هنا لا تنسى

علي بجديه _ ما راح انسى خلاص


طارق _ وش هو ذا


علي _ لاب تب تبغى الاب الجديد من اتش بي سمارت تتش


طارق ناظر امل _ ولازم تطلبينه علي ليه ما قلتيلي


علي ضحك _ طارق ما ودك تسكت انا زوجها اللي اصرف عليها انت وش عليك


طارق _ لا جات بيتك اصرف عليها لا تشتري لها الاب انا بشتريه


امل ضحكت _ المهم يجيني


طارق _ يله انا برجع انام اشوفكم بعدين ان شاء الله ان حن بنزوركم في البيت





............................................................ .........


الساعه السابعه مساءا





راحت للغرفه الاضافيه وطلعت كل الشناط الموجوده هناك وطلعت باكبر ثنتين



دانه شافتها داخله البيت بالشناط خذت وحده منها وطلعت معها


في دخلت تبغى تساعدهم


موزه قايمه بس رفضت تجي تساعد


دانه _ ناخذ كل شي


هيوف وهي تتامر _ لا اكيد لا خذوا الاشياء الساتره


في _ ما هو بمفروض تروحين بذي التنانير لازملك بناطيل


هيوف بسخريه _ وش بناطيله ذي


دانه _ صح لازم تتحركين اكثر بتحتاجين بناطيل اكثر


هيوف بتفكير وكانها تكلم نفسها _ ما عندي

دانه _ بنطلب ديمه هي نفس جسمك والحين وش نسوي بالبلايز وش ناخذ


هيوف _ الطويله بس والالوان الغامقه


في _ ليه رايحه عزا


دانه ناظرتها بخوف ليه تذكر موضوع العزا الحين


في تفشلت


هيوف _ ما احب الالوان الفاتحه ( كانت تكذب لكنها تحس نفسها مكشوفه لا لبست الوان فاتحه )


دانه _ خذي بلايزك الطويله كلها من كثرها يعني حول خمس بس وانا عندي ثنتين صاروا سبع وانتي يا في ما نقدر ناخذ حقتك لانها بتجي مخصره


في _ عندي فكره جهنميه


هيوف _ قولي


في _ الاقمصه اللي ما راح تشلينها نقصها ونخيطها بالمكنه بروح اجيبها من المخزن فوق


هيوف ناظرت دانه بتهزي _ اختك انجنت


دانه _ فكرتها حلوه وفي تعرف تخيط زين



............................................................ ..........






دق علي الباب وناظر طارق اللي كان واقف وراه




فتح فارس وناظر اخوه وعلي



فتح الباب على الاخير وابتسم _ حياكم الله


طارق وعلي ناظروا بعض


ودخلوا


طارق _ كيف الاحوال

فارس _ الحمدلله كل شي زين عمار عمار تعال علي وطارق هنا



عمار طلع شكله كان ماخذ دش


عمار _ حيا الله ذي الوجيه الطيبه


علي ما قدر يمسك نفسه ضحك _ ايوه هذا اللي بغيناه


جلسوهم في مقلط ودخل بعد شوي مهدي ومهره وجلسوا يتحدثون



علي ناظر عمار _ جهزوا اغراضكم بنروح بعد شوي ورجع يكمل حواره مع مهدي وطارق


فارس ناظر عمار


رغم كل شي


كانت ايامهم هنا حلوه



قاموا وراحت معهم مهره


جهزت معهم الشناط


مهره وفي عيونها دموع _ الله الله في نفسكم يا عيالي


عمار حبها فوق راسه وفارس بالمثل


فارس _ بنجي وبنزورك وابشري بنرجع نوريك كيف ندق على المواعين


عمار _ الا بنعلمها وش رايك


فارس _ راي من رايك


مهره ضحكت _ الله يوفقكم يا عيالي الله يوفقكم


فارس وعمار سكتوا زعلانين لانهم حبوا كل شي هنا رغم الملل بس حسوا بالراحه




............................................................




طلعت للمخزن ودخلته لقت المكينه خذتها رغم ثقلها وطلعت


وقفت شوي تبغى تشوف وش يسوي الحين اكيد جالس على التفزيون بس سمعت كلام وصجه عندهم فيه زوار



راحت تشوف بعد ما حطت المكينه



هل سمعت بتوقف الدم عن السريان

والاعصاب عن الاحساس











شافت عمار وفارس ومعهم ثنينه يلسمون على مهدي ومهره


كانت معهم ملابسهم


شناطهم كلها شالوها


يعني عمار بيروح


بيروح


جلست تناظر وهي ما عارفه وش فيها ولا دمعه نزلت بس حزن ملى كيانها




ذكريات مسروقه 2(وصية الحقد )###


..................................................

الفصل الثامن عشر
شخص جديد


############### بلا موجز لهذا الفصل ##############




سعد _ الو يمه اسمعي بيجيك السواق جهزيلي شنطه عندي سفره ضروري


ام سعد بهدوء _ طيب متى راح ترجع اسمع ارجع قبل الزواج بيوم عشان تملكون فيه


سعد_ ان شاءء الله السفره مو مطوله


ام سعد_ طيب ارسل السواق وانا ان شاء الله بجهز الشنطه بنفسي تامر على شي


سعد_ ابد يمه سلميلي على همايل


ام سعد_ تم مع السلامه


............................................................ ....


قفلت على نفسها باب الغرفه وجلست عنده ساكته وجهها بدون دموع لكن عينها تعكس الالم اللي تشعر به



كانت قبضتها شاده على صدرها وكان فيه الم غير محسوس


كانت تبغى تسوي هذا الشي من اول مخططه له
بغت تسويه في الليل بس صار الحين مو فارقه الظروف ساعدت
بغتهم يكرهونها عشان هي نفسها تنساهم وتكرههم
لكنها متئلمه رغما عنها
رغما عنها
اندق الباب قامت وتغيرت ملامح وجهها عرفت من الي يدق


في اول ما انفتح الباب تصارخ على هيوف _ شوفي يا المعقده نفسيا اول ما تسافرين تعالجي طيب تعالجي لا تخوفين هل ذيك البلاد


هيوف تناظرها ببروده


في _ الله ياخذك جعلها روحه بلا رده اكرهك انتي شيطان انتي انسانه حاقده علينا غايره منا عشان ما معك احد ما احد يناظر وجهك صدق اكرهك يا الطيسه


هيوف دخلت الغرفه وخلت في تكمل كلامها كانت كل كلمه تجرحها خاصه كلمه ناقصه اللي قالتها في وطلعت ما عرفت انها ضربت على الوتر الحساس


صدق انا ناقصه
وعمر هالنقص يكمل
هذا نقص يجر نقص


دخلت دانه بعد شويه وقفلت الباب هيوف ناظرتها


تفاجاءت من اللي شافته


دانه تبكي _ هيوف تقدرين تسامحيني عشاني رفعت صوتي

هويف مصدومه _ ايش


دانه قربت منها وهي تترجا _ انا انا اسفه والله اسفه ما كان قصدي ارفع صوتي عليك هاذي اخر مره اسفه يا هيوف سامحيني



.........................................





طارق _ محمد تعال



محمد دخل المكتب


محمد_ سم يا استاذ


طارق _ ارسل عمال ينظفون البيوت الملحقه بالقصر ابغاها تنظف في ظرف ثلاثه ايام

محمد_ بس عمال القصر يعيشون في الجانب الشرقي في البيت الطويل


طارق _ محمد ممكن تنفذ مره كلامي بدون استفسار


محمد_ طيب ان شاء الله تم


..............................................






هيوف قامت _ انتي من ايش مخلوقه ما تحسين ليه تسوين كذا معي من يومنا صغار وانا اجرح فيك اورطك اهينك انا اللي كنت اسرق دفاترك انا اللي خربت عليك زواجك وكنت قاصده ومتعمده انا اللي اورطك في كل المشاكل في المدرسه


دانه بخنوع غريب _ عارفه بس انا سويت كذا عشاني احبك وانتي من لحمي ودمي


هيوف بشك _ انتي غبيه عشان كذا تسوين كذا الا اذا فيه شي ثاني وهو السبب


دانه بارتباك خفيف _ مابه غير ذا السبب


هيوف قربت منها وهزتها _ دانه دانه قولي قولي قوليها


دانه بكت بقوه _ ايوه ايوه انا عارفه انا عارفه بكل اللي صارلك اسفه اسفه يا هيوف انا احاول اكفر اغلاطه بس عارفه ان اللي صار هدم كل شي اسفه


هيوف تراجعت كانت حاسه وتاكدت جلست وتناظر دانه اللي مغطيه وجهها


دانه _ كنت نازله ذاك اليوم انام معك رغم انك رفضتي لاني ما كان تركتك وشفت وشفت اللي صار ما قدرت اسوي شي خفت خفت


هيوف ما بكت بس جلست تناظر دانه
هيوف متى دموعك بتنزل
متى الاشياء اللي راكمتيها فوق بعض بتتحرر وتبكين



دانه _ اسفه حاولت اسوي كل شي عشان تنسين كنت عارفه انك تكرهينا وهذاك اليوم يوم طلبتيه تسافرين شفتك وكم تمنيت انك خاصمتيه


هيوف قامت تحسها هايمه _ دانه


دانه قامت _ هيوف

هيوف _ اطلعي ما ابغى اشوفك لا عاد اشوفك حاول تختبين لبكره ما ابغى اشوفك انتي هدمتي كل شي


دانه حاولت تقرب من هيوف بس عرفت ان هيوف بتصدها _ سامحيني قولي انك سامحتيني

هيوف _ لا ما راح اسامحك ولا راح اسامحك لا انتي ولا ابوك اطلعي برا


دانه قعدت تناظر هيوف عرفت انها خلاص ما عاد راح تشوف هيوف او على الاقل ما راح تشوفها لمده طويله


دانه _ اهتمي بنفسك انا ادعيلك واذا بغيتي شي


هيوف قاطعتها _ اطلعي


دانه طلعت وقبل ما تطلع ناظرت هيوف للمره الاخيره



؟.................................................



انتهى هذا اليوم الذي بدا لاصحابه وكانه دهر لن ينتهي قريبا
انتهى على خسائر فادحه للبعض
وارتفاعات في حظوظ البعض الاخر
لم يكن عاديا ابدا ولا لاي شخص عاشه
كم حدثت من احداث في ذاك اليوم حتى على الصعيد العالمي
كانت هناك حوادث غريبه اغتيالات معلنه وكشف امرها
الكثير الكثير ليصف المؤلم القليل



لم تنم هيوف مطلقا تلك الليله كانت ولاول مره تنم لوحدها في تلك الغرفه بدون دانه التي لم تنم ايضا

في كانت غاضبه جدا من هيوف وتنتظر رحيلها
موزه قررت ان تكره اختها لان هذا اسهل قرار لعواطفها االتي لا تفهم الا نوعان من المشاعر الحب والكره فالحب لا تستطيع اعطائه لاختها لكن الكره كان مناسب جدا لشغل تلك الوظيفه

كان جميع من في ذاك البيت يتمنى رحيل هيوف لقد المت الجميع بلا استثناء والبعض الاخر رغما عن الامه تمنى ذهابها لكي ترتاح هي نفسها وتبتعد عن هذه الحياه التي اضنتها
لكن كان هناك شخص لم يستطع ان يتمنى هذا الشي.... سالم


سالم لم يخرج طيله ذاك اليوم لانه علم انه اذا رآها لن يدعها تذهب
احبها وسيظل يحبها الا ان يقرر القدر ان هذه المشاعر تحتاج الى تغير



ام كامل ذهبت الى ابو كامل لتشتكيه لكنه لم يحرك ساكنا
غضبت ولكن لم تخرج بشئ الا حروق متفرقه في وجهها وصدرها ويدها اليمنى واحساس بالاهانه البالغه


ابو كامل كم شعر بالراحه رغم كل شئ لقد علم انها ذهبت وستذهب معها نظراتها المؤلمه


..................................................



هيوف


لبست عبايتها
ما تحس بشي
ولا شي الا خواء وفراغ


ما حد وقف عشان يودعها ولا احد

نزلت وهي تسمع المكيفات في كل غرفه تشتغل لتعلن عن استغراق اهلها بالنوم
لم يهتم احد بذهابها وكم المها ذلك ولم تجد لالمها هذا مبرر فهذا ما كانت تريده لكن حدوثه المها وانتهى الامر

شافت عمها ينتظر


هيوف من غير ما تناظره _ لا تاخذني بروح مع ديمه وعمها

ابو كامل بغضب غير ظاهر _ ايش وليه انا اللي باخذك يله


هيوف وهي تمشي للباب تكلمت بصوت واطي _ ما ابغى اروح معك ما ابغى اجلس معك لحالي فهمت ولا اشرح

ابو كامل تجمد مكانه _ تعاي خذي ذا الظرف لازم تضبطين امورك


هيوف ناظرت الظرف لكن حالتها ما تسمح لها انها ترفض خذته بهدوء وطلعت


ابو كامل طلع لعم ديمه اللي بعد هيوف ما شافته وسلم عليه وهيوف دخلت لديمه اللي كانت جالسه ورا عشان تكلم هيوف


ديمه اول ما دخلت هيوف _ اهلين بالمغتربه

هيوف _ اهلين

ديمه _ وين دانه ظنيت بتجي معك ولا وين الوفد مفروض انهم يسون مسيره

هيوف سكتت ديمه ما علقت


ديمه _ حظك ليتني معك لكن انا عندي اخ راسه كبير ومصنوع من الحجر الخالص ولا عمي حاول بس حياه لمن تنادي هيوف ناظريه تريه يشبه حمزه حبيب القلب


هيوف ناظرت تبغى تشوف عم ديمه

ارتاحت لشكله كان كبير في العمر ممكن خمسين لكن باين عليه الوقار يشتغل في السفاره في الرياض

دخل وسلم عليهم وبدا نصايح
وارشادات


............................................................ .......



ناظرها وهو يبغى يحفظ كل ملامحها

كانت تشبهه كثير اللي يشوفهم يعرف بسرعه انهم اخوان


البشره الفاتحه
الشعر الاسود الناعم الكثيف
الشفايف المكتنزه وخاصه السفليه ذات لون وردي غريب محبب للنفس
انامل رائعه لانه هو واخته قضوا وقتا طويلا في تعلم الدق على البيانو والرسم
العيون الرائعه الناعسه
كان دائما يبدوان وكانهم ليسوا من البشر من روعتهم

يطلق عليهم الجمال اليوسفي


لكن لم يعد يرى فيها ذاك الشبه كانت تقريبا مختلفه
لقد كانت شاحبه مريضه ذات شفاه زرقاء

تالم عليها حقا


ناظر بطنها قال له الدكتور انها في الشهر الاول فقط

جاسر بصوت واطي غاضب _ من اللي غلط يا جود منو انا غلطت ولا غيري قولي لي لاني مو ناوي اخلي الغلطان ينتهنى بيوم من ايامه



................................................



وصلت للمطار وخلصت اوراقها


خلصها عم ديمه مشكور هذا الانسان لانه تعب كثير معها

هيوف لديمه اللي جنبها _ عمك دايم يسوي كذا مع الناس يخدمهم لذي الدرجه


ديمه _ سبحان الله ايوه دايم خدوم وعياله كذا عشان كذا انا بموت في حمزه

هيوف _ وش سوى ذا حمزه

ديمه _ ما زال في استراليا بيخلص السنه الجايه

هيوف _ وتتزوجون بعدها على طول

ديمه _ ايوه اكيد انتي بتحضرين الزواج صح

هيوف _ ما اظن

ديمه _ حرام عموما اسمعي خليني انصحك انتي الحين ما راح تلقين بنات عشان راح يكونون متغطين لكن اول ما توصلين برلين بتلقينهم يسون زي التجمعات روحي لهم وخليهم يساعدونك وهم ما راح يقصرون

هيوف _ وش اقولهم انتي عارفه انا ما احب اختلط

ديمه _ لازم انتي مجبوره وامم وخذي هذا الظرف وتكفين لا تقولين لا تكفين


هيوف ناظرت الظرف وخذته

ديمه _ كويس انتي الحين راح تدخلين هيوف عيشي وارجعي ببياض الوجه


هيوف _ ان شاء الله ديمه فيه نصايح ثانيه

ديمه بضحك _ دوريلك عريس لان الجامعه اللي انتي رايحه لها فيها ناس اغنياء كثيرين يبحثون عن العزله

هيوف _ غير ذي النصيحه


ديمه تكمل مزحها _ ارجعي لنا زي ما رحتي لا ترجعين وانتي ناقصه

هيوف سكتت
ديمه ضربتها_ بلا امزح


العم _ يله ديمه سلمي عليها خليها تدخل للصاله الداخليه

ديمه لاول مره من يوم جات دموعها نزلت هيوف سلمت عليها بقوه وكانها محتاجه لاحد


ديمه _ هيوف اعتني بنفسك اول ما توصلين دقي علي

هيوف _ طيب اول ما اعرف كيف اشتري جوال وشريحه ادق عليكم

ديمه _ هيوف انتي انسانه يندر وجودها لانك طيبه بس الناس ما يعرفون


هيوف ضحكت _ اهتمي بنفسك يا ديمه واهتمي بموزه تكفين ابغى ادق عليك واخذ اخبارها كلها منك

ديمه _ كنت حاسه ان فيه شي صاير

هيوف _+ بس اوعديني انك تقولين لي عن كل شي يخصها تكفين


ديمه _ ابشري


هيوف حضنتها للمره الاخيره وناظرت عمها


هيوف _ مشكور يا عم الله يجزاك خير


العم _ ما سويت شي يا بنتي لكن حلمت وهذا عبران حلمي الله يوفقك ومن يهتم بنفسه


هيوف _ ان شاء الله مع السلامه


ومشت للصاله الداخيله




............................................................ .............



سالم _ راحت


دانه _ ايوه

سالم _ سلمتوا عليها

دانه _ لا

سالم مصدوم +_ ولا احد سلم عليها

دانه _ ايوه صار امس هواشه ولا احد سلم عليها زعلانين منها


سالم _ انتوا مجانين موزه حتى انتي ما سلمتي على اختك


موزه نزلت راسها وكملت فطورها


سالم انقهر يعني طلعت وهي عارفه ان هذا البيت كارهها


تالم عليها اكيد حزينه



.........................................





دخلت الصاله الخارجيه وهي خايفه عالم غريب هي فيه ليست الا جاهله

تحس بالخوف كيف بتعيش بينهم بين ناس كذا


مشت للمكان اللي شافت فيه نسوان كثير


مالقت لها مكان
وشافت خمس كراسي جنب بعض مو جالس عليها الا مره ولا احد جالس جنبها وكأن الناس خايفين يجلسون جنبها


قربت منها وجلست جنبها


المره كانت متلثمه


ناظرت هيوف ..... هيوف نزلت نظراتها

بس شافت عيون المره كانت حلوه كثير وكبيره جدا شكلها بدويه


جلسوا نص ساعه هيوف تحس بالعطش والجوع
وتسئل ليه الطياره تاخرت ناظرت ساعتها لقت باقي على الطياره حول ربع ساعه هي عارفه ان عمها خلص امورها بسرعه ولا كان مفروض تجلس اكثر من كذا عشان تنهي امورها


المجهوله بصوت وقور مستقيم واثق _ مسافره وين


هيوف ناظرت جنبها للمكان الفاضي ظنت المره تكلم غيرها لانها ما ناظرت احد


هيوف _ امريكا

المجهوله ضحكت بصوت واطي ضحكه رزينه وكانها محسوبه _ مفروض تبدين تنادينها اميركا

هيوف بحرج _ ايوه عارفه

المجهوله _ كويس ومنو هناك عشان يهتم بك مع صديقاتك مسافره

هيوف _ بصراحه لا ولا احد اعرفه انتي وين مسافره

المجهوله _ لاميركا بعد لا تخافين راح تلقين عيال حلال كثير واذا ولدي معك وصيته عليك

هيوف خافت من المعاونه السريعه ذي _ ولدك

المجهوله _ لا تخافين ولدي عاقل ما عنده ذي الحركات


هيوف _ ممكن انه مو معي في نفس المدينه

المجهوله سكتت _ لا تخافين عيال الحلال كثير وان شاء الله انك وولدي مع بعض


هيوف بتساؤل_ انتي مسافره معي عشان اجلس جنبك


المجهوله _ لا انا مسافره بطياره العايله وبناتي معي بس جالسه في الصاله الخاصه وانا احب اجلس هنا


هيوف بصراحه جاده_ شكلك يخوف

المجهوله _ عارفه طيب ليه انتي جلستي جنبي ما خفتي

هيوف _ مالقيت مكان فاضي غير هذا


المجهوله ضحكت_ طيارتكم راح تتاخر تعالي نصلي الظهر


....................................................



دخلوا الحمام


هيوف فصخت برقعها


المجهوله كانت تناظر هيوف


المجهوله _ ممكن احضنك

هيوف بصدمه _ ها

المجهوله _ لا تسئلين بس ممكن احضنك تشبهين احد اعرفه وكنت اعزه مشتاقتله كثير

هيوف خلت المجهوله تحضنها


ابتسمت لما بعدت عن هيوف _ الله يوفقك انا لازم اروح بصلي في الصاله الداخليه واذا تبين الصراحه ابغى ابعد لان شكلي ببكي


هيوف شافتها وهي تروح تمنتها ما تروح لانها رجعت وحيده


المجهوله كانت جميله جدا عمرها ما تعرف لكن اكيد في الاربعينيات واخرها على الارجح بس شكلها راهيه

صلت ورجعت للصاله وشافتهم بدوا ياخذون شناطهم الصغيره ويمشون خذت شنطتها ومشت بسرعه ومسكت الظرف بيدها عشان تحلق ما امداها تحطه في الشنطه



خبطت بقوه في واحد


هيوف _ اللعنه

وشافت يد تنمد لها ماسكه الظرف _ هاك


هيوف خذت الظرف وناظرت الصوت لكنه مشى ولا لحقت تشوف الا ظهره

لحقته لانهم تقريبا اخر من طلع من الصاله

كان لابس بنطلون جينز غامق وبلوزه لاكوست خضراء غامق وعلى ظهره شنطه كامبس و شعره من ورا طويل لحد الرقبه بس كان عند الرقبه زي شعر الغراب

هيوف طبعا ما همها شي من هذا الا انها توصل ولا تضيع


ضيعته لانه كان سريع جدا خطواته متباعده مره وكبيره


شافت عايله تمشي في طريق تبعتهم


وصلت لمضيفه ناظرتها


المضيفه _ تفضلي


هيوف شافت عرفت ان الغرفه الطويله اللي تاشر عليها المضيفه هي نفسها الطياره دخلت وقلبها يدق من الخوف
الطياره اول مره تركبها
الرياض اول مره تخرج منها


وقفت قدامها مضيفه هيوف رجعت ورا من الخوف


المضيفه مدت يدها عشان هيوف تعطيها حاجه هيوف قعدت تناظر يد المضيفه وش مفروض تعطيها

مدت للمضيفه كل الاوراق اللي معها المضيفه ابتسمت بتغصب شكلها انقرفت


خذت التكت


وقالت _ تعالي من هون

المضيفه راحت لرجال لابس سعودي وجالس جنب مره _ لو سمحت هيدا مكان لشخص تاني

الرجال اللي شكله مصفي ولا همه احد_ زوجتي اول مره تسافر بطياره ولاني بتاركها هي حامل وتبغاني ابقى عندها دبري نفسك

هيوف كانت ترجف وتناظره برجا


المضيفه ناظرت هيوف _ تعالي معي

هيوف تبعتها وهي تحس ان كل الطياره تناظرها وهذا كان شي خاطئ


المضيفه ناظرت المقعد وجلست شوي وهي تناظر بعدين ناظرت هيوف وهي على وجهها ابتسامه صادقه _ تفضلي


هيوف وقفت شوي تناظر المضيفه وناظرت المكان من هنا واضح انه رجال _ ممكن اجلس جنب وحده بنت ما اقدر اجلس هنا


المضيفه _ لو سمحتي لازم تجلسي هون لانو ما بقى مكان فاضي عن جد

هيوف اللي ما فهمت كل كلام المضيفه


ناظرت للمره الثانيه المقعد المقصود عرفت ان الراكب جالس عند الدريشه


كانت تبغى تجلس هي عند الدريشه انقالها انها اخف ولا تحس بشي فيها
ما اعرف اذا هم ضحكوا عليها بس مقتنعه بكلامهم اللحين


هيوف_ طيب قولي له اني ابغى اجلس انا عند الدريشه

المضيفه رجعت وهي منقرفه تبغى تخلص_ لو سمحت ممكن تجلس هون لان الراكب اللي معك بدو يجلس عند النافزه بليز


شافته يلتفت وطاحت عيونه على هيوف
وهيوف طاحت عيونها عليه

حست ان فيه شي في حلقها علق
شئ صعب البلع



شافته رجع يناظر المضيفه ويقوم ويبعد عن المكان عشان تدخل بدون احراج ويناظر هيوف يعني تعالي اجلسي في المكان اللي تبغين


هيوف جلست من غير ما تناظره حسته جلس

مرت دقايق طويله وهم ساكتين كان الكل يتكلم الا هي وهو شافته بعد شوي يفتح شنطته الجيشيه ويخرج كتاب انجليزي كبير اسود غلافه قاسي


هيوف ما عرفت انها طول ذا الوقت ملتفته له وتراقب تحركاته وهو يفتح الشنطه ويخرج الكتاب ويقفل الشنطه


وما حست بنفسها الا وهي تشوف الكتاب ينمد لها تراجعت شوي وناظرته لقته متعجب وكانه يقول تبغين الكتاب


هيوف رجعت تناظر الدريشه حسته يتهزا بها

يحقله جاهله في ذا العالم ما اعرف شي


ما اعرف شي


ما اعرف شئ




ذكريات مسروقه 2(وصيه الحقد )##

الفصل التاسع عشر


عذرا .... مازلت مبتدئه **


عذرا مازلت مبتدئه في عالم لطاما خفته **
واخاف ان اشعر بالامان وأنا التي بدأت وخنته**
فهل سيبتسم القدر اما سيرجعني للحزن الذي كان انا وانا كنته**



صلت ورجعت للصاله واشفتهم بدوا ياخذون شناطهم الصغيره ويمشون خذت شنطتها ومشت بسرعه ومسكت الظرف بيدها عشان تحلق ما امداها تحطه في الشنطه



خبطت بقوه في واحد


هيوف _ اللعنه

وشافت يد تنمد لها ماسكه الظرف _ هاك


هيوف خذت الظرف وناظرت الصوت لكنه مشى ولا لحقت تشوف الا ظهره

لحقته لانهم تقريبا اخر من طلع من الصاله

كان لابس بنطلون جينز غامق وبلوزه لاكوست خضراء غامق وعلى ظهره شنطه كامبس و شعره من ورا طويل لحد الرقبه بس كان عند الرقبه زي شعر الغراب

هيوف طبعا ما همها شي من هذا الا انها توصل ولا تضيع


ضيعته لانه كان سريع جدا خطواته متباعده مره وكبيره


شافت عايله تمشي في طريق تبعتهم


وصلت لمضيفه ناظرتها


المضيفه _ تفضلي


هيوف شافت عرفت ان الغرفه الطويله اللي تاشر عليها المضيفه هي نفسها الطياره دخلت وقلبها يدق من الخوف
الطياره اول مره تركبها
الرياض اول مره تخرج منها


وقفت قدامها مضيفه هيوف رجعت ورا من الخوف


المضيفه مدت يدها عشان هيوف تعطيها حاجه هيوف قعدت تناظر يد المضيفه وش مفروض تعطيها

مدت للمضيفه كل الاوراق اللي معها المضيفه ابتسمت بتغصب شكلها انقرفت


خذت التكت


وقالت _ تعالي من هون

المضيفه راحت لرجال لابس سعودي وجالس جنب مره _ لو سمحت هيدا مكان لشخص تاني

الرجال اللي شكله مصفي ولا همه احد_ زوجتي اول مره تسافر بطياره ولاني بتاركها هي حامل وتبغاني ابقى عندها دبري نفسك

هيوف كانت ترجف وتناظره برجا


المضيفه ناظرت هيوف _ تعالي معي

هيوف تبعتها وهي تحس ان كل الطياره تناظرها وهذا كان شي خاطئ


المضيفه ناظرت المقعد وجلست شوي وهي تناظر بعدين ناظرت هيوف وهي على وجهها ابتسامه صادقه _ تفضلي


هيوف وقفت شوي تناظر المضيفه وناظرت المكان من هنا واضح انه رجال _ ممكن اجلس جنب وحده بنت ما اقدر اجلس هنا


المضيفه _ لو سمحتي لازم تجلسي هون لانو ما بقى مكان فاضي عن جد

هيوف اللي ما فهمت كل كلام المضيفه


ناظرت للمره الثانيه المقعد المقصود عرفت ان الراكب جالس عند الدريشه


كانت تبغى تجلس هي عند الدريشه


هيوف_ طيب قولي له اني ابغى اجلس انا عند الدريشه

المضيفه رجعت وهي منقرفه تبغى تخلص_ لو سمحت ممكن تجلس هون لان الراكب اللي معك بدو يجلس عند النافزه بليز


شافته يلتفت وطاحت عيونه على هيوف
وهيوف طاحت عيونها عليه

حست ان فيه شي في حلقها علق
شئ صعب البلع



شافته رجع يناظر المضيفه ويقوم ويبعد عن المكان عشان تدخل بدون احراج ويناظر هيوف يعني تعالي اجلسي في المكان اللي تبغين


هيوف جلست من غير ما تناظره حسته جلس

مرت دقايق طويله وهم ساكتين كان الكل يتكلم الا هي وهو شافته بعد شوي يفتح شنطته الجيشيه ويخرج كتاب انجليزي كبير اسود غلافه قاسي


هيوف ما عرفت انها طول ذا الوقت ملتفته له وتراقب تحركاته وهو يفتح الشنطه ويخرج الكتاب ويقفل الشنطه


وما حست بنفسها الا وهي تشوف الكتاب ينمد لها تراجعت شوي وناظرته لقته متعجب وكانه يقول تبغين الكتاب


هيوف رجعت تناظر الدريشه حسته يتهزا بها

يحقله جاهله في ذا العالم ما اعرف شي



سمعت الطيار يقول اشياء مثل ستتغرق رحلتنا الى..... ومالى ذلك


هيوف فكرت بصوت عالي وبخوف _ يعني بنطير

ناظرها اللي جنبها من فوق نظارته اللي لبسها هيوف نزلت نظراتها



تكلم وكانه يكلم نفسه _ اول مره تسافر!! (هو يكلم نفسه وكانه يقول جمله متاكد منها هذا ما هو بسؤال )





طبعا ما ردت عليه ورجعت تجلس الا وتسمع صوت غريب والطياره تهتز شوي بعدين تمشي



هيوف تجودت بالكرسي وقعدت تناجي نفسها _ يمه بسم الله الرحمن الرحيم يالله صبرني


تكلم _ غمضي عيونك واكتمي نفسك

هيوف سمعت كلامه وعرفت انهم اقلعوا لان نفسها صار في حلقها


خذت نفس قوي و فتحت عينها بعد مرور وقت وبعد انتهاء محنه الاقلاع فتحت عينها وبدون شعور ناظرته لقته يناظرها بعدين رجع يناظر الكتاب

نظراته غريبه

لكنه ............... يحبس الانفاس





ابتعدت عن تفكيرها عنه ورجعت تفكر في اللي صاير معها وش تسوي فيه حريم في الطياره بس كيف بتعرف انهم طالبات

وتذكرت كلام ديمه وارتاحت شوي


بعد مرور الوقت


سمعت صوت عربه تمشي التفتت لقت المضيفه تكلمه

المضيفه والابتسامه مشققه فمها _ دجاج ولا لحم


قالها _ شكرا ولا شي

المضيفه بدلع _ عشان خاطري وفتحت الطاوله المعلقه وحطت عليها وجبه دجاج (هيوف طبعا طول الوقت تناظر المضيفه وتناظره مستغربه المضيفه لذي الدرجه معتنيه بوظيفتها وما تقدر تخلي راكب من غير غدا اول مره اعرف وهو طبعا بدون تعابير)



المضيفه ناظرتها _ دجاح ولا لحم

هيوف فكرت ان اللحم بيشبعها اكثر _ لحم

عطتها المضيفه وراحت

هيوف ناظرت الشوكه والسكينه والملعقه وناظرت اللي جنبها كان تارك الاكل ويكمل قرايته

غريب ... غريب


فتحت صحنهاوبدت تاكل


اكل هيوف كان مبعثر قليلا كانت متعوده تاكل بيدها وبعض الاحيان بالملعقه بس الحين ما هي عارفه ليه ما قدرت تاكل صح والغطوه عذاب هي ما هي بمحتاجته

والاكل ما يتجمع في الملعقه زين


سمعته يقول بهدوء _ كلي زين


وقفت شوي لذي الدرجه هي مقرفه في اكلها


رجعت الملعقه للصحن
بعدين تحسفت ليه تسمع كلامه ما همها وش عليها منه

خذت الملعقه ورجعت تاكل فتحت نص الغطوه اللي في الجهه المقابله للنافذه خلصت صحنها واعجبها الحلى كثير ناظرت لقته حاط في اذنه سماعات بالطقاق فيه صدق ما يحترم احد بس هو ما كلى شي من وجبته


اشرت له على الاكل يعني باخذه ناظرها بعدين رجع يقرا وما عطاها جواب خذت الصحن حقه وكلت الحلى والمويه حطتها في شنطتها مثل ما حطت المويه اللي لها قبل


هي منحرجه منه بس ما كان خلت انحراجها منه يعطشها بعدين وش بتقول لنفسها اسفه ما خذيت هاذيك المويه عشاني تفشلت من واحد ما راح عاد نشوفه


خذت المضيفه الوجبات

هيوف عقدت عزمها ما راح تجلس هنا لو تموت
اول ما توصل لبرلين بتخلي احد يجلس هنا بدالها
او يكون احسن لو ينزل هو بنفسه لبرلين



............................................................ .....




علي _ طارق ممكن افهم ليه قلت لمحمد انه يخلي العمال يرمومون البيوت الاضافيه


طارق كمل تقليبه للاوراق ولا رد على علي


علي _ طارق رد علي


طارق قفل الملف وناظر علي _ من اللي قالك


علي جلس _ امل


طارق _ وانت ليه خايف عندك فكره عن أي شي


علي _ انا مو خايف انا مستغرب عندك عمال في البيت اكثر من خمسه عشر واحد وانت ما زلت تبغى ترمم هذا المبنى


طارق _ عندي عمال وابغى ازيدهم هذا امر يخصني


علي _ طارق انا عارفك فيه شي يدور براسك وش هو اكيد يتعلق بعبدالله مازلت وراه ما كفاك اللي صارله بسك خلاص الرجال بيصير نسيب الغافل يعني ابعد عنه


طارق _ نسيب ال غافل ممكن


علي _ طارق وش سويت انت مسوي شي وما اظن انه شي طيب


طارق _ الايام بتبعد الغموض


علي _ يعني ما راح تقول


طارق هز راسه بلا


علي _ انا بعرف


طارق هز راسه بنعم يعني سو اللي تبغى



............................................................ .......




ناظرته بحذر لقته مغمض عينه ومنسند على السيت حقه


شافته وهو نايم وابتسمت


ناظرت قربه لقت الكتاب لازم تحاول تقرا انجليزي هي لغتها ممتازه جدا
ياما قرت كتب انجليزي
صح ان باقي المواد يعني نسبه ذكائها فيها مو لذاك الزود لكن الانجليزي كانت من اسهل المواد كان ولا شي بالنسبه لها



خذت الكتاب بهدوء وبدت تقراها ما فهمت ولا كلمه كان الكتاب متخصص بعلم معين فعشان كذا اغلب الكلام يخص هذاك الماده
اغلب الظن اسم الكتاب العلم الفتراضي بدايات وتواريخ
العلم الافتراضي وش يعني ذا الكلام


لاول مر تفكر هيوف معقوله يكون طالب شكله كبير شوي على انه طالب ممكن عمره اربعه وعشرين خمسه وعشرين
افتراضيا مستحيل بنظرها يكون بعمر طالب
فكرت انها عطته اكبر من حجمه ايش فيها بلا تفكر فيه طيب من افكر فيه بيتي ولا الهم وش بسوي لا رحت هناك
سمعته يتكلم ناظرته لقته قايم ويناظرها


هيوف _ ايش

قال _ الكتاب


هيوف ناظرت الكتاب لقت نفسها عافطه اوراقه
عطته ياه صدق بخيل


لقته يفتح الاوراق اللي لافتها ويمسدها اوله لذي الدرجه يحب النظافه
قفل الكتاب وحطه في شنطته


قال بسخريه توجع _ لما بتاخذين شي استئذني ولا ما تعلمتي ذا الشي بعد



هيوف سكتت شوي ترد ولا لا وش عليها منه
بس اذا هي سكتت بيظن انها ساكته عليه بترد ما عليها منه



هيوف التفتت له _شوف احسن لك لا عاد تتكلم معي بذي الطريقه روح تربى اول بعدين تعال تكلم عن الاستئذان طيب بعدين كتابك تراني ما كليته شوفه لا يكون ناقص صفحات يالمعقد


ورجعت تلتفت لدريشتها وهي تقول بصوت واطي بس يسمعه _ صدق قرف


اما هو فطول ما كانت تتكلم كان يناظر الكرسي اللي قدامه وفاتح عينه يعني انه منتبه وبعد ما التفتت ابتسم



هيوف طول الوقت تنتظر انه يرد بس ولا كلمه جات منه



وقف عندهم مضيف يقدم العصيرات

سمعت اللي جنبها يقول _ وش تبين


هيوف ناظرت المضيف ولا عطته وجه هي عطشانه وما تبغى تشرب من المويه اللي معها


هيوف _ تفاح


مدت يدها تبغى تاخذ الكوب لكن اللي جنبها مد يده قبلها وهو اللي خذاه من المضيف وحطه لها على طاولتها


قال للمضيف _ شكرا انا ما ابغى شي


هيوف قعدت تشرب العصير وتناظر اللي جنبها بدون ماتلتفت له ولقته ماسك شنطته ويدور فيها شي



انتبهت لحركته لقته مطلع بعد شوي باقه سيكتلز وفتحها


هيوف استغربت ليه ما اكل من اكل الطياره


هيوف وهي عاطفه عليه _ اذا تبغى مويه قولي


ما ناظرها وحط شنطته مكانها وقعد ياكل وهو يناظر الموجودين
هيوف رحمته


جدا


حسته مثلها بس بشكل ثاني... وغريبه يا هيوف من متى تعلمتي مشاعر الرحمه ولا لعنه منزل ال عابد حلت وتحررت منها



............................................................ ..........


لفت سجادتها وناظرت الغرفه نظره شامله بكره اخر يوم لها في حياة العزوبيه لكنها اصلا ما عاشتها
ما شافت احد من امس
عمتها بس دخلت عليها ومعها كوفيره وسو لها كورس لتنظيف البشره

كل شي غريب كان اعتقادها زمان انها راح توضب اغراضها عشان ينقلونها لبيت زوجها البعيد لكن كل اللي سوه انهم نقلوها لجناحهه اللي فوق
سمعت الباب ينفتح وعرفت من الللي بيدخل


غلا _ همايل وش تحسين فيه الحين وانتي ضمنتي انك بتصيرين زوجه سعد

همايل _ ما احس بشي لاني كنت ضامنه اني لسعد من ثلاث سنين

غدير _ همايل تعرفين بشي اسمه لعنه المغرورين

همايل _ تقصدين اللعنه اللي تصيب امثالك

غدير _ ها ها ها ضحكتيني لكن اسمعي ذا الكلام انا وغلا دقينا على وحده نعرفها وسئلناها عن حياتك تعرفين وش قالت


همايل _ قالت ان بعد بكره زواجي

غدير _ قالت ان بعد بكره زواجك مره ثانيه ضحكتيني لو هذا جوابها ليه اجي ابشرك

غلا _ همايل بليز فكري حلاوتها انك تفكرين ويطلع تفكيرك غلط

همايل _ وش تبون اخلصوا

غدير _ تصدقين تراجعت ما راح اقولك ما تستاهلين خليك تشوفين بنفسك

............................................................ ...................




ما زال الشعور بالرحمه شئ جديد بالنسبه لهيوف وشعور لم تعهده من قبل



قال _ بما ان هاذي اول مره تسافرين بالطياره ليه سافرتي لحالك


هيوف ارتجفت شوي لانها كانت سارحه بخيالها


قال لها يوم عرف انها ما سمعته _ ليه سافرتي لوحدك

هيوف مع مشاعر الرحمه الجديده تكلمت بصوت جديد هو الاخر كان جميل عميق هادئ ملائكي


هيوف _ انا مسافره عشان الدراسه من تبغى يروح معي

رد_ ابوك اخوك ...

هيوف _ ابوي الله يرحمه واخوي اخر مره شفت كرت العايله لقيت ان ما معي الا اخت وحده بس

قال بدون تاثر _ وين رايحه

هيوف _ اميركا (وابتسمت لانها تذكرت كلام المره اللي قالت لها قولي اميركا ولا عاد تقولين امريكا )


قال _ ممكن افهم سبب اخذك للمويه

هيوف ناظرته لا يكون طول ذا الوقت عطشان وعشان كذا بدا بذا الحوار معي _ تبغى اعطيك وحده منها

قال _ انتي غبيه

هيوف انصدمت لثواني عجز لسانها عن الرد _ ايش

قال _ غبيه

هيوف وهي تحاول تخبي غضبها _ ليه

قال _ سئلتك عن السبب وانت تسئليني عن اذا كنت ابغى وحده منها ما هو بواضح اني انا اصلا منقرف من حركتك هاذي


هيوف والغضب بان _ وش عليك مني

قال _ انتي جالسه جنبي وعلى فكره طول هذا الوقت المضيفين يظنونك تقربيلي تصرفك هذا جدا محرج

هيوف _ اوووه يالغني اشوف فلوسك من كثرها ما عاد تقدر تشيل شنطتك انا وحده عارفه اني راح احتاج لذي المويه وما راح اخدع نفسي واسوي نفسي شي وما اخذها انا مو مثلك فقيره واتغلى


قالها بدون ما يلتفت لها _ خلي عندك كرامه على الاقل

هيوف _ خليت الكرامه لك يالطرار اوه متى بنوصل لبرلين ما عادني بمستحمله اجلس هنا بيجيني القولون اذا جلست هنا اكثر

حسته يناظرها
ارتبكت شوي لانه لما يسلط نظراته كذا تحسه يحاول يدخل فيك ويشوف مشاعرك


هيوف من كثر ما ناظرها عيونها غصب انجذبت له حسته يركز نظراته وبعد شوي سمعت صوت هبوط الطائره ووصولها للارض

هيوف ناظرت حولها كيف ما حست ناظرته لقته يشل شنطته
معقوله سوا كذا عشان لا يخليها تحس بالطياره

خصمته وهواشته عشان ذا الشي بعد


معقوله

............................................................ ...........




ديمه _ كيف حرام كان واضح عليها الزعل لانك مو معها


دانه _ هيوف وانتي عارفتها ما يهمها احد لا انا ولا غيري

ديمه _ توقعت اسمع ذا الكلام من كثير ناس الا انتي يا دانه عموما وش سويتي للجامعه

دانه _ وش اسوي زي ما قلتلك دخلت رياضيات

ديمه _ شرولك الجوال

دانه _ بكره بيشتريه سالم لي


ديمه _ تحضرين حفل تخرجي بكره

دانه _ ديمه تبين الصدق ولا لا

ديمه اللي جاوبت _ ما تقدرين تحضرين لانك دانه ودانه اللي اعرفها بتموت عشان تشوف هيوف


دانه وهي واضح انها تبكي _ بالضبط

ديمه _ لا تخافين انا ووعد بنجي لك بعد كم يوم قلتلك وعد دخلت فيزياء رغم ان حن كنا نكره ذي الماده


دانه _ الله يوفقنا



ديمه _ ادعي لهيوف هي اللي تحتاج ذا الدعا

دانه _ الله يوفقها ويسخر لها خلقه


ديمه برجا _ امين



............................................................ ..............




نزل وخلاها ولما كانت تبغى تنزل بعده فيه ناس اعاقوا حركتها فاضطرت تجلس في كرسيها لين يخف الزحام اللي في الممر


ناظرت كرسيه لقت السكيتلز موجود لا الحقيقه سكتيلز مقفل جديد اكيد نساه باخذه واكله انا اولى


خذته ومشت


نزلت لمطار برلين بعد ما سئلت عن مكان انتظار رحلتها وصفولها الصاله وراحت تجلس فيها بعيونها دورت عليه ما قلت له اثر وينه


يئست انها تلقاه ليه اصلا تدور له ممكن عشانه الوحيد اللي تعرفه او على الاقل قد تكلمت معه


شافت تجمع من خمس بنات شافتهم دخلوا الحمام دخلت وراهم


شافتهم فصخوا براقعهم وشيلهم وعبايتهم ملابسهم كانت الوان وحركات كشخه وكل هذا وسط نظرات هيوف المذهوله هي ظنت ان المفروض انها تفصخ نقابها لما توصل واشنطن


هيوف _ السلام


البنات التفتوا لها _ وعليكم السلام (كانوا كلهم مملوحات اما وحده منهم فكانها سوريه وعيونها خضرا بس وحده منهم اللي كان جمالها عادي )


هيوف _ انتوا مسافرين لامريكا ولا خلاص وصلتوا


جنى بابتسامه _ لا مسافرين لامريكا حياك الله اكيد معنا بتكملين الرحله ولا بتوقفين في واشنطن

هيوف بخوف _ بكمل الرحله وانتوا


مناير _ مكملين معك اعرفك على البنات

هيوف ناظرت البنات بنظراتها الغريبه


مناير اشرت على اللي تكلمت قبل شوي _ هاذي جنى الضحوكه المجنونه نصها فلسطيني (جنى ابتسمت وبانت المشاكسه في عيونها ) وهاذي سحر مخطوبه (ما عطت هيوف وجه جلست تكمل تضبيط وجهها )وهاذي فاطمه بعد مخطوبه قريبا وخطيبها يدرس معنا وهاذي شهلا بتنزل في واشنطن من طلاب جورج واشنطن واخيرا الحلوه اللي معك مناير بنت عم سحر وتريني قلتلك ذي المعلومات عشان تحسين انك معنا وما بينا فوارق وانتي


هيوف وهي تناظر من تحت النقاب _ هيوف اسمي هيوف


جنى _ هيوف اسمك غريب بكسر الهاء


هيوف _ ايوه وراح ادرس على حساب الدوله اداره اعمال


مناير _ حياك الله تخصصي انا وجنى بس حن سنه ثالثه

جنى _ للاسف بس لا تخافين نعرف كل شي

شهلا _ هيوف متى راح تفصخين نقابك لا يكون بتبقين به في امريكا

هيوف _ بغيت افصخه في واشنطن

جنى _ انصحك الحين احسن لك ولا بيجلسون هنا يناظرونك نظرات مو كويسه وممكن يضايقونك صدقيني المكان هنا مو كثير كويس


هيوف قربت للمرايه وفصخت النقاب ودخلته للشنطه وضبطت الحجاب وفصخت العبايه البنات ناظروها يوم تركت الحجاب كانت شهلا وفاطمه بس اللي متحجبات الباقي لا ويوم فصخت عبايتها تعجبوا لان لبسها ما يفرق عن العبايه كان بنطلون اسود واسع وبلوزه لحد الركبه واسعه سودا بلا أي تطريز او شكل مميز التفتت لهم البنات كلهم اعجبوا بشكل هيوف وعلى طول عرفوا ان الانسانه اللي قدامهم قويه شخصيه من نظراتها المتفحصه اللي انطلقت من عيون واسعه ذات جوانب مفتوحه كعيون الاطفال


سحر _ يله نطلع طولنا نبغى نروح نشوف برلين شوي

جنى _ هيوف تروحين معنا الرحله بعد ثلاث ساعات يعني يمدينا نروح لواحد من ذي المولات ايش رايك

هيوف ما ردت البنات شوي ما اعجبوها بس سكتت

مناير _ بس قبل وش رايكم نجلس عشان نتاكد من ان الرحله صدق بعد ثلاث ساعات بعدين نروح

طلعوا هيوف كانت تمشي وراهم ومازالت عيونها رغما عنها تبحث عنه وكأنها تبغاه ينقذها رغم انه هو بحد ذاته خطر

جلست جنبهم وقعدت تناظر اللي اسمها سحر لانها معبسه

مناير لاحظت نظرات هيوف وقربت منها _ هي مخطوبه قبل كم يوم وما تبغاه كانت تبغى واحد ثاني

هيوف هزت راسها ليتهم ما يقولون لها اسرارهم ما تحب شغله الاسرار كلها


دخلت في افكارها عن دانه وكيف خربت لها حياتها بس للاسف ما زالت تشعر بالراحه واضح انها ما تخلصت من حقدها كله كانت تسمع كلام البنات اللي ما وقفوا كلام لكنهم في لحظه وقفوا هيوف التفتت لمناير تبغى تشوف ليه سكتوا


ناظرت حولها ما شافت شي يدعوا للتعجب _ ايش فيه ليه سكتوا


مناير وهي تناظر سحر وهي تقوم بسرعه ومغطيه عيونها شكلها تبكي تكلمت مع البنات كلهم _ معقوله هو هنا

جنى _ لا ولد عمه مو معقوله سحر ذي يعني لو تشوف أي واحد من عايلته بتسوي كذا ما حد قالها كوني غبيه وحبيه


هيوف تناظرهم بقرف يعني هم راعين سوالف الحب والغرام لا ومتحمسين ويبكون الحمد لله والشكر

مناير تناظر هيوف وهي مبتسمه _ اعذرينا لكن احنا راح نعتبرك صديقتنا من اليوم يله تروحين معنا


هيوف ناظرت جنى وفاطمه _ لا مشكورين انا خايفه الطياره تفوتني


مناير ناظرت جنى _ البنت خايفه يا حلو قوي قلبك انتي معنا كل شي له حل

هيوف _ مشكورين انا بصراحه ما احب اروح في ذا الحر

جنى _ يله لا تصيرين عنيده

هيوف ناظرتها _ انا عنيده للاسف تقدرون تروحون انا هنا ما راح اروح


مناير _ اوكيه كيفك يله خلونا نروح وناخذ سحر ونطلع باي هيوفه


هيوفه ناظرتها بغت تقولها قولي لي هيوف وبلاها سالفه هيوفه ذي


هيوف _ باي


الانتظار طال وهو ما بان حاولت تلقى بنات لقت بنتين بحرينيات لكنهم ما تقبلوها جلست جنبهم وهم ما عطوها وجه

يحقلهم اصلا لو جلست معهم ما راح تفهم لهجتهم هي ما تعرف الا السعوديه وبعدها تضيع بعدين هم تكلموا بلهجتهم الاصليه وكانهم قاصدين يحقلهم بعد هم منين يعرفونها عشان يامنون لها
رجعت لكرسيها خاليه الوفاض تنتظر البنات اللي شكلها راح تقضي باقي ايامها معهم
وانتظرت



....................................................




ام سعد دخلت غرفة نومها ولقت ابو سعد متمدد على سريره



ام سعد بشك _ انت منت بمستغرب ليه سعد راح وش هاذي الشغله المهمه اكثر من زواجه


ابو سعد_ والله انا بعد استغربت لكن ان شاء الله انها صفقه زينه لا تخافين هو بيرجع بكره


ام سعد_ انا قلبي ما هو بمطمن


ابو سعد_ يا بنت الحلال لا تفاولين بالشر ولدك بيرجع انتي عارفه انه بينجن على بنت الشهال


ام سعد_ عموما تابعه دق عليه الحين ابغى اعرف وش سالفته


ابو سعد خذا جواله بسرعه عارف ان النقاش مع زوجته ما ينفع


قعد يناظر ام سعد والجوال يدق

دق

دق


دق

وما احد رد



ام سعد_ وش فيه ليه ما رد


ابو سعد_ برجع ادق مره ثانيه


ام سعد- دق دق الله يستر




............................................................ ........




في الطياره


شهلا _ انا بركب قرب هيوف

هيوف وهي تناظر حولها هو مو موجود في الطياره اصلا


جلست جنب شهلا


مناير _ هيوف خاطرك اجلس جنبك

هيوف _ لا عادي مو مشكله

المضيفه _ بليز انسه هيدا مو مقعدك انتي مقعدك 88


شهلا _ بس احنا غيرنا مقعدها تحت في المركز عشان تجلس جنبنا

المضيفه _ للاسف ما تغير شي اعزروني لازم تتفضل وتقعد مكانها

هيوف قامت بسرعه ما همها شي تبغى تقوم ما عليها منهم _ اوكيه وين مكاني

المضيفه _ تفضلي معي

مناير _ هيوف اذا ما اعجبك المكان ناديني بغير معك انا ما عندي مشكله اوكيه


هيوف رغما عنها ارتاحت لمناير

هيوف _ طيب




............................................................ ..........





علي _ محمد اخلص علي انا عارف انك عارف قلي الحين ليه رمم المباني


محمد_ والله العظيم ماني بعارف انا مثلك الاستاذ طارق ما قال شي



علي _ محمد انت يعني مو عارف طيب ما عندك فكره ولا شك في شي


محمد سكت _ ممكن عشان سالفه عبدالله الشهال


علي جلس وهو منغتم _ طارق مشكله والله مشكله متى ناوي يترك العايله بحالها خلاص جاهم ما كفاهم


محمد_ استاذ علي انت عارف ان السبب ما هو بسهل



علي _ السبب السبب بس خلاص طارق ما يرحم وش يبغى بعد من الرجال فلسه دخله المستشفى كم مره اهانه قدام العرب


محمد_ الله اعلم وش ممكن يسوي


علي قام وناظر باب مكتب طارق زعلان على صديقه هو ما يبغى طارق يسوي كذا عشان لا يندم بعدين لان طارق بيكره نفسه



............................................................ ...............


وقفت المضيفه عند مكان هيوف الجديد هيوف وقفت مبلمه كثير

ناظرها وبانت في عيونه صدمه خفيفه نجح في اخفائها قبل ما تشوفها هيوف بعدين رجع يناظر قدامه وقام عشان تدخل تجلس في مكانها


ناظرت المضيفه بس ليه تعارض ما عندها مشكله كلامه صح يسم البدن بس ما عليها منه راح تتجاهله

جلست مكانها وراحت المضيفه هيوف شافت انه مغير ملابسه لابس بلوزه بيضاء كلاسيكيه وبنطلون اسود عادي لبس عادي


صدق انه فاضي يعني كان طول ذي الساعتين او الثلاث ساعات يلبس وما طلع الا بذا اللبس

بدا الاقلاع هيوف بدت تتعود اكيد الخوف غزا قلبها لكنها ما ناظرت للي جالس جنبها نهائيا


بعد الاقلاع اللي هيوف عرفت انها راح تتعقد منه دائما حست بحركه جنبها التفتت له


لقته يناظرها _ لا تزعجيني اتفقنا

هيوف حسته ما ناظرها بتمعن كويس انه مؤدب لكن كلامه الهبها وش يقصد انا مزعجه


هيوف وهي تناظر دريشتها _ لا ما اتفقنا ولما ابغى اتكلم بتكلم


ما رد عليها فناظرت جنبها تبغى تشوف وش هو قاعد يسوي لقته يقرا كتابه الاسود
هيوف فكرت ليه هي و للحظه ظنت انه كويس ... لان الفكره تبخرت من راسها
وندمت لانها تركت مكانها تقدر تدعي مناير تجلس جنبه
بتدعيها بعد شوي
ولا ليه هي فيها نوم راح تنام
وتتركه

قفلت عينها
وبدون شعور او مقدمات نامت


.......................................................

[I]السلام عليكم
اتمنى انكم بخير وصحه
رجعت بالفصل العشرون
متابعه ممتعه ..............


الفصل العشرون


وصيه جديده




لم انتهي بعد من زرع بذوري ...فأنا حقد
سأحاول واحاول حتى اقرب ذلك البعد
لن اجعل مساحات الضعف تمنعني ومع ذلك لم اكتفي بعد ا





م سعد_ ولدي ولدي يا ابو سعد وش فيه لا يكون صاير له شي يا بو سعد بجن ولدي لا يكون صار له شي



ابو سعد_ الو الو عادل


عادل _ الو


ابو سعد_ عادل وينه سعد هاته ابغاه ضروري


صمت طويل

طال كثيرا



عادل رجع للخط _ ابو سعد سعد ما يقدر يكلم الحين


ابو سعد- ليه وش فيه سعد عادل جاوب



سعد خذا الجوال من عادل _ يبه انا سعد


ابو سعد_ سعد انت وينك ليه ما رديت على جوالك امك بنتجن ايش فيك متى بترجع



سعد بصوت واطي _ بكره


ابو سعد ارتاح _ كويس ليه ما رديت


سعد_ كنت في اجتماع


ابو سعد_ اذا يله لا اعطلك


سعد_ في امان الله يبه سلملي على الوالده


قفل الجوال وهو ماسك نفسه ولا هو بعارف كيف
هاذي توصيات طارق

قال يبغى ال شهال ما يعرفون الا في يوم الزواج

بس هم بكره بيعرفون

بكره لان مفروض كتب الكتاب بكره


اسف اسف يا همايل
لو الاسف راح ينفع


............................................................ ............




قال _ قومي الطياره وصلت انتي ايه قومي


هيوف تسمع اصوات من بعيد

قومي

الطياره


واشنطن

فتحت عينها

ورفعتها ولقت نفسها غارقه في تينك عيون لونها بني غريب

ابتعدت تلك العينان هيوف ما فمهت وينها ومن هي كتفه اللي نايمه عليها لا هي مو بس نايمه على الكتف هاذي الا متعلقه فيها بيدينها الثنتين وحاضنتها


الذاكره بدت ترجع
التخزين امتلى


وما شافت نفسها الا مبعده اليد بقوه عنها ومتعدله في جلستها


ما حاولت تناظره لانها منحرجه كثير منه

لا فيه شي غريب وش هذا اللي قدام عيونه ومغطي عليها الرؤيه

خصله من شعرها طايحه تحسست حجابها بسرعه لقته موجود بس متراجع وقصتها شوي طالعه لفتها كويس وناظرت جنبها ما لقته
ما لقته
غير موجود
الكل يمشي يطلع من الطياره معقوله وصلنا...

خذت شنطتها وطلعت لقت البنات منتظرينها في مقاعدهم

هيوف بسرعه عرفت ان في مناير شي لانها ما حطت عيونها في عيون هيوف

هيوف ناظرتها من فوق لتحت ما عليها منها مع انها ارتاحت صدق لمناير


وقفوا في صاله المطار

هيوف_ وين راح نجلس الطياره بعد نص ساعه ما راح تطول

جنى _ هدي بس شهلا هنا خلاص ما راح تكمل معنا راح نجلس معها في الكوفي يله

مناير مسكت يد هيوف عشان تمشي معها في الاخير


البنات مشوا


جلسوا في طاوله

مناير بصوت عالي _ بنات انا بروح للحمام مع هيوف ابغى اضبط لها حجابها

هيوف ناظرتها وش فيه حجابها


بس مع ذلك مشت ورا مناير لانها عرفت ان فيه شي ثاني


في الحمام


مناير جلست شوي تناظر هيوف

هيوف باستغراب _ نعم وش فيه

مناير _ هيوف ابغاك تكونين معي صريحه لان فيه اشياء لازم تعرفينها تسبب حساسيات في شلتنا


هيوف ما ردت تبغى مناير تبغى تكمل كلامها


مناير _ هيوف راح اقولك قصه سحر ومنها راح تعرفين وش ابغى منك ؟(انتظرت شوي لان هيوف ما ردت وقررت تكمل القصه )سحر بدت تدرس معنا من الترم الثاني يعني هي بعدها ما كملت سنتها الاولى وفيه نظام او بالاحرى اتحاد طلبه سعودين يساعدون الطلبه المستجدين جدا رائعين ومتعاونين رئيسهم طالب ماجستير اسمه زيد .. احم احم زيد العاصي زيد هذا نعرفه من البكالوريس طيب المهم هو لمايجي طالب جديد يجلس يلاحقه ويضبط لها اموره يعني لفتره من الزمن لين يتاقلم الطالب غالبا لمده ثلاث ايام ماخذها حركه شهامه


هيوف ناظرت المرايه ثواني _ مناير ادخلي في الموضوع يعني ايش سحر حبته وهو اللي كانت تبغاه طيب وبعدين.. بعيدن في شي ثاني انا ما احب احد يقولي اسراره انا مالي علاقه اسرار سحر لها ملكها للاسف انا انسانه ما تحفظ الاسرار


مناير _ انا معك وما كنت راح اقولك القصه لو مالك علاقه فيها


هيوف بصدمه _ انا لي علاقه فيها ليه لا يكون انا اخت زايد هذا


مناير _ اسمه زيد مو زايد لا منتي اخته وبعدين خليني اكمل القصه سحر دخلت الجامعه وبدا زيد بكل طيبه يهتم فيها هي وكل المستجدين على حدا سواء لكن زيد اهتمامه يسحر الناس هو ما يعرف عموما سحر حبته ماتت فيه وشافت فيه فارس احلامها اللي مثل قصص الافلام انها سافرت ولقتها


هيوف _ سحر بنت عمك ليه تتكلمين عنها كذا


مناير _ هيوف انا ما قلت شي غلط عنها عموما سحر جريئه راحت له وقالت له


هيوف بان الامتعاض في وجهها _ انا اسفه يا مناير بنت عمك مو جرئيه الا غبيه طبعا طلع ما يحبها وبعدين اخلصي علي

مناير ناظرت هيوف _ ايه طلع ما يحبها هو بصراحه ما يحب احد او حتى يناظر باحد لانه خاطب بنت عمه


هيوف _ يا الله طيب خلاص انتهت السالفه


مناير تجاهلت هيوف وكملت السالفه _ طبعا قالها انا اشوفك مثل اختي واهتمامي بك عادي انا اسف لاني بينت لك شي انا ما اقصده وقالها انه خاطب هي لو سئلتنا كان قلنا لها الحقيقه لكنها ما حبت .. المشكله ان سحر حبته لهاذيك الدرجه اللي تعمي ..عقلها سوالها قصه انه زيد يحبها بس عشانه مخطوب ما حب يجرحها ولما وصلت للسعوديه عرفت انه عايش في دبي وراحت مع اهلها للاجازه تعرفين وش سوت



هيوف اللي لاول مره بدت تهتم في القصه _ راحت لخطيبته مثل الافلام وقالت اتركيه عشاني احبه

مناير _ لا يا ليت راح لابوه وانتي الصادقه وقالت له لا تحطم حياه ولدك هو يحبني وانت راح تهدم حياته بذي الطريقه

هيوف شهقت _ استغفر الله ذي انهبلت

مناير _ ابوه طردها لان عايلتهم صارمه في ذي الامور انت لبنت عمك يعني انت لبنت عمك وعرف عمي ببنته طبعا كل اللي عرفناه ان ولد عمي الثاني خطبها وتملكت في نفس اليوم


هيوف _ ولد عمك ما عرف بللي سوت


هيوف حست ان مناير العبره خانقتها _ ايه عرف عشان كذا شاف انه من الواجب يتزوجها حتى لو كان ما يبيها


هيوف من غير ما تتكلم مناير عرفت انها كانت تبغى ولد عمها ذا يالله انا كل ما اروح القالي ناس يحبون ويخبلون لا ومإسي الحمدلله

هيوف _ انا وش علاقتي بذي القصه

مناير _ العايله وافقوا ان سحر ترجع عشان لايبان شي قدام الناس لكن انهم اشرطوا عليها شرط وللاسف احسبوني معها انها ما تحتك بعايله العاصي نهائيا


هيوف بصراحه _ والله قليل ما سوا انا لو منهم ما خليتها تخرج بس يله طيب انا ما زلت ما فمهت وش موضوعي


مناير _ اقطعي علاقتك باي احد من العاصي

هيوف شهقت _ وانا منين اعرفهم عشان اقطع علاقتي بهم


مناير ناظرت هيوف وهي متضايقه ليه هيوف تنكر


هيوف _ تكلمي فهميني


جنى _ بنات ما عاد بذا حمام بسكم خلاص يله الطياره ينادون لها امشوا عشان نسلم على شهلا ونروح لصالتنا يله بسرعه


مشوا وهيوف تبغى تعرف وش السالفه


سلموا على شهلا ومشوا بس هيوف سمعت احد يناديها وقفت والبنات بعد


التفتت لجه اليمين وطاحت عيونها في عيون اللي كان جالس جنبها


قرب منهم وقعد يناظرها هي لحالها وهي قعدت تناظره وتناظر مناير بدون سبب وزي ما توقعت مناير كانت معصبه ومشت وسحبت سحر بعد


قال _ تعالي معي


هيوف فتحت عينها _ ايش انا رحلتي بعد شوي ابغى اروح


جنى _ هيوف معليه روحي احنا راح ننتظرك


هيوف _ بس الرحله


لكنه بكل جراءه مسك يدها وجرها معه


بعدوا شوي وفكها

هيوف لا تعلم
ولا تفهم
ولن تعلم
ولن تفهم


وش اللي قاعد يصير لها



هيوف _ ايش فيه نعم لا يكون انسرق لك شي وتظنه معي

ناظرها شوي وكان الفكره صدمته


هيوف غمضت عينها شوي وبدت ترمش كثير _ كيف عرفت اسمي لا لا لا وقف صدق كيف عرفت اسمي


ناظر فوق بعدين رجع يناظرها _ اتركي هاذيك الشله ودوريلك على غيرهم فهمتي واياني واياك يطرالك انك تعيشين معهم انتي فاهمه تعيشين في سكن الطالبات


هيوف ناظرته _ ها



قال وهو يصر على احرف كلماته _ نفذي اللي قلتلك انا انصحك ومنتظر تسوين النصيحه وما تتجاهلينها


هيوف بهدوء ما قبل العاصفه _ ومن انت لا يكون تكون ولي امري


قال _ لا مو ولي امرك بس مهتم بامرك



هيوف قعدت تناظره و هو غيراتجاه نظراته _ لا تفهمين غلط انا فيه احد موصيني عليك فلا ياخذك فكرك لبعيد


هيوف ناظرت وراه للبنات اللي وجوهم مملؤه بالاسئله



بعدين التفتت له _ انت اسمك زيد زيد العاصي


التفت لها بقوه وقعد يناظرها بعدين ناظر البنات اللي وراها

هيوف وودها تبتسم وكانها كشفت السر فرحانه بذكائها _ انت زيد صح


تكلم وكان الموضوع مو معجبه _ مالك علاقه


هيوف وهي تبغى تقهره من هو عشان يامرها هي عمرها ما تعودت تسمع كلمه من رجال عمها يخسى كامل وهو الطيب ما كان يطلبها لانه عارف انها ممكن ترفض طلبه سالم تعدى مرحله انه يطلب منها بالكلام والضرب خير وسيله كان يستعملها وهذا الرابع لازم يعرف هذا ايضا



هيوف _ صح انا مالي علاقه فيك وانت بعد مالك علاقه فيني واللي ابغاه بسويه ليه ابعد عنهم لا يكون مسوين شي غلط ممكن انا من طينتهم وش دراك باخلاقي


انتظرها لين خلصت كلامها بعدين ناظر ساعته _ هيوف انتي منتي بعارفه من انا صدقيني راح اعصب منك كثير لو ما سويتي اللي قلته لك روحي طيارتك وصلت


مشى وخلاها


هيوف كشته من وراه


رجعت للبنات


جنى ناظرتها _ هيوف


هيوف _ عارفه عارفه خلاص بس والله ما اعرفه هو جلس جنبي في الطياره سبحان الله في الرحلتين يعني انتوا من صدقكم اني مختاره وقلت لا انا ابغى اجلس جنب زيد العاصي بليز

جنى ناظرت فاطمه وهم مو فاهمين بس سكتوا وكملوا مشي


في الطياره


جنى وفاطمه جلسوا جنب هيوف ومناير جنب سحر



جنى _ لما جلستوا جنب بعض وش قالك ودي اسمع صوته يالله يا هيوف لو تعرفين ما تحسين به نهائيا بلا جالس في المكتبه ومؤدب


هيوف خافت تقولهم لا ما هو بمؤدب يروحون يفكرون انه سوا شي غلط


فاطمه _ سبحان الله ذا الجيل الجديد من عايله العاصي اتجهوا للتعليم وتركوا حلال هلهم

جنى _ هيوف ردي علي وش قالك


هيوف تبغى تفتك _ ما قال شي ما تكلم حتى انسان هادي ومؤدب زي ما قلتي


جنى _ حظها جوهره معها خطيب لا يمين ولا شمال


هيوف _ جوهره هي خطيبته


جنى _ ايوه راح تشوفينها تجينا زيارات تزور اختها بدور لا وتجي معها اختهم الثالثه ميار خطيبه زيد سبحان الله على كثر ما زيد وسلطان يكرهون بعض الا انهم راح يتزوجون خوات



هيوف وقفت شوي عشان تستوعب


هيوف _ جنى


جنى _ نعم وش فيه


هيوف _ اللي قبل شوي كنا نتكلم عنه هو زيد صح


جنى _ تقصدين اللي جلستي جنبه في الطياره


هيوف _ ايوه اقصده هو زيد صح


فاطمه وهي تضحك _ لا اكيد لا هو سلطان ولد عم زيد

هيوف حزنت بلا سبب


جنى _ هيوف كيف ما تعرفين اسمه


هيوف وهي متضايقه _ قلتلك ما تكلمت معه وهاذي مناير تبغى تخوفني من نفسي تقول اني اعرفه كيف


جنى _ لا تلومينهم خاصه مناير تعبت على بال ما وصلت هنا وما تبغى سحر تخرب عليها


هيوف _ انا بعدوني منذي الدوامه انا ما عاد ابغى مشاكل جايه ابغى اعيش حياه بلا مشاكل الصراحه انا لو دخلت في مشكله انتوا مو عارفين وش ممكن اسوي انتوا مو عارفين من انا ولا كيف اقدر (سكتت حست انها تهورت وبغت تقولهم اني ممكن اغير حياتكم واخليها جحيم بس سكتت )


جنى _ هدي هدي البنات بيرضون لا تخافين


ومن اللي مهتم برضاهم اصلا قالت هيوف في نفسها



............................................................ ..................




وصلت الرحله ونزلت هيوف صح انها وصلت لواشنطن وحست انها وصلت للارض اللي بتعيش فيها سنين طويله لكن لما وصلت لولايتها حست بشي ثاني

حست ان هنا
راح تكون كامله
بنظر الكل
لان ما احد يعرف
ولن يعرف
باي شي



هيوف _ فاطمه انتي عايشين كلكم في نفس السكن


فاطمه _ سكن سكن وش تقصدين بالسكن لا تكونين ظانه ان احنا ساكنين في سكن الجامعه


جنى _ من اللي طرا سكن الجامعه

هيوف _ انا لاني حجزت لي سكن ومعي روم ميت

جنى _ هيوف انتي مجنونه راح تعيشين معنا كيف تعيشين هناك اصلا تعرفين وش السكن عباره عنه غرفه فيها سريرن وحمام بس


هيوف _ نعمه وش ابغى اكثر بعدين سكن طالبات ما فيها شباب


فاطمه _ صدق انك بريئه تعرفين ان فيه شي اسمه عريف يعيش في في نفس سكن الطالبات عشان يحرس اللوبي والعريف هذا من الطلاب وكم مره لقوه مع وحده من الطالبات بعدين يعني انت من جدك تظنين لو وحده تبغى تدخل صديقها راح يرفضون هيوف لا تكونين ساذجه لذي الدرجه


هيوف استحت من كلام فاطمه وانقرفت منه _ يعني وش الصرفه


جنى _ عيشي معنا راح تنامين مع وحده منا بعدين شقتنا مره حلوه وقرب الجامعه


هيوف _ المشكله في الايجار اكيد ايجار شقتكم غالي


جنى _ لا مو غالي نهايئا

هيوف _ بكم


فاطمه وهي تبتسم _ ببلاش

هيوف _ ايش


جنى _ لا تخافين احنا ما نبي منك شي خلاص احنا متكفلين بالايجار ما نبي منك شي

هيوف _ كيف كذا يعني لا انا ما راح ارضى انتوا اللي تصرفون


فاطمه _ اقول اسكتي وش علاقتك ولا كلمه زياده تعالي بس نراضيك بمناير وسحر ونفهمهم انك حتى اسمه ما تعرفينه



..........................................................



مناير _ كيف ما تعرفين اسمه وهو يعرف اسمك


هيوف _ انا وش دراني مناير انا قلت اللي عندي بس خلاص انا ما احب ابرر لشي ما غلطت فيه


مناير _ جيت لك في الطياره بعد ما رحتي بنص ساعه قلت اشوف انتي مرتاحه ولا لا لقيتك نايمه على كتفه ومتعلقه فيه وهو وهو


جنى وفاطمه وهيوف _ وهو ايش


مناير ناظرت سحر _ يلعب في شعرك


هيوف شهقت _ كذابه

جنى وفاطمه ناظروا هيوف بشك

هيوف ناظرتهم _ نعم وش فيه انتوا مصدقين ممكن انه ممكن انه ما اعرف بس انا متاكده اني ما اعرفه


مناير _ بغيت اصحيك واشوف قالي لا تصحين هيوف وابعدي عن طريقها انتي وخوياتك


هيوف _ انتي من جدك تتكلمين عن نفس الشخص اللي جالس جنبي تعرفين انه ما يتكلم معي واذا تكلم قال كم كلمه تسم الروح بعدين صح هو قالي اني ابعد عنكم بس انا رفضت لاني ما احب احد يفرض على رايه

مناير _ هيوف راح ننسى كل شي بس اوعدينا


هيوف _ بويش

مناير _ اتركيه لا جا يتكلم معك مره ثانيه اقحريه بليز


هيوف سكتت هذا اللي راح تسويه هي انسانه ما عندها ذي الحركات


سحر لاول مره تتكلم وتوجه كلامها لهيوف


سحر _ واذا راح تفكرين للحظه انه ممكن راح يحبك فيكون احسن لو تموتين ذا الحلم قبل لا يكبر سلطان خاطب مثل ما زيد خاطب فلا تضحكين على نفسك وتقولين ممكن يترك خطيبته عشاني

هيوف جلست تناظرها وهي تفكر في كلام مناير عن قصتها مع زيد





..........................................................




ام سعد _ همايل همايل بنتي هدي لا تخافين هو ان شاء الله راح يجي بعد شوي على الليل وراح يكون هنا



غدير وهي مبتسمه _ همايل ابكي ابكي عشان تخففين على نفسك


غلا _ همايل تكفين لا تبخلين بدموعك اذا ما بكيتي على ذا الشي وتخففين على نفسك متى راح تنزلين دموعك


ام سعد ناظرتهم _ بس خلاص عيب عليكم لو سمحتوا اطلعوا برا خلوني مع همايل شوي


غلا وهي تمسكن _ ليه يا خاله وانتي ما تبغينا نبقى مع همايل وهو في ذي المشكله


ام سعد_ هي ما هي في مشكله سعد بيجي بعد شوي


همايل طول ذا الوقت جالسه على سريرها وتناظر الارض في نقطه محدده وينه وينه سعد


غدير _ ان شاء الله ان شاء الله


حاتم دخل وابو سعد دخل بعده _ غدير ساعدي همايل وضبطي الشناط مالنا جلسه في ذا البيت ابد


الكل سكت من كلام حاتم



ام سعد_ ابو سعد وش صار وينه سعد


ابو سعد_ سعد سود وجهنا الله يفشله من ولد


ام سعد ناظرت همايل اللي ما زالت تناظر الارض

وبعدها ناظرت حاتم _ داخله عليك اليوم اليوم بس اجلسوا عندنا وبكره روحوا طالبتك بغلاه امك


حاتم سكت


همايل حست ان الضجه اللي حولها تهدا حاتم طلع وغدير وغلا وابو سعد

الباقي ام سعد


دق جوالها


وهذا وقته
بس ليه مو وقته وش اللي صار
تركني خطيبي
اللي ما كنت احبه
بس كنت متقبلته
تركني الرجال اللي كنت انا واهلي راح نسكن معه وتنحل مشكله البيت
وش راح يصير
وش هو اللي راح يصير


ام سعد _ همايل ردي وخليك قويه والله اني معك ضد ولدي هو ما يستاهل وحده مثلك بس انا مصدومه فيه كيف تعرفينه يجن عليك وعلى سيرتك ليه يسوي كذا انا ماني بفاهمه ممكن انعمله عمل


همايل ناظرت جوالها المرمي جنبه وشاشته تضوي برقم غريب

ناظرت عمتها


ام سعد__ همايل وش هو اللي خاطرك فيه وش هو اللي بيهون عليك قوليه وبسويه


همايل رجعت تناظر الرقم الملح رفعت الجوال



همايل بصوت تعبان _ الو نعم


طارق _ اعجبتك مفاجاتي


همايل ناظرت عمتها
وعمتها فهمت ان همايل تبغى تجلس لحالها
فطلعت رجعت للجوال


همايل بخوف وكأن مكاملته بالنسه لها هي المفاجاءه _ طارق


طارق _ ايه طارق بس مو انا المفاجاءه المفاجاءه سعد


همايل وقفت ثواني تفهم
هو السبب بس كيف
كيف


همايل _ وش تبغى نعم وش فيه زياده تبغى تسويه وش عاد تبغى تسوي


طارق بهدوء _ هملال تعالي لي


همايل _ انت انجنيت تراني مو البزر اللي بتركضلك لا اشرت بيدك


طارق _ ما راح اشر بيدي ولا ابيلك تركضيلي بس شوفي انا احب المفاجاءت ومفاجاءتي ما خلصت باقي مفاجاءه لك اذا ما جيتي قبل الساعه 12 راح تجيك المفاجاءه لحد البيت الساعه 12 ودقيقه صدقيني


وقفل الخط



..................................................




ما خرجت من الشقه اليوم كله ما شافت البنات تعبانين من السفر وما يقومون الا للصلاه جاعت وكل شي
بس ما قدرت تطلع
تبغى احد يخرج معها بس يله عادي


البيت مريح في مبنى كله شقق بس البنات شكلهم غير مندمجين مع الباقين
هيوف

اول ما وصلت شافت جامعتها وانفتحت نفسيتها ايوه هاذيك الجامعات ولا بلاش


بس الحين تنتظر ذي الاسبوعين تنقضي عشان تبدا دراسه
نست كل شي يتعلق بموضوع العاصي وابناءه ممكن لان هيوف تعودت انها ما تخلي الامور تسيطر عليها وتنساها


تبغى البنات يفوقون من غيبوبتهم عشان تنزل تشتري الجوال والشريحه وتبيع كم قطعة ذهب اللي سرقتهم من عمتهم

هي عارفه ان هذا غلط بس هي شافت ان هذا شي من حقها
والسرقه طبع غلب التطبع

وخذت فلوس امها رغما عنها لكن هيوف كانت ناويه تصرف من فلوس امها وترسل لموزه كل شهر فلوس حلال من فلوس المكافاءه
يعني تاكل هي الحرام واختها الحلال
هيوف انتي ايش
هاذي طيبه ولا ايش
متى راح تنفهم شخصيتك



............................................................ ..



قفلت الجوال وهي منصدمه
هذا طارق ليه
كل هذا انتقام
حقد
وش اللي صار وقسى قلبه كذا



ام سعد دخلت


همايل ناظرتها _ عمه ممكن سواق ابغى اروح لوحده من صديقاتي هي دقت علي


ام سعد استغربت لانها رغم قصر معرفتها بهمايل عارفه ان همايل ما عندها صديقات عزيزات لذي الدرجه


همايل سكتت وام سعد ما حبت ترفض لها طلب


همايل _ بروح استئذن ابوي

ام سعد_ روحي ابوك واخوك مع عمك مقفلين على نفسهم شكل عندهم شي مهم


............................................................ ........



في _ هاتي الجبنه اسمعوا يا بنات خلونا نقلل عدد سمبوسات الجبنه ونخليها اقل من عدد سموبسات اللحم والدجاج

دانه وهي تناظر امها اللي من كم يوم وهي مشغول بالها بولدها كامل اللي لا عاد دق ولا ارسل شي



رمضان بعد بكره وهو لا دق ولاشي ليه
حتى دانه قلقانه عليه وفي لحظه تذكرت مديره ليه جاء ذاك اليوم
وليه ما ارتاحت لشكله
حسته كريه واستبدادي


موزه _ اللي ماخذ عقلك يتهني به


دانه فكرت لا ان شاء الله هي فكرت بواحد اخوها كامل ما يحبه هي تذكر ذاك اليوم اللي قال لها كامل انا ما احب مديري


في _ دندون عطيني جوالك ابغى العب به


دانه اشرت لها _ خذيه


في خذت الجوال القديم اللي بدون كاميرا ولا ما يحزنون وجلست تلعبه


دانه هاذي الايام يائسه وزعلانه كثير
هيوف لا دقت ولا شي اخبارها تاخذها من ديمه
قالت ان هيوف مرتاحه معها بنات وعايشه معهم معقوله هيوف بتقدر تتاقلم مع الناس لان هيوف مشكلجيه للاسف


الله يريحك يا هيوف ويفتح لك بابه ويعديك بلاه واسبابه



............................................................ .........................



ارتجفت يدها بين يدينه
مسكها بقوه دق قلبه بقوه معقوله بتصحى وبيكون عنده امل


جاسر قرب لوجه اخته _ جود جودي حبيبتي انا هنا جاسر اخوك هنا كلميني روحي جود مشتاقلك قومي يله يله


جود ما زالت يدها ترجف


جاسر وهو ما زال يناظر وجهها الشاحب رفع صوته عشان يسمعونه اللي برا


جاسر بصوت عالي _ دكتور ستيفن تعال الى هنا حالا حالا


رجع يتكلم مع اخته ويلمس خدودها _ جود قومي بابا قومي لا تخلين اخوك لوحده يله حبيبه اخوها قومي


دخل دكتور ستيفن ومعه ممرضتين


جاسر بعد من نفسه بس بقى ماسك يدها


دكتور ستيفن يشتغل بسرعه واحترافيه جاسر عرف ان فيه شي غلط لان الدكتور خذا الصاعق

ايش معناه ذا الشي
قلبها وقف
وقف



اصعقوها

وهو واقف منصدم حس ان الغرفه ضيقه عليه وعليها وعلى كل اللي فيها
حس الكون كل ضاق
وان ما فيه شي بيوسعه وبيوسع الالم والحزن اللي في قلبي



سمعه تقول تقول تقول شي


جاسر قرب بسرعه


جود وهي تناظر فوق وناظرت اخيها في عيونه وكانها اخترقته ورست في مواني روحه


جود بصوت وجدت صعوبه في اخراجه _ جاجاجاسر كااكامل احبــ كاكامـــل لا لا تسـو..........

لم تستطع ان تنهي عبارتها
لكن النهايه حانت واتت
وتمت




............................................................ ..........



هل تعرف ذاك الممثل الذي بقي لمده طويله من الزمن لا يستهان بها وهو يمثل ادوار صغيره
ووجد فرصه لا تعوض ان يصبح هو البطل الرئيسي
وجميع الممثلين الاخرين هم يعملون تحت سلطته واسمه
هل تعرفه
جميعنا نعرفه
انه الحقد
لقد اصبح البطل الرئيسي في حياه جاسر وهاهو يملي على جاسر دوره في هذه المسرحيه التي ابت الا ان تطول وان لا تكشف نهايتها
البطل الذي يعلم الممثل ويغذيه بابداعته اجتمعوا وعرفوا
وهاهم يتاهبون لاثبات جدارتهم في مسرحيه
تحمل اسم
الحياه



............................................................ ....................



شاف الدكتور يناظره بنظرات مواساه ناظره بالمثل ولكن نظراته حملت علامات الاستفهام _ هل توفيت


دكتور ستيفن _ لم يكن باليد حيله لقد فعلت كل ما استطيعه واعتقد


جاسر قاطعه _ توفيت جود توفيت


دكتور ستيفن عرف ان جاسر لم يكن يحادثه اصلا كان يحادث نفسه بالاحرى


خرج وتركهم لوحدهم



ناظرها


ناظر جسدها


بعدين ناظر الغرفه لكل مساحه صغيره

حس انه بذي الطريقه يناظر روحها




وعند هذه اللحظه




كتب الحقد وصيته .............******


............................................



يبدوا ان حزني لهذه المره امر مؤلم حقا ويبدوا اني ايضا اعلم الحل سأنتقم لكي ولنفسي




وصيه الحقد (ذكريات مسروقه 2)##



............................................................ ..........................[/I]