خلاص بما انك متزوج نخلي الفرصه للي باقي ماتزوجو يتخيلو عروسهم ههههههههه

بما أنه زاهر خلانا نشوف كيف تكون الاعراس الفلسطينيه

بصراحه تشوقت أوريكم كيف تكون الاعراس في السعوديه

وخاصه منطقه الرياض واكيد تختلف من منطقه للثانيه

واذا كانت العروس من مدينه والعريس من مدينه يكون فيه

ليلتين ليله عند أهل العريس وليله عند أهل العروس

وتكون اليله الاولى عند أهل العروس

وينصبون خيمه قبال بيت أهل العروس







طبعا ليله الزواج يكون فيه عشاء لاهل العريس يكون بمثابة ترحيب لهم




الصباح ماتكون في أي أحداث لان العروس تكون تستعد والعريس

كذلك بس العريس

يكون أستعداده أغلب الاحيان مع أصدقائه

ويجلسون عنده لين يروح للمكان اللي يقام فيه الزواج ويطلعون من المكان بزفه معتبرة للعريس






واهل العريس في أستقباله


وبعد يومين يكون هناك زفاف آخر في مدينه العريس ويكون في قاعة أحتفالات



ويكون فيه أستقبال للرجال حسب عادات وتقاليد القبيله اللي يكون منها العريس



يبدا الاستقبال بالقهوة والعود وبعدها الحفل الخطابي ويكون كلمه والد العريس ترحيب بالضيوف وبعدها

مشاركات اهل العريس و أصدقائه بالمناسبه

وتبدا الوناسه الصح عقبها بدايه مع العرضه السعوديه



وبعدها الامسيه



وبعدها العشاء


ويجي بعدها المحاورة الشعريه وتستمر الى صلاة الفجر

أتمنى أني أجدت وصف الزواج السعودي كماهو