صباح الاجواء اللطيفه
اجواء الشرقيه هالايام تباري ليالي نجد في لطافة الجو وبراده

ف عزالكلام سكت الكلام

صباح ثاني يوم عوده للمدارس.
هذا العام مختلف. ومميز اول عام جامعي لصغيرتي الله يجعله عام خير وسعيد للجميع
مشاعر متضاربه. تقف حروفي تصف احساسي. يالله اتامل متى كبرتي ياصغيره
كان اول مشوار لي وطلعه امس اجيب لها كتب الجامعه اول مادخلت مكتبة المتنبي رجعت بي الذاكره الى 18 سنه ورى طالبه جامعيه
مستجده انتقال الى حياه جديده توديع حضن أميمتي جعلها للجنه توديع نجد بكبرها
وصية أميمتي يأمي الا الجامعه لاتوقفين انتي ممتازه
يالله مثل نسمه ربيعيه لطيفه مرة
وقفت أتأمل مكتبتي دار المتنبي. مكتبة الرشد مكتبة الضامر

ف عز الكلام سكت الكلام

مساء. النعاس والانتهاء من المنصه
اسأل الله يرفع عنا هالوباء وتعود الحياه لطبيعتها
متعب متعب بشكل التعليم عن بعد ممكن الطلاب الكبار عادي الوضع لكن الصفوف الدنيا من اول الى ثالث لا. لا جهود جباره من المعلمات والله. وحمل ثقيل علينا يالأمهات نسأل الله المعونه من الساعه 1الظهر السنفور الاول. كجي 3
ومن الساعه 3 الى سبعه ونص السنفور الثاني. عاد هذا نسترجع معه ذكريات صف ثاني ابتدائي كان امتع مرحله في الا بتدائي. الله يذكرها بالخير ابله منى الصلاحات

زحمه في وقتي اللهم بارك لي يضحكون بنات أختي خاله انتي خلقه ضايعه بمسؤلياتك وكمل التعليم عن بعد وأختفيتي ☹
لكن اذا تذكر الانسان انه بصحه وعافيه هذي اكبر نعمه. الله يمتعنا باسماعنا وابصارنا وقواتنا
فعل لم يجعل الله الجنه تحت اقدام الأمهات من فراغ اللهم اجعل أمي من سيدات الجنه والدي يارب
ف عز الكلام سكت الكلام

اللهم انك اعلم بنفسي مني اللهم حلم طال انتظاره. والخيره دائما فيما اخترت.
وحدك يالله تعلم

ف عز الكلام سكت الكلام

تنهيد يجرها من اقصا القلب. حبها. خالط العظم ياخاله وتعبت من جفاها

مالك الا الدعاء ياعين أمي ادع ان الله يغسلها من قلبك. لا تكفين ياخاله ياقو قلبك خليني على باب الأمل واقف

قصه عقيمه من طرف واحد
في عز الكلام سكت الكلام