وإن استعذت بالله فاستعذ من حُزنٍ يُخيّم على قلبك، ومن يأسٍ يُحاصِر روحك، ومن ضِيق يتحشرج في صدرك، استعذ من انطفاء الأمل، وخمود الشغف، وانحسار الفرح، واسألهُ أن يهبك حياةً مُتدفّقة من ينابيع أعماقك، فإن تدفّقت الحياة من داخلك كانت وهَجًا ونبراسًا لك في كل طريق

يقول البدر :
‏" أعاتبها ويلمع دمعها واغير الموضوع
‏أنا الغلطان دام السالفه تاصل مدامعها "

الله على جمال حرفك يالبدر

ف عز الكلام سكت الكلام

يارب الأمنيات الجميله

ف عز الكلام سكت الكلام

كل عام وجميع أحبابي بخير وصحه وسلامه
هايضه اليوم نفسي ودي ابتسي ابكي مير حولي عرب نقاده
من غير شر هالسنه مارحت الديره ويالله يان قليبي يخفق كانه جناح طير على الروحه واشم ريحة أمي. وأبوي جعلهم للجنه. لكن الكرونا احرمتنا الله يرفع البلا والوباء عنا
العام مثل هالوقت عيدي بالديره يازينه وياجمل اعيادي لي كم سنه اممممم اعد ولا اهون نقول 17ولا 16سنه. ماصليت في مصلى العيد وعيدة الاضحى هناك يالله وانا في المصلى وفرحة الاطفال اتاملهم هذولا بيت الفلاينه وذولا ال فلان تقول زيتونه ماما وش عرفك قلت اشباهم واضحه كل البنات اعرفهم ودرسو معي. وتزوجو وجابو احفاد.
هم مثلي كل في مكان ويجمعهم الحنين وقت العيد في الديره
وانا طالعه من المصلى يالله حسيت نفسي رجعت ذيك البنت اكبر همها تجيب درجه كامله في مادة الجغرافيا ههههههه هذي عاد له قصه
اتخيل نفسي امشي اعكز لجدتي وامي تمشي وراي مسرعه يالله بنروح المزرعه. نذبح الضحايا
والبيت مليان ضيوف اهل الشرقيه واهل الرياض واممم وريحة عميمه من شقرا
وانا اطول مافيني صوتي اهاوش ايه انا السنعه الملسونه الا ودتس تهون ماترسلها ومع هذا حتى البزر يرسلني ماحسيت بنفسي الا اسحب نفس عميق ولا احايل العبره لاتنزل
عاد بيت خالي قبال مصلى العيد الا صديق الطفوله والمغامرات ابو الوليد يهلي يامرحبا ام ياسر اجمل الاعياد هالعيد. والناس فائضه من المصلى كل درى هتونه ام للسان معيده هنا
وهالسنه من غير شر عساني بس اعيد مع الحموله. ذبحنا الرعب من كرونا
ماقلت ان نص خواتي غامرو وراحو الله يحفظهم ولو على كان سابقتهم. لكن عسى بالامر خيره
اممم يسنبون لي هتونه ناقصين من دونك. وانا العاقله الا تسمع الكلام
وتشوف السنابات وان الوضع عادي. ماقلت لكم ودي ابتسي لكن اعلم ان هناك سخريه لاذعه في الطريق. فنحفظ الكرامه
امممم طولت في الكلام.
ف عز الكلام سكت الكلام

صباح خامس يوم من عيدالاضحى
اليوم غير اخذو قلبي من معاليقه. صباحهم اليوم مختلف في المزرعه. وسط النخل وعند الساقي كل شبر فيها له معي ذكريات عصرية المذاكره تحت النخل
تمنيت بساط الريح. افطر معهم وارجع.
ف عز الكلام سكت الكلام