اتصال. خالتو تعرفين فلأنه الفلاني يووووووه. ياليلى. مدرستي في صف سادس.
رجعتيني 24سنه ورى. يالله. وتمر كل الذكريات في مخيلتك. يالله. كانه حلم
ضحك فرح حزن بكاء. خوف تعب. كل شي شي

ف عز الكلام سكت الكلام

مساء الخير والإجواء السعيده الممطرة

مدري ذكرتني هالاجواء بارت لام وسن. كان ارتجالي تقول بيت شعر واخوي شاب النار كانت بداياتي في ليلاس زائره

اليوم صوت الرعد روعه روعه من زمان عنها رجعني. لسنين عتيقه. وذكريات تقف باستحياء خلف الباب


هالسنه خير وبركة جعلها امطار خير ورحمه للعباد والبلاد. نجد. أمطرت وبشده وربعت.
للحظات. تمنيت اللبس عباتي وأطير هناك. بس تذكرت وش بيستقبلني. باب حديد وجدار. ودار خاليه من احبابها. اللهم اغفر لها وأفسح منزلتها ولموتي المسلمين

بعد ماكان. من اقبل وهي واقفه على الباب تهلي وترحب. وجدتي. تنادي من ورآها هم وصلو. بالسلامه

وخالتي تدخل من خلفي مع الباب تسابقني الخطوات. وترحب الله يغفر لهم جميعا الحنين موجع موجع وهالايلم وربحة المطر. تثير. وتنفض الغبار عن الذكريات

سبحان الله. اذكر أمي كانت تتكلم عن اَهلها وأبوها. وتقول راحت صفة الاولين معنى صفة الاولين يعني الابعمار بعض او اقرنا
الحين الشريط ينعاد وأقول راحة صفة الاولين مثل العقد الا انفرط الله يغفر لهم خالتي ثم أمي ثم جدتي لأبوي ثم جدتي لأمي بينهم فترات قصيره يمكن أطول فتره بين خالتي وأمي

اذا جلست أتأمل في الراحلين كانهم حلم ليل



ف عز الكلام سكت الكلام

مساء. الاختبارات والاستعدادات. ربي يوفق. عيالنا

عبوطي عندي حاله خاصه. الله يرزقني برود العيال. رياضيات ثالث متوسط دسمه دسمه والا عندي مايبي يشغل مخه فيس بوحه المنهار. 😭😭🤧🤧

يقول ماافهم الا منك اشرحي لي انتي 🤔
مايبي يتعب نفسه ويفهم


الله يرحم أميمتي. عندها مقوله تقول الا مايعلمه قلبه مايعلمونه الناس تنطبق على عبوطي


من قهري اقول له جعل قلبك يتبدل الى قلبك اشطر البنات. من وساعة وجهه يقول استغفري انا كيذا مرتاح 😩

ف عز الكلام سكت الكلام

مساء الاجواء الجميلة

اخيرا انتهى اول أسبوع اختبارات حافل مع عبوطي 😩


اعترف أني اكره المباريات. اصلن من اسمع صوت المعلق. اتنرفز غصب 🙄

اليوم عادي ياسر الهلال وعبوطي الاهلي. وشاب في ياسر محارش.
والضعيف حتى الغداء مااكل صايم طول اليوم ياحاتي ويسجل الاهلي اول قول. ينهار ياسر بكاء يالله لاتبلانا. بس.

اشب انا. اروح. اتابع معهم وادعي للهلال اخر عمري اتابع مبارة هزلت بس لعيون ياسر الحمدالله فازو
طول المباره عبودي يقول ادعي للاهلي وياسر. يقول للهلال

عبوطي معصب يقول كله من دعاك خسرنا


ف عز الكلام سكت الكلام

مساء لذعات البرد اللذيذه

موقف لطيف اعترف أني علاقتي بالجيران. شبه معدومه يمكن لان خواتي متواجدين نفس المنطقة. أوكثر المسؤليات

الا جيران الاجنبنا. حبيبين جدا. اكثر شي رمضان. الله يذكره بالخير وتبادل الاطباق على الفطور

امهم مره كبيره لكن حبيبه. لازم كل عيد. هل تطق. الباب وتعايد. ومعها عدياتها مهما حاولت اسبقها الا هي. دائما سباقه الله يذكرها بالخير اقولها ام مرزوق والله أني مقصره معك ردها لطيف ياأمش انتي تم وغدان ومعذوره انا. اخف منش


المهم. اليوم واقفه عند الباب انتظر السائق الا ابوهم طالع في وجهي. يقول يا أبيش محتاجه شي. اوصلش ادري ابو ياسر ماهو موجود. انا مثل أبيش يازينه. مدري ذكرت عمي كساب.


قلوب تنبض

ف عز الكلام سكت الكلام