الذين يشاهدون محتوى الموضوع الآن : 3 ( الأعضاء 1 والزوار 2)

أنصدم من زوار تالي هالليل.

قلوب تنبض.

اللهم احفظ. هذا البلد واجعله أمن مطمئن وسائر بلاد المسلمين

الأمن والامان نعمه من الله عزوجل مايقدرها الا المغترب عن وطنه

نزلنا رحلة العوده يومين في اسطنبول. رغم ماحبها ولا أظن احبها. رغم انها جميله اشوف احوال اللاجئين السوريين الله يعوضهم خير. وحسبي الله على من كان السبب

المهم
جت سفرتين ورى بعض هالصيف تعب تعب

الاولى مع وخياتي واخوي ربي لاتحرمني منهم
من رمضان شابين هتونه الشمال التركي مايصلح بدونك. اذا مارحتي ماراح نروح. مدري عاد هم. صادقين ولا يسلمون لي ههههه
رغم رفضي. لان عندي سفره عائليه الا ان ربي. يسر وكتب لي الروحه

انا من عشاق الريف محب الزحمه والدوشه كثير.

اول روحه لي الشمال قبل كم سنه كنت اقول يارب مايدلونها العرب لأنهم اذا دلو شي اعدموه

انصدمت هالسنه الشمال بدال ماهي جميله وقطعه من الجنه الا مزبله قسم ذكرت أبها والطائف. ضاق صدري حسبي على عدوهم

اذكر زنجول حدهم الساعه تسع والدنيا هدوء هالسنه حتى اخلاقهم أفسدوها يسهرون الى اخر الليل ولا يفتحون الا الظهر والشيلات شغاله
لاتعليق والله

انا امشي في ميدان طرابزون اتراك شياب يسبون فينا عرب ستان

تقول اختي هتونه وش يقول ترجمي قلت يقول لابارك الله فيمن دلهم ديرتنا ههههههههههه وهم ماكذبو

عاد خواتي حاطيني المترجم حقهم شي. ههههه مدري من تساذب عليهم

عاد عندي وخيه تموت على المسلسلات التركيه ومشغله على مسلسلاتهم تقول تعالي ترجمي وش يقولون. عاد شي اعرفه. وشئ أترجمه تسذب عليه هههههع


اللهم لك الحمد. كانت رحلة ممتعه جدا تتحررين من مسؤلية العيال. الأب. نقاهه

رجعت ريحت يومين ورحت رحلة عائليه (ابد ماكنت طافيه ) تقول زيتونه خالاتي سحبو طاقتك


والحمدالله. مامثل البيت والله أحب البيت 😍 في احد مثلي (انتقاد لاذع من احدهم )

الا اذا روحة لديره هنا عاد يفز قلبي ❤


ف عز الكلام سكت الكلام

الذين يشاهدون محتوى الموضوع الآن : 2 ( الأعضاء 1 والزوار 1)
‏عذرا ياقلب قلب. بنبض. مدري من يمر ويقرأ أتمنى اعرفهم


ف عز الكلام سكت الكلام

تفائل بمى تهوى يكن

انا عند ظن عبدي بي

القدر موكل بالمنطق

سبحان الله رحمة الله واسعه عزوجل.
الحمدالله مافي احد مايمر بفترة ضعف
احيان الانسان يبتعد عن ربه يفسق شوي ماهوب واجد
بتكلم عن شي يمكن لأول مره أتكلم عنه

سبحان الله. في عيد الأضحى. سنة 1431

سهرانه. الفجر اجهز. الفطور. فجئه شي. حسّيت كأني قطعة جليد وذابت لمدة ثواني معدوده تقريبا صحيت وانا من بعده أشبه مااكون حلم رغم ان هالحاله جتني قديم وانا في سنة أولى جامعه. بس اكلت ليمون مع ملح ورجعت طبيعية
قلت هبوط ظغط عادي. لكن هالمره سبحان الله ابليس لقى له مجال معي. حسبي الله المهم رحت المستشفى

تحاليل ومراجعات. الخ قالو التهاب الإذن الوسطى اخذت علاج لكن مازلت. احسن بس باقي

جاء بعدها شهر خمسة. عربي مكالمة من أمي الله يغفر لها هتونه ماراح. تجين لا وانا امك هذا الشيطان لاتطعينه المهم عزمت الروحه ورحت لكن مازلت تعبانه. جدا مافي اي طاقه. خمول شديد مع اكتئاب شديد اللهم لك الحمد

رغم أني كنت مثل مايقولون الا حولي هتونه منبع الطاقه الإيجابية اخر وحده في العالم تكتئب في العالم هي
اروح لدكتوره في الرياض قالو انها ممتازه
المهم قالت نقص شديد مخزون الحديد فقر دم الخ.
مشيت أموري وانا يعني جاء شهر ثمانية عربي اجهز بروح لأمي الله يغفر لها ورايحه مشوار فجئه تمسكني نوبة هلع شديده واكتئاب. وتنقلب حياتي فوق تحت واعتزل العالم كله واكنسل روحتي لها
لدرجة وصلت ماطلع من غرفتي.
اشغل الرقيه انام نوم عميق مدري عن احد
اكتئاب شديد الحمدالله مع عدم توازن امشي كأني امشي على ماء وانا جالسه كان الارض تنسحب من تحتي شعور جعل. مسلم مايجربه

كان هالفترة خواتي حولي ويجون يطلعوني بالقوه بديت شوي شوي اشوى بس مااسافر ولا اطلع. مكان

نصيحة أمي الله يغفر لها. وانا أمك. خليك دائما على طهاره كامله اذا أحرقك ابليس احرقيه بالاستغفار

مع نوبات الهلع المستمرة اللهم لك الحمد.

ورحت رمضان لأمي. من طلعت من بيتي الى وصلت وانا دموع ابكي كيف أوصل. ويوم وصلت كيف ارجع وأمسك طريق مره ثانيه. بموت قهر أني سمعت لابليس. ومااستمتعت مع أمي الله يغفر لها كان اول رمضان أصوم عند امي من تزوجت ورحت. طبعا ماطولت يمكن أسبوع ورجعت. أمي تودعني تبكي وانا ابكي كيف ارجع.

الله يغفر لها اموت قهر اذا ذكرت ذيك الزياره.

رجعت. وانا. احاول وجهاد مع نفسي أني اطلع من الحاله خفيت شوي شري بعد الله اطلع لكن الأعراض كانت موجوده

لدرجة يوم مرضت أمي ابكي ابي اروح ولا اقدر ويسر الله واجيها كانت في غيبوبه تامه أمسك يدها أتكلم معها تضغط على يدي الله يغفر لها. ولموتى المسلمين

وتستمر الحياه. طبعا هالفترة جت قريبه لي قالت هتونه انتي اكتئاب. شديد وقد مريت فيه اذا ماطلعتي نفسك ماراح
احد يطلعك منه سمعت نصيحتها وصرت أقاوم. وامشي وأحيان انهار. وموت أمي الله يغفر لها كسرني. مره

بس كان اخوي الله يغفر له ماسك قلبي شوي وكان بعد الله مع. خواتي. لهم فضل أني اخف وارجع اختلط. بالعالم واطلع يجون البيت غصب يطلعوني. صرت مااطلع الا بالجبريه
ولا أنسى بعد. فضل. ابو ياسر. كان له دور

وتوفى اخوي الله يرحم فعلن انكسرت انهرت كانت وفاته فجئه كان في الليل العشر الاواخر من رمضان. ليلة الجمعه سهرانه معه وسوالف وفجئه يوم الجمعه. توفى

وتستمر الحياة ماتوقف على موت احد


ويتعب عبوطي واتنوم معه واقابل وحده من الملحم. أتناقش معها واعلمها أني مقدر اجلس ياواقفه ولا لازم انسدح. قالت لا اختي موجهه في الأحساء تلقى محاضره فجئه تطيح إغماء ثواني وصحت. ونفس حالتك مافي توازن. تمشي على الارض كأنها ماء ولا تجلس. وراحت الى الله ثم هالدكتور. روحي

وأروح له. قال التهاب إذن الوسطى وبسيط وآلخ اخذ علاجه خفيت بسيط.

وكانت اول سفره لي برى المملكة بعد ست سنوات انقطاع تام عن السفر. مع اخوي وخواتي ونشد عضدك بأخيك. قال ابد هتونه. ريف الشمال التركي هدوء. وانتي اجلسي. ولاتتحركين بس اطلعي أكسري حاجز الخوف


والحمدالله فعلن طلعت غيرة جو رجعت بنفسيه حلوه

واستمر انا أراجع عند الدكتور بس ماش خفيت وبقيت مثل ماانا.

وأروح لدكتور ثاني يجلس يضحك قال التهاب إذن وست شهور وانتي على العلاج ولازلتي مثل مانتي

قال بشرح حالتك الا فيك نفسي فقط مافيك الا العافيه هذي الأعراض هلع وهذا الاثار الجانبيه تتوترين. تضيق الاورده المغذية للمخ بالأكسجين تحسين بعدم توازن. تبين تقاومين وتتجاهلين. او اعطيك حبوب نفسيه. انتي لك الخيار
وأخذت لفترة حبوب بس ماش. خفيت. بس

رغم هالفترة كنت اقرأ كثير في النت وابحث. اقراء الخبير النفسي2 عجيب عجيب لمن يعاني من الأفكار الدعوه
وفجئه ألقى قصة نفس حالتي وأشد كان بعد
وكيف قاوم وجاهد ورجع مثل ماكان

المهم. خلاصة التجربة اكتشفت ان الا فيني نفسي فقط بقيت متحفزه دائما وخايفه لمدة ثمان. سنوات. وكنت ادعي يارب اطلع من الحاله ارجع مثل ماكنت وأحسن والحمدالله.


الدعاء. ثم الدعاء. فعلن عجيب

التفائل. وظن الانسان بربه ولو في أشد الظروف وأصعبها قبل رمضان هالسنه بكم شهر كانت تضحك وحده من خواتي تقول هتونه. دائما كثير الحمد وإذا احد سال عن أحوالك. قولي والأمور طيبه تمام فعلن شفت اثاراها علي اللهم لك الحمد


لكن هالشده اللهم لك الحمد خلتني اكثر قرب من ربي. نشفت عودي اكثر صرت اذا ذكرت ذيك الأيام اضحك وأقول ليت
ماطاوعت ابليس أحرمت نفسي من المتعه. وإني أعيش طبيعية لكن الحمدالله لعلها خيره رغم احيان احس. بالأعراض بس صرت اعرف انها نفسيه. وانه من الشيطان
نفس صاحب القصه الاقريتها يقول صرت اضحك على نفسي لكن هو ماشاء الله ماكمل ست شهور

اعتذر على الاطالة لكن. حالة إسهاب جتني.

ف عز الكلام سكت الكلام

الذين يشاهدون محتوى الموضوع الآن : 12 ( الأعضاء 1 والزوار 11)
‏عذرا ياقلب

انصدمت هم زوار صدق ولا وهميين. هههههه