مدري وش اقول عندي حكي كثيير. وعجزانه ولا محتاره وش اقول ولا مدري وش اقول

ساعات اتمنى بيتي هذا شخص ويرد على ويسولف. يالله ياليته صدق

وساعات اتمنى ان شريط حياتي. تسجيل واشغله يوووه ذكرت بيت قصيده ايام ثالث ثانوي دائما اكرره ليت العمر شريط تسجيل ينعاد واعيد اجمل مامضى من حياتي من بعيد وقريب. ناسيه التكمله مدري وش لقفني ارجع للصفحات البدايه في مدونتي يالله على ذيك الايام. حنين
يالله ذكرت الثانوي وايامه يالله. كنت ماخذه ذنب الا جنبي والثتين الا قدانياقط تعليقات ويموتن ضحك وانا العويقله الهاديه ههههه. ماكشفني الا مدرسة علم النفس الله يذكرها بالخير


على طاري علم النفس كان طموحي ادخله. لكن مالله قسم لي

المهم شطحه ثانيه. دائما نمر على حديث. اقرآ وارتق عند اخر ايه وكل ماسالت احد اقول حفظ القرآن ولا تلاوته تكفي يقولون التلاوه تكفي

وقلبي يعورني على حفظي الا نسيته

المهم قبل كم يوم اقابل من طلاب الشيخ ابن عثيمين رحمة الله. عليه. ويشرح لي الحديث يقول لا بل حفظ القرآن لان الجنه مافيها مصاحف القرآن محفوظ في الصدور وذكر اي الايه هو في صدور الذين اوتو العلم يقول ترتقين بمنزلتك بقدر حفظك وتتحسرين لاشفتي الا سابقينك بمنازلهن قلت له بس غفر الله لي ولك. جبت لي ضالتي
على طاري غفر الله لي ولك هذي الدعوه سبحان الله سمعتها من وحده وصارت لزمه في للساني دائما اقولها لاطفشت ولا نرفزت من شي غفر الله لي ولوالدينا. سبحان الله عبوطي مسكها اليوم الصبح اناقشه وزهق مني قال غفر الله لي ولتس






بس هذرت واجد ههههه



ف عز الكلام سكت الكلام

اصل البكي حكي عيا ينحكى





ف عز الكلام سكت الكلام

ربي اغفر لي ولوالدينا. انتهت العزومه بسلام.


اشك ان باقي بي عظم مايون.


ف عز الكلام سكت الكلام

على طاري الاعمار والتسجيل في برنامج نور للمزيون ياسر.

جلست اعد الاعمار عاد عندي بنت خاله بتضيق صدرها احسب عمرها
يااحليلي منقزه عمري سنتين زياده ماذكرت الا النوفي صديقة مقاعد الدراسه تاريخ ميلادي وميلادها واحد دايم تهاوشني تقول تكفين لاتحسبين عمارنا ماترتاحين لين طيرنها مدري على ايش طايره ههع

المهم اكتشفت ان عمري ثلاثثين ربيع وشهرين جعلها عامر بطاعته ياحي ياقيوم وانا . منقزه نفسي لثلاث وثلاثين

ايه يانسمة الصبح وريحة القهوه ياريحة أمي ريحة الجنه


ف عز الكلام سكت الكلام