كاتب الموضوع :
عذرا ياقلب
المنتدى :
مدونتي
رد: لزلت أجهل تلك الملامح
طلعت اليوم ممتعه للطعوس. والبر بريره. مير عظيماتي توجعني. عقب البر مدري وش السر التعب عقب البر هخهخ تسني راويتن الماء من الغدير. ولا سارحه في الغنم وهي كلها جلسه على قهوه وشاهي
اعترف اني بيتوتيه اكره ماعلي طقت العبايه والدوجه.
قبل كم يوم رحمت خيتي وهي تترجى فيني احضر حفل الجنادريه عندهم تقول تعالي بيستاسع صدرتس. حفله متعوب عليها قلت يوووه وش يقومها مع الصبح والبرد طبعا اخذت تهزيئه جامده يالعجازه والا فيك وفيك
المهم تعوذت من الشيطان ورحت بصراحه ماتوقعت اني بنبسط ماشاء الله عليهم. حاطين اركان ركن نجد وركن الغربيه وركن الجنوب وطبعا كل ركن. عارضين فيه من تراثه ومن الاكلات المشهوره. واكثر شي عجبني رقصة الخطوه. رهيبه. يحلفون اني ماتحمست
وكليت الى انغثيت طول اليوم وانا اشرب شاهي اخضر كل ماقلت بس شبعت قالت لي وش معنى ماذقتي هذا وهذا والدعوه ذواقه لين اصبت بالتخمه هههع
انا دوجت ورجعت لركن نجد قابلت الجمر ودلال القهوه ينادوني يقولون روحي هناك جهت المسرح شوفي الفقرات قلت خلاص هذا مكاني لله مانيب شابره متر.
طبعا كان مقابلتني على الجمر شمريه. تزين الخبز على الجمر قلت ايه والله اني احبتس من حب خريش هههع
المهم. عقب تعرفني على مدرساتها الا من الغربيه ولا مت نجران والا من القصيم من كل بلدان المملكه عندهم مدرسه قلت على فكره انتي ومدرساتك جنادريه. ماشاء اللع على مدرستك ياوخيتي جامعة من كل بحر قطره.
وف عز الكلام سكت الكلام
|
18-02-14, 09:20 PM
جديد مواضيع قسم مدونتي
العرض العادي
