بي طبع شين ولا عزة نفس تنط على فجعه
لا شفت احد اقفى او انه حاول يبعد اتركه قبل مايتركني
رغم المفروض. التمس العذر لكن مثل هالحاله تنط كرامتي العجيبه




ف عز الكلام سكت الكلام

ياربي والله المفروض يعطوني جايزة نوبل على سعة الصدر >ماشاء الله على قبل ماصك نفسي عين وتنط الضيقه

من العصر وانا ممسوكه تهزءي الشكوى لله
اتصال هتونه وينتس لك اسبوع ماشفناك اشك انك متواجده بنفس الحي عادي موال خواتي اليومي حتى لو توني جايتهم البارح ياربي لاتحرمني منهم

رسالة عتب وينك سافرنا ورجعنا ماشفناك > ياربي قسم اني فاشله في علاقتي مع الجيران محب اسير ولا اطلع الا في مواجيب حتى المواجيب شكلي بديت اسحب هههههه.

اتصال انا قايله لماما تقولك ماقالت شي الخ الخ الخ ماما ليش ماقلتي
الله يعظم اجر هالماما كل شي فوق راسي

صبر جميل والله المستعان بس

ف عز الكلام سكت الكلام

الذين يشاهدون محتوى الموضوع الآن : 2 ( الأعضاء 2 والزوار 0)
‏عذرا ياقلب, ‏إحسآس الورد


هلا بك حسوسه وش تقرين بيصدع راسك

داءما يقولون اول النار شراره وبدايت الغيث قطره
انا مانيب خاليه من العيوب ولا حتى الذنوب مليانه الله يغفرلي ويتجاوز عني ولست اهل او كفى اني اناقش لكن مجرد فضفضه
موضوع احزني ويحزني كثير منظر العري وللبس اقرب الى ملابس الانجري من انها تكون فساتين اول ماانفتح الباب قالو البنجابي حلال وشوي شوي بدى يقصر البنجابي ويضيق بنطلونه شوي رجعو لبس الميدي وتطور الى تكون التنوره او الجيبه تحت الركبه وتطورنا صارت فوق الركبه وصل بنا الحال طول التنوره مايتعدى الشبر الله المستعان

وانتقل الحال الى العبايات كانت عباية الكتف منكر وشي مهول وجينا اليوم عبايه وخمار هي كتف لكن بمسمى اللطف. انا سافرت ولفيت وكنت اللبس خمار لكن ماهو مثل هالخمار عجبي عليك يازمن
الى اين نسير والى اين وصل بنا الحال
ذكرة حديث النبي صل الله عليه وسلم بدى الاسلام غريبا وسيعودو غريب

اللهم يامقلب القلوب ثبت قلبي على دينك

ف عز الكلام سكت الكلام

http://www.youtube.com/watch?v=xIWRlfCrrUA
لاسمعت صوت هالقارى وسورة القصص رجعت للمقاعد الدراسه صف خامس وذكرة ابله حصه العجاجي الله يذكرها بالخير وين ماكانت اذكر حتى لون الشريط كان اسود
واذكر ريحة عطرها الى الان كني اشمه الحين


ف عز الكلام سكت الكلام