كاتب الموضوع :
اوركيد
المنتدى :
من كل بحر قطره
يسعدني ان اكون معكم والشكر الخاص لاختي فجر الامال كنت اقرا ء تجاربكم بصمت لما اتوقع ان اكون موجوده بينكم واحط لكم تجربتي
الحياه تجارب وعندي العديد من التجارب منها ماهو قريب صار خلال اشهر وبعضها صار من سنوات واحترت ايا منها اكتب واضعه بين ايديكم لكن كانت اغلبها طويله تحتاج مني لصفحات لكن حاولت ابحث عن تجربه تتلخص بسطور
برجع بذاكرتي لايام الطفوله الجميله ( اسم الشخصيه غير صحيح )
كنت ساكنه بقريه كل جيرانها متعلقين في بعض يفرحون لفرح جارهم ويحزنزن لحزنه اذا مرض واحد من الجيران فقدوه وزاروه اذا طبخت الجاره ارسلت لجارتها وكان الامن والامان موجود الواحد ينام بحوشه ويترك باب بيته مفتوح ما يخافون الا من ربهم
كان عندنا جارنا شايب بخيييييل لدرجة المرض مهمل بشكله ولبسه كان شكله مخيف زوجته ماتحملت بخله طلبت اطلق وطلقها ساكن في بيته لحاله كان عنده ولد وحيد بسبب بخل ابوه انحاش عند خواله بالكويت
علاقته بالجيران منقطعه دايما مقفل عليه بيته
الاهالي كانو يخوفون عيالهم بحمارة القايله واهلي كانو يخوفوني بجارنا البخيل ( جعيفر ) كان اسمه غريب ومخيف بنسبه لاطفال
كانت مدرستي قريبه من البيت ونرجع مشي وكان طريق الرجعه يمر بيت الجار المرعب لكن كنت اغير طريقي واختار الطريق الاطول تفاديا من المرور بجانب البيت المسكون
مرت كم سنه وتزوج ولده واستقر بالكويت واذا جاء زيارة مع اهله تكون قصيره لانه ما يتحمل بخل ابوه ونظرت الناس لهم
مرت سنين ومرض جعيفر وجاء ولده من الكويت اخذه بيعالجه هناك
في يوم كان يحتضر جعيفر بالمستشفى وكان عنده ولده وكان يهذي ( اااااااااااااه يا مالي المدفون تحت التراب ) ولده استغرب من هذيان ابوه لكنه فهم ان عند ابوه بعض الدراهم المدفونه بحوش بيتهم
مات الشايب وبعد اسبوع من وفاته جاء ولده لبيت ابوه مع عمال وصارو يحفرن بالحوش ولقى علب نيدو مغطاه باحكام موزعه بالحوش داخلها اكياس مليانه فلوس ( اخذه الفلوس وباع بيت ابوه ومن بعد ما كان الولد فقير صار تاجر من ثروة ابوه المدفونه تحت التراب )
اتمنى استفدتو من التجربه المطروحه ومال البخيل مهما خزنه مصيره للورثه
يمكن لو اعطاهم بحياته تصدقو له بعد مماته لكن اذا حرمهم اخذوا الورث بشفاحه ناسين ابوهم البخيل ويمكن البعض اذا اكتشف انه انحرم من مال ابوه في حياته وكان بحاجه للمال يدعون عليه لانه حرمهم وتركهم منذلين لناس
اختكم نسايم نجد
|
29-05-11, 01:18 AM
جديد مواضيع قسم من كل بحر قطره
العرض العادي
