مشكورة أم رنو على الترحيب
ربي يرفع قدرك ياالغلا
مضيفتنا الكريمه بتجاوبنا على هالاسئله
1-متى اول مره طبختي ؟
أول مرة طبخت تقريبا وأنا بسادس
2-اول طبخه طبختيها ؟
أول طبخة أعتقد كانت شكشوكة
3-اول طبخه نجحتي فيها وممن تعلمتيها ؟
أول طبخة نجحت فيها كانت الكبسة وتعلمتها من أمي الله يحفظها
4-كتاب طبخ دائما ترجعين له ؟
كنت أول أرجع لكتب الطبخ بس هالحين كل شئ من النت
5- متى تجهزين الغدا ومكوناته من الليل او في وقت الطبخ؟
غالبا أجهزها بنفس الوقت أما إذا كان فيه ضيوف فأجهز من الليل
6 –هل تستمتعين بالطبخ وتحبينه والا تحسينه واجب ثقيل ؟
بصراحة كنت أستمتع بالطبخ قبل الزواج وبعده لا والله حسب المزاج والسبب زوجي الله يصلحه أكله محدود جدا وفيه أشياء إذا كانت من ضمن أساسيات الطبخة مايأكلها أبدا مثلا عندكم الخضار مثلا مايأكل منها إلا الخاص بالسلطة يعني خيار طماطم جزر وخس وملفوف والبطاطس فقط المقلي اللي نشتريه مجمد
وبقية الخضار مستحيل يأكلها من كان عمره 13 أو 14
وبعد الحليب ومشتقاته يعني بسوي مكرونة بشاميل ماياكلها عشان الحليب بسوي حلى مايأكله عشان القشطة والحليب وغيرها
لو بجيب صينية فيها كوب عصير وكوب لبن ماراح يشرب العصير عشان اللبن موجود بنفس الصينية أنا وعيالي نشرب الحليب واللبن ويأكلون الزبادي بعيد عنه ولاأسوي سلطة الخيار بالزبادي إذا كان عندي ضيوف عشان مايحوسون قدامه
يعني بجد أشيل هم في أكله واللي عندها طبخات تناسب وضعه تقول لي عليها الله يجزاها الجنة
7-تحرصين على تزيين اطباقك والا بالبركه ؟
غالبا أزينها وأهم شئ عندي يكون الطبق مرتب مو حوسة
8طبخه تتقنينها وكل ما عملتيها لازم اللي ذاقها يسألك عطيني المقادير وطبعها تحطين لنا الطبخه بمقاديرها
طبخة أتقنها تقريبا الجريش وشوربة الشوفان مع أني ماأحبهم مرة الحمدلله على النعمة
كلنا نعرف طريقة الجريش والشوربة الا أن كل وحدة لها نفسها بالطبخ
9_اداه في المطبخ لا تستغنين عنها ؟ واذا كان بالامكان صوره لو من النت ؟
تقريبا كل شئ مهم عندي في الطبخ وأحتاجه
10- شيف او طباخ تحبين تشوفينه يطبخ ؟
مو مرة أتابع برامج الطبخ وإن شفت أشوف أسامة ومنال
وهالحين ياهلا ويامرحبا فيكم وزارتنا البركة وياليت والله الجمعة بالواقع الله يجمعنا في جناته واعذروني على التقصير
وهذا حلى مع القهوة (حلى رقائق الشوكولاتة)
وبعد القهوة الشاي
والفطائر وورق العنب
تفضلوا على العشاء حياكم الله
العصير
والفواكه
والسلطة
وصينية الدجاج بالخضار
وصينية التوست باللحم المفروم
والمدفونة بعرف اسمها كثير في المنتديات بالمدفونة بس روووووعة قليل عليها
وحلى العشاء
وبالهناء والعافية على قلوبكم
واعذرونا وسامحونا على التقصير
صور الأطباق اللي عملتها هي اللي بالإطارات المزخرفة وماقصرت شجن الروح ربي يسعدها ويوفقها لكل خير في حياتها هي اللي عملتها لي
ودي لقلوبكم النقية كنقاء المطر
14-05-11, 07:46 PM
جديد مواضيع قسم ركن المطبخ
العرض العادي
