كاتب الموضوع :
احاسيس منسيه
المنتدى :
مدونتي
لو ســألني الــورد عنــك .. علمينـــي ويش أقـول
وإن وصفت أول جمالك .. كيفأبوصل أخــرة
كيف وإنتي روضه من حلاها .. كحلت عين الفصول
رقتك ورده وروحــك .. كـ الطبيعـة الســاحرة
--
عذبه الأطباع وأكثر .. إنتي يالعف الخجول
منلفيتي الدنيا وإنتي .. مثل غيمه ماطـرة
عاليــه أصل ومطرها .. كل ما جـادبنزول
مثلها إنتي كريمـــة .. وهي مثلك طاهــرة
--
ميزك ربـــي بملامـــح .. زادها نـــور وقبــــول
وبعيــون منها غارت .. ألف نجمـة ســاهرة
هذا غيرالشمس ياللي .. جاها من حسنك ذهول
وكتبت في مدح زينك .. لين صارتشـاعرة
مذهلــه في كل حاجه .. إنتي يا بنت الأصــــول
في هدوءك في كلامك .. والمعاني العاطرة
--
لك تفاصيل إبتسامه .. تاخذ ألباب العقــول
باردة عالقلب كنها .. نســـمه حلوة عابره
هذي إنتي وما أبالغ .. لو أقول إنالعذول
من كثر طيبك دعالك .. بالســعاده الغامرة
صدقينـي إنتــي غير .. وصدقينـي لو اقـول
إني يا روضــة زمنّا .. إنتي حاجـــة نادرة
|
28-05-11, 10:16 PM
جديد مواضيع قسم مدونتي
العرض العادي
