كاتب الموضوع :
نسايم نجد
المنتدى :
الارشيف
في بارت اليوم ( مفاجئة لكم مادري بتتقبلونها الايام الجايه بتقنعكم فيها / في بارت اليوم ناقشت موضوع نسائي اعتبره مهم سواء للمتزوجات او البنات / وتناولت قضيه مهمه مختصره ( اتمنى اني توفقت في ذلك ) وفي بارت اليوم اظهرت لكم جانب فكاهي ترفيه لنفس بعد مواجع الايام الي فاتت
البارت الرابع عشر
في بيت الجده
رجع سالم مع عياله من الصلاه وجلس بالمجلس والعيال طلعو لغرفتهم يكملون نومهم
ماله خلق يدخل ويشوف امه متضايق منها وعليها
سالم في نفسه / اااااه يمه متى ترحمون بنت الناس من ظلمكم ما صدقتو انها تغلط شنقتوها بكلامكم وقهرتو عيالها وانتم سبب بقهر ودمعت يتيم يارب رحمتك وتجاوز عن امي يارب
عند ابو فواز
بعد ما فطر ركب سيارته وصل لبيت ابو سالم كان الباب فاتح دخل المجلس شاف سالم سرحان واضح عليه الضيقه ما يلومه فقد الاخ شي كبير
قرب منه / السلام ابو سعود
سالم وقف / هلا ابو فواز
رجعو وجلسو على الكنب وابو فواز ملاحظ الضيقه
ابو فواز بحنان / قول يا بوك وش مضايقك غير موت اخوك
سالم بحزن / هم عياله مطير النوم من عيني اخاف اظلم الايتام وعقاب ظلم اليتيم كبيرعند ربي
ابو فواز بصدق / انت رجال فيك خير منت بظالمهم ولا مقصر بحقهم وبتربيهم احسن من ابوهم
سالم دمعت عينه / اخاف اظلمهم من غير ما دري واوجعهم وعتقد انه فيه صلاحهم
ابو فواز بحنان / انت اجتهد وحاول انك ما تظلمهم وربي بيساعدك وبيعطيك على قد نيتك
وقف سالم / بداخل ياعم اجيب لنا فطور نفطر سوى
ابو فواز كان بيمنعه بيقول افطرت لكن شي داخله منعه بيغصب نفسه ياكل معه لانه متاكد لو ماكل معه مراح ياكل
عند فواز
وصل للمطعم كان فاضي دخلو كبينه لشخصين جلسو على طاوله
اميره بحب / يله يا لغالي اطلب وتشرط
فواز بحب / اطلبي لي على ذوقك
ضغطت الزر الجانبي دقائق ودخل الجرسون
طلبت الفطور وبعد ما تركهم
اميره بجديه / الا صدق وينهم عيالك
فواز بابتسامه / عند خالتهم يتسلون مع عيالها
اميره بحزن / تحبهم يا فواز
فواز مستغرب / وش هالسؤال الغبي
اميره بحرقه / لاني اشك في محبتي لولدي ولا حاسه بوجوه معقوله يكون قلبي قاسي
فواز بحنان / مشكلتك يا ميره محمله ولدك ذنب طلاقكم ومبعدته عنك بسبب ماله ذنب فيه يا خوك ولدك لكبر وصار رجال بينكسر وهو يشوفك صاده عنه وكارهته وبيحملك كل اغلاطه وبتكونين الغلطانه بكل شي وبيكون ضدك وبيصير بصف ابوه لان ابوه متمسك فيه ما تركه عكسك
طيعيني يا خوك وتقربي من ولدك وحسسيه بامومتك انتي طيبه وحنونه على عيالنا ولما توصلين لولدك يخلص هالحنان
خذيه عندك الايام هذي مدام اهله مشغولين بوفاة ناصر وكسبيه الطفل بسرعه تكسبينه لكن اذا كبر بيصعب عليك هالشي
مقتنعه بكلام اخوها / اوعدك بحاول يمكن اريح ضميري من ناحيته
قطع كلامهم صوت الجرسون جايب الفطور
وزع الاكل قدامهم وطلع
فواز بقهر / يا خوك الي سواه تركي جرح ما ينسى وللحين ما ثر فيني وصرت اتجنبه لكن الدنيا ما توقف عند واحد طلقك ومشكلة قلبك النظيف ما قدر يكرهه وزاد حبه بقلبك
اميره وهي تاخذ الخبز من السله ودموعها على خدها كلن كاشف حبها الجنوني لتركي وهو ربي عاميه عن هالحب
فواز انتبه لدموعها وبحنان / اميره ما قلت ها الكلام علشان اشوف دموعك فيني غصه على حالك بيضيع عمرك تنتظرين سراب
اميره بصوت باكي / والله يا فواز كارهه ها الحب الي ما وراه الا الضعف لكن مصيبتي ما تخيل نفسي زوجه لغير تركي
وفرضن تزوجت صدقني بشوف صورة تركي بوجهه الي بتزوجه وبكون خاينه انت رجال وصعب عليك تتخيل زوجتك عايشه معك وتفكيرها وروحها مع غيرك
فواز بصدق / اكيد مراح ارضى ومستحيل تبقى عندي دقيقه وحده وانا ادري ان تفكيرها متعلق بغيري
اميره بصوت باكي / اجل يحق لي ارفض الزواج مدام قلبي وعقلي مشغولين بتركي ووعد اذا نسيته وافقت على الزواج وانا مرتاحه لاني بسلم الي متزوجته الروح قبل الجسد
فواز بحزن / الله يكون بعونك
بدو ياكلون وهم ساكتين
بعد ما خلصو اضغطت الزر وجاء الجرسون بالفاتوره اخذتها منه
فواز دخل يده بجيبه وطلع بوكه مسكت بوكه وحطته على الطاوله
فواز بجديه / انا الي بدفع الحساب
اميره بابتسامه / اترك فلوسك بجيبك انا عازمتك وبدفع حساب الفطور
بعد اصرارها رضى دفعت الحساب وطلعو من المطعم رايحين للمستشفى
بيت صقر
دخل صقر البيت شاف امه بالصاله قرب منها وباس راسها
صقر بحب / شلونك اليوم يالغاليه
ام صقر بحب / الحمد لله بخير انت شلونك
صقر / الحمد لله ديما وينها ما شوفها
ام صقر بجديه / تعرف مو وقت قومتها ما تقوم الا الظهر فرحانه بالاجازه
صقر بابتسامه / نجود وينها
ام صقر بحب / الله لا يخليني منها تجهز الفطور الي طالبه
صقر بحزن / والله البيت بيفضى علينا لتزوجت وتركتنا
ام صقر بحزن / شد حيلك وتزوج
صقر بابتسامه / لاقيه لي عروس
ام صقر بجديه / العروس موجوده ومحجوزه لك من كنتم صغار
صقر بصدمه / محجوزه لي ومن زمان وتوني ادري من تكون هذي ا ن شا ءالله
ام صقر بحب / ساره اخت خويك تركي
صقر تذكرها وكانه امس يوم كانت تلعب مع ديما
صقر بعصبيه / باي حق تربطون مصيري بمصير وحده ما بيها واكيد هي ما تبيني وفوق كل هذا فالفرق كبير بينا بالعمر
ام صقر بعصبيه / كلامك مردود عليك مالك الا ساره ولا وربي لا اغضب عليك
صقر وقف بنرفزة / اجل خليها تخلل عند اهلها وانا بخلل عندكم وزاج بهطريقه مستحيل اتزوج عايشن بالجاهليه الاولى
دخلت عليهم نجود شايله الاغراض
نجود بخوف / وش فيكم صوتكم عالي وش صاير
صقر بعصبيه وبسخريه / دريتي ان اخوك مثل الشاه يزوجونه ويحجزون له وهو اخر من يدري
نجود بصدمه / وش تقول منهي المحجوزه لك
ام صقر بعصبيه / ساره الضامي اخت صديقه تركي صديقة ديما قولي وش قاصرها علشان يرفضها
نجود بصدمه / ما قاصرها شي لكن من متى صارت السالفه
ام صقر بعصبيه / يوم كان اخوك صغير وساره صغيره اخوك متعلق فيها ما يلعب الا معها ولا يرضى احد يزعلها وكل ما شاف شي اعجبه شراه لها
خفت البنت لكبرت تروح بنصيبها وتصير حسره بقلب صقر خطبتها له واخذت عهد من وضحى ان بنتها تكون لولدي وعلشان يتثبت ها لكلام ابوك فاتح ابوها وابوها وافق يبي يتقرب اكثر من صديقه وقبل وفاة ابوك بكم اسبوع جاب الشيخ وتمت ملكتك على ساره
صقر بصررراخ هز البيت / وصلت للملكه وين كنت فيه ليه ما خذتو رايي يعني زورتو توقعي وتوقيعها أي دين تعرفونه
وبصراخ / ليييييييييييييش توك تقولين تدرين كم عمري الحين 35 يعني على قولتك متزوج وعمري 23
لي 12 سنه متزوج ورابط بنت الناس فيني حررررررررام والله حرررررررام تشكلون حياتنا على كيفكم مستحيل ارضى بهذي المهزله
ام صقر بعصبيه وبصراخ / بترضى وغصب عنك ولا تبي تكسر كلمة ابوه وتفضحنا عند الناس
صقر اول مره امه تعصب عليه وتجبره على شي وتصارخ بوجهه اخذ الاغراض من اخته بعصبيه والدنيا سوداء بوجهه وطلع من وهو ما يشوف قدامه
نجود كانت مستمعه ومصدومه ومتفاجئه من الي تسمعه قربت من الصاله وجلست على الكنب
دقائق وديما نازله واضح عليها الخوف قربت منهم
ديما بخوف / وش صاير صراخكم قومني
ام صقر بعصبيه / اطلعي كملي نومك ماني بناقصتك
ديما قربت منهم وجلست جنب نجود وكلمتها بصوت واطي / وش صاير ليش الروس الكبيره يصارخون على بعض
نجود بصوت واطي / فيه سالفه صايره مستحيل تصديقنها اذا انا للحين ماني بمصدقتها
ديما بحماس / شنهي قولي
نجود بضيقه / ما تنقال هنا والجو متكهرب بعدين اقولك
ديما بعصبيه / بتقولين وش بيصبرني لين الجو يهدء يكفي اني قايمه متروعه ولا شبعت نوم
نجود بسخريه / وهذا الي هامك اطلعي كملي نومك
ديما با صرار / النوم قولي عنه باي باي بتقولين ولا سالت امي
نجود / بالمختصر صقر طلع متزوج من 12 سنه
ديما بصوت عالي وبصدمه / متزززززوج
ام صقر بصبيه / قصري حسك ايه متزوج لا يكون عندك مانع
ديما بجديه / وانا وش دخلني علشان امانع لكن منهي هذي الي متزوجها وتونا ندري عن هالسالفه
ام صقر بعصبيه / صديقتك ساره
ديما بصدمه / ساره مغيرها شلون متزوجها من 12 سنه وساره كبري يعني الزواج صار وعمرها 6 سنين شلون تصير فهموني
نجود بصوت واطي / زبدة السالفه طبخه طبخوها الكبار والصغار ما يدرون
ديما بحزن وبزعل / حرام ينجبرون على بعض صدق ساره مافي مثلها وصقر مافي مثله لكن
مافي توافق بينهم بالعمر والفكر حتى شخصيتهم مختلفه
وبعدين اكره شي على البنت انها تنجبر والله حركاتهم غبيه اااااه يقلبي عليك يا ساره لو دريتي اكيد بتعارض وترفض هالزواجه
نجود بحزن / فكينا من هذرتك والله قلبي موجعني على صقر بعمري ما شفته معصب وزعلان هالكثر امي اوجعته بكلامها وصقر ما يستاهل
رجال بعمره ينجبر على زوجته حتى البنت معاد تنجبر
عند ام سالم
بعد ما خلصت صلاتها رجعت لسريرها انسدحت جنب اختها حاول تنام لكن مافي امل راسها بينفجر متاكده ان الضغط مرتفع عليها
ام سالم بتعب / مريم شكل الضغط مرتفع علي
مريم بخوف / الله يهداك مضايقه نفسك شلون ما تبينه يرتفع امشي نروح للمستشفى
ام سالم بتعب / ماله داعي روحت المستشفى اذا اكلت الحبوب بينزل الضغط الله لا يهينك جيبي لي شي اكله علشان اقدر اكل الحبه
ام فواز بعصبيه / الله يعينك على عقلك الي صاحيه نايمه يفكر ارحمي نفسك
ام سالم التعب ماله يزود عليها وماله خلق تتكلم وتجادل اختها
وقفت ام فواز ونزلت سوت لختها سندويشات عسل خافت تسوي جبن ويرفع ضغطها زود حطته بصينه مع كاس الحليب
اخذت الصينيه ودخلت غرفة اختها قربت منها الاكل وحطته على السرير قدامها
ام فواز بحنان / يله اكلي وينها حبوبك
ام سالم بتعب / حبوبي تحت مخدتي اذا احتجتها تكون قريبه مني
ام سالم اخذت لها سندويشه اكلتها من غير لا تحس بطعمها وبعدها اكلت الحبه وحست انها ارتاحت
ام فواز بعصبيه / ارتاحي ونامي شكل الي رفع ضغطك قلة النوم والتفكير
تمددت ام سالم على السرير وثواني وهي نايمه
ام فواز شافت اختها نامت اخذت الصينية وقفلت النور وطلعت من الغرفة ونزلت تحت رجعت الاغراض المطبخ ودخلت الصاله
جناح هيا
ازعجها صوت منبه جوالها فتحت عيونها بتعب اخذت الجوال وسكرت المنبه ودخلت الحمام وهي كسلانه اخذت شور بارد ينشطها بعده البست جلابية كحليه ونزلت بدون جلالها لان تركي مسافر
شافت ام فواز جالسه الحالها بالصاله قربت منها وباست راسها وجلست جنبها
هيا بابتسامه / وينها خالتي
ام فواز بحزن / ارتفع عليها الضفط اكلت حبتها ونامت
هيا بضيقه / خالتي الله يهديها تعصب وتحرق نفسها والي حولها على شغلات ما تسوى
ام فواز بحنان / يمك تحمليها اعرف انها مزودتها معك والله اني كلمتها وحاولت فيها لكن ام سالم راسه حجر ما يلين
هيا بحزن / متحملتها يا خالتي لا خر يوم بعمري قدرها من قدر امي الله يرحمها
ام فواز بحنان / الله يعلي قدرك والي تسوينه بتشوفينه لكبرو عيالك وتزوجو
قطع عليهم دخول سالم قرب من خالته سلم على راسها والتفت على هيا / هيا جهزي لي ولابو فواز فطور بنفطر بالمجلس
وقفت هيا ودخلت المطبخ وسالم جلس عند خالته طلعت هيا ومعها صنية الفطور مدتها على سالم وقف اخذها ورجع للمجلس
هياء / خالتي فطورنا جاهز تعالي نفطر
ام فواز / قومي ساره تفطر معنا
هيا بضيقه / ساره تعبانه ما نمت الا الفجر الي صار البارح طير النوم من عيونا
وقفت ام فواز ومشت مع هيا ادخلو غرفة الطعام و جلسو على الطاوله وكل وحده فيهم تتغصب على الاكل علشان خاطر الثانيه تاكل
عند فواز
دخل المستشفى وصلو لغرفة ثريا ادخلو شافوها نايمه طلعو بهدوء
اميره / يله فواز بنشوف البنت ونرجع لثريا يمديها قامت
وصلو للحضانه ادخلو شافو البنت
اميره / يا قلبي تجنينن اذا تشبهني يحق لي اغتر
فواز اخذها من الحاضنه وضمها / اول ماشفتها تذكرتك فيها لمحه منك
اميره / اخترتو لها اسم ولا باقي
فواز بجديه / امها اختار لها اسم لينا
اميره / ههههههههه شكلها كانت من متابعين عدنان ولينا
فواز وهو ماسك يد بنته ويلعب باصابعها / على انه موعاجبني لكن رضيت علشان خاطرها
اميره بجديه / يكفيك انك مسمي عيالنا لها حق تسمي بنتها الاسم الي عاجبها
قربت الممرضه من فواز / لو سمحت رجع البنت بنوديها لمها الحين وقت الرضاعه
طلعو من الحضانه ورجعو لثريا شافوها تفطر
قربت منها اميره وباستها / الحمدلله مبروك ماجبتي
ثريا بابتسامه / الله يسلمك و يبارك بعمرك
اميره بحب / فديتها بنت اخوي قمر
ثريا / ماشفتها
فواز بابتسامه / الحين جايتك بالطريق استقبليها وطلعي لها صدرك بترضع وبترجع
ثرياء استحت من كلام فواز واضطرت تسكت دقائق ودخل عليها سرير بنتها اخذتها وضمتها على صدرها ورضعتها
عند تركي
النوم رافض يدخل عينه وبقلبه حسره وحرقه والهموم خانقته تذكر انه من امس ما كل شي طلع من غرفته جوعان بيدور له شي خفيف يسد جوعه
طلع لصاله شاف شوق والهنوف جالسات يسولفون
تركي متجاهل وجود الهنوف / شواقتي فيه اكل ترى عمك جوعان
وقفت شوق / باقي من عفيستنا بجيب لك
تركي بابتسامه / عجلي علي لاموت من جوعي
جلس على الكنب وعيون الهنوف حرقته معجبه برجولته وشكله وعاجبها انها ما يطالعها
رفع عيونه شاف عيونها اطالعه ابتسم لها مجامله
وبدخله قهر قد الدنيا انه تعلق باسم الهنوف وحمد ربه ان الي قدامه غير عن صاحبة الصوره الي قدامه واضح عليها الجرائة بلبسها والوقاحه بنظراتها اكلته بعيونها من غير حياء ولا مستحا
رجعت شوق بالاكل وحطته على طاوله بالصاله قريبه منهم وقف وجلس وقابل الاكل
قاط اذنه عندهم يمكن من كلامهم يعرف صاحبة الصوره ويريح قلبه
عند شوق
الهنوف عيونها تسرق النظر لتركي الي متشاغل باكله
شوق بجديه / متى بنروح للجامعه يمكن اقدم اعتذار الترم هذا
هنوف بزعل / حرام البنات مشتاقين لك وبذت بيادر
فز قلبه وفي نفسه / يمكن بيادر هي صاحبة الصوره احس الاسم يركب على شكل البنت الي بالصورة
شوق / وربي مشتاقه لهم الا وش اخبارها شذى من بعد ما تصورنا سوى بحفلة ميلادها ما شفتها
تركي في نفسه وبتشتت / لا اكيد انها شذى صاحبة الصوره لان شوق تقول انها متصوره معها
الهنوف / هههههههه دلال فرحانه بصورتها مع ماهر اخوك ماتركت احد الا ورته الصوره الله يحمي اخوك من عيونها
تركي فز قلبه / اكيد انها دلال لان البنت الي بالصوره متصوره مع ماهر
وابتسم بحرقه / وش بلاك يا تركي انهبلت وصاير تهوجس يخوفي انك اداوم مع شوق بجامعتها علشان تصيد صاحبة الصوره
باقي لي شعره واستخف من يصدق اني تركي الي يكره صنف الحريم الحين جالس بوسطهم وقاط اذنه اسمع سوالفهم دنيا غريبه
وقف وحاس بضيقه وماطب الاكل فمه لاحظت شوق ان صحنه مثل ماحطته وقفت ولحقته
شوق بجديه / عمي ليه ما كلت
تركي بضيقه / ما عجبني
شوق بخبث / تراه اجتهااد من الهنوف
تركي فهم قصدها وبعصبيه / ارجعي لخويتك مدام النفس طيبه عليك
شوق بجديه / عندي احساس يقولي ان فيه بنت قالبه حياتك قولي يعمي صدقني بساعدك
تركي في نفسه / قول لها يتركي مدامها بتساعدك هي الوحيده الي بتكشف لك صاحبة الصوره
ورجع لعقله / اثقل يا تركي وخلك على ثقلك قدامها دايم تسب وتستحقر بالبنات وانهم ما يهزون فيك شعره لو قلت لها انك معتفس بسبت صوره ولله ما تسلم من طنازتها وتعليقها
صحاه من افكاره صوت شوق / وصايرين نسرح والله انك منت بطبيعي وحالتك حاله
تركي بعصبيه / خلي سوالف الحب لغيري انا بالي مشغول بشغلات اهم
شوق بسخريه / الله يحمينا من تفكير وخططك انت وامك
تركي بعصبيه / طسي لخويتك لفشلك قدامها
شوق دخلت عند الهنوف
تركي طلع من البيت ومهموم ومخنوق جلس بالحديقه
عند بيت مها
ثامر كان واقف عند بيتهم الرجال الغريب الي طالع من بيت ناصر اول شك انه حرامي لكن غير رايه وهو يشوف كشخت تركي وشكله مو شكل حرامي
مشى ودخل بحديقة ناصر وقرب من تركي
ثامر / السلام
تركي رفع عيونه لما سمع صوت ثامر شاف قدامه ولد بعمر سالم شك انه صديقه الي يتكلم عنه
تركي بابتسامه / وعليكم السلام انت ثامر صديق سالم
ثامر بابتسامه / ايه شلون عرفتني وانا ما عرفك
تركي بحزن / انا تركي عم سالم ودايما يجيب طاريك بالخير
ثامر قرب وجلس مقابل لتركي / طمني على سالم ليش مقفل جواله
تركي بحزن / سالم بغيبوبه ادعي ربي يقومه بسلامه
ثامر وقف بصدمه وبصوت باكي / شلون بغيبوبه وانا مدري دخيلك عمي قول ان الي قلته كذب واني سامع غلط
تركي بحنان / سامحني اني نقلت لك هالخبر لك انت صديقه لازم تدري عنه وتوقف جنبه ما يندري يمكن تكون السبب انه يفوق من غيبوبته
ثامر ترك تركي راجع لبيتهم مثل الصاروخ
عند مها
كانت بالمطبخ تجهز الفطور لبو ثامر بيطلع لشركته سمعت صوت الباب يفتح ويسكر بقوه طلعت
شافت ولدها جالس على الكنب ووجه متغير وعيونه حمراء واضح عليه البكي
قربت منه بخوف / ثامر وش فيك
ثامر بصوت باكي / سالم بغيبوبه
مها من صدمتها جلست / لا حول ولا قوة الا بالله من قالك
ثامر / عمه قالي وينه ابوي
ابو ثامر / موجود بغيت شي
رفع ثامر عينه في ابوه ابوه تفاجئ من شكل ولده
ابو ثامر / وش فيك ليش كل هالدموع
ثامر بصوت باكي / دخيل يا بوي بسافر لرياض سالم بغيبوبه ابي اشوفه واتطمن عليه
جلس ابو ثامر وانكسر قلبه على شكل ولده / ان شاء الله بتسافر لرياض ارتاح يا بوك البكى مابينفع صديقك ادع له
ثامر بنحيب / الله يخليك بسافر الحين احجز لي وانا رجال اعرف ادبر اموري
رفع ابو ثامر جواله وتصل بالمطار ولقى حجز الساعه 4 العصر
قفل الجوال / رحلتك الساعه اربع العصر وانتبه لنفسك مر عمك وسكن عنده وبكلمه يستقبلك وبتكون هناك سيارة خاصه لمشاويرك
وقف ثامر وباس راس ابوه / الله يخليك لي يبه ولا يحرمني منك
عند سميه
بعد ما قفلت الجوال من اخوها دخلت المطبخ وسوت فطور خفيف بتاخذه معها لزوجة ناصر على الاقل تلقى احد تنشغل معه ويعوضها فقدها منى بعد ماخلصت
دخلت غرفة البنات وشافتهم نايمات فتحت شنطتها وطلعت لبسها ورجعت للمطبخ مدته على الشغاله تبيها تكويه
انتظرتها لين تخلصه اخذته ودخلت الحمام اخذت شور ولبست بنطلون مخمل كحلي وبلوزه بيضاء فيها ورود بالكحلي ولبست حجاب كحلي
ومرعاه لنفسية زوجه ناصر ما حطت مكياج بتزورها بطبيعتها
رجعت للمطبخ شالت الاغراض وفتحت الشقه ووصلت لشقه ناصر دقت الجرس
عند نوف
كانت ما سكه كتاب بيدها تقراء فيه قطع عليها صوت الجرس وقفت
نوف بجديه / من عند الباب
سميه بجديه / جارتكم اذا معندك مانع افتحي جايه زياره
نوف فتحت الباب بابتسامه/ اهلين بجارتنا
سميه منبهرت من جمال نوف وجذبها شكلها بالبجامه الحرير السوداء
نوف بابتسامه / تفضلي
دخلت سميه وبيدها الاغراض اخذتهم منها
نوف بصدق بابتسامه / اخير شفت احد يهون علي وحدتي
سميه بابتسامه / الفجر جايه من السعوديه
نوف بابتسامه / الحمد لله على السلامه
سميه بابتسامه وعيونها على نوف / الله يسلمك
دخلو داخل وسكرت نوف الباب ودخلت سميه بالصاله
جلست سميه عيونها متعلقه بنوف مانزلت وهي مبهوره بجمالها وطريقتها بالكلام وجاذبتها الالماسه الي تلمع كل ما بتسمت اوجعها قلبها ( انها ترملت وهي صغيره )
نوف استحت من سرحان سميه فيها وشكت ان فيها شي غلط
نوف بابتسامه وارتباك / وش تشربين
صحت سميه من سرحلتها وستحت / أي شي
دخلت نوف المطبخ وتركت سميه بالصاله
سميه في نفسها / ما شاء الله وربي ما قدرت انزل عيني منها سبحان الي خلقها الحين اكيد خافت مني ومن نظراتي كاني وحده مفجوعه ما شفت خير
نوف ركبت على الماء ودخلت غرفة المربيه وشافت شكلها كان شكلها مقبول ما فيها شي غلط
نوف في نفسها / وش فيها اطالعني كذا وربي عينها اكلتني وكسرت عيني ما قدرت اناظرها يمكن مستغربه اني مستقبلتها بالبجامه لكنها ما تصلت فاجئتني بالزياره
طلبت من المربيه تسوي قهوه فرنسيه وتوزع الاغراض الي بالاكياس على الطاوله
فتحت دولابها وطلعت فستان زيتي فيه دوائر مفرغه بالابيض يوصل لنص الساق فكت شعرها الاسود الي يوصل لكتفها ولبست طوق ابيض
طلعت للمطبخ تاكدت ان كل شي جاهز على الطاوله رجعت لسميه
وبابتسامه / حياك الفطور جاهز بالمطبخ
سميه رفعت عيونها وانبهرت اكثر
سميه بنفسها / بالبجامه اكلتك بعيوني اجل بالفستان الله يستر لا تسحدك عيني
وقفت ونوف متضايقه من نظراتها الحاره صارت تقراء على نفسها
نوف في نفسها / شكلي تهورت وفتحت لها الباب من غير لا اتاكد من تكون يمكن ماتقرب لماجد والله وهقه
وبخوف / يويلي لو كانت من الشواذ واتورط معها والله نظرتها مو بنظرت حرمه طبيعيه يارب استرني وحميني منها
سميه لاحظت ارتباك وخوف نوف وتاكدت انها خايفه من نظراتها جلست على طاولة المطبخ
جلست نوف مقابلها وهي تتهرب من نظرات سميه لحارقه علشان ما ترتبك اكثر
سميه بابتسامه بطمنها / اكيد خوفتك بنظراتي سامحيني والله الجمال يشد ويجبرك اطالعينه
نوف بدت تتاكد انه الضيفه من هالنوعيه الي خايفه منهم بعمرها ما صادفتهم ولا تعرف وش يميزهم
نوف بارتباك / مشكوره
سميه بدت تاكل وتحاول تشغل عيونها بالاكل الي قدامها
سميه بابتسامه / اسمي سميه مشرفه طلابيه ومساعده بمدرسه ثانويه للبنات بالرياض اخت ماجد صديق زوجك ناصر
وكملت بحزن / جيت عند اخوي اجلس عند بناته امهم فيها الخبيث وحالتها مطوره
نوف حست براحه دخلت قلبها وتاثرت وحزنت على بنات ماجد صغيرات على اليتم والحرمان من الام خساره وضياع للبنات دمعت عيووونها
نوف بصوت باكي / الله يشفي امهم ويقومها بالسلامه اليتم شي موجع والي جربه يتمنى غيره ما يجربه
سميه تذكرت انها بالعده / عظم الله اجرك بزوجك
كشرت نوف بوجها / اجرنان واجرك
سميه لاحظت تكشيرة نوف وتاكدت ان فيه شي بينهم لكن ما حبت تدخل بخصوصياتهم من اول زياره
نوف سمعت صوت بكا بنتها طلبت من المربيه تجيبها
جابتها اخذتها نوف وضمتها على صدرها وطلبت من المربيه تسوي لها رضاعه
سميه بحنان / يا قلبي صغيره مره
نوف بحزن / توها ما كملت سبوع
سميه بجد / الله يحميها ويخليها لك
جابت المربيه الرضاعه اخذتها منها وبدت ترضعها
نوف وعيونها على بنتها / الله يسلمك يارب
سميه بجديه / رضعيها صدرك حليب الام فيه فوائد كثيره وبيقوي مناعة بنتك وهو غذاء كامل العناصر وبيحميها باذن الله من التهابات الاذن والربو وامراض السحايا وبيقوي عظامها وسبحان الله فيه استقرار نفسي لطفل لقربه من امه
وفيه فوائد للام يحميها من سرطان الثدي و يساعد على رجوع الرحم بحجمه الطبيعي ويساعد الام على انقاص وزنها
وفوق كل هذا انه ما يكلف لاوقت ولا جهد ما تحتاج لا تغلينه ولا تعقمينه لان حرارته مناسبه للطفل
تدرين ان الاجانب صارو يرضعون عيالهم طبيعي لما عرفو فوائدها واحنا يالعرب استبدلنا الطبيعي بالصناعي
نوف بحرقه / صدري نشف من الحليب والبنت رافضه ترضع وعيالي كلهم مارضعتهم طبيعي
سميه باستفهام / عندك غيرها
نوف بابتسامه / عشره وهذي 11 باقي واحد واكمل درزن
سميه ببلاهه / الله يعطيك طولت العمر وتجيبين لها اخوان
نوف ضحكت على شكل سميه واضح انها مافهمتها
نوف بجديه / انا عندي 4 بنات و7 عيال وبنتي الكبيره بثاني جامعه
سميه كانت مكذبه صدقت لما شافت الجديه بكلام نوف
سميه بصدمه / ما شاء الله عليك مو واضح انك متزوجه ماني قادره اصدق او استوعب انك جايبه كل هالعيال وبنتك بهالعمر
قاطعنها نوف برعب وارتباك / تزوجت صغيره والفرق بيني وبين بنتي 18 سنه لاني تزوجت وعمري 17 وجبتها بعد سنه من زواجنا والحين عمري 38
سميه دققت النظر وبتشكك / والله انا اعطيك عمر اخر العشرين واذا كثرت بالثلاثين
نوف بابتسامه وارتباك / الي يشوفني يقول نفس كلامك
نوف بنفسها / وانا ناقصتك يا محقق كونان وتحليلك متى تخلصين وتفكيني خوفي انفضح قدامها شكلها مو بسيطه
سميه انتبهت على نفسها انها زودتها وواضح الضيقه على نوف
سميه بابتسامه / عطي بنتك المربيه وكلي النفاس يبي لها تغذيه وهتمام واذ اهملت نفسها يصيبها خراب
نوف بابتسامه / وش خرابه
سميه بجديه / يا طويله العمر هذي شغلات يعرفنها الحريم الاوليات الخواء على معرفتي المتواضعه هواء يكون برحم واحيان مصاحب له اصوات مزعجه وتسبب احراج لنفاس وفيه حريم تطلقو بسته
الوحده تهتم بنفسها وقت الدوره والنفاس
اهم شي لا تجوعين ولا تبردين واهم شي تتجنبين تمشين حافيه ولازم تدفين عدل وحاولي تبتعدين بنفاستك عن شرب البارد واكل الاسكريم الباميه والملوخيه والشمام والجح وتبتعدين عن الحوامض
وتكثرين من الحوم والفلفل الاسو ينظف رحمك
ويقويه
نوف بصدق / ماشا ءالله عليك عندك معلومات عندك عيال
سميه بحزن / لا ربي ماعطاني صديقاتي مجربات واستفيد منهم
نوف حست بحزنها / قولي الي عندك خليني استفيد
سميه بجديه / فيه شي ينقال له اللهوم وممكن سهل تسوينه بالبيت وهو ( 2 كوب رشاد غير مطحون + ملعقة طعام فلفل مدقوق + ملعقة طعام مسمارمدقوق+ ملعقة طعام كمون +ملعقة طعام يانسون + ملعقة طعام ماش مدقوق + القليل من الحبة السوداء
معروف ان الرشاد والفلفل والمسمار ينظفون الرحم واخراج الدم الفاسد .
و كمون و اليانسون لمعالجة الغازات التي تصيب النفاس و الماش لتقوية الظهر .
وفيه مشروب عشاب تشربينه مثل الشاهي والقهوه : قرفة مدقوقة + قشر قهوة لتنظيف الرحم شمر لإدرار الحليب ويانسون لطرد الغازات
وتستخدمين الحلبة والماش في العشرين الأيام الأولى لفايدتها بتقوية الظهر وبعدها اتركيها لأنها يمكن تسبب رطوبة .
نوف في نفسها / جالسه مع الدكتوره مريم نور على غفله
سميه / والده طبيعي ولا قيصري
نوف / طبيعي
سميه بتعمق / بخياطه ولا بدون خياطه
نوف في نفسها / ياربي وش فيها هذي صارت تدخل بالعميق هذي وش اجاوبها خلني اقول خياطه وسكتها
نوف بضيق / خياطه
سميه بجديه / انتبهي عليها لا تلتهب وادهنيها بالمره سبحان الله مضاد طبيعي واذا طاحت خيوطك اغتسلي بالارطه تشد الرحم
وفيه تحاميل خاصه يسونها عجائز خبيرات تنحط باخر اربعينك والي جربوها يقولون تطلعين كانك بكره
نوف في نفسها / وش هذولاء بعد والله لو اسئلها بتكشفني خلني اسمع وانطم لين تنتهي هالزياره الثقيله
نوف بابتسامه / السوالف نستنا نفطر ولفطور برد
سميه بحب / والله انك دخلتي قلبي واخذت راحتي معك بالكلام ان شا ء الله ما ضايقتك
نوف بمجامله / بالعكس سليتني واستفدت منك معلومات
سميه بجديه / زوريني بشقة اخوي منها تتونسين وتغيرين جو ومنها نتعرف على بعض
نوف / ان شاء الله
بعد ما فطرو وقفت سميه غسلت يدها
سميه / راجعه لشقة امانتك لحتجتي شي تتصلين علي
نوف / بدري عطيني رقمك علشان اتصل عليك اذا بغيت اجيكم
سميه / بدري من عمرك تاركه البنات لحالهم اذا قامو بيفقدوني عطيني ورقه وقلم اسجل لك رقمي
وقفت نوف وفتحت درج بالمطبخ طلعت نوته ومدتها على سميه سجلت رقم جوالها ومدت النوته على نوف اخدتها ورجعتها لدرج
وصلت نوف سميه لباب الشقه بعد ما طلعت
سميه تسندت على الباب وتنهدت براحه
عند ركان
تارك باب البيت فاتح كان جالس بالصاله ينتظر صقر مايبي سوالفهم تزعج ابوه وتصحيه
عند صقر
دخل بيت ركان وهو ما يشوف من العصبيه والقهر دخل الصاله شاف ركان رمى الاغراض الي بيده بقسوه على الارض
عند ركان
لما شاف الاغراض المرميه توقع مزحه من مزحات صقر وتفاجى وهو يشوف عيون صقر حمراء ووجهه محتقن من العصبيه بعمره ما شاف صقر بهذي الحاله صقر حليم مو بسهوله يعصب
وقف خايف قرب من صقر ومسكه بيده وجلسه على الكنب
ركان بخوف / وش فيك وش صاير
صقر بعصبيه وقهر / ابشرك طلعت متزوج من 12 سنه واليوم زافين لي خبر زواجي
ركان بصدمه / هدي وش قاعد تخربط فهمني حبه حبه
صقر بابتسامة حزن وسخريه / علشاني كنت العب مع البنت واشيلها وهي صغيره واشتري لها اغراض دبسوني فيها وزوجوني منها لو كل واحد شال بزره زوجهم كان كل البنات تزوجو شفت شلون التفكير والعقليه
ركان كانه يسمع نكته وديه ينفجر ضحك لكن لا الموقف ولا شكل صقر يسمح بضحك
ركان بجديه / للحين ماني فهم شي
صقر وبضيقه / قال كل شي لركان وتدري منهي زوجتي
ركان بحماس / منهي
صقربضيق وقهر / اخت تركي صديقنا البنت بزره كبر ديما
ركان بجديه / هدي الحين انت معترض على الزواج ولا على طريقته
صقر بجديه / مصيرنا نتزوج اكيد معترض على طريقته
ركان بجديه / انت رافض البنت لعمرها ولا علشان اخلاقها
صقر بجديه / اعتراضي على عمر البنت وعلى طريقة الزواج والبنت امي تمدح دايم باخلاقها والبنت من منبت طيب ويكفيها اني اعرف اخوانها واهلها
ركان بجديه / حلو كلامك تدري لو اني مكانك استقبلت الموضوع بفرح يكفي انها اخت تركي وبيجمعك فيه نسب وتركي نسبه ينشرى وثانيا العمر مو عايق في كثير تزوجو اصغر منهم بكثير وعايشن بسعاده وراحه
صقر بجده / لكن
ركان قطع كلامه / انسى هالموضوع وخلهم على تخطيطهم وشوف النهايه شلون بتصير يمكن ما يصير نصيب ويطلبونك اطلقها خلك ما شي مع التيار لا تمشي عكسه لانك بتخسر امك وصديقك ويمكن تسبب فضيحه واهانه للبنت وبرفضك منها تكسرها
صقر حس براحه من كلام ركان بيطنش الموضع ماكانه سمعه وبيشوف وش بتخبي لهم الايام
صقر بابتسامه / جهز الفطور
ركان بمزح / على رميتك للاغراض اتوقع تكسرت ومراح ناكل الا حسره
صقر قرب من السله وشاف الاغرض ما صار لها شي صحيح الترتيب معتفس لكن العلب مغطاه بقوه
صقر بابتسامه / لا ابشرك بنفطر
في شقة سلطان
طلعت من عندها ندى راجعه للمجلس تصلي الضحى
ومنى بعد ماجهزت الفطور طلعت من المطبخ ودخلت غرفتة غلا تصحيها
طلعت شافت وليد وسلطان بالصاله
منى بستغراب / وينها ندى
وليد ببرود / بالمجلس
منى بعصبيه / وليد ترى معاملتك لخالتك مو عاجبتني اذا تحب امك عاملها زين علشان يقولون منى عرفت تربي
وليد باستسلام / ان شاء الله
سلطان في نفسه / ياحبيبي شكل طاقتها صحبه وانا الي احترق وبضيع بالرجلين ياليت تشب بينهم حريقه وتطلب مني اطلق هالمصيبه وربي لطلقها من غير تردد اهم شي ترجع لي
منى تركتهم ودخلت المجلس ارتاحت وهي تشوف ندى تصلي الضحى
جلست بهدؤ على الكنب تنتظرها تخلص بعد ما خلصت
منى بابتسامه / تقبل الله
ندى نزلت جلال الصلاه / منا ومنكم
منى بحنان / الفطور جاهز ننتظرك
وقفت ندى / يله مشينا
طلعت مع منى ودخلو المطبخ شافت وليد وبنت شكلها تاخذ العقل
منى بابتسامه لغلا / غلويه سلمي على خاله
غلا وقفت وسلمت عليه وببرائه / ماعندي غير خالتي نجود هذي شلون تصير خالتي
منى بابتسامه / خالتك لان ابوك متزوجها
كشرت بوجهها
منى بعصبيه / غلا احترمي خالتك ولو شفتك مره ثانيه عافسه وجهك بزعل عليك ويله سلمي عليه وعتذري منها
قربت منها غلا وباستها / اسفه
ندى بحب / تسلمين حبيبيتي وبعدين انا ما زعلت علشان تتاسفين واكيد بنصير صديقات
منى بقهر / ندى والي يعافيك نادى سلطان يفطر
ندى طلعت لصاله شافت الحزن مرسوم بوجه سلطان وسرحان
ندى بحيا / سلطان تعال افطر
سلطان بنفسه / طلقتيني يامنى وسلمتيني لغيرك
وقف ودخل المطبخ وهو مطنش ندى وندى تتبعه مقهور من تجاهله
جلست جنب سلطان ومنى جنب عيالها
رفعت منى جوالها واتصلت على صديقتها ابوها عنده غنم
منى / الو
لطيفه / هلا بمديرتنا
منى بابتسامه / مديرتك عندها عزيمة غداء وابي ذبيحة تبيض وجهي عند ضيوفي
لطيفه / بقول للوالد بالي تبينه لكن شلون توصل لك
منى بجديه / برسل لك سواق سميه بياخذها من عندكم بيوصلها للمسلخ اهم شي تقولين كم سعرها علشان ارسل لك الفلوس معه
لطيفه / بسكر واكلم ابوي بساله عن سعر افضل ذبيحه عنده
قفلت من لطيفه وعيون ندى عليها ابتسمت بوجها
ندى تستمع للمكالمة مستغربه ان سلطان راضي ان زوجته تقوم بدوره والي تسويه مستحيل يرضى ابوها ان امها تسويه هو
الي يطلع يختار الذبيحه ويشرف عليها ويسلمها لامها جاهزه وعلى امها طبخها واحيان يوديها المطعم
زاد اعجابها بالانسانه الي قدامه ومقهوره من سلطان حرام الي مثل منى يتزوج عليها زوجها وهي كامله ماناقصها شي ( صدق عيونهم مايملاها الا التراب )
قطع تفكيرها جوال منى
منى / الو
لطيفه / ابوي يقول لك المتوسطه النجديه 1000 ريال والكبيره 2000 ريال والنعيمي 900 الى 850
منى بصدمه / لهدرجه سوق الغنم غالى يعني الي راتبهم قليل ما ياكلون لحم صار ماياكل الحوم الا الاغنياء والتجار والباقين لهم الله حدهم الدجاج والتونه حتى السمك غلا
لطيفه بجديه / تجار الاغنام يتعذرون بغلا الشعير والعلف يقولون الشعير وصل 39 وبشرك بيزودونه ومكعب البرسيم المضغوط 32 ما ندري من الي بنلومه تجار الغنم ولا تجار العلف
منى بجديه / فكينا من سوالف الغنم والاعلاف
ضيوفي قدرهم عالي ابي افضل شي لاني جاهله بنوعيه الاغنام وعتمادي على ابوك والفلوس بتوصلك مع السواق
قفلت من لطيفه واتصلت على سواق سميه تطلب منه يجي
ندى طول وقتها تراقب تصرفات منى وردت فعل سلطان البارد وانصدمت من غلا الاغنام وفرحت ان منى حطت قدر لاهلها وطلبت افضل نوع ودها تقوم وتبوس راس هالانسانه مالها يوم متعرفه عليها وبين معدنها الاصلي
وقفت منى ودخلت غرفتها ناويه تتصل على اخوها وتعزمه مع خويه وتريحهم من اكل المطاعم
في شقة عبدالله
بعد ما رجعو من صلاة الفجر كلن دخل غرفته يرتاح يوم الجمعه ثقيل
على الساعه 9 قام عبد الله وسوى فطور خفيف حط الفطور بالصاله ودخل غرفة نايف وصحاه قام نايف دخل الحمام اخذ شور سريع وطلع وجلس مقابل عبدالله وبعيونه كلام
عبدالله بابتسامه / قول الي بخاطرك
نايف بجديه / امس يوم رجعنا من بيت اختك شكلك متضايق وما حبيت اسئلك كلمت اختك بموضوعي ولا لا
عبد الله وهو يغمس الشابوره بالحليب / ايه كلمتها ما عندها مانع واليوم باذن الله بكلم صقر
نايف بجديه / اترك صقر علي بجيه لعنده اخطب
الا بسالك خاف ابوها يزعل ويرفض لدرى اني تعديته وخطبت من خالها
عبدالله بقهر / تطمن ابوها من طلق ام وليد وهو رامي مسئوليتها على صقر وماله أي حق فيها علشان يرفض او يقبل
نايف بجديه / لو رفضني ما تقدرون تجبرونه لانه بالاول والاخير ابوها ولي امرها والزواج ما يتم الا بموافقته
سمع عبدالله صوت جواله الي تاركه يشحن بالغرفه وقف ودخل غرفته شاف رقم اخته
عبد الله بحب / هلا الطيب عند ذكره
منى بابتسامه / تحش فيني قدام خويك ياقليل الخاتمه
عبدالله بحب / نحش فيك بكل خير غريبه وش عند متصله علي الصبح
منى بجديه / عندي ضيوف قلت اكلمك اعزمك انت وخويك على الغداء قلت ارحمكم من اكل المطاعم
عبدالله بحب / ما تقصرين بحط خبر عند نايف اذا رضى غدانا عندك واذا رفض اسمحي لنا
منى باصرار وبابتسامه / غصب عنكم بتجون ولا وربي لزعل عليك وقول لخويك اذا ماحضر غداي مراح ازوجه بنتي
عبدالله / ههههههه والله ومسكتي الرجال بيده الي توجعه اضمن لك انه بيسبقني للغداء
منى بابتسامه / يله فمان الله السواق يتصل علي
عند منى
قفلت من اخوها وفتحت شنطتها وطلعت بوكها واخذت منه فلوس وحطتهم بالظرف وطلعت لصاله شافت سلطان جالس بالحاله
دخلت غرفة وليد / وليد حبيبي خذ هالظرف وعطه السواق الي تحت
اخذ الظرف من امه وطلع برى الشقه واستغل سلطان وجودها بغرفة ولدها ودخل عليها
التفت عليه منى / خير وش عندك
سلطان بقهر / جاي اعتذر عن كل شي سويته واطلب منك السماح ولو تبيني اطلقها الحين طلقتها بالثلاث
منى بعصبيه وصراخ / انت شتقول وين عقلك يوم تزوجت ولا تحسب الزواج لعبه وبعد ما تزوجت بنت الناس بترميها شايف بنات الناس عندك تسليه مثل ماتزوجتها برضاك حافظ عليها ولا تظلمها عندك بنت مابي ربي يعاقبها بخبال ابوها
وانا عاااااااايفتك ونفسي طابت منك مستحيل تقرب مني ترى الي متزوجها طيبه لا تضيعها وتخسرها مثل ما خسرتني
عند ندى
كانت بتدخل الحمام وسمعت كلامهم اوجعها قلبها ان سلطان مجبورعليها وينتظر اشاره علشان يطلقها وكلام منى ريحها ومثل البلسم على روحها وجمايل ها لانسانه خانقتها
لو بكيفها تركته لان الي مثل سلطان ماعليه حسوفه لكنها ما صدقت بالاستقرار وسلطان جسر لتحقيق امومتها
عند تركي
على جلسته بالحديقه وفكره طار لوصية اخوه ما يقدر يجلس دقيقه وحده بفرنسا ووصيه اخوه معلقه
رفع جواله واتصل على اخوه
تركي بضيق / سالم شخبارك
سالم بجديه / الحمد لله متى وصلتو
تركي بجديه / الفجر وصلنا
سالم بحماس / كلمت ماجد وقريت الوصيه
تركي بجديه / ايه قريتها وعلشان كذا متصل عليك لازم تجي فرنسا وتجلس عند شوق واخوانها فيه شغله تخص الوصيه لازم اكون موجود بالسعوديه هاليومين
سالم بجديه/ بحاول اخلص شغلي واجيك
تركي باصرار / عندك اليوم وبالكثير بكره اكثر من كذا ما قدر اجلس لازم اكون بالجنوب
سالم بستغرب / وش لك بالجنوب
تركي بقهر / بعدين اقولك اهم شي لا اطول علي
سالم / ان شاء الله بحاول الا شخبارها شوق واخبار نفسيتها
تركي بجديه / معليها تسامحت منها والاوضاع بينا زينه
سالم بحنان / لا تقسى عليها حط في بالك انها يتيمه وعوضها حرمان ابوها
تركي بجديه / لا تشيل هم ان شاء الله الي تبيه بيصير وطمن امي عليها متاكد انها تفكر وتحاتي شوق
سالم / يوصل يله مع السلامه
تركي / مع السلامه
عند شوق
جالسه مع الهنوف في غرفتها وماهر مع شغالة الهنوف البنانيه عجوز تحب الاطفال
وخوانها بغرفتهم نايمين وسحر وسمر بالصاله يفطرون
الهنوف بطفش / وش رايك نطلع نتسوق من زمان ما طلعت لسوق
شوق بحماس / والله فكره فيه شغلات محتاجتها علشان الرسم وشغلات خاصه لهوايتي المفضله
الهنوف بسخريه / الي بعرفه وش تستفيدين من الشغلات الغريبه والمقرفه الي تشترينهم
شوق بابتسامه / تقدرين تقولين ادمان على هالشغلات و عندي امل كبير اني اتوظف بالشرطه
الهنوف بمزح / اطلعي للمزيون الي برا واستاذني منه علشان يسمح لك تطلعين معي لسوق
شوق بابتسامه / الله يستر على عمي من عيونك
الهنوف باعجاب / عمك فيه موصفات فارس احلامي
شوق بجديه / بعدي عن عمي متزوج
الهنوف بخيبه / خسااره
طلعت شوق لعمها وترجته وبعد الحاح وافق
طلعت شوق مع الهنوف وركبت سيارة سواقهم وصلهم لسوق
دخلت محل اشترت منه شغلات خاصه برسم وشغلات تنكريه ودخلت محل اشترت منها بخاخات مخدره ( منومه ) ومسدسات لعبه طبق الاصل
الهنوف بقرف / ابي افهم وش حقه شاريه البخاخات
شوق بجديه / ما تدرين يمكن احتاجهم وتعتبر من وسائل الحمايه بعد حماية رب العالمين ابخ الخاطف بخه بوجه وينام لا قتل ولا اجرام
حبيباتي السموحه لاني بغيب عنكم عشر ايام في هالفتره بكون مسافره ولا اقدر اتواصل معكم فاطلب منكم تقبل اعتذاري ( ايام بتمضي باذن الله ونلتقي من جديد )
توقعاتكم
اختكم نسايم نجد
|
04-04-11, 03:57 PM
جديد مواضيع قسم الارشيف
العرض العادي
