كاتب الموضوع :
نسايم نجد
المنتدى :
الارشيف
جزء اليوم جزء طووويل وجريئ ( ناقشت موضوع مهمم ) دخلت ثلاث شخصيات جديده شخصيتين فرعية ووحده بتستمر معكم طول الروايه وسبق وقلت هذا البارت من مخيلات قلمي لم يسبق له التخطيط
باستثناء القليل والقليل جدا ( والوصيه مخطط لها وراسمتها من بداية كتابتي لروايه وعلى اساسها بتصير شغلات واحداث كثيره )
احب افرحكم ببارت اليوم بتوصل لتركي الوصيه وبتقرونها معه
اتمنى الوصيه تعجبكم
البارت الثاني عشر
عند ساره
فاقت من صدمتها ونزلت تحت شافت شوق جالسه بعبايتها وهي تبكي لاحظت ان خدها احمر واضح عليه طبع الاصابع وسالم جالس حزين وهيا منزله راسها تبكي
قربت من شوق وبصدمه / ليش بتسافرون فرنسا وبعدين من الي ضاربك
شوق / ..........
ساره بصراخ بوجه شوق / ليش ساكته ابي افهم
شوق بصراخ وبصوت باكي / الكف الي بوجهي من جدتي والمكان الي انضربت فيه مستحيل ابقى فيه فهمتي الحين
ساره بصدمه / مستحيل امي تضربك طيب ليش وش السبب
شوق بعصبيه / السبب اني ادافع عن امي من ظلمها والسبب اني وضحت لها حقيقة ابوي ما رضت ولدها ينهان وهي راضيه تهيني وتوجعني بامي باي عداله هذي
سالم بصوت تعبان / شوق خلاص لا توجعيني وتوجعين نفسك الي تبينه بيصير وبتسافرين فرنسا
جلست ساره وضطرت تسكت ماعندها كلام تقوله لانها متاكده ان امها غلطانه
شوق سكتت ما تبي تضايق عمها سالم
عند تركي
دخل غرفته دخل الحمام اخذ شور ولبس بنطلون جنز وقميص اسود لاكوست
اخذ شنطه صغيره فوق الدولاب وجهز ملابسه والشغلات الضروريه وسكر الشنطه ونزل تحت
التفت لشوق / يله شواقتي
شوق شالت ماهر وبيدها الثانيه مسكت ماهر
قرب منها وشال فارس
شوق قربت من عمتها هياء وحضنتها / مع السلامه ويا ليت تزوريني بفرنسا لاني بحاجتك
هياء وبصوت باكي / انتبهي على نفسك وعلى اخوانك
وقف عمها وسحبها من حضن هياء / مع السلامه ولا اوصيك على نفسك وعلى اخوانك والتبسي لامك العذر لا تظلمينها قبل لا تسمعينها
شوق بصوت باكي / ان شاء الله
وقفت ساره وحصنت شوق وصارت تبكي بحرقه / مع السلامه شوق ويا ليت تسامحين امي وترجعين انتي تعرفين غلاك عندها
سحبت نفسها من عمتها وطلعت مع عمها وخوانها من غير لا ترد على ساره
ركبو سيارة تركي والسواق ووصلو المطار
وركبوا لطياره الخاصه ودقائق وتم الاقلاع
في بيت صقر
صقر بغرفته مل من الحبسه اتصل على جوال نجود وطلب منها تقول للبنات يطلعون بيجلس مع خالته من زمان عنها
بعد ما قفلت نجود الجوال التفتت على البنات
نجود / صقر بينزل بيسلم على خالتي اطلعو فوق او دخلو مجلس الحريم
ديما بجديه/ لا طالعين فوق بنريح
طلعو البنات بعد ما دخلو الغرفه كلمة نجود صقر وقالت له ينزل
نزل ودخل الصاله باس راس خالته وراس امه وجلس بوسطهم
صقر بجديه / شخبارك خالتي ا ن شا ء الله ما تشكين باس
ام مرام بحب / الحمد لله ياولدي من زمان عنك ان شاء الله علومك زينه
صقر / الحمد لله كل شي يسرك
ام صقر / نجود سوى لنا عشاء
صقر رحم نجود من التعب / العشاء علي
والتفت على نجود / اليلة راحه من الطبخ والمطبخ وانا عازمكم اختارو المطعم الي تبونه وطلبو منه
نجود ب ابتسامه / اخذ راي امي وخالتي وش خاطرهم فيه
ام صقر / الي تبيه اختي هاتو منه
ام مرام بجديه / فيه مطعم نسائي جديد فاتح بنطلب منه بنشجع هالبنات على هالمشاريع الي تبيض الوجه
صقر باستغراب / مطعم نسائي ما قد سمعت عنه
نجود بجديه / ما شاء الله عليهم ما حد وقف بوجه مشروعهم ويقولون ان ابو وحده منهم هو المتكفل بكل شي يوم شاف عند بنته موهبه الطبخ فتح لها المحل وجهزه وقال لها أي بنت تعرف تطبخ تشغلها عندها وفي بنات شاطرات ومحتاجات والحين بدا يشتغل لكن دعايته ضعيفه محد درى عنه
ام صقر / اجل بنطلب منه عشانا منها ناكل ومنها نشجعهم ومنها نكسب اجر الي ارغمتهم الحاجه لشغل
صقر بجديه / احد جرب اكله
ام مرام بجديه / جارتي كلهم مجرباته ويمدحونه ويقول تعامل هالبنات زين معهم
ام صقر / الله يفتحها بوجهم ويرزقهم الرزق الحلال
طلبت نجود من المطعم
عند سلطان
كان في الزواج وجالس جنب صديقه خالد
خالد بابتسامه / سلطان ما شتهيت تعرس وتعيد ايام عرسك
سلطان ببرود / لا وش لي بالزواج والخسائر
خالد بوقاحه / على الاقلق جرب واخذ لك بنت ما لمسها احد غيرك والله انها متعه فوق ما تتصور
سلطان بطفش / والبنت وش تبي بواحد مفلس وفوقه متزوج وعنده عيال وبعدين مالي ومال المشاكل ووجع الراس لدرت ام وليد
خالد بجديه / شوفني قدامك معرس على اكثر من خمس وزوجتي ما تدري عني ام مشاري وشايلتني شيل
سلطان بصدمه / خمس تعديت الشرع
خالد بابتسامه وبوقاحه / اتزوج واخذ حاجتي واطلق واشرط عليها ما تجيب عيال واذا جابت مستحيل اسجلهم بسمي واقول مو عيالي وجايبتهم بالحرام متزوجها انبسط وهيص وجدد شبابي
سلطان وبسخريه / من كثر فلوسك علشان كل يوم معرس
خالد بجديه / ما سمعت زواج المسيار ما تدفع ريال وتسكن في بيتها وهي مبسوطه
سلطام مستغرب / وش ها لزواج واكيد انه زواج متعه حرام
خالد بجديه / من قال انه حرام المشايخ حللوه وبعدين تراه يفرق عن زواج المتعه زواج المسيار متوفر الشروط باستثناء التشهير والاعلان والمهر هي متنازله عنه
سلطان قلبها براسه / طيب من وين تجيبهم البنات الي بتسير عليهم
خالد بجديه / اذا عزمت قولي فيه بنات عارضات انفسهم بالانترنت او عند خطابه يبن الستر وعليهم جمال يذبح
سلطان نفسه يجرب لكن خاف ينفضح وينكشف مرضه قرر يجرب مراح يخسر شي
سلطان بحماس / اذا وافقت على المسيار اقدر بكره اسير
خالد / ههههههههه متحمس يله قوم معي اعرف وحده عارض بنته علي مسيار وانا توني متزوج بروح له ونجيب الشيخ تملك وتسير عليها الليله
سلطان بصدمه / الحين جاين الزواج تبينا نطلع
خالد وقف / ما غرت من خويك وتبي تصير مثله اذا انا يلي شبعان مسيار غرت
سلطان وقف / طيب وش عذرنا طالعين اول الناس
خالد بجديه / معليك انا ادبرها
وصلو للمعرس وسلمو عليه وتعذرو ان الشغل متصل عليهم وعندهم استلام
عند ام فواز
وصلت للمستشفى ودخلت وسالت عن قسم الولاده مشت معها الممرضه تدلها على المكان شافت ولدها من بعيد يمشي بتوتر
قربت منه وبابتسامه حنونه / شلونك يمه
فواز فرح لما سمع صوت امه بحاجتها / الحمد لله زين انك جيتي تعرفيني ما عرف اتصرف بها لامور
ام فواز / شلونها ثريا
فواز بقلق / عطوها طلق صناعي من ساعه والحين بغرفة الولاده
ام فواز بحنان / الله يقومها بالسلامه ارتاح يمه شكلك متعب نفسك
قبل لا يرد طلعت الممرضه في وجها ابتسامه
قربت من فواز / مبروك زوجتك ولدت بنت مثل القمر
فواز بخوف / شخبار الام
الممرضه بابتسامه / طيبه بعد نصف ساعه بيطلعونها غرفتها
فواز فرح وفتح بوكه وطلع 500 ومدها على الممرضه بشاره لان شفقان يبي بنت
ام فواز بفرح / مبروك يمه
فواز بابتسامه / الله يبارك فيك
ام فواز قربت من الممرضه / اقدر اشوفها
الممرضه / ايه
دخلت ام فواز على ثريا واضح من شكلها انها تعبانه وباقي العرق على جبينها شافت خالتها ابتسمت قربت منها ام فواز
ام فواز بحنان / الحمد لله على سلامتك ومبروك البنيه
ثريا بتعب / الله يسلمك ويبارك فيك ااااه يا خالتي ذبحني الطلق الصناعي
ام فواز بحنان / ما اجوره يا بنتي حبيت اتطمن عليك والحين طالعه بيطلعونك لغرفتك
ثريا بحب / الله يجزاك خير والله لا يحرمني منك دخيلك يا خالتي كلمي امي بشريها
ام فواز رفعت جوالها واتصلت على ام ثريا الي ساكنه بالشرقيه وبشرتها وامها فرحت بالبنت لانها البنت الوحيده احفادها كلهم عيال
طلعت ام فواز واستغربت ما شافت ولدها تاكدت انه بالحضانه يشوف بنته
بعد ما تطمنت على ثريا ما قدرت تبقى اكثر من كذا وقلبها ما كلها على اختها
طلعت من المستشفى وفي السياره كلمت ابو فواز وبشرته وفرح بحفيدته يميل للبنات ويحبهم
وبعده اتصلت على اميره تبشره فرحت اميره كثير لفرح اخوها وزوجته لان طول الحمل تقول ادعو لي اجيب بنت وربي رزقها البنت الي تمنتها
عند ام سالم
بعد ما تاكدت ان شوق سافرت مع اخوانها طلعت من مجلس الحريم وهي منكسره مرت من الصاله وسالم موجوع على شكل امه طلعت فوق لغرفتها
انسدحت على سريرها وصارت تبكي بحرقه
تحت
ساره شافت امها ما قدرت تصبر لحقتها خايفه عليها طلعت ودخلت غرفة امها شافت النور خافت وصوت نحيب وانين امها ركضت وقربت منها
سار بصوت باكي / يمه الله يخليك لا تبكين شوق بترجع
ام سالم بصوت باكي / كسرتها والمكسور ما يتصلح
ساره قربت من امها وبصوت باكي / مصيرها تنسى وترجع الحين مجروحه واذا طاب جرحها بترجع وبتتسامح منك
ام سالم صارت تنتفص من البكي وبصوت محروق / كلميها خليها ترجع وانا الي بتسامح منها وقولي لها جدتك بتحط امك على راسها ووعد ما جيب طاريها بسوء لكن خليها ترجع وترجع لي عيال الغالي
عند سميه
طلعت من عند منى وصلت المطاروقبل لا تنزل من سيارتها طلبت من السواق كل يوم يوصل منى لمشاويرها واذا كلمته ينفذ لكلامها
دخلت المطار شيكت على موعد الرحله باقي ساعتين
جلست بكفتريا بالمطار تنتظر موعد الرحله انتظرت الساعتين وهي على نار تا كدت ان اسمها من بين اسماء المسافرين ركبت الطياره وجلست مكانها وجنبها عجوز ربطت الحزام وسندت راسها على الكرسي بعد نص ساعه تم الاقلاع
عند منى
مع سفر سميه دخلت الضيقه لصدرها من عندها الحين تشكي وتفضفض له لضاق صدرها
كانت جالسه على طاوله بالمطبخ تريح بعد وقفتها الا على دخلت عبد الله شافها سرحانه
شافها سرحانه حس بضيقتها متاكد انها مو مرتاحه مع سلطان وكملت عليها قسوة ديما هو ما يلوم ديما ولا يلوم امها
قرب منها وجلس مقابلها وهي ما حست فيه
عبد الله بقلق / صاير بينك وبين سلطان شي
منى فزت على صوت اخوها وبابتسامة الم / لا
عبدالله بحنان / طيب ليش متضايقه ومتكدره
منى بصدق / صديقتي سافرت لفرنسا وما اتخيل نفسي بدونها كل يوم نمر على بعض ونشكي حق بعض غير اني كل يوم مقابلتها بالمدرسه بفقدها
عبد الله بحنان / قلتي مسافره مو ميته لا سمح الله كلها كم يوم وترجع وتملين منها
منى / الله يعديها الايام على خير الا انت ليش تارك خويك وجاي عندي
عبد الله بحب / استغليت وجوده بالحمام وجيت اشوفك وقول يجعل يدك ما تمسها النار على ها الطبخ
منى بابتسامه / الحمد لله افهم انه عجبكم وبيضت وجهك عند صديقك
عبد الله بحب / طول عمرك ووجهك ابيض وافتخر انك اختي
منى مسحت على يده وبابتسامه / الله لا يخليني منك يالغالي
عبد الله وقف / ولا منك يا ليت منى تسوين لنا شاهي اخضر من كثر ما كلت احس اني مخنوق
منى وقفت / من عيوني
عبدالله / تسلم لي العيون وراعيتها
عند سلطان
بعد ما طلع من الزواج وصل لبيت البنت الي بيتزوجها مسيار رحب فيهم ابوها
من شكل بيتهم واثاث المجلس واضح انهم من الطبقه الوسطى جلسهم ابو البنت بالمجلس
خالد بجديه / يا عم صديقي بيتزوج بنتك مسيار
ابوها بفرح / احنا نشتري رجال وترى بنتي ما تطلع من بيتي وسكنكم بالملحق
سلطان مستغرب شلون اباء يرخصون بناتهم ويزوجونهم بهالطريقه لرجال ما يعرفون عنه الا اسمه
خالد بحماس / اجل بطلع اجيب الشيخ يملك ويدخل عليها الحين
ابو البنت / على بركة الله
دخل ابو البنت وحط خبر عند بنته الي تعدت الثلاثين وما حد خطبها
ابو ندى / ندى الحين زواجك
ندى بصدمه / الحين
ابو ندى / الرجال بيجيب الشيخ وبيكون زواجكم مسيار
ندى بصدمه / انت ترضاها لي يا بوي وتزوجني مسيار وبالخش
ابو ندى بحزن / ابي لك الستر يا بوك والرجال من شكله فيه خير
ندى بستسلام وضيقه / امري لله
ابو ندى / البسي وكشخي وطلعي للملحق بتكون دخلتك هناك
ندى بحرقه / طيب
ام ندى طول الجلسه ساكته نفسها مثل كل ام تفرح ببنتها قدام الكل وتسوي زواج لا صار ولا استوى لكن بنتها عنست ومحد طق بابهم
طلع من عندها ابوها وطلعت لغرفتها تتسابق مع الوقت اخذت شغلاتها الضروريه وطلعت للملحق
بيت الجده ام سالم
كانت هيا وسالم بالصاله ساكتين متضايقين على الي صار ولا بيدهم شي
هيا بحزن / سالم اذا ما عندك مانع اذا شوق عاندت وجلست بفرنسا اسمح لي بسافر واجلس عندها
سالم مستغرب / وش بتسوين عندها
هيا بحزن / محتاجتني بهالوقت امها غايبه عنها وبتصير كل مسئوليه اخوانها عليها على الاقل اريحها من معوبل هالصغيرين
سالم قرب منها وباس راسها / الله لا يحرمني منك وانتي شايله هم الكل وتفكرين فيهم
هياء بحب / ولا يحرمني منك يا نور حياتي
سالم بجديه / يومين وباذن الله اذا ما رجعو باخذ اجازه ونسافر بكلم تركي يرجع
هيا بفرح / تسلم يا لغالي جعلك سالم
سمعو صوت الجرس وقف سالم
سالم / بطلع للمجلس
دقايق شافت ام فواز داخله وقفت هيا ومشت لها وباست راسها
هيا / وينك يا خالتي من اليوم انتظرك
ام فواز بابتسامه / كنت بالمستشفى ابشرك فواز جاله بنت
هياء قربت منها وباستها وبابتسامه / الف مبروك
ام فواز بحب / الله يبارك فيك وعقبال ما تجيبين البنت
هيا بابتسامه / بنات ناصر بناتي
ام فواز با عجاب / ما تقصرين الا وينها ام سالم
هياء بحزن / صارت مشكله بسيطه مضايقه خالتي والحين فوق دخيلك خالتي طلعيها من حزنها ويا ليت تنامين عندها تراها بحاجتك
ام فواز بخوف / وش صاير بعد
هيا بحزن / زعلانه من سفر عيال ناصر رجعو لفرنسا وهذا الي مضايقها
ام فواز مستغريه / شلون يرجعون فرنسا وعزا ابوهم ما خلص وخوهم طايح بالمستشفى
هيا / اطلعي لخالتي وبتقولك كل شي
طلعت ام فواز وهيا رجعت مكانها بالصاله
وصلت لغرفة اختها ودخلت شافتها تبكي بحرقه وجنبها ساره تبكي
ام فواز بجديه / ساره اطلعي لغرفتك وتركيني مع امك لحالنا
طلعت ساره وام فواز قربت من اختها وجلست على كرسي جنب سريرها
ام فواز بجديه / ليش مضيقه خلقك علشان عيال ناصر سافرو مصيرهم بيرجعون
ام سالم بحرقه / كسرت بنت الغالي وضربتها مارحمت انها يتيمه
شوق ما خذه مني قوة الراس والعناد ويويله الي يغلط عليها واذا احد غلط بحقها ما تسامحه
شوق نسخه مني شلون ما عرفت اتفاهم معها فقدت اعصابي وانا اسمعها تقلل من ابوها قدامي ومبسوطه بفعايل امها وتفتخر فيها ما قدرت استحمل فقدت سيطرتي على اعصابي وضربتها
ام فواز اطمنها / ارتاحي شوق مصيرها تلين وانتي تعرفين غلاك عندها اذا جيتيها بكلمتين طيبه بتلين وترجع لحضنك
ام سالم بصوت باكي / يا ليت ونذرن علي معاد امد يدي عليها
ام فواز بجديه / زحفي لي بنام جنبك والله ما تحلفين علي ارجع لبيتي لاني بحلف وقول والله ان نومتي اليله عندك
ام سالم / حياك الله مع اني كارهه تتركين ابو فواز وهو ما كمل يوم عندكم وش بيقول
ام فواز / معليك من ابو فواز متفاهمين وابشرك فواز جته بنت
ام سالم بفرح / جعله مبارك اكيد انه مستخف من الفرحه
ام فواز / اكيد بيستخف الله يخليها لهم
ام سالم / شلونها ثريا جعلها ما تعبت
ام فواز / الحمد لله بخير الي موجعها الطلق الصناعي
ام سالم / تعشيتي
ام فواز بجديه / لا والله ماكلت شي
ام سالم بجديه / اجل يله ننزل نتعشى
وقفت ام سالم وام فواز ونزلو تحت شافتهم هياء وانبسطت انها تشوف خالتها نازله
قربت منهم / احط لكم عشاء
ام سالم بزفرة / قولي لطباخه تحطهم
ام سالم واختها دخلو الصاله وجلسو
دخلت هياء وطلبت من الطباخه تسوي عشاء خفيف وساعدتها بترتيبه على طاوله
طلعت لهم / يله العشاء جاهز
عند تركي
جالس جنب شوق الي بحضنها ماهر الجو كئيب بينهم سند راسه على الكرسي وغمض عيونه ومرت صاحبة الصوره قدام عيونه ابتسم لا ارادي وارتعش قلبه
تركي في نفسه / يا زينك ويزين شوفتك يا لهنوف جت من الله وبشوفك واقع قدامي اكيد بتصيرين احلى من الصوره
التفت على شوق بخاطره يتكلم عن الهنوف يحس بمتعه لقال اسمها وتكلم عنها
تركي بتردد / شوق نمتي
شوق ببرود / لا الي يعرفكم من وين يجيه النوم
تركي مسك يدها بحنان / شواقتي لا تقسين على عمك وانتي تعرفين زعلك يعذبني
شوق بحزن / قول ها لكلام لنفسك انت وامك سبب ضيقتي
تركي باعتذار / انا اسف وتوبه اضايقك ولا اجيب سيرة امك
شوق بضيقه / اذا تبيني ارجع معك مثل اول توعدني ما اسمعك تتكلم عن امي
تركي باستسلام / وعد ولو تبيني احب راسها واعتذر منها سويتها كله ولا زعلك
شوق بمزح خبيث / خلك بعيد عن امي اخاف لشفتها تنجلط ويصير بعقلك شي
تركي في نفسه / اكيد شكل امك الفيله بيجلطني
عند منى
بعد ما طلع اخوها من عندها دخلت غرفة وليد شافته نايم واضح انه مرتاح ودخلت غرفة بنتها شافتها نايمه
رجعت للمطبخ تطمن على شغالة سميه شافتها جالسه مع شغالتها يتعشون بعد ما خلصو شغل رجعت لغرفتها دخلت الحمام اخذت شور وانسدحت على سريره ومن التعب نامت
عند سلطان
بعد ما جاء الشيخ وتملك اخذه خالد وطلع معه
ابو ندى / زوجتك تنتظرك بالملحق
سلطان لما تاكد ان السالفه صارت جد حس بطنه يمغصة من الخوف
ابو ندى / تعال يا ولدي بوصلك لعروسك
مشى ورا ابو ندى برجول تنتفض متاكد انه بينفضح مع بنت الناس وبقلبه يدعي على نفسه شلون طاوع خالد وهو عارف بعلته
وصل لباب الملحق / يله يا بوك عروسك قدامك
دخل وهو ينتفض وريحة البخور والعطور دخلت براسه رفع راسه شاف غرفه شك انها غرفة العروس
دخل شاف بنت لابسه فستان ابيض يوصل لركبه وعاري حس ان رغبته تحركت بعد ما نامت 10 سنين استغرب من نفسه وفرح كثير
قرب منها وبدون تفاهم وكانه ما صدق عقدته تنحل وبطريقه وحشيه وهمجيه سحبها من غير لا يسمح لها بالاعتراض دخلها بالسرير واطفا فيها رغبته النايمه الي صحت مع العروس الجديده
بعد ما خلص حس بالقوة بعد الضعف فرح برجوع رجولته من جديد
التفت لعروسه شافها تنتفض خوف بسبب طريقته المتوحشه
تاملها بعد ما خذ حاجته منها جمالها اقل من عادي وشعرها مجعدته تعتبر قبيحه مقارنه لمنى الي كلها انوثه وجمال تهد اقوى رجال
سلطان بابتسامه وبوقاحه وبقسوة / ليش تبكين مو هذا الي متزوجين علشانه تمتعيني وامتعك فكينا من البكي الي ماله لزوم
ندى منزله راسها ووجها احمر من القهر والضيقه تحس نفسها بنت ليل متزوجها لقضاء شهوته بدون مراعاة لنفسيتها وكونها ما تعودت على لمس الرجال غصب نزلت دموعها استحقرته وستحقرت نفسها
ندى بقوة / اخذت حاجتك مني ممكن اطلقني
سلطان فرح كان بيطلع من البيت ومستحيل يرجع هي وسيله لصحوة غريزته المدفونه وخلاص بيرجع لمنى كان بقلبه حسرة وهو يشوفها بقمة الاغراء وهو عاجز قدامها
سلطان بقسوة / خلاص يا بنت الناس بطلقك لاني متزوج واحب زوجتي
استحقرته اكثر لما درت انه متزوج على زوجته بالخش وخايف من زوجته
ندى باصرار / الحين اطلقني وبالثلاث وثبتهم عند الشيخ لاني مستحيل اعيش معك
سلطان طالعها / لك الي تبينه يا بنت الناس
وقف ودخل الحمام واخذ شور وطلع لبس ملابسه
والتفت عليها / انتي طالق
طلع من عندها وهو محطم وحده مالها ذنب الا انها رضت تكون زوجة مسيار
صارت تبكي بحرقه حست بالاهانه والاذلال
ندى بصراخ وبصوت باكي/ عساك الموت يالحيوان كله مني الي رضيت لنفسي اني اصير بنت ليل ياخذ منها الي يبيه ويرميها مثل الزباله يا لكلب يوم اخذت حاجتك قلت احب زوجتي
الله يسامحك يبه الله يسامحك يا ليتني ما طعتك
عند سلطان
ركب سيارته مبسوووووط بيفاجئ منى
يا كثر ما شتهاها ولقى نفسه عاجز قدامها
منعها من لبس القمصان المفسخه لانها اذا لبستها تذبح وتوجع الحين رجعت له ثقته بنفسه
دق جواله شاف رقم خالد له الفضل بالسعاده الي يحس فيها
سلطان بفرح / هلا خالد شلونك
خالد بصدمه / مسرع ما خلص مسيارك
سلطان بابتسامه / لا وابشرك طلقتها
خالد بصدمه / مسرع ما شبعت منها
سلطان بحب / عندي الي مكرهتني بالحريم ومستحيل القى مثلها وهي مكفيتني ومغنيتني عن صنف الحريم وش حقه طاوعتك مادري
خالد بسخريه / الحين تقول الكلام بعد ما دخلت على بنت الناس
سلطان بصدق / ما عرفت قيمة زوجتي الا بعد ما شفت وجربت غيرها
خالد مستغرب / يمديك تحلل شخصيتها
سلطان بطفش / فكنا من سيرتها ويا ليت تنسى الجنون الي سويته
خالد بجديه / وش بتقول لابوها لسالك سبب طلاقك من بنته
سلطان بقرف / حرام يكون ابو زوجني من غير لا يسال عني لو كنت داشر قال ايش بيستر بنته مع واحد من الشارع هذا درس له علشان يحرم يرمي بناته بالمسيار
عند ماجد
بعد ما تعشى مع بناته جالس معهم عند التلفزون قرر يرجع عند زوجته
ماجد / ريمااا بروح عند امك
ريما بحزن / بابا بنروح معك مشتاقين لماما
ماجد حس بحزن بنته / ماما تعبانه والحين نايمه وبعدين عمه بتجي رتبو لها الغرفه بتنام معكم
ريما بفرح / طيب متى بتجي عمه
ماجد باس خد بنته / الحين بطياره يمكن الصباح تكون موجوده
طلع وصل لشقة ناصر ودق الجرس
عند نوف
مختنقه من جو الشقه ومتضايقه من الوحده بالعاده لسافرو عيالها تنشغل بامتحاناتها ومتجلس بالبيت الا كانت ترهق نفسها عن التفكير بعيالها لكن الحين بعد موت ناصر مضطره تجلس بشقتها لين تخلص العده واكيد لا ستمرت كل هالفتره محبوسه بالبيت بتنجن وبيصير لعقلها شي من التفكير
سمعت صوت الجرس وقفت بضيقه مشت لعند الباب
نوف بصوت حزين / مين
ماجد بحيا / انا ما جد جاركم اذا ما عندك مانع تجلسين عند بناتي انا بطلع وبنام برى عند زوجتي المريضه
نوف فرحت على الاقل تغير من جو الشقه الكئيب
نوف بجديه / طيب يا ليت بنتك تجي لعندي علشان اجي معها ويا ليت قبل لا ترجع تتصل على بنتك علشان ارجع لشقتي اتوقع تعرف ظروفي
ماجد / ا ن شاء الله
رجع لشقته وهو عند باب الشقه نادى بنته / ريما تعالي
وقفت ريما وركضت لابوها / نعم بابا
ماجد بابتسامه / اذا نزلت تحت طقي على جارتنا وقولي لها تجي عندكم
ريما بفرح / طيب بابا
ركضت قبل لا ينزل ما جد الي فرحان لفرح بنته شافها اطق جرس شقة ناصر بسرعه نزل
عند نوف
سمعت الجرس كانت قريبه من عند الباب
نوف بضيقه / نعم
سمعت الصوت الطفولي / انا ريما جيت اعزمك عندنا
افتحت الباب لها بابتسامه / يا هلا بريومه
ريما بابتسامه / ريومه
نوف بدلع طفولي / مو صرنا صديقات اكيد بدلعك وانتي لازم ادلعيني
ريما بابتسامه / طيب شنو دلعك
نوف باستها على خدي / ابي ادلعين اسمي دلع خاص ويذكرني فيك
ريما وهي تفكر / نفنوفه
نوف / هههههههههه طولتي اسمي لكن يجنن خلاص من اليوم انتي ريومه وانا نفنوفه
نوف حست براحه تحب الاطفال حب فوق الخيال وتعرف تتعامل معهم وتكسبهم
ريما / طيب يله تعالي شقتنا
طالعت بلبسها كانت لابسه بجامه
نوف بابتسامه / يله ادخلي داخل انتظريني لين اغير لبسي
ريما دخلت وعيونها على نوف / طيب
بعد دقائق طلعت لها نوف لابسه فستان طويل اسود فيه نقط بالابيض ولبست تحته بلوزه سوداء كم طويل وحجاب اسود
ريما واضح من عيونها مبهوره بجمال نوف الي تشوفه خيال
نوف كاشفه نظرتها قربت منها وبابتسامه / ليكون لبسي ما عجبك
ريما بصدق / الا تهبليييييييييين وتاخذين العقل
نوف باستها على خدها / اكيد ماني باحلى منك
ريما انبسطت وابتسمت من المدح ارضت غرورها
نوف تاكدت من بنتها ووصت عليها المربيه وطلعت معها لشقتهم
في شقة الفساد
كان المكان كله رقص وخمور جالس مع صديقه متضايق
عامر بطفش / نبي شغل محلي اليوم كله اجنبي
مروان بضيقه / اليوم ضيعت وحده دمااااااااار بسبة غباء اختي
عامر بوقاحه / اكيد بتجيبها هنا
مروان بوقاحه / اول افتحها واذوقها وبعدين ارميها عليكم مثل غيرها
عامر بزعل / انت لازم الي تذوق قبلنا
مروان بوقاحه / تعرفني ماحب يذوق احد قبلي لازم استطعمها بعدها ارميها لكم
عامر بجديه / طيب متى بتستخدم البودره الي جبتها لك
مروان بجديه / المفروض اليوم لكن الغبيه عصبتني وهونت عن السالفه
عامر بوقاحه / انت تعصب وتحرمنا ترانا عايشين على مكاسبك
مروان تفكيره بديما تذكرها وهي ترقص وبالاحمر العاري والروج الاحمر اشتعلت غريزته الشيطانيه
لا شعوري رفع جواله واتصل على جوال ديما الي ماخذه من اخته
عند ديما
بعد ما طلعت خالتها ومرام جلست كانت بالصاله جنب جدتها وخالها صقر
سمعت صوت جوالها شافت الرقم غريب طنشت صار الاتصال متكرر ومزعج
صقر باستغراب / ليش ما تردين على جوالك ازعجنا
ديما بصدق / رقم غريب والارقام الغريبه مارد عليها
صقر بجديه / ردي واذا طلع واحد لعاب عطينيه احرمه يتصل مره ثانيه
ديما استجابت لخالها وبصوتها الناعم خلقه / الو
مروان بصوت ذايب / فديت الالو
ديما اشرت بعيونها لخالها انه واحد لعاب سحب صقر الجوال وسمع صوته واضح انه سكران
مروان بصوت ذايب / اويلي صوتك ذبح قلبي
صقر بعصبيه / انا الي ذابحك ودافنك مكانك
مروان فز من الصوت الرجولي ونرعب من التهديد وطاح الجوال من يده بخوف وانرعب وقفل جواله
صقر بعصبيه / عالم ما تستحي اذا اتصل عليك هالرقم لا تردين عليه شباب صايع ضايع وبيضيعون بنات المسلمين معهم
ام صقر / حسبي الله عليهم ما يدرون ان الي يسونه مردود لاهاليهم
صقر بقهر / هذولاء باعو الدين ومشو وراء الشيطان الي بيضيعهم
ام صقر / الله يحمي بناتنا من شرهم
ديما وصقر / امين
عند مروان
بعد ما قفل من صقر وكل خليه فيه تنتفض خوف متاكد ان الي رد عليه خالها الضابط حمد ربه انه مكلمها بجوال بدون اسم ولا كان راح وراء الشمس
عامر بخبث / وش قالت لك خويتك خلتك تقلب
مروان بحقد / الكلبه عطت الجوال خالها وطيرني بصراخه
عامر / ههههههههههههه زين سوت فيك
مروان تمسك اكثر بديما وصارت تحدي لازم يكسبه
عند سلطان
وصل البيت وهو فرحان دخل غرفته وهو ناوي يفاجئ منى
شافها نايمه قرب منها اكثر وانسدح جنبها وعيونه عليها و عيونه التهمتها بتعطش
قرب منها وسحبها لحضنه الي مهجور منها 10 سنين حضنها بقوة وصار يطبع بوساته على خدها ورقبتها وقرب من فمها وباسها
منى فزت خايفه فتحت عيونها برعب خافت انها بحضن حرامي وكانت صدمتها انه سلطان بعدته عنها وهي مصدومه وعدلت جلستها
منى بصدمه وخوف / سلطان وش فيه
سلطان وهو ذايب / ابيك
منى بخوف وبارتباك / شلون تبيني
سلطان وقرب منها كثر وحرارة انفاسه تعانق خدها / مثل أي زوج يبي زوجته
منى متفاجئة / طيب شلون وكيف وش الي تغير
من غير لا يحس وبلا وعي / تزوجت مسيار ونفكت عقدتي وطلقتها ورجعت لك
منى فزت مثل المقروصه وحست بقهر وضيقه / والله يا سلطان ما تلمسني من بعد ما لمست غيري وروح للي سيرت عليها انا ماااااااااااااااابيك
سلطان صحى على نفسه وانقهر شلون فضح نفسه بنفسه
سلطان بصوت تعبان واصل حده / حرام تمنعيني وبتلعنك الملائكة
منى بقوة / علشان ما تلعني طلقني مطنشني عشر سنين وبسبب نزوتك جيتني تبي قربي لهدرجه احتاج لوحده تغريك علشان تلمسني لهدرجه ما فيني انوثه وفتنه
سلطان انقهر منها وبيقهرها / ايه لقيت الي استثارتني ورجعت لي رجولتي الي ماتت عندك
منى ببرود / عادي عشت عشر سنين بدون قربك بكملها طول العمر بدون قربك انت بتكون ابو عيالي واذا بتحي رجولتك سامحه لك بالزواج
سلطان بعصبيه / اذا تزوجت لا تجين تبكين وتشكين وتزعلين وتروحين لهلك
منى ببرود / وعد علي مراح ابكي واشكي وقدام الكل متزوجين ولي بتتزوجها بتفكني من ذنبك
سلطان بيقهر / اجل بجيب زوجتي المسيار عندك بالبيت ولا اطلعي لفلتك
منى بنفس البرود / حياها الله وقولي لا جبتها بضيفها وبقوم بواجبها
سلطان تاكد ان منى ما تحبه ولا عمرها حبته حارمته انه يحس انها تغار عليه قرر يضغط على نفسه ويرجع لتدى ويرجعها وبيقهر منى فيها
سلطان بيقهرها / وليش استنى لبكره الحين بجيبها
مسك مفاتيحه وطلع لبيت ابو ندى وهو مقهور متضايق طق الجرس
فتح له ابو ندى معصب / لك وجه تجي بعد ما طلقت بنتي وكسرتها
سلطان بارتباك وخوف / ياعم بنتك الي قالت طلقني وطلقتها والحين جاي ارجعها وتكون زوجتي قدام الكل
ابو ندى بفرح / خلاص يا بوك ادخل الملحق وبرد قلبها بكم كلمه البنت كسرتها
دخل سلطان للملحق الي كان مستحيل يدخله لكن منى قهرته ولازم يربيها شافها راميه نفسها على السرير تبكي
قرب منها وبارتباك / تعالي معي شقتي
رفعت عيونها فيه وكلها دموع وبحقد / اطلع معك شقتك وانت مطلقني
سلطان بضيقه / تعتبر طلقه وحده واقدر اردك وبدال ما كان مسيار الحين بيكون قدام الكل
ندى فرحانه / طيب وش الي غير رايك
سلطان بقهر / لاني عرفت اني غلطت بحقك وانا ما يناسبني المسيار والحين بتطلعين معي شقتي وبتسكنين معي فيها
ندى بصدمه / اسكن مع زوجتك
سلطان بضيفه / عندها خبر ولا تخافين منها مراح تضرك
ندى بخوف / مابي اسكن معها خلنا بالملحق
سلطان بطفش / يابنت الحلال انا على قد حالي ما قدر استاجر لك شقه وعند اهلك ماني بمرتاح ووعد زوجتي مراح تقول لك شي
ندى غصب عنها لازم اطيعه مو من مصلحتها تعاند ويتم الطلاق وتنفضح بطلاقها
ندى / خلاص برتب اغراضي وبطلع معك
سلطان بنفسه فرح / الحين اقدر اكسر غرورك يا منى وتشوفين الي اثارتتني وحده اقل منك جمال بشوف وش بتسوين
طلع من بيت اهل ندى ومعه زوجته ركب سيارته راجع للبيت
عند نوف
دخلت شقة ماجد انبسطت وهي تشوف ميار قربت منها وشالتها وحضنتها وشافت حنين طالعه من غرفتها قربت منها حنين بابتسامه خجوله وباستها نوف
نوف بابتسامه / وش اسم الحلوه
حنين / حنين
نوف بابتسامه / حنونه شخبارك
حنين بحياء / الحمد لله انتي كيفك
نوف بابتسامه / الحمد لله مبسوطه كثير اني تعرفت على صديقات جدد
وطالعة بميار وباستها على خدها والكتكوته هذي وش اسمها
ريما بابتسامه / ميار
نوف بحب / ميور فديت قلبها يا ناس اتجنن
ريما بحيا / خالتي ادخلي
دخلت وهي شايله ميار وجلست على الكنب
نوف بزعل / ما بي خالتي انتي وعدتيني ادلعيني بنفنوفه
ريما بابتسامه / نسيت نفنوفه
نوف وعيونه على حنين / وانتي دوري دلع يختلف عن دلع ريما
حنين بابتسامه / نوفه
نوف بابتسامه / الله حلو دلعك كل وحده فيكم تنادي بدلع الي اختارته لي وانا بناديكم بدلع الي اخترته لكم اتفقنا
ريما وحنين / اتفقنا
دقائق ودخلت عليهم الشغاله جايبه العصير مدته لنوف اخذته منه
نوف بابتسامه / شكرا
الشغاله بابتسامه اعجاب / ......
ورجعت المطبخ ونوف اجلست تسولف مع ريما وحنين سوالف طفوليه البنات ارتاحو لها وصارو يتعاملون معها كانه كبرهم
طالعت بساعه لها ساعتين عندهم / اسمحولي لازم اطلع لشقتي اشوف بنتي
ريما بزعل / اجلسي معنا ما طولتي
نوف بحنان / وعد اجيكم مره ثانيه اليوم زيارتي تعارف والمره الجايه بنلعب فكرو بلعبه نلعبها اذا جيتكم
عند منى
بعد ما طلع من عندها سلطان صارت تندب حضها على الي قالته له لكن بداخلها ما هتمت لانه ماله أي وجود بحياتها زول رجال وبيبقى زول زواجه مراح يغير شي وخله ينبسط مع زوجه يكون اول بختها
سمعت صوت الباب تاكدت انه هو
طلعت شافت وحده كتله سود واضح عليها الخوف قربت منهم
سلطان يطالع منى بيقهرها / هذي زوجتي
منى بابتسامه مرسومه باحكام / يا هلا فيها
سلطان طعنته بكلماتها أي رجال يتمنى زوجته تغار عليه
منى قربت من ندى
منى بابتسامه / حبيبتي لا تخافين مني وباذن الله مراح يجي مني ضرر
ووعيونها على سلطان بسخريه / لانك زوجة الغالي
اليوم بتنامون بالمجلس وبكره باذن الله بانقل لغرفة بنتي وبفضي لكم غرفتي
سلطان وصل حده من القهرالسالفه انقلبت عليه بدال مايقهرها اقهرته واوجعته بكلامها وده يفجرها لهدرجه مسترخصته وما صدقت تنفك منه
سلطان بنفسه / استاهل من متى ولي وجود بحياتها مستغنيه عني بكل شي مستحيل بتفقدني
عند ندى
شافت منى انصدمت وانبهرت من جمالها الي ما تجي ربعه ارتاحت من كلامها وواضح على وجها الطيبه
عند منى
عيونها على ندى وهي بالعبايه والنقاب وعندها فضول تشوف الي صحت رجولة زوجها النايمه
منى بابتسامه / شيلي عباتك البيت بيتك والي فيه محارم لك
شالت ندى نقابها على نظر منى ارتاحت كثير وهي تشوف زوجته اقل منها بكل شي وانقهرت ان هذي الي قدرت تثيره وترجع له رجولته مثل ما يقول
منى بنفسها / اعوذ بالله منك يا بليس بدت حركات الضراير هي مالها ذنب الذنب ذنب اهلها الي رضو لها بزوج المسيار والبنت شكلها طيبه
منى بابتسامه / تعشيتي ياعروس
ندى بحيا / لا ما شتهي
منى باصرار / والله ما تنامين الا متعشيه انتي جايه بيت كرم واجبك علينا نكرمك ونضيفك
تركتهم منى ودخلت المطبخ فتحت الثلاجه وطلعت بعض زود عشاء اخوها وصديقه وكان جديد محد لمسه سخنتهم ووزرعته بصحون حلوه وحطته على الطاوله واخذت الحلى من الثلاجه وقطعته وحطه جنب العشاء وصار شكل الطاوله مرتب بشطاره
عند سلطان
بعد ما تركته منى ودخلت المطبخ مقهور من نفسه ان ماله قيمه عند زوجته ام عياله
حس باختناق منها وهي تهلي وترحب بالي اخذته منها وفوقه بتكرمها وتضيفها حس بالاهانه لكن هو الي جابه لنفسه ولازم يكمل التمثيليه السخيفه
يطالع بندى وبدون نفس / اجلسي بطولين واقفه
ندى قربت من الكنب ونزلت عبايتها وجلست
كانت لابسه فستان قصير لركبه خيوط وشعرها مجعدته ومكياجها ناعم كثير
طلعت لهم منى وتفاجئت من لبس ندى لكن اسكتت لازم تقول لها عن لبسها في بيتها مراهق ما يصلح يشوف هالشغلات او تقول لتيس زوجها يقولها اكيد مراح تتقبل منها
منى بابتسامه / يله ياعرسان العشاء جاهز واسمحولي بدخل غرفتي بنام
والتفتت لندى لي جالسه مصدومه من طيبة منى
منى بابتسامه مرسومه / واذا خلصتو اتركو الاغراض مثل ما هي الشغلات بيشيلونها
تركتهم ودخلت غرفتها
عند ندى
دخلت منى بقلبها وعلى حركتها الي توضح طيب اخلاقها مستحيل أي وحده تستقبل زوجة زوجها مثل ما ستقبلتها منى وراح تبين لها انها مثلها بنت اصول وبترد لها الطيب باطيب منه
قامت مع سلطان وتعشو ساكتين ندى تاملت ملامح سلطان ملامحه هاديه كانت عيونه بصحنه
سلطان تفكيره بمنى مقهور ويغلي منها يحبها لكنه بارد ما يعرف يعبر عن مشاعره وفوق كل هذا دفش باسلوبه اوجعته بتصرفاتها الليلة كان فرحان ان عقدته انحلت وبيعوضها صبر السنين ومن غبائة زل لسانه وقال الصدق عمره ما كذب ولسانه رافض الكذب اعترف لها بالصدق والحين بيدفع ثمن صدقه
رفع عيونه التقت عينه بعينها المشكله انه ما يعرف اسمها ومستحي يسالها
سلطان ببرود / ليش ما تاكلين
ندى بصدق / ابي افهم الي عنده زوجه مثل زوجتك كامله والكامل وجه الله ليه يتزوج عليها
سلطان بنفسه / لاني اكبر غبي واكبر حمار اني مشيت وراء كلام خالد وكسرت ام عيالي بزوجه اقل منها بكثير لكن الحين لو اموت مستحيل تسامحني او بتقربني منها قربها الي مشتهيه ومتشفق عليه من زماان
سلطان جاوبها / ام عيالي محبتها بقلبي زواجي مراح يقلل من هالمحبة لكن فيه ظروف اجبرتني اتزوج
ندى تمنت انها ماسالت
عند منى
دخلت غرفتها وقفلت الباب بالمفتاح وسمحت بدموعها تنزل داخلها نار كاويتها مو حبا او غيره على سلطان لكن بزواجه حطم انوثتها وكسرها
قربت من المرايه وتاملت شكلها الي يشوفها يعطيها بالثلاثين الجسم سبحان من خلقه مخصر كانها ما ولدت تشوف نفسها قمه بالانوثه لكن هذي الانوثه انعمى عنها سلطان وماثارته االي اثارته وحده اقل منها بالانوثه والجمال
منى بصوت باكي / لا تبكين يا منى ولا تظلمين بنت الناس من متى سلطان له وجود بحياتك بتفتكين من نقه ومعايرته لي انه ماخذني بعد رجال الحين تساوينا والحمد لله ربي مغنيني عنه كلها كم اسبوع وانقل لفلتي واتركه وياها بحريقه
عند سلطان
قام من طاولة الطعام ولا طب الاكل حلقه حاس بغصه وقهر
طالع في ندى بحسره كاره ينام معها مستغرب شلون هذي اثارته
تاملها كانت قصيره وسمره وعيونها صغير وخشمها شوي كبير وفمها كبير
نفسه يصرخ ويبكي ويندب حضه هو مثل الي بدل غزلانه بقرود
سلطان ببرود / خلصتي
ندى بحيا / ايه
سلطان بضيقه / تعالي ادلك ماكان نومنا
وقفت ندى وصلت للمغسله غسلت فمها ومشت وراه دخلت مجلس الحريم كانت كنب تلفتت مافيه مفارش
سلطان بضيقه / بدخل ادور لنا مفارش
وصل لغرفة منى فتح الباب كان مقفل
سلطان بنفسه بقهر / بديتي عقابي يا منى وبتمنعيني منك
طق الباب
كانت منى داخل منسدحه على سريره ودمعتها على خدها سمعت صوت الباب
بصوت حاولت يكون طبيعي / نعم
سلطان بضيقه / ابي مفارش ولا تبين تنوميا على الارض
مسحت دموعها ودخلت غرفة التبديل وطلعت مفارش ومخاده
وفتحت الباب ومدتها على سلطان اخذها وعيونه على منى
لا حظ عيونها الحمراء المنفوخه واضح عليها البكي حس بانتعاش لروحه اكيد انها متاثره من زواجه لكنها تكابر وكل الي سوته تمثيل حس بفرح
سلطان بابتسامه / ليش تبكين
منى بضيقه / ما بكيت كنت نايمه وصحاني طقك على الباب وبعدين مافيه شي يستاهل اني ابكي عليه
انقهر من ردها رجع للمجلس مد المفارش لندى ابسطتهم على الارض انسدح وانسدحت جنبه عرضها ظهره وتفكيره بعيد عنها عند الي ما بان غلاها الا بعد ما حقرته
عند ام سالم
بعد ما خلصت العشاء مع اختها طلعت لصاله ماكان فيه احد
ام سالم / يله بنطلع للغرفه بنام شكلي سهرتك الليله معي
ام فواز / النوم مسدد عيوني يله بنام
طلعت غرفتها وانسدحت بسريرها واختها انسدحت جنبها من الارهاق نامو
عند تركي
بعد اربع ساعات وصلت الطياره لمطار فرنسا نزلو وصلو لمكان الشنط اخذو شنطهم وركبو تكسي ووصلو لفلة ناصر نزل تركي وماجد الشنط من التكسي وحاسبه تركي ومشى
ودخل الفله مع عيال اخوه تامل الصاله اعجبته كثيررر كان كل شي فيها راقي واشد انتباهه التحف والمجسمات المنثوره باجزاء البيت ( هذي اعمال نوف )
وشوق واخوانها تاثرو لما شافو البيت خالي من امهم وابوهم
التفت تركي لاخته وبصدمه / وينها امي
شوق وعيونها على عمها / عند اخوها بالجنوب
تركي بستغراب / من متى عندنا خال عمرنا ما شفناه
شوق بضيقه / لما درى ا ن امي وحيده جاء لهنا واخذها
ماجد بضيقه / مشتاقين لها نبي نشوفها
تركي اخو ناصر بتعب / شوق ابي غرفة انام فيها
شوق بجديه / ادخل غرفة ابوي
تركي في نفسه / هذا الي ناقصني انام بمكان نامت فيه امكم العله
تركي بجديه / مابي انا في غرفة ابوك
شوق مستغربه / ليش ما تبي تنام
تركي بقرف / ما يصلح انام بمكان امك نامت فيه
شوق بحزن / تطمن هذي غرفة ابوي لحاله امي تنام معي
تركي بعدم اهتمام / وينها غرفة سالم بنام فيها
شوق وهي تعبانه ومنهد حيلها / سالم ينام مع تركي واذا تبي تنام بلحالك عندك غرفة ابوي
تركي بتعب / وديني أي مكان وخلصيني بنام
مشت قدامه ولحقها دخلته لغرفة ابوها
دخل وقفل الباب وراه ودخل السرير ومن الارهاق نام بملابسه
العيال دخلو غرفتهم ونامو وسمر وسحر وماهر وفارس اخذتهم شوق معها غرفتها
اول ما دخلت غرفتها الي تجمعها مع امها بذكريات حلوه بكت بدون صوت ما تبي تخوف خواتها نومت ماهر وبعده نام فارس
ودخلت الحمام اخذت شور ولبست بجامتها الي كانت بالدولاب ودخلت بسرير امها وحضنت المخده وصارة تبكي بحرقه
عند نوف
طلعت من شقة ماجد ودخلت شقتها دخلت الغرفه شافت بنتها نايمه والمربيه نايمه دخلت الحمام اخذت شور ودخلت بسريرها
نوف في نفسها / بسم الله الرحمن الرحيم وربي احس بوجود عيال واشم ريحتهم وقفت متشككه انهم بشقه صارت اور عليهم لكنها ماشافت احد
نوف بصوت باكي / ااااااااااااه من كثر شوقي لكم صرت اتخيل وجودكم واشم ريحتكم يارب تمضي هالايام على خير ويرجعكم لحضني
رجعت لغرفتها وانسدحت على سريره وصارت تبكي وتون بحرقه مشتاقه تشوف عيالها وتطمن على حالهم وهي متاكده ان شوق ما تتكلم وسالم منهار تبي تطمن عليهم طالعت بالساعه كانت 3 الفجر
قامت من السرير وفتحت الدولاب واخذت الجوال وشغلته واتصلت على رقم سالم كان مغلق
واتصلت على جوال ناصر وقلبها يرجف خوف من تركي
سمعت الجوال يدق ومافيه رد اتصلت مره ثانيه
عند تركي
كان نايم ازعجه صوت جوال رفع جواله كان صامت ورفع جوال اخوه وانصدم بسم البقره تتصل
رفع الجوال وجنون الدنيا قدام عيونه وبعصبيه / الو خير
نوف بصوت موجع محروق / ابي اتطمن على عيالي
تركي بعصبيه وبقسوة / مالك عيال عندنا لو تحبين السماء ما شفتيهم تدرين ان ولدك سالم بغيبوبه بسبت فضيحتك
نوف بانهيار كامل وبكاء هستيري / بغيبوبه يويل قلبي عليك ياولدي
تركي بقسوة / خلي حضن زوجك الي بعتي عيالك علشانه ينفعك
نوف ما صارت تسمع شي الي صار يتكرر باذنها / ان ولدها بغيبوبه وهي بعيده عنه
تركي ما صار يسمع الا بكاء وهذا الي اشفى غليله فيها سكر الجوال بوجها
طالع بساعه كانت ثلاث
تركي بحقد / الله يا خذك احد يتصل هالوقت طيرتي النوم من عيني
عند نوف
رمت نفسها على سريرها وتبكي بوجع وحرقه عاجزه تتصرف وتطمن على عياله وتكون جنب ولدها
صارت تدعي بصوت باكي محروق / اللهم إني أسألك يا فارج الهم ويا كاشف الغم مجيب دعوة المضطرين رحمان الدنيا و الآخرة ورحيمهما ارحمني رحمة من عندك تغني بها عن رحمة من سواك ،اللهم اكشف ضري يا مفرج الهموم( لا إله إلا أنت سبحانك إني كنت من الظالمين).
يارب انك ترى ضعفي وقلة حيلتي فإني ضعيف ذليل متضرع إليك مستجير بك من كل بلاء مستر بك فاسترني يا مولاي مما أخاف وأحذر وأنت أعظم من كل عظيم.
بعد ما خلصت دعاء حست براحه مافيه اعظم من رب العالمين تشتكي له تغصبت على النوم ونامت
عند ماجد
كان بالمستشفى جاه اتصال من جوال اخته سميه
سميه / الله يهداك ماجد وينك لي ربع ساعه واصله
ماجد / سامحيني ياختي الحين جايك
سميه / امانتك لا تسرع بنتظرك وش وراي
ماجد / ا ن شا ء الله
طلع من المستشفى ركب سيارته بطريقه للمطار
وصل للمطار شاف اخته تنتظره كانت لابسه بنطلون جنز فضفاض وبلوزه كاروهات كحلي وابيض كم طويل فضفاضه توصل لركبه وحجاب ابيض
وصلو مكان الشنط اخذو الشنط طلع ركب سيارته تذكر ان زوجة ناصر عند بناته رفع جواله وتصل على ريما
ماجد / ريما جارتكم عندكم
ريما بزعل / لا طلعت من شوي
ماجد / انا جاي مع عمه
ريما بابتسامه / بسرعه لا تتاخر
ماجد / ا ن شا ء الله
قفل من بنته ما جد يكلم سميه / اخبار الرياض واهلها
سميه بابتسامه / تسلم عليك
ماجد بابتسامه / الله يسلمك ويسلمه
وصلو شقة ماجد فتح الباب ودخلو واريما وحنين ركضو لعمتهم احضنتهم
سميه حاضنه كل وحده بيد بحب / شخبار حبيبات عمه
ريما بابتسامه / الحمد لله
حنين / مشتاقين لك عمه
سميه تبوسهم بحب / وانا اكثررررررر وينها ميار
ريما / نايمه
ماجد بحب / يا خوك ادخلي الغرفة مع البنات ونامي وارتاحي من السفر
سميه بجديه / ماجد ولي يعافيك لا تنسى ابي شناطي ببدل ملابسي
ماجد / ا ن شا ء الله
طلع ودقائق دخل بشنط ابتسم لاخته / شكلك ما تركتي شي بالرياض
سميه بابتسامه / اخذت شغلاتي الي ما ستغني عنها وشتريت هدايا لحبيبات عمتهم
حنين بفرح / ابي اشوف هديتي عمه
سميه مدت لهم الشنطه الكبيره / انا تعبانه بنام وهذي كلها لك ولاختك
ريما ساعدت اختها بدف الشنطه دخلتها غرفتهم
ماجد بحزن / ما قصرتي يا سميه ما تدرين اش كثر حاجتي لك الله يريحك مثل ما ريحتيني
سميه تمسح على كتف اخوها / لا تقول هالكلام انت اخوي والي سويته واجب علي
اهم شي يا روحي لا تضايق نفسك وباذن ربي تفرح بشفا نوره
ماجد بحرقه / يارب لكن قلبي مو مطمن وجسمها رافض يتقبل العلاج والورم كل يوم يزود
سميه بحنان / ارمي همومك لربك بيفرجها ا ن شاء الله
ماجد / ا ن شاء الله ادخلي نامي بطلع للمستشفى بنام عندها
سميه بحنان / وجودك وارهاقك مراح يغير شي
ماجد بحزن / كذا مرتاح يله مع السلامه
طلع وسميه دخلت غرفة البنات وابتسمت وهي تشوف فرحتهم وحوستهم لشنطه قربت من شنطتها فتحتها وطلعت قميص قطني اكمام طويله الجو بارد
دخلت الحمام اخذ ت شور ورجعت للبنات شافتهم مشغولات بتقسيم الهدايا
دخلت بالسرير / يا بنات عمه تعبانه بتنام قفلو النور والصبح كملو فتحكم للهدايا
ريما بفرح / مشكوررره عمه
سميه بتعب / يله نامو ما بقى شي على الفجر
حنين قربت من عمتها / عمة انتي نايمه على سريري وين انام
سميه بابتسامه / تعالي يا عيوني نامي بحضني
حنيني بفرح / بالبس بجامتي وبنام معك انتظريني لا تنامين
سميه بتعب / لا طولين انا دايخه
ريما دخلت سريرها وميار كانت نايمه بسريرها
دقائق ودخلت حنين لابسه بجامتها قفلت النور ودخلت بحضن عمتها ونامت
عند تركي
بعد ما قفل الجوال حس بضيقه ما يدري عن سبببها المفروض يفرح بعد ما برد قلبه بالي حرقته لكن صار العكس حاس بحزن وضيقه
دخل الحمام اخذ شور اخذ ملابسه من الشنطه لبس وطلع بالصاله كان البيت هادي والكل نايم
ما يدري وش يسوي تذكر وصية ناصر طالع بالساعه اربع الفجر
دخل غرفته اخذ جوال اخوه واتصل على جوال ماجد
عند ماجد
كان بالمستشفى شاف رقم ناصر ردت على طول
ماجد بلهفه / الو
تركي بجديه / شخبارك ماجد انا تركي اخو ناصر
ماجد بجديه / عرفتك شلونك وشلون عيال ناصر وشلونه سالم
تركي بجديه / كلهم بخير وسالم على نفس حالته الله يشفيه
ماجد بضيقه / امين الوصيه تنتظرك وبكره اخر يوم لعزا ناصر
تركي / الحين بفرنسا اقدر اقابلك الحين
ماجد بفرح / حياك الله انا الحين بمستشفى ال ...... تعال هناك والظرف معي بسيارتي
تركي / يله مع السلامه
قفل من تركي وطلع لسيارته واخذ الظرف من درج السياره وطلع لكفتريا بالمستشفى
عند تركي
بعد ما قفل من ماجد طلع وشاف سياره ببيت ناصر الخاصه بالسواق وفيه غرفة جانبيه برى قرب منها شاف عامل نايم تاكد انه السواق
طق الباب وصحى السواق / تركي قوم وصلني انا اخو ناصر
قام السواق وهو كسلان غسل وبدقائق طلع لتركي الي ينتظره برى
ركب السياره وعطى الوصف لسواق بعد ربع ساعه كان واقف قدام المستشفى
كلم ماجد وقاله انه بكفتريا المستشفى نزل من السياره ودخل الكفتريا كانت فاضيه شاف واحد جالس على طاوله تاكد انه ماجد وصل لعنده
تركي / الاخ ماجد
ماجد بابتسامه / وصلت
وقف وسلمو على بعض وجلس تركي مقابل ماجد
تركي بجديه / ما بي اعطلك عارف ليش جاي
ماجد بابتسامه / اول بطلب لك شي وبعدين بعطيك الظرف
تركي باستسلام / اذا ملزم عصير
وقف ماجد وجاب عصير لتركي بعد ما شرب العصير
تركي وهو على نار / الحين يا ليت تسلمني الظرف
مد ماجد الظرف له اخذه منه وقلبه يرجف خايف يفتحه وينصدم بوصيه ناصر
وقف تركي / يله مع السلامه اشوفك مره ثانيه
طلع تركي وماجد رجع لزوجته ركب السياره ورجع لبيت ناصر دخل مكتب اخوه وقفل الباب بالمفتاح بياخذ راحته بالقراءة الوصيه
قلب الظرف كان مكتوب بخط ناصر يسلم بيد تركي
فتح الظرف بايدين ترتعيش خوف وطلع الورقه فتحها
وتفاجئ من المكتوب داخلها كانت مكتوبه بخط ناصر
انا ناصر ال ........ اكتب هذي الوصيه قبل موتي واتمنى توصل لاخوي تركي قبل ان ينتهي عزاي
اتمنى منك يا تركي اذا تبي راحتي تنفذ وصيتي مثل ما طلبتها بدون زياده او نقصان
اولا / انقل كل ممتلكاتي بفرنسا وبيتي الي بالرياض ونصيبي بال شركه باسم زوجتي نوف ولقد ثبت البيع باورق رسميه عند محامي ال ..... رقم جواله ........
ثاني / وصيتي لك يا تركي عيالي اهتم فيه ولا تحسسهم باليتم وكون لهم الابو
ثالثا / وصاتي لك يا تركي تتزوج نوف وحلفتك بالله ما تدخل عليها وزواجكم يكون على ورق
رابعا / وصاتي لنوف ترضى بالزوج منك يا تركي واذا رفضت تنجبر على هذا الزواج اهم شي ما تتزوج غيرك
نوف اطلب منك تسامحيني وتبحيني وتحلليني من كل شي واطلبك واترجاك السر الي بينا يموت ويندفن بقبري لمصلحة عيالك
واخيرا اطلب من الكل يسامحني
وصيتي يا تركي لازم تنفذها اذا تبي لي الراحه بقبري
اخوك ناصر
بالبارت الجاي ردت فعل تركي بالوصيه
توقعاتكم
موعدنا باذن الله الاحد
اختكم نسايم نجد
|
01-04-11, 08:41 PM
جديد مواضيع قسم الارشيف
العرض العادي
